Глас 4, пяток
Краткое наименование:Вернуться назад
Октоих. Глас 4, Пятница
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 4:Егда́ тя распина́ема тва́рь вся́ ви́де, изменя́шеся и трепета́ше: земля́ же трясу́щися вся́ колеба́шеся, Долготерпели́ве Сло́ве, и заве́са церко́вная стра́хом раздира́шеся, досажда́ему Тебе́, и ка́мение распада́шеся от стра́ха, и со́лнце лучы́ скры́, Творца́ своего́ ве́дущи Тя́.
Ка́ко беззако́ннейший собо́р дерзну́ осуди́ти Тя́, Судию́ Безсме́ртнаго, зако́н да́вшаго в пусты́ни дре́вле Моисе́ю Богови́дцу? Ка́ко жи́знь вся́ческих на дре́ве зря́ще уме́ршую, ника́коже убоя́шася, ниже́ во уме́ помышля́ху, я́ко Ты́ еди́н Госпо́дь и Влады́ка тва́ри.
Растерза́ется рукописа́ние, е́же от ве́ка Ада́ма пра́отца, прободе́нием Твои́х ре́бр, Многоми́лостиве, и отринове́ное естество́ челове́ческое кропле́нием кро́ве Твоея́ освяти́ся, зову́щее: сла́ва благоутро́бию Твоему́, сла́ва Боже́ственному распя́тию Твоему́, Иису́се всеси́льне, Спа́се ду́ш на́ших.
На Кресте́ я́ко узре́ Тя пригвожде́на, Го́споди, А́гница и Ма́ти Твоя́ дивля́шеся, и что́ виде́ние сие́, взыва́ше, Сы́не вожделе́нне, сия́ ли Ти́ непокори́вый собо́р воздаде́ беззако́нный, и́же мно́гих Твои́х чуде́с наслади́выйся: но сла́ва неизрече́нному схожде́нию Твоему́, Влады́ко.
А́гнца и Па́стыря Тя́, я́ко ви́де на Дре́ве А́гница ро́ждшая, рыда́ше ма́терски, Тебе́ веща́ше: Сы́не Любе́знейший, ка́ко на Дре́ве Кре́стнем пове́шен еси́, Долготерпели́ве? ка́ко ру́це и но́зе Твои́, Сло́ве, пригвозди́шася от беззако́нных? и Кро́вь Твою́ излия́л еси́, Влады́ко.
Крестобогородичен,Я́ко узре́ Тя́, Го́споди, Де́ва и Ма́ти Твоя́ на Кресте́ пове́шена, дивля́шеся и взира́ющи глаго́лаше: что́ Ти возда́ша, и́же мно́гих Твои́х даро́в насла́ждшиися, Влады́ко? но молю́ся, не оста́ви Мене́ еди́ну в ми́ре: но потщи́ся воскресну́ти, совозставля́я пра́отца.
Стихиры на стиховне
Глас 4:Ору́жие непобеди́мое, Христе́, Кре́ст Тво́й на́м да́л еси́, и си́м побежда́ем прило́ги чужда́го.
Стих: К тебе́ возведо́х о́чи мои́, Живу́щему на небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Всегда́ иму́ще, Христе́, Кре́ст Тво́й на по́мощь, се́ти вра́жия удо́бне попира́ем.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Прославля́яйся в па́мятех святы́х Твои́х, Христе́ Бо́же, и от ни́х умоле́н быва́я, низпосли́ на́м ве́лию ми́лость.
Крестобогородичен,Не рыда́й Мене́, Ма́ти, зря́щи на Дре́ве ви́сяща Твоего́ Сы́на и Бо́га, на вода́х пове́сившаго зе́млю неодержи́мо, и всю́ тва́рь созда́вшаго: и́бо воста́ну и просла́влюся, и а́дова ца́рствия сокрушу́ кре́постию, и потреблю́ его́ всю́ си́лу, и у́зники изба́влю от злоде́йства его́, я́ко Милосе́рд: и Отцу́ Моему́ приведу́, я́ко Человеколю́бец.
Стихиры на хвалитех
Седальны
Глас 4:Искупи́л ны́ еси́ от кля́твы зако́нныя честно́ю Твое́ю Кро́вию, на кресте́ пригвозди́вся, и копие́м пробо́дься, безсме́ртие источи́л еси́ челове́ком: Спа́се на́ш, сла́ва Тебе́.
Глас 4:Ско́ро предвари́ пре́жде да́же не порабо́тимся враго́м ху́лящым Тя́, и претя́щым на́м, Христе́ Бо́же на́ш: погуби́ Кресто́м Твои́м борю́щыя на́с, да уразуме́ют, ка́ко мо́жет правосла́вных ве́ра, моли́твами Богоро́дицы, Еди́не Человеколю́бче.
Глас 4:Кре́ст и сме́рть за ны́, Бла́же, за безме́рную ми́лость во́лею претерпе́л еси́, и су́д непра́веден: я́ко да осужде́ния и дре́вния кля́твы все́х свободи́ши, ле́стию в тле́ние впа́дших. Те́мже и покланя́емся, сло́ве, Твоему́ распя́тию.
Светильны
Каноны
Кано́н честно́му и животворя́щему Кресту́, творе́ние Ио́сифово, глас 4 (основной)
И́н кано́н Пресвяте́й Богоро́дице, глас 4 (основной)