51 Глас 5, понедельник

Глас 5, понедельник

Краткое наименование:

51 Глас 5, понедельник

Октоих. Глас 5, Понедельник

Знак типикона: Вседневный
Праздник: святого


Чтения

На Утрени:

Апостол:

Евангелие:


Прокимен

Прокимен, глас :
Стих:


Аллилуарий

Аллилуарий, глас :
Стих:


Причастен


Тропари


Кондаки


Стихиры на "Господи, возвах"

Глас 5:

Пла́чу и се́тую го́рце, смотря́я стра́шное сло́ва воздая́ние, от де́л не имы́й отве́та и ма́ла проти́ву вине́, окая́нный. Те́мже молю́ся: пре́жде да́же не пости́гнет мя́ конца́ моего́ безме́стное, пре́жде пожа́тия сме́ртнаго, пре́жде суда́ стра́шнаго, пре́жде хотя́щу ми́ осужде́ние прия́ти, иде́же о́гнь негаси́мый, и тьма́ кроме́шняя, иде́же че́рвь, и скре́жет, и снеда́ет согреши́вшыя, согреше́ний ми́ да́руй избавле́ние, Христе́ мо́й, и ве́лию ми́лость.

Зако́ны Твоя́ и писа́ния презре́в, за́поведи Твоя́ отверго́х окая́нный, Бо́же мо́й, соде́телю мо́й, ка́ко избе́гну про́чее та́мошняго спа́се, муче́ния? Те́мже пре́жде конца́ моего́, Спа́се, проще́ние ми́ да́руй, сле́з ту́чу, и́стинное умиле́ние подая́, я́ко Бо́г Преблаги́й дале́че от мене́ отгоня́я полки́ бесо́вския, и́щущих низвести́ мя́ во а́дову про́пасть. Те́мже молю́ся Ти́, да не ру́ку Твою́ оти́меши от мене́ всемо́щную.

Увы́ мне́! ка́ко омрачи́хся умо́м: ка́ко удали́хся от Тебе́, и рабо́тах окая́нный греху́ и сла́сти пло́тстей себе́ всего́ стра́стный изда́х, жи́вшей во мне́ стра́стнем? и ны́не ожида́ю моего́ е́же от жития́ исхо́да, и хотя́щаго томле́ния бы́ти: Го́споди преблаги́й, пода́ждь ми́ сле́зное покая́ние, и разреше́ние безчи́сленных прегреше́ний мои́х. Ве́рно Тя́ молю́, подаю́щаго ми́рови ве́лию ми́лость.

Таи́нницы Богонача́лия честни́и, Трисве́тлаго и Единосу́щнаго Божества́, и́же пе́снь непреста́нно безпло́тными гла́сы и язы́ки о́гненными принося́ще, на́ша моле́ния и моли́твы принеси́те, я́же от усте́н скве́рных возсыла́ем, и оставле́ние прегреше́ний испроси́те: ве́сть бо не́мощь на́шу оболки́йся в ню́, и ми́лостив сы́й естество́м, моле́ния прии́мет ва́ша о рабе́х согреши́вших быва́емая, подая́й ми́рови ве́лию ми́лость.

Все́ а́нгельское мно́жество е́же влады́це моему́ приближа́ющееся, и того́ Боже́ственному престо́лу предстоя́щее со стра́хом, и исполня́еми неизрече́нным све́том, мене́ во тьме́ грехо́вней заблу́ждшаго наста́вите к све́ту спаси́тельному, повеле́нием Бо́га Ще́драго, тьму́ отжени́те мра́чную и чужду́ю кова́рных бесо́в, заступле́нием и благода́тию ва́шею: не терпи́т бо све́та прише́ствию, но отгоня́ется.

А́нгели све́тлии Бо́жии, предстоя́ще престо́лу благода́ти Боже́ственному, смире́ние су́щее и просвеще́ние и́стинное от све́та Боже́ственнаго восприе́млюще, на́с назира́йте с небе́с человеколю́бцы, в бу́ри лю́тых держи́мых, и бе́дствующих, и во тьме́ спя́щих. Прииди́те у́бо, о арха́нгели! На́м в по́мощь, и сете́й изба́вите на́с злонача́льнаго врага́: к ва́шему бо кро́ву прибега́ем вси́, прехва́льнии.

Богородичен,

Престо́л Херуви́мский вои́стинну, я́ко Превы́шши а́нгел бы́вши, в Тя́ бо Боже́ственное сло́во всели́ся, Чи́стая, на́ш о́браз обнови́ти хотя́: из Тебе́ проше́д плотоно́сец я́ко милосе́рд, Кре́ст и стра́сть на́с ра́ди прия́т, и воскресе́ние я́ко Бо́г дарова́. Те́мже я́ко премени́вшую на́с осужде́ннаго естества́, созда́телю ве́рою благодаря́ще мо́лимся, улучи́ти Твои́ми моли́твами прегреше́ний проще́ние, и ве́лию ми́лость.


Стихиры на стиховне

Глас 5:

Го́споди, согреша́я не престаю́, человеколю́бия сподобля́емь не разуме́ю: одоле́й моему́ недоуме́нию, Еди́не Бла́же, и поми́луй мя́.

Стих: К Тебе́ возведо́х о́чи мои́ живу́щему на небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.

Го́споди, и стра́ха Твоего́ бою́ся, и зло́е творя́ не престаю́: кто́ на суди́щи судии́ не бои́тся? Или́ кто́ уврачева́тися хотя́, врача́ прогне́вает я́коже а́з? Долготерпели́ве Го́споди, на не́мощь мою́ умилосе́рдися, и поми́луй мя́.

Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.

О земны́х все́х неради́вше, и на му́ки му́жески дерзну́вше, блаже́нных наде́жд не погреши́сте: но Небе́сному Ца́рствию насле́дницы бы́сте, прехва́льнии му́ченицы. Иму́ще дерзнове́ние к человеколюби́вому Бо́гу, ми́ру умире́ние испроси́те, и душа́м на́шым ве́лию ми́лость.

Богородичен,

Стра́шно и пресла́вно, и ве́лие та́инство, Невмести́мый во чре́ве вмести́ся, и Ма́ти по рождестве́ па́ки пребы́сть де́вою: Бо́га бо роди́ из нея́ воплоще́нна. Тому́ возопии́м, тому́ пе́снь рце́м, со А́нгелы воспева́юще: свя́т еси́, Христе́ Бо́же, и́же на́с ра́ди вочелове́чивыйся, сла́ва Тебе́.


Стихиры на хвалитех


Седальны

Глас 5:

Судии́ седя́щу, и А́нгелом предстоя́щым, трубе́ глася́щей, и пла́мени горя́щу, что́ сотвори́ши, душе́ моя́, ведо́ма на су́д: тогда́ бо лю́тая тебе́ предста́нут, и та́йная Твоя́ облича́тся согреше́ния. Те́мже пре́жде конца́ возопи́й судии́: Бо́же, очи́сти мя́, и спаси́ мя.

Глас 5:

Душе́, я́же зде́ вре́менна, та́мошняя же ве́чна: зрю́ суди́ще и на Престо́ле судию́, и трепе́щу отве́та. Про́чее со тща́нием обрати́ся, су́д непроща́емь.

Глас 5:

Безслове́сными мя́ страстьми́ преклоне́ннаго, и блу́дно житие́ мое́ ижди́вша, призови́, Спа́се, я́коже блу́днаго, и приими́, и объя́тия оте́ческая за милосе́рдие щедро́т распростри́ ми: и моли́твами безпло́тных дре́вней че́сти сподо́би.


Светильны


Каноны

Канон, творение кир Иосифа, глас 5 (основной)

Други́й кано́н безпло́тным. Творе́ние Феофа́ново, глас 5 (основной)


Житие