Глас 6, четверг.
Краткое наименование:64 Глас 6, четверг
Октоих. Глас 6, Четверг
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 6:Вели́ким та́йнам Бо́жиим служи́телие бы́сте, Богосло́вцы и Богови́дцы, ученицы́: и благода́ть исцеле́ний прия́сте, и все́м челове́ком боле́зни исцеля́ете.
Вели́кое прибе́жище и покро́в душа́м на́шым, духо́в лю́тых прогна́ние, вы́ есте́ Богови́дцы апо́столи Госпо́дни: те́мже ва́с при́сно почита́ем.
От вся́каго обстоя́ния, и вре́да бесо́вскаго, и прегреше́ний, и зла́го плене́ния изба́вите, ве́рою ва́с восхваля́ющих, Боже́ственнии апо́столи блаже́ннии.
Нико́лае блаже́нне, припа́дающа мя́ уще́дри, молю́ся ти́ му́дре, и о́чи просвети́ души́ моея́, да чи́сте ви́жду Светода́вца Ще́драго.
Враго́в и́щущих мя́ озло́бити, изба́ви мя́, свя́те, дерзнове́ние к Бо́гу я́ко имы́й, святи́телю Нико́лае блаже́нне, спаси́ мя от вре́да, и от му́ж крове́й изба́ви мя́.
Приста́нище Тя́ небу́рное, и сте́ну необори́мую, святи́телю, ны́не стяжа́хом ве́рнии, и сто́лп кре́пости, и две́рь покая́ния, и наста́вника ду́ш на́ших, и забра́ло.
Богородичен,Зави́дя сопроти́вник лука́вый ста́ду Твоему́, Пречи́стая, всегда́ бо́рет, хотя́ себе́ сне́дь сотвори́ти: но Ты́, Богоро́дице, изба́ви на́с от того́ вре́да.
Стихиры на стиховне
Глас 6:Го́споди, апо́столи спостиго́ша иногда́ у́бо сетьми́ глубину́ морску́ю, иногда́ же высоту́ Ца́рствия уче́ний ра́ди. О́во у́бо худо́жеством непостижи́мую глубину́ испыта́ша: О́во же ве́рою неопи́саннаго Твоего́ не́дра достиго́ша, и ми́ру пропове́даша безле́тнаго Твоего́ Сы́на. Те́х моли́твами, и все́х святы́х поми́луй на́с.
Стих: К Тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Иногда́ ученицы́ Твои́, Христе́, в корабли́ обурева́еми вопия́ху: Учи́телю, спаси́ на́с, погиба́ем. И ны́не мы́ вопие́м: Человеколю́бче, Спа́се на́ш, изба́ви на́с от бе́д на́ших, мо́лимся.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Кре́ст Тво́й, Го́споди, му́чеником бы́сть ору́жие непобеди́мое: ви́деша бо предлежа́щую сме́рть, и прездря́ще бу́дущую жи́знь, упова́нием е́же на Тя́ укрепля́хуся: те́х моли́твами поми́луй на́с.
Богородичен,О́ко се́рдца моего́ возпуща́ю к Тебе́, Влады́чице: не пре́зри ма́лаго моего́ воздыха́ния в ча́с, егда́ су́дит Сы́н Тво́й ми́ру, бу́ди ми́ покро́в и помо́щница.
Стихиры на хвалитех
Седальны
Глас 6:Я́ко посреде́ ученико́в Твои́х, прише́л еси́, Спа́се, ми́р Тво́й дая́ и́м: прииди́ и к на́м, и спаси́ на́с.
Глас 6:Ученицы́ Твои́, Спа́се, в концы́ земли́ посыла́еми, язы́ки благоче́стно я́ко ры́бы улови́вше, приведо́ша Твое́й бла́гости. Те́х ра́ди у́бо вопие́м Ти́, Христе́: лю́дем твои́м пода́ждь ве́лию ми́лость.
Глас 6:Во всю́ зе́млю я́ко мо́лния прему́дрых ученико́в Твои́х, Влады́ко Христе́, изы́де спаси́тельное веща́ние, и озари́ су́щыя во тьме́ и лю́тых, сы́ны дне́ и све́та на́с соде́лавшее. те́мже Тя́ вся́ тва́рь благоче́стно сла́вит.
Светильны
Каноны
Кано́н святы́м апо́столом, творе́ние Феофа́ново, глас 6 (основной)
Други́й кано́н свято́му чудотво́рцу Никола́ю. Творе́ние Ио́сифово, глас 6 (основной)