Глас 7, понедельник
Краткое наименование:71 Глас 7, понедельник
Октоих. Глас 7, Понедельник
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 7:Возведи́ Твои́ о́чи, о душе́ моя́! И на Бо́жие воззри́ смотре́ние и благоутро́бие, ка́ко небеса́ преклони́в на зе́млю сни́де, да вознесе́т тебе́ от окая́нства твои́х страсте́й, и поста́вит тя́ на ка́мени ве́ры. О ди́вство стра́шнаго чудесе́! Сла́ва истоща́нию Твоему́, Человеколю́бче.
Ви́ждь твоя́ пребеззако́нная дела́, о душе́ моя́! И почуди́ся, ка́ко тя́ земля́ но́сит? Ка́ко не разсе́деся? Ка́ко ди́вии зве́рие не снеда́ют тебе́? Ка́ко же и Со́лнце незаходи́мое сия́ти тебе́ не преста́? Воста́ни, пока́йся, и возопи́й ко Го́споду: согреши́х Ти́: согреши́х, поми́луй мя́.
Иму́ще на Тя́ упова́ние Всеси́льне, Го́споди, Тебе́ мо́лим, вся́ких бе́д, страсте́й же и мяте́жа на́м изба́витися: я́ко да жи́знь на́шу ми́рно пре́йдем, и в чистоте́ пожи́вше обря́щем в Де́нь Су́дный, благопреме́нна Тебе́ Влады́ку и Ми́лостива.
Заря́ми просвеща́еми Тро́ицы, и́же ве́рою ва́с пою́щыя, просвети́те, Арха́нгели.
Прича́стием све́ти втори́и, показу́еми све́ти соверше́нни, предста́ти на́м све́ту пе́рвому моли́теся.
Кро́вом кри́л ва́ших сохраня́йте ве́рныя вся́ от духо́в лука́вствия, тьму́ разоря́юще.
Богородичен,Вси́ пе́сньми со А́нгелы Богоро́дице возопии́м, я́ко Спа́са ми́ру родила́ е́сть, по рождестве́ же па́ки пребы́сть Де́ва, и ми́р изба́ви от пре́лести рождество́м Cвои́м, и пи́щу подаде́ на́м неиждива́емую, млеко́м пита́ющая Cвободи́теля ду́ш на́ших.
Стихиры на стиховне
Глас 7:Я́ко блу́дный сы́н приидо́х а́з, Ще́дре, приими́ мя припа́дающаго, я́ко еди́наго от нае́мник Твои́х, Бо́же, и поми́луй мя́, Человеколю́бче.
Стих: К тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Я́ко впады́й в разбо́йники и уя́звлен: та́ко и а́з впадо́х от мно́гих грехо́в, и уя́звлена ми́ е́сть душа́. К кому́ прибе́гну пови́нный а́з? То́кмо к Тебе́ благоутро́бному душа́м врачу́: изле́й на мя́, Бо́же, вели́кую Твою́ ми́лость.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.
Сла́ва Тебе́, Христе́ Бо́же, Апо́столов похвало́, и му́чеников весе́лие: и́хже про́поведь Тро́ица единосу́щная.
Богородичен,Е́же ра́дуйся, Тебе́ зове́м со А́нгелом, Богоневе́сто, черто́г и две́рь, и престо́л о́гненный нарица́юще Тебе́, и несеко́мую го́ру, и купину́ неопали́мую.
Стихиры на хвалитех
Седальны
Глас 7:Иму́щи, душе́ моя́, врачевство́ покая́ния, приступи́ припа́дающи, и воздыха́нием зову́щи: Врачу́ ду́ш же и теле́с, Человеколю́бче, свободи́ мя от мно́гих мои́х согреше́ний: сопричти́ мя блудни́це, и разбо́йнику, и мытарю́, и да́руй ми́, Бо́же, беззако́ний мои́х проще́ние, и спаси́ мя.
Глас 7:Мытаре́ву покая́нию не поревнова́х, и блудни́цы сле́з не стяжа́х: недоуме́юся бо от ослепле́ния такова́го исправле́ния. Но Твои́м благоутро́бием, Христе́ Бо́же, спаси́ мя, я́ко Человеколю́бец.
Глас 7:Разли́чных страсте́й, и согреше́ний мои́х бу́ря потопля́ет мя́ во глубину́ отча́яния: но моли́твами А́нгел Твои́х, Иису́се Многоми́лостиве, я́ко блу́днаго спаси́ мя.
Светильны
Каноны
Канон, творение кир Иосифа, глас 7 (основной)
Други́й кано́н безпло́тным. Творе́ние Феофа́ново, глас 7 (основной)