Глас 7, среда
Краткое наименование:73 Глас 7, среда
Октоих. Глас 7, Среда
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 7:Дре́во изгна́ мя дре́вле из рая́, ны́не же дре́во к раю́ возведе́, Тебе́ распе́ншуся, Христе́.
Чу́до стра́шно, созда́нию ка́ко Созда́тель предстоя́, осужда́емь е́сть, и распина́емь, на спасе́ние челове́ков!
Кре́сте Христо́в, А́нгел святы́х чу́до, диа́волу же и бесо́м вели́кая я́зва, спаса́й рабы́ Твоя́.
Ви́дящи просте́рта на дре́ве А́гнца, нескве́рная А́гница и Де́ва, посреде́ двою́ разбо́йнику, увы́ мне́, вопия́ше, сладча́йшее Мое́ Ча́до! Что́ стра́нное сие́, и пресла́вное та́инство? Ка́ко Тя́ беззако́нный собо́р на Кре́ст воздви́же, и же́лчию напои́, ма́нны насы́тившаго челове́ки?
Егда́ Тя на Кресте́ пригвожде́на Де́ва и Ма́ти Твоя́ узре́, Христе́ мо́й, судо́м законопресту́пным, от иуде́й на ме́сте ло́бнем: увы́ Мне́, вопия́ше, Сы́не Мо́й любе́знейший! Что́ стра́нное виде́ние се́? Ка́ко Тя́ ко Кресту́ пригвожда́ют де́ти неразу́мныя евре́йския, все́х Го́спода?
Еди́ну Тя́, Всесвята́я Влады́чице, по рождестве́ позна́хом вси́ Де́ву я́вльшуюся, и Его́же без се́мене ро́ждши, на дре́ве ви́дящи ру́це свои́ во́лею пригвозди́вшаго, Пречи́стая пла́чущи взыва́ше: во́лею, Долготерпели́ве, умира́еши, избавля́я все́х от сме́рти пою́щих Тя́.
Крестобогородичен,Влады́чице всесвята́я Де́во, ро́ждшая Го́спода, за милосе́рдие на Кресте́ пригвозди́вшагося, и жи́зни струи́ источи́вшаго ми́ру, Того́ умоли́ спасти́ся душа́м на́шым. Тебе́ бо еди́ну и́мамы ве́рнии прибе́жище, сте́ну и заступле́ние: те́мже и притека́ем к покро́ву Твоему́.
Стихиры на стиховне
Глас 7:Не ктому́ возбраня́еми есмы́ дре́ва живо́тнаго, упова́ние иму́ще Кре́ст Тво́й, Го́споди, сла́ва Тебе́.
Стих: К Тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Пове́шен бы́в на Дре́ве, Безсме́ртне, разруши́л еси́ се́ти диа́воли, Го́споди, сла́ва Тебе́.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Неради́вше о все́х земны́х, святи́и му́ченицы, и на суди́щи Христа́ му́жески пропове́давше, возме́здия о му́ках от него́ прия́сте: но я́ко иму́ще дерзнове́ние, Того́ умоли́те, я́ко всеси́льнаго Бо́га, ду́шы на́шя спасти́, притека́ющих к ва́м, мо́лимся.
Крестобогородичен,Своего́ Сы́на на Дре́ве ви́дящи дре́вле, се́рдце Твое́ ору́жием печа́ли уязвля́ше, Пречи́стая.
Стихиры на хвалитех
Седальны
Глас 7:Це́рковь вопие́т Ти́, Христе́ Бо́же, в пе́вке, и ке́дре, и кипари́се покланя́ющися Тебе́: побе́ды ве́рным да́руй, Богоро́дицы ра́ди, и поми́луй на́с.
Глас 7:Огня́ светле́йшее, и пла́мене де́йственнейшее дре́во показа́л еси́, Христе́, Креста́ твоего́, попаля́ющее грехи́ челове́ков, и просвеща́ющее сердца́ пою́щих во́льное Твое́ распя́тие: Христе́ Бо́же, сла́ва Тебе́.
Глас 7:Распе́ншуся Ти́, Влады́ко Христе́, вра́г свя́зан бы́сть, и сме́рть умертви́ся: ду́шы, я́же во а́де в преиспо́дних содержи́мыя, от у́з разреша́хуся.
Светильны
Каноны
Кано́н Кресту́, творе́ние Ио́сифово, глас 7 (основной)
Други́й кано́н Богоро́дице, глас 7 (основной)