Глас 7, четверг
Краткое наименование:74 Глас 7, четверг
Октоих. Глас 7, Четверг
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 7:Богоразу́мия сла́внии Апо́столи ра́лом возде́лавше зе́млю всю́, ве́рных мно́жество возрасти́сте.
Страсте́й мои́х разруши́те зи́му, и тишину́ ми возсия́йте, чи́стаго проли́тия, блаже́ннии апо́столи.
Я́ко ученицы́ Сло́ва, от несмы́сльства приведо́сте к ра́зуму Бо́жию язы́ков собо́ры.
Я́коже пре́жде изба́вил еси́, о́тче, воево́ды умре́ти иму́щыя, моли́твами твои́ми Нико́лае, та́кожде и ны́не на́с спаси́.
И́же ве́рою и любо́вию вся́ призыва́ющыя, и пою́щыя тя́, всеблаже́нне святи́телю Нико́лае, изба́ви печа́лей.
Гла́да и губи́тельства, тру́са и скорбе́й, и вся́кия ну́жды свободи́ рабы́ Твоя́, святи́телю прему́дре Нико́лае.
Богородичен,Мольбу́ принеси́ Твои́х ра́б к Твоему́ Сы́ну, Всечи́стая, да спасе́т вся́, я́же созда́.
Стихиры на стиховне
Глас 7:Апо́столи сла́внии, столпи́ церко́внии, и́стины пропове́дницы, свети́ла су́ще све́тлая, вы́ огне́м духо́вным вся́ку пре́лесть попали́сте, челове́ческий ро́д ве́рою просвети́сте. Те́мже мо́лим вы́: моли́те Спа́са и Бо́га на́шего, умири́ти ми́р, и спасти́ ду́шы на́шя.
Стих: К тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дрит ны́.
Апо́столи Христо́вы, де́латели Спа́совы, Кре́ст у́бо я́коже ра́ло на ра́мех нося́ще, оляде́вшую зе́млю и́дольскою пре́лестию очи́стивше, и ве́ры сло́во все́ясте: досто́йно почита́еми есте́, святи́и Христо́вы Апо́столи.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Всехва́льнии му́ченицы, овча́та духо́вная, всесожже́ния слове́сная. Же́ртвы прия́тны, благоуго́дны Бо́гови, ва́с ни земля́ сокры́, но не́бо прия́т. Вы́ А́нгелом соприча́стницы бы́сте. С ни́миже моли́те, мо́лим вы́, Спа́са и Бо́га на́шего, умири́ти ми́р, и спасти́ ду́шы на́шя.
Богородичен,Еди́ну по Рождестве́ Пречи́стую Де́ву воспои́м, я́ко Ма́терь Бо́га Сло́ва, глаго́люще: сла́ва Тебе́.
Стихиры на хвалитех
Седальны
Глас 7:Де́латели селу́ Твоему́ яви́л еси́ Апо́столы Твоя́, Сло́ве, посека́ющыя и́долы: те́мже Тя́, Влады́ку, во язы́цех пропове́давше, благоче́стно возвели́чиша.
Глас 7:Я́ко на́шего спасе́ния окорми́тели прему́дрыя апо́столи Христа́ Бо́га, пе́ньми и пе́сньми по до́лгу почти́м: ти́и бо пре́лести нече́стие отгна́вше, ми́р спасо́ша, я́ко самови́дцы Сло́ва, и слуги́, и дру́зи, и бра́тия бы́вше.
Глас 7:Ученицы́ Госпо́дни всехва́льнии, и́же подсо́лнечную всю́ я́ко свети́ла озари́вше, во тьме́ страсте́й мя́ и прегреше́ний су́ща, просвети́тися ми́, моли́те.
Светильны
Каноны
Кано́н святы́м апо́столом, творе́ние Феофа́на, глас 7 (основной)
Други́й кано́н, Никола́ю Чудотво́рцу. Творе́ние Ио́сифово, глас 7 (основной)