Глас 8, вторник
Краткое наименование:82 Глас 8, вторник
Октоих. Глас 8, Вторник
Знак типикона: ВседневныйПраздник: святого
Чтения
На Утрени:
Апостол:
Евангелие:
Прокимен
Прокимен, глас :
Стих:
Аллилуарий
Аллилуарий, глас :
Стих:
Причастен
Тропари
Кондаки
Стихиры на "Господи, возвах"
Глас 8:Ни умиле́ния стяжа́х, ниже́ сле́з исто́чника, ни те́плаго испове́дания, ниже́ пла́ча омыва́ющаго, ни серде́чнаго смире́ния: ни мытарю́ ревни́тель бы́х, ниже́ блудни́це, ниже́ блу́дному о́троку. Ка́ко у́бо обря́щу мои́х мно́гих грехо́в оставле́ние? Но и́миже, Христе́, ве́си судьба́ми, спаси́ мя.
Стра́нен вся́кия сотвори́хся Боже́ственныя за́поведи: о доброде́тели же лу́чшей вся́ко небрего́х, и безу́мно пожи́х в ле́ности все́ житие́ мое́, в блуде́ вся́ дела́ моя́ соде́ях, неподо́бная и беззако́нная. Те́мже, Христе́, уще́дри я́ко Благоутро́бен, и ту́не мя́ спаси́.
Не я́ростию Твое́ю обличи́ мене́, де́ло ру́к Твоея́ бла́гости, отто́ргшася умо́м неразу́мным, И́же мене́ ра́ди по мне́ благоизво́ливый бы́ти, неизрече́нныя ра́ди благоутро́бия пучи́ны, Человеколю́бче: но моли́твами Присноде́вы, Твоея́, Сло́ве, Ма́тере, Боже́ственнаго сподо́би мя́ обраще́ния, я́ко Бо́г.
Блаже́нне Иоа́нне Предте́че, смире́нную мою́ ду́шу, я́же ко Го́споду любо́вию возвраща́й всегда́, свяще́нными хода́тайствы Твои́ми сласте́й мои́х о́гнь угаси́, приводя́ мя ко исполне́нию Боже́ственных повеле́ний, и се́рдца моего́ очища́я вои́стинну чу́вствия, да сла́влю Тя́.
Непло́дныя прозябе́ние, и чистоты́ са́д Влады́чний, челове́ков удобре́ние, Предте́че Иоа́нне всехва́льне, храни́телю Боже́ственный смире́нныя моея́ души́, твои́ми моли́твами и по́мощию благоуве́тие да́ждь, избавля́я от зми́ева кова́рства, и лука́вых того́ ла́яний и прило́г.
Ве́сь еси́ сладча́йший, и сла́дости Боже́ственныя испо́лнен присносла́вне, и весели́ши вся́ ве́рно приходя́щыя к тебе́, услажда́я чу́вства душе́вная же и теле́сная, неду́г и скорбе́й, и нахожде́ний злы́х, и сласте́й душетле́нных, всегда́ разреша́я на́с.
Богородичен,Ве́рою притека́ю к покро́ву Твоему́, Богороди́тельнице Чи́стая, от напа́стей и бе́д и стра́стнаго слия́ния, и от бесо́вскаго озлобле́ния спаси́ мя: я́ко ми́лости иму́щи пучи́ну, и спасе́ния я́вльшися Хода́таица Влады́чице, Я́же Бо́га ро́ждши Ми́лостиваго, Еди́наго Всеще́драго, и Многоблагоутро́бнаго.
Стихиры на стиховне
Глас 8:Тебе́ Царя́ и Влады́ку, А́нгели непреста́нно воспева́ют, а́з же Ти́ припа́даю я́ко мыта́рь зовы́й: Бо́же, очи́сти мя́, и поми́луй мя́.
Стих: К Тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Безсме́ртна су́щи, душе́ моя́, волна́ми жите́йскими не покрыва́йся, но возни́кни вопию́щи к твоему́ Благода́телю: Бо́же, очи́сти мя́, и поми́луй мя́.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.
Му́ченицы Госпо́дни, моли́те Бо́га на́шего, и испроси́те душа́м на́шым мно́жество щедро́т, и очище́ние мно́гих прегреше́ний, мо́лим вы́.
Богородичен,Ра́дуйся, вселе́нныя похвало́. Ра́дуйся, хра́ме Госпо́день. Ра́дуйся, горо́ приосене́нная. Ра́дуйся, все́х прибе́жище. Ра́дуйся, све́щниче златы́й. Ра́дуйся, сла́во правосла́вных Честна́я. Ра́дуйся, Мари́е Ма́ти Христа́ Бо́га. Ра́дуйся, раю́. Ра́дуйся, Боже́ственная трапе́зо. Ра́дуйся, се́не. Ра́дуйся, ру́чко всезлата́я. Ра́дуйся, все́х упова́ние.
Стихиры на хвалитех
Седальны
Глас 8:О́ком благоутро́бным, Го́споди, ви́ждь мое́ смире́ние, я́ко пома́ле жи́знь моя́ скончава́ется, и от де́л не́сть мне́ спасе́ния. Сего́ ра́ди молю́ся: о́ком благоутро́бным ви́ждь мое́ смире́ние, и спаси́ мя.
Глас 8:Я́ко блудни́ца припа́даю Ти́, да прииму́ оставле́ние, и вме́сто ми́ра сле́зы от се́рдца приношу́ Ти: да я́ко о́ную уще́дриши мя́, Спа́се, и пода́си ми́ очище́ние грехо́в. Я́ко о́ная бо зову́ Ти: изба́ви мя́ от тиме́ния де́л мои́х.
Глас 8:Стра́шнаго и ужа́снаго и неумы́тнаго суди́ща Твоего́, Влады́ко Христе́, во уме́ прие́млю де́нь и ча́с, трепе́щу я́ко злоде́й: сту́дная дела́ и́мам, и дея́ния лю́тая, я́же еди́н соде́ях приле́жно. Те́мже со стра́хом припа́даю Ти́, и вопию́ боле́зненно: моли́твами предте́чи Твоего́, Многоми́лостиве, спаси́ мя.
Светильны
Каноны
Канон, творение Иосифово, глас 8 (основной)
Кано́н Иоа́нну Предте́чи, глас 8 (основной)