Тропари, кондаки, молитвы и величания

Апостолам

Тропарь апостолам, глас 3

Апо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.

Перевод: Апостолы святые, молите милостивого Бога, да подаст душам нашим прощение прегрешений.

Кондак апостолам Апеллию, Урвану, Аристовулу, Амплию, Наркиссу и Стахию, глас 8

Я́ко свяще́нная сокро́вища Всесвята́го Ду́ха/ и Со́лнца Сла́вы сия́ния, по до́лгу воспои́м му́дрыя апо́столы,/ Апе́ллия, Урва́на же и Аристову́ла,/ Ампли́я, Нарки́сса и Стахи́я,// я́же благода́ть собра́ Бо́га на́шего.

показать все

Мученику Епимаху Новому

Тропарь мученику Епимаху Новому, глас 4

Му́ченик Твой, Го́споди, Епима́х,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.

Перевод: Мученик Твой, Господи, Епимах, в подвиге своём принял нетленный венец от Тебя, Бога нашего, потому что он, имея силу Твою, победил мучителей, сокрушил и демонов бессильные дерзости. По молитвам его спаси души наши.

Кондак мученику Епимаху Новому, глас 4

Многообра́зныя ра́ны претерпе́л еси́/ и вене́ц прие́м от Христа́ Бо́га,/ Ему́же о нас моли́ся, блаже́нне Епима́ше,/ ве́рно соверша́ющих па́мять твою́,// да спасе́т ду́ши на́ша.

Перевод: Ты выдержал разнообразные ранения и принял венец от Христа Бога, Ему же о нас молись, блаженный Епимах, верно празднующих память твою, чтобы Он спас души наши.

Преподобным Спиридону и Никодиму, просфорникам Печерским, в Ближних пещерах

Тропарь преподобным Спиридону и Никодиму, просфорникам Печерским, в Ближних пещерах, глас 4

Хлебы́ прино́сныя рука́ми свои́ми творя́,/ псалмопе́ние непреста́нное усты́ свои́ми/ я́ко же́ртву хвалы́ приноша́ше Го́сподеви,/ со честны́м Никоди́мом, блаже́нне Спиридо́не,// с ни́мже моли́ся Христу́ Бо́гу о душа́х на́ших

Кондак преподобным Спиридону и Никодиму, просфорникам Печерским, в Ближних пещерах, глас 3

Да яви́ши разжже́нную твою́ ко Го́споду любо́вь,/ чу́дне Спиридо́не,/ разже́гшуюся зело́ пещь/ ма́нтиею свое́ю загражда́еши/ и да пока́жеши исто́чник вод дарова́ний ду́ха в тебе́ живу́щ,/ оде́ждею свое́ю, нося́ во́ду,/ угаша́еши пла́мень о́гненный,/ тем, я́ко име́я дерзнове́ние ко Го́споду,/ со блаже́нным Никоди́мом// моли́ся при́сно о нас, пою́щих тя.

Молитва преподобному Спиридону, просфорнику Печерскому, в Ближних пещерах

Преподо́бне о́тче Спиридо́не! Воззри́ на на́с ми́лостивно и к земли́ приве́рженных возведи́ к высоте́ небе́сней. Ты́ горе́ на небеси́, мы́ на земли́ ни́зу, удалены́ от тебе́, не толи́ко ме́стом, ели́ко грехми́ свои́ми и беззако́нии, но к тебе́ прибега́ем и взыва́ем: наста́ви на́с ходи́ти путе́м твои́м, вразуми́ и руково́дствуй. Вся́ твоя́ свята́я жи́знь бы́сть зерца́лом вся́кия доброде́тели. Не преста́ни, уго́дниче Бо́жий, о на́с вопия́ ко Го́споду. Испроси́ предста́тельством свои́м у Всеми́лостиваго Бо́га на́шего ми́р Це́ркви Его́, под зна́мением креста́ во́инствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ на́с, к тебе́ с ве́рою притека́ющих. Вси́ правосла́внии христиа́не, твои́ми чудесы́ испо́лненнии и ми́лостьми облагоде́тельствованнии, испове́дуют тя́ бы́ти своего́ покрови́теля и засту́пника. Яви́ дре́вния ми́лости твоя́, и и́хже отце́м всепомоществова́л еси́, не отри́ни и на́с, ча́д и́х, стопа́ми и́х к тебе́ ше́ствующих. Предстоя́ще всечестне́й ико́не твое́й, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ и́х на же́ртвенник благоутро́бия Бо́жия, да прии́мем тобо́ю благода́ть и благовре́менную в ну́ждех на́ших по́мощь. Укрепи́ на́ше малоду́шие и утверди́ на́с в ве́ре, да несомне́нно упова́ем получи́ти вся́ блага́я от благосе́рдия Влады́ки моли́твами твои́ми. О, превели́кий уго́дниче Бо́жий! Все́м на́м, с ве́рою притека́ющим к тебе́, помози́ предста́тельством твои́м ко Го́споду, и все́х на́с упра́ви в ми́ре и покая́нии сконча́ти живо́т на́ш и пресели́тися со упова́нием в блаже́нныя не́дра Авраа́мова, иде́же ты́ ра́достно во труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Молитва иная преподобному Спиридону, просфорнику Печерскому, в Ближних пещерах

О, свяще́нная главо́, преподо́бне о́тче, преблаже́нне а́вво Спиридо́не, не забу́ди убо́гих твои́х до конца́, но помина́й на́с всегда́ во святы́х твои́х и благоприя́тных моли́твах к Бо́гу. Помяни́ ста́до твое́, е́же са́м упа́сл еси́, и не забу́ди посеща́ти ча́д твои́х. Моли́ за ны́, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́, не премолчи́ за ны́ ко Го́споду, и не пре́зри на́с, ве́рою и любо́вию чту́щих тя́. Помина́й на́с недосто́йных у Престо́ла Вседержи́телева, и не преста́й моля́ся о на́с ко Христу́ Бо́гу, и́бо дана́ тебе́ бы́сть благода́ть за ны́ моли́тися. Не мни́м бо тя́ су́ща ме́ртва, а́ще бо те́лом и преста́вился еси́ от на́с, но и по сме́рти жи́в сы́й пребыва́еши. Не отступа́й от на́с ду́хом, сохраня́я на́с от стре́л вра́жиих и вся́кия пре́лести бесо́вския и ко́зней диа́вольских, па́стырю на́ш до́брый. А́ще бо и моще́й твои́х ра́ка пред очи́ма на́шима ви́дима е́сть всегда́, но свята́я твоя́ душа́ со а́нгельскими во́инствы, со безпло́тными ли́ки, с небе́сными си́лами, у Престо́ла Вседержи́телева предстоя́щи, досто́йно весели́тся. Ве́дуще у́бо тя́ вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о на́с Всеси́льному Бо́гу, о по́льзе ду́ш на́ших, и испроси́ на́м вре́мя на покая́ние, да невозбра́нно пре́йдем от земли́ на не́бо, от мыта́рств же го́рьких, бесо́в возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́, Ему́же подоба́ет вся́кая сла́ва, че́сть и поклоне́ние, со Безнача́льным Его́ Отце́м и с Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

Священномученику Иоанну Царскосельскому

Тропарь священномученику Иоанну Царскосельскому, глас 1

Любо́вию к Бо́гу распаля́емь,/ жизнь свою́ му́ченически за Христа́ и бли́жних положи́л еси́,/ сего́ ра́ди вене́ц пра́вды от Него́ прия́л еси́,/ моля́ всеблага́го Бо́га, священному́чениче Иоа́нне,/ Це́рковь Святу́ю сохрани́ти в ми́ре// и спасти́ ду́ши на́ша.

Кондак священномученику Иоанну Царскосельскому, глас 8

Ре́вностно па́стырское служе́ние свое́ исполня́яй,/ ты я́ко же́ртву благоприя́тную ду́шу свою́ Бо́гу прине́сл еси́,/ моли́ Христа́ Бо́га, о́тче Иоа́нне,// мир ми́ру дарова́ти и душа́м на́шим ве́лию ми́лость.

Молитва священномученику Иоанну, пресвитеру Царскосельскому

О, священному́чениче Иоа́нне, па́стырю царскосе́льский! Предстоя́ще пред ико́ною твое́ю, мо́лимся ти́, я́ко посреде́ на́с су́щему: помози́ на́м, гре́шным, досто́йным бы́ти твоего́ о на́с к Бо́гу хода́тайства. Укрепи́ ны́ во благоче́стии и ве́ре правосла́вной вся́ дни́ живота́ на́шего во е́же безпреткнове́нно ходи́ти на́м путе́м отце́в на́ших и соблюда́ти уста́вы и обы́чаи святы́х, в земли́ на́шей просия́вших. Научи́ ны́ вну́тренняго челове́ка на́шего ева́нгельскою доброде́телию украша́ти и иска́ти Ца́рствия Бо́жия па́че земны́х и тле́нных ми́ра сего́; немощну́ю во́лю на́шу незы́блемо утверди́ в зако́не Госпо́днем; ре́вностию к дело́м богоуго́дным и спаси́тельным воодушеви́ теплохла́дное се́рдце на́ше; изба́ви ны́ от себялю́бия, тщесла́вия и лука́вства; поры́вы гне́ва и неразу́мия на́шего укроти́; нра́в на́ш гордели́вый смиренному́дрием украси́; искорени́ небреже́ние и ле́ность из серде́ц на́ших; уста́ на́ша, дру́г дру́га осужда́ющая, испо́лни чи́стаго хвале́ния Бо́жия; да́руй на́м умиле́ние в моли́тве, ожесточе́нность на́шу врачу́ющее; посреде́ ро́да развраще́ннаго и прелюбоде́йнаго кро́тость, незло́бие и целому́дрие соблюсти́ помози́. Па́че же всего́ наста́ви к покая́нию во гресе́х пре́жней жи́зни на́шея, да очи́стимся от все́х нечисто́т и страсте́й, и, моли́твою твое́ю поспешеству́емы, дости́гнем гра́да Бо́жия, в него́же ничто́ скве́рно вни́ти мо́жет, сла́вяще Тро́ицу Святу́ю во ве́ки веко́в. Ами́нь.

Мысли свт. Феофана Затворника

(1Сол.2:20–3, 8; Лк.11:29–33)

«Царица южная восстанет на суд с людьми рода сего и осудит их» (Лк.11:31). За что? За равнодушие к делу, совершаемому Господом пред их глазами. Та царица, услышав о мудрости Соломоновой, издалека пришла послушать его, а эти мужи, имея пред лицом Самого Господа, не внимают Ему, хоть очевидно было, что Он выше Соломона, «как небо выше земли» (Ис.55:9). И всех, равнодушных к делам Божиим, осуждает южная царица, потому что Господь всегда и среди нас так же очевидно присущ в евангельских сказаниях, как было тогда. 

Читая Евангелие, мы имеем пред очами Господа со всеми дивными делами Его, ибо оно так же несомненно, как несомненно свидетельство собственных очей. Между тем, кто внимает Господу, так печатлеющемуся в душах наших. Мы смежили очи свои или обратили их в другую сторону, оттого и не видим; а не видя, не занимаемся делами Господа. Но это не извинение, а причина невнимания, столько же преступная, сколько преступно и самое дело, происходящее от него. Дело Господа наше первое дело, то есть спасение души. К тому, что от Господа, мы должны внимать и без отношения к нам, не тем ли более, когда оно все обращено на нас, на устроение нашего существенного дела, значение которого простирается на всю вечность? Судите, сколь же преступно невнимание к такому делу!

Притча дня

Спросила амма Феодора у архиепископа Феофила: «Какое значение имеет изречение апостола: «искупающее время»? Он отвечал: «Это значит, что вся земная жизнь наша подобна производству торговли.

Например, когда настанет время, в которое посыплются на тебя поношения, — ты искупи это время смиренномудрием и приобрети для себя пользу (прибыль, барыш). Таким образом все противное и неприязненное нам может обратиться, если захотим, в пользу нам».

Книги, статьи, стихи


Случайный тест

(0 голосов: 0 из 5)