Тропари, кондаки, молитвы и величания

Божией Матери пред иконой Ее «Всех скорбящих радосте»

Ин тропарь Божией Матери пред иконой Ее «Всех скорбящих радосте», глас 4

Днесь пресветло красуется славнейший град Москва,/ имея чудотворную икону Владычицы нашея Богородицы:/ та бо, верным являющи чудеса,/ низпосылает дары целебныя./ Сего ради и мы с верою припадающе молимся,/ и на Тоя пречистый образ взирающе,/ яко истинную Самую зрим Владычицу нашу Присно деву Богородицу,/ и умильно глаголем:/ воззри, Мати Божия, оком милости,/ простри к нам руце Твои пречистыя,/ якоже на иконе Твоей сие зрится,/ и подаждь всем скорбящим радость,/ больным от всех недугов исцеление и от бед избавление,/ яко Ты еси скорая Предстательница о душах наших.

Ин тропарь Божией Матери пред иконой Ее «Всех скорбящих радосте», глас 8

Ко источнику приснотекущему милосердия,/ Пречистей Деве Богородице,/ притецем, людие вси, священницы же и иноцы,/ мужие, и жены, и чада, здравии и болящие,/ в покаянии вопиюще и умильно глаголюще:/ Владычице, помози грешным рабом Твоим,/ яви яко Благая славу Твою,/ присно потщися умилосердитися на ны,/ испросити очищение душ и телес наших/ от Источника жизни нашея, Бога,/ Егоже родила еси, едина Благословенная.

показать все

Тропарь Божией Матери пред иконой Ее «Всех скорбящих Радость», глас 4

К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози, на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо и едину надежду имамы.

Тропарь Божией Матери пред иконой Ее «Всех скорбящих Радость», глас 4

Не умолчим никогда, Богородице,/ силы Твоя глаголати недостойнии:/ аще бо Ты не бы предстояла молящи,/ кто бы нас избавил от толиких бед,/ кто же бы сохранил доныне свободны?/ Не отступим, Владычице, от Тебе,// Твоя бо рабы спасаеши присно от всяких лютых.

Кондак Божией Матери пред иконой Ее «Всех скорбящих Радость», глас 6

Не имамы иныя помощи,/ не имамы иныя надежды,/ разве Тебе, Владычице,/ Ты нам помози:/ на Тебе надеемся/ и Тобою хвалимся,/ Твои бо есмы раби,// да не постыдимся.

Молитва Божией Матери пред иконой Ее «Всех скорбящих Радость»

О, Пресвятая Владычице Богородице, вышшая Херувим и честнейшая Серафим, Богоизбранная Отроковице, всех скорбящих Радосте! Подаждь утешение и нам, в скорби сущим: разве бо Тебе инаго прибежища и помощи не имамы. Ты едина еси радости нашея Ходатаица, и яко Матерь Божия и Мати милосердия, предстоящи у Престола Пресвятыя Троицы, можеши нам помощи: никтоже бо притекаяй к Тебе посрамлен отходит. Услыши убо и нас, ныне в день скорби пред Твоею иконою припадающих и со слезами Тебе молящихся: отжени от нас належащия на нас скорби и печали в сей временней жизни, не лишены же ны сотвори Твоим всесильным ходатайством и вечныя нескончаемыя радости в Царствии Сына Твоего и Бога нашего. Аминь.

Мученику Арефе и иже с ним

Тропарь мученику Арефе и иже с ним, глас 1

Мужествовавше во Христе противу безбожнаго царя, мученицы святии, и того неверие иудейское во Христа обличивше, прияша мук томление и главам усечение; тем восхвалиша тя ангели, и верных роди тя прославляют, Арефо, и пострадавших с тобою, яко молящихся присно о душах наших.

Ин тропарь мученику Арефе и иже с ним, глас 1

Болезньми святых, имиже о Тебе пострадаша, умолен буди, Господи, и вся наша болезни исцели, Человеколюбче, молимся.

Кондак мученику Арефе и иже с ним, глас 4

Веселия ходатай нам наста, светоносный днесь страстотерпцев праздник, егоже совершающе, славим в вышних Сущаго Господа.

Преподобному Арефе, затворнику Печерскому, в Ближних пещерах почивающему

Тропарь преподобному Арефе, затворнику Печерскому, в Ближних пещерах почивающему, глас 2

Богатство твое душевное погубити хотя враг, помрачил тя бяше богатством тленным исперва, но всех спасаяй Господь богатство гибнущее окрасти попусти, душевное же невредно соблюд, Небесных сокровищ наследника тя показа, Арефо, тем тя чтим и ублажаем.

Кондак преподобному Арефе, затворнику Печерскому, в Ближних пещерах почивающему, глас 2

Иова терпеливодушнаго ревнуя благодарению, окраденный тленнаго своего имения претерпел еси благодарне, преподобне Арефо, тем с ним обрет нетленное имение на Небеси, моли Христа Бога о всех нас.

Блаженному Елезвою

Тропарь блаженному Елезвою, глас 4

Иже Божественным рачением подвигся/ на отмщение пролитыя крови праведных,/ яко Давид от Самуила,/ ты же от Зинона предивнаго,/ пророчески яже сбытися тебе предрекша,/ еже обещанием к нему,/ и того благословением победы на враги и одоления показавшу,/ отнюду же со отложением царства/ постных селений горы жизнь соверши, Елезвое царю,/ моли Небеснаго Царя Христа/ спасти души наша.

Кондак блаженному Елезвою, глас 4

Высоту земнаго царства, и венца венец светлости,/ и багряницу отложшаго любве ради Царя Христа,/ от Негоже на Небесех славно венчана, Елезвоя царя мудраго,/ иже тленным царством и мимоходящим, Царство Вечное изменшаго,/ в пениих песненных восхвалим,/ молитвенника о мире велика.

Святителю Афанасию, патриарху Цареградскому

Тропарь святителю Афанасию, патриарху Цареградскому, глас 1

Чистоты жития светом страстное терние попалил еси/ и течением слез безплодную землю напоил еси,/ многоплодну ниву душевную соделав,/ Афанасие преблаженне,/ светило Царюграду, Патриархом удобрение,/ моли Христа Бога спастися душам нашим.

Кондак святителю Афанасию, патриарху Цареградскому, глас 2

В светлую священия одежду одеявся,/ мысленно в Небесныя радостно достигл еси Царства/. Тем восприяша тя селения праведных,/ идеже есть неизглаголанно веселие,/ и слова, и всех святых лицы,/ святителю Афанасие,/ моли непрестанно о всех нас.

Священномученику Лаврентию (Князеву)

Тропарь священномученику Лаврентию (Князеву), глас 4

Святительства благодатью украшенный, ни на един же день оставите паству свою восхотел еси, юже вручи тебе Пастыреначальник Христос, Емуже до уз темничных и смерти, взем крест, последовал еси, венцем мученическим на небесах венчался еси, священномучениче Лаврентие отче наш, моли Христа Бога спастися душам нашим.

Кондак священномученику Лаврентию (Князеву), глас 3

В годину трудную и скорбную крест свой не оставляя нес, егоже вручи тебе Пастыреначальник Христос, Емуже до темницы и смерти последовал еси, венцем мученическим на небесах венчался еси, Священномучениче Лаврентие отче наш, молися Пресвятой Троице паству Нижегородскую в правоверии соблюсти и обитель твою Печерскую сохранити даже до скончания века.

Молитва священномученику Лаврентию (Князеву)

Мучениче святый, епископе Лаврентие! Молим тя мы, недостойные чады твои, на грешней и многострадальней земле Российской пребывающие, на коей и ты страдания и мучения претерпел еси ради Христа Бога нашего! Спаси души наша, утверди души наша во спасительных делах. Моли Господа Бога нашего удалити от нас искушения мира сего грешного, моли Его даровати нам силы и обстояния для исполнения заповедей Его и повелений! Молим тя, святый мучениче Лаврентие, помощи во спасении душ и телес наших, сродников наших и всех христиан Российских.

Мысли свт. Феофана Затворника

(1Сол.1:1–5; Лк.10:22–24)

«Кто есть Отец, не знает никто, кроме Сына, и кому Сын хочет от­крыть» (Лк.10:22). Сын же был на земле и все нужное нам открыл Сам и чрез Духа Святого, действовавшего в апостолах. Следовательно, что найдешь в Евангелии и апостольских писаниях, то только и будешь и можешь знать об Отце и Божеских вещах. Больше этого не ищи и помимо этого не думай где-либо еще найти истину о Боге и планах Божиих. 

Каким великим сокровищем обладаем мы!.. Все уже сказано. Не ломай головы, а только с верою прими, что открыто. Открыто, что Бог един по существу и троичен в лицах – Отец, Сын и Святый Дух, прими это верою и содержи так. Открыто, что Триипостасный Бог все создал словом, все содержит в деснице Своей и о всем промышляет, прими это верою и содержи так. Открыто, что мы были в блаженном состоянии и пали и что для восстановления и искупления нас Сын Божий, второе лицо Пресвятой Троицы, воплотился, пострадал, умер на кресте, воскрес и вознесся на небо, – прими это верою и содержи так. Открыто, что желающий спастись должен уверовать в Господа и, приняв божественную благодать во святых таинствах, с помощью ее, жить по заповедям Господним, борясь со страстями и похотями посредством соответствующих подвигов, – прими это верою и делай так. Открыто, что кто живет по указанию Господню, тот по смерти поступает в светлые обители, предначаток вечного блаженства, а кто не живет так, тот по смерти предначинает испытывать муки адския – прими это верою и тем вразумляй и воодушевляй себя на добро и подвиги. 

Так и все с верою принимай и верно храни. Нет надобности ломать голову на придумыванье чего-либо своего; и тех, которые умничают много, не слушай, ибо они пошли, не зная куда.

Притча дня

Один философ дал епископу Евагрию три золотых и взял с него расписку, что получит в будущей жизни их от Господа. Расписку заповедал своим детям положить ему в гроб, и дети исполнили его завещание. На третий день философ является во сне к епископу и говорит: «Иди возьми свою расписку, я все сполна получил от Господа по ней». Тогда епископ спросил его детей о расписке, и, действительно, после открытия гроба нашли расписку его собственной рукой подписанную: «Благодарю тебя, Епископ Евагрий, с большей прибылью я получил все от Господа».

Эти же слова подтверждает и Евангелие: «Собирайте себе сокровища на небе, где ни моль, ни ржа не истребляют и где воры не подкапывают и не крадут, ибо где сокровище ваше, там будет и сердце ваше» (Мф.6:20-21).

Проповедь дня

Перейти в раздел «Проповеди»

Случайный тест

(0 голосов: 0 из 5)