Тропари, кондаки, молитвы и величания

Пророка Елисея

Ин тропарь пророка Елисея, глас 4

Иже во плоти Ангел/ и пророков начальнику свидетельствова, славный Елисее,/ дивны чудеса соделал еси, пророче,/ поспешеством Святаго Духа;/ силою Илииною исцелив водное естество,/ звери же погуби пожирающия,/ и Неемана очисти,/ и вдовича сына воскресил еси,/ и всем чтущим тя даруй благодать и исцеление.

Тропарь пророка Елисея, глас 4

Во плоти Ангел,/ пророков основание,/ вторый Предтеча пришествия Христова, Илия славный,/ свыше пославый Елиссееви благодать/ недуги отгоняти/ и прокаженныя очищати,// темже и почитающим его точит исцеления.

показать все

Кондак пророка Елисея, глас 2

Пророк Божий явился еси,/ сугубую благодать прием,/ воистинну достойную тебе, Елиссее блаженне:/ Илии бо был еси совсельник,// с нимже Христу Богу молися непрестанно о всех нас.

Священномученику Владимиру, митрополиту Киевскому

Тропарь священномученику Владимиру, митрополиту Киевскому, глас 2

Ве́ры Правосла́вныя непоро́чный блюсти́телю/ и за́поведей Христо́вых усе́рдный исполни́телю,/ священному́чениче Влади́мире,/ Христа́ всем се́рдцем возлюби́в,/ па́ству твою́ до́бре упа́сл еси́,/ незло́биво му́ченическую смерть прия́л еси́./ Сего́ ра́ди в ве́чной сла́ве пребыва́я,// моли́ спасти́ся душа́м на́шим.

Ин тропарь священномученику Владимиру, митрополиту Киевскому, глас 2

Ве́ру Правосла́вную непоро́чно соблю́д,/ по́двигом до́брым во святи́тельстве подвиза́лся еси́,/ священному́чениче о́тче Влади́мире,/ и убива́ющим тя рекл еси́:/ Госпо́дь да прости́т вас./ Сего́ ра́ди угото́вася ти вене́ц пра́вды от Христа́, Бо́га на́шего,/ Его́же, я́ко име́яй дерзнове́ние, моли́,/ оправда́ние дарова́ти нам в День Су́дный.

Кондак священномученику Владимиру, митрополиту Киевскому, глас 2

О́браз Христо́ва милосе́рдия явля́я,/ покро́в и защище́ние па́стве твое́й был еси́,/ святи́телю о́тче Влади́мире,/ в кро́тости страда́ния прие́мля, безбо́жных мучи́телей,/ благословля́я, прости́л еcи́.// Те́мже и нам испроси́ у Христа́ Бо́га дух ми́рен и ве́лию ми́лость.

Молитва священномученнику Владимиру, митрополиту Киевскому

О священномучениче и исповедниче Христов Владимире! Услыши слезныя молитвы чад твоих и воздыхания, сердцем сокрушенным и смиренным приносимая. Се бо беззаконии омрачихомся и того ради бедами, яко тучами, обложихомся. Но ты, святе Владимире, понеси, яко сильный, немощи наша, не отлучайся от нас духом, да не разлучимся в конец от любве Божия. Призри милостивно на предстоящия и молящияся пред святою иконою твоею и вся прошения их во благое исполни. Веруем бо, яко твоих страданий ради за отечество и люди российския велие дерзновение ко Господу имаши. Егоже умоли, да укрепит ны в Православии и единомыслии, и непоколебимом даже до смерти исповедании веры Христовы, страну нашу да спасет от междоусобныя брани, пастырем нашим да подаст духовное трезвение и ревность о спасении пасомых, правителем же суд и правду, обидимым заступление, недугующим душ и телес исцеление. Мы же, грешнии, твоим предстательством укрепляеми, восхвалим Господа Иисуса Христа, Емуже слава подобает, честь и поклонение, со Безначальным Его Отцем и Пресвятым Духом, ныне и присно и во веки веков. Аминь.

Благоверного князя Мстислава

Тропарь благоверного князя Мстислава, глас 4

Измлада явился еси, Богомудре княже Мстиславе,/ Божественный сосуд, избран Богови,/ благочестием воспитан,/ веру непорочну соблюл еси./ Темже предстоя Святей Троице,/ молися стране Российстей сохраненной быти/ и всем нам спастися.

Кондак благоверного князя Мстислава, глас 8

Многомудренно пожив в княжении твоем/ в великом Нове граде сем,/ благоверный княже Мстиславе,/ плод благий Богови в жизни сей был еси,/ присноцветущ добродетельми,/ того ради получил еси жизнь вечную на Небесех,/ тело же твое нетлением прославлено бысть на земли./ Мы же, предстояще иконе твоей, любовию вопием ти:/ радуйся, утверждение граду нашему.

Преподобному Мефодию, игумену Пешношскому

Тропарь преподобному Мефодию, игумену Пешношскому, глас 8

Боже́ственною любо́вию от ю́ности распала́емь,/ вся, я́же в ми́ре кра́сная, возненави́дев,/ Христа́ Еди́наго возлюби́л еси́,/ и, сего́ ра́ди в пусты́ню всели́вся,/ в ней оби́тель сотвори́л еси́,/ и, собра́в и́нок мно́жество,/ прия́л еси́ от Бо́га чуде́с дар, о́тче Мефо́дие,/ и был еси́ о Христе́ собесе́дник и спо́стник преподо́бному Се́ргию,/ с ни́мже у Христа́ Бо́га испроси́ правосла́вным Христиа́ном здра́вие, и спасе́ние,// и душа́м на́шим ве́лию ми́лость.

Кондак преподобному Мефодию, игумену Пешношскому, глас 4

Послуша́ния до́брый рачи́тель быв,/ безпло́тныя враги́ сле́зными моли́твами твои́ми кре́пко посрами́л еси́/ и яви́лся еси́ Пресвяты́я Тро́ицы жили́ще,/ Ю́же зря, блаже́нне, я́сно,/ Богому́дре Мефо́дие преподо́бне,/ чуде́с дар от Нея́ прия́л еси́./ Те́мже исцеля́еши с ве́рою приходя́щих неду́ги,/ утоля́еши ско́рби// и мо́лишися непреста́нно о всех нас.

Молитва преподобному Мефодию, игумену Пешношскому

О, свяще́нная главо́, земны́й А́нгеле и Небе́сный челове́че, преподо́бне и Богоно́сне о́тче наш Мефо́дие! Припа́даем к тебе́ с ве́рою и любо́вию, и мо́лимся приле́жно: яви́ нам, смире́нным и гре́шным, свято́е оте́ческое твое́ заступле́ние: се бо грех ра́ди на́ших не и́мамы свобо́ды чад Бо́жиих, проси́ти о потре́бах на́ших Го́спода и Влады́ку на́шего, но тебе́, моли́твенника благоприя́тнаго к Нему́ предлага́ем, и про́сим тя со усе́рдием мно́гим, испроси́ нам у бла́гости Его́ благопотре́бныя да́ры душа́м и телесе́м на́шим: ве́ру пра́ву, наде́жду спасе́ния несомне́нну, любо́вь ко всем нелицеме́рну, в искуше́ниих му́жество, в злострада́ниих терпе́ние, в моли́твах постоя́нство, душе́ и телесе́ здра́вие, земли́ плодоно́сие, возду́ха благорастворе́ние, жите́йских потре́б дово́льство, ми́рное и безмяте́жное житие́, благу́ю христиа́нскую кончи́ну и до́брый отве́т на Стра́шном Суде́ Христо́ве. Испроси́, уго́дниче Бо́жий, у Царя́ ца́рствующих и Го́спода госпо́дствующих правосла́вным христиа́ном спасе́ние и на враги́ одоле́ние и всему́ оте́честву на́шему мир, тишину́ и благострое́ние. Не лиши́ нас по́мощи твоея́ Небе́сныя, но моли́твами твои́ми всех нас приведи́ в приста́нище спасе́ния и насле́дники яви́ нас бы́ти всесве́тлаго Ца́рствия Христо́ва, да пое́м и сла́вим неизрече́нныя щедро́ты Человеколю́бца Бо́га, Отца́ и Сы́на и Свята́го Ду́ха и твое́ свято́е оте́ческое заступле́ние во ве́ки веко́в. Ами́нь.

Молитва вторая преподобному Мефодию, игумену Пешношскому

О, вели́кий уго́дниче Христо́в и пресла́вный чудотво́рче, преподо́бне о́тче наш Мефо́дие! При́зри на ны гре́шныя, обурева́емыя треволне́нием жите́йских страсте́й и к тебе́ вопию́щия: мы бо, ча́да твоя́ духо́вная и огра́ды твоея́ слове́сныя о́вцы, на тя, по Бо́зе и Богоро́дице, упова́ние на́ше возлага́ем, и тя со умиле́нием про́сим: хода́тайством ко Го́споду Бо́гу испроси́ нам мир, здра́вие, долгоде́нствие, возду́ха благорастворе́ние, земли́ плодоно́сие, дожди́ благовре́менны, и вся ны изба́ви от вся́ких бед: гра́да, гла́да, пото́па, огня́, меча́, вредоно́снаго че́рвия снеда́ющаго плоды́ земны́я, тлетво́рных ветро́в, смертоно́сныя я́звы н напра́сныя сме́рти, и во всех ско́рбех и печа́лех на́ших бу́ди нам уте́шитель благи́й и помо́щник ско́рый, сохраня́я нас моли́твами твои́ми от паде́ний грехо́вных и сподобля́я насле́дники бы́ти Ца́рствия Небе́снаго: да прославля́ем вку́пе с тобо́ю всех благ пода́теля, в Тро́ице сла́вимаго и покланя́емаго Бо́га, Отца́ и Сы́на и Свята́го Ду́ха, во ве́ки веко́в. Ами́нь.

Притча дня

Один прихожанин перестал ходить в церковь. Раньше он всегда по выходным дням делал это. Шло время, и однажды священник решил его навестить. Он отправился к нему домой. Дверь была открыта, и батюшка вошел вовнутрь. Бывший прихожанин сидел в полном одиночестве перед камином. Когда он увидел священника, кивнул ему головой в знак приветствия и жестом предложил присесть. Устроившись поудобней, священник так же стал смотреть на красиво играющее в камине пламя. Мужчины молчали. Через несколько минут батюшка вдруг поднялся, взял каминные щипцы, подхватил ими пылающую головешку и отложил в сторону, подальше от общего пламени. Затем он вновь сел. Молчание продолжалось. Вынутая головешка тем временем уже перестала полыхать, а только слегка алела, и еще через некоторое время совсем остыла и почернела. Священник снова встал, взял щипцы и положил потухшую головешку обратно в очаг. Через мгновенье она уже пылала, как ее соседи. Отложив щипцы, священник молча направился к выходу и, когда он уже был в дверях, услышал слова:
– Спасибо за визит, и за проповедь у камина. В это воскресенье я обязательно приду.

Книги, статьи, стихи

Кроссворды. Кроссворды. Кроссворд «Пророки Илия и Елисей»

Кроссворд «Пророки Илия и Елисей»►


Случайный тест

(0 голосов: 0 из 5)