Тропари, кондаки, молитвы и величания

Преподобномученицы Февронии

Тропарь преподобномученицы Февронии, глас 4

Агница Твоя, Иисусе, Феврония/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою;/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Кондак преподобномученицы Февронии, глас 6

Женише мой, сладчайший Христе, - / взываше Феврония, - / не трудно ми тещи во след Тебе,/ ибо сладость любве Твоея душу мою надеждею впери/ и красота милости Твоея сердце мое услади/ испити чашу страданий по Тебе,/ да достойну мя в чертозе с мудрыми девами/ ликовствовати о Тебе сопричтеши./ Темже, преподобная страстотерпице,/ почитающе подвиги трудов твоих, молим тя:// моли не затворитися и нам чертога дверем.

показать все

Благоверным князю Петру и княгине Февронии, Муромским чудотворцам

Тропарь благоверным князю Петру и княгине Февронии, Муромским чудотворцам, глас 8

Яко благочестиваго корене пречестная отрасль был еси,/ добре во благочестии пожив, блаженне Петре,/ тако и с супружницею твоею, премудрою Феврониею,/ в мире Богу угодивше, и преподобных житию сподобистеся./ С нимиже молитеся Господеви/ сохранити без вреда отечество ваше,// да вас непрестанно почитаем.

Кондак благоверным князю Петру и княгине Февронии, Муромским чудотворцам, глас 8

Мира сего княжение и славу временну помышляя,/ сего ради благочестно в мире пожил еси, Петре,/ купно и с супружницею твоею, премудрою Феврониею,/ милостынею и молитвами Богу угодивше./ Темже и по смерти неразлучно во гробе лежаще,/ исцеление невидимо подаваете,/ и ныне Христу молитеся,// сохранити град же и люди, иже вас славящих.

Молитва святым благоверным князю Петру и княгине Февронии, Муромским

О велицыи угодницы Божии и предивнии чудотворцы благовернии княже Петре и княгине Февроние, града Мурома предстатели и хранители, и о всех нас усерднии ко Господу молитвенницы! К вам прибегаем и вам молимся с упованием крепким: принесите за нас грешных святыя молитвы ваша ко Господу Богу и испросите нам у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, душам и телесем здравие и вечное спасение. Исходатайствуйте у Царя Небеснаго: верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Испросите Церкви святей и всей державе Российстей мир, тишину и благоустроение, и всем нам житие благополучное и добрую христианскую кончину. Оградите отечество ваше, град Муром, и вся грады Российския от всякаго зла и вся правоверныя люди, к вам приходящия и мощем покланяющияся, осените благодатным действом благоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам возносимых, но будите о нас приснии предстатели ко Господу и сподобите нас помощию вашею святою спасение вечное получити и Царствие Небесное унаследовати; да славословим неизреченное человеколюбие Отца, и Сына, и Святаго Духа, в Троице покланяемаго Бога, во веки веков. Аминь.

Преподобному Далмату Исетскому, чудотворцу

Тропарь преподобному Далмату Исетскому, чудотворцу, глас 2

Дивный и славный угодниче Христов, славы и почестей всяческих бегая, в пустыни Исетской вселился еси, созидая в молитвах обитель твою, аки стены Иерусалимския, заступничеством Царицы Небесныя чудесно обрел еси, страхом Божиим к стопам твоим повергая бывшаго врага и вновь воздвигни сердца наша, отступлением оскверненныя.

Тропарь преподобному Далмату Исетскому, чудотворцу, глас 4

Подвигом добрым подвизався,/ постом, бдением и молитвою любовь Христову стяжал еси,/ чудным же заступлением Божия Матере/ угрозы неверных ни во что же вменив,/ яко светило на тверди Небесней просиял еси,/ преподобне отче наш Далмате,/ моли Христа Бога спастися душам нашим.

Кондак преподобному Далмату Исетскому, чудотворцу, глас 2

Молитвами и верою обитель свою оградивый, землю Исетскую изрядно преобразивый, блаженным успением честное старчество запечатлевый, явлением мощей твоих нас не оставивый, отче наш преподобне Далмате, и ныне предстани и заступи чтущих святую память твою.

Кондак преподобному Далмату Исетскому, чудотворцу, глас 4

От юности Христа возлюбивше,/ суетная и мирская мудрования презрел еси,/ мужески же в пустыню вселившеся,/ вся напасти вражия победил еси/ и добрый воин Христов явился еси./ Поминай нас, верою чтущих тя,/ Далмате преблаженне.

Молитва преподобному Далмату Исетскому, чудотворцу

О, священная главо, преподобне отче, преблаженне авво Далмате! Не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака (икона твоя святая) пред очима нашима видима есть всегда, но святая твоя душа со ангельскими воинствы, со бесплотными лики, с Небесными Силами, у Престола Вседержителева предстоящи, достойно веселится. Ведуще убо тя воистинну и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на Небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно и во веки веков. Аминь.

Молитва иная преподобному Далмату Исетскому, чудотворцу

Притча дня

Как-то раз одному человеку приснился сон. Ему снилось, будто он идёт песчаным берегом, а рядом с ним — Господь. На небе мелькали картины из его жизни, и после каждой из них он замечал на песке две цепочки следов: одну — от его ног, другую — от ног Господа.

Когда перед ним промелькнула последняя картина из его жизни, он оглянулся на следы на песке. И увидел, что часто вдоль его жизненного пути тянулась лишь одна цепочка следов. Заметил он также, что это были самые тяжёлые и несчастные времена в его жизни.

Он сильно опечалился и стал спрашивать Господа:
— Не Ты ли говорил мне: если последую путём Твоим, Ты не оставишь меня. Но я заметил, что в самые трудные времена моей жизни лишь одна цепочка следов тянулась по песку. Почему же Ты покидал меня, когда я больше всего нуждался в Тебе?

Господь отвечал:
— Моё милое, милое дитя. Я люблю тебя и никогда тебя не покину. Когда были в твоей жизни горе и испытания, лишь одна цепочка следов тянулась по дороге. Потому что в те времена я нёс тебя на руках. 

Проповедь дня

Перейти в раздел «Проповеди»

Случайный тест

(0 голосов: 0 из 5)