Главная » Алфавитный раздел » Епископ » Испытание веры кандидата на епископское служение
Распечатать Система Orphus

Испытание веры кандидата на епископское служение

( Испытание веры кандидата на епископское служение 2 голоса: 5 из 5 )

Чтение им

догмата веры

об Ипостасях Пресвятой Троицы.

___________

Исповедание (пространное) Символа веры

/при епископской хиротонии/.

             ___________________________________________

В день рукоположения перед литургией

нареченный (кандидат на епископское служение) торжественно перед всем собором епископов, клиром и народом

исповедует св. православную веру, сначала читая

Символ веры,

а затем в ответ на повеление митрополита:

 

Яви намъ еще пространнее,

яко исповедуеши

о свойствахъ трiехъ vпостасей непостижимаго Божества,

и яже о вочеловеченiи Ипостаснаго Сына и Слова Божiя,

 

во услышание всех читает

второе исповедание:

«Верую во Единаго Бога Отца, Вседержителя, Творца небу и земли, видимымъ же всемъ и невидимымъ: безначальнаго убо и нерожденнаго и безвиновнаго, начало же естественное и вину Сына и Духа.

Верую и во единороднаго Его Сына, неистечно, и безвременно изъ Него рожденнаго, единосущна Ему, Имже вся быша.

Верую и въ Духа Святаго, изъ тогожде Отца исходящаго и сославимаго, яко соприсносущнаго, и сопрестольнаго, и единосущнаго, и равнославнаго, и твари содетеля.

Верую, яко единъ отъ тояжде пресущественныя и живоначальныя Троицы, единородное Слово, снисшедъ съ небесъ насъ ради человекъ и нашего ради спасенiя, воплотися отъ Духа Свята и Марiи Девы, и вочеловечися, сиречь совершенный человекъ бысть, пребывая Богъ, и ничтоже пременивъ отъ Божескаго существа прiобщенiемъ къ плоти, или во иное превративъ; но безъ преложенiя воспрiявъ человека, въ немъ страданiя и смерть претерпе, отъ всякаго страданiя по Божескому естеству свободный, и воскресе въ третiй день изъ мертвыхъ и восшедъ на небеса, возседе одесную Бога и Отца.

Еще же воплотившагося Слова едину ипостась исповедую;

и верую и проповедую, яко единъ и тойжде есть Христосъ во двухъ по воплощенiи естествахъ, сохраняя, въ нихже бе. Последовательне же и две воли чту, коемуждо естеству, сохраняющу собственную волю и собственное действiе.

Верую и яже о Бозе и божественныхъ единыя Кафолическiя и Апостольскiя Церкве преданiемъ и сказанiемъ. Покланяюся относительно, а не богослужебно, божественнымъ и досточтимымъ иконамъ Самого Христа и Пречистыя Богоматере и всехъ святыхъ, честь предъ ними являемую пренося на первообразное.

Инако же о семъ мудрствующихъ, яко чужемудрствующихъ, отметаю и анафематствую.

Владычицу нашу Богородицу Марiю свойственно и истинно исповедую, яко рождшую плотiю единаго отъ Троицы Христа Бога нашего, яже да будетъ ми помощница, покров и заступленiе во вся дни жизни моея.

Аминь.»

 ***

Яви намъ и еще, како содержиши

каноны Святыхъ Апостолъ и Святыхъ Отецъ и преданiя

и установленiя церковная.

 

                 Избранный во епископа велегласно глаголет:

     «К сему моему святыя веры исповеданiю обещаюся каноны Святыхъ Апостолъ, Седми Вселенскихъ и Благочестивыхъ Поместныхъ Соборовъ и Правила Святыхъ Отецъ хранити и соблюдати: вся, яже тiи прияша, и азъ прiемлю; и ихже тiи отвратишася, и азъ отвращаюсь.

     Еще же обещеваюся преданiя церковная, уставы святыя и чины вся Кафолическiя Восточныя Православныя Церкве хранити неизменно.

     Обещаюся и церковный миръ соблюдати и твердо держати, и не единымъ убо нравомъ въ чесомъ противная Православней Кафоличестей Восточней Христiанстей Вере мудрствовати во вся дни живота моего, и последовати ми во всемъ и повиноватися всегда Блаженнейшему Митрополиту, и Преосвященнымъ Архiереемъ, братiи моей, во всемъ согласну быти и купночинну, по божественнымъ закономъ и священнымъ правиломъ Святыхъ Апостолъ и Святыхъ Отецъ, и любовь духовную вседушно къ нимъ имети, и яко братiю почитати.

     Обещаю же ся во страсе Божiи и боголюбивымъ нравомъ вверенное ми стадо управляти, и усердно учити, и отъ всехъ ересей сохраняти, со всякимъ усерднымъ тщанiемъ.

     Еще же и въ томъ исповедаюся, яко не злата или сребра обещанiемъ и даянiемъ на сiе служенiе прихожду, но туне, избранiемъ Святаго Собора Епископовъ.

     Къ симъ же обещаюся ничтоже творити ми по нужде, аще и отъ сильныхъ лицъ или отъ множества народа нудиму, аще и смертiю ми воспретятъ, веляще что сотворити ми вопреки божественнымъ и священнымъ правиломъ; ниже въ чуждей епархiи литургисати, или ино что священныхъ деяти безъ воли епархiи оныя Архiереа, такожде не рукополагати ми ниже iереа, ниже дiакона, ниже инаго каковаго клирика чуждыя епархiи, ниже прiимати я въ мою епархiю безъ отпускныхъ грамотъ своихъ имъ Архiереевъ.

     Обещаваюся врученную ми паству по обычаю Апостолъ посещати и назирати: како пребываютъ вернiи въ вере и во исправленiи делъ благихъ, а наипаче iереи; и смотрети съ прилежанiемъ, учити и запрещати, дабы расколы, суеверiя и ереси не умножалися, и дабы противнiи христiанскому благочестiю и благонравiю обычаи не повреждали христiанскаго житiя.

     Съ противными Церкви Святей, съ разумомъ и кротостiю поступати, по Апостолу Павлу, яко рабу Господню не подобаетъ сваритися, но тиху быти ко всемъ, учительну, незлобиву, съ кротостiю наказующу противныя, еда како дастъ имъ Богъ покаянiе въ разумъ истины.

     Еще же по заповеди Господней: воздадите кесарева кесареви и Божiя Богови, обещаваюся быти вернымъ и добрымъ гражданиномъ страны нашея.

     Вся же та, якоже днесь обещахся, до последняго издыханiя, ради будущихъ благъ, исполняти обещаваюся: буди ми сердцеведецъ Богъ обещанiя моего свидетель.

     Во истиннемъ же и усерднемъ моемъ правленiи и действiи да будетъ Самъ той Спаситель нашъ Iисусъ Христосъ ми помощникъ, Емуже купно со Отцемъ и Духомъ Святымъ, да будетъ слава и держава, честь и поклоненiе, ныне и присно и во веки вековъ.

 Аминь.»

Вы можете отметить интересные вам фрагменты текста, которые будут доступны по уникальной ссылке в адресной строке браузера.

Rambler's Top100 Рейтинг@Mail.ru