![\"Праведные](\"https:\/\/azbyka.ru\/molitvoslov\/wp-content\/uploads\/2022\/02\/p1aspjj46s1pv4gc41dsco8512p15.png\" "\\"Праведные")
<\/p>\n<\/p>\n
Избра́ннии от челове́ческаго ро́да прароди́телие Христо́вы, ро́ждшии Преблагослове́нную Богоотрокови́цу, из Нея́же по пло́ти Сын Бо́жий роди́ся, святи́и и пра́веднии Богоотцы́ Иоаки́ме и А́нно! Я́ко иму́щии дерзнове́ние ве́лие ко Христу́ Бо́гу и вы́ну предстоя́щии Престо́лу Его́ небе́сному, Тому́ приле́жно моли́теся от бед нам избавитися, да вы́ну зове́м вам:<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
А́нгел предста́тель по́слан бысть к вам от Бо́га, святи́и и пра́веднии Богоотцы́ Иоаки́ме и А́нно, егда́ о безпло́дии свое́м ов у́бо в пусты́ни, о́ва же в саду́ свое́м се́товасте, к Бо́гу моли́тву вознося́ще; и та́ко благове́стие ра́достное принесе́ безпло́тный, я́ко роди́ти и́мате Дщерь Преблагослове́нную, о Нейже возблагослови́тся весь род челове́ческий, с ни́мже и мы вам ра́достное прино́сим хвале́ние:<\/p>\n
Ра́дуйтеся, ко́рене Дави́дова святопроцве́тшия ро́зги виногра́да живо́тнаго;<\/p>\n
ра́дуйтеся, ро́ждшии Дщерь, от всех родо́в Преблагослове́нную.<\/p>\n
Ра́дуйтеся, вопло́щшагося Сы́на Бо́жия прароди́телие всечестни́и;<\/p>\n
ра́дуйтеся, та́инства, от ве́ка утае́ннаго, прояви́телие всеизря́днии.<\/p>\n
Ра́дуйтеся, уте́хи Изра́илевы ближа́йшии по пло́ти сро́дницы;<\/p>\n
ра́дуйтеся, обетова́ннаго ми́ру Спаси́теля единокро́внии ю́жицы.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Ви́дев себе́ святы́й Иоаки́м, во хра́ме Иерусали́мстем безпло́дия ра́ди от архиере́я уничиже́нна, зело́ опеча́лися, и в го́рести души́ своея́ в пусты́ню к свои́м стадо́м удали́ся, и та́мо со мно́гими слеза́ми те́пле ко Го́споду моля́шеся, да сподо́бит его́ отце́м своему́ ча́ду нарещи́ся, и та́ко к моли́тве же пост прилага́ше, и в сокруше́нии се́рдца Вседержи́телю Бо́гу взыва́ше: Аллилу́иа.<\/p>\n
Си́лу го́рести му́жа своего́ свята́я А́нна уве́девши, в дому́ свое́м седя́щи, го́рце пла́кася и моля́шеся ко Го́споду, да поноше́ние безпло́дия от нея́ оты́мет. Мы же, толи́кое терпе́ние пра́ведных помина́юще, воззове́м:<\/p>\n
Ра́дуйтеся, богоизбра́нная дво́ице, Еди́ному от Тро́ицы Ма́терь по пло́ти породи́вшая;<\/p>\n
ра́дуйтеся, Зижди́телю ва́шему Роди́тельницу непоро́чную произве́дшии.<\/p>\n
Ра́дуйтеся, супру́зи благослове́ннии, Преблагослове́нную в жена́х Дщерь воспита́вшии;<\/p>\n
ра́дуйтеся, в безпло́дии ва́шем от Го́спода услы́шаннии.<\/p>\n
Ра́дуйтеся, я́ко сле́зныя моли́твы ва́ша пронико́ша не́бо и во у́шию Бо́га Изра́илева достиго́ша;<\/p>\n
ра́дуйтеся, я́ко поноше́ние ва́ше вре́менное во сла́ву ве́чную на небеси́ и на земли́ измени́ся.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Си́лою Бо́жиею преиспо́лнен, яви́ся А́нгел Госпо́день свято́му Иоаки́му в пусты́ни и рече́ ему́: «Услы́ша Бог моли́тву твою́ и изво́ли да́ти тебе́ благода́ть Свою́, се бо жена́ твоя́ А́нна зачне́т и породи́т тебе́ Дщерь, о Нейже всему́ ми́ру бу́дет ра́дость». Сия́ рек безпло́тный, повеле́ ему́ ко хра́му Иерусали́мскому па́ки отыдти́, иде́же он супру́гу свою́ моля́щуся обря́щет, с не́юже вку́пе да воспое́т та́мо хвале́бную песнь Бо́гу Изра́илеву: Аллилу́иа.<\/p>\n
Иму́щи скорбь ве́лию в се́рдце свое́м А́нна свята́я и в вертогра́д до́ма своего́ вше́дши, ви́де гнездо́ пти́чье на дре́ве сооруже́но, птенцы́ ма́лыя в нем лежа́щия, а́бие моле́ния к моле́ниям прилага́ти потща́ся, да сподо́бит ю Госпо́дь ма́терь ча́ду быти. И се яви́ся ей а́нгел Госпо́день, глаго́ля: «Услы́шана есть моли́тва твоя́ и воздыха́ния твоя́ проидо́ша о́блаки, сле́зы же твоя́ пред Бо́га внидо́ша: се зачне́ши и роди́ши Дщерь Преблагослове́нную, о Нейже возблагословя́тся вся коле́на земна́я, и То́ю да́стся спасе́ние всему́ ми́ру, нарече́тся же и́мя Ей Мари́я». Таково́е а́нгельское всера́достное благове́щение помина́юще, воспои́м Богоотце́м такова́я:<\/p>\n
Ра́дуйтеся, супру́зи пра́веднии, от Бо́га свы́ше предызбра́ннии;<\/p>\n
ра́дуйтеся, во всех за́поведех Госпо́дних без поро́ка ходи́вшии.<\/p>\n
Ра́дуйтеся, в ско́рби ва́шей вре́менней утеше́ние ве́чное получи́вшии;<\/p>\n
ра́дуйтеся, па́че ча́яния ва́шего десни́цею Бо́жиею превознесе́ннии.<\/p>\n
Ра́дуйтеся, я́ко во смире́нии ва́шем и ско́рби помяну́ вы Госпо́дь;<\/p>\n
ра́дуйтеся, я́ко сподо́бистеся прароди́телие Сы́ну Бо́жию быти.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Бу́рею сомне́ния Иоаки́м пра́ведный содержи́мь и о благове́стии ему́ а́нгела недоумева́я, а́бие во град Иерусали́м оты́де, иде́же пред враты́ хра́ма святу́ю А́нну обре́те, Го́спода вельми́ славосло́вящую и ра́дость а́нгельскаго явле́ния и о ча́де прорече́ния ему́ возвеща́ющу, те́мже и о свое́м виде́нии супру́жнице благовести́в, вку́пе с не́ю возопи́ ко Го́споду: Аллилу́иа.<\/p>\n
Слы́шавше сро́дницы и зна́емии о пресла́вном святы́я А́нны зача́тии, Бо́га Изра́илева сла́вляху, А́нна же богому́драя плод чре́ва своего́ на служе́ние Бо́гу обрече́, те́плое благодаре́ние Го́сподеви возноша́ше; мы же све́тло всесла́вное зача́тие Богоотрокови́цы Мари́и воспева́юще, Той святы́м роди́телем глаго́лем си́це:<\/p>\n
Ра́дуйтеся, ра́достнии нам гряду́щаго в мир Искупи́теля провозве́стницы;<\/p>\n
ра́дуйтеся, при́сно помина́емии ча́емаго Спаси́теля пра́отцы.<\/p>\n
Ра́дуйтеся, чрез Дщерь ва́шу благослове́нную Сло́ву Бо́жию плоть взаимода́вшии;<\/p>\n
ра́дуйтеся, Бо́га воплоще́нна Вну́ка себе́ нарица́ющии.<\/p>\n
Ра́дуйтеся, ве́лией благоче́стия та́йны досто́йнии служи́телие;<\/p>\n
ра́дуйтеся, Бо́жия к челове́ком снисхожде́ния всеизря́днии посре́дницы.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Богосве́тлую звезду́ я́вльшую Со́лнце Пра́вды Христа́ Бо́га, Пресвяту́ю Богоро́дицу, пло́тию роди́ти сподо́бистеся, и вожделе́нное и́мя Богооте́ц прия́сте, Иоаки́ме и А́нно всеблаже́ннии, о Ея́же рождестве́ святе́м не́бо и земля́ возра́довашася, и весь род челове́ческий освяти́ся, вопия́ ди́вному во святы́х Свои́х Бо́гу Изра́илеву: Аллилу́иа.<\/p>\n
Ви́девше роди́телие от них ро́ждшуюся Богоотрокови́цу Мари́ю, Зижди́телеву же Ма́терь, я́ко киво́ту Бо́жию, благогове́йно Той послужи́ша; те́мже и нас, к вам моли́твенно припа́дающих, не отврати́тесь, глаго́лющих:<\/p>\n
Ра́дуйтеся, в рождестве́ Богоотрокови́цы Мари́и све́тло возликова́вшии;<\/p>\n
ра́дуйтеся, виде́нием Богоотрокови́цы услажде́ннии.<\/p>\n
Ра́дуйтеся, слы́шанием Ея́ умиле́ннии;<\/p>\n
ра́дуйтеся, по сих от архиере́я Бо́жия благослове́ннии и ублаже́ннии.<\/p>\n
Ра́дуйтеся, А́гницу непоро́чную в дому́ свое́м до́бре упа́сшии;<\/p>\n
ра́дуйтеся, А́гнца и Па́стыря Ма́терь во Дщерь себе́ прие́мшии.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Пропове́дницы чуде́с Бо́жиих яви́стеся святи́и, егда́ обе́т свой Бо́гови соверши́сте и триле́тнюю Богоотрокови́цу Мари́ю в храм Бо́жий со сла́вою введо́сте, да обита́ет та́мо во свята́я святы́х, о сих у́бо ра́достно Бо́гу оте́ц ва́ших славосло́вия песнь воспева́ти потща́стеся: Аллилу́иа.<\/p>\n
Возсия́ Богоотрокови́ца, я́ко луна́ по́лная, в честне́м Свое́м в храм Госпо́день вхожде́нии, Ея́же чистоте́ а́нгелы удивля́хуся, и архиере́й Бо́жий Заха́рия прие́м Ю от рук ва́ших, святи́и Иоаки́ме и А́нно, во вну́тренняя свята́я святы́х с че́стию введе́, я́ко вои́стину одушевле́нный Бо́жий киво́т, вас же по достоя́нию ублажи́ хвале́ньми таковы́ми:<\/p>\n
Ра́дуйтеся, ра́дость всеми́рную ро́ду челове́ческому породи́вшии;<\/p>\n
ра́дуйтеся, Вино́вницу челове́ческаго обновле́ния воспита́вшии.<\/p>\n
Ра́дуйтеся, в храм Госпо́день Киво́т одушевле́нный Бо́жий приве́дшии;<\/p>\n
ра́дуйтеся, Дщерь ва́шу Святу́ю во свята́я святы́х вмести́вшии.<\/p>\n
Ра́дуйтеся, Бо́гу, воплоти́тися хотя́щему, сро́дницы явля́ющиися;<\/p>\n
ра́дуйтеся, а́нгелом собесе́дницы бы́вшии.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Жела́ние ду́ши твоея́ испо́лнив и обе́т твой Бо́гови возда́в, Иоаки́ме преблаже́нне, в ста́рости до́брей свя́то и пра́ведно жизнь земну́ю о Го́споде сконча́л еси́. Те́мже ны́не Тому́ и о нас сотвори́ моли́тву, да благу́ю, ми́рную и непосты́дную кончи́ну получи́ти сподо́бимся, зову́ще Ему́: Аллилу́иа.<\/p>\n
Но́вое и богоуго́дное житие́ во вдовстве́ твое́м, А́нно свята́я, провожда́ла еси́, у хра́ма Бо́жия примета́ющися и Святе́й и Преблагослове́нней Дще́ри твое́й сослужа́щи, те́мже я́ко и́стинную и богоуго́дную вдови́цу, Христо́ву же праба́бу, тя восхваля́ем, вку́пе же и му́жа твоего́, Богоотца́ Иоаки́ма, усе́рдно че́ствуем и с любо́вию пе́сни таковы́я вам прино́сим:<\/p>\n
Ра́дуйтеся, пра́ведницы, и́хже пра́вда, я́ко со́лнце, сия́ет во ве́ки;<\/p>\n
ра́дуйтеся, А́нгелом дру́зи, сожи́телие святы́м и при́снии Бо́гу.<\/p>\n
Ра́дуйтеся, бли́жнии небе́снаго Престо́ла предстоя́телие;<\/p>\n
ра́дуйтеся, дерзнове́ние ве́лие ко Христу́ Бо́гу иму́щии.<\/p>\n
Ра́дуйтеся, Це́ркве на небеси́ торжеству́ющия украше́ние;<\/p>\n
ра́дуйтеся, Це́ркве во́инствующия на земли́ до́брое заступле́ние.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Стра́нствие земно́е соверши́в, свята́я и пра́ведная А́нно, на рука́х Пребоже́ственныя твоея́ Дще́ри, Богоро́дицы Мари́и, сном сме́ртным почи́ла еси́ и к Бо́гу со упова́нием преста́вилася еси́, те́мже свято́е успе́ние твое́ сла́вяще, мо́лим тя, о, Богопрама́терь всечестна́я, да егда́ и мы сном сме́ртным усыпа́ти начне́м, умоли́ Спа́са Христа́ кро́тко ду́шу на́шу от те́ла отдели́ти и бесо́вския вла́сти ю изба́вити, спасе́ния же ве́чнаго нас удосто́ити, да зове́м Ему́ в ра́дости святы́х: Аллилу́иа.<\/p>\n
Весь мир христиа́нский блажи́т вас по достоя́нию, святи́и и пра́веднии Богоотцы́ Иоаки́ме и А́нно, и моли́твенно ва́ша честна́я имена́ прославля́ет, Це́рковь же Христо́ва све́тло па́мять ва́шу пра́зднует и пе́сни хвале́бныя вам прино́сит си́це:<\/p>\n
Ра́дуйтеся, свети́льницы, мрак душ на́ших благода́тно озаря́ющии;<\/p>\n
ра́дуйтеся, от го́рних высо́т сла́вы ва́шея к земноро́дным ми́лостиво проница́ющии.<\/p>\n
Ра́дуйтеся, Богоро́дице Мари́и сомоли́твенницы всегда́шнии;<\/p>\n
ра́дуйтеся, Христа́ Бо́га умилостиви́телие многомо́щнии.<\/p>\n
Ра́дуйтеся, любо́вь и ве́ру к вам иму́щих от вся́ких бед спаса́ющии;<\/p>\n
ра́дуйтеся, моли́твенно на по́мощь вас призыва́ющих от напра́сныя и на́глыя сме́рти избавля́ющии.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Вси а́нгели Бо́жии и ли́цы святы́х Бо́жиих на небеси́ вас, святи́и и пра́веднии Богоотцы́ Иоаки́ме и А́нно, целу́ют, ро́ди же челове́честии на земли́ моли́твенными пе́сньми вас похваля́ют и о предста́тельстве ва́шем благода́рно вопию́т Бо́гу: Аллилу́иа.<\/p>\n
Вити́йства на́ша не довле́ют к досто́йной вам похвале́, святи́и прароди́телие Христо́вы; оба́че вы, ми́лостивы су́ще, и на́ша убо́гая хвале́ния не отврати́те, но бу́дите о нас те́плии предста́тели и моли́твенницы ко Го́споду, ва́шими святы́ми моли́твами ску́дость душ на́ших восполня́юще, да благода́рственне вам зове́м:<\/p>\n
Ра́дуйтеся, ра́дости и сла́вы ве́чныя вожделе́ннии нам стяжа́телие;<\/p>\n
ра́дуйтеся, благ вре́менных и ве́чных усе́рднии нам пред Го́сподем хода́таи.<\/p>\n
Ра́дуйтеся, от смертоно́сныя я́звы предста́тельством ва́шим ве́рныя сохраня́ющии;<\/p>\n
ра́дуйтеся, тлетво́рныя ве́тры моли́твами ва́шими разгоня́ющии.<\/p>\n
Ра́дуйтеся, трясе́ние земли́ и бу́ри зе́льныя хода́тайством ва́шим установля́ющии и в тишину́ прелага́ющии;<\/p>\n
ра́дуйтеся, во вся́ких беда́х и злоключе́ниих на по́мощь к нам ускоря́ющии.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Спасе́ния душе́внаго жела́ющим и о сем усе́рдно подвиза́ющимся, помо́щницы блази́и, святи́и и пра́веднии Богоотцы́ Иоаки́ме и А́нно, яви́стеся, ов у́бо и́ноком, о́ва же и́нокинем храни́тели имену́етеся, о́бщее моле́ние за всех ве́рных Бо́гу принося́ще, да вси благода́рственно зову́т просла́вльшему вас во вселе́нней, Царю́ сла́вы Христу́: Аллилу́иа.<\/p>\n
Стено́ю моли́тв ва́ших небе́сных, святи́и и пра́веднии Богоотцы́ Иоаки́ме и А́нно, сохраня́йте и огражда́йте нас от искуше́ний врага́ диа́вола, и́щущаго душе́вней поги́бели на́шей: ве́мы бо, ве́мы, я́ко мно́го мо́жет моли́тва ва́ша пред лице́м Христа́ Бо́га на́шего, ва́шего же по пло́ти Вну́ка. Его́же умоля́ти не преста́йте о всех, с любо́вию вас почита́ющих и вопию́щих:<\/p>\n
Ра́дуйтеся, ма́слина благопло́дная, еле́й ми́лости Божией оби́льно нам источа́ющая;<\/p>\n
ра́дуйтеся, кипари́си дво́е благосенноли́ственнии, зной страсте́й на́ших в поко́й безстра́стия приводя́щии.<\/p>\n
Ра́дуйтеся, виссо́не и багряни́це, из ни́хже Ски́ния Бо́жия селе́ния сооруди́ся;<\/p>\n
ра́дуйтеся, го́рлицы единосупру́жнии, Голуби́цу непоро́чную произве́дшии.<\/p>\n
Ра́дуйтеся, со Дще́рию ва́шею, всех Цари́цею, вечно ца́рствующии;<\/p>\n
ра́дуйтеся, в Сио́не го́рнем в оби́тели Ея́ небе́сней све́тло торжеству́ющии.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Пе́ние на́ше хвале́бное ми́лостивно приими́те и щедро́т ва́ших моли́твенных нас не лиши́те, о, святи́и прароди́телие Христо́вы Иоаки́ме и А́нно, а́ще и недосто́йнии есмы, грехо́в ра́ди на́ших, ва́шего свята́го заступле́ния: оба́че я́ко бла́зи и всеще́дри су́ще, сие́ нам подади́те, и помози́те нам покая́нием очи́ститися от скве́рны грехо́вныя, да в чистоте́ серде́ц воспое́м Созда́телю на́шему хвале́бную песнь: Аллилу́иа.<\/p>\n
Светопода́тельная два свети́льника, всеми́рную Свещу́ возже́гшии, позна́ем святы́х Богооте́ц Иоаки́ма и А́нну, о, бра́тие, и сия́нием тех небе́сныя сла́вы озаря́еми, воспои́м им такова́я:<\/p>\n
Ра́дуйтеся, сла́внейшую без сравне́ния Серафи́м воспита́ти удосто́ившиися;<\/p>\n
ра́дуйтеся, луча́ми благода́ти Бо́жия осия́нии.<\/p>\n
Ра́дуйтеся, благоуха́ния духо́внаго преиспо́лненнии;<\/p>\n
ра́дуйтеся, фимиа́м моли́тв ва́ших о всем ми́ре христиа́нстем Бо́гу принося́щии.<\/p>\n
Ра́дуйтеся, с Богоро́дицею Мари́ею и Предте́чею Иоа́нном у Престо́ла Христо́ва вы́ну предстоя́щии.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
Благода́ть Бо́жию и ми́лость нам пода́ти, проще́ние же грехо́в и исправле́ния жития́ ниспосла́ти проси́те нам у Го́спода, святи́и Богоотцы́ Иоаки́ме и А́нно, и не преста́йте о нас пред лице́м Вседержи́теля Бо́га моля́ще, я́ко стяжа́вшии к Нему́ дерзнове́ние мно́гое. О сем усе́рдно к вам припа́дающе, я́ко при́сных предста́телей и засту́пников на́ших, про́сим и благоумиле́нно зове́м всех Творцу́: Аллилу́иа.<\/p>\n
Пою́ще многомо́щное предста́тельство ва́ше к Бо́гу, Иоаки́ме и А́нно пра́веднии, велича́ем возвели́чившаго вас Христа́ Го́спода, воспева́ем и рожде́нную от вас Пренепоро́чную Его́ Ма́терь, вам же от усе́рдия на́шего сия́ достодо́лжныя похвалы́ прино́сим:<\/p>\n
Ра́дуйтеся, от восто́ка и до за́пада препросла́вленнии;<\/p>\n
ра́дуйтеся, стра́жие боже́ственнии, неусы́пно бдя́щии в моли́твах к Бо́гу о всех ве́рных.<\/p>\n
Ра́дуйтеся, по́мощь ва́шу благода́тную вся́цей душе́ христиа́нстей подаю́щии;<\/p>\n
ра́дуйтеся, во благи́х моле́ния и проше́ния благочести́вых исполня́ющии.<\/p>\n
Ра́дуйтеся, душе́вных и теле́сных неду́гов преизря́днии и безме́зднии цели́тели;<\/p>\n
ра́дуйтеся, благ вре́менных и ве́чных всеусе́рднии и благоприя́тнии нам хода́таи.<\/p>\n
Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n
О, святи́и и пра́веднии Богоотцы́ Иоаки́ме и А́нно! Мо́лим вас со усе́рдием и любо́вию, к подно́жию ног ва́ших припа́дающе: умоли́те Го́спода Бо́га изба́вити нас от поги́бели ве́чныя, гре́шником угото́ванныя, да милосе́рдием Бо́га на́шего спаса́еми и ва́шими святы́ми моли́твами споспешеству́еми, благода́рственно воспои́м Ему́ а́нгельскую песнь: Аллилу́иа.<\/p>
[\u0421\u0435\u0301\u0439 \u043a\u043e\u043d\u0434\u0430\u0301\u043a \u0433\u043b\u0430\u0433\u043e\u0301\u043b\u0435\u0442\u0441\u044f \u0442\u0440\u0438\u0301\u0436\u0434\u044b.]<\/br>[\u0414\u0430\u043b\u0435\u0435 \u043f\u043e\u0432\u0442\u043e\u0440\u044f\u0435\u043c 1\u2011\u0435 \u0438\u043a\u043e\u0441 \u0438 \u043a\u043e\u043d\u0434\u0430\u043a:]<\/em><\/p> А́нгел предста́тель по́слан бысть к вам от Бо́га, святи́и и пра́веднии Богоотцы́ Иоаки́ме и А́нно, егда́ о безпло́дии свое́м ов у́бо в пусты́ни, о́ва же в саду́ свое́м се́товасте, к Бо́гу моли́тву вознося́ще; и та́ко благове́стие ра́достное принесе́ безпло́тный, я́ко роди́ти и́мате Дщерь Преблагослове́нную, о Нейже возблагослови́тся весь род челове́ческий, с ни́мже и мы вам ра́достное прино́сим хвале́ние:<\/p>\n Ра́дуйтеся, ко́рене Дави́дова святопроцве́тшия ро́зги виногра́да живо́тнаго;<\/p>\n ра́дуйтеся, ро́ждшии Дщерь, от всех родо́в Преблагослове́нную.<\/p>\n Ра́дуйтеся, вопло́щшагося Сы́на Бо́жия прароди́телие всечестни́и;<\/p>\n ра́дуйтеся, та́инства, от ве́ка утае́ннаго, прояви́телие всеизря́днии.<\/p>\n Ра́дуйтеся, уте́хи Изра́илевы ближа́йшии по пло́ти сро́дницы;<\/p>\n ра́дуйтеся, обетова́ннаго ми́ру Спаси́теля единокро́внии ю́жицы.<\/p>\n Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n Избра́ннии от челове́ческаго ро́да прароди́телие Христо́вы, ро́ждшии Преблагослове́нную Богоотрокови́цу, из Нея́же по пло́ти Сын Бо́жий роди́ся, святи́и и пра́веднии Богоотцы́ Иоаки́ме и А́нно! Я́ко иму́щии дерзнове́ние ве́лие ко Христу́ Бо́гу и вы́ну предстоя́щии Престо́лу Его́ небе́сному, Тому́ приле́жно моли́теся от бед нам избавитися, да вы́ну зове́м вам:<\/p>\n Ра́дуйтеся, святи́и и пра́веднии Богоотцы́ Иоаки́ме и А́нно.<\/p>\n О, присносла́внии Христо́вы пра́ведницы, святи́и Богоотцы́ Иоаки́ме и А́нно, предстоя́щии небе́сному Престо́лу Вели́каго Царя́ и ве́лие дерзнове́ние к Нему́ иму́щии, я́ко от Преблагослове́нныя Дще́ри ва́шея, Пречи́стыя Богоро́дицы и Присноде́вы Мари́и, воплоти́тися изво́лившему, к вам, я́ко многомо́щным предста́телем и усе́рдным о нас моли́твенникам, прибега́ем мы, гре́шнии и недосто́йнии. Моли́те бла́гость Его́, я́ко да отврати́т от нас гнев Свой, по дело́м на́шим пра́ведно на ны дви́жимый, и да безчи́сленныя прегреше́ния на́ша презре́в, обрати́т нас на путь покая́ния и на стезе́ за́поведей Свои́х да утверди́т нас. Та́же моли́твами ва́шими в ми́ре живо́т наш сохрани́те и во всех благи́х благо́е поспеше́ние испроси́те, вся я́же к животу́ и благоче́стию потре́бная нам от Бо́га да́рующе, от вся́ких напа́стей и бед и напра́сныя сме́рти предста́тельством ва́шим нас избавля́юще, и от всех враг ви́димых и неви́димых защища́юще, я́ко да ти́хое и безмо́лвное житие́ поживем во вся́ком благоче́стии и чистоте́, и та́ко в ми́ре вре́менное сие́ житие́ преше́дше, в ве́чный дости́гнем поко́й, иде́же ва́шим святы́м умоле́нием да сподо́бимся Небе́снаго Ца́рствия Христа́ Бо́га на́шего, Ему́же со Отце́м и Пресвятым Ду́хом подоба́ет всякая сла́ва, честь и поклонение во ве́ки веко́в. Ами́нь.<\/p><\/p>\n","protected":false},"excerpt":{"rendered":" Аудио: 31:41 Кондак 1 Избра́ннии от челове́ческаго ро́да прароди́телие Христо́вы, ро́ждшии Преблагослове́нную Богоотрокови́цу, из Нея́же по пло́ти Сын Бо́жий роди́ся, святи́и и пра́веднии Богоотцы́ Иоаки́ме и А́нно! Я́ко иму́щии дерзнове́ние ве́лие ко Христу́ Бо́гу и вы́ну предстоя́щии Престо́лу Его́ небе́сному, Тому́ приле́жно моли́теся от бед нам избавитися, да вы́ну зове́м вам: Ра́дуйтеся, святи́и и\u2026<\/p>\n","protected":false},"author":1,"featured_media":0,"comment_status":"open","ping_status":"","sticky":false,"template":"","format":"standard","meta":{"_acf_changed":false,"footnotes":"","_links_to":"","_links_to_target":""},"categories":[25],"tags":[],"avtor":[],"class_list":["post-13251","post","type-post","status-publish","format-standard","hentry","category-akafisty"],"acf":[],"_links":{"self":[{"href":"https:\/\/azbyka.ru\/molitvoslov\/wp-json\/wp\/v2\/posts\/13251","targetHints":{"allow":["GET"]}}],"collection":[{"href":"https:\/\/azbyka.ru\/molitvoslov\/wp-json\/wp\/v2\/posts"}],"about":[{"href":"https:\/\/azbyka.ru\/molitvoslov\/wp-json\/wp\/v2\/types\/post"}],"author":[{"embeddable":true,"href":"https:\/\/azbyka.ru\/molitvoslov\/wp-json\/wp\/v2\/users\/1"}],"replies":[{"embeddable":true,"href":"https:\/\/azbyka.ru\/molitvoslov\/wp-json\/wp\/v2\/comments?post=13251"}],"version-history":[{"count":1,"href":"https:\/\/azbyka.ru\/molitvoslov\/wp-json\/wp\/v2\/posts\/13251\/revisions"}],"predecessor-version":[{"id":23455,"href":"https:\/\/azbyka.ru\/molitvoslov\/wp-json\/wp\/v2\/posts\/13251\/revisions\/23455"}],"wp:attachment":[{"href":"https:\/\/azbyka.ru\/molitvoslov\/wp-json\/wp\/v2\/media?parent=13251"}],"wp:term":[{"taxonomy":"category","embeddable":true,"href":"https:\/\/azbyka.ru\/molitvoslov\/wp-json\/wp\/v2\/categories?post=13251"},{"taxonomy":"post_tag","embeddable":true,"href":"https:\/\/azbyka.ru\/molitvoslov\/wp-json\/wp\/v2\/tags?post=13251"},{"taxonomy":"avtor","embeddable":true,"href":"https:\/\/azbyka.ru\/molitvoslov\/wp-json\/wp\/v2\/avtor?post=13251"}],"curies":[{"name":"wp","href":"https:\/\/api.w.org\/{rel}","templated":true}]}}Икос 1<\/h4>\n
Кондак 1<\/h4>\n
Моли́тва<\/h4>\n