{"id":13837,"date":"2022-02-25T12:37:31","date_gmt":"2022-02-25T08:37:31","guid":{"rendered":"https:\/\/azbyka.ru\/molitvoslov\/kanon-presvjatoj-bogorodice-pered-ikonoj-izbavitelnica-pevaemyj-vo-svjatuju-pjatidesjatnicu.html"},"modified":"2022-02-25T12:37:59","modified_gmt":"2022-02-25T08:37:59","slug":"kanon-presvjatoj-bogorodice-pered-ikonoj-izbavitelnica-pevaemyj-vo-svjatuju-pjatidesjatnicu","status":"publish","type":"post","link":"https:\/\/azbyka.ru\/molitvoslov\/kanon-presvjatoj-bogorodice-pered-ikonoj-izbavitelnica-pevaemyj-vo-svjatuju-pjatidesjatnicu.html","title":{"rendered":"\u041a\u0430\u043d\u043e\u043d \u041f\u0440\u0435\u0441\u0432\u044f\u0442\u043e\u0439 \u0411\u043e\u0433\u043e\u0440\u043e\u0434\u0438\u0446\u0435 \u043f\u0435\u0440\u0435\u0434 \u0438\u043a\u043e\u043d\u043e\u0439 \u00ab\u0418\u0437\u0431\u0430\u0432\u0438\u0442\u0435\u043b\u044c\u043d\u0438\u0446\u0430\u00bb, \u043f\u0435\u0432\u0430\u0435\u043c\u044b\u0439 \u0432\u043e \u0441\u0432\u044f\u0442\u0443\u044e \u041f\u044f\u0442\u0438\u0434\u0435\u0441\u044f\u0442\u043d\u0438\u0446\u0443"},"content":{"rendered":"

\"-\"<\/p>\n

Песнь 1<\/h4>\n

Ирмос:<\/strong> Воскресения день, просветимся, людие, Пасха, Господня Пасха: от смерти бо к Жизни и от земли к Небеси Христос Бог нас преведе, победную поющия.<\/em><\/p>\n

Воскресения день, славим ныне Господа Христа. Приидите, и Пресвятую Матерь Его прославим, пред святою иконою Ея благодарственная поюще.<\/p>\n

Очистим чувствия и узрим воскресшаго Христа и Всеблагую Деву, Избавительницу от бед, блистающуюся и озаряющую верныя благодатию.<\/p>\n

Очистим чувствия и узрим мысленными очесы промышление о нас Владычицы: честным бо образом Своим избави от бед христоименитыя люди.<\/p>\n

Небеса убо достойно да веселятся, земля же да радуется воскресшему Христу, да торжествует же сия обитель, обогатившаяся Избавительницы иконою.<\/p>\n

Небо и земля достойно да веселятся во Христовом востании, да празднуют же Богоматери монаси и бельцы, чудотворный Ея образ почитающе.<\/p>\n

Умерщвления предел сломила еси, вечную Жизнь рождшая — Христа, из гроба возсиявшаго днесь, Дево Всенепорочная, и мир просветившаго.<\/p>\n

Песнь 3<\/h4>\n

Ирмос:<\/strong> Приидите, пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.<\/em><\/p>\n

Приидите, пиво пием новое от источника целительнаго недугом душевным и телесным, егоже источи Богоблагодатная с верою притекшим ко иконе Ея.<\/p>\n

Приидите, весны умныя в видимой весне насладимся, неувядаемый бо Цвет — Христа — израстившая Дева благоуханием благодати живит и утешает скорбящия.<\/p>\n

Ныне вся исполнишася света воскресением Христовым, да празднуем и мы светло Избавительнице, лучи испущающей радости о Бозе Спасе в нощи искушений.<\/p>\n

Ныне обитель сия озаряется светом от Матере Света в нарочитом дни празднества чудотворному Тоя образу и благодатию Сына Ея утверждается.<\/p>\n

Вчера погребено бе селение верных в смертоносном отчаянии, днесь же оживотворися скорым от бед избавлением Богоневестныя Марии, надежды безнадежных.<\/p>\n

На нетленную жизнь прихожду днесь, благостию Рождшагося из Тебе, Чистая, и всем концем свет облиставшаго.<\/p>\n

Песнь 4<\/h4>\n

Ирмос:<\/strong> На Божественней стражи Богоглаголивый Аввакум да станет с нами и покажет светоносна Ангела, ясно глаголюща: днесь спасение миру, яко воскресе Христос, яко всесилен.<\/em><\/p>\n

На Божественней стражи ставше во Христе, братие, и воспоминание творяще чудес Избавительницы, со благоговением рцем: днесь спасение Богородицею бысть скорбящим, яко вся могущею.<\/p>\n

Яко непорочную Агницу, пречистаго Агнца рождшую, венчаем Тя, Благословенная, песненными цветы: покрый от зол рабы Твоя, воскресшаго Сына Твоего о всех умилостивляющи.<\/p>\n

Богоотец убо Давид пред сенным ковчегом скакаше, играя, раби же Твои, Госпоже, пред иконою Твоею ликующе, веселимся божественне о Твоем милосердом заступлении к Тебе прибегающих.<\/p>\n

Яко в краснейший храм, вселися в Тя, Чистая, Иисус, всех Царь, снитием же во ад жилище мрачное упраздни и воскресением совоскреси человеки, оживляя Тобою умершия, яко всесилен.<\/p>\n

Святых Святаго паче ума Мати явилася еси, Владычице, освящение и избавление от бед подающи верным, славящим Его воскресение и Тебе, Всеблагую Избавительницу, призывающим.<\/p>\n

Создавый Адама, Твоего праотца, Чистая, зиждется от Тебе, и смертное жилище разори Своею смертию днесь, и озари вся Божественными блистаньми воскресения.<\/p>\n

Песнь 5<\/h4>\n

Ирмос:<\/strong> Утренюем утренюю глубоку, и вместо мира песнь принесем Владыце, и Христа узрим, Правды Солнце, всем жизнь возсияюща.<\/em><\/p>\n

Утренююще во святем храме Твоем, Чистая, Сына Твоего воспеваем, из гроба возсиявшаго, и Тя, Избавительнице, величаем, от Солнца Правды, умершему отроку жизнь возсияющу.<\/p>\n

Утренюем утренюю глубоку и с пением деяния принесем богоугодная, Деве вопиюще: храни, Всецарице, Гору, и Россию, и вся православныя необоримы от враг видимых и невидимых.<\/p>\n

Безмерное Твое благоутробие, Владычице, узами вражиими содержимии зряще, ко иконе Твоей избавленный идяху веселыми ногами, Твою и Сына Твоего хваляще Божественную силу.<\/p>\n

Приступим, свещеноснии, исходящу Христу из гроба, яко жениху, и спразднуим Богородице любопразднственными чинми, в честь святыя иконы Ея, прославленныя чудесы многими.<\/p>\n

Облиста Тя и возвесели, Богорадованная, Спас всех, из гроба возсиявый, Правды Солнце, Егоже моли озарити и утешити сердца любовию песнословящих Тя, Избавительнице, пред Твоею иконою.<\/p>\n

Просвещается Божественными лучами и живоносными воскресения Сына Твоего, Богомати Пречистая, и радости исполняется благочестивых собрание.<\/p>\n

Песнь 6<\/h4>\n

Ирмос:<\/strong> Снизшел еси в преисподняя земли и сокрушил еси вереи вечныя, содержащия связанныя, Христе, и тридневен, яко от кита Иона, воскресл еси от Гроба.<\/em><\/p>\n

Снидохом во тьму греховную и праведное на ся негодование Божие привлекохом,— вопияху вернии, но, о Госпоже Всемилостивая, Ты избавила еси нас от рова отчаяния.<\/p>\n

Сохранив целы труды рук наших и невредимы от всепоядающаго пружия, предстательством Твоим, Избавительнице, отверзла еси нам милосердия двери.<\/p>\n

Спасе наш, живое же и нежертвенное от всех заколение, бедствующим даровал еси Матерь Твою Избавительницу от бед молитвами убо Ея избави нас от всякия нужды и печали.<\/p>\n

Явилася еси, Богоневесто, вышши Ангел, Бога воплощши, распеншагося за ны, и погребена, и мертвым нетление из гроба источивша, чтущих же Тя тли греховныя избавляюща.<\/p>\n

Видевши Сына Твоего, из мертвых возставша, райския сладости исполнилася еси, Приснодево, Того убо моли, Благословенная, да отверзет молящимся Тебе райския двери.<\/p>\n

Возведеся древле держимое смертию и тлением Воплотившимся от Твоего пречистаго чрева к нетленней и присносущней жизни, Богородице Дево.<\/p>\n

Песнь 7<\/h4>\n

Ирмос:<\/strong> Отроки от пещи избавивый, быв Человек, страждет, яко смертен, и страстию смертное в нетления облачит благолепие, един Благословен отцев Бог и Препрославлен.<\/em><\/p>\n

Отроки от пещи избавивый, презрев, яко Милосерд, прегрешения наша, соблюди ны невредны от пещи искушений Пресвятыя Матере Твоея мольбами, отцев Боже Препрославленный.<\/p>\n

Жены с миры Богомудрыя вслед течаху Христа, обитателие же веси, вместо мира слезы Деве приносяще, поклонишася, радующияся, Ея иконе и избавление от бед зде благовестиша.<\/p>\n

Жены с миры вслед Христа течаху, да течем и мы усердно, добрый подвиг иночества совершающе и радующеся живому Богу, да сподобимся молитвами Богоматере пасху тайную вкушати.<\/p>\n

Смерти празднуем умерщвление воскресением Христа и избавление от бед милосердием Владычицы, темже, пред иконою Ея ликующе, поем Виновнаго, единаго Благословеннаго отцев Бога и Препрославленнаго.<\/p>\n

Яко воистину священный и радостный сей праздник Богородицы, провозвестник сущий чудес от честнаго Тоя образа, от негоже благодать исцелений явственно всем возсия.<\/p>\n

Умертвив Сын Твой смерть, Всенепорочная, днесь, всем смертным пребывающий живот во веки веков дарова, един Благословенный отцев Бог и Препрославленный.<\/p>\n

Песнь 8<\/h4>\n

Ирмос:<\/strong> Сей нареченный и Святый День — един суббот царь и господь, праздников праздник и торжество есть торжеств, в оньже благословим Христа во веки.<\/em><\/p>\n

Сей нареченный и Святый День, в оньже славим Всепетую Владычицу, яко избави от бед притекших к Ея образу, и благословим Сию во веки.<\/p>\n

Приидите, обители сея иночествующии, с любовию благодарение Деве принесем, Хранительнице Горы и Избавительнице нашей, поюще Ю яко Богоматерь во веки.<\/p>\n

Возведи окрест очи Твоя, Чистая, и виждь рабы Твоя, пред иконою Твоею молящияся Тебе, и прошения исполни о Тебе благословящия Христа во веки.<\/p>\n

Всесильный Господь родися из Тебе, Марие, и Крестом Своим умерщвление аду содела, избавляя смертоносных бед к образу Твоему притекающих и поющих Его яко Бога во веки.<\/p>\n

Отче Вседержителю, и Слове, и Душе, ходатаицу о нас Пресвятую Деву Тебе предлагаем: молитвами Тоя помилуй и спаси нас, в Тя крестившихся, да Тя благословим во вся веки.<\/p>\n

Прииде Тобою в мир Господь, Дево Богородице, и, чрево адово расторг, смертным нам воскресение дарова, темже благословим Его во веки.<\/p>\n

Песнь 9<\/h4>\n

Ирмос:<\/strong> Светися, светися, Новый Иерусалиме, слава бо Господня на тебе возсия, ликуй ныне, и веселися, Сионе. Ты же, Чистая, красуйся, Богородице, о востании Рождества Твоего.<\/em><\/p>\n

Светися, Русская обителе, веселися и красуйся, святая бо в тебе Избавительницы икона чудесы прославися многими, от бед свобождением и недугов исцелением.<\/p>\n

Благоутробие Твое к верным и дары Твои суть паче постижения, Всеблагая Госпоже, сподобляй убо сих рабы Твоя, благодарственная Тебе поющия и радующияся о востании Рождества Твоего.<\/p>\n

О, Божественнаго, о, любезнаго Твоего, Богомати, гласа! Яко повелела еси не скрывати чудотворную икону Свою, да притекающии к ней многих лютых избавляются милостию Твоею.<\/p>\n

О, паче словесе Твоих чудес, Избавительнице! Ты бо осененна иконою Твоею отрока воскресила еси, Мати сущи Живота, воскресением Своим всех оживотворившаго.<\/p>\n

О Пресвятая Владычице, о Всемилостивая Избавительнице от бед, не престай милосердовати о бедствующих и сподобляти благодатнаго присещения обитель, образ Твой почитающую.<\/p>\n

Согласно, Дево, Тебе блажим, вернии: радуйся, двере Господня; радуйся, граде одушевленный; радуйся, Еяже ради нам ныне возсия свет из Тебе Рожденнаго из мертвых воскресения.<\/p>\n

Светилен<\/h4>\n

Светильниче светлый, Пресветлаго Света мира, от гроба возсиявшаго, просвети, Благословенная, души наша светом благодати, да сподобимся зрети воплотившееся из Тебе Солнце Правды и Тебе, Просветительницу нашу, присно величати.<\/p><\/p>\n","protected":false},"excerpt":{"rendered":"

Песнь 1 Ирмос: Воскресения день, просветимся, людие, Пасха, Господня Пасха: от смерти бо к Жизни и от земли к Небеси Христос Бог нас преведе, победную поющия. Воскресения день, славим ныне Господа Христа. Приидите, и Пресвятую Матерь Его прославим, пред святою иконою Ея благодарственная поюще. Очистим чувствия и узрим воскресшаго Христа и Всеблагую Деву, Избавительницу от\u2026<\/p>\n","protected":false},"author":1,"featured_media":0,"comment_status":"open","ping_status":"","sticky":false,"template":"","format":"standard","meta":{"_acf_changed":false,"footnotes":"","_links_to":"","_links_to_target":""},"categories":[24],"tags":[],"avtor":[],"class_list":["post-13837","post","type-post","status-publish","format-standard","hentry","category-kanony"],"acf":[],"_links":{"self":[{"href":"https:\/\/azbyka.ru\/molitvoslov\/wp-json\/wp\/v2\/posts\/13837","targetHints":{"allow":["GET"]}}],"collection":[{"href":"https:\/\/azbyka.ru\/molitvoslov\/wp-json\/wp\/v2\/posts"}],"about":[{"href":"https:\/\/azbyka.ru\/molitvoslov\/wp-json\/wp\/v2\/types\/post"}],"author":[{"embeddable":true,"href":"https:\/\/azbyka.ru\/molitvoslov\/wp-json\/wp\/v2\/users\/1"}],"replies":[{"embeddable":true,"href":"https:\/\/azbyka.ru\/molitvoslov\/wp-json\/wp\/v2\/comments?post=13837"}],"version-history":[{"count":0,"href":"https:\/\/azbyka.ru\/molitvoslov\/wp-json\/wp\/v2\/posts\/13837\/revisions"}],"wp:attachment":[{"href":"https:\/\/azbyka.ru\/molitvoslov\/wp-json\/wp\/v2\/media?parent=13837"}],"wp:term":[{"taxonomy":"category","embeddable":true,"href":"https:\/\/azbyka.ru\/molitvoslov\/wp-json\/wp\/v2\/categories?post=13837"},{"taxonomy":"post_tag","embeddable":true,"href":"https:\/\/azbyka.ru\/molitvoslov\/wp-json\/wp\/v2\/tags?post=13837"},{"taxonomy":"avtor","embeddable":true,"href":"https:\/\/azbyka.ru\/molitvoslov\/wp-json\/wp\/v2\/avtor?post=13837"}],"curies":[{"name":"wp","href":"https:\/\/api.w.org\/{rel}","templated":true}]}}