{"id":14890,"date":"2022-02-25T16:28:42","date_gmt":"2022-02-25T12:28:42","guid":{"rendered":"https:\/\/azbyka.ru\/molitvoslov\/kanon-svjatomu-velikomucheniku-i-celitelju-panteleimonu-2-j.html"},"modified":"2022-02-25T16:29:12","modified_gmt":"2022-02-25T12:29:12","slug":"kanon-svjatomu-velikomucheniku-i-celitelju-panteleimonu-2-j","status":"publish","type":"post","link":"https:\/\/azbyka.ru\/molitvoslov\/kanon-svjatomu-velikomucheniku-i-celitelju-panteleimonu-2-j.html","title":{"rendered":"\u041a\u0430\u043d\u043e\u043d \u0441\u0432\u044f\u0442\u043e\u043c\u0443 \u0432\u0435\u043b\u0438\u043a\u043e\u043c\u0443\u0447\u0435\u043d\u0438\u043a\u0443 \u0438 \u0446\u0435\u043b\u0438\u0442\u0435\u043b\u044e \u041f\u0430\u043d\u0442\u0435\u043b\u0435\u0438\u043c\u043e\u043d\u0443 (2-\u0439)"},"content":{"rendered":"

\"Великомученик<\/p>\n

Песнь 1<\/h4>\n

Ирмос:<\/strong> Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.<\/em><\/p>\n

С Моисеем славным и Мариам Богомудрою днесь не глубину чермную, но море преходяще доблестей и чудес великаго в мученицех, того воспоим, радующеся.<\/p>\n

Закон похвалений побеждается светлостию нрава твоего и подвигов величеством, един Христос достойно славити тя весть божественною у Себе светлостию.<\/p>\n

Днесь празднует Никомидия и сия обитель твоя, Пантелеимоне, всякому граду и обители верных спразднующим память твою и о тебе Пресвятую Троицу величающим.<\/p>\n

Богородичен:<\/strong> Свет рождшая Божественный и невечерний, души моея зеницы просвети, Приснодево, пети Тя со светлым в страстотерпцех целителем нашим, Всепетая.<\/p>\n

Песнь 3<\/h4>\n

Ирмос:<\/strong> Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе венцев славы сподоби.<\/em><\/p>\n

Презрев красная мира, красен, яко шипок, явился еси, всеизрядне, утвердившу ти сердце свое в любви Христа, желаний края.<\/p>\n

Матере твоея благочестие возлюбль, славне, возненавидел еси злочестие отца, яко пагубное, и того ко благочестию богомудро привел еси.<\/p>\n

Тобою, Пантелеимоне, прославися Господь, во Святей Троице славимый, на Небеси прославив тя и на земли славну творя память твою.<\/p>\n

Богородичен:<\/strong> Молитвами милости тезоименитаго мученика низпосли нам, Госпоже, божественную милость от Воплотившагося из Тебе милости ради.<\/p>\n

Седален, глас 4<\/h4>\n

Добляго страдальца благочестия Христова восхвалим светло Пантелеимона, вернии, псалмы, и пении, и песньми духовными, имже мучительство невидимаго врага силою Божественною попрася и недугов исцеление богатно от Господа даровася творящим верно Божественный и честный праздник его.<\/p>\n

Песнь 4<\/h4>\n

Ирмос:<\/strong> Неизследный Божий Совет, еже от Девы, воплощения Тебе, Вышняго, пророк Аввакум усмотряя, зовяше: слава силе Твоей, Господи.<\/em><\/p>\n

Хотяй всем спасения и истины познания Ермолая тя глаголы, Богоизбранне, улови к божественному разумению и ко многих спасению.<\/p>\n

Яко Иосиф прекрасный, в цвете юности благочестия, и разума, и милосердия ко всем исполнился еси, благоугождая Вышнему и зовя: слава силе Твоей, Господи.<\/p>\n

Яко имея дерзновение к Богу Триипостасному, мирная и премирная благая проси почитающим тя, великомучениче, и о тебе зовущим: слава силе Твоей, Господи.<\/p>\n

Богородичен:<\/strong> Воистину паче ума есть воплощение от Тебе, Пречистая, Сына Божия, в Негоже уверовав от сердца, Пантелеимон взываше: слава силе Твоей, Господи.<\/p>\n

Песнь 5<\/h4>\n

Ирмос:<\/strong> Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.<\/em><\/p>\n

Делы уверитися хотя в вере, в нейже от Ермолая освящен был еси, яко, узрев же отроча мертво, молитвою твоею воздвигл еси того, досточудне, змия же умертвил еси.<\/p>\n

Неисцельныя страсти единым Христа призыванием исцеляющу тебе, слепаго просветил еси, треблаженне, прежде светлаго твоего страдальчества твердость показуя веры.<\/p>\n

Неможения душ и телес свободи рабы Твоя, Троице Единосущная, и сохрани ны, поврежденны от искушений и омраченны страстьми, Пантелеимона предстательством.<\/p>\n

Богородичен:<\/strong> Необоримый покров Твой, Владычице, и заступление ублажаемаго нами великомученика да будут присно с нами, спасающе нас от всякаго навета враг видимых и невидимых.<\/p>\n

Песнь 6<\/h4>\n

Ирмос:<\/strong> Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.<\/em><\/p>\n

Слепаго зрение телесное и душевное показа того мученика тверда, тебе же, святе, чудодейственника и начало подвигов твоих за Христа, ихже доблественно совершил еси.<\/p>\n

Мечем мужества твоего, доблемудре, разсекл еси мучителей коварства, прещения же и всякое на тя шатание, и змия льстивомудреннаго главу сокрушил еси.<\/p>\n

Словесы и деянии идольскую лесть обличая, привел еси ко Свету Трисолнечнаго Богоначалия многия никомидийцы, Пантелеимоне Богосветле.<\/p>\n

Богородичен:<\/strong> Твое достояние, Слове, необоримо яви, православным людем победы подая на враги, молитвами Богородицы и Твоего победоноснаго мученика.<\/p>\n

Кондак, глас 5<\/h4>\n

Подражатель сый Милостиваго и исцелений благодать от Него прием, страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны, Господи.<\/p>\n

Икос<\/h4>\n

Безсребреника память, добляго страдальца, вернаго целебника, благочестно воспоем, христолюбцы, да приимем милость, паче же оскверншии, якоже и аз, своя храмы, душам бо и телом, возлюбленнии, исцеления подавает. Потщимся убо, верная братия, в сердцах наших имети его крепость, избавляюща от лести вопиющия: спаси ны, Господи.<\/p>\n

Песнь 7<\/h4>\n

Ирмос:<\/strong> Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.<\/em><\/p>\n

Да покажется делы вера, — взывал еси, славне, пред одром разслабленнаго, и Кого призыванием сей абие воздвизается, Той есть отцев Бог благословенный.<\/p>\n

Постыжден бысть зело Максимиан, зря о Имени Христове ходяща разслабленнаго, не имея же что провещати, по ласкательствах мукам предает тя, поюща: препетый отцев Боже, благословен еси.<\/p>\n

Тебе, непобедиме, в коноб с кипящим оловом мучитель вверже, но явлейся ти Господь огнь убо угаси, олово же устудив, пети тя возбуди: Триипостасный отцев Боже, благословен еси.<\/p>\n

Богородичен:<\/strong> Глас Тебе радостно приносим, Богоневесто, радуйся, — зовуще, — Помощнице верных и мучеников утверждение, Сыну Твоему зовуще: препетый отцев Боже, благословен еси.<\/p>\n

Песнь 8<\/h4>\n

Ирмос:<\/strong> Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.<\/em><\/p>\n

Тяжкий камень на твою выю привязаша и в море тя ввергоша нечестивии, но камень, аки лист, по водам плаваше, руководством же странным суше отдаешися ты, всечестне.<\/p>\n

Зверем кровожадным лютейший зверей вдаде тя, страстотерпче, паки же к тебе Господь дивен явися, звери бо укроти и сих состязатися сотвори, кто бы из них первый поклонился тебе и твоя ноги облобызал, прехвальне.<\/p>\n

Множества уверовавших видя, царь возъярися паче и вся звери повеле убити, тебе же, великомучениче, заключити в темницу, Троицу во Единице поюща: Господа пойте, дела, и превозносите Его во вся веки.<\/p>\n

Богородичен:<\/strong> Не пременив естества Иисус, из Тебе бо во всего человека облечеся, Богородительнице, Егоже страсть Пантелеимон крепце изобразив, радуяся, поет Тому: Господа пойте, дела, и превозносите Его во вся веки.<\/p>\n

Песнь 9<\/h4>\n

Ирмос:<\/strong> Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная, Богородице, Чистая Приснодево.<\/em><\/p>\n

К колеси привязанный, дивен был еси, досточудне, безумныя бо тое паче погуби, бити убо тя повеле Максимиан и отсещи главу твою, мечу же прегнувшуся, спекулатора и воины к вере во Христа обратил еси.<\/p>\n

О убийцах и о всем мире молившуся ти, славне, свыше по достоянию наречен был еси Пантелеимон, делы оправдая именование, млеко же истече из тебе вместо крове, и тако, венценосный, Христу предстал еси.<\/p>\n

Свыше назираеши, великомучениче, память твою любовию совершающих и ходатайствуеши тем у Трисолнечнаго Божества грехов прощение, мир же и спасение, еже и нам проси, тя величающим.<\/p>\n

Богородичен:<\/strong> Светло исповеда победоносный Пантелеимон всех Владыку из Твоея, Благодатная, возсиявша утробы, твердо испи за Того чашу страдания и утешение прия с веселием, ликуя с мученики и всеми святыми.<\/p>\n

Светилен<\/h4>\n

Милостивную твою душу провиде Бог, Пантелеимона тя проповеда, безсребрено бо требующим исцеление источаеши, святе, мучителей свирепство терпением твоим победивый.<\/p><\/p>\n","protected":false},"excerpt":{"rendered":"

Песнь 1 Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса. С Моисеем славным и Мариам Богомудрою днесь не глубину чермную, но море преходяще доблестей и чудес великаго в мученицех, того воспоим, радующеся. Закон похвалений побеждается светлостию нрава твоего и подвигов величеством, един\u2026<\/p>\n","protected":false},"author":1,"featured_media":0,"comment_status":"open","ping_status":"","sticky":false,"template":"","format":"standard","meta":{"_acf_changed":false,"footnotes":"","_links_to":"","_links_to_target":""},"categories":[24],"tags":[],"avtor":[],"class_list":["post-14890","post","type-post","status-publish","format-standard","hentry","category-kanony"],"acf":[],"_links":{"self":[{"href":"https:\/\/azbyka.ru\/molitvoslov\/wp-json\/wp\/v2\/posts\/14890","targetHints":{"allow":["GET"]}}],"collection":[{"href":"https:\/\/azbyka.ru\/molitvoslov\/wp-json\/wp\/v2\/posts"}],"about":[{"href":"https:\/\/azbyka.ru\/molitvoslov\/wp-json\/wp\/v2\/types\/post"}],"author":[{"embeddable":true,"href":"https:\/\/azbyka.ru\/molitvoslov\/wp-json\/wp\/v2\/users\/1"}],"replies":[{"embeddable":true,"href":"https:\/\/azbyka.ru\/molitvoslov\/wp-json\/wp\/v2\/comments?post=14890"}],"version-history":[{"count":0,"href":"https:\/\/azbyka.ru\/molitvoslov\/wp-json\/wp\/v2\/posts\/14890\/revisions"}],"wp:attachment":[{"href":"https:\/\/azbyka.ru\/molitvoslov\/wp-json\/wp\/v2\/media?parent=14890"}],"wp:term":[{"taxonomy":"category","embeddable":true,"href":"https:\/\/azbyka.ru\/molitvoslov\/wp-json\/wp\/v2\/categories?post=14890"},{"taxonomy":"post_tag","embeddable":true,"href":"https:\/\/azbyka.ru\/molitvoslov\/wp-json\/wp\/v2\/tags?post=14890"},{"taxonomy":"avtor","embeddable":true,"href":"https:\/\/azbyka.ru\/molitvoslov\/wp-json\/wp\/v2\/avtor?post=14890"}],"curies":[{"name":"wp","href":"https:\/\/api.w.org\/{rel}","templated":true}]}}