сост. Г. И. Катышев

Последование погребения священнического во Святую Пасху

Приходят священники и клирики в дом, в нем же тело усопшаго лежит, и облачаются по чину. Посем предстоятель, прием в шуйцу крест и пасхальный трисвещник, в десницу же кадило и покадив мощи, начинает:

Благословен Бог наш...

Клирики: Аминь.

Предстоятель с сослужащими поет: Христос воскресе... с обычными стихами. По окончании сего пения, поют паки Христос воскресе... многажды. Тогда предстоятель, отдав кадило диакону, кропит святою водою тело умершаго и гроб его извне и извнутрь и полагают в него тело усопшаго.

Скончану же пению, глаголет диакон обычную малую ектению за упокой:

Паки и паки...

Еще молимся о упокоении... и прочее.

И на каждое прошение поем:

Господи, помилуй (красное).

Зри: тако и на всех ектениях, веселаго ради праздника Пасхи, Господи, Помилуй поем красное, а не заупокойное.

Предстоятель чтет тайно молитву Боже духов...

Возглас: Яко Ты еси воскресение...

По возгласе начинают пети канон Пасхи и, вземше мощи усопшаго, отходят к церкви, предъидущим священникам, диаконам и клиру, мирянам же последующим. Предстоятель идет, имея в шуйце крест пасхальный и трисвещник. Идуще же клирицы и певцы поют канон Пасхи, по ряду, на елико восхощут, даже до церкви. В церкви же поставивше мощи, допевают начатый канон. По скончании канона глаголет диакон ектению преждереченную за упокой: Помилуй нас, Боже... и прочее. Посем поют священницы:

Христос воскресе из мертвых, смертию смерть поправ...

Певцы: И сущим во гробех живот даровав.

Предстоятель, вышед на амвон, творит пасхальный отпуст со крестом. Посем поются часы Пасхи и совершается Божественная литургия.

По отпусте литургии исходят все ко гробу и станут окрест его по чину. Предстоятель раздает свещи братии. Посем приемлет в шуйцу крест и пасхальный трисвещник, в десницу же кадило. Тогда диакон глаголет:

Благослови, владыко.

Предстоятель возглашает: Благословен Бог наш...

Певцы: Аминь.

Предстоятель с сослужащими поет с обычными стихами тропарь:

Христос воскресе из мертвых, смертию смерть поправ и сущим во гробех живот даровав.

По скончании их поется 1-й антифон во глас 4: От юности моея... повторяюще каждый стих на оба лика.

Прокимен Пасхи, глас 8: Сей день, егоже сотвори Господь, возрадуемся и возвеселимся в онь.

Стих: Исповедайтеся Господеви, яко Благ, яко в век милость Его.

Апостол понедельника Пасхи, зач. 2.

Аллилуиа, глас 4: Ты воскрес ущедриши Сиона.

Стих: Господь с небесе на землю призре.

Евангелие воскресное первое, от Матфея, зач. 115.

Диакон: Господу помолимся.

И чтет предстоятель молитву 1: Владыко Господи Боже наш...

Антифон 1, глас 6: На небо очи мои...

Прокимен, глас 1: Буди, Господи, милость Твоя на нас, якоже уповахом на Тя.

Стих: Радуйтеся, праведнии, о Господе, правым подобает похвала.

Апостол вторника Пасхи, зач. 4.

Аллилуиа, глас 1: Бог даяй отмщение мне и покоривый люди под мя.

Стих: Величай спасения царева и творяй милость христу Своему Давиду и семени его до века.

Евангелие воскресное второе, от Марка, зач. 70.

Молитва 2: Благодарим Тя, Господи Боже наш...

Антифон 2, глас 6: Аще не Господь бы был...

Прокимен, глас 2: Крепость моя и пение мое Господь и бысть мне во спасение.

Стих: Наказуя наказа мя Господь, смерти же не предаде мя.

Апостол среды Пасхи, зач. 50.

Аллилуиа, глас 2: Услышит тя Господь в день печали, защитит тя имя Бога Иаковля.

Стих: Послет ти помощь от Сиона и от Святаго заступит тя.

Евангелие воскресное четвертое, от Луки, зач. 112.

Молитва 3: Господи сил, скорбящих радосте:

Антифон 3, глас 6: Надеющиися на Господа:

Прокимен, глас 3: Пойте Богу нашему, пойте, пойте Цареви нашему, пойте.

Стих: Вси язы́цы, восплещите руками, воскликните Богу гласом радования.

Апостол четвертка Пасхи, зач. 6.

Аллилуиа, глас 3: На Тя, Господи, уповах, да не постыжуся вовек.

Стих: Буди ми в Бога Защитителя и в дом прибежища, еже спасти мя.

Евангелие воскресное седьмое, от Иоанна, зач. 63.

Канон Пасхи. Ирмосы по дважды, тропари на четыре. По каждой песни катавасия, ирмос и тропарь: Христос воскресе, (трижды).

По 3-й песни ектения малая за упокой и ипакои Пасхи: Предварившия утро...

По 6-й песни ектения малая за упокой и кондак и икос Пасхи.

Посем вместо Трисвятаго: Елицы во Христа крестистеся:

Прокимен, глас 4: Яко возвеличишася дела Твоя, Господи, вся премудростию сотворил еси.

Стих: Благослови, душе моя, Господа, Господи Боже мой, возвеличился еси зело.

Апостол пятка Пасхи, зач. 7.

Аллилуиа, глас 4: Наляцы и успевай и царствуй истины ради и кротости и правды.

Стих: Возлюбил еси правду и возненавидел еси беззаконие.

Евангелие воскресное одиннадцатое, от Иоанна, зач. 67.

Воскресение Христово видевше... (трижды).

Воскрес Иисус от гроба... (трижды).

7 и 8 песни канона.

На 9-й песни поем припевы:

Величит душа моя Воскресшаго... Светися, светися:

Величит душа моя волею страдавша... Светися, светися...

Христос новая Пасха: О Божественнаго...

Ангел вопияше: О Божественнаго...

Возбудил ecu уснув: О Пасха велия...

Магдалина Мария: О Пасха велия...

Величит душа моя Воскресшаго... Светися, светися...

Христос воскресе... (трижды).

По 9-й песни ектения малая за упокой.

Ексапостиларий Пасхи: Плотию уснув... (трижды).

Посем поем: Благословен еси, Господи, научи мя оправданием Твоим. Ангельский Собор удивися... и прочее до конца.

Таже стихиры воскресны стиховны Октоиха на восемь гласов:

Глас 1: Страстию Твоею, Христе...

Глас 2: Воскресение Твое, Христе Спасе...

Глас 3: Страстию Твоею, Христе...

Глас 4: Господи, возшед на Крест...

Глас 5: Тебе воплощеннаго Спаса...

Глас 6: Воскресение Твое, Христе Спасе...

Глас 7: Воскресл еси из гроба...

Глас 8: Возшел еси на Крест, Иисусе...

По окончании стихир чтется от архиерея или в отсутствие его от духовника молитва прощальная.

Диакон возглашает: Господу помолимся.

Молитва: Господь и Бог наш Иисус Христос...

Посем поются стихиры Пасхи: Да воскреснет Бог... Пасха священная...

Во время стихир бывает целование умершаго. Приходящий, поклонившись усопшему и глаголя: «Христос воскресе!», лобызает крест в деснице его, посем священницы лобызают усопшаго в чело, миряне же десницу. По конце стихир «Христос воскресе» поется многажды, доколе не воздадут умершему последняго целования все присутствующие.

По окончании стихир ектения сугубая за упокой. На ней молитву: Боже духов... предстоятель чтет велегласно. Посем предстоятель, возшед на амвон, творит пасхальный отпуст с крестом.

Священники поют: Христос воскресе из мертвых, смертию смерть поправ.

Певцы: И сущим во гробех живот даровав.

Предстоятель: Христос, воскресый из мертвых, смертию смерть поправый и сущим во гробех живот даровавый, Истинный Бог наш, молитвами Пречистой Своей Матери и всех святых Своих, душу от нас преставльшагося раба Своего (имя рек) в селениих праведных учинит, в недрах Авраама упокоит, с праведными сопричтет и нас помилует, яко Благ и Человеколюбец.

И осеняет святым крестом на три страны, глаголя: Христос воскресе! (трижды). И поем конечное Христос воскресе... весь тропарь трижды.

Посем сам архиерей или начальствуяй иерей глаголет трижды: Вечная твоя память, достоблаженне и приснопамятне брате наш.

И творит три поклона.

Таже певцы поют трижды: Вечная память...

И конечное: И нам даровав живот вечный...

Посем, вземше гроб с мощами, отходим во усыпальницу, поюще канон Пасхи. Достигше же могилы, поставляем гроб около нея. Предстоятель же персть взем лопатою, мещет на мощи крестовидно, глаголя:

Господня земля и исполнение ея, вселенная и вси живущии на ней.

И вливает и елей крестообразно, глаголя настоящий тропарь: Образом Креста Твоего, Человеколюбче...

И тако покрывают, яко обычно, гроб и опускают его в могилу, глаголюще тропари сия, глас 8:

Земле, разверзшися, приими от Тебе созданнаго...

Якоже рекл еси, Господи, Марфе...

Духовнии мои братие...

Таже ектения сугубая за упокой.

По возгласе отпуст по пасхальному чину, якоже выше указася. И по троекратном осенении крестом творим поклонов 15 за усопшаго, елицы обретаемся при погребении, глаголюще:

Помяни, Господи, душу усопшаго раба Твоего (поклон), елико в житии своем, яко человек, согреши, Ты же, яко Человеколюбец Бог, прости его и помилуй (поклон), вечныя муки избави (поклон) и Царствия причастника учини (поклон), и душам нашим полезное сотвори (поклон).

Сию молитву глаголет предстоятель трижды.

И тако отходим в келлии наши, славяще Бога.

ПРИМЕЧАНИЕ

Печатается по ксерокопии рукописи, хранящейся у И. Я. Авдиева. Москва. Архив Владимиро-Суздальской епархии, фонд епископа Афанасия (Сахарова), оп. III/1, д. 6, № 2, л. 159–164.



Источник: Катышев Г.И. Славы Божия ревнитель: жизнеописание и труды исповедника епископа Афанасия (Сахарова). – М.: Издательство Сретенского монастыря, 2006. – 495 с.

Комментарии для сайта Cackle