священномученик Ермоген, патриарх Московский

Слово на обре́тение мощей святителя Алексия Московского*

Содержание

Чудо 1-ое св. Алексия, новаго Чудотворца, о испустившем ума Чудо 2-е о умершем отрочати Чудо 3 е о разслабленном Чудо 4-е о крилице о Михaиле Чудо 5-е о слепом Чудо 6-е о болящем трясавицею Чудо 7-е о жене слепой Чудо 8-е о разслабленном

Обре́тение честны́х и многоцелебных мощей иже во святых отца нашего Алексия, митрополита Киевскаго и всея Русии чудотворца.

Слово вкратце.

Списано же бысть обретение Гермоном Патриархом.1

Месяца мая, во 20-й день.

В лета благочестиваго и христолюбиваго самодержда Русския земли, великаго князя Василия Васильевича всея Русии, при святейшем митрополите Фотие Киевском и всея Русии. Егда восхоте Бог болма своего угодника прославить, светильнику не под землею быти, но всеми-же видиму быти. Случися и се по некоему строению Божию. Церкви обвалившеся весма во время божественныя Литургия; священником еще во алтари. Но благодатию л. 358 об. Христовою и молитвою угодника его Святаго Чудотворца митрополита Алексия вси невредими сохранени быша. И тако тоя место очистивши, хотяще паки воздвигнути новую церковь. И начаша копати рвы во основание церкви, и абие обретоша тело блаженнаго Алексия цело и невредимо, и ризы его не истлевша. О, превеликое чюдо! толиким летом поминувшим и святому во гробе лежащу – не изменися святое его тело и ризы его, яко вчера оболчены; понеже убо да сбудется реченное Богом во святом Евангелии – «не может град укрытися верху горы стоя, и никтоже, вжег светильник л. 359. поставляет его под спудом», или под одром (Мф.5:14–15). Такоже и саму светильнику не мощно на толико лет сокровену быти под землею; се же все бысть премудраго Бога промышлением. Яко же слышано бысть Святаго обретение, и се слышавше благоверный и христолюбивый князь Василий Васильевич и вси благовернии князи – приидоша скоро на дивное чюдо и на обретение тела Святаго и при святейшем же Фотии, митрополите Киевском и всея Руссии, и с ним же епископы и прозвитеры, весь чин церковный приидоша со псалми и пением и свещами и с кандилы хвалу велию воздающе всемогущему Богу л. 359 об. и угоднику его Чудотворцу Алексию. Народи же московстии мнози с радостию стекошася видети честное и святое его тело. Пришед же благоверной и великий князь Василий Васильевич всея Русии и вси благовернии князи – видевша таковую славу Божию и поклонишася Святому и божественному его телу преподобнаго отца нашего Алексея и возрадовася радостию великою зело; и, вздохнув из глубины сердца, глаголя: хвалю и славлю Тя Господи Боже мой и Пречистую и Непорочную Твою Матерь, яко сподобил мя еси раба твоего в моя лета видети таковое сокровище и благости л. 360. державы моея явити ми. Якоже убо дал еси нам вторый источник благодатный во граде нашем Москве, творящая нам, дивныя чюдеса последнему роду нашему, не токмо же единому граду нашему, но и всем градом и страном с верою притекающим. Но и такова дивная чюдеса и дары милости Твоея получити, Владыко, уже ничим же охужен есми Божия благодати от всех Святых мужей. О, Предобне Святителю наш, Чудотворче Петре, и Святителю Христов, преподобне отче наш, Чудотворче Алексею! не престайте вкупе к Богу молиста за ны и за вся верныя рабы своя; вы бо еста скорая л. 360 об. помощника и заступника земли нашей Рустей и стена необоримая присному граду нашему Москве. Великий же христолюбивый князь и вси с ним благовернии князи и боляре и вельможа их и вси московстии народы целоваста святое его тело любезно. И по сем церковь воздвижена бысть, зело прекрасна, Богу на се поспешествующу. И святаго тело в раце положиша в пределе честнаго Благовещения Владычица нашея Богородица, на десной стране, идеже суть видими святыя его мощи и доныне, всем исцеления обильно подающе; принесены же быша мощи его месяца мая в 20 день, на память св. мученика Фалилея, да не умолчано будет истина, и да речено будет праведное: Елма бо обаче Бог не токмо в животе прославляющих его прославляет, но и по смерти явлену быти многими различвыми чудесы, о них же да речется мало от многих.

Чудо 1-ое св. Алексия, новаго Чудотворца, о испустившем ума

Некоему человеку, именем Тимофею, ума ему испустившу до толика, яко не ведети ему, камо и откуда грядет; иногда же и вопрошающу ему, камо идти. Но убо Богу хотящу явити чюдеса и прославити угодника своего, во ум ему тако вложи: молитися некиим – довести его в монастырь архистратига Михáила. л. 361 об. Бывшу же ему тамо и гроб св. Чудотворца Алексия видевшу, и абие в себе бысть; и яко от некоего сна возбудившуся ему и бысть здрав и смыслен Благодатию Христовою и молитвами св. Алексия, яко ничтоже пострадав, и отъиде хваля и славя Бога, и благодать велику исповедуя его угодника, яко его ради молитв помилова его Бог, такоже и человецы, иже прежде видящи его. Не чувственна и ничтоже ведущу, такоже, яко единаго от человек мысляща, такоже и те, и славу воздаяху Богу, творящему Богу дивная святым своим.

Чудо 2-е о умершем отрочати

Ниже се да умолчано будет. л. 362. От чудес св. Алексия, не токмо стяжавша дар от Бога его же немощных исцеляти, но и мертвыя воскрешать. Яко же прилучися болевшу некоему отроку, именем Димитрию. Сему от зельныя болезни изнемогшу умрети. Принесоша же его в погребатальных ризах во время Литургия поющу и свершившеся божественной Литургии. И изшедшим же братиям из церкви архистратига Михáила в трапезу ясти, того же отрока оставивше у раки св. Алесея. Родителя пришедша, хотяще его погре(б)сти. Бяше же отроча третьим летом суще, влезоста-же в церковь л. 362 об. – священницы и родители его, хотяше нести ко гробу, и обретоста отрока жива суща. И радости же велия исполнишася. Взем отроча живо и возвратишася в дом свой, славяще Бога и угодника его, Алексия.

Чудо 3 е о разслабленном

И иному же паки человеку, Андрею именем, родом же града Мурома, многими времены разслаблену, ему лежкащу на одре, и принесоша его на носилицах в церковь архистратига Михáила, люте сему тако страждущу. И положиша его близ раки Святаго и абие, исцеление получив, отъиде; его же в мале прежде чуждыми л. 363. руками принесена – сей на своих ногах здрав в свой дом возвратися, велику славу воздая Богу и его угоднику Святому великому Алексею.

Чудо 4-е о крилице о Михáиле

Нижé се да умолчено будет. Содеянное Святым некоему же мужу славну в граде том, именем Владимер. Воздвигшу ему церковь Воздвиженья Честнаго и животворящаго Креста. Крилику же тоя церкви, Михáилу именем, уязвлену ему бывшу от некоего стрелою, тем же и к язве той лют недуг приразися. И сему тако страждущу и многи дни в язве той пребывающу, яко и живота ему отчаятися, и возопи же л. 363 об. глаголя: несите мя ко гробу Святого Алексея, яко да отнесут его в монастырь св. Архистратига Михáила, к чудотворному гробу святого Алексея. Они же, послушавше его; отнесен же бысть четырми, ни чесом же ему владущу: принесше его и полижиша близ раки богоноснаго отца Алексея – начаша пети божественную Литургию. И абие оному клирику видится Святый Алексий промежду обою раму у священнику стоящу и святый потыр в руце держащу, и якоже виде и возопи велиим гласом: Святый Алексие помилуй мя! Они же запрещаху ему молчати. Он же множае л. 364. вопияше: Святый Алексий, помилуй мя! Святый же Алексий к нему обратився, яко Христово се рек слово: возми одр свой, иди в дом свой. И от того часа больный исцеление получи; видим же паки блаженнаго онаго чудотворца возлегшаго во своей раце. Возставше же в той час здрав бысть, яко ничтоже пострадав. Видевше же священницы скорое мужа исцеление, начаше молебен пети блаженному чудотворцу Алексею. Того же часа той исцелевший клирик, вземша книги своима рукама, и начат конархати Святаго канун. Видевше же вси, ту бывшее вскоре чудо, и прославиша л. 364 об. Бога и угодника его чудотворца Алексея.

Чудо 5-е о слепом

И такоже убо у некоего человека, славна и богата, суще сына, именем Феодосие. Сему убо на многа времена зрак очию отъятся и многим врачам приходящвм к нему, но не успеша ничтоже, и посем же к раце чудотворнаго отца пришедше и ту исцеление вскоре приемлет и здрав бысть, яко ничтоже пострадав тем же и от того дне обет положи в века: в пяток милостыню давати священником того монастыря. И отъиде в дом свой здрав и славя Бога и угодника его Алексея.

Чудо 6-е о болящем трясавицею

Ин же паки человек, Иоанн именем: трясавицею одержим бяше на много времена, ни хлеба ядуща, да толка – яже и живота отчаятися. Сей убо Иоанн, слышав о Святом, и приходит к его раце с верою и скоро исцеление получил. И отъиде здрав в дом свой, радуяся, яко и многим дивитися от такого недуга человека онаго пременена.

Чудо 7-е о жене слепой

Жена же некая, також от богатых, Матрена именем, слепа бывша многими времяны. Слышавше же, елика чудеса творит Бог Святым своим угодником, и веру велику к нему имущи и повеле написати образ л. 365 об. подобия св. Алексея. И яко совершившись иконе той, и принесе ее в церковь, и поставленной бывша. И абие, исцеление получив, отъиде в дом свой, славяще и благодаряще Бога и угодника Его Святаго Алексея.

Чудо 8-е о разслабленном

Такоже иное прилучися, некоего велможи, Фео́дора именем. Имеяше повара, именем Климентия. Сему убо Климентию, в болезнь велику впадшу, елико всем удом его разслабитися, не могущу ему ничтоже ни ясти, ни пити, до толика времена, яко и живота всем отчаятися. Той же предреченный вельможа Федор, веру велику имея ко блаженному Алексею, и повеле отнести его к целебной раце блаженнаго Алексея; вечернее пение свершивше и заутра такоже молебное совершивше – исцеление получи по малех днех, яко ничтоже пострадав.

* * *

*

Текст приводится в оригинальной орфографии. – Редакция «Азбуки Веры»


Источник: Печатается по изданию: Творения святейшаго Гермогена, Патрiарха Московскаго и всея России. С приложением чина поставления в Патрiарха. - Издание Церковной Комиссии по чествованiю юбилейных событiй 1612, 1613 и 1812 годов. М.: Печатня А. И. Снегиревой, 1912. - с. 51-56.

Вам может быть интересно:

1. Грамота иная митрополиту Филарету священномученик Ермоген, патриарх Московский

2. Апология Халкидонского Собора и Томоса святого Льва святитель Ефрем Антиохийский

3. Слово на Положение и поклонение Всечтимому и Честному Поясу Пресвятой Богородицы и Приснодевы Марии святитель Герман, патриарх Константинопольский

4. К Конону, епископу эрмопольской церкви священномученик Дионисий Александрийский

5. Отрывок из похвального слова святому великомученику Димитрию Геннадий II Схоларий, патриарх Константинопольский

6. Поучение святитель Кирилл II, митрополит Ростовский

7. Слово в Великий Четверток святитель Григорий Киевский (Цамблак)

8. Похвальное слово в честь первомученика и диакона святого Стефана святитель Григорий Чудотворец, епископ Неокесарийский

9. Слово о женах мироносицах и о приявшем Божественное Тело Гроб Господа нашего Иисуса Христа и об Иосифе Аримафейском и на тридневное Воскресение Господа нашего Иисуса Христа святитель Григорий Антиохийский

10. Похвальное слово в день святаго первомученика Стефана святитель Астерий Амасийский

Комментарии для сайта Cackle