святитель Филарет Московский (Дроздов)

Слова и речи

439. Молитва при освящении древней плащаницы

(Произнесена в Усп. Соб. октября 11-го; напечатана в Страннике 1864 г.)

1864 год

Боже Отче Вседержителю, благоволивый Единородному Сыну Твоему от Пресвятыя Приснодевы Марии в естество человеческое облещися, и, яко овцу на жертвеннице, на кресте Себе Самого в жертву за спасение наше принести, по смерти же крестней и погребение, с повитием плащаницею, прияти, и, в третий день воскресшу, погребальную плащаницу во свидетельство живоноснаго Своего воскресения во гробе оставити, призри благодатно на сию плащаницу, образ погребения Его носящую, древле освященную, но прикосновением неблагоговейных оскорбленную, и паки освяти ю, яко да взирающии на ню, и покланяющиеся пред нею спасительная страдания и смерть и воскресение Господа нашего Иисуса Христа благоговейне воспоминают, и в вере и любви Божественней и во уповании на благодать и спасение Твое утверждаются. Яко Ты еси Источник освящения и благодати, и Тебе славу возсылаем безначальному Отцу со Единородным Твоим Сыном и Единосущным Твоим Духом ныне, и присно, и во веки веков. Аминь.



Источник: «Сочинения Филарета, митрополита Московского и Коломенского» в пяти томах (1873, 1874, 1877, 1882, 1885) – М., типография А. И. Мамонтова и К° (М., Леонтьевский переулок, № 5). Раздел «Библиотека» сайта Троице-Сергиевой Лавры

Комментарии для сайта Cackle