Азбука веры Православная библиотека Порфирий Петрович Мироносицкий Акафист Пресвятой Богородице явления ради чудотворной иконы Её Казанской


Порфирий Петрович Мироносицкий

Акафист Пресвятой Богородице явления ради чудотворной иконы Её Казанской

Кондак 1 Избранней от всех родов.

Избранной от всех родов Заступнице рода Христианскаго покровом Своим Своея благости покрывающей страну нашу православную, благодарственная пения приносим Ти, Богородице о явлении чудотворныя Твоея иконы. Ты же, яко Всемилостивая всех притекающих к Тебе Помощнице, заступай нас во всех скорбех и нуждах бедах и напастех да зовем да зовем Ти: Радуйся Заступнице усердная рода Христианскаго.

Икос 1. Ангел предстатель

Радуйся, Богоизбранная отроковице

Радуйся, Мати Божия

Радуйся, Царице небесе и земли

Радуйся, светлое церкве небесныя и земныя украшение

Радуйся, ангелы чтимая

Радуйся, певаемая от серафим

Радуйся, светлое пророческое событие

Радуйся, апостолов похвало

Радуйся, мученическое исповедание

Радуйся, преподобных венче!

Радуйся, праведных веселие

Радуйся, грешных упование

Радуйся, Заступнице усердная рода христианскаго.

Кондак 2. Видящи Всенепорочная

Аллилуия, аллилуия, аллилуия.

Икос 2. Разум трикратнаго явления

Радуйся, устнами детей хвалу Богу совершающая

Радуйся, тайны благодати Божия юным открывающая

Радуйся, неверных сумнительное слышание

Радуйся, верных известное похвало

Радуйся, молние неверных устрашающая

Радуйся, чудес Твоих верных смыслы озаряющая

Радуйся, агарянскаго зловерия обличение

Радуйся, гордыни их низложение

Радуйся, веры христианския утверждение

Радуйся, почитания святых икон освящение

Радуйся, скорбь нашу в радость претворяющая

Радуйся, не сумненною надеждою нас увеселяющая

Радуйся, Заступнице усердная рода христианскаго.

Кондак 3. Сила Вышняго

Аллилуия, аллилуия, аллилуия.

Икос 3. Имеющи благоутробное промышление

Радуйся, явлением иконы Твоея тьму лютых обстояний отгоняющая

Радуйся,лучами чудес всех просвещающая

Радуйся, слепых прозрение

Радуйся, омраченных смыслом просвещение

Радуйся, славо православия

Радуйся, тихое пристанище ищущих спасение

Радуйся, Мати целомудрия

Радуйся, покрове и оргаждение девства

Радуйся, ея же ради ликовствует все множество верных

Радуйся, ея же ради рыдаем демонское полчище

Радуйся, всех христиан вожделенная помощнице

Радуйся, всех скорбящих радосте

Радуйся, Заступнице усердная рода христианскаго.

Кондак 4. Бурю смятений

Аллилуия, аллилуия, аллилуия.

Икос 4. Слышавше православнии

Радуйся, Мати Бога Вышняго!

Радуйся, яко за всех молиши Сына Твоего Христа Бога нашего

Радуйся, яко всем твориши спастися в державный Твой покров прибегающим

Радуйся, Заступнице всех сущих в скорбех и болезнех

Радуйся, всем молящимся сокрушенным сердцем пред пречистым Твоим образом полезныя дарующая

Радуйся, избавление зол всем невозвратно надежду имущим на Тя

Радуйся, тихое и доброе пристанище

Радуйся, скорая Помощнице!

Радуйся, готовый и теплый покрове спасения

Радуйся, источающая нам нескудныя милости

Радуйся, предваряющая на помощь

Радуйся, избавляющая от всех бед

Радуйся, Заступнице усердная рода христианскаго.

Кондак 5

Аллилуия, аллилуия, аллилуия.

Икос 5. Видев царь

Радуйся, жилище и доме Христа Бога нашего

Радуйся, вместилище неизреченныя Его славы

Радуйся, граде одушевленный присно царствующий

Радуйся, палато приукрашенная

Радуйся, радосте градов и весей

Радуйся, непобедимое христиан в бедах хранилище и преградие

Радуйся, церкве православныя похвало

Радуйся, скиптра царей утверждение

Радуйся, христолюбиваго воинства помощнице

Радуйся, врагов одоление

Радуйся, от бед избавление

Радуйся, Матерними Твоими щедротами всех посещающая

Радуйся, Заступнице усердная рода христианскаго.

Кондак 6. Предстояще пред пречистым Твоим образом

Аллилуия, аллилуия, аллилуия.

Икос 6. Возсиявше просвещение

Радуйся, неистощимый источник святыни

Радуйся, много текущая реко божественныя благодати

Радуйся, грешных с Богом примирение

Радуйся, грехов наших очищение

Радуйся, благочестия наставнице

Радуйся, в добрых делах утверждение и помоще

Радуйся, добрыя обеты приемлющая

Радуйся, благим намерением способствующая

Радуйся, злыя начинания разрушающая

Радуйся, вражия козни расторгающая

Радуйся, скорая человекам помощнице

Радуйся, милость сугубо нам подающая

Радуйся, Заступнице усердная рода христианскаго.

Кондак 7. Хотящу благословенному царю

Аллилуия, аллилуия, аллилуия.

Икос 7. Новому царствующему граду

Радуйся, Россииския страны покрове

Радуйся, православия в ней ограждение и утверждение

Радуйся, несокрушимый щите царей наших

Радуйся, броне их неуязвимая

Радуйся, козни врагов разрушаюшая

Радуйся, яко паучину их растерзающая

Радуйся, нечестия обличение

Радуйся, крамолы разрушение

Радуйся, юных от заблуждений исправление

Радуйся, старцев утешение

Радуйся, душевредных учений низложение

Радуйся, душеполезных знаний дарование

Радуйся, Заступнице усердная рода христианскаго.

Кондак 8. Странно н сумнительно.

Аллилуия, аллилуия, аллилуия.

Радуйся, не вместимаго вместилище

Радуйся, носило всего Божества

Радуйся, прозябшая клас небесный

Радуйся, мир весь душепагубнаго глада избавльшая

Радуйся, выну ходатайствующая за род наш

Радуйся, яко много может молитва Твоя пред Сыном твоим и Богом

Радуйся, всех нас при кресте Сына Твоего усыновившая

Радуйся, всегда Матернюю любовь к нам являющая

Радуйся, ходатаица вечных благ

Радуйся, и во временней жизни полезная нам подающая

Радуйся, известное прибежище наше во всех скорбных обстояниях

Радуйся, не сумненое утешение в печали

Радуйся, Заступнице усердная рода христианскаго.

Кондак 9. Всякаго естества

Аллилуия, аллилуия, аллилуия.

Радуйся, благодатная

Радуйся, Господь с Тобою

Радуйся, благословенная в женах

Радуйся, обретшая благодать у Бога

Радуйся, родившая Спасителя миру

Радуйся, Мати Сына Божия

Радуйся, Родительнице вечнаго Царя

Радуйся, израстившая нам плод живота

Радуйся, освященная Духом Святым

Радуйся, осненная силою Всевышняго

Радуйся, верная раба Господня

Радуйся, яко блажат вси роди

Радуйся, Заступнице усердная рода христианскаго.

Кондак 10. Спасти хотящи

Аллилуия, аллилуия, аллилуия.

Радуйся, прославляющих Тя прославляющая

Радуйся, не чтущих Тя посрамляющая

Радуйся, врагов устрашение

Радуйся, от нашествия иноплененных избавление

Радуйся, царей славо

Радуйся, воинов крепосте

Радуйся, в дни брани забрало и ограждение

Радуйся, живоносный саде, увеселяющий сердца верных

Радуйся, оружие его же трепещут демони

Радуйся, спасительный елей умащающий греховные раны кающихся

Радуйся, теплое наше упование

Радуйся, не сумненная наша надежда

Радуйся, Заступнице усердная рода христианскаго.

Кондак 11. Пение хвалебное

Аллилуия, аллилуия, аллилуия.

Икос 11. Яко светоприемную свещу

Радуйся, невесте неневестная

Радуйся, богоизбранная Отроковице Мати Дево

Радуйся, добрая наставнице непорочнаго девства

Радуйся, Хранительнице ревнующих о чистоте

Радуйся, жен похвало

Радуйся, дев величание

Радуйся, вдов заступление

Радуйся, сирот призрение

Радуйся, нищих питательнице

Радуйся, нагих одеяние

Радуйся, печальных утешение

Радуйся, скорбящих веселие

Радуйся, Заступнице усердная рода христианскаго.

Кондак 12. Благодать дати

Аллилуия, аллилуия, аллилуия.

Икос 12. Поюще Твоя чудеса

Радуйся, христиан непостыдное упование

Радуйся, верных спасительное прибежище

Радуйся, ненадежных надеяние

Радуйся, отчаянных спасение

Радуйся, бане омывающая совесть

Радуйся, росо оживляющая души

Радуйся, врачество скорое и безмездное

Радуйся, от всех бед скорое избавление

Радуйся, утешительнице во всякой скорби

Радуйся, глубины погибели спасающая

Радуйся, отрада в день смерти

Радуйся, единая надеждо и по смерти

Радуйся, Заступнице усердная рода христианскаго.

Кондак 13. О, Всепетая Мати

Аллилуия, аллилуия, аллилуия, аллилуия, аллилуия, аллилуия


Источник: Акафiстъ Пресвятей Богородице явденiя ради чудотворныя iконы Ея Казанскiя: Для 4-голоснаго женскаго (или однороднаго) хора a capella / Перелож. П. Мироносицкiй. - СПб.: Училищн. сов. при св. Синоде, 1913. - Обл., 28 с.

Вам может быть интересно:

1. Акафист Божией Матери, Русь и патриарх Фотий Афанасий Иванович Пападопуло-Керамевс

2. Афинагор, христианский апологет II века Порфирий Петрович Мироносицкий

3. О разводе в России Михаил Егорович Красножен

4. О нормальном положении православия в Православном Русском Царстве епископ Андрей (Ухтомский)

5. О памятнике в Москве императору Александру III Сергей Алексеевич Белокуров

6. О способах обращения иноверцев к православной вере епископ Иоанн (Соколов)

7. Историческое описание Малоярославецкого Черноостровского Николаевского общежительного монастыря архимандрит Леонид (Кавелин)

8. Слово похвальное на пренесение мощей свв. Бориса и Глеба: неизданный памятник литературы XII века Хрисанф Мефодиевич Лопарев

9. Опыт толкования книги св. пророка Захарии протоиерей Павел Образцов

10. Очерки по церковной географии и этнографии Сергей Алексеевич Терновский

Комментарии для сайта Cackle