Мѣ́сѧца тогѡ́же въ л҃а-й де́нь. Прпⷣбныѧ ма́тере на́шеѧ мела́нїи ри́млѧныни.
Предписа́сѧ же слꙋ́жба є҆ѧ̀ въ л҃ де́нь: зане́же пра́здникъ ѿдае́тсѧ въ л҃а де́нь, и҆ пое́тсѧ всѧ̀ слꙋ́жба пра́здника є҆ди́нагѡ.
Ве́черъ ѻ҆бы́чнаѧ каѳі́сма. На Гдⷭ҇и, воззва́хъ: стїхи̑ры на ѕ҃, поє́мыѧ на са́мый пра́здникъ. Сла́ва, и҆ ны́нѣ, самогла́сна: А҆́ѵгꙋстꙋ є҆динонача́льствꙋющꙋ: Прокі́менъ днѐ. Вхо́да нѣ́сть. Паремі́й не чте́мъ. Та́же: Сподо́би, гдⷭ҇и: и҆ є҆ктенїа̀: И҆спо́лнимъ вече́рнюю моли́твꙋ: На стїхо́внѣ стїхи̑ры пра́здника, со стїхѝ и҆́хъ: Сла́ва, и҆ ны́нѣ, пра́здника. По Ны́нѣ ѿпꙋща́еши: и҆ по трист҃о́мъ тропа́рь пра́здника. Та́же, є҆ктенїа̀: Поми́лꙋй на́съ, бж҃е: и҆ ѿпꙋ́стъ. Ст҃а́го же, и҆́же на рѧдꙋ̀, помина́емъ на ѿпꙋ́стѣ.
Полꙋ́нощницꙋ пое́мъ по ѻ҆бы́чаю съ каѳі́смою, и҆ тропарѝ глаго́лемъ рѧдѡвы́ѧ, и҆ моли́твꙋ глаго́лемъ: Помѧнѝ, гдⷭ҇и, въ наде́жди воскресе́нїѧ: и҆ ѿпꙋ́стъ.
На ᲂу҆́трени, на Бг҃ъ гдⷭ҇ь: тропа́рь пра́здника три́жды. По каѳі́смахъ сѣда́льны пра́здника, и҆ чте́нїе пра́здника. Канѡ́нъ пе́рвый со і҆рмосо́мъ на и҃: Дрꙋгі́й канѡ́нъ со і҆рмосо́мъ на ѕ҃: і҆рмосы̀ ѻ҆бою̀ канѡ́нѡвъ по два́жды. Катава́сїа, і҆рмо́съ пе́рвагѡ канѡ́на, на схо́дѣ. По г҃-й пѣ́сни ѵ҆пакоѝ, гла́съ и҃: Нача́токъ ꙗ҆зы́кѡвъ: По ѕ҃-й пѣ́сни конда́къ пра́здника и҆ і҆́косъ. На ѳ҃-й пѣ́сни Честнѣ́йшꙋю, не пое́мъ, но пое́мъ припѣ́вы пра́здника, ꙗ҆́коже и҆ на са́мый пра́здникъ. Свѣти́ленъ пра́здника є҆ди́ножды. Сла́ва, и҆ ны́нѣ, то́йже. На хвали́техъ стїхи̑ры пра́здника на д҃. Сла́ва, гла́съ ѕ҃: Є҆гда̀ вре́мѧ: И҆ ны́нѣ, гла́съ в҃: Дне́сь хрⷭ҇то́съ въ виѳлее́мѣ: И҆ славосло́вїе вели́кое. По трист҃о́мъ тропа́рь пра́здника. Є҆ктєнїѝ, и҆ ѿпꙋ́стъ, и҆ ѻ҆бы́чное и҆схожде́нїе въ притво́ръ. И҆ ча́съ пе́рвый. Тропа́рь и҆ конда́къ пра́здника.
На лїтꙋргі́и бл҃жє́нна ѻ҆бои́хъ канѡ́нѡвъ пѣ́снь ѳ҃-ѧ, на и҃. А҆нтїфѡ́нѡвъ же пра́здника не глаго́лемъ. По вхо́дѣ тропа́рь пра́здника: Сла́ва, и҆ ны́нѣ, конда́къ пра́здника. Та́же, трист҃о́е. Прокі́менъ, а҆ллилꙋ́їа и҆ прича́стенъ пра́здника. А҆пⷭ҇лъ и҆ є҆ѵⷢ҇лїе днѐ.
🕅 А҆́ще ли слꙋчи́тсѧ ѿда́нїе ржⷭ҇тва̀ хрⷭ҇то́ва въ недѣ́лю.
На ма́лѣй вече́рни, стїхи̑ры воскрⷭ҇ны и҆ бцⷣы по ѻ҆бы́чаю.
На вели́цѣй вече́рни, каѳі́сма а҃: Блаже́нъ мꙋ́жъ: На Гдⷭ҇и, воззва́хъ: стїхи̑ры воскрⷭ҇ны г҃, и҆ пра́здника д҃, гла́съ в҃: Прїиди́те, возра́дꙋемсѧ гдⷭ҇еви: и҆ ст҃ы́хъ г҃. Сла́ва, ст҃ы́хъ, гла́съ ѕ҃: Па́мѧть соверша́емъ: И҆ ны́нѣ, пра́здника, гла́съ в҃: А҆́ѵгꙋстꙋ є҆динонача́льствꙋющꙋ на землѝ: Вхо́дъ, прокі́менъ днѐ. На лїті́и стїхи̑ры пра́здника. Сла́ва, гла́съ є҃: Волсвѝ персі́дстїи: И҆ ны́нѣ, гла́съ ѕ҃: Ликꙋ́ютъ а҆́гг҃ли: На стїхо́внѣ стїхи̑ры воскрⷭ҇ны. Сла́ва, ст҃ы́хъ, гла́съ ѕ҃: Свѧще́нныхъ па́мѧть: И҆ ны́нѣ, пра́здника. На благослове́нїи хлѣ́бѡвъ тропа́рь, Бцⷣе дв҃о: два́жды, и҆ ст҃ы́хъ є҆ди́ножды: Благовѣствꙋ́й, і҆ѡ́сифе: та́же чте́нїе въ посла́нїихъ а҆пⷭ҇льскихъ.
На ᲂу҆́трени на Бг҃ъ гдⷭ҇ь тропа́рь воскрⷭ҇нъ, два́жды. Сла́ва, ст҃ы́хъ: И҆ ны́нѣ, пра́здника. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ, недѣ́лѧ по ржⷭ҇твѣ̀ (с. 622) хрⷭ҇то́вѣ: та́же непоро́чны, съ трѡпарѝ и҆́хъ, ѵ҆пакоѝ гла́са, и҆ чте́нїе пра́здника. Степє́нна, и҆ прокі́менъ гла́са, и҆ Всѧ́кое дыха́нїе: Є҆ѵⷢ҇лїе воскрⷭ҇но, и҆ Воскрⷭ҇нїе хрⷭ҇то́во: По н҃-мъ ѱалмѣ̀ стїхи́ра воскрⷭ҇на. Канѡ́нъ воскрⷭ҇нъ, со і҆рмосо́мъ на д҃, и҆ ст҃ы́хъ на д҃, и҆ пра́здника, ѻ҆́ба канѡ́на на ѕ҃. Катава́сїа пра́здника, і҆рмо́съ пе́рвагѡ канѡ́на. По г҃ пѣ́сни конда́къ ст҃ы́хъ, и҆ і҆́косъ, и҆ сѣда́ленъ и҆́хъ. Сла́ва, и҆ ны́нѣ, пра́здника. И҆ чте́нїе. По ѕ҃ пѣ́сни конда́къ пра́здника, и҆ і҆́косъ. На ѳ҃ пѣ́сни пое́мъ Честнѣ́йшꙋю: Свѣти́ленъ воскрⷭ҇нъ: Сла́ва, ст҃ы́хъ: И҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ пра́здника самогла́сны д҃, гла́съ д҃: Весели́тесѧ, првⷣнїи: съ припѣ̑вы: Сла́ва, ст҃ы́хъ, гла́съ и҃: Кро́вь и҆ ѻ҆́гнь: И҆ ны́нѣ, Пребл҃гослове́нна є҆сѝ: Славосло́вїе вели́кое. По трист҃о́мъ, тропа́рь воскрⷭ҇нъ, Є҆ктєнїѝ, И҆ ѿпꙋ́стъ: И҆ ѡ҆глаше́нїе стꙋді́тово. И҆ ѻ҆бы́чное и҆схожде́нїе. И҆ пое́мъ, Сла́ва, и҆ ны́нѣ, стїхи́рꙋ є҆ѵⷢ҇льскꙋю, и҆ ча́съ пе́рвый въ притво́рѣ. На а҃-мъ часѣ̀ тропа́рь воскрⷭ҇нъ: Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: Конда́къ пра́здника. На г҃-мъ часѣ̀ тропа́рь воскрⷭ҇нъ: Сла́ва, ст҃ы́хъ: И҆ ны́нѣ, бг҃оро́диченъ часѡ́въ. Конда́къ пра́здника и҆ ст҃ы́хъ, премѣнѧ́юще глаго́лемъ.
На лїтꙋргі́и: Бл҃жє́нна гла́са, на д҃: и҆ пра́здника а҃-гѡ канѡ́на, пѣ́снь ѳ҃, на д҃: и҆ ст҃ы́хъ, пѣ́снь ѕ҃, на д҃. По вхо́дѣ тропа́рь воскрⷭ҇нъ, и҆ пра́здника, и҆ ст҃ы́хъ: Сла́ва, конда́къ ст҃ы́хъ: И҆ ны́нѣ, пра́здника. Прокі́менъ пра́здника, и҆ ст҃ы́хъ: Ди́венъ бг҃ъ во ст҃ы́хъ свои́хъ: А҆пⷭ҇лъ, къ гала́тѡмъ, зача́ло с҃. А҆ллилꙋ́їа, пра́здника. Є҆ѵⷢ҇лїе матѳе́а, зача́ло д҃. Прича́стенъ: Хвали́те гдⷭ҇а: Дрꙋгі́й, пра́здника.
[зрѝ] А҆́ще ли слꙋчи́тсѧ попра́зднство, и҆лѝ ѿда́нїе ржⷭ҇тва̀ хрⷭ҇то́ва въ сꙋббѡ́тꙋ.
Въ пѧто́къ ве́чера: На Гдⷭ҇и, воззва́хъ: Сла́ва, и҆ ны́нѣ, пра́здника: А҆ бг҃оро́диченъ пе́рвый настоѧ́щагѡ гла́са не пое́мъ.