XVIII. Утреня

И начинаем шестопсалмие со всяким молчанием и умилением слушающе: учиненный же брат со благоговением и страхом Божиим глаголет:

Слава в вышних Богу, и на земли мир, в человецех благоволение. (3). †.

Песнь Ангелов небесных Богомладенцу рожденному. Да будет же воистину в человецех благоволение: желание добра, веры, святости, примирения с Богом во Христе Иисусе, благоволение ко храму Святому, ко всенощному славословит! И да удостоятся люди Божия благоволения! †

Господи, устне мои отверзеши, и уста моя возвестят хвалу Твою. (2). †.

Устне мои очисти от всея скверны углем благодати Твоея, даждь мнe дар слова святаго, и буду возвещать хвалу Твою, святую вepy буду проповедывать, защищать истину веры православной. Свечи погашаются.

Пс.3. Господи, что ся умножиша стужающи ми? Мнози востают на мя, мнози глаголют души моей: несть спасения ему в Бозе его. Ты же, Господи, заступник мой еси,†, слава моя, и возносяй главу мою. Гласом моим ко Господу воззвах, и услыша мя от горы святыя Своея. Аз уснух, и спах: востах, яко Господь заступит мя. Не убоюся от тем людей, окрест нападающих на мя. Воскресни, Господи, спаси мя, Боже мой, †,яко Ты поразил еси вся враждующия ми всуе, зубы грешников сокрушил еси. Господне есть спасение, и на людех Твоих благословение Твое. Аз уснух, и спах – востах, яко Господь заступит мя.†.

Пс.37. Господи, да не яростию Твоею обличиши мене, ниже гневом Твоим накажеши мене. Яко стрелы Твоя унзоша во мне и утвердил еси на мне руку Твою. Несть исцеления в плоти моей от лица гнева Твоего: несть, мира в костех моих от лица грех моих. Яко беззакония моя превзыдоша главу мою, яко бремя тяжкое отягогша на мне.

Возсмердеша и согниша раны моя от лица безумия моего. Пострадах и слякохся до конца, весь день сетуя хождах, яко лядвия моя наполнишася поруганий, и несть исцеления в плоти моей. Озлоблен бых, и смирихся до зела, рыках от воздыхания сердца моего. Господи, пред Тобою все желание мое, †, и воздыхание мое от Тебе не утаися. Сердце мое смятеся, остави мя сила моя, и свет очию моею и той несть со мною. Друзи мои, и искреннии мои прямо мне приближишася и сташа, и ближнии мои отдалече мене сташа, и нуждахуся ищущии душу мою; и ищущии злая мне глаголаху суетная, и льстивным весь день поучахуся. Аз же яко глух, не слышах, и яко нем не отверзаяй уст своих. И бых яко человек не слышай и не имый во устех своих обличения. Яко на Тя, Господи, уповах, Ты услышиши, Господи Боже мой. †. Яко рех: да не когда порадуют ми ся врази мои, и внегда подвижатися ногам моим, на мя велеречеваша. Яко аз на раны готов, и болезнь моя предо мною есть выну. Яко беззаконие мое аз возвещу, и попекуся о гресе моем.

Врази же мои живут, и укрупнимся паче мене, и умножишася ненавидящии мя без правды. Воздаюшии ми злая возблагая оболгаху мя, занегонях благостыню. Не остави мене, Господи Боже мой, не отступи от мене: вонми в помощь мою, Господи спасения моего.†. Не остави мене, Господи Боже мой, не отступи от мене, вонми в помощь мою, Господи спасения моего.†.

Пс.62. Боже, Боже мой, к Тебe утренюю: возжада Тебе душа моя, † коль множицею Тебе плоть моя, в земли пусте, и непроходне, и безводне. Тако во святем явихся Тебе, видети силу Твою и славу Твою. Яко лучше милость Твоя паче живот; устне мои похвалит Тя. Тако благословлю Тя в животe моем – о имени Тво- ем воздежу руце мои. †. Яко от тука и масти да исполнится душа моя, и устнама радости восхвалят Тя уста моя. Аще поминах Тя на постели моей, на утренних поучахся в Тя, яко был еси помощник мой, и в кров крилу Твоею возрадуюся. †. Прильпе душа моя по Teбe; мене же прият десница Твоя. †. Tии же всуе искаша душу мою: внидут в преисподняя земли, предадятся в руки оружия, части лисовом будут. Царь же возвеселится о Бозе, похвалится всяк кленыйся им, яко заградишася уста глаголющих неправедная. На утренних поучахся в Тя, яко был еси помощник мой, и в кровe крилу Твоею возрадуюся.† Прильпе душа моя по Тебе, мене же прият десница Твоя. †.

Слава, и ныне. Аллилуйя, аллилуйя, аллилуйя. Слава Тебе, Боже (3).†.

Господи, помилуй( 3). Слава, и ныне.

Священник же глаголет молитвы утреннея, стоя непокровен пред святыми дверьми, тайно. Тихое cиe исхождение и моление означает жизнь Спасителя Мира в Назаретe, до дня явления Своего на Иордани.

Пс.87. Господи Боже спасения моего, во дни воззвах, и в нощи пред Тобою, †. Да внидет пред Тя молитва моя, приклони ухо Твое к молению моему, †. Яко исполнися зол душа моя, и живот мой аду приближися. Привменен бых с низходящими в ров, бых яко человек без помощи, в мертвых свободы яко язвении спящии во гробе, ихже не помянул еси к тому, и Tии от руки Твоея

отриновени быша. Положиша мя в рове преисподнем, в темных и сени смертней. На мне утвердися ярость Твоя, и вся волны Твоя навел еси на мя. Удалил еси знаемых моих от мене, положиша мя мерзость Себе, предан бых, и не исхождах. Очи мои изнемогосте от нищеты, воззвах к Тебе, Господи, весь день, воздех к Тебе руце мои. †. Еда мертвыми твориши чудеса? или врачеве воскресят, и исповедятся Тебе? Еда повесть кто во гроб милость Твою, и истину Твою в погибели? Еда познана будут во тьмe чудеса Твоя, и правда Твоя в земли забвенней? И аз к Тебе, Господи, воззвах, и утро молитва моя предваритъ Тя. †. Векую, Господи, отреши душу мою, отвращаеши лице Твое от мене? Нищ есмь аз, и в трудех от юности моея; вознес же ся, смирихся, и изнемогох. На мне преидоша гневи Твои, устрашения Твоя возмутиша мя; обыдоша мя яко вода, весь день одержаша мя вкупе. Удалил еси от мене друга и искреннего, и знаемых моих от страстей. Господи Боже спасения моего, во дни воззвах, и в нощи пред Тобою, †. Да внидет пред Тя молитва моя; приклони ухо Твое к молению моему.†.

Пс.102. Благослови, душе моя, Господа, и вся внутренняя моя имя Святое Его. †. Благослови, душе моя, Господа, и не забывай всех воздаяний Его; очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое; обновится яко орля юность твоя. Творяй милостыни Господь, и судьбу всем обидимым. Сказа пути Своя Моусеови, сыновом Израилевым хотения Своя. Щедр и милостив Господь, долготерпелив и многомилостив. †. Не до конца прогневается, ниже в век враждует. Не по беззаконием нашим сотворил есть нам, ниже по грехом нашим воздал есть нам. Яко по высоте небесней от земли, утвердил есть Господь милость Свою на боящихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко Той позна создание наше, помяну, яко перст есмы. Человек, яко трава дние его, яко цвет сельный, тако оцветет; яко дух пройде в нем, и не будет, и не познает к тому места своего. Милость же Господня от века и до века на боящихся его; и правда Его на сынех сынов, хранящих завет Его и помнящих заповеди Его, творити я. Господь на небеси уготова престол Свой, и царство Его всеми обладает. Благословите Господа вси ангели Его, сильние крепостию, творящие слово Его, услышати глас словес Его. Благословите Господа вся силы Его, слуги Его, творящие волю Его. †. Благословите Господа, вся дела Его. На всяком месте владычествия Его благослови, душе моя, Господа, †. На всяком месте владычествия Его благослови, душе моя, Господа. †.

Пс. 142. Господи, услыши молитву мою, внуши моление мое во истине Твоей, услыши мя в правде Твоей; и не вниди в суде с рабом Твоим, †, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делах Твоих, в творениях руку Твоею поучахся.

Воздех к Тебe руце мои, душа моя яко земля безводная Тебe. Скоро услыши мя, Господи, исчезе дух мой; не отврати лица Твоего от мене, † и уподоблюся низходящим в ров. Слышану сотвори мнe заутра милость Твою, яко на Тя уповах. Скажи мнe. Господи, путь, воньже пойду, яко к Тебe взях душу мою. Изми мя от враг моих, Господи, к Тебe прибегох.†. Научи мя творити волю Твою, яко Ты еси Бог мой. †. Дух Твой благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою, и милостию Твоею потребиши враги моя, и погубиши вся стужаюшия души моей, яко аз раб Твой есмь. †.

Услыши мя, Господи, в правдe Твоей, и не вниди в суд с рабом Твоим. †. Услыши мя, Господи, в правдe Твоей и не вниди в суд с рабом Твоим. Дух Твой благий наставит мя на землю праву. †.

Слава и нынe. Аллилуйя, аллилуйя, аллилуйя, слава Тебe, Боже (3), †.