XXIX. Славословие великое

Царския врата отверзаются: Отверзи ми, Господи, двери небеснаго царствия Твоего. На востоке к этому времени уже заря, предвестница солнца.

Слава Тебe, показавшему нам Свет. †.

Слава в вышних Богу, и на земли мир, в человецех благоволение.†. Хвалим Тя, благословим Тя, кланяемтися, славословим Тя, благодарим Тя, велиея ради славы Твоея. †.

Господи, Царю Небесный, Боже Отче Вседержителю, Господи, Сыне Единородный, Иисусе Христе и Святый Душе. †. Господи Боже, Агнче Божий, Сыне Отечь. Вземляй грех Мира, помилуй нас. †. Вземляй грехи Мира, приими молитву нашу. Сидяй одесную Отца, помилуй нас. †. Яко Ты еси един свят. Ты еси един Господь Иисус Христос, в Славу Бога Отца, Аминь.†.

На всяк день благословлю Тя и восхвалю Имя Твое во веки и в век века. †.

Сподоби, Господи, в день сей без греха сохранитися нам. †. Благословен еси, Господи, Боже отец наших, и хвально, и прославлено Имя Твое во веки. Аминь. †.

 

Буди, Господи, милость Твоя на нас, якоже уповахом на Тя. †. Благословен еси, Господи, научи мя оправданием Твоим. (3). †. Господи, прибежище был еси нам в род и род. Аз рех: Господи, помилуй мя и исцели душу мою, яко coгреших Тебе. Господи, к Тебе прибегох, научи мя творити волю Твою, яко Ты еси Бог мой, †. яко у Тебе источник живота, во Свете Твоем узрим свет. Пробави милость Твою ведущим Тя. †.

Святый Боже, Святый Крепкий, Святый Безсмертный, помилуй нас. †.

Днесь cnaceниe Mиpy бысть: поем Воскресшему из гроба и Начальнику жизни нашея. Разрушив бо смертию смерть, победу даде нам и велию милость, †.


Источник: Молитва христианина во время воскресной всенощной. - [Сергиев Посад] : Свято-Троиц. Сергиева лавра, 1915. - 67 с.; 18. - (Троицкая народная беседа; Кн. 75).

Комментарии для сайта Cackle