Воскресная всенощная

По еже заити солнцу мало, отходит кадиловозжигатель и творит поклон предстоятелю. Таже восходя ударяет в великий кампан, не скоро, поя непорочны – псалом 118-й – или глаголя псалом 50-й, тихо, двенадцать раз. И потом вшед и вжигает лампады и уготовляет кадильницу. И тако изшед, клеплет во вся кампаны. И возвращся в церковь и вжег свещу в насвещвице, поставляет прямо царских врат. (Устав Церковный). В обители начинается святая ночь.

Диакон: Востаните. Господи, благослови. Востану, пойду ко Отцу моему Небесному. Господи, благослови мя в час сей пребыти с Тобою. Дух бодр, плоть же немощна – укрепи мя благодатию Твоею.†.

Священник: Слава Святой, и Единосущней, и Животворящей и Нераздельной Троице, всегда, ныне и присно, и во веки веков. †.

Слава Teбе, Отче наш, всея вселенныя Творец и Вседержитель! Слава Тебе, Сыне Единородный, падшего человека дражайший Искупитель! Слава Тебе, Душе Святый, Иже везде сый и вся исполняяй!

Клир: Аминь. Истинно. Тако верую и исповедую.†.

Приидите, поклонимся Цареви нашему Богу. Покланяюся Тебе, Xpистe Спасе, с праотцами и пророками, ожидавшими пришествия Твоего и предузревшими Тя издалеча.†.

Приидите поклонимся и припадем Христу, Цареви нашему Богу. Поклоняюся Тебе, Христе Царю, с пастырями и волхвами, первее всех поклонившимися Тебе, дары носяще. †.

Приидите, поклонимся и припадем Самому Xpистy, Цареви и Богу нашему. Покланяюся Тебе, Иисусе Сладчайший, со Апостолами, мироносицами и со всеми от Галилеи и Иерусалима притекавшими к Тебе прикоснутися ризам Твоимъ. †

Приидите, поклонимся и припадем Ему. Покланяюся Тебе, Христе Боже, с мучениками, святителями и преподобными, – со всею Церковью небесною и земною (Церкви преисподних нет). †