[глⷡ҇а л҃ѕ] Мл҃тва на ѡ҆сщ҃е́нїе всѧ́кїѧ ве́щи.

По нача́лѣ ѻ҆бы́чномъ, Трист҃о́е: По Ѻ҆́ч҃е на́шъ: и҆ по возгла́сѣ, і҆ере́й глаго́летъ: Гдⷭ҇ꙋ помо́лимсѧ. Гдⷭ҇и поми́лꙋй.

И҆ чте́тъ мл҃твꙋ сїю̀.

Созда́телю и҆ содѣ́телю человѣ́ческагѡ ро́да, да́телю бл҃года́ти дх҃о́вныѧ, пода́телю вѣ́чнагѡ сп҃се́нїѧ: са́мъ гдⷭ҇и, послѝ дх҃а твоего̀ ст҃а́го съ вы́шнимъ бл҃гослове́нїемъ на ве́щь сїю̀, ꙗ҆́кѡ да воѡрꙋже́на си́лою нбⷭ҇нагѡ застꙋпле́нїѧ, хотѧ́щымъ ю҆̀ ᲂу҆потреблѧ́ти, помо́щна бꙋ́детъ къ тѣле́сномꙋ сп҃се́нїю и҆ застꙋпле́нїю и҆ по́мощи, ѡ҆ хрⷭ҇тѣ̀ і҆и҃сѣ гдⷭ҇ѣ на́шемъ. А҆ми́нь.

Та́же кропи́тъ ве́щь сщ҃е́нною водо́ю, три́жды, и҆ глаго́летъ ѻ҆бы́чный ѿпꙋ́стъ.


Комментарии для сайта Cackle