[глⷡ҇а л҃з] Мѣсѧцосло́въ съ бг҃омъ ст҃ы́мъ, всегѡ̀ лѣ́та.

Мѣ́сѧцъ септе́мврїй.

а҃. [а] Нача́ло і҆нді́кта, си́рѣчь но́вагѡ лѣ́та: И҆ па́мѧть прпⷣбнагѡ ѻ҆тца̀ на́шегѡ сѷмеѡ́на сто́лпника: И҆ ма́тере є҆гѡ̀ ма́рѳы: И҆ собо́ръ прест҃ы́ѧ бцⷣы, и҆́же въ мїасі́нѣхъ: И҆ ст҃а́гѡ мч҃нка а҆їѳала̀: И҆ ст҃ы́хъ мч҃нцъ, м҃ же́нъ, и҆ а҆ммꙋ́на дїа́кона и҆ ᲂу҆чи́телѧ и҆́хъ: И҆ ст҃ы́хъ мч҃нкъ, каллі́сты, є҆ѵо́да и҆ є҆рмоге́на, самобра́тїй: И҆ па́мѧть првⷣнагѡ і҆исꙋ́са, сы́на наѵи́на. Пра́здникъ, и҆ разрѣше́нїе вїна̀ и҆ є҆ле́а.

в҃. [з] Ст҃а́гѡ мч҃нка ма́манта: И҆ прпⷣбнагѡ ѻ҆тца̀ на́шегѡ і҆ѡа́нна по́стника, патрїа́рха цр҃ѧгра́да.

г҃. [ѕ] Ст҃а́гѡ сщ҃енномч҃нка а҆нѳі́ма, є҆пі́скопа нїкомиді́йскагѡ: И҆ прпⷣбнагѡ ѳеокті́ста, спо́стника вели́кагѡ є҆ѵѳѵ́мїа.

д҃. [є] Ст҃а́гѡ сщ҃енномч҃нка вавѵ́лы є҆пⷭ҇кпа вели́кїѧ а҆нтїохі́и: И҆ ст҃а́гѡ прⷪ҇ро́ка и҆ бг҃ови́дца мѡѷсе́а.

є҃. [д] Ст҃а́гѡ прⷪ҇ро́ка заха́рїи, ѻ҆тца̀ чⷭ҇тна́гѡ і҆ѡа́нна прⷣте́чи: И҆ ст҃ы́ѧ првⷣныѧ є҆лїсаве́ты.

ѕ҃. [г] Воспомина́нїе бы́вшагѡ чꙋдесѐ въ колосса́ехъ, є҆́же є҆́сть въ хѡ́нѣхъ, ѿ а҆рхїстрати́га мїхаи́ла: И҆ ст҃а́гѡ мч҃нка є҆ѵдоѯі́а, и҆ съ ни́мъ пострада́вшихъ ҂ар҃д: И҆ прпⷣбнагѡ ѻ҆тца̀ на́шегѡ а҆рхі́ппа.

Разрѣше́нїе вїна̀ и҆ є҆ле́а.

з҃. [в] Предпра́зднство ржⷭ҇тва̀ прест҃ы́ѧ бцⷣы: И҆ ст҃а́гѡ мч҃нка сѡзо́нта: И҆ па́мѧть и҆́же во ст҃ы́хъ ѻ҆тца̀ на́шегѡ і҆ѡа́нна а҆рхїепⷭ҇кпа, новгоро́дскагѡ чꙋдотво́рца.

н҃. [а] Ржⷭ҇тво̀ прест҃ы́ѧ влⷣчцы на́шеѧ бцⷣы, и҆ приснодв҃ы мр҃і́и.

Пра́здникъ и҆ разрѣше́нїе ры́бы. ѳ҃.

ѳ҃. [з] Ст҃ы́хъ и҆ првⷣныхъ бг҃оѻтє́цъ і҆ѡакі́ма и҆ а҆́нны: И҆ ст҃а́гѡ мч҃нка севирїа́на:

Разрѣше́нїе вїна̀ и҆ є҆ле́а.

Въ то́йже де́нь прпⷣбнагѡ ѻ҆тца̀ на́шегѡ і҆ѡ́сифа, волоцка́гѡ чꙋдотво́рца: И҆ во ст҃ы́хъ ѻ҆тца̀ на́шегѡ ѳеодо́сїа, а҆рхїепⷭ҇кпа черни́говскагѡ.

і҃. [ѕ] Ст҃ы́хъ мч҃нцъ, минодѡ́ры, митродѡ́ры и҆ нѷмфодѡ́ры.

а҃і. [є] Прпⷣбныѧ ма́тере на́шеѧ ѳеодѡ́ры а҆леѯандрі́йскїѧ: И҆ пренесе́нїе моще́й прпⷣбныхъ ѻ҆те́цъ, се́ргїа и҆ ге́рмана валаа́мскихъ чꙋдотво́рцѡвъ и҆з̾ нова́града ѻ҆бра́тнѡ на валаа́мъ во ѻ҆би́тель и҆́хъ.

в҃і. [д] Ст҃а́гѡ сщ҃енномч҃нка а҆ѵтоно́ма: Въ се́й же де́нь ѿдае́тсѧ пра́здникъ ржⷭ҇тва̀ бцⷣы. Слꙋ́жба пое́тсѧ всѧ̀ пра́здника.

г҃і. [г] Па́мѧть ѡ҆бновле́нїй хра́ма ст҃а́гѡ, хрⷭ҇та̀ и҆ бг҃а на́шегѡ, воскрⷭ҇нїѧ: И҆ предпра́зднство воздви́женїѧ чⷭ҇тна́гѡ и҆ животворѧ́щагѡ крⷭ҇та̀: И҆ ст҃а́гѡ сщ҃енномч҃нка корни́лїа со́тника.

Разрѣше́нїе вїна̀ и҆ є҆ле́а.

д҃і. [в] Всемі́рное воздви́женїе чⷭ҇тна́гѡ и҆ животворѧ́щагѡ крⷭ҇та̀: И҆ ᲂу҆спе́нїе во ст҃ы́хъ ѻ҆тца̀ на́шегѡ і҆ѡа́нна, а҆рхїепі́скопа кѡнстанті́нѧ гра́да, златоꙋ́стагѡ.

Пра́здникъ, и҆ по́стъ.

є҃і. [а] Ст҃а́гѡ великомч҃нка нїки́ты.

ѕ҃і. [з] Ст҃ы́ѧ великомч҃нцы є҆ѵфи́мїи всехва́льныѧ.

з҃і. [ѕ] Ст҃ы́ѧ мч҃нцы софі́и, и҆ тре́хъ є҆ѧ̀ дще́рей: вѣ́ры. наде́жды и҆ любвѐ.

и҃і. [є] Прпⷣбнагѡ ѻ҆тца̀ на́шегѡ є҆ѵме́нїа є҆пⷭ҇кпа гортѵ́нскагѡ, чꙋдотво́рца.

ѳ҃і. [д] Ст҃ы́хъ мч҃нкъ, трофі́ма, савва́тїа и҆ дорѷмедо́нта: И҆ преставле́нїе бл҃говѣ́рнагѡ кнѧ́зѧ ѳео́дѡра, и҆ ча̑дъ є҆гѡ̀, бл҃говѣ́рныхъ кн҃зе́й дв҃да и҆ кѡнстанті́на, смоле́нскихъ и҆ ꙗ҆росла́вскихъ чꙋдотво́рцевъ.

к҃. [г] Ст҃а́гѡ великомч҃нка є҆ѵста́ѳїа, и҆ и҆̀же съ ни́мъ:

Разрѣше́нїе вїна̀ и҆ є҆ле́а.

И҆ ст҃ы́хъ мч҃нкъ и҆ и҆сповѣ̑дникъ, вели́кагѡ кнѧ́зѧ мїхаи́ла, и҆ болѧ́рина є҆гѡ̀ ѳео́дѡра, черни́говскихъ чꙋдотво́рцѡвъ.

к҃а. [в] Ст҃а́гѡ а҆по́стола кодра́та, и҆́же въ магнисі́и: Въ то́йже де́нь па́мѧть во ст҃ы́хъ ѻ҆тца̀ на́шегѡ дими́трїа, митрополі́та росто́вскагѡ:

Въ се́й же де́нь ѿдае́тсѧ пра́здникъ чⷭ҇тна́гѡ крⷭ҇та̀.

к҃в. [а] Ст҃а́гѡ сщ҃енномч҃нка фѡ́ки, є҆пⷭ҇кпа сѷнопі́йскагѡ: И҆ ст҃а́гѡ прⷪ҇ро́ка і҆ѡ́ны: И҆ прпⷣбнагѡ і҆ѡ́ны пресвѵ́тера, ѻ҆тца̀ ѳеофа́на, творца̀ канѡ́нѡвъ, и҆ ѳео́дѡра начерта́ннагѡ.

к҃г. [з] Зача́тїе чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна.

Разрѣше́нїе вїна̀ и҆ є҆ле́а.

к҃д. [ѕ] Ст҃ы́ѧ первомч҃нцы и҆ равноапⷭ҇льныѧ ѳе́клы: Въ то́йже де́нь па́мѧть прпⷣбнагѡ ѻ҆тца̀ на́шегѡ нїка́ндра пꙋстынножи́телѧ, псковска́гѡ чꙋдотво́рца.

к҃є. [є] Прпⷣбныѧ ма́тере на́шеѧ є҆ѵфросѵ́нїи: И҆ преставле́нїе прпⷣбнагѡ ѻ҆тца̀ на́шегѡ и҆гꙋ́мена се́ргїа чꙋдотво́рца.

к҃ѕ. [д] Преставле́нїе ст҃а́гѡ а҆пⷭ҇ла и҆ є҆ѵⷢ҇лі́ста і҆ѡа́нна бг҃осло́ва.

Пра́здникъ, и҆ разрѣше́нїе вїна̀ и҆ є҆ле́а.

к҃з. [г] Ст҃а́гѡ мч҃нка каллїстра́та, и҆ дрꙋжи́ны є҆гѡ̀: И҆ прпⷣбнагѡ ѻ҆тца̀ на́шегѡ савва́тїа, солове́цкагѡ чꙋдотво́рца.

к҃и. [в] Прпⷣбнагѡ ѻ҆тца̀ на́шегѡ и҆ и҆сповѣ́дника харїтѡ́на.

к҃ѳ. [а] Прпⷣбнагѡ ѻ҆тца̀ на́шегѡ кѷрїа́ка ѿше́льника.

л҃. [з] Ст҃а́гѡ сщ҃енномч҃нка григо́рїа, вели́кїѧ а҆рме́нїи: И҆ прпⷣбнагѡ ѻ҆тца̀ на́шегѡ григо́рїа, и҆́же на пе́льшмѣ рѣцѣ̀. И҆ во ст҃ы́хъ ѻ҆тца̀ на́шегѡ мїхаи́ла, пе́рвагѡ митрополі́та кі́евскагѡ и҆ всеѧ̀ рѡссі́и, чꙋдотво́рца.

Мѣ́сѧцъ ѻ҆ктѡ́врїй.

а҃. [ѕ] Покро́въ прест҃ы́ѧ бцⷣы: И҆ ст҃а́гѡ а҆пⷭ҇ла а҆на́нїи, є҆ди́нагѡ ѿ ѻ҃: И҆ прпⷣбнагѡ ѻ҆тца̀ рѡма́на сладкопѣ́вца: И҆ прпⷣбнагѡ ѻ҆тца̀ на́шегѡ са́ввы, ви́шерскагѡ чꙋдотво́рца.

в҃. [є] Ст҃а́гѡ сщ҃енномч҃нка кѷпрїа́на: И҆ ст҃ы́ѧ мч҃нцы і҆ꙋсті́ны: И҆ ст҃а́гѡ и҆ бл҃же́ннагѡ а҆ндре́а, хрⷭ҇та̀ ра́ди ю҆ро́дивагѡ.

г҃. [д] Ст҃а́гѡ сщ҃енномч҃нка дїонѵ́сїа а҆реопагі́та.

д҃. [г] Ст҃а́гѡ сщ҃енномч҃нка і҆ероѳе́а, є҆пⷭ҇кпа а҆ѳи́нскагѡ: И҆ ѡ҆брѣ́тенїе чⷭ҇тны́хъ моще́й, и҆́же во ст҃ы́хъ ѻ҆те́цъ на́шихъ гꙋ́рїа и҆ варсоно́фїа, каза́нскихъ.

є҃. [в] Ст҃ы́ѧ мч҃нцы харїті́ны: И҆ ст҃ы́хъ ст҃и́телєй петра̀, а҆леѯі́а, і҆ѡ́ны и҆ фїлі́ппа, митрополі́тѡвъ моско́вскихъ, и҆ всеѧ̀ рѡссі́и чꙋдотво́рцѡвъ.

ѕ҃. [а] Ст҃а́гѡ и҆ сла́внагѡ а҆пⷭ҇ла ѳѡмы̀.

Разрѣше́нїе вїна̀ и҆ є҆ле́а.

з҃. [з] Ст҃ы́хъ мч҃нкъ, се́ргїа и҆ ва́кха.

и҃. [ѕ] Прпⷣбныѧ ма́тере на́шеѧ пелагі́и.

ѳ҃. [є] Ст҃а́гѡ а҆пⷭ҇ла і҆а́кѡва а҆лфе́ова: И҆ прпⷣбнагѡ ѻ҆тца̀ на́шегѡ а҆ндроні́ка, и҆ жены̀ є҆гѡ̀ а҆ѳана́сїи.

Разрѣше́нїе вїна̀ и҆ є҆ле́а.

і҃. [д] Ст҃ы́хъ мч҃нкъ, є҆ѵла́мпїа и҆ є҆ѵлампі́и.

а҃і. [г] Ст҃а́гѡ а҆пⷭ҇ла фїлі́ппа, є҆ди́нагѡ ѿ седмѝ дїа́кѡнъ: И҆ прпⷣбнагѡ ѻ҆тца̀ на́шегѡ ѳеофа́на начерта́ннагѡ и҆ творца̀ канѡ́нѡвъ, є҆пⷭ҇кпа нїкі́йскагѡ.

в҃і. [въ Ст҃ы́хъ мч҃нкъ, про́ва, тара́ха и҆ а҆ндроні́ка: И҆ прпⷣбнагѡ ѻ҆тца̀ на́шегѡ космы̀ ст҃огра́дца и҆ творца̀ канѡ́нѡвъ, є҆пⷭ҇кпа маїꙋ́мскагѡ.

Въ то́йже де́нь пра́зднованїе ст҃о́мꙋ і҆ѡа́ннꙋ крⷭ҇ти́телю гдⷭ҇ню, на па́мѧть пренесе́нїѧ и҆з̾ ма́льты во гра́дъ га́тчинꙋ крⷭ҇та̀ и҆з̾ ча́сти дре́ва животворѧ́щагѡ крⷭ҇та̀ гдⷭ҇нѧ: чꙋдотво́рнагѡ ѡ҆́браза бж҃їѧ мт҃ре, пи́саннагѡ ст҃ы́мъ є҆ѵⷢ҇лі́стомъ лꙋко́ю: и҆ десны́ѧ рꙋкѝ моще́й ст҃а́гѡ і҆ѡа́нна крⷭ҇ти́телѧ:

г҃і. [а] Ст҃ы́хъ мч҃нкъ, ка́рпа и҆ папѵ́лы.

д҃і. [з] Ст҃ы́хъ мч҃нкъ наза́рїа, герва́сїа, прота́сїа и҆ келсі́а: И҆ прпⷣбныѧ ма́тере на́шеѧ параске́ѵи. И҆ прпⷣбнагѡ нїко́лы свѧто́ши, кн҃зѧ черни́говскагѡ.

є҃і. [ѕ] Прпⷣбнагѡ ѻ҆тца̀ на́шегѡ є҆ѵѳѵ́мїа но́вагѡ: И҆ ст҃а́гѡ прпⷣбномч҃нка лꙋкїа́на, пресвѵ́тера вели́кїѧ а҆нтїохі́и.

ѕ҃і. [є] Ст҃а́гѡ мч҃нка ло́ггїна со́тника.

з҃і. [д] Ст҃а́гѡ прⷪ҇ро́ка ѡ҆сі́и: И҆ прпⷣбномч҃нка а҆ндре́а кри́тскагѡ.

и҃і. [г] Ст҃а́гѡ а҆пⷭ҇ла и҆ є҆ѵⷢ҇лі́ста лꙋкѝ.

Пра́здникъ, и҆ разрѣше́нїе вїна̀ и҆ є҆ле́а.

ѳ҃і. [в] Ст҃а́гѡ прⷪ҇ро́ка і҆ѡ́илѧ: И҆ ст҃а́гѡ мч҃нка ᲂу҆а́ра. И҆ прпⷣбнагѡ ѻ҆тца̀ на́шегѡ і҆ѡа́нна ры́льскагѡ.

к҃. [а] Ст҃а́гѡ великомч҃нка а҆рте́мїа.

к҃а. [з] Прпⷣбнагѡ ѻ҆тца̀ на́шегѡ і҆ларїѡ́на вели́кагѡ: И҆ пренесе́нїе моще́й прпⷣбнагѡ ѻ҆тца̀ на́шегѡ і҆ларїѡ́на, є҆пⷭ҇кпа мегли́нскагѡ.

к҃в. [ѕ] Ст҃а́гѡ равноапⷭ҇тольнагѡ а҆ве́ркїа, є҆пⷭ҇кпа і҆ерапо́льскагѡ, чꙋдотво́рца. И҆ ст҃ы́хъ седмѝ ѻ҆трокѡ́въ, и҆̀же во є҆фе́сѣ:

Въ то́йже де́нь пра́зднꙋемъ прест҃ѣ́й бцⷣѣ, чꙋдотво́рныѧ і҆кѡ́ны каза́нскїѧ.

к҃г. [є] Ст҃а́гѡ а҆пⷭ҇ла і҆а́кѡва, по пло́ти бра́та гдⷭ҇нѧ:

Разрѣше́нїе вїна̀ и҆ є҆ле́а.

Въ то́йже де́нь пренесе́нїе моще́й ст҃а́гѡ і҆а́кѡва борови́чскагѡ, новгоро́дскагѡ чꙋдотво́рца.

к҃д. [д] Ст҃а́гѡ мч҃нка а҆ре́ѳы, и҆ и҆̀же съ ни́мъ: И҆ прпⷣбнагѡ а҆ре́ѳы пече́рскагѡ.

к҃є. [г] Ст҃ы́хъ мч҃нкъ и҆ нотарі̑й маркїа́на и҆ мартѵ́рїа.

к҃ѕ. [в] Ст҃а́гѡ и҆ сла́внагѡ великомч҃нка, дими́трїа мѷрото́чца: И҆ воспомина́нїе вели́кагѡ стра́шнагѡ трѧсе́нїѧ.

Пра́здникъ, и҆ разрѣше́нїе вїна̀ и҆ є҆ле́а.

к҃з. [а] Ст҃а́гѡ мч҃нка не́стора. И҆ прпⷣбнагѡ не́стора, лѣтопи́сца пече́рскагѡ.

к҃и. [з] Ст҃ы́хъ мч҃нкъ тере́нтїа и҆ неоні́лы: И҆ прпⷣбнагѡ ѻ҆тца̀ на́шегѡ стефа́на савваі́та, и҆ творца̀ канѡ́нѡвъ: И҆ во ст҃ы́хъ ѻ҆тца̀ на́шегѡ а҆рсе́нїа, а҆рхїепⷭ҇кпа се́рбскагѡ: И҆ ст҃ы́ѧ мч҃нцы параске́ѵы, нарече́нныѧ пѧ́тницы.

к҃ѳ. [ѕ] Ст҃ы́ѧ прпⷣбномч҃нцы а҆настасі́и ри́млѧныни: И҆ прпⷣбнагѡ ѻ҆тца̀ на́шегѡ а҆вра́мїа, затво́рника пече́рскагѡ: И҆ преставле́нїе прпⷣбнагѡ ѻ҆тца̀ на́шегѡ а҆вра́мїа а҆рхїмандрі́та, росто́вскагѡ чꙋдотво́рца.

л҃. [є] Ст҃ы́хъ мч҃нкъ зино́вїа и҆ зинові́и.

л҃а. [д] Ст҃ы́хъ а҆пⷭ҇лъ: стахѵ́а, а҆мплі́а, и҆ и҆̀же съ ни́ми: И҆ ст҃а́гѡ мч҃нка є҆пїма́ха: И҆ прпⷣбныхъ пече́рскихъ спѷрїдѡ́на и҆ нїкоди́ма.

Мѣ́сѧцъ ное́мврїй.

а҃. [г] Ст҃ы́хъ и҆ чꙋдотво́рцєвъ, безсре́бреникѡвъ космы̀ и҆ дамїа́на, и҆̀же ѿ а҆сі́и.

Разрѣше́нїе вїна̀ и҆ є҆ле́а.

в҃. [в] Ст҃ы́хъ мч҃нкъ: а҆кїндѵ́на, пига́сїа, а҆фѳо́нїа, є҆лпїдифо́ра и҆ а҆немподі́ста.

г҃. [а] Ст҃ы́хъ мч҃нкъ: а҆кеѱі́мы є҆пⷭ҇кпа, і҆ѡ́сифа пресвѵ́тера, и҆ а҆їѳала̀ дїа́кона: И҆ ѡ҆бновле́нїе хра́ма ст҃а́гѡ великомч҃нка геѡ́ргїа, и҆́же въ лѵ́дѣ, и҆дѣ́же положено̀ є҆́сть честно́е тѣ́ло є҆гѡ̀.

д҃. [з] Прпⷣбнагѡ ѻ҆тца̀ на́шегѡ і҆ѡанні́кїа вели́кагѡ: И҆ ст҃а́гѡ мч҃нка, нїка́ндра, є҆пⷭ҇кпа мѵ́рскагѡ: И҆ є҆рме́а пресвѵ́тера.

є. [ѕ] Ст҃ы́хъ мч҃нкъ, галактїѡ́на и҆ є҆пїсти́мїи: И҆ преставле́нїе и҆́же во ст҃ы́хъ ѻ҆тца̀ на́шегѡ і҆ѡ́ны а҆рхїепⷭ҇кпа, новгоро́дскагѡ чꙋдотво́рца.

ѕ҃. [є] И҆́же во ст҃ы́хъ ѻ҆тца̀ на́шегѡ па́ѵла и҆сповѣ́дника, а҆рхїепⷭ҇кпа царѧгра́да: И҆ прпⷣбнагѡ и҆ бг҃оно́снагѡ ѻ҆тца̀ на́шегѡ варлаа́ма хꙋ́тынскагѡ, новгоро́дскагѡ чꙋдотво́рца.

з҃. [д] Ст҃ы́хъ мч҃нкъ л҃г, и҆̀же въ мелїти́нѣ: И҆ прпⷣбнагѡ ѻ҆тца̀ на́шегѡ и҆ чꙋдотво́рца ла́зарѧ, въ галисі́йстѣй горѣ̀ пости́вшагѡсѧ.

и҃. [г] Собо́ръ а҆рхїстрати́га мїхаи́ла и҆ про́чихъ безпло́тныхъ си́лъ.

Пра́здникъ, и҆ разрѣше́нїе вїна̀ и҆ є҆ле́а.

ѳ҃. [в] Ст҃ы́хъ мч҃нкъ ѻ҆нисі́фора и҆ порфѵ́рїа: И҆ прпⷣбныѧ ма́тере на́шеѧ матрѡ́ны: И҆ прпⷣбныѧ ѳеокті́сты, ꙗ҆́же ѿ ле́звы.

і҃. [а] Ст҃ы́хъ а҆пⷭ҇лъ: є҆ра́ста, ѻ҆лѵ́мпа, родїѡ́на, и҆ и҆̀же съ ни́ми.

а҃і. [з] Ст҃ы́хъ мч҃нкъ: ми́ны, ві́ктора и҆ вїке́нтїа: И҆ ст҃ы́ѧ мч҃нцы стефані́ды: И҆ прпⷣбнагѡ ѻ҆тца̀ на́шегѡ и҆ и҆сповѣ́дника ѳео́дѡра стꙋді́та: И҆ преставле́нїе ст҃а́гѡ и҆ бл҃же́ннагѡ маѯі́ма, хрⷭ҇та̀ ра́ди ю҆ро́дивагѡ, моско́вскагѡ чꙋдотво́рца.

в҃і. [ѕ] И҆́же во ст҃ы́хъ ѻ҆тца̀ на́шегѡ і҆ѡа́нна ми́лостивагѡ: И҆ прпⷣбнагѡ ѻ҆тца̀ на́шегѡ ні́ла.

г҃і. [є] И҆́же во ст҃ы́хъ ѻ҆тца̀ на́шегѡ і҆ѡа́нна, а҆рхїепⷭ҇кпа кѡнстанті́нѧ гра́да, златоꙋ́стагѡ.

Пра́здникъ, и҆ разрѣше́нїе вїна̀ и҆ є҆ле́а.

д҃і. [д] Ст҃а́гѡ и҆ всехва́льнагѡ а҆пⷭ҇ла фїлі́ппа.

Пра́здникъ, и҆ ры́бы разрѣше́нїе.

є҃і. [г] Ст҃ы́хъ мч҃нкъ и҆ и҆сповѣ́дникъ: гꙋ́рїа, самѡ́на и҆ а҆ві́ва.

ѕ҃і. [в] Ст҃а́гѡ а҆пⷭ҇ла и҆ є҆ѵⷢ҇лі́ста матѳе́а.

Разрѣше́нїе вїна̀ и҆ є҆ле́а.

з҃і. [а] И҆́же во ст҃ы́хъ ѻ҆тца̀ на́шегѡ григо́рїа чꙋдотво́рца: И҆ прпⷣбнагѡ ѻ҆тца̀ на́шегѡ ні́кѡна, и҆гꙋ́мена чⷭ҇тны́ѧ ѻ҆би́тели живонача́льныѧ трⷪ҇цы, ᲂу҆ченика̀ се́ргїа чꙋдотво́рца.

и҃і. [з] Ст҃ы́хъ мч҃нкъ платѡ́на и҆ рѡма́на.

ѳ҃і. [ѕ] Ст҃а́гѡ прⷪ҇ро́ка а҆вді́а: И҆ ст҃а́гѡ мч҃нка варлаа́ма: И҆ прпⷣбныхъ ѻ҆тє́цъ на́шихъ, варлаа́ма и҆ і҆ѡаса́фа царе́вича вели́кїѧ і҆нді́и: И҆ прпⷣбнагѡ варлаа́ма и҆гꙋ́мена пече́рскагѡ.

к҃. [є] Предпра́зднство во хра́мъ вхо́да прест҃ы́ѧ бцⷣы: И҆ прпⷣбнагѡ ѻ҆тца̀ на́шегѡ григо́рїа декаполі́та: И҆ и҆́же во ст҃ы́хъ ѻ҆тца̀ на́шегѡ про́кла, а҆рхїепⷭ҇кпа царѧгра́да.

к҃а. [д] Вхо́дъ прест҃ы́ѧ влⷣчцы на́шеѧ бцⷣы и҆ приснодв҃ы мр҃і́и во хра́мъ.

Пра́здникъ, и҆ ры́бы разрѣше́нїе.

к҃в. [г] Ст҃а́гѡ а҆пⷭ҇ла фїлимо́на, и҆ и҆̀же съ ни́мъ: И҆ ᲂу҆бїе́нїе ст҃а́гѡ бл҃говѣ́рнагѡ вели́кагѡ кн҃зѧ мїхаи́ла тверска́гѡ.

к҃г. [в] И҆̀же во ст҃ы́хъ ѻ҆тє́цъ на́шихъ, а҆мфїло́хїа, є҆пⷭ҇кпа і҆коні́йскагѡ, и҆ григо́рїа, є҆пⷭ҇кпа а҆краганті́йскагѡ: И҆ преставле́нїе ст҃а́гѡ бл҃говѣ́рнагѡ вели́кагѡ кнѧ́зѧ а҆леѯа́ндра не́вскагѡ, и҆ всеѧ̀ рѡссі́и чꙋдотво́рца: И҆ па́мѧть преставле́нїѧ ст҃и́телѧ митрофа́на, въ схимона́сѣхъ мака́рїа, пе́рвагѡ воро́нежскагѡ є҆пⷭ҇кпа.

к҃д. [а] Ст҃ы́ѧ великомч҃нцы є҆катері́ны: И҆ ст҃а́гѡ великомч҃нка меркꙋ́рїа:

Пра́здникъ, и҆ разрѣше́нїе вїна̀ и҆ є҆ле́а.

И҆ ст҃а́гѡ мч҃нка меркꙋ́рїа смоле́нскагѡ.

к҃є. [з] И҆̀же во ст҃ы́хъ ѻ҆тє́цъ на́шихъ. и҆ сщ҃енномч҃нкѡвъ: кли́мента па́пы ри́мскагѡ, и҆ петра̀ а҆леѯандрі́йскагѡ.

Въ се́й де́нь ѿдае́тсѧ пра́здникъ вхо́да прест҃ы́ѧ бцⷣы.

к҃ѕ. Прпⷣбнагѡ ѻ҆тца̀ на́шегѡ а҆лѵ́пїа сто́лпника: И҆ ѡ҆сщ҃е́нїе хра́ма ст҃а́гѡ великомч҃нка геѡ́ргїа, ꙗ҆́же въ кі́евѣ, пред̾ враты̀ ст҃ы́ѧ софі́и: И҆ па́мѧть преставле́нїѧ ст҃и́телѧ і҆нноке́нтїа, пе́рвагѡ є҆пⷭ҇кпа і҆ркꙋ́тскагѡ, чꙋдотво́рца.

к҃з. [є] Ст҃а́гѡ мч҃нка і҆а́кѡва пе́рсѧнина: И҆ прпⷣбнагѡ ѻ҆тца̀ на́шегѡ палла́дїа:

И҆ зна́менїе прест҃ы́ѧ бцⷣы, въ вели́комъ новѣ́градѣ: И҆ па́мѧть и҆́же во ст҃ы́хъ ѻ҆тца̀ на́шегѡ і҆а́кѡва, є҆пⷭ҇кпа росто́вскагѡ, чꙋдотво́рца.

к҃и. [д] Ст҃а́гѡ прпⷣбномч҃нка стефа́на но́вагѡ: И҆ ст҃а́гѡ мч҃нка і҆рина́рха.

к҃ѳ. [г] Ст҃а́гѡ мч҃нка парамѡ́на: И҆ ст҃а́гѡ мч҃нка фїлꙋме́на: И҆ прпⷣбнагѡ а҆ка́кїа, и҆́же въ лѣ́ствицѣ свидѣ́тельствованнагѡ. И҆ прпⷣбнагѡ некта́рїа пече́рскагѡ.

л҃. [в] Ст҃а́гѡ и҆ всехва́льнагѡ а҆пⷭ҇ла а҆ндре́а первозва́ннагѡ.

Пра́здникъ, и҆ разрѣше́нїе вїна̀. и҆ є҆ле́а.

Мѣ́сѧцъ деке́мврїй.

а҃. [а] Ст҃а́гѡ прⷪ҇ро́ка наꙋ́ма.

в҃. [з] Ст҃а́гѡ прⷪ҇ро́ка а҆ввакꙋ́ма: И҆ прпⷣбнагѡ а҆ѳана́сїа пече́рскагѡ затво́рника.

г҃. [ѕ] Ст҃а́гѡ прⷪ҇ро́ка софо́нїи: И҆ преставле́нїе прпⷣбнагѡ ѻ҆тца̀ на́шегѡ са́ввы стороже́вскагѡ.

д҃. [є] Ст҃ы́ѧ великомч҃нцы варва́ры. И҆ прпⷣбнагѡ ѻ҆тца̀ на́шегѡ і҆ѡа́нна дамаски́на.

Разрѣше́нїе вїна̀ и҆ є҆ле́а.

є҃. [д] Прпⷣбнагѡ и҆ бг҃оно́снагѡ ѻ҆тца̀ на́шегѡ са́ввы ѡ҆сщ҃е́ннагѡ.

Пра́здникъ, и҆ разрѣше́нїе вїна̀ и҆ є҆ле́а.

ѕ҃. [г] И҆́же во ст҃ы́хъ ѻ҆тца̀ на́шегѡ нїкола́а а҆рхїепⷭ҇кпа мѵ́ръ лѷкі́йскихъ, чꙋдотво́рца.

Пра́здникъ, и҆ разрѣше́нїе вїна̀ и҆ є҆ле́а.

з҃. [в] И҆́же во ст҃ы́хъ ѻ҆тца̀ на́шегѡ а҆мвро́сїа, є҆пⷭ҇кпа медїола́нскагѡ: И҆ прпⷣбнагѡ ѻ҆тца̀ на́шегѡ а҆нтѡ́нїа, сі́йскагѡ чꙋдотво́рца:

Въ то́йже де́нь преставле́нїе прпⷣбнагѡ ѻ҆тца̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столобно́е, но́вагѡ чꙋдотво́рца.

и҃. [а] Прпⷣбнагѡ ѻ҆тца̀ на́шегѡ пата́пїа.

ѳ҃. [з] Зача́тїе ст҃ы́ѧ а҆́нны, є҆гда̀ зача́тъ прест҃ꙋ́ю бцⷣꙋ.

Пра́здникъ, и҆ разрѣше́нїе вїна̀ и҆ є҆ле́а.

і҃. [ѕ] Ст҃ы́хъ мч҃нкъ: ми́ны, є҆рмоге́на и҆ є҆ѵгра́фа.

а҃і. [є] Прпⷣбнагѡ ѻ҆тца̀ на́шегѡ данїи́ла сто́лпника: И҆ прпⷣбнагѡ ні́кѡна пече́рскагѡ, сꙋха́гѡ.

в҃і. [д] Прпⷣбнагѡ ѻ҆тца̀ на́шегѡ спѷрїдѡ́на чꙋдотво́рца, є҆пⷭ҇кпа трїмѷфі́йскагѡ.

Пра́здникъ, и҆ разрѣше́нїе вїна̀ и҆ є҆ле́а.

г҃і. [г] Ст҃ы́хъ мч҃нкъ: є҆ѵстра́тїа, а҆ѵѯе́нтїа, є҆ѵге́нїа, марда́рїа и҆ ѻ҆ре́ста: И҆ ст҃ы́ѧ мч҃нцы лꙋкі́и дѣ́вы.

Разрѣше́нїе вїна̀ и҆ є҆ле́а.

[зрѝ] Недѣ́лѧ ст҃ы́хъ пра́ѻтєцъ.

д҃і. [в] Ст҃ы́хъ мч҃нкъ: ѳѵ́рса, леѵкі́а, фїлимо́на, а҆поллѡ́нїа, а҆рїа́на и҆ каллїні́ка.

є҃і. [а] Ст҃а́гѡ сщ҃енномч҃нка є҆леѵѳе́рїа: И҆ прпⷣбнагѡ ѻ҆тца̀ на́шегѡ па́ѵла, и҆́же въ ла́трѣ:

И҆ и҆́же во ст҃ы́хъ ѻ҆тца̀ на́шегѡ стефа́на и҆сповѣ́дника, а҆рхїепⷭ҇кпа сꙋро́жскагѡ.

ѕ҃і. [з] Ст҃а́гѡ прⷪ҇ро́ка а҆гге́а.

з҃і. [ѕ] Ст҃а́гѡ прⷪ҇ро́ка данїи́ла: И҆ ст҃ы́хъ трїе́хъ ѻ҆трокѡ́въ, а҆на́нїи, а҆за́рїи и҆ мїсаи́ла.

Разрѣше́нїе вїна̀ и҆ є҆ле́а.

[зрѝ] Недѣ́лѧ пред̾ ржⷭ҇тво́мъ хрⷭ҇то́вымъ ст҃ы́хъ ѻ҆тє́цъ.

и҃і. [є] Ст҃а́гѡ мч҃нка севастїа́на, и҆ дрꙋжи́ны є҆гѡ̀.

ѳ҃і. [д] Ст҃а́гѡ мч҃нка вонїфа́тїа.

к҃. [г] Предпра́зднство по пло́ти ржⷭ҇тва̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀. И҆ ст҃а́гѡ сщ҃енномч҃нка і҆гна́тїа бг҃оно́сца.

к҃а. [в] Предпра́зднство хрⷭ҇то́ва ржⷭ҇тва̀: И҆ ст҃ы́ѧ мч҃нцы і҆ꙋлїані́и, ꙗ҆́же въ нїкомиді́и:

И҆ преставле́нїе и҆́же во ст҃ы́хъ ѻ҆тца̀ на́шегѡ петра̀, митрополі́та всеѧ̀ рѡссі́и, чꙋдотво́рца.

к҃в. [а] Предпра́зднство хрⷭ҇то́ва ржⷭ҇тва̀: И҆ ст҃ы́ѧ великомч҃нцы а҆настасі́и ᲂу҆зорѣши́тельницы.

к҃г. [з] Предпра́зднство хрⷭ҇то́ва ржⷭ҇тва̀: И҆ ст҃ы́хъ десѧтѝ мч҃нкъ, и҆̀же въ кри́тѣ.

к҃д. [ѕ] Предпра́зднство хрⷭ҇то́ва ржⷭ҇тва̀: И҆ ст҃ы́ѧ прпⷣбномч҃нцы є҆ѵге́нїи.

к҃є. [є] Є҆́же по пло́ти ржⷭ҇тво̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀:

И҆ воспомина́нїе и҆збавле́нїѧ цр҃кви и҆ держа́вы рѡссі́йскїѧ ѿ наше́ствїѧ га́ллѡвъ, и҆ съ ни́ми два́десѧти ꙗ҆зы̑къ.

Пра́здникъ тридне́вный, и҆ разрѣше́нїе на всѧ̑, подо́бнѣ и҆ дванадесѧтодне́вное разрѣше́нїе на всѧ̑, и҆ ᲂу҆праждне́нїе междоча́сїй.

к҃ѕ. [д] Собо́ръ прест҃ы́ѧ бцⷣы: И҆ па́мѧть ст҃а́гѡ сщ҃енномч҃нка є҆ѵѳѵ́мїа, є҆пⷭ҇кпа сарді́йскагѡ.

к҃з. [г] Ст҃а́гѡ а҆пⷭ҇ла, первомч҃нка и҆ а҆рхїдїа́кона стефа́на: И҆ прпⷣбнагѡ ѻ҆тца̀ на́шегѡ и҆ и҆сповѣ́дника ѳео́дѡра начерта́ннагѡ, бра́та ѳеофа́на творца̀.

к҃и. [в] Ст҃ы́хъ мч҃нкъ двꙋ̀ тмꙋ̀, въ нїкомиді́и сожже́нныхъ.

к҃ѳ. [а] Ст҃ы́хъ млⷣнєцъ д҃і ты́сѧщъ, за хрⷭ҇та̀ и҆збїе́нныхъ ѿ и҆́рѡда въ виѳлее́мѣ: И҆ прпⷣбнагѡ ѻ҆тца̀ на́шегѡ марке́лла, и҆гꙋ́мена ѻ҆би́тели неꙋсыпа́емыхъ: И҆ прпⷣбныхъ пече́рскихъ ма́рка, ѳео́фїла и҆ і҆ѡа́нна.

л҃. [з] Ст҃ы́ѧ мч҃нцы а҆нѵ́сїи: И҆ прпⷣбнагѡ зѡ́тика сиротокорми́телѧ.

л҃а. [ѕ] Прпⷣбныѧ ма́тере на́шеѧ мела́нїи ри́млѧныни:

Въ се́й де́нь ѿдае́тсѧ пра́здникъ хрⷭ҇то́ва ржⷭ҇тва̀.

Мѣ́сѧцъ і҆аннꙋа́рїй.

а҃. [є] Є҆́же по пло́ти ѡ҆брѣ́занїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀: И҆ и҆́же во ст҃ы́хъ ѻ҆тца̀ на́шегѡ васі́лїа вели́кагѡ, а҆рхїепⷭ҇кпа кесарі́и каппадокі́йскїѧ.

Пра́здникъ, и҆ разрѣше́нїе ры́бы.

в҃. [д] Предпра́зднство просвѣще́нїѧ: И҆ ст҃а́гѡ ѻ҆тца̀ на́шегѡ сїлве́стра, па́пы ри́мскагѡ: И҆ па́мѧть преставле́нїѧ прпⷣбнагѡ ѻ҆тца̀ на́шегѡ серафі́ма саро́вскагѡ.

г҃. [г] Предпра́зднство просвѣще́нїѧ: И҆ ст҃а́гѡ прⷪ҇ро́ка малахі́и: И҆ ст҃а́гѡ мч҃нка горді́а.

д҃. [в] Предпра́зднство просвѣще́нїѧ: И҆ собо́ръ ст҃ы́хъ седми́десѧти а҆пⷭ҇лѡвъ: И҆ прпⷣбнагѡ ѻ҆тца̀ на́шегѡ ѳеокті́ста и҆гꙋ́мена, и҆́же въ кꙋкꙋ́мѣ сїкїлі́йстѣмъ.

є҃. [а] Предпра́зднство просвѣще́нїѧ: И҆ ст҃ы́хъ мч҃нкъ, ѳеопе́мпта и҆ ѳеѡ́ны: И҆ прпⷣбныѧ сѷгклитїкі́и.

Разрѣше́нїе вїна̀ и҆ є҆ле́а.

ѕ҃. [з] Ст҃о́е бг҃оѧвле́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.

Пра́здникъ, и҆ разрѣше́нїе на всѐ.

з҃. [ѕ] Собо́ръ ст҃а́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ гдⷭ҇нѧ і҆ѡа́нна.

Пра́здникъ, и҆ разрѣше́нїе ры́бы.

и҃. [є] Прпⷣбныхъ ѻ҆тє́цъ на́шихъ геѡ́ргїа хозеві́та, и҆ є҆мїлїа́на и҆сповѣ́дника: И҆ прпⷣбныѧ ма́тере на́шеѧ домні́ки: И҆ прпⷣбнагѡ григо́рїа пече́рскагѡ.

ѳ҃. [д] Ст҃а́гѡ мч҃нка полѷе́ѵкта:

И҆ и҆́же во ст҃ы́хъ ѻ҆тца̀ на́шегѡ фїлі́ппа, митрополі́та моско́вскагѡ и҆ всеѧ̀ рѡссі́и, чꙋдотво́рца.

і҃. [г]И҆́же во ст҃ы́хъ ѻ҆тца̀ на́шегѡ григо́рїа, є҆пⷭ҇кпа нѷссі́йскагѡ: И҆ прпⷣбнагѡ дометїа́на, є҆пⷭ҇кпа мелїті́йскагѡ: И҆ прпⷣбнагѡ маркїа́на, пресвѵ́тера и҆ і҆коно́ма вели́кїѧ це́ркве: И҆ прпⷣбнагѡ ѻ҆тца̀ на́шегѡ па́ѵла коме́льскагѡ, и҆́же на ѻ҆бно́рѣ рѣцѣ̀.

а҃і. [в] Прпⷣбнагѡ ѻ҆тца̀ на́шегѡ ѳеодо́сїа, ѻ҆́бщихъ жи́тїй нача́льника.

Разрѣше́нїе вїна̀ и҆ є҆ле́а.

И҆ прпⷣбнагѡ ѻ҆тца̀ на́шегѡ мїхаи́ла кло́пскагѡ.

в҃і. [а] Ст҃ы́ѧ мч҃нцы татїа́ны: И҆ и҆́же во ст҃ы́хъ ѻ҆тца̀ на́шегѡ са́ввы се́рбскагѡ.

г҃і. [з] Ст҃ы́хъ мч҃нкѡвъ є҆рмѵ́ла и҆ стратоні́ка.

д҃і. [ѕ] Прпⷣбныхъ ѻ҆тє́цъ на́шихъ, въ сїна́и и҆ раі́ѳѣ и҆збїе́нныхъ: И҆ па́мѧть преставле́нїѧ ст҃ы́ѧ равноапⷭ҇льныѧ ні́ны. И҆ ѿда́нїе пра́здника бг҃оѧвле́нїѧ.

є҃і. [є] Прпⷣбныхъ ѻ҆тє́цъ на́шихъ па́ѵла ѳиве́йскагѡ и҆ і҆ѡа́нна кꙋ́щника.

ѕ҃і. [д] Поклоне́нїе честны́хъ вери́гъ ст҃а́гѡ и҆ всехва́льнагѡ а҆пⷭ҇ла петра̀.

Разрѣше́нїе вїна̀ и҆ є҆ле́а.

з҃і. [г] Прпⷣбнагѡ и҆ бг҃оно́снагѡ ѻ҆тца̀ на́шегѡ а҆нтѡ́нїа вели́кагѡ.

Пра́здникъ, и҆ разрѣше́нїе вїна̀ и҆ є҆ле́а.

и҃і. [в] И҆̀же во ст҃ы́хъ ѻ҆тє́цъ на́шихъ, а҆рхїепⷭ҇кпѡвъ а҆леѯандрі́йскихъ а҆ѳана́сїа и҆ кѷрі́лла.

Пра́здникъ, и҆ разрѣше́нїе вїна̀ и҆ є҆ле́а.

ѳ҃і. [а]Прпⷣбнагѡ ѻ҆тца̀ на́шегѡ мака́рїа є҆гѵ́птѧнина: И҆ ѡ҆брѣ́тенїе чⷭ҇тны́хъ моще́й прпⷣбнагѡ са́ввы стороже́вскагѡ.

к҃. [з] Прпⷣбнагѡ и҆ бг҃оно́снагѡ ѻ҆тца̀ на́шегѡ є҆ѵѳѵ́мїа вели́кагѡ.

Пра́здникъ, и҆ разрѣше́нїе вїна̀ и҆ є҆ле́а.

к҃а. [ѕ] Прпⷣбнагѡ ѻ҆тца̀ на́шегѡ маѯі́ма и҆сповѣ́дника: И҆ ст҃а́гѡ мч҃нка неофѵ́та: И҆ ст҃ы́хъ мч҃нкѡвъ: є҆ѵге́нїа, кані́дїа, ᲂу҆алерїа́на и҆ а҆кѵ́лы.

к҃в. [є] Ст҃а́гѡ а҆пⷭ҇ла тїмоѳе́а: И҆ ст҃а́гѡ прпⷣбномч҃нка а҆наста́сїа пе́рсскагѡ.

Разрѣше́нїе вїна̀ и҆ є҆ле́а.

к҃г. [д] Ст҃а́гѡ сщ҃енномч҃нка кли́мента, є҆пⷭ҇кпа а҆гкѵ́рскагѡ: И҆ ст҃а́гѡ мч҃нка а҆гаѳагге́ла.

к҃д. [г] Прпⷣбныѧ ма́тере на́шеѧ ѯе́нїи ри́млѧныни.

к҃є. [в] И҆́же во ст҃ы́хъ ѻ҆тца̀ на́шегѡ григо́рїа, а҆рхїепⷭ҇кпа кѡнстанті́нѧ гра́да, бг҃осло́ва.

Пра́здникъ, и҆ разрѣше́нїе вїна̀ и҆ є҆ле́а.

к҃ѕ. [а] Прпⷣбнагѡ ѻ҆тца̀ на́шегѡ ѯенофѡ́нта, и҆ дрꙋжи́ны є҆гѡ̀ марі́и.

к҃з. [з] Пренесе́нїе чⷭ҇тны́хъ моще́й, и҆́же во ст҃ы́хъ ѻ҆тца̀ на́шегѡ і҆ѡа́нна златоꙋ́стагѡ.

Пра́здникъ, и҆ разрѣше́нїе вїна̀ и҆ є҆ле́а.

к҃и. [ѕ] Прпⷣбнагѡ ѻ҆тца̀ на́шегѡ є҆фре́ма сѵ́рїна: И҆ прпⷣбнагѡ ѻ҆тца̀ на́шегѡ є҆фре́ма пече́рскагѡ. Въ то́йже де́нь па́мѧть прпⷣбнагѡ ѻ҆тца̀ на́шегѡ ѳеодо́сїа то́темскагѡ, сп҃сосꙋмо́рина монастырѧ̀ нача́льника и҆ ѡ҆снова́телѧ, новоѧвле́ннагѡ чꙋдотво́рца.

к҃ѳ. [є] Пренесе́нїе моще́й ст҃а́гѡ сщ҃енномч҃нка і҆гна́тїа бг҃оно́сца: И҆ прпⷣбнагѡ лаѵре́нтїа пече́рскагѡ.

л҃. [д] Ст҃а́гѡ сщ҃енномч҃нка і҆пполѵ́та, па́пы ри́мскагѡ.

И҆ ст҃ы́хъ трїе́хъ ст҃и́телей вели́кихъ и҆ а҆рхїере́євъ: васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ.

Пра́здникъ, и҆ разрѣше́нїе вїна̀ и҆ є҆ле́а.

л҃а. [г] Ст҃ы́хъ чꙋдотво́рцєвъ и҆ безсре́бреникѡвъ, кѵ́ра и҆ і҆ѡа́нна: И҆ и҆́же во ст҃ы́хъ ѻ҆тца̀ на́шегѡ нїки́ты, є҆пⷭ҇кпа новгоро́дскагѡ, чꙋдотво́рца.

Мѣ́сѧцъ феврꙋа́рїй.

а҃. [в] Предпра́зднство срѣ́тенїѧ гдⷭ҇а бг҃а и҆ сп҃са на́шегѡ і҆и҃са хрⷭ҇та̀: И҆ ст҃а́гѡ мч҃нка трѵ́фѡна.

в҃. [а] Срѣ́тенїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.

Пра́здникъ, и҆ разрѣше́нїе ры́бы, кромѣ̀ ст҃ы́ѧ четыредесѧ́тницы, а҆́ще слꙋчи́тсѧ.

г҃. [з] Ст҃а́гѡ и҆ првⷣнагѡ сѷмеѡ́на бг҃опрїи́мца, и҆ а҆́нны проро́чицы.

д҃. [ѕ] Прпⷣбнагѡ ѻ҆тца̀ на́шегѡ і҆сі́дѡра пилꙋсїѡ́тскагѡ: И҆ ст҃а́гѡ бл҃говѣ́рнагѡ вели́кагѡ кнѧ́зѧ геѡ́ргїа: И҆ прпⷣбнагѡ ѻ҆тца̀ на́шегѡ кѷрі́лла, новоезе́рскагѡ чꙋдотво́рца.

є҃. [є] Ст҃ы́ѧ мч҃нцы а҆га́ѳїи: И҆ па́мѧть преставле́нїѧ во ст҃ы́хъ ѻ҆тца̀ на́шегѡ ѳеодо́сїа а҆рхїепⷭ҇кпа черни́говскагѡ.

ѕ҃. [д] Прпⷣбнагѡ ѻ҆тца̀ на́шегѡ вꙋко́ла, є҆пⷭ҇кпа смѵ́рнскагѡ.

з҃. [г] Прпⷣбнагѡ ѻ҆тца̀ на́шегѡ парѳе́нїа, є҆пⷭ҇кпа ламѱакі́йскагѡ: И҆ прпⷣбнагѡ ѻ҆тца̀ на́шегѡ лꙋкѝ.

и҃. [в] Ст҃а́гѡ великомч҃нка ѳео́дѡра стратила́та: И҆ ст҃а́гѡ прⷪ҇ро́ка заха́рїи серпови́дца.

Разрѣше́нїе вїна̀ и҆ є҆ле́а.

ѳ҃. [а] Ст҃а́гѡ мч҃нка нїки́фора:

Въ се́й де́нь ѿдае́тсѧ пра́здникъ срѣ́тенїѧ.

і҃. [з] Ст҃а́гѡ мч҃нка харала́мпїа: И҆ прпⷣбнагѡ про́хѡра пече́рскагѡ.

а҃і. [ѕ] Ст҃а́гѡ сщ҃енномч҃нка вла́сїа, є҆пⷭ҇кпа севасті́йскагѡ:

Разрѣше́нїе вїна̀ и҆ є҆ле́а.

И҆ прпⷣбнагѡ дими́трїа, во́логодскагѡ чꙋдотво́рца: И҆ преставле́нїе ст҃а́гѡ бл҃говѣ́рнагѡ вели́кагѡ кнѧ́зѧ все́волода псковска́гѡ, нарече́ннагѡ во ст҃о́мъ кр҃ще́нїи гаврїи́ла.

в҃і. [є] И҆́же во ст҃ы́хъ ѻ҆тца̀ на́шегѡ меле́тїа, а҆рхїепⷭ҇кпа а҆нтїохі́йскагѡ:

Въ то́йже де́нь преставле́нїе и҆́же во ст҃ы́хъ ѻ҆тца̀ на́шегѡ а҆леѯі́а митрополі́та всеѧ̀ рѡссі́и, чꙋдотво́рца.

г҃і. [д] Прпⷣбнагѡ ѻ҆тца̀ на́шегѡ мартїнїа́на.

д҃і. [г] Прпⷣбнагѡ ѻ҆тца̀ на́шегѡ а҆ѵѯе́нтїа.

И҆ преставле́нїе прпⷣбнагѡ ѻ҆тца̀ на́шегѡ кѷрі́лла фїлосо́фа, ᲂу҆чи́телѧ ꙗ҆зы́ка слове́нскагѡ. И҆ прпⷣбнагѡ і҆саа́кїа пече́рскагѡ.

є҃і. [в] Ст҃а́гѡ а҆пⷭ҇ла ѻ҆ни́сїма.

ѕ҃і. [а] Ст҃ы́хъ мч҃нкъ памфі́ла и҆ порфѵ́рїа, и҆ дрꙋжи́ны и҆́хъ.

з҃і. [з] Ст҃а́гѡ великомч҃нка ѳео́дѡра тѵ́рѡна.

Разрѣше́нїе вїна̀ и҆ є҆ле́а.

и҃і. [ѕ] И҆́же во ст҃ы́хъ ѻ҆тца̀ на́шегѡ льва̀, па́пы ри́мскагѡ.

ѳ҃і. [є] Ст҃а́гѡ а҆пⷭ҇ла а҆рхі́ппа.

к҃. [д] Прпⷣбнагѡ ѻ҆тца̀ на́шегѡ льва̀, є҆пⷭ҇кпа ката́нскагѡ.

к҃а. [г] Прпⷣбнагѡ ѻ҆тца̀ на́шегѡ тїмоѳе́а, и҆́же въ сѷмво́лѣхъ: И҆ и҆́же во ст҃ы́хъ ѻ҆тца̀ на́шегѡ є҆ѵста́ѳїа, вели́кїѧ а҆нтїохі́и.

к҃в. [в] Ѡ҆брѣ́тенїе чⷭ҇тны́хъ моще́й ст҃ы́хъ мч҃нкъ, и҆̀же во є҆ѵге́нїи.

к҃г. [а] Ст҃а́гѡ сщ҃енномч҃нка полѷка́рпа, є҆пⷭ҇кпа смѵ́рнскагѡ.

к҃д. [з] Пе́рвое и҆ второ́е ѡ҆брѣ́тенїе чⷭ҇тны́ѧ главы̀ ст҃а́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ гдⷭ҇нѧ і҆ѡа́нна: И҆ прпⷣбнагѡ є҆ра́зма, чернори́зца пече́рскагѡ.

Разрѣше́нїе вїна̀ и҆ є҆ле́а.

к҃є. [ѕ] И҆́же во ст҃ы́хъ ѻ҆тца̀ на́шегѡ тара́сїа, а҆рхїепⷭ҇кпа кѡнстанті́нѧ гра́да.

к҃ѕ. [є] И҆́же во ст҃ы́хъ ѻ҆тца̀ на́шегѡ порфѵ́рїа, а҆рхїепⷭ҇кпа га́зскагѡ.

к҃з. [д] Прпⷣбнагѡ ѻ҆тца̀ на́шегѡ и҆ и҆сповѣ́дника проко́пїа декаполі́та: И҆ прпⷣбнагѡ ті́та пече́рскагѡ.

к҃и. [г] Прпⷣбнагѡ ѻ҆тца̀ на́шегѡ и҆ и҆сповѣ́дника васі́лїа, спо́стника проко́пїева.

к҃ѳ. [в] Прпⷣбнагѡ ѻ҆тца̀ на́шегѡ кассїа́на ри́млѧнина.

Мѣ́сѧцъ ма́ртъ.

а҃. [г] Ст҃ы́ѧ прпⷣбномч҃нцы є҆ѵдокі́и.

в҃. [в] Ст҃а́гѡ сщ҃енномч҃нка ѳеодо́та, є҆пⷭ҇кпа кѷрині́йскагѡ: И҆ преставле́нїе и҆́же во ст҃ы́хъ ѻ҆тца̀ на́шегѡ а҆рсе́нїа, є҆пⷭ҇кпа тверска́гѡ.

г҃. [а] Ст҃ы́хъ мч҃нкъ: є҆ѵтро́пїа, клеоні́ка и҆ васїлі́ска.

д҃. [з] Прпⷣбнагѡ ѻ҆тца̀ на́шегѡ гера́сїма, и҆́же на і҆ѻрда́нѣ.

є҃. [ѕ]Ст҃а́гѡ мч҃нка ко́нѡна градарѧ̀.

ѕ҃. [є] Ст҃ы́хъ мч҃нкъ четы́редесѧти двꙋ̀, и҆̀же во а҆ммѡрі́и.

з҃. [д] Ст҃ы́хъ сщ҃енномч҃нкъ, въ херсѡ́нѣ є҆пⷭ҇кпствовавшихъ: васі́лїа, є҆фре́ма, є҆ѵге́нїа, капі́тѡна, є҆ѳе́рїа, и҆ про́чихъ.

и҃. [г] Прпⷣбнагѡ ѻ҆тца̀ на́шегѡ и҆ и҆сповѣ́дника ѳеофѷла́кта, є҆пⷭ҇кпа нїкомиді́йскагѡ.

ѳ҃. [в] Ст҃ы́хъ четы́редесѧти мч҃нкъ въ севасті́йстѣмъ є҆́зерѣ мꙋ́чившихсѧ.

Пра́здникъ, и҆ разрѣше́нїе вїна̀ и҆ є҆ле́а.

і҃. [а] Ст҃а́гѡ мч҃нка кодра́та, и҆ и҆̀же съ ни́мъ.

а҃і. [з] И҆́же во ст҃ы́хъ ѻ҆тца̀ на́шегѡ сѡфро́нїа, патрїа́рха і҆ерⷭ҇ли́мскагѡ: И҆ и҆́же во ст҃ы́хъ ѻ҆тца̀ на́шегѡ є҆ѵѳѵ́мїа, а҆рхїепⷭ҇кпа новгоро́дскагѡ, чꙋдотво́рца.

в҃і. [ѕ] Прпⷣбнагѡ ѻ҆тца̀ на́шегѡ и҆ и҆сповѣ́дника ѳеофа́на сїгрїа́нскагѡ.

г҃і. [є] Пренесе́нїе моще́й и҆́же во ст҃ы́хъ ѻ҆тца̀ на́шегѡ нїки́фора, патрїа́рха царѧгра́да.

д҃і. [д] Прпⷣбнагѡ ѻ҆тца̀ на́шегѡ венеді́кта.

є҃і. [г] Ст҃а́гѡ мч҃нка а҆га́пїа, и҆ съ ни́мъ шестѝ мч҃нкъ.

ѕ҃і. [в] Ст҃ы́хъ мч҃нкъ саві́на и҆ па́пы.

з҃і. [а] Прпⷣбнагѡ а҆леѯі́а, человѣ́ка бж҃їѧ: И҆ прпⷣбнагѡ ѻ҆тца̀ на́шегѡ и҆гꙋ́мена мака́рїа, колѧ́зинскагѡ чꙋдотво́рца.

и҃і. [з] И҆́же во ст҃ы́хъ ѻ҆тца̀ на́шегѡ кѷрі́лла, а҆рхїепⷭ҇кпа і҆ерⷭ҇ли́мскагѡ.

ѳ҃і. [ѕ] Ст҃ы́хъ мч҃нкъ хрѷса́нѳа и҆ да́рїи.

к҃. [є] Прпⷣбныхъ ѻ҆тє́цъ на́шихъ, во ѻ҆би́тели ст҃а́гѡ са́ввы и҆збїе́нныхъ ѿ срацы́нъ.

к҃а. [д] Прпⷣбнагѡ ѻ҆тца̀ на́шегѡ и҆ и҆сповѣ́дника і҆а́кѡва є҆пⷭ҇кпа.

к҃в. [г] Ст҃а́гѡ сщ҃енномч҃нка васі́лїа, пресвѵ́тера а҆гкѵ́рскагѡ.

к҃г. [в] Ст҃а́гѡ прпⷣбномч҃нка ні́кѡна, и҆ двꙋ̀ стꙋ̀ ᲂу҆чєни́къ є҆гѡ̀: И҆ прпⷣбнагѡ ні́кѡна пече́рскагѡ.

к҃д. [а] Предпра́зднство бл҃говѣ́щенїѧ прест҃ы́ѧ бцⷣы: И҆ прпⷣбнагѡ ѻ҆тца̀ на́шегѡ заха́рїи: И҆ и҆́же во ст҃ы́хъ ѻ҆тца̀ на́шегѡ а҆рте́мїа, є҆пⷭ҇кпа ѳессалоні́тскагѡ.

к҃є. [з] Бл҃говѣ́щенїе прест҃ы́ѧ влⷣчцы на́шеѧ бцⷣы, и҆ приснодв҃ы мр҃і́и.

Пра́здникъ, и҆ разрѣше́нїе ры́бы, а҆́ще слꙋчи́тсѧ кромѣ̀ вели́кїѧ седми́цы.

к҃ѕ. [ѕ] Собо́ръ а҆рха́гг҃ла гаврїи́ла.

Разрѣше́нїе вїна̀ и҆ є҆ле́а.

к҃з. [є] Ст҃ы́ѧ ма́тере на́шеѧ матрѡ́ны, ꙗ҆́же въ солꙋ́нѣ.

к҃и. [д] Прпⷣбнагѡ ѻ҆тца̀ на́шегѡ і҆ларїѡ́на но́вагѡ: И҆ ст҃а́гѡ стефа́на чꙋдотво́рца: И҆ прпⷣбномч҃нка є҆ѵстра́тїа пече́рскагѡ.

к҃ѳ. [г] Прпⷣбнагѡ ѻ҆тца̀ на́шегѡ ма́рка, є҆пⷭ҇кпа а҆реѳꙋсі́йскагѡ, и҆ кѷрі́лла дїа́кона, и҆ и҆ны́хъ при і҆ꙋлїа́нѣ мꙋчи́телѣ пострада́вшихъ.

л҃. [в] Прпⷣбнагѡ ѻ҆тца̀ на́шегѡ і҆ѡа́нна, списа́телѧ лѣ́ствицы.

л҃а. [а] Прпⷣбнагѡ ѻ҆тца̀ на́шегѡ ѵ҆па́тїа, є҆пⷭ҇кпа га́ггрскагѡ.

Мѣ́сѧцъ а҆прі́ллїй.

а҃. [з] Прпⷣбныѧ ма́тере на́шеѧ марі́и є҆гѵ́птѧныни: И҆ прпⷣбнагѡ ѻ҆тца̀ на́шегѡ є҆ѵѳѵ́мїа, сꙋ́ждальскагѡ чꙋдотво́рца.

в҃. [ѕ] Прпⷣбнагѡ ѻ҆тца̀ на́шегѡ ті́та чꙋдотво́рца.

г҃. [є] Прпⷣбнагѡ ѻ҆тца̀ на́шегѡ и҆ и҆сповѣ́дника нїки́ты, и҆гꙋ́мена мїдїкі́йскагѡ.

д҃. [д] Прпⷣбнагѡ ѻ҆тца̀ на́шегѡ і҆ѡ́сифа пѣснопи́сца: И҆ геѡ́ргїа, и҆́же въ мале́и.

є҃. [г] Ст҃ы́хъ мч҃нкъ: ѳеодꙋ́ла и҆ а҆гаѳопо́да, и҆ и҆̀же съ ни́ми.

ѕ҃. [в] И҆́же во ст҃ы́хъ ѻ҆тца̀ на́шегѡ є҆ѵтѷхі́а, патрїа́рха царѧгра́да.

Преставле́нїе прпⷣбнагѡ ѻ҆тца̀ на́шегѡ меѳо́дїа, ᲂу҆чи́телѧ слове́нѡмъ, а҆рхїепⷭ҇кпа мора́вскагѡ.

з҃. [а] Прпⷣбнагѡ ѻ҆тца̀ на́шегѡ геѡ́ргїа є҆пⷭ҇кпа мелїті́йскагѡ.

и҃. [з] Ст҃ы́хъ а҆пⷭ҇лъ: и҆рѡдїѡ́на, а҆га́ва, рꙋ́фа, а҆сѷгкрі́та, фле́гонта и҆ є҆́рма, и҆ и҆̀же съ ни́ми: И҆ прпⷣбнагѡ ѻ҆тца̀ на́шегѡ ні́фѡнта, є҆пⷭ҇кпа новгоро́дскагѡ, чꙋдотво́рца пече́рскагѡ.

ѳ҃. [ѕ] Ст҃а́гѡ мч҃нка є҆ѵѱѵ́хїа.

і҃. [є] Ст҃ы́хъ мч҃нкъ: тере́нтїа, помпиі́а, и҆ и҆̀же съ ни́ми.

а҃і. [д] Ст҃а́гѡ сщ҃енномч҃нка а҆нтѵ́пы, є҆пⷭ҇кпа перга́ма а҆сі́йскагѡ.

в҃і. [г] Прпⷣбнагѡ ѻ҆тца̀ на́шегѡ и҆ и҆сповѣ́дника васі́лїа, є҆пⷭ҇кпа парі́йскагѡ.

г҃і. [в] Ст҃а́гѡ сщ҃енномч҃нка а҆рте́мона, и҆ и҆́же съ ни́мъ.

д҃і. [а] И҆́же во ст҃ы́хъ ѻ҆тца̀ на́шегѡ марті́на и҆сповѣ́дника, па́пы ри́мскагѡ: Ст҃ы́хъ ви́ленскихъ мч҃нкѡвъ: а҆нтѡ́нїа, і҆ѡа́нна и҆ є҆ѵста́ѳїа.

є҃і. [з] Ст҃ы́хъ а҆пⷭ҇лъ: а҆рїста́рха, пꙋ́да и҆ трофі́ма.

ѕ҃і. [ѕ] Ст҃ы́хъ мч҃нцъ дѣ́въ: а҆га́пїи, і҆ри́ны и҆ хїоні́и.

з҃і. [є] Прпⷣбнагѡ ѻ҆тца̀ на́шегѡ сѷмеѡ́на, и҆́же въ персі́дѣ: И҆ прпⷣбнагѡ а҆ка́кїа, є҆пі́скопа мелїті́йскагѡ: И҆ прпⷣбнагѡ зѡсі́мы, и҆гꙋ́мена солове́цкагѡ.

и҃і. [д] Прпⷣбнагѡ ѻ҆тца̀ на́шегѡ і҆ѡа́нна, ᲂу҆ченика̀ ст҃а́гѡ григо́рїа декаполи́та.

ѳ҃і. [г] Прпⷣбнагѡ ѻ҆тца̀ на́шегѡ і҆ѡа́нна, ветхопеще́рника.

к҃. [в] Прпⷣбнагѡ ѻ҆тца̀ на́шегѡ ѳео́дѡра трїхі́ны.

к҃а. [а] Ст҃а́гѡ сщ҃енномч҃нка і҆аннꙋа́рїа, и҆ и҆́же съ ни́мъ: И҆ ст҃а́гѡ сщ҃енномч҃нка ѳео́дѡра, и҆́же въ пергі́и: И҆ ст҃ы́ѧ мч҃нцы цари́цы а҆леѯа́ндры.

к҃в. [з] Прпⷣбнагѡ ѻ҆тца̀ на́шегѡ ѳео́дѡра сѷкеѡ́та: И҆ пренесе́нїе моще́й ст҃а́гѡ бл҃говѣ́рнагѡ вели́кагѡ кн҃зѧ все́волода, нарече́ннагѡ во ст҃о́мъ креще́нїи гаврїи́ла.

к҃г. [ѕ] Ст҃а́гѡ сла́внагѡ великомч҃нка, побѣдоно́сца и҆ чꙋдотво́рца геѡ́ргїа.

Пра́здникъ, и҆ разрѣше́нїе вїна̀ и҆ є҆ле́а.

к҃д. [є]Ст҃а́гѡ мч҃нка са́ввы стратила́та.

к҃є. [д] Ст҃а́гѡ а҆пⷭ҇ла и҆ є҆ѵⷢ҇лі́ста ма́рка.

Пра́здникъ, и҆ разрѣше́нїе вїна̀ и҆ є҆ле́а.

к҃ѕ. [г] Ст҃а́гѡ сщ҃енномч҃нка васі́лїа, є҆пⷭ҇кпа а҆масі́йскагѡ: И҆ па́мѧть и҆́же во ст҃ы́хъ ѻ҆тца̀ на́шегѡ стефа́на, є҆пⷭ҇кпа пе́рмскагѡ.

к҃з. [в] Ст҃а́гѡ сщ҃енномч҃нка сѷмеѡ́на, є҆пⷭ҇кпа і҆ерꙋсали́мскагѡ, сро́дника гдⷭ҇нѧ по пло́ти.

к҃и. [а] Ст҃ы́хъ а҆пⷭ҇лъ, і҆а́сѡна и҆ сѡсїпа́тра: И҆ ст҃ы́хъ мч҃нкъ, да́ды, маѯі́ма и҆ кїнтїлїа́на.

к҃ѳ. [з] Ст҃ы́хъ мч҃нкъ девѧтѝ, и҆̀же въ кѵ́зїцѣ: И҆ прпⷣбнагѡ ме́мнона чꙋдотво́рца.

л҃. [ѕ] Ст҃а́гѡ а҆пⷭ҇ла і҆а́кѡва, бра́та ст҃а́гѡ і҆ѡа́нна бг҃осло́ва.

Разрѣше́нїе вїна̀ и҆ є҆ле́а.

Мѣ́сѧцъ ма́їй.

а҃. [є] Ст҃а́гѡ прⷪ҇ро́ка і҆еремі́и: И҆ преставле́нїе прпⷣбнагѡ ѻ҆тца̀ на́шегѡ пафнꙋ́тїа, бо́ровскагѡ чꙋдотво́рца.

в҃. [д] И҆́же во ст҃ы́хъ ѻ҆тца̀ на́шегѡ а҆ѳана́сїа вели́кагѡ.

Разрѣше́нїе вїна̀ и҆ є҆ле́а.

г҃. [г] Ст҃ы́хъ мч҃нкъ тїмоѳе́а и҆ ма́ѵры: И҆ прпⷣбнагѡ ѻ҆тца̀ на́шегѡ петра̀ чꙋдотво́рца. И҆ преставле́нїе прпⷣбнагѡ ѻ҆тца̀ на́шегѡ ѳеодо́сїа, и҆гꙋ́мена монастырѧ̀ пече́рскагѡ и҆ нача́льника въ рѡссі́йстѣй землѝ ѻ҆́бщагѡ мона́шескагѡ житїѧ̀.

д҃. [в] Ст҃ы́ѧ мч҃нцы пелагі́и.

є҃. [а] Ст҃ы́ѧ и҆ сла́вныѧ мч҃нцы і҆ри́ны.

ѕ҃. [з] Ст҃а́гѡ и҆ првⷣнагѡ и҆ многострада́льнагѡ і҆́ѡва.

з҃. [ѕ] Воспомина́нїе на нб҃сѝ ꙗ҆́вльшагѡсѧ зна́менїѧ чⷭ҇тна́гѡ и҆ животворѧ́щагѡ крⷭ҇та̀, во ст҃о́мъ гра́дѣ і҆ерꙋсали́мѣ, въ г҃-й ча́съ днѐ, при царѣ̀ кѡнста́нтїи. И҆ па́мѧть ст҃а́гѡ мч҃нка а҆ка́кїа.

и҃. [є] Ст҃а́гѡ а҆пⷭ҇ла и҆ є҆ѵⷢ҇лі́ста і҆ѡа́нна бг҃осло́ва. И҆ прпⷣбнагѡ ѻ҆тца̀ на́шегѡ а҆рсе́нїа вели́кагѡ.

Пра́здникъ, и҆ разрѣше́нїе вїна̀ и҆ є҆ле́а.

ѳ҃. [д] Ст҃а́гѡ прⷪ҇ро́ка и҆са́їи: И҆ ст҃а́гѡ мч҃нка хрїстофо́ра: И҆ пренесе́нїе чⷭ҇тны́хъ моще́й, и҆́же во ст҃ы́хъ ѻ҆тца̀ на́шегѡ нїкола́а чꙋдотво́рца, ѿ мѵ́ръ въ ба́ръ гра́дъ.

і҃. [г] Ст҃а́гѡ а҆пⷭ҇ла сі́мѡна зилѡ́та. И҆ прпⷣбнагѡ сі́мѡна, чꙋдотво́рца пече́рскагѡ, є҆пⷭ҇кпа сꙋ́ждальскагѡ.

а҃і. [в] Ѡ҆бновле́нїе царѧгра́да: И҆ ст҃а́гѡ сщ҃енномч҃нка мѡкі́а: И҆ ст҃ы́хъ равноапⷭ҇льныхъ меѳо́дїа и҆ кѷрі́лла, ᲂу҆чи́телей слове́нскихъ.

в҃і. [а] И҆̀же во ст҃ы́хъ ѻ҆тє́цъ на́шихъ, є҆пїфа́нїа, є҆пⷭ҇кпа кѵ́прскагѡ, и҆ ге́рмана, патрїа́рха кѡнстанті́нѧ гра́да.

г҃і. [з] Ст҃ы́ѧ мч҃нцы глѷке́рїи.

д҃і. [ѕ] Ст҃а́гѡ мч҃нка і҆сі́дѡра: И҆ ст҃а́гѡ і҆сі́дѡра, хрⷭ҇та̀ ра́ди ю҆ро́дивагѡ, рѡсто́вскагѡ чꙋдотво́рца: И҆ прпⷣбнагѡ нїкі́ты затво́рника пече́рскагѡ.

є҃і. [з] Прпⷣбнагѡ ѻ҆тца̀ на́шегѡ пахѡ́мїа вели́кагѡ.

Разрѣше́нїе вїна̀ и҆ є҆ле́а.

И҆ и҆́же во ст҃ы́хъ ѻ҆тца̀ на́шегѡ и҆са́їи є҆пⷭ҇кпа росто́вскагѡ, чꙋдотво́рца. Въ то́йже де́нь ᲂу҆бїе́нїе ст҃а́гѡ бл҃говѣ́рнагѡ цр҃е́вича кн҃зѧ дими́трїа, моско́вскагѡ и҆ всеѧ̀ рѡссі́и чꙋдотво́рца.

ѕ҃і. [д] Прпⷣбнагѡ ѻ҆тца̀ на́шегѡ ѳео́дѡра ѡ҆сщ҃е́ннагѡ, ᲂу҆ченика̀ ст҃а́гѡ пахѡ́мїа: И҆ прпⷣбнагѡ ѻ҆тца̀ на́шегѡ є҆фре́ма переко́мскагѡ, новгоро́дскагѡ чꙋдотво́рца.

з҃і. [г] Ст҃а́гѡ а҆пⷭ҇ла а҆ндроні́ка, и҆ и҆́же съ ни́мъ.

и҃і. [в] Ст҃а́гѡ мч҃нка ѳеодо́та, и҆́же во а҆гкѵ́рѣ: И҆ ст҃ы́хъ мч҃нкъ, петра̀, дїонѵ́сїа, и҆ и҆̀же съ ни́ми: И҆ ст҃ы́хъ седмѝ дѣ́въ.

ѳ҃і. [а] Ст҃а́гѡ сщ҃енномч҃нка патрїкі́а, є҆пⷭ҇кпа прꙋ́сскагѡ, и҆ и҆̀же съ ни́мъ: И҆ прпⷣбнагѡ ѻ҆тца̀ на́шегѡ корни́лїа, чꙋдотво́рца коме́льскагѡ.

к҃. [з] Ст҃а́гѡ мч҃нка ѳалале́а:

И҆ ѡ҆брѣ́тенїе чⷭ҇тны́хъ моще́й, и҆́же во ст҃ы́хъ ѻ҆тца̀ на́шегѡ а҆леѯі́а митрополі́та моско́вскагѡ и҆ всеѧ̀ рѡссі́и, чꙋдотво́рца.

к҃а. [ѕ] Ст҃ы́хъ вели́кихъ цр҃е́й и҆ равноапⷭ҇лѡвъ, кѡнстанті́на и҆ є҆ле́ны.

Пра́здникъ, и҆ разрѣше́нїе вїна̀ и҆ є҆ле́а.

Въ то́йже де́нь срѣ́тенїе прест҃ы́ѧ бцⷣы чꙋдотво́рныѧ і҆кѡ́ны влади́мїрскїѧ:

И҆ па́мѧть ст҃а́гѡ бл҃говѣ́рнагѡ кн҃зѧ кѡнстанті́на, и҆ ча̑дъ є҆гѡ̀, мїхаи́ла и҆ ѳео́дѡра, мꙋ́ромскихъ чꙋдотво́рцѡвъ.

к҃в. [є] Ст҃а́гѡ мч҃нка васїлі́ска.

к҃г. [д] Прпⷣбнагѡ ѻ҆тца̀ на́шегѡ и҆ и҆сповѣ́дника мїхаи́ла, є҆пⷭ҇кпа сѷна́дскагѡ: И҆ ѡ҆брѣ́тенїе чⷭ҇тны́хъ моще́й, и҆́же во ст҃ы́хъ ѻ҆тца̀ на́шегѡ лео́нтїа, є҆пⷭ҇кпа росто́вскагѡ, чꙋдотво́рца: И҆ прпⷣбныѧ є҆ѵфросѵ́нїи по́лоцкїѧ.

к҃д. [г] Прпⷣбнагѡ ѻ҆тца̀ на́шегѡ сѷмеѡ́на, и҆́же на ди́внѣй го́рѣ:

Разрѣше́нїе вїна̀ и҆ є҆ле́а.

И҆ прпⷣбнагѡ нїки́ты сто́лпника, переѧсла́вскагѡ чꙋдотво́рца.

к҃є. [в] Тре́тїе ѡ҆брѣ́тенїе чⷭ҇тны́ѧ главы̀ ст҃а́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ гдⷭ҇нѧ і҆ѡа́нна.

Разрѣше́нїе вїна̀ и҆ є҆ле́а.

к҃ѕ. [а] Ст҃а́гѡ а҆пⷭ҇ла ка́рпа, є҆ди́нагѡ ѿ ѻ҃: И҆ ст҃а́гѡ великомч҃нка геѡ́ргїа но́вагѡ, пострада́вшагѡ ѿ царѧ̀ сели́ма тꙋ́рскагѡ.

к҃з. [з] Ст҃а́гѡ сщ҃енномч҃нка ѳерапо́нта: И҆ ѡ҆брѣ́тенїе моще́й прпⷣбнагѡ ѻ҆тца̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столобно́е, но́вагѡ чꙋдотво́рца.

к҃и. [ѕ] Прпⷣбнагѡ ѻ҆тца̀ на́шегѡ нїки́ты, є҆пⷭ҇кпа халкидо́нскагѡ: И҆ и҆́же во ст҃ы́хъ ѻ҆тца̀ на́шегѡ і҆гна́тїа, є҆пⷭ҇кпа росто́вскагѡ, чꙋдотво́рца.

к҃ѳ. [є] Ст҃ы́ѧ прпⷣбномч҃нцы ѳеодо́сїи: И҆ преставле́нїе ст҃а́гѡ и҆ бл҃же́ннагѡ і҆ѡа́нна, хрⷭ҇та̀ ра́ди ю҆ро́дивагѡ, ᲂу҆́стюжскагѡ чꙋдотво́рца.

л҃. [д] Прпⷣбнагѡ ѻ҆тца̀ на́шегѡ і҆саа́кїа далма́тскагѡ.

л҃а. [г] Ст҃а́гѡ а҆пⷭ҇ла є҆рмі́а: И҆ ст҃а́гѡ мч҃нка є҆рме́а.

Мѣ́сѧцъ і҆ꙋ́нїй.

а҃. [в] Ст҃а́гѡ мч҃нка і҆ꙋсті́на фїлосо́фа, и҆ дрꙋга́гѡ мч҃нка і҆ꙋсті́на, и҆ и҆̀же съ ни́ми: И҆ па́мѧть прпⷣбнагѡ ѻ҆тца̀ на́шегѡ дїонѵ́сїа, глꙋши́цкагѡ чꙋдотво́рца. И҆ ст҃а́гѡ бл҃же́ннагѡ а҆га́пита пече́рскагѡ, безме́зднагѡ врача̀.

в҃. [а] И҆́же во ст҃ы́хъ ѻ҆тца̀ на́шегѡ нїки́фора, и҆сповѣ́дника: И҆ ст҃а́гѡ великомч҃нка і҆ѡа́нна но́вагѡ, мꙋ́ченагѡ въ бѣлѣ́градѣ.

г҃. [з] Ст҃а́гѡ мч҃нка лꙋкїллїа́на, и҆ и҆̀же съ ни́мъ.

д҃. [ѕ] И҆́же во ст҃ы́хъ ѻ҆тца̀ на́шегѡ митрофа́на, патрїа́рха кѡнстантїногра́дскагѡ.

є҃. [є] Ст҃а́гѡ сщ҃енномч҃нка дѡроѳе́а, є҆пⷭ҇кпа тѵ́рскагѡ: И҆ преставле́нїе ст҃а́гѡ бл҃говѣ́рнагѡ вели́кагѡ кнѧ́зѧ ѳео́дѡра ꙗ҆росла́вича.

ѕ҃. [д] Прпⷣбнагѡ ѻ҆тца̀ на́шегѡ висарїѡ́на чꙋдотво́рца: И҆ прпⷣбнагѡ і҆ларїѡ́на но́вагѡ.

з҃. [г] Ст҃а́гѡ сщ҃енномч҃нка ѳеодо́та, є҆пⷭ҇кпа а҆гкѵ́рскагѡ.

и҃. [в] Ст҃а́гѡ великомч҃нка ѳео́дѡра стратила́та.

Разрѣше́нїе вїна̀ и҆ є҆ле́а.

ѳ҃. [а] И҆́же во ст҃ы́хъ ѻ҆тца̀ на́шегѡ кѷрі́лла, а҆рхїепⷭ҇кпа а҆леѯандрі́йскагѡ: И҆ прпⷣбнагѡ ѻ҆тца̀ на́шегѡ кѷрі́лла, бѣлоезе́рскагѡ чꙋдотво́рца.

і҃. [з] Ст҃а́гѡ сщ҃енномч҃нка тїмоѳе́а, є҆пⷭ҇кпа прꙋ́сскагѡ.

а҃і. [ѕ] Ст҃ы́хъ а҆пⷭ҇лъ, варѳоломе́а и҆ варна́вы.

Разрѣше́нїе вїна̀ и҆ є҆ле́а.

в҃і. [є] Прпⷣбнагѡ ѻ҆тца̀ на́шегѡ ѻ҆нꙋ́фрїа вели́кагѡ: И҆ прпⷣбнагѡ ѻ҆тца̀ на́шегѡ петра̀ а҆ѳѡ́нскагѡ: И҆ па́мѧть прпⷣбнагѡ ѻ҆тца̀ на́шегѡ а҆рсе́нїа, коне́вскагѡ чꙋдотво́рца.

г҃і. [д] Ст҃ы́ѧ мч҃нцы а҆кѷлі́ны: И҆ и҆́же во ст҃ы́хъ ѻ҆тца̀ на́шегѡ трїфѵ́ллїа, є҆пⷭ҇кпа леѵкꙋсі́и кѵ́прскїѧ.

д҃і. [г] Ст҃а́гѡ прⷪ҇ро́ка є҆лїссе́а: И҆ и҆́же во ст҃ы́хъ ѻ҆тца̀ на́шегѡ меѳо́дїа, патрїа́рха кѡнстанті́нѧ гра́да.

є҃і. [в] Ст҃а́гѡ прⷪ҇ро́ка а҆мѡ́са: И҆ и҆́же во ст҃ы́хъ ѻ҆тца̀ на́шегѡ і҆ѡ́ны, митрополі́та моско́вскагѡ и҆ всеѧ̀ рѡссі́и, чꙋдотво́рца.

ѕ҃і. [а] Ст҃а́гѡ и҆ чꙋдотво́рца тѵ́хѡна а҆маѳꙋ́нтскагѡ.

з҃і. [з] Ст҃ы́хъ мч҃нкъ, манꙋи́ла, саве́ла и҆ і҆сма́ила.

и҃і. [ѕ] Ст҃а́гѡ мч҃нка лео́нтїа.

ѳ҃і. [є] Ст҃а́гѡ а҆пⷭ҇ла і҆ꙋ́ды, бра́та гдⷭ҇нѧ по пло́ти.

к҃. [д] Ст҃а́гѡ сщ҃енномч҃нка меѳо́дїа, є҆пⷭ҇кпа пата́рскагѡ.

к҃а. [г] Ст҃а́гѡ мч҃нка і҆ꙋлїа́на тарсі́йскагѡ.

к҃в. [в] Ст҃а́гѡ сщ҃енномч҃нка є҆ѵсе́вїа, є҆пⷭ҇кпа самоса́тскагѡ.

к҃г. [а] Ст҃ы́ѧ мч҃нцы а҆грѷпі́ны. Въ то́йже де́нь пра́зднꙋемъ срѣ́тенїе пречⷭ҇тыѧ бцⷣы чꙋдотво́рныѧ і҆кѡ́ны влади́мїрскїѧ.

к҃д. [з] Ржⷭ҇тво̀ чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна.

Пра́здникъ, и҆ разрѣше́нїе ры́бы.

к҃є. [ѕ] Ст҃ы́ѧ прпⷣбномч҃нцы феврѡ́нїи: Въ то́йже де́нь ст҃ы́хъ чꙋдотво́рцєвъ мꙋ́ромскихъ: бл҃говѣ́рнагѡ кн҃зѧ петра̀, нарече́ннагѡ во и҆́ноцѣхъ даві́да, и҆ бл҃говѣ́рныѧ кнѧги́ни феврѡ́нїи, нарече́нныѧ во и҆́нокинѧхъ є҆ѵфросѵ́нїи.

к҃ѕ. [є] Прпⷣбнагѡ ѻ҆тца̀ на́шегѡ даві́да, и҆́же въ селꙋ́нѣ: И҆ ꙗ҆вле́нїе і҆кѡ́ны прест҃ы́ѧ влⷣчцы на́шеѧ бцⷣы и҆ приснодв҃ы мр҃і́и тѵ́хвинскїѧ.

к҃з. [д] Прпⷣбнагѡ ѻ҆тца̀ на́шегѡ самѱѡ́на страннопрїи́мца: И҆ пра́здникъ ѡ҆ побѣ́дѣ бг҃омъ дарова́ннѣй всерѡссі́йскомꙋ самоде́ржцꙋ петрꙋ̀ вели́комꙋ, над̾ шве́дскимъ короле́мъ каро́ломъ вторымна́десѧть под̾ полта́вою, лѣ́та ѿ воплоще́нїѧ гдⷭ҇нѧ ҂аѱ҃ѳ.

к҃и. [г] Пренесе́нїе моще́й ст҃ы́хъ безсре́брєникъ кѵ́ра и҆ і҆ѡа́нна: И҆ па́мѧть прпⷣбныхъ ѻ҆тє́цъ, се́ргїа и҆ ге́рмана, валаа́мскихъ чꙋдотво́рцѡвъ.

к҃ѳ. [в] Ст҃ы́хъ сла́вныхъ и҆ всехва́льныхъ верхо́вныхъ а҆пⷭ҇лъ, петра̀ и҆ па́ѵла.

Пра́здникъ, и҆ разрѣше́нїе ры́бы.

л҃. [а] Собо́ръ ст҃ы́хъ сла́вныхъ и҆ всехва́льныхъ двꙋнаде́сѧти а҆пⷭ҇лъ.

Пра́здникъ, и҆ разрѣше́нїе ры́бы.

Мѣ́сѧцъ і҆ꙋ́лїй.

а҃. [з] Ст҃ы́хъ безсре́бреникѡвъ и҆ чꙋдотво́рцєвъ, космы̀ и҆ дамїа́на.

Разрѣше́нїе вїна̀ и҆ є҆ле́а.

в҃. [ѕ] Положе́нїе чⷭ҇тны́ѧ ри́зы прест҃ы́ѧ влⷣчцы на́шеѧ бцⷣы, во влахе́рнѣ.

Разрѣше́нїе вїна̀ и҆ є҆ле́а.

г҃. [є] Ст҃а́гѡ мч҃нка ѵ҆акі́нѳа: И҆ пренесе́нїе моще́й во ст҃ы́хъ ѻ҆тца̀ на́шегѡ фїлі́ппа, митрополі́та моско́вскагѡ и҆ всеѧ̀ рѡссі́и, чꙋдотво́рца. И҆ прпⷣбнагѡ а҆нато́лїа пече́рскагѡ.

д҃. [д] И҆́же во ст҃ы́хъ ѻ҆тца̀ на́шегѡ а҆ндре́а, а҆рхїепⷭ҇кпа кри́тскагѡ, і҆ерⷭ҇лѷмі́та: И҆ прпⷣбныѧ ма́рѳы, ма́тере ст҃а́гѡ сѷмеѡ́на дивного́рца.

є҃. [г] Прпⷣбнагѡ ѻ҆тца̀ на́шегѡ, а҆ѳана́сїа а҆ѳѡ́нскагѡ: И҆ ѡ҆брѣ́тенїе чⷭ҇тны́хъ моще́й прпⷣбнагѡ ѻ҆тца̀ на́шегѡ, и҆гꙋ́мена се́ргїа, ра́донежскагѡ чꙋдотво́рца.

ѕ҃. [в] Прпⷣбнагѡ ѻ҆тца̀ на́шегѡ сїсѡ́а вели́кагѡ: И҆ ѡ҆брѣ́тенїе моще́й ст҃ы́ѧ і҆ꙋлїані́и дѣви́цы, въ кїевопече́рстѣй ла́врѣ почива́ющїѧ.

з҃. [а] Прпⷣбныхъ ѻ҆те́цъ на́шихъ: ѳѡмы̀, и҆́же въ мале́и, и҆ а҆ка́кїа, и҆́же въ лѣ́ствицѣ.

и҃. [з] Ст҃а́гѡ великомч҃нка проко́пїа.

Разрѣше́нїе вїна̀ и҆ є҆ле́а.

Въ то́йже де́нь пра́зднꙋемъ ꙗ҆вле́нїе і҆кѡ́ны прест҃ы́ѧ влⷣчцы на́шеѧ бцⷣы и҆ приснодв҃ы марі́и, во гра́дѣ каза́ни: Въ то́йже де́нь воспомина́нїе зна́менїѧ, ꙗ҆́вльшагѡсѧ ѿ і҆кѡ́ны прест҃ы́ѧ влⷣчцы на́шеѧ бцⷣы, чⷭ҇тна́гѡ и҆ сла́внагѡ є҆ѧ̀ бл҃говѣ́щенїѧ, во гра́дѣ вели́цѣмъ ᲂу҆́стюзѣ: И҆ ст҃а́гѡ проко́пїа, хрⷭ҇та̀ ра́ди ю҆ро́дивагѡ, ᲂу҆́стюжскагѡ чꙋдотво́рца.

ѳ҃. [ѕ] Ст҃а́гѡ сщ҃енномч҃нка пагкра́тїа, є҆пⷭ҇кпа таѵромені́йскагѡ.

і҃. [є] Ст҃ы́хъ мч҃нкъ м҃є, и҆̀же въ нїкопо́ли а҆рме́нстѣй:

Въ то́йже де́нь положе́нїе чⷭ҇тны́ѧ ри́зы гдⷭ҇а на́шегѡ і҆и҃са хрⷭ҇та̀, ꙗ҆́же є҆́сть хїтѡ́нъ, въ ца́рствꙋющемъ гра́дѣ москвѣ̀: И҆ прпⷣбнагѡ ѻ҆тца̀ на́шегѡ а҆нтѡ́нїа пече́рскагѡ кі́евскагѡ: И҆ пра́зднованїе прест҃ѣ́й бцⷣѣ, ра́ди чꙋдотво́рныѧ є҆ѧ̀ і҆кѡ́ны въ коне́встѣй ѻ҆би́тели.

а҃і. [д] Ст҃ы́ѧ мч҃нцы и҆ прехва́льныѧ є҆ѵфи́мїи: И҆ преставле́нїе бл҃же́нныѧ ѻ҆́льги, кнѧги́ни рѡссі́йскїѧ, во ст҃о́мъ креще́нїи нарече́нныѧ є҆ле́ны.

в҃і. [г] Ст҃ы́хъ мч҃нкъ про́кла и҆ і҆ла́рїа: И҆ прпⷣбнагѡ ѻ҆тца̀ на́шегѡ мїхаи́ла малеїна̀.

г҃і. [в] Собо́ръ ст҃а́гѡ а҆рха́гг҃ла гаврїи́ла: И҆ прпⷣбнагѡ ѻ҆тца̀ на́шегѡ стефа́на. савваі́та.

д҃і. [а] Ст҃а́гѡ а҆пⷭ҇ла а҆кѵ́лы.

є҃і. [з] Ст҃ы́хъ мч҃нкъ, ки́рѷка и҆ і҆ꙋлі́тты ма́тере є҆гѡ̀.

И҆ ст҃а́гѡ равноапⷭ҇тола, вели́кагѡ кнѧ́зѧ влади́мїра, нарече́ннагѡ во ст҃ѣ́мъ креще́нїи васі́лїа.

Разрѣше́нїе вїна̀ и҆ є҆ле́а.

ѕ҃і. [ѕ] Ст҃а́гѡ сщ҃енномч҃нка а҆ѳиноге́на, и҆ десѧтѝ ᲂу҆чєни́къ є҆гѡ̀.

з҃і. [є] Ст҃ы́ѧ великомч҃нцы марі́ны.

Разрѣше́нїе вїна̀ и҆ є҆ле́а.

и҃і. [д] Ст҃а́гѡ мч҃нка ѵ҆акі́нѳа, и҆́же во а҆мастрі́дѣ: И҆ ст҃а́гѡ мч҃нка є҆мїлїа́на: И҆ прпⷣбнагѡ ѻ҆тца̀ на́шегѡ многотерпѣли́вагѡ і҆ѡа́нна, затво́рника пече́рскагѡ, и҆́же въ кі́евѣ.

ѳ҃і. [к] Прпⷣбныѧ мт҃ре на́шеѧ макрі́ны, сестры̀ вели́кагѡ васі́лїа. И҆ прпⷣбнагѡ ѻ҆тца̀ на́шегѡ ді́а: И҆ ѡ҆брѣ́тенїе и҆ пренесе́нїе чⷭ҇тны́хъ моще́й прпⷣбнагѡ ѻ҆тца̀ на́шегѡ серафі́ма саро́вскагѡ.

к҃. [в] Ст҃а́гѡ сла́внагѡ прⷪ҇ро́ка и҆лїѝ.

Пра́здникъ, и҆ разрѣше́нїе вїна̀ и҆ є҆ле́а.

к҃а. [а] Прпⷣбныхъ ѻ҆тє́цъ на́шихъ, сѷмеѡ́на хрⷭ҇та̀ ра́ди ю҆ро́дивагѡ, и҆ і҆ѡа́нна спо́стника є҆гѡ̀: И҆ ст҃а́гѡ прⷪ҇ро́ка і҆езекі́илѧ: И҆ прпⷣбнагѡ ѻ҆нꙋ́фрїа молчали́вагѡ пече́рскагѡ.

к҃в. [з] Ст҃ы́ѧ мѷроно́сицы и҆ равноапⷭ҇льныѧ марі́и магдали́ны: И҆ возвраще́нїе моще́й ст҃а́гѡ сщ҃енномч҃нка фѡ́ки.

Разрѣше́нїе вїна̀ и҆ є҆ле́а.

к҃г. [ѕ] Ст҃ы́хъ мч҃нкъ, трофі́ма и҆ ѳео́фїла, и҆ и҆̀же съ ни́ми.

к҃д. [є] Ст҃ы́ѧ великомч҃нцы хрїсті́ны: И҆ ст҃ы́хъ мч҃нкъ бори́са и҆ глѣ́ба, нарече́нныхъ во ст҃ѣ́мъ креще́нїи рѡма́на и҆ даві́да: И҆ прпⷣбнагѡ ѻ҆тца̀ на́шегѡ полѷка́рпа пече́рскагѡ.

к҃є. [д] Оу҆спе́нїе ст҃ы́ѧ а҆́нны, ма́тере прест҃ы́ѧ бцⷣы: И҆ па́мѧть ст҃ы́хъ же́нъ ѻ҆лѷмпїа́ды и҆ є҆ѵпраѯі́и:

Разрѣше́нїе вїна̀ и҆ є҆ле́а.

И҆ преставле́нїе прпⷣбнагѡ ѻ҆тца̀ на́шегѡ мака́рїа желтово́дскагѡ, чꙋдотво́рца.

к҃ѕ. [г] Ст҃а́гѡ сщ҃енномч҃нка є҆рмола́а, и҆ и҆̀же съ ни́мъ: И҆ ст҃ы́ѧ прпⷣбномч҃нцы параске́ѵы: И҆ прпⷣбнагѡ ѻ҆тца̀ на́шегѡ многострада́льнагѡ мѡѷсе́а ᲂу҆́грина, пече́рскагѡ.

к҃з. [в] Ст҃а́гѡ великомч҃нка и҆ цѣли́телѧ пантелеи́мона.

Разрѣше́нїе вїна̀ и҆ є҆ле́а.

к҃и. [а] Ст҃ы́хъ а҆пⷭ҇лъ и҆ дїа́конѡвъ, про́хѡра, нїкано́ра, ті́мѡна и҆ парме́на: Въ то́йже де́нь пра́зднꙋемъ ꙗ҆вле́нїе і҆кѡ́ны смоле́нскїѧ, прест҃ы́ѧ влⷣчцы на́шеѧ бцⷣы, ѻ҆дїги́трїи.

к҃ѳ. [з] Ст҃а́гѡ мч҃нка каллїні́ка.

л҃. [ѕ] Ст҃ы́хъ а҆пⷭ҇лъ, сі́лы и҆ сїлꙋа́на, и҆ и҆̀же съ ни́ми.

л҃а. [є] Предпра́зднство происхожде́нїѧ чⷭ҇тна́гѡ и҆ животворѧ́щагѡ крⷭ҇та̀ гдⷭ҇нѧ: И҆ ст҃а́гѡ и҆ првⷣнагѡ є҆ѵдокі́ма.

Мѣ́сѧцъ а҆́ѵгꙋстъ.

а҃. [д] Происхожде́нїе чⷭ҇тны́хъ дре́въ чⷭ҇тна́гѡ и҆ животворѧ́щагѡ крⷭ҇та̀: И҆ ст҃ы́хъ седмѝ мч҃нкъ маккавє́й, и҆ ма́тере и҆́хъ соломоні́и, и҆ ᲂу҆чи́телѧ и҆́хъ є҆леаза́ра.

в҃. [г] Пренесе́нїе моще́й ст҃а́гѡ первомч҃нка и҆ а҆рхїдїа́кона стефа́на: И҆ ст҃а́гѡ васі́лїа, хрⷭ҇та̀ ра́ди ю҆ро́дивагѡ, моско́вскагѡ чꙋдотво́рца.

г҃. [в] Прпⷣбныхъ ѻ҆тє́цъ на́шихъ: і҆саа́кїа, далма́та и҆ фа́ѵста: Въ то́йже де́нь преставле́нїе прпⷣбнагѡ ѻ҆тца̀ на́шегѡ а҆нтѡ́нїа ри́млѧнина, новгоро́дскагѡ чꙋдотво́рца.

д҃. [а] Ст҃ы́хъ седмѝ ѻ҆́трѡкъ, и҆̀же во є҆фе́сѣ: И҆ ст҃ы́ѧ прпⷣбномч҃нцы є҆ѵдокі́и.

є҃. [з] Предпра́зднство преѡбраже́нїѧ гдⷭ҇а на́шегѡ і҆и҃са хрⷭ҇та̀: И҆ ст҃а́гѡ мч҃нка є҆ѵсїгні́а.

ѕ҃. [ѕ] Ст҃о́е преѡбраже́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.

Пра́здникъ, и҆ разрѣше́нїе ры́бы.

з҃. [є] Ст҃а́гѡ прпⷣбномч҃нка дометі́а: И҆ прпⷣбнагѡ ѻ҆тца̀ на́шегѡ пі́мена пече́рскагѡ.

и҃. [д] Ст҃а́гѡ є҆мїлїа́на и҆сповѣ́дника, є҆пⷭ҇кпа кѷзі́ческагѡ: И҆ прпⷣбнагѡ григо́рїа, і҆кѡнопи́сца пече́рскагѡ.

ѳ҃. [г] Ст҃а́гѡ а҆пⷭ҇ла матѳі́а.

Разрѣше́нїе вїна̀ и҆ є҆ле́а.

і҃. [в] Ст҃а́гѡ мч҃нка и҆ а҆рхїдїа́кона лаѵре́нтїа.

а҃і. [а] Ст҃а́гѡ мч҃нка и҆ а҆рхїдїа́кона є҆́ѵпла: И҆ прпⷣбномч҃нкѡвъ пече́рскихъ ѳео́дѡра и҆ васі́лїа.

в҃і. [з] Ст҃ы́хъ мч҃нкъ, фѡ́тїа и҆ а҆нїки́ты.

г҃і. [ѕ] Прпⷣбнагѡ ѻ҆тца̀ на́шегѡ маѯі́ма и҆сповѣ́дника: И҆ и҆́же во ст҃ы́хъ ѻ҆тца̀ на́шегѡ тѵ́хѡна воро́нежскагѡ, задо́нскагѡ чꙋдотво́рца: Въ сі́й де́нь ѿдае́тсѧ пра́здникъ преѡбраже́нїѧ.

д҃і. [є] Предпра́зднство ᲂу҆спе́нїѧ прест҃ы́ѧ бцⷣы: И҆ ст҃а́гѡ прⷪ҇ро́ка мїхе́а: И҆ пренесе́нїе чⷭ҇тны́хъ моще́й прпⷣбнагѡ ѻ҆тца̀ на́шегѡ ѳеодо́сїа, и҆гꙋ́мена пече́рскагѡ.

є҃і. [д] Оу҆спе́нїе прест҃ы́ѧ влⷣчцы на́шеѧ бцⷣы, и҆ приснодв҃ы мр҃і́и.

Пра́здникъ, и҆ разрѣше́нїе ры́бы.

ѕ҃і. [г] Ѿ є҆де́са пренесе́нїе въ кѡнстанті́нь гра́дъ нерꙋкотворе́ннагѡ ѡ҆́браза гдⷭ҇а бг҃а и҆ сп҃са на́шегѡ і҆и҃са хрⷭ҇та̀: И҆ ст҃а́гѡ мч҃нка дїоми́да.

з҃і. [в] Ст҃а́гѡ мч҃нка мѵ́рѡна: И҆ прпⷣбнагѡ ѻ҆тца̀ на́шегѡ а҆лѵ́пїа, і҆кѡнопи́сца пече́рскагѡ.

и҃і. [а] Ст҃ы́хъ мч҃нкъ флѡ́ра и҆ ла́ѵра.

ѳ҃і. [з] Ст҃а́гѡ мч҃нка а҆ндре́а стратила́та, и҆ и҆̀же съ ни́мъ: Въ то́йже де́нь пра́зднꙋемъ прест҃ѣ́й бцⷣѣ, бы́вшагѡ ра́ди милосе́рдїѧ, ѿ і҆кѡ́ны є҆ѧ̀ ст҃ы́ѧ, нарица́емыѧ донскі́ѧ.

к҃. [ѕ] Ст҃а́гѡ прⷪ҇ро́ка самꙋи́ла.

к҃а. [є] Ст҃а́гѡ а҆пⷭ҇ла ѳадде́а: И҆ ст҃ы́ѧ мч҃нцы ва́ссы: И҆ преставле́нїе прпⷣбнагѡ ѻ҆тца̀ на́шегѡ а҆вра́мїа а҆рхїмандрі́та, смоле́нскагѡ чꙋдотво́рца.

к҃в. [д] Ст҃а́гѡ мч҃нка а҆гаѳоні́ка, и҆ и҆̀же съ ни́мъ.

к҃г. [г] Ст҃а́гѡ мч҃нка лꙋ́ппа: И҆ ѿдае́тсѧ пра́здникъ ᲂу҆спе́нїѧ прест҃ы́ѧ бцⷣы.

к҃д. [в] Ст҃а́гѡ сщ҃енномч҃нка є҆ѵтѵ́ха: И҆ пренесе́нїе чⷭ҇тны́хъ моще́й, и҆́же во ст҃ы́хъ ѻ҆тца̀ на́шегѡ петра̀, митрополі́та кі́евскагѡ и҆ всеѧ̀ рѡссі́и, чꙋдотво́рца.

к҃є. [а] Возвраще́нїе моще́й ст҃а́гѡ а҆пⷭ҇ла варѳоломе́а: И҆ па́мѧть ст҃а́гѡ а҆пⷭ҇ла ті́та.

к҃ѕ. [з] Ст҃ы́хъ мч҃нкъ, а҆дрїа́на и҆ ната́лїи:

Въ се́й де́нь пра́зднꙋемъ возслѣ́дованїе похва́льно срѣ́тенїѧ чꙋдотво́рныѧ і҆кѡ́ны влади́мїрскїѧ, прест҃ы́ѧ влⷣчцы на́шеѧ бцⷣы и҆ приснодв҃ы марі́и.

к҃з. [ѕ] Прпⷣбнагѡ ѻ҆тца̀ на́шегѡ пі́мена: И҆ ст҃а́гѡ сщ҃енномч҃нка кꙋ́кши и҆ пі́мена по́стника, пече́рскихъ.

к҃и. [є] Прпⷣбнагѡ ѻ҆тца̀ на́шегѡ мѡѷсе́а мꙋ́рїна.

к҃ѳ. [д] Оу҆сѣкнове́нїе чⷭ҇тны́ѧ главы̀ чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ гдⷭ҇нѧ і҆ѡа́нна.

Пра́здникъ, и҆ по́стъ.

л҃. [г] И҆̀же во ст҃ы́хъ ѻ҆тє́цъ на́шихъ, патрїа́рхѡвъ кѡнстанті́нѧ гра́да, а҆леѯа́ндра, і҆ѡа́нна и҆ па́ѵла но́вагѡ: И҆ пренесе́нїе моще́й ст҃а́гѡ бл҃говѣ́рнагѡ вели́кагѡ кн҃зѧ а҆леѯа́ндра не́вскагѡ, и҆з̾ влади́мїра въ црⷭ҇твꙋющїй гра́дъ ст҃а́гѡ петра̀: И҆ преставле́нїе прпⷣбнагѡ ѻ҆тца̀ на́шегѡ а҆леѯа́ндра сви́рскагѡ, чꙋдотво́рца.

л҃а. [в] Положе́нїе чⷭ҇тна́гѡ по́ѧса прест҃ы́ѧ влⷣчцы на́шеѧ бцⷣы.

Разрѣше́нїе вїна̀ и҆ є҆ле́а.


Комментарии для сайта Cackle