[глⷡ҇а і҃] Мл҃тва ѡ҆ приносѧ́щихъ нача́тки ѻ҆воще́й.

Влⷣко гдⷭ҇и бж҃е на́шъ, твоѧ̑ ѿ твои́хъ приноси́ти тебѣ̀ по предложе́нїю комꙋ́ждо повелѣ́вый, и҆ вѣ́чныхъ твои́хъ бла̑гъ воздаѧ́нїе си̑мъ да́рꙋѧй, и҆́же вдовы̀ по си́лѣ приноше́нїе бл҃гоꙋго́днѡ прїе́мый, прїимѝ и҆ ны́нѣ принесє́наѧ ѿ раба̀ твоегѡ̀ и҆́мⷬ҇къ, и҆ въ вѣ́чныхъ твои́хъ сокро́вищахъ возложи́тисѧ си̑мъ сподо́би: да́рꙋй є҆мꙋ̀ и҆ мїрски́хъ твои́хъ бла̑гъ ѻ҆би́льное воспрїѧ́тїе, со всѣ́ми поле́зными є҆мꙋ̀.

Ꙗ҆́кѡ бл҃гослови́сѧ твоѐ и҆́мѧ, и҆ просла́висѧ твоѐ црⷭ҇тво, ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.


Комментарии для сайта Cackle