[глⷡ҇а к҃д] Мл҃тва над̾ сосꙋ́домъ ѡ҆скве́рншимсѧ.

Подоба́етъ и҆змы́ти, и҆ влага́емѣй ст҃ѣ́й водѣ̀ крⷭ҇тови́днѡ, глаго́лати и҆ мл҃твꙋ сїю̀:

Гдⷭ҇ꙋ помо́лимсѧ.

Гдⷭ҇и бж҃е на́шъ, є҆ди́не ст҃е, ѡ҆ст҃ѝ сосꙋ́дъ се́й ѡ҆ст҃и́тельнымъ твои́мъ наи́тїемъ, и҆ ѡ҆чи́сти и҆̀, є҆́же бы́ти въ слꙋ́жбꙋ рабѡ́въ твои́хъ нескве́рнꙋ, и҆ да́ждь на́мъ всегда̀ во ст҃ы́ни моли́тисѧ во ст҃ы́хъ твои́хъ цр҃квахъ, ꙗ҆́кѡ да тобо́ю всегда̀ храни́ми, сла́вꙋ и҆ поклоне́нїе тебѣ̀ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.