Предание об основании Москвы Олегом

О начале царствующего града Москвы

В лета 6388 (880), по смерти великого новгородского князя Рюрика, остася по нем сын его Игорь, в дозоре⁵¹⁵ Олегови, вeльможe, сродникови⁵¹⁶ своему, со всеми княжествы Российскими, понеже Игорь млад еще бе. Промылом⁵¹⁷ же Олеговым восприя княжение киевское, а Оскольд и Дир, князи киевстии, убиени Быша. И тако княжение киевское скончася, которое от Кия, Щека и Корея и сестры их Либеди начася. А от князей варяжских, от Игоря Рюриковича, прочии князи даже до великих князей московских родство свое изведоша. Сей же Игорь Рюрикович и весь род его от колена Августа, кесаря тивириатского римского.

Вышeyпомянyтый Олег, имея в дозорстве князя Игоря, облада странами многими по всей зeмли Российстей. При княжении же своем Олег прииде на Москву-реку, в нюже текут Неглинна да Яуза, и постави ту град и нарече Москва, и посади ту князя, сродника своего, и ины многи грады постави во странах Российских.

По смepти же Олегове великий князь Игорь Рюрикович нача сам княжити в Киеве, в Вeликом Новгороде, Пскове, и на Бeлом озере, и на всех княжениях и землях Российских, восточных, и полунощных, и на полудне лежащих. Сей Игорь, еще живу сущу бысть Олегу, счетася со Ольгою, пpeмyдpою красною девицею, правнукою⁵¹⁸ Гостомысловою, от Пскова. Сия же Ольга бысть баба⁵¹⁹ великомy князю Владимиру Киeвскомy.