В 18-й день

Свята́го му́ченика Феодо́та, и́же в Анки́ре, и святы́х му́ченик Петра́, Диони́сия и и́же с ни́ми, и святы́х седми́ дев

Стихи́ры, глас 1.

Подо́бен: Небе́сных чинов:

Ми́рным строе́нием удобря́емь,/ служи́ти всем, Феодо́те преблаже́нне,/ преподо́бно избра́н был еси́/ и, страда́льческим просве́щся венце́м,/ с пострада́вшими с тобо́ю лику́еши на Небесе́х,/ с ни́миже моли́ спасти́ся нам.

Возложи́вся Го́сподеви,/ я́коже свяще́нен сосу́д,/ и повину́яся словесе́м Его́, Богоблаже́нне,/ разда́л еси́ бога́тно, му́чениче му́дре,/ ни́щим бога́тство некра́домо,/ муче́ния разу́мно и чу́дно себе́ притворя́я.

Се река́ спасе́ния, се исто́чник жив,/ святы́х ковче́г показа́ся дев,/ те́мже, прииди́те усе́рдно,/ почерпе́м ны́не, боля́щий, исцеле́ние/ и ра́дость, и́же в ско́рби,/ моли́твами святы́х неве́ст Христо́вых.

Ины стихи́ры, глас 4

Подо́бен: Дал еси́ зна́мение:

Заре́ю просвеща́еми трисо́лнечнаго Божества́,/ темноту́ претеко́сте мук/ и яви́стеся све́тлы зве́зды,/ Це́ркве Боже́ственное утвержде́ние,/ при́сно световодя́ще, святи́и му́ченицы,/ Те́мже светоза́рное ва́ше соверша́ем торжество́,/ покланя́ющеся моще́м и пе́рсти теле́сней.

Петра́, Диони́сия,/ Па́вла, Андре́я, Венеди́ма,/ до́блия адама́нты,/ Христи́ну, Иракли́я и Павли́на/ вси ра́достию ны́не ублажи́м, ве́рнии,/ по Тро́ице тве́рдо страда́вшия,/ и вся змии́на кова́рства попра́вшия,/ и тьму отгна́вшия и́дольскую благода́тию.

Кровьми́ искупи́сте Ца́рствие, блаже́ннии,/ Бо́жие недви́жимое,/ и приста́нища достиго́сте ти́хая,/ вся́ко треволне́ние подъе́мше лю́тых/ ра́зумом му́жеским, Богоблаже́ннии./ Тем ублажа́етеся и все́ми прославля́етеся,/ моля́щеся всегда́ обрести́ нам/ ми́лость в День су́дный.

Сла́ва, и ны́не, пра́здника

Кано́н му́ченика и святы́х жен, глас 4.

Песнь 1

Ирмо́с: Пои́м Го́сподеви,/ пресла́вно погрузи́вшему фарао́на в мо́ри, песнь побе́дную,/ я́ко просла́вися.

Пое́м Го́сподеви, челове́ческую не́мощь на неви́димаго врага́ укре́пльшему/ и побе́дами венча́вшему.

Богода́нную, страстоте́рпче, побе́ду прие́м,/ не побежде́н супоста́ты яви́лся еси́, Феодо́те сла́вне, тех побежда́я.

Чистоты́ Боже́ственныя добро́тою укра́шени,/ в суди́лище, я́коже в неве́стник, де́вы внидо́сте,/ пою́ще Жениха́ Христа́.

Богоро́дичен: Бы́хом, Богоро́дице, Твои́м Рождество́м вси о́бщницы Боже́ственныя сла́вы,/ и́же любо́вию сла́вяще Ма́терь Тя всех Бо́га.

Ин кано́н святы́х му́чеников, глас то́йже.

Песнь 1

Ирмо́с: Воспою́ Тебе́, Го́споди Бо́же мо́й,/ я́ко изве́л еси́ лю́ди из рабо́ты еги́петския,/ покры́л же еси́ колесни́цы фарао́новы и си́лу.

Ве́ры побо́рницы, ве́рою свяще́нное ва́ше всегда́ творя́щия торжество́,/ страсте́й изба́вите и вся́каго обстоя́ния.

Ве́трилом впери́вшеся, Богоно́снии, кре́стным пресла́вно,/ немо́кренно пучи́ну муче́ний преплы́сте, враги́ пото́пльше.

Совокупи́стеся чино́м Небе́сным, претерпе́вше я́звы в телеси́, святи́и,/ те́мже Боже́ственную днесь ва́шу па́мять почита́ем.

Зако́ном Боже́ственным утвержда́еми,/ беззако́ннующих сове́ты, му́дрии, упраздни́сте,/ пострада́вше же зако́нно, Бо́жию сла́ву улучи́сте.

Богоро́дичен: Я́ко престо́л, Де́во, Царя́,/ на него́же всед, ве́рным седа́лище Небе́сное угото́ва,/ почита́ем и любо́вию Тя сла́вим.

Песнь 3

Ирмо́с: В Го́споде Бо́зе мое́м/ се́рдце мое́ утверди́ся,/ тем немощству́ющии препоя́сашася си́лою.

О Го́споде Бо́зе твое́м укре́плься, му́чениче Феодо́те,/ враги́ супроти́вныя и́стиною уничижи́л еси́.

Дебельство́ плотско́е воздержа́нием отло́жше,/ к высоте́, страстоте́рпцы, страда́ния впери́стеся.

К ласка́нием враго́в слу́ха не прикло́ньше, пострада́сте зако́нно,/ зако́нов Боже́ственных послу́шавше.

Богоро́дичен: На ка́мени, Де́во, Твое́ю наде́ждею утвержде́ни,/ ника́коже треволне́нием искуше́ний поколеби́мся.

Ин

Ирмо́с: Лук си́льных изнемо́же,/ и немощству́ющии препоя́сашася си́лою:/ сего́ ра́ди утверди́ся в Го́споде се́рдце мое́.

Поста́вль на ка́мени ве́ры, Пе́тре, души́ твоея́ но́ги, блаже́нне,/ сопротивле́нием не победи́лся еси́ безбо́жных, всеблаже́нне.

Я́коже тя звезду́ сия́ющу, град твой, Пе́тре, ми́рови предлага́ет,/ отгоня́ща безбо́жия нощь Боже́ственною благода́тию.

Воззре́нием к Бо́гу вжиля́яся, Пе́тре, колесы́ и у́зами сокруша́емь/ и бие́мь непреста́нно, венцено́сец показа́лся еси́.

Пе́ние Бо́гови принося́ще,/ вся́ко, страстоте́рпцы, нанесе́ние мук претерпе́сте:/ сего́ ра́ди венце́в сподо́бистеся.

Богоро́дичен: Еди́на де́вствуеши, ро́ждши,/ еди́на та́инства вели́каго вои́стинну Служи́тельница позна́лася еси́,/ Бо́га ро́ждши, Богоро́дице Ма́ти Де́во.

Седа́лен, глас 4

Подо́бен: Ско́ро предвари́:

Всем служи́тель, Ду́хом Боже́ственным пома́зався, был еси́, сла́вне,/ и, пострада́в тве́рдо, вельми́ просла́вился еси́./ Те́мже тя, соше́дшеся, Феодо́те, почита́ем,/ ве́рою соверша́юще святу́ю твою́ па́мять,/ в не́йже моли́твами твои́ми вся спаса́й.

Сла́ва, глас и подо́бен то́йже:

Му́ченическими кровьми́ удобре́ни,/ Го́сподеви предстоите́, всех Царю́, добропобе́днии му́ченицы./ Те́мже с весе́лием честну́ю ва́шу па́мять днесь соверша́ем,/ долго́в разреше́ние прося́ще прия́ти ва́ми и ве́лию ми́лость.

И ны́не, пра́здника или́ Богоро́дичен:

Де́во Всенепоро́чная, Я́же Пресу́щнаго Бо́га ро́ждшая,/ со Безпло́тными Того́ непреста́нно моли́/ оставле́ние прегреше́ний и исправле́ние жития́ да́ти нам пре́жде конца́,/ ве́рою и любо́вию пою́щим Тя по до́лгу, еди́на Всепе́тая.

Крестобогоро́дичен:

На Кресте́ Тя возвы́шена я́ко узре́ Пречи́стая Ма́ти Твоя́, Сло́ве Бо́жий,/ ма́терски рыда́ющи, веща́ше:/ что́ но́вое и стра́нное сие́ чу́до, Сы́не Мой?/ Ка́ко, Жи́знь всех, вкуша́еши сме́рти,/ оживи́ти ме́ртвыя хотя́, я́ко Милосе́рд?

Песнь 4

Ирмо́с: Услы́шах слух Твоего́ смотре́ния,/ я́ко от Де́вы роди́лся еси́, ро́ждшую не опали́в:/ и просла́вих, Спа́се, снизхожде́ние Твое́.

Ты, кровьми́ страда́льческими, я́коже в мо́ри, гони́теля, му́чениче, погру́жь,/ в нетле́ние наслажде́нии весели́шися, поя́ Христа́ Венцеда́вца.

Просия́ благохва́льный лик страстоте́рпиц, седмь му́дрых дев,/ многосве́тлы свещи́ вже́гше, в Христо́ве Боже́ственнем черто́зе.

Богоро́дичен: Я́ко вене́ц Тя мы́сленный, де́вы страстоте́рпицы иму́ще,/ о Тебе́, Де́во, хва́лятся,/ пою́ще Сы́на и Бо́га Твоего́, Жениха́ и Влады́ку.

Ин

Ирмо́с: Любве́ ра́ди, Ще́дре, Твоего́ о́браза/ на Кресте́ Твое́м стал еси́,/ и раста́яшася язы́цы:/ Ты бо еси́, Человеколю́бче,/ кре́пость моя́ и хвале́ние.

Дрема́ние от ве́ждей душе́вных оттря́сше, е́же от ле́ности, бо́дростию Боже́ственною,/ все успи́сте безбо́жных зло́е умышле́ние.

Я́ко пречестни́и и Боже́ственнии Сло́ва ка́мение,/ уморе́ни бы́вше ка́мением, Андре́й, Па́вел и Диони́сий/ присносу́щныя жи́зни сподо́бишася.

Прекра́сное цве́тие благоче́стия и и́стинное и Боже́ственное Христо́во благово́ние/ ве́рою восхва́лим му́ченики днесь.

До́льняя презре́вше жела́нием Боже́ственным/ и плотски́я боле́зни претерпе́вше до́блественне,/ ра́дующеся, к неболе́зненному животу́ преидо́ша.

Богоро́дичен: Препе́тая Де́во Богороди́тельнице,/ пою́щия Тя спаса́й, на Тя упова́ющия,/ вся́каго обстоя́ния, и бед, и скорбе́й.

Песнь 5

Ирмо́с: Возсия́вый Свет,/ и просвети́вый у́тро, и показа́вый день,/ сла́ва Тебе́, сла́ва Тебе́, Иису́се, Сы́не Бо́жий.

От ча́ши, му́дре, души́ твоея́, пролива́я вино́ уче́ния,/ сердца́ возвесели́л еси́ благочести́вых, Феодо́те сла́вне.

Воздержа́ния, честны́я, напи́вшеся росы́,/ цве́ты чистоты́ разу́мно израсти́сте/ и Христо́во благово́ние яви́стеся.

Плотски́я боле́зни, я́ко наслажде́ние,/ де́вы Влады́чния ра́ди любве́ вменя́юще,/ Его́ ра́ди до́бле пострада́ша.

Богоро́дичен: Изба́вльшеся пре́лести и́дольскаго беше́ния Рождество́м Твои́м Боже́ственным,/ Тя пое́м, Чи́стая, благи́х вину́ и Хода́таицу.

Ин

Ирмо́с: Просвеще́ние Твое́, Го́споди, низпосли́ нам,/ и от мглы́ прегреше́ний разреши́ ны, Бла́же,/ Твой мир да́руяй.

Зна́менавшеся, му́ченицы, све́том разу́мным,/ муче́ния тьму́ и ночь злу́ю многобо́жия/ си́лою Боже́ственною непоткнове́нно преидо́сте.

Деви́ческими сия́ющи, Христи́но, добро́тами, я́звенными заря́ми све́тло украси́лася еси́/ и в мы́сленный Христо́в черто́г всели́лася еси́, ра́дующися.

Неи́стовне рачи́тельствующии те́ла твоего́, Христи́но му́ченице,/ сла́дким твои́м сло́вом жела́нию Бо́жию привя́зани,/ пострада́ша кре́пко.

Богоро́дичен: Неве́сто Бо́жия Безневе́стная,/ Ея́же ра́ди ве́тхаго отреши́вшеся до́лга,/ сы́нове по благода́ти яви́хомся Отца́ Небе́снаго,/ пою́щия Тя сохраня́й.

Песнь 6

Ирмо́с: Я́коже проро́ка Ио́ну от ки́та изба́вил еси́, Христе́ Бо́же,/ и мене́ из глубины́ прегреше́нии возведи́/ и спаси́ мя, еди́не Человеколю́бче.

Я́коже приста́нище тя Боже́ственно ве́рнии, Феодо́те, обре́тше,/ злочести́вых треволне́ния уклони́шася, пою́ще ко́рмчию Христа́.

Любле́нием Зижди́теля, есте́ственную укрепи́ша не́мощь,/ па́че есте́ственныя страстоте́рпицы по́двиги,/ и о сем до́бре претерпе́ша.

Седмосве́тлаго свети́льника равночи́сленны свещы́ вже́гше,/ я́коже в черто́зе, де́вы, внидо́сте в по́двиг страда́ния.

Богоро́дичен: Земля́ от кля́твы изба́вися дре́вния, Де́во,/ Рождество́м Твои́м со живу́щими на ней./ Вину́ благослове́ния, всегда́ сла́вим Тя.

Ин

Ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се, Царю́ сил.

Сла́вный до́блествовав Иракли́й,/ прия́т ве́лию сла́ву, рая́ граждани́н бью/ и честны́м лико́м соедини́вся страда́лец, ны́не ра́дуется.

Воспое́м с Павли́ном Боже́ственнаго Венеди́ма и Андре́я,/ Иракли́я и Диони́сия, Петра́ же, и Па́вла, и Христи́ну,/ Госпо́дни му́ченики.

Растерза́еми и ка́мением непра́ведно бие́ми,/ огне́м же скончава́еми, сла́внии му́ченицы,/ в Це́ркви пе́рвенец жи́ти сподо́бистеся.

Показа́вшему прему́дрыя страстоте́рпцы, сия́юще,/ я́коже зве́зды, на тве́рди церко́вней, благоче́стно пою́ще:/ Сы́ну Бо́жию поклони́мся.

Богоро́дичен: Я́ко ни́ва, плодоно́сный клас прозябла́ еси́, Богоро́дице, живо́тный,/ жи́знию ве́рныя препита́ющаго/ и глас преле́стный от земли́ вои́стинну отвраща́ющаго.

Конда́к, глас 2,

Подо́бен: Вы́шних ища́:

Страда́льчески подвиза́вся до́бре, со сострада́льцы твои́ми, Феодо́те,/ и венцы́ по́чести прия́сте с честны́ми страстоте́рпицами де́вами./ Те́мже Христа́ Бо́га моли́те непреста́нно о всех нас.

Песнь 7

Ирмо́с: Глаго́лавый на горе́ с Моисе́ом/ и о́браз де́вства явле́й в купине́,/ благослове́н еси́, Бо́же оте́ц на́ших.

Кова́рствия враго́в, страстоте́рпче, му́дростию духо́вною изоблича́я,/ от сих пре́лести спасл еси́ пострада́вшия с тобо́ю му́ченики.

Нетле́нных благ любо́вию, де́вы, окрили́вше помышле́ния,/ по́двиги взыдо́сте к сим, воспева́юще Христа́.

Зло́бы обрета́теля, страстоте́рпицы, ника́коже ле́стию прекло́ньшеся,/ це́лу Зижди́теля, сла́вныя, за́поведь соблюдо́сте.

Богоро́дичен: Ви́дети сла́ву из Тебе́ Рожде́ннаго и сея́ наслади́тися с му́ченики,/ Тя, Пречи́стая, пою́щия, Сего́ при́сно умоли́.

Ин

Ирмо́с: Авраа́мстии иногда́ в Вавило́не о́троцы/ пе́щный пла́мень попра́ша, пе́сньми взыва́юще:/ оте́ц на́ших Бо́же, благослове́н еси́.

Ю́ным ревну́юще ве́рно в Вавило́не де́тем,/ во огнь усе́рдно внидо́сте, вопию́ще, блаже́ннии:/ оте́ц на́ших Бо́же, благослове́н еси́.

Не поклони́стеся истука́нным, страда́льцы сла́внии, небре́гше,/ приснопа́мятную смерть претерпе́сте, безсме́ртная наслажде́ния я́ве восприе́мше.

Му́жественною душе́ю и кре́постию нра́ва/ беззако́ннующих шата́ния низложи́ша му́ченицы, вопию́ще ве́рно:/ оте́ц на́ших Бо́же, благослове́н еси́.

Глаго́лы Боже́ственных му́ченик укре́плься, Павли́не,/ умре́ти произво́лил еси́, пресла́вне, вопия́ Сотво́ршему вся́ческая:/ оте́ц на́ших Бо́же, благослове́н еси́.

Богоро́дичен: Киво́т Бо́жий, Боже́ственныя ма́нны ста́мну,/ златы́й све́щник и трапе́зу,/ го́ру святу́ю, Богоро́дицу вси пе́сненно сла́вим, ве́рнии.

Песнь 8

Ирмо́с: Царя́ Христа́,/ Его́же испове́даша плене́ннии о́троцы,/ в пещи́ глаго́люще ве́лиим гла́сом:/ вся дела́, по́йте Го́спода.

Благоде́теля Христа́ име́я, Феодо́те, в боле́знех страда́ния,/ соблюда́юща и укрепля́юща при́сно тя во всем,/ пачеесте́ственныя по́двиги подъя́л еси́, поя́ Самого́ Бо́га и Царя́.

Благоволе́нием Христа́ до́брыя де́вы, ду́ши услади́вше,/ во след Сего́ теча́ху, пострада́вше до́блественно, и в ра́дости вопия́ху:/ Тя превозноша́ем, Христе́, во веки.

Соде́телю вся́ческих,/ Ты не́мощь укрепи́л еси́, Сло́ве, же́нскаго естества́ во страда́ниих, я́ко Бог,/ те́мже, до́бре страда́вше, поя́ху святы́я Тя, Бо́га и Царя́.

Богоро́дичен: Новоде́тель челове́ча естества́, Чи́стая, из Тебе́ бо челове́ческое поне́сл,/ я́ко Человеколю́бец Бог и Творе́ц, естество́ созда́ на́ше,/ испове́дающих Тя, вои́стинну Богоро́дицу.

Ин

Ирмо́с: Изба́вителю всех Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

Истка́нную от вы́шния благода́ти совлече́нием бре́ннаго телесе́/ страда́льцы в ри́зу облеко́шася, любо́вию вопию́ще:/ вся дела́, благослови́те, по́йте Го́спода.

Кропле́нием Боже́ственныя кро́ве, му́ченицы, очи́стившеся,/ кровь ва́шу за Христа́ излия́сте, пою́ще непреста́нно:/ вся дела́, благослови́те, по́йте Го́спода.

Красны́ гро́зды яви́стеся мы́сленнаго виногра́да, блаже́ннии,/ вино́ нам пролива́юще благоче́стия, любо́вию взыва́ющим:/ вся дела́, благослови́те, по́йте Го́спода.

Богоро́дичен: Мы́сленное очисти́лище бысть, всех моли́твы прие́млющи/ и Сы́ну Твоему́, Пречи́стая, вознося́щи во избавле́ние пою́щим:/ вся дела́, благослови́те, по́йте Го́спода.

Песнь 9

Ирмо́с: Безсе́менное Рождество́ Твое́,/ Богоро́дице Чи́стая,/ Христа́ Бо́га на́шего пе́сньми немо́лчными велича́ем.

Преле́стныя полки́ победи́, сла́вне, си́лою духо́вною/ и прия́т вене́ц побе́ды, Феодо́те.

Я́ко ма́сти, чудеса́ дыха́я, всех благоуха́еши, Феодо́те,/ ве́рою и любо́вию тя сла́вящия.

Заре́ю сия́юще чистоты́,/ красны́ показа́стеся добро́тою во страда́нии, доброде́вы.

Мольбу́ седмосве́тлую, честны́я, вже́гше,/ нас наста́вите к незаходи́мому све́ту Христа́ Бо́га.

Богоро́дичен: Па́че вся́кия любве́ Твое́ жела́ние, Пречи́стая, су́щи,/ привлачи́т мя вопи́ти Тебе́ непреста́нно:/ ра́дуйся, Влады́чице.

Ин

Ирмо́с: Е́ва убо неду́гом преслуша́ния кля́тву всели́ла есть,/ Ты же, Де́во Богоро́дице,/ прозябе́нием чревоноше́ния/ мирови благослове́ние процвела́ еси́./ Тем Тя вси велича́ем.

Поже́рше жела́нием са́ми себе́, му́ченицы до́блии,/ ра́дующеся, преда́ша кро́ви усе́рдно,/ и бога́тство неотъе́млемо прия́ша,/ и ны́не му́ченическим причто́стеся ликостоя́нием, всехва́льнии.

Яви́стеся цве́ти мы́сленнии, благоуха́юще, страстоно́сцы, благоче́стие,/ и Боже́ственнаго гра́да гра́ждане, приста́нища су́щим в бу́ри спаси́тельна,/ свети́льницы и́стины и побо́рницы,/ те́мже досто́йно блажи́ми есте́.

С Петро́м и Па́влом му́драго Иракли́я, Павли́на и Венеди́ма,/ вку́пе Андре́я, и Христи́ну, и Диони́сия почти́м,/ кре́пко за Христа́ пострада́вшия и ле́сть потре́бльшия.

Земля́ у́бо кро́ви ва́ша прия́т,/ излия́вшияся, великоимени́тии, за всех Благоде́теля,/ жили́ща же пра́ведных ду́хи,/ с ни́миже лику́юще, помяни́те помина́ющия вас всегда́.

Богоро́дичен: Глас Тебе́, ве́рнии, ра́достно приноша́ем А́нгелов, Богоневе́сто:/ ра́дуйся, Помо́щнице челове́ком,/ му́ченик и апо́стол утвержде́ние и всех проро́ков оглаше́ние,/ Богороди́тельнице Всенепоро́чная.

Святой мученик Феодот и святые мученицы Текуса, Фаина, Клавдия, Матрона, Иулия, Александра и Евфрасия

Святой мученик Феодот жил во второй половине III века в городе Анкире Галатийской области и мученически скончался за Христа в начале IV века.

В городе Анкире он имел свою гостиницу. Благочестивая христианская жизнь помогала ему в достижении духовного совершенства: он соблюдал целомудрие, воспитывал в себе воздержание, покорял плоть духу благодаря посту и молитве. Как истинный служитель Христа, святой Феодот любил своих ближних и старался помочь всем нуждавшимся.

Во время гонений императора Диоклитиана (284–305) на христиан в город Анкиру был назначен известный своей жестокостью правитель Феотекн. Феотекн оповестил всех христиан, что они обязаны принести жертву идолам. В случае же отказа он угрожал им мучениями. Язычники приводили христиан на мучения, а имущество их расхищали. Темницы города были наполнены узниками. Многие христиане бежали в горы и пустыни, но томимые голодом и лишениями некоторые из них сами предавались потом в руки правителя и оканчивали жизнь в страшных мучениях.

В то время мученическую смерть за Христа приняли семь святых дев, из которых старшая, святая Текуса, была теткой святого Феодота. Святые девы – Текуса, Фаина, Клавдия, Матрона, Иулия, Александра и Евфрасия с юных лет посвятили себя Богу, жили в постоянных молитвах, посте, воздержании, добрых делах и все достигли старческого возраста. Приведенные на суд как христианки святые девы мужественно исповедали перед Феотекном свою веру во Христа и были за это преданы истязаниям, но остались непоколебимыми. Тогда правитель приказал им принять участие в языческом празднике «омовения идолов», но святые снова отказались. На озере, где происходило языческое празднество, святые девы были утоплены, приняв мученические венцы от Небесного Жениха – Спасителя.

Во время страданий святых мучениц святой Феодот с некоторыми христианами находился в церкви святых Патриархов и молился Богу о даровании твердости христианкамдевам. Узнав о кончине святых мучениц, святой Феодот с другими христианами взяли тела святых страдалиц со дна озера, ибо поднявшийся ветер отогнал волны от берега, и предали их христианскому погребению.

Получив известие, что тела святых дев вынуты из озера, правитель пришел в ярость и отдал приказание хватать всех христиан без разбора и предавать мучениям. Один из христиан, устрашась мучений, указал на святого Феодота как виновника погребения мучениц.

Приведенный к Феотекну, святой Феодот мужественно исповедал свою веру в Господа Иисуса Христа. Тогда правитель начал убеждать его отречься от христианской веры. «Хотя ты достоин смерти, – говорил он, – но я отпущу тебя и дам тебе еще великие дары и почести, если только отречешься от Иисуса Распятого». На это святой Феодот отвечал ему: «Прежде всего молю, да поможет мне Господь обличить заблуждения ваши и исповедать величие и благость Его». Вслед за этим святой начал объяснять ложность и суету язычества; потом рассказал о сошествии на землю Сына Божия, о жизни Его на земле, о знамениях и чудесах, которые Он творил, о вольной Его смерти для спасения людей.

В ярости язычники предали святого мученика многим истязаниям, сила Божия поддерживала его во все время мученического подвига. После жестоких мучений, которые претерпел святой Феодот, правитель понял, что поколебать мужество христианского мученика невозможно. Тогда он повелел отсечь голову святому страдальцу. Святой Феодот принял смерть за Христа 7 июня 303 или 304 года, а воспоминается его память 18 мая, в день смерти семи святых

Литература:

1. Бахметева А. Н. Жития святых. Май. М., 1899.

2. Настольная книга священнослужителя. Т. 3. М., изд. Московской Патриархии, 1979.

Святые мученики Петр, Дионисий, Андрей, Павел, Христина

Святые мученики Петр, Дионисий, Андрей, Павел, Христина пострадали при императоре Декии (249–251). Первым из них пострадал юноша Петр в городе Лампсаке (Геллеспонтском). Приведенный на суд правителя Опитимина, он бесстрашно исповедал свою веру во Христа. Благочестивого юношу принуждали отречься от Господа и поклониться идолу богини Венеры, но мученик отказался исполнить повеление, заявив во всеуслышание, что христианин не будет кланяться идолу блудной женщины. Святой Петр был подвергнут жестоким истязаниям, но доблестно претерпел муки, благодаря Господа Иисуса Христа, подающего ему Свою всесильную помощь, и был усечен мечом. В то же время были преданы суду Дионисий, Никомах и два воина, приведенные из Месопотамии, а также Андрей и Павел. Все они исповедали свою веру во Христа и отказались принести жертву идолам, за что были преданы истязаниям. К великой скорби всех христиан Никомах не устоял и отрекся от Господа Иисуса Христа, пошел в капище и принес жертву. Тотчас же он подвергся ужасному беснованию и умер в страшных мучениях. Отречение Никомаха слышала стоявшая в толпе 16-летняя девица Христина, которая воскликнула: «Окаянный и погибающий человек! Вот ты из-за одного лишь часа стяжал себе теперь вечную и несказанную муку!» Эти слова услышал правитель. Он повелел схватить святую деву и, узнав от нее, что и она христианка, отдал ее на осквернение блудникам. В дом, куда привели святую, явился Ангел. Устрашенные его грозным видом юноши со слезами стали просить прощения у святой девы и умоляли помолиться за них, чтобы не постигло их наказание Господне.

На следующее утро перед правителем вновь предстали святые Дионисий, Андрей и Павел. За исповедание веры во Христа они были отданы толпе язычников на растерзание. Святых привязали за ноги, повлекли их к месту казни и там побили камнями. Во время казни прибежала святая Христина, чтобы умереть вместе с мучениками, но, по приказу правителя, она была усечена мечом.

Святые мученики Ираклий, Павлин и Венедим

Святые мученики Ираклий, Павлин и Венедим пострадали за Христа в городе Афинах. Там они проповедовали язычникам о Христе и убеждали их оставить поклонение бесчувственным идолам. Избранники Божий были преданы суду вместе со своими учениками, воспринявшими истинную веру. После многих истязаний все они были брошены в разженную печь, в которой и предали свои души Богу.


Вам может быть интересно:

1. Православная Богословская энциклопедия или Богословский энциклопедический словарь. Том I – Аполлос, мученик профессор Александр Павлович Лопухин 162,8K 

2. Беседа о Давиде царе и Павле апостоле. – О покаянии, о разных изречениях Псалтири, относящихся ко Христу, и о том, чтобы мы не отчаивались в своем спасении святитель Иоанн Златоуст 1,4K 

3. Беседы души с Богом блаженный Аврелий Августин 21,4K 

4. Письма священномученик Киприан Карфагенский 22,6K 

5. Письма – 181. Поздравление и наставление в начале иноческого пути преподобный Антоний Оптинский (Путилов) 17,4K 

6. Толкование на Апокалипсис св. Иоанна Богослова – Глава 30 святитель Андрей Кесарийский 2K 

7. Слова и речи – 210. Слово в день Тезоименитства Государя Императора Николая Павловича святитель Филарет Московский (Дроздов) 389,3K 

8. Мои дневники. Выпуск 3 архимандрит Никон (Рождественский) 1,9K 

9. Опыт православного догматического богословия. Том III – Глава II. О Боге-Промыслителе мира святитель Сильвестр (Малеванский) 4,2K 

10. Православная Богословская энциклопедия или Богословский энциклопедический словарь. Том II. Археология - Бюхнер – Бернард Клавдий профессор Александр Павлович Лопухин 74,4K 

Комментарии для сайта Cackle