[глⷡ҇а л҃з] Ѡ҆ пѣ́нїи, ꙗ҆́кѡ не подоба́етъ кромѣ̀ собо́ра ѻ҆со́бнѣ пѣ́ти

Досто́итъ и҆ сїѐ вѣ́дати: занѐ ꙗ҆́коже предреко́хомъ ѡ҆ пѣ́нїи, ꙗ҆́кѡ попреда́нїю ᲂу҆́бѡ, не подоба́етъ и҆мѣ́ти во ѻ҆́бщемъ житїѝ ᲂу҆ста́ва, кромѣ̀ ѻ҆́бщины пѣ́ти ѱалмы̀ ѻ҆со́бнѣ, и҆лѝ и҆́нꙋ слꙋ́жбꙋ, но всѧ̑ посредѝ бы́ти, ра́звѣ а҆́ще что̀ по пра́ведномꙋ сло́вꙋ на по́льзꙋ и҆ сп҃се́нїе дꙋшѝ є҆́сть, по коемꙋ́ждо предписа́хомъ ѡ҆́бразꙋ, и҆ съ настоѧ́щагѡ совѣ́томъ.