Личный кабинет

Начало богослужебного дня в 16:00.

Шестеричный праздник
Знак по Типикону
Славословие
Полиелей
Шестеричный праздник
Укажите храм в Личном кабинете.
Богослужебные указания

Богослужебные указания за 28 января 2026 г. (15 января ст.ст.)

15. Среда. Прпп. Па́вла Фиве́йского и Иоа́нна Ку́щника.

Прп. Варлаа́ма Ке́ретского.

Служба прпп. Па́вла Фиве́йского и Иоа́нна Ку́щника шестеричная, совершается вместе со службой Октоиха.

Примечание. Начиная с 15 января по воскресеньям поется полиелей, до Недели сыропустной включительно (см. Типикон, 21 сентября, 1-е «зри») – кроме Недели о мытаре и фарисее, в которую, по Уставу, поются непорочны (см. Типикон, гл. 49).

В период от отдания Богоявления (с 15 января) до субботы перед Неделей о блудном сыне на седмичной утрене стихословятся три кафизмы, а на вечерне – 18-я[1]. Однако в пятницу, субботу и воскресенье в этот период на утрене полагается две кафизмы.

С 15 января и до отдания праздника Сретения (если на утрене поется великое славословие) – катавасия Сретения: «Су́шу глубороди́тельную зе́млю…».

Кроме того, начиная с этого дня, полагается канон молебный ко Пресвятой Богородице (из Октоиха) на повечерии и на вседневном богослужении междочасия (см. Типикон, 15 января, 2-е «зри»).

На вечерне кафизма 9-я[2].

На «Господи, воззвах» стихиры на 6: прп. Павла, глас 1-й – 3, и прп. Иоанна, глас 2-й – 3. «Слава» – прп. Иоанна, глас тот же: «Отве́ргся ми́ра…», «И ныне» – Крестобогородичен Минеи, глас тот же: «Егда́ Нескве́рная А́гница…».

Примечание. На ряду в Минее помещаются Крестобогородичны, которые поются в среду и пяток, а Богородичны, положенные в другие дни седмицы на «И ныне» при «Славе» Минеи, на ряду не приводятся. Эти Богородичны под заголовком «Богородичны осми́ гласо́в, поемые, егда есть “Слава” святому в Минеи, “И ныне” – по гласу сия» помещаются в Ирмологии и в дополнительной части Миней (в современных изданиях – второе приложение). Именно из этого раздела на вседневном богослужении, к которому относится и шестеричная служба, следует брать Богородичен на «И ныне» после «Славы» Минеи. Богородичные приложения распределены по гласам. В свою очередь, Богородичны каждого гласа распределены по дням седмицы, а среди Богородичнов дня различаются песнопения утрени и вечерни. Такой порядок помогает быстро найти Богородичен нужного гласа для конкретного дня седмицы и для конкретной службы суточного круга в определенный день (само заглавие раздела показывает, что Богородичен должен быть выбран по гласу «Славы»; говорится об этом и в Типиконе, см. гл. 48, Месяцеслов, 2 сентября).

Таким образом, после песнопения Минеи на «Славу», на «И ныне» поется Богородичен из дополнительной части Минеи[3]; если в Минее нет песнопения на «Славу», то поется: «Слава, и ныне» – Богородичен, напечатанный в Минее на ряду. В среду и пятницу на «И ныне» или на «Слава, и ныне» поется Крестобогородичен Минеи, помещенный на ряду.

Входа нет. Прокимен дня.

На стиховне стихиры Октоиха, глас 8-й. «Слава» – прп. Павла, глас 6-й: «Преподо́бне о́тче…», «И ныне» – Крестобогородичен Минеи, глас тот же: «Ви́дящи Тя…».

По Трисвятом – тропарь преподобных, глас 4-й. «Слава, и ныне» – Крестобогородичен по гласу тропаря, от меньших (приложение 4-е)[4]: «Де́во Пренепоро́чная…».

На утрене на «Бог Господь» – тропарь преподобных, глас 4-й (дважды). «Слава, и ныне» – Крестобогородичен по гласу тропаря, от меньших (приложение 4-е): «Де́во Пренепоро́чная…».

Кафизмы 10-я, 11-я и 12-я[5]. Малых ектений нет. Седальны Октоиха. Псалом 50-й.

Каноны: Октоиха 1-й со ирмосом на 6 (ирмосы единожды), прп. Павла на 4 и прп. Иоанна на 4.

Примечание. О пении канонов в среду и пятницу см. Октоих, ч. 2, с. 653.

Библейские песни «Господеви поем…».

Катавасия по 3-й, 6-й, 8-й и 9-й песнях – ирмосы канона Минеи (прп. Иоанна).

По 3-й песни – кондак прп. Павла, глас 3-й; седален прп. Павла, глас 1-й. «Слава» – седален прп. Иоанна, глас 3-й, «И ныне» – Крестобогородичен Минеи, глас тот же.

Примечание. Типикон не упоминает о двух кондаках прп. Иоанна (см. в Минее по 3-й песни). В Минее синодального периода (см.: Минея-Январь. Киев, 1893. Л. 207) эти тексты также отсутствуют.

По 6-й песни – кондак и икос прп. Иоанна, глас 2-й.

На 9-й песни поем «Честнейшую».

По 9-й песни поется «Достойно есть». Ексапостиларий Октоиха. «Слава» – светилен прп. Иоанна, «И ныне» – Крестобогородичен Октоиха.

«Хвалите Господа с Небес…» и хвалитные псалмы.

Примечание. Типикон не упоминает о хвалитных стихирах Минеи. В Минее синодального периода (см.: Минея-Январь. Киев, 1893. Л. 211) эти стихиры также отсутствуют.

Читается вседневное славословие.

На стиховне стихиры Октоиха, глас 8-й. «Слава» – прп. Павла, глас тот же: «Мона́хов мно́жества…», «И ныне» – Крестобогородичен Минеи, глас тот же: «Что зри́мое виде́ние…».

По Трисвятом – тропарь преподобных, глас 4-й. «Слава, и ныне» – Крестобогородичен по гласу тропаря, от меньших (приложение 4-е): «Тя велича́ем, Богоро́дице, вопию́ще: Ты еси гора́…».

На часах – тропарь преподобных. Кондаки прп. Павла и прп. Иоанна читаются попеременно.

На Литургии блаженны прп. Павла, песнь 3-я – 4 (со ирмосом), и прп. Иоанна, песнь 6-я – 4.

На входе – «… во святы́х Ди́вен сый…» (в седмичные и субботние дни).

Примечание. В воскресные дни на входе поется: «…Воскресы́й из ме́ртвых…».

По входе – тропари и кондаки:

В храме Господском – тропарь дня: «Спаси, Господи…», тропарь преподобных; кондак прп. Павла, кондак прп. Иоанна. «Слава» – «Со святыми упокой…», «И ныне» – кондак дня: «Вознесыйся на Крест…».

В храме Богородицы – тропарь дня: «Спаси, Господи…», тропарь храма, тропарь преподобных; кондак дня: «Вознесыйся на Крест…», кондак прп. Павла, кондак прп. Иоанна. «Слава» – «Со святыми упокой…», «И ныне» – кондак храма.

В храме святого – тропарь дня: «Спаси, Господи…», тропарь храма, тропарь преподобных; кондак дня: «Вознесыйся на Крест…», кондак храма, кондак прп. Павла, кондак прп. Иоанна. «Слава» – «Со святыми упокой…», «И ныне» – «Предстательство христиан…».


Общие указания о пении тропарей и кондаков на Литургии в седмичные дни (понедельник – пятница), если случатся святые без праздничного знака или шестеричные, для периода пения Октоиха

А. В храме Господском:

В понедельник, вторник и четверг – тропарь храма, тропарь дня (в четверг – два), тропари рядовых святых – 1 или 2; кондак дня (в четверг – два), кондаки рядовых святых – 1 или 2. «Слава» – «Со святыми упокой…», «И ныне» – кондак храма.

В среду и пятницу – тропарь дня: «Спаси, Господи…», тропари рядовых святых – 1 или 2; кондаки рядовых святых – 1 или 2. «Слава» – «Со святыми упокой…», «И ныне» – кондак дня: «Вознесы́йся на Крест…».

Примечание. В среду и пятницу тропарь и кондак храма Господского не поются, так как заменяются дневными.

Б. В храме Богородицы:

В понедельник, вторник, четверг – тропарь храма, тропарь дня (в четверг – два), тропари рядовых святых – 1 или 2; кондак дня (в четверг – два), кондаки рядовых святых – 1 или 2. «Слава» – «Со святыми упокой…», «И ныне» – кондак храма.

В среду и пятницу – тропарь дня: «Спаси, Господи…», тропарь храма, тропари рядовых святых – 1 или 2; кондак дня: «Вознесы́йся на Крест…», кондаки рядовых святых – 1 или 2. «Слава» – «Со святыми упокой…», «И ныне» – кондак храма.

В. В храме святого:

Во все дни седмицы – тропарь дня (в четверг – два), тропарь храма, тропари рядовых святых – 1 или 2; кондак дня (в четверг – два), кондак храма, кондаки рядовых святых – 1 или 2. «Слава» – «Со святыми упокой…», «И ныне» – «Предстательство христиан…».

Примечание. Если храм Предтечи, то во вторник тропарь и кондак храма не поются, потому что Предтеча прославляется в дневных тропаре и кондаке; если храм апостольский или свт. Николая, то в четверг тропарь и кондак храма также не поются.

Поется Трисвятое.

Прокимен, аллилуиарий и причастен – дня и преподобных.

Апостол и Евангелие – дня и преподобных.

Может произноситься заупокойная ектения.

Примечание. Заупокойная ектения с кадилом на Литургии возможна лишь в том случае, если по входе полагается по Уставу кондак «Со святыми упокой…». В предпразднства, попразднства, воскресные дни, а также в праздники святых со славословием и выше, заупокойной ектении на Литургии не должно быть[6].

Поется «Достойно есть…»[7].

Примечание. О дневных отпустах повествует глава Служебника: «Отпу́сты дневни́и во всю седми́цу, по обы́чаю Святы́я Восто́чныя Це́ркве». Дневные отпусты произносятся, как правило, на вечерне (кроме малой), утрене (если утреня вседневная, то на присоединяемом к ней 1-м часе) и Литургии в те дни, когда не произносятся праздничные отпусты. Во все дни седмицы для дневных отпустов характерно воспоминание, после имени Богородицы, дневной литургической темы Октоиха (в понедельник – Небесных Сил, во вторник – Иоанна Предтечи, в среду и пятницу – Креста, в четверг – свт. Николая, в субботу – мучеников и преподобных), а также поминовение Апостолов (в четверг и субботу – перед дневной темой Октоиха), святого храма, святого дня, местночтимых святых и – перед призыванием всех святых – святы́х пра́ведных Богооте́ц Иоаки́ма и А́нны. Состав отпуста полной Литургии отличается от дневного отпуста вечерни и утрени только[8] дополнительным упоминанием на нем имени составителя Литургии (перед воспоминанием святого храма и святого дня), во всем остальном отпуст полной Литургии по своему составу совпадает с дневным отпустом прочих служб[9].

1 В предпразднство и попразднство Сретения Господня, если случится в этот период, на утрене читаются две кафизмы, а на вечерне – рядовая.

2 В тот период, когда на утрене читаются три кафизмы, на вечерне полагается чтение 18-й кафизмы. В данном случае чтение 9-й кафизмы объясняется переходом от одного периода чтения кафизм к другому: если бы на вечерне была прочитана 18-я кафизма, 9-я была бы пропущена.

3 Богородичны, помещенные во втором приложении Минеи и в Ирмологии, заимствованы из седмичных служб Октоиха соответствующих гласов, причем для вечерни выбраны Богородичны, указанные в Октоихе для вечерних стихир на стиховне (Богородичны стихир на «Господи, воззвах» Октоиха в данные разделы Месячной Минеи и Ирмология не входят).
Существует практика (ср.: Печерская Минея. Киев, 2007. Ч. 1. С. 356–370; Ч. 2. С. 378–392), согласно которой на «Господи, воззвах» вседневной вечерни (кроме среды и пятницы) поется Богородичен по гласу «Славы» из Октоиха, из цикла стихир на «Господи, воззвах» службы соответствующего дня. Такая практика позволяет избежать пения на «Господи, воззвах» Богородична стиховных стихир Октоиха (из приложения Минеи или из Ирмология), а также повторения на вечерне одного и того же Богородична в случае, если славник Минеи на «Господи, воззвах» поется на тот же глас, что и славник стиховных стихир.

4 Эти приложения находятся в дополнительной части всех месячных Миней; приложения 1 и 2 используются при пении стихир, а приложения 3 и 4 – тропарей.

5 В период от отдания Богоявления (с 15 января) до субботы перед Неделей о блудном сыне на седмичной утрене стихословятся три кафизмы, а на вечерне – 18-я. Однако в пятницу, субботу и воскресенье в этот период на утрене полагается две кафизмы. В предпразднство и попразднство Сретения Господня, если случится в этот период, на утрене читаются две кафизмы, а на вечерне – рядовая.

6 Ср.: Афанасий (Сахаров), еп. О поминовении усопших по Уставу Православной Церкви. СПб.: Сатис, 1995. С. 212–213.

7 Далее в «Богослужебных указаниях» о входном песнопении, Трисвятом, заупокойной ектении и «Достойно есть…» не упоминается, кроме особых случаев. Особенности пения тропарей и кондаков по входе (в седмичные дни при совершении службы Октоиха) в храме Предтечи во вторник и в храме апостолов или свт. Николая в четверг также не оговариваются.

8 «Во святе́й Литурги́и отпу́ст то́йже, я́коже и на у́трени: воспомина́ет же и свята́го, его́же быва́ет Литурги́я, Златоу́стаго, или́ Васи́лия Вели́каго… А во всю седми́цу на святе́й Литурги́и быва́ют отпу́сты, я́коже предписа́ся на вече́рни и на у́трени по днем: то́чию прилага́ется и свята́го и́мя, его́же есть Литурги́я…» (Служебник, «Отпу́сты дневни́и во всю седми́цу, по обы́чаю Святы́я Восто́чныя Це́ркве»).

9 Подробнее об отпустах см.: Ванюков С., прот. О богослужебных отпустах // Богослужебные указания на 2023 год. М., 2022. С. 990–1009; Богослужебные указания на 2018 год. М., 2017. С. 959–978; Ванюков С. А. Богослужебные отпусты // Богослужебные указания на 2005 год. М., 2004. С. 641–657.

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью.

Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода.

Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 9

Псалом 64

Тебе́ подоба́ет песнь, Бо́же, в Сио́не, и Тебе́ возда́стся моли́тва во Иерусали́ме. Услы́ши моли́тву мою́, к Тебе́ вся́ка плоть прии́дет. Словеса́ беззако́нник премого́ша нас, и нече́стия на́ша Ты очи́стиши. Блаже́н, eго́же избра́л еси́ и прия́л, всели́тся во дво́рех Твои́х. Испо́лнимся во благи́х до́му Твоего́, свят храм Твой, ди́вен в пра́вде. Услы́ши ны, Бо́же, Спаси́телю наш, упова́ние всех конце́й земли́, и су́щих в мо́ри дале́че, уготовля́яй го́ры кре́постию Свое́ю, препоя́сан си́лою, смуща́яй глубину́ морску́ю, шу́му волн eго́ кто постои́т? Смяту́тся язы́цы, и убоя́тся живу́щии в конца́х от зна́мений Твои́х, исхо́ды у́тра и ве́чера украси́ши. Посети́л еси́ зе́млю и упои́л еси́ ю́, умно́жил еси́ обогати́ти ю́. Река́ Бо́жия напо́лнися вод. Угото́вал еси́ пи́щу им, я́ко та́ко [есть] угото́вание. Бразды́ ея́ упо́й, умно́жи жи́та ея́, в ка́плях ея́ возвесели́тся возсия́ющи. Благослови́ши вене́ц ле́та бла́гости Твоея́, и поля́ Твоя́ испо́лнятся ту́ка, разботе́ют кра́сная пусты́ни, и ра́достию хо́лми препоя́шутся. Оде́яшася о́вни о́вчии, и удо́лия умно́жат пшени́цу, воззову́т, и́бо воспою́т.

Псалом 65

Воскли́кните Го́сподеви, вся земля́, по́йте же и́мени Его́, дади́те сла́ву хвале́ Его́. Рцы́те Бо́гу: коль стра́шна дела́ Твоя́, во мно́жестве си́лы Твоея́ со́лжут Тебе́ врази́ Твои́. Вся земля́ да покло́нится Тебе́ и пое́т Тебе́, да пое́т же и́мени Твоему́, Вы́шний. Прииди́те и ви́дите дела́ Бо́жия, коль стра́шен в сове́тех па́че сыно́в челове́ческих. Обраща́яй мо́ре в су́шу, в реце́ про́йдут нога́ми, та́мо возвесели́мся о Нем, влады́чествующем си́лою Свое́ю ве́ком. О́чи Его́ на язы́ки призира́ете, преогорчева́ющии да не возно́сятся в себе́. Благослови́те, язы́цы, Бо́га на́шего и услы́шан сотвори́те глас хвалы́ Его́, поло́жшаго ду́шу мою́ в живо́т и не да́вшаго во смяте́ние ног мои́х. Я́ко искуси́л ны еси́, Бо́же, разже́гл ны еси́, я́коже разжиза́ется сребро́. Ввел ны еси́ в сеть, положи́л еси́ ско́рби на хребте́ на́шем. Возве́л еси́ челове́ки на главы́ на́ша, проидо́хом сквозе́ огнь и во́ду, и изве́л еси́ ны в поко́й. Вни́ду в дом Твой со всесожже́нием, возда́м Тебе́ моли́твы моя́, я́же изреко́сте устне́ мои́, и глаго́лаша уста́ моя́ в ско́рби мое́й, всесожже́ния ту́чна вознесу́ Тебе́ с кади́лом, и овны́, вознесу́ Тебе́ волы́ с козлы́. Прииди́те, услы́шите, и пове́м вам, вси боя́щиися Бо́га, ели́ка сотвори́ души́ мое́й. К Нему́ усты́ мои́ми воззва́х и вознесо́х под язы́ком мои́м. Непра́вду а́ще узре́х в се́рдце мое́м, да не услы́шит мене́ Госпо́дь. Сего́ ра́ди услы́ша мя Бог, внят гла́су моле́ния моего́. Благослове́н Бог, и́же не отста́ви моли́тву мою́ и ми́лость Свою́ от мене́.

Псалом 66

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Позна́ти на земли́ путь Твой, во всех язы́цех спасе́ние Твое́. Да испове́дятся Тебе́ лю́дие, Бо́же, да испове́дятся Тебе́ лю́дие вси. Да возвеселя́тся и да возра́дуются язы́цы, я́ко су́диши лю́дем правото́ю и язы́ки на земли́ наста́виши. Да испове́дятся Тебе́ лю́дие, Бо́же, да испове́дятся Тебе́ лю́дие вси. Земля́ даде́ плод свой, благослови́ ны, Бо́же, Бо́же наш, благослови́ ны, Бо́же, и да убоя́тся Его́ вси концы́ земли́.

Чтец: Сла́ва Отцу́ и Сы́ну и Свято́му Ду́ху.

Лик: И ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Лик: Го́споди, поми́луй. (Трижды)

Лик: Сла́ва Отцу́ и Сы́ну и Свято́му Ду́ху.

Чтец: И ны́не и при́сно, и во ве́ки веко́в. Ами́нь.

Псалом 67

Да воскре́снет Бог, и расточа́тся врази́ Егó, и да бежа́т от лица́ Его́ ненави́дящии Его́. Я́ко исчеза́ет дым, да исче́знут, я́ко та́ет воск от лица́ огня́, та́ко да поги́бнут гре́шницы от лица́ Бо́жия, а пра́ведницы да возвеселя́тся, да возра́дуются пред Бо́гом, да насладя́тся в весе́лии. Воспо́йте Бо́гу, по́йте и́мени Его́, путесотвори́те возше́дшему на за́пады. Госпо́дь и́мя Ему́, и ра́дуйтеся пред Ним. Да смяту́тся от лица́ Его́, отца́ си́рых и судии́ вдови́ц: Бог в ме́сте святе́м Свое́м. Бог вселя́ет единомы́сленныя в дом, изводя́ окова́нныя му́жеством, та́кожде преогорчева́ющыя живу́щыя во гробе́х. Бо́же, внегда́ исходи́ти Тебе́ пред людьми́ Твои́ми, внегда́ мимоходи́ти Тебе́ в пусты́ни, земля́ потрясе́ся, и́бо небеса́ ка́нуша от лица́ Бо́га Сина́ина, от лица́ Бо́га Изра́илева. Дождь во́лен отлучи́ши, Бо́же, достоя́нию Твоему́ и изнемо́же, Ты же соверши́л еси́ е́. Живо́тная Твоя́ живу́т на ней, угото́вал еси́ бла́гостию Твое́ю ни́щему, Бо́же. Госпо́дь даст глаго́л благовеству́ющым си́лою мно́гою. Царь Сил Возлю́бленнаго, красото́ю до́му раздели́ти коры́сти. А́ще поспите́ посреде́ преде́л, криле́ голуби́не посре́брене, и междора́мия ея́ в блеща́нии зла́та. Внегда́ ра́знствит Небе́сный цари́ на ней, оснежа́тся в Селмо́не. Гора́ Бо́жия, гора́ ту́чная, гора́ усыре́нная, гора́ ту́чная. Вску́ю непщу́ете го́ры усыре́нныя? Гора́, ю́же благоволи́ Бог жи́ти в ней, и́бо Госпо́дь всели́тся до конца́. Колесни́ца Бо́жия тма́ми тем, ты́сяща гобзу́ющих, Госпо́дь в них в Сина́и во святе́м. Возше́л еси́ на высоту́, плени́л еси́ плен, прия́л еси́ дая́ния в челове́цех, и́бо не покаря́ющыяся, е́же всели́тися. Госпо́дь Бог благослове́н, благослове́н Госпо́дь день дне, поспеши́т нам Бог спасе́ний на́ших. Бог наш, Бог е́же спаса́ти, и Госпо́дня, Госпо́дня исхо́дища сме́ртная. Оба́че Бог сокруши́т главы́ враго́в Свои́х, верх влас преходя́щих в прегреше́ниих свои́х. Рече́ Госпо́дь: от Васа́на обращу́, обращу́ во глубина́х морски́х. Я́ко да омо́чится нога́ Твоя́ в кро́ви, язы́к пес твои́х, от враг от него́. Ви́дена бы́ша ше́ствия Твоя́, Бо́же, ше́ствия Бо́га моего́ Царя́, и́же во святе́м, предвари́ша кня́зи близ пою́щих, посреде́ дев тимпа́нниц. В це́рквах благослови́те Бо́га, Го́спода от исто́чник Изра́илевых. Та́мо Вениами́н юне́йший во у́жасе, кня́зи Иу́довы влады́ки их, кня́зи Завуло́ни, кня́зи Неффали́мли. Запове́ждь, Бо́же, си́лою Твое́ю, укрепи́, Бо́же, сие́, е́же соде́лал еси́ в нас. От хра́ма Твоего́ во Иерусали́м Тебе́ принесу́т ца́рие да́ры. Запрети́ звере́м тро́стным, сонм юне́ц в ю́ницах людски́х, е́же затвори́ти искуше́нныя сребро́м, расточи́ язы́ки хотя́щыя бра́нем. Прии́дут моли́твенницы от Еги́пта, Ефио́пиа предвари́т ру́ку свою́ к Бо́гу. Ца́рства земна́я, по́йте Бо́гу, воспо́йте Го́сподеви, возше́дшему на Не́бо небесе́ на восто́ки, се даст гла́су Своему́ глас си́лы. Дади́те сла́ву Бо́гови, на Изра́или велеле́пота Его́, и си́ла Его́ на о́блацех. Ди́вен Бог во святы́х Свои́х, Бог Изра́илев: Той даст си́лу и держа́ву лю́дем Свои́м, благослове́н Бог.

Чтец: Сла́ва Отцу́ и Сы́ну и Свято́му Ду́ху.

Лик: И ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Лик: Го́споди, поми́луй. (Трижды)

Лик: Сла́ва Отцу́ и Сы́ну и Свято́му Ду́ху.

Чтец: И ны́не и при́сно, и во ве́ки веко́в. Ами́нь.

Псалом 68

Спаси́, мя, Бо́же, я́ко внидо́ша во́ды до души́ моея́. Углебо́х в тиме́нии глубины́, и несть постоя́ния. Приидо́х во глубины́ морски́я, и бу́ря потопи́ мя. Утруди́хся зовы́й, измолче́ горта́нь мой, исчезо́сте о́чи мои́, от е́же упова́ти ми на Бо́га моего́. Умно́жишася па́че влас главы́ моея́ ненави́дящии мя ту́не, укрепи́шася врази́ мои́, изгоня́щии мя непра́ведно: я́же не восхища́х, тогда́ воздая́х. Бо́же, Ты уве́дел еси́ безу́мие мое́, и прегреше́ния моя́ от Тебе́ не утаи́шася. Да не постыдя́тся о мне терпя́щии Тебе́, Го́споди, Го́споди Сил, ниже́ да посра́мятся о мне и́щущии Тебе́, Бо́же Изра́илев. Я́ко Тебе́ ра́ди претерпе́х поноше́ние, покры́ срамота́ лице́ мое́. Чуждь бых бра́тии мое́й, и стра́нен сыново́м ма́тepe моея́. Я́ко ре́вность до́му Твоего́ снеде́ мя, и поноше́ния понося́щих Ти нападо́ша на мя. И покры́х посто́м ду́шу мою́, и бысть в поноше́ние мне, и положи́х одея́ние мое́ вре́тище, и бых им в при́тчу. О мне глумля́хуся седя́щии во врате́х, и о мне поя́ху пию́щии вино́. Аз же моли́твою мое́ю к Тебе́, Бо́же, вре́мя благоволе́ния, Бо́же, во мно́жестве ми́лости Твоея́ услы́ши мя, во и́стине спасе́ния Твоего́. Спаси́ мя от бре́ния, да не угле́бну, да изба́влюся от ненави́дящих мя и от глубо́ких вод. Да не потопи́т мене́ бу́ря водна́я, ниже́ да пожре́т мене́ глубина́, ниже́ сведе́т о мне рове́нник уст свои́х. Услы́ши мя, Го́споди, я́ко бла́га ми́лость Твоя́, по мно́жеству щедро́т Твои́х при́зри на мя. Не отврати́ лица́ Твоего́ от о́трока Твоего́, я́ко скорблю́, ско́ро услы́ши мя. Вонми́ души́ мое́й, и изба́ви ю́, враг мои́х ра́ди изба́ви мя. Ты бо ве́си поноше́ние мое́ и студ мой, и срамоту́ мою́: пред Тобо́ю вси оскорбля́ющии мя. Поноше́ние ча́яше душа́ моя́, и страсть и ждах соскорбя́щаго, и не бе́, и утеша́ющих, и не обрето́х. И да́ша в снедь мою́ желчь, и в жа́жду мою́ напои́ша мя о́цта. Да бу́дет трапе́за их пред ни́ми в сеть, и в воздая́ние, и в собла́зн. Да помрача́тся о́чи их, е́же не ви́дети, и хребе́т их вы́ну сляцы́. Проле́й на ня гнев Твой, и я́рость гне́ва Твоего́ да пости́гнет их. Да бу́дет двор их пуст, и в жили́щах их да не бу́дет живы́й. Зане́ eго́же Ты порази́л еси́, ти́и погна́ша, и к боле́зни язв мои́х приложи́ша. Приложи́ беззако́ние к беззако́нию их, и да не вни́дут в пра́вду Твою́. Да потребя́тся от кни́ги живы́х и с пра́ведными да не напи́шутся. Нищ и боля́й есмь аз: спасе́ние Твое́, Бо́же, да прии́мет мя. Восхвалю́ и́мя Бо́га моего́ с пе́снию, возвели́чу Его́ во хвале́нии: и уго́дно бу́дет Бо́гу па́че тельца́ ю́на, ро́ги износя́ща и па́знокти. Да у́зрят ни́щии и возвеселя́тся: взыщи́те Бо́га, и жива́ будет душа́ ва́ша. Я́ко услы́ша убо́гия Госпо́дь и окова́нныя Своя́ не уничижи́. Да восхва́лят Его́ небеса́ и земля́, мо́ре и вся живу́щая в нем. Я́ко Бог спасе́т Сио́на, и сози́ждутся гра́ди Иуде́йстии, и вселя́тся та́мо, и насле́дят и́, и се́мя рабо́в Твои́х удержи́т и́, и лю́бящии и́мя Твое́ вселя́тся в нем.

Псалом 69

Бо́же, в по́мощь мою́ вонми́, Го́споди, помощи́ ми потщи́ся. Да постыдя́тся и посра́мятся и́щущии ду́шу мою́, да возвратя́тся вспять и постыдя́тся хотя́щии ми зла́я. Да возвратя́тся а́бие стыдя́щеся глаго́лющии ми: бла́гоже, бла́гоже. Да возра́дуются и возвеселя́тся о Тебе́ вси и́щущии Тебе́, Бо́же, и да глаго́лют вы́ну, да возвели́чится Госпо́дь, лю́бящии спасе́ние Твое́: аз же нищ есмь и убо́г, Бо́же, помози́ ми: Помо́щник мой и Изба́витель мой еси́ Ты, Го́споди, не закосни́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Канонарх: Глас пе́рвый. Го́споди, воззва́х к Тебе́, услы́ши мя.

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: един есмь аз, дондеже прейду.
Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ни́м моле́ние мое́, печа́ль мою́ пред Ни́м возвещу́. Внегда́ исчеза́ти от мене́ ду́ху моему́ и Ты́ позна́л еси́ стези́ моя́: на пути́ се́м, по нему́же хожда́х, скры́ша се́ть мне́. Смотря́х одесну́ю и возгля́дах, и не бе́ зна́яй мене́: поги́бе бе́гство от мене́, и не́сть взыска́яй ду́шу мою́. Воззва́х к Тебе́ Го́споди, ре́х: Ты́ еси́ упова́ние мое́, ча́сть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя́ от гоня́щих мя́, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Сти́х: Да бу́дут у́ши Твои́ / вне́млюще гла́су моле́ния моего́.

Канонарх: На 6, cти́х: А́ще беззако́ния на́зриши, Го́споди, Го́споди, кто постои́т.

Лик: Я́ко у Тебе́ очище́ние есть.

Глас 1: Нача́ло доброде́тельныя яви́лся еси́ Небохо́дныя я́ве стези́,/ треблаже́нне Па́вле, жи́тельства ми́рови./ И́бо восхожде́ния духо́вная положи́л еси́ до́бре в души́ твое́й,/ и́миже кра́ю прикосну́лся еси́ доброде́телей/ воздержа́нием и боле́зньми мно́гими.

Канонарх: Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́.

Лик: упова́ душа́ моя́ на Го́спода.

Глас 1: К Боже́ственному жела́нию, блаже́нне, впери́в ум,/ возше́л еси́ к Го́рним пусты́ни,/ я́коже во мрак, прибли́жился еси́,/ в не́мже Бо́жиим просвети́лся еси́ ра́зумом све́тло/ и на скрижа́ли души́ твоея́/ доброде́телей пома́зался еси́ све́тлостию.

Канонарх: На 4, cти́х: От стра́жи у́тренния до но́щи, от стра́жи у́тренния.

Лик: да упова́ет Изра́иль на Го́спода.

Глас 1: Процвете́ пусты́ня цве́ты доброде́телей твои́х кра́сная,/ страсте́й бо погуби́л еси́ те́рния в ней,/ насади́л еси́ боле́зни благосла́вныя/ Боже́ственных твои́х дея́ний./ Те́мже, я́ко крин, от Бо́га/ ны́не благоуха́ние жития́ твоего́ благоуха́еши нам.

Канонарх: Глас вторы́й. Сти́х: Я́ко у Го́спода ми́лость, и мно́гое у Него́ избавле́ние.

Лик: и То́й изба́вит Изра́иля от все́х беззако́ний его́.

Глас 2: Егда́ манове́нием Боже́ственным/ мирски́я красоты́, ра́дуяся, о́тче, избе́гл еси́,/ тогда́ предпоче́л еси́ па́че простра́ннаго пути́/ те́сный, и боле́зненный, и зело́ жесто́кий./ Те́мже попече́ние душ прия́л еси́,/ в Боже́ственный оде́явся о́браз/ отбеже́нием и нагото́ю всех сласте́й, Богоблаже́нне.

Канонарх: На 2, cти́х: Хвали́те Го́спода вси́ язы́цы.

Лик: похвали́те Его́ вси́ лю́дие.

Глас 2: Стра́нную поразуме́л еси́ жизнь,/ стра́нно начина́ние,/ любо́вию Христо́вою уя́звлен,/ Его́же неизрече́нную нищету́ возлюби́л еси́,/ и пред враты́ твои́х роди́телей,/ бездо́мен, о́тче, претерпе́л еси́,/ утесня́емый и оскорбля́емый./ Те́мже дарова́ний испо́лнился еси́/ и неотъе́млемое бога́тство, е́же на Небесе́х, насле́довал еси́.

Канонарх: Сти́х: Я́ко утверди́ся ми́лость Его́ на на́с.

Лик: и и́стина Госпо́дня пребыва́ет во ве́к.

Глас 2: Нося́ в рука́х свяще́нное, о́тче, Ева́нгелие,/ сего́ испо́лнитель был еси́,/ име́ния роди́телей отве́ргся, Иоа́нне,/ и слеза́ми и тесното́ю все соверши́л еси́ твое́ житие́, преподо́бне,/ те́мже утеше́ния Боже́ственнаго, и непреста́ннаго весе́лия/ ны́не наслажда́ешися, преблаже́нне.

Канонарх: Слава, глас вторы́й.

Лик: Сла́ва Отцу́, и Сы́ну, и Свято́му Ду́ху.

Глас 2: Отве́ргся ми́ра и су́щих в ми́ре, преподо́бне,/ Ева́нгелие взем, ева́нгельски Христу́ после́довал еси́/ и, в ку́ще живы́й, я́ко в раи́, та́йно,/ коне́чным жестокожи́тием пло́ти/ человекоуби́йцу зми́я удави́л еси́./ Те́мже на Небесе́х водворя́яся, Иоа́нне блаже́нне,/ испроси́ нам ве́лию ми́лость.

Канонарх: И ныне, глас то́йже.

Лик: И ны́не, и при́сно, и во ве́ки веко́в. Ами́нь.

Крестобогородичен, глас 2: Егда́ нескве́рная А́гница/ ви́де Своего́ А́гнца,/ на заколе́ние я́ко Челове́ка во́лею влеко́ма,/ пла́чущи, глаго́лаше:/ безча́дствовати Мя ны́не тщи́шися, Христе́, ро́ждшую Тя./ Что сие́ сотвори́л еси́, Изба́вителю вся́ческих?/ Оба́че воспева́ю и сла́влю/ Твою́, ю́же па́че ума́ и сло́ва, кра́йнюю бла́гость, Человеколю́бче.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

Во вторник вечера, глас 1:

Диакон: Прему́дрость. Во́нмем. Проки́мен, глас 1.

Ми́лость Твоя́, Го́споди, / пожене́т мя вся дни живота́ моего́.

Лик: Ми́лость Твоя́, Го́споди, / пожене́т мя вся дни живота́ моего́.

Диакон: Госпо́дь пасе́т мя, и ничто́же мя лиши́т, на ме́сте зла́чне, та́мо всели́ мя.

Лик: Ми́лость Твоя́, Го́споди, / пожене́т мя вся дни живота́ моего́.

Диакон: Ми́лость Твоя́, Го́споди

Лик: пожене́т мя вся дни живота́ моего́.

Молитва при наступлении вечера

Чтец: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и Человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Канонарх: Глас осьмы́й. Вознесы́йся на Кре́ст, Христе́ Бо́же.

Лик: Глас 8: Вознесы́йся на Кре́ст, Христе́ Бо́же, / и спа́сл еси́ челове́ческий ро́д: сла́вим страда́ния Твоя́.

Канонарх: Стих: К Тебе́ возведо́х о́чи мои́ живу́щему на небеси́, се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему.

Лик: до́ндеже уще́дрит ны́.

Глас 8: Пригвозди́лся еси́ на Кресте́, Христе́ Бо́же, и отве́рзл еси́ ра́йския две́ри: сла́вим Божество́ Твое́.

Канонарх: Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих.

Лик: и уничиже́ния го́рдых.

Глас 8: Му́ченицы Твои́, Го́споди, забы́ша жите́йская, небре́гше о муче́ниих, бу́дущия ра́ди жи́зни, тоя́ насле́дницы яви́шася: те́мже и со а́нгелы ра́дуются. Те́х моли́твами да́руй лю́дем Твои́м ве́лию ми́лость.

Канонарх: Слава, глас шесты́й.

Лик: Сла́ва Отцу́, и Сы́ну, и Свято́му Ду́ху.

Глас 6: Преподо́бне о́тче,/ во всю зе́млю изы́де веща́ние исправле́ний тво́их,/ тем на Небесе́х обре́л еси́ мзду трудо́в твои́х:/ де́монския погуби́л еси́ полки́/ и А́нгельския дости́гл еси́ чи́ны,/ и́хже житию́ непоро́чно поревнова́л еси́./ Дерзнове́ние име́я ко Христу́ Бо́гу,/ мир испроси́ душа́м на́шим.

Канонарх: И ныне, глас то́йже.

Лик: И ны́не, и при́сно, и во ве́ки веко́в. Ами́нь.

Крестобогородичен, глас 6: Видя́щи Тя распина́ема, Христе́,/ Тебе́ Ро́ждшая вопия́ше:/ что стра́нное, е́же ви́жду, та́инство,/ Сы́не Мой?/ Ка́ко на Дре́ве умира́еши, пло́тию пове́шен,/ жи́зни Пода́телю?

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 4: Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Крестобогородичен, глас 4: Де́во Пренепоро́чная, Ма́ти Христа́ Бо́га, / ору́жие про́йде Твою́ пресвяту́ю ду́шу, / егда́ распина́ема ви́дела еси́ во́лею Сы́на и Бо́га Твоего́, / Его́же, Благослове́нная, моля́щи не преста́й / проще́ние прегреше́ний нам дарова́ти.

Сугубая ектения

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй (трижды).

Диакон: Еще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй (трижды).

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй (трижды).

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй (трижды).

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй (трижды).

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй (трижды).

И священник возглашает: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Диакон: Прему́дрость.

Лик: Благослови́.

Священник: Сый благослове́н Христо́с Бог наш, всегда́, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, си́лою Честна́го и Животворя́щаго Креста́, святы́х сла́вных и всехва́льных Апо́стол, Престольный праздник, прп. Павла Фивейскаго, прп. Иоа́нна Кущника, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.