Приложение 2. 1387 г. Грамота Суздальского архиепископа Дионисия Псковскому Снетогорскому монастырю о соблюдении правил иноческого общежития¹⁰².

Из синодального сбориника XVI века № 562, л.404об. – 407. По той же самой рукописи грамота эта издана в Актах исторических, т.1, № 5. О времени написания известие в первой Новгородской летописи под 1382 г.

Богу споспешающу и слово утверждающу, Слова ради, и Святым Духом свершающу, якоже заповеда всесвятый патриарх вселенскый, пекийся душами человесьскыми, учити, и наказати, и управити, по божественным заповедем еуангельскым, добре живущаа укрепиляти и благословити, съвратившаяжеся взъвратити на путь правый, сиречь, на добродетельное житие, еже уставиша святии и богоноснии Отци общее житие, по Великому Пахомию, еже ангел Божий, и по великому Василию, еже два чина вписа мнишьскаго жития, пустынный и общее житие, еже похвали паче пустыннаго, и святый Ефрем тако пишет, и Святый Иоанъ, божественныя Лествица списатель, наипаче утверди и украси различно премудростными наказании. Пришедщю же ми посланием всесвятаго патриарха вселеньскаго в богохранимый град Пьсков о исправлении отлучьшихся съборныя апостольскыя Христовы церкви, и на утверждение священником и честным монастырем и всем христоименитым людем, и слышахом о честном монастыри Пресвятыя Богородица, еже именуется Снетая Гора, общеживущим, и взърадовахся, и възвеселихся по премногу, съ тщанием идох, и видих, и благослових от вселеньскаго патриарха, и обретох я не исправляющася с всемъ божественаго писаниа и богоносных Отец уставы, ово творящя, ово же оставляюща, о божественном общем житии, и о свершении мнишескаго устава и о высоте безстрастия. Умолен бых от преподобнаго игумена, ту суща яже о Христе братии, направити съвратившаяся и наказати ненаказанныя, аз Дионисий, архиепископ суждалскый, по повелению всесвятаго патриарха вселенскаго, възрев в Номоканон, во правила святых Отец, яже о божественном общем житии, поновихъ и уставихъ препушенаа небрежением, въ обиду святых Отец уставы, якоже рече правило еже в 5 – м¹⁰³ сборе: «мнихом ничтоже подобает своего имети, но все свое предати монастырю въ власть». Рече [бо] богогласный Лука о веровавших Христу и мнишеское житие исправивших, яко ниедин кто что от своего глаголаше его быти, но беша вем обща. Темже, хотящим мнишествовати, дати сущаа и приимати потребы; по пострижении же впадающим к нему всемъ монастырю имети власть, ни о чемже своем пещися или рядити сим попущается.

Аще кто купит стяжание кое, еже непричастно монастыреви свое творя, си убо игуменом, или епископом да восприимутся, и многим дерзновением продаемо, и убогим и немощным и клосным да раздается. Таковое стяжание, по некогда Ананьи, украсти поучившася, приносимом запрещением повеле святый сбор уцеломудрити». Аще часть сребра уемъ от своих, не всего у ног апостольскых положив, умре: что подобает рещи о тех, иже не всего собе приносяще Богови, но часть убо приносяще Богу, часть же своим похотем работающа, ихже обрящет большее томление, якоже ильну сущу Богу душу и тело и погубити? Иже в мнишескый святый образ одеяннии, в монастырех сущим, и ни словом леть рещи: «се твое, а се мое», или «сего и оного»; ибо 5000 суще простьци, и вся обща имяху, никтоже свое ему что быти веща; боле паче в общем житии, в монастыри, не нарицати: «се мое». Кде же суть от плевел сеющаго диавола взрастьша в общем житии глаголемая отарица, не достоит нарицати общим, но разбойник седалища и священнокрадения и всея злобы неприязнены зделницы. Сего бо ради наречется обьщее житие, да все обще имуть, и ниединому имети диаволска начинания и своя попечениа, пакостнаа и безумнаа, яко иже во святых Василий глаголет, яко «имеяй во монастыри свое что в келлии, велико или мало, чюжего себе Божия церкви створи, и Господня любве тако же чюдж есть». Полезнее убо есть съ малыми разумными жити, неже с многими безчинными, преобидяща заповеди Господня. Ныне же впадшаа в сия великаа съгрешения, прежде реченаа правила святых Отец преступльшаго неведением, аще начнут каятися достойно и обещаются в таже великаа съгрешениа не впадати, азъ смиренный архиеписком Дионисий суждальский, с благословением всесвятаго патриарха прощаю. Отселе, по повелению всесвятаго патриарха вселеньскаго, в честнем сем монастыри святыя Богородица на Снетой Горе уставихом ти в монастыри сем честнем ничтоже своего ни игумену, ни братии, но все отдати Богу и Святей Богородици в монастырь, ни ести в келии, ни пити, ни у келаря просити; а келарю не дати, ни клучнику не дати никомуже ничегоже без игуменова слова; ести же и пити в трапезе вкупе всем; опрочь же трапезе ни ясти, ни пити никакоже, ни до обеда, ни по обедехъ, а до пияна никакоже пити. А одеяние имати у игумена, а лишнихъ одежд не держати. А в церкви по правилу и по уставу святых Отец да поют. А на службу, идеже аще послет мниха, без ослушания да идет; а без благословенна игуменя никакоже не ходит никуды. Послушание же и покорение имети въ всем игумену: аще кто въпреки начнет глаголати и въздвигати свары, заперт таковый да будет в темници, дóндеже покается; а непокориваго мниха, по первом и вторем и третиемъ наказании, выженут его из манастыря, да не вдадут ему от внесенаго в монастырь ничтоже.

Се же от многа мало писахом вам, а прочее же обрящете в книгах святаго великаго Василия Кесарийскаго, и святаго Ефрема, и святаго Ивана Лествичника, и Святаго Феодора Студийскаго, и прочих святых Отец, о послушании, и о смирении, и о прочих добродетелех, яже свершивше, милость Божию получите и святая Богородица, и благословение всесвятаго патриарха вселенскаго, и она будущаа благаа, яже уготова Бог любящим его.

Приде же в слухи наша и се, яко ктитор сего честнаго монастыря, рекше создатель, создав сий монастырь и братью совокупивъ, и устав введе святых Отец общее житие, яже многим наказанием известивъ, пребывающим в монастыри семъ, и всем христоименитым людем на пользу и похвалу, пребывающим во граде Пьскове: се азъ, поновляя, пишю на утверждение сей грамоте, яко кто дерзнет помышлити благое се уставление превратити лукавым обычаем, будет под тягостию отлучения пресвятаго патриарха вселеньскаго.

Соображения о лице патриарха (Нила), которому принадлежит послание, и русскаго игумена (Преп. Сергия Радонежского), к которому оно адресовано, см. в Православн. Собеседн. 1860 г. ч.1, стр. 448 и след.

[Стоит рядом с Грамотою митрополита Киприана к преподобному Сергию Радонежскому и Феодору, игумену Симоновскому, с жалобами на великого князя Дмитрия Ивановича и с обличением незаконных притязаний архимандрита Митяя на Московскую митрополию в двух Кормчих XV века: бывшей Соловецкой, ныне Казан.духовн.акад., № 858, лл.525–536, и чудовской №148, лл.264об. – 269. ]

Послание вселеньскаго патриарха: слово к честному мниху честьнаго монастыря, о Святем Дусе возлюбленному сыну нашего смирения.

По долгу еже восприяхом от Бога судбами, ими же весть Бог, долъжно ищется от нас всем повелевати и наказати, и вздвигати всех вкупе мирян же и иноких, на Божия заповеди. Понеже убо честный правохранитель, о Святем Дусе возлюбленный сын нашего смиренна диакон Георгий вознесе нашему смирению о дружине и о совокуплении Богом, реше иночьскаго жития, еже еси съставил меж сицевыми мужи, идеже и самого того образа пременити удобь не может, но равен мирским людем является образом и вещьми, за невегласие земля тоя и дикое, яко по всему мне мнится, твоея добрыя благостыня есть исправление. Сего ради пишет и отечески наказает смирение наше ко твоему благочестию и к церньцем, яже о тебе суть. Преже убо како, малыя ради сласти, Божия Славы отриновени быхом, яко не съхранихом его заповедий, онамо убо оземьствовани быхом, преслушаниа ради ветхаго оного Адама; зде же новым адамом, Христосом и Богом, славы оноя и рая получихом. Сего ради велие и благое воздержание и терпение: идеже бо воздержание и пост, удобь совершаеться послушания великая вещь; идеже отсечение хотения своего, ту сладость места не имать, ни брашен различие; увяне бо послушания ради, се же рекше, «послушание раждает смирение», яко глаголет сия Иоан, Синайскыя горы наставник. Сему убо бывшу благому дару души, прежде даже не начнет друченаго течения и болезни и труды иноческаго облещися борения, достиже яко воистину безбурное пристанище, еже есть в самого того мира мысли. Сему же свершившуся, о отци и братия, едииение чювствъ прилагается, повинующея владеющему духу, души рекше и тела, в нихже и тайно служити Богу, идеже и Бозе человек в сердцы своем имея цветящуся любве съуза, иже человека богом съделает. Темже убо не точию о послушании и о воздержании, или о посте и неспаньи, яже суть сьсуды, рекше снасть, добродетелий, потщатися подобает, но и отца своего и наставника игумена слушати, яко пастуха и учителя, яко самого рекше Христа, ейже, и того единения съуза и законного исплънения, рекше любви, понеже бес тоя спастися не можем. Пастух бо и учитель поднимает бремяна послушливых, егда ученицы добре покаряются; яко бо за себе, тако и за ученики слово въздаст; аще ли ни, кождо понесет свой дълг. Послушание бо есть, братия, всяко отсечение своего хотения, укреплену точию в наставников мановение, немятежно творяще, еже от Бога повелени суть, деяние и хотение, якоже и Господь до распятия и смерти послушал своего Отца, якоже глаголет: «не приидох, да сътворю волю мою, но волю пославшаго мя Отца». Се же творя и уча, да всех привлечет к себе, да тем иже в послушании, дарует живота вечнаго, да постящихся венчаеть, да алчущих правды наплънить, да явственъ будет чистыя сердцем, да труждающихся и обремененных покоит, да изгнанных и дасаждаемых и бьеных, любве ради его, царства своего дарует вечнаго. Аще убо послушание велико есть и миряном всем и тем, иже во сласти суть, яко то глаголет божественный Петр: покорися человеческой твари Господа ради: что же вам черноризцем, отлученным, избранным Богу за страшныя обеты, еже пред Богом и пред человеки бывший от вас? Сего ради, возлюбленная братия, покаряйтеся и вы, ревнуя владыце Христу, потщайтежеся о посте и о бдении, ихже несть честнее, и обаче черноризцем образ благ всем бывающе, и образом и нравом и вещьми, съкрушену и смирену имуще мысль, да добрым вашим пребыванием и добрым вашим житием да прославится Бог межь языки вами, и ть прославит вас и наследники сътворит царствия своего, егоже уготова прежде сложения миру достойно его возлюбившим вседерзостию душевною, и спасеныа его съхраньше заповеди, егоже и вам общником быти молюся благодатию Господа и Бога и Спаса нашего Иисуса Христа, егоже благодать да будет с вами, аминь.

Акты исторические, собранные и изданные археографическою комиссиею. 1. Спб. 1841. № 253¹⁰⁵.

Изданы по неполному списку в Актах исторических. Здесь издаются вполне по рукописи XVI века, принадлежащей Московской духовной акад. № 941, л. 1–20.

Ответное на предложенные от него вопросы.

Въпросил еси нашего смирения, о Христе возлюбленный сыну, о своем бо спасении и пребывании, или како в кельи подвизатися, и како братию поучевати и к спасеному пути приводити, или паки приходящих на ползу черньцев же и мирян испрошати о ползе. Но убо о тобе и о твоем монастыри и твоих братиях послежде напишем, понеже ныне время не податьно, но по вопросом твоихъ последним и ответы дамы тебе, возлюбленному сыну моему.

Како убо погрести священика и мирянина? въпрашаеши. Мирянина попа погрести сице: измыв его и в срачицу и в стихарь и петрахиль и фелонь, и лице же и главу покрыв завесом, и тако пев над ним и в гроб положив, таже вина мало с маслом древяным проливает священик крестаобразно, от главы первое, таже у ногу, потом же от десна, тежу левую сторону; чашу же, в ней же масло с вином, повержет у ногу; таже дьску поставивше засыпуют, якоже всякого мертвеца.

А черньца же умерша не годится умывати, ниже обнажати тело его, но теплыя воды доспети и тако губою морьскою или платцем чистым лице его утерти, таже перси, потом длани ручныя обаполь, потом колена, таже плесна ножная, и в срачицу чисту облещи и потом манатиею обвивати, якоже уставлено есть, таже пети над ним; егда же в гроб положат его, тогда приливают его вином и маслом крестообразно, якоже прежде сказахом.

Черньца примати к покаянию якоже и мирянина: поем его к церкви, на едине (аще ли не прилучится церкви, но паку на устроенном месте), и по обычаю начнет, и тропари отпев обычные, и “Помилуй мя Боже”, и потом распрошает кающагося с великым прилежанием и вниманием и съ страхом Божиим, съ умилением предлогая человеколюбие, и тако, по испытании всякого дела, дает и епитимья, по възрасту и устроению коегождо, и по разуму и неразумии коегождо: инако бо младый рассуждается, инако пришедый к възрасту, инако пришедый в възраст, инако же в старости съгрешивый, инако же пакы смысленый, инако несмысленый, инако же самоволием согрешивый, инако неволею съгрешивый, инако раб, инако свободный, инако в запрещения волная, инако неполная; вся достоит испытовати и разсуждати духовному отцу.

Но убо священником и дьяконом инакова испытания и запрещения: велико бо есть сих истязания. Черньцем же велми нуждно и потребно прилежание, черньцу убо должно быти Ангелу Божию. Аще ли же, по зависти бесовстей, негде прилучится быти которому падению, велику разсуждению потреба есть: бо и делом и словом съгрешити, и помыслом; и о сих всех предали сутъ святии Отци написана, и сим всем потреба разсуждения велика: инако бо потребна епитимья усердьствующим даяти, инако же ленивым и маломощным, яко да в что деяния не вложим их. О ручном же блуду пакы не единако и тое злое дело разсуждается; инако бо единою пострадавше бесовьскою завистию, инако же обиядением, пиянством, по писаному: “не упивайтесь вином, в нем же несть спасения”. Бывает же без страха и неудержанне зрети очима само и онамо, ни бо достоит иноку очима зрети само и онамо; но аще послан будет чернец игуменом на службу, в град или весь некоторую, не достоит ему само и онамо очима зрети, ниже смотрити лица некоторая, могуща его уязвити, ниже беседам неподобным внимати, но весь помысл свой к Богу обращати и того назирателя себе имети, по писанному; “Предзрех Господа предо мною выну, яко одесную мене есть, да ся не подвижу.” О еже бо зрети само и онамо, и о еже с вниманием послушати гласы неподобные мирьские, и еже смотряти лица женьская с прилежанием и описывати та в сердци и в мысли своей, рождаются в сердци иноку помысли сквернии; от сего бо и падения бывают невнимателным иноком. Аще ли кто и падения телеснаго убежит, но ум осквернися и сердечная сила, по Господнему слову “възревый на жену, еже похотети ей, уже прелюбы сътвори с нею в сердци своем”. Отсецати убо достоит корение злое, и уведают греховныя отрасли; объядения и пития лишнего, и сия многа достоит удалятися истинному иноку, не хотящему впасти в скверныя помыслы: от помысл бо скверных падения бывают, внегда кто помыслы своя не исповедует наставнику своему. А еже в сне съблажнение, многых ради вин бывает: 1) еже судити искренняго, сирече брата совего, еже есть грешно; 2) от высокоумия и гордости, и то такоже; 3) от многа ядения и пития, тому же прилично; 4) от естества, еже есть безгрешно убо, обаче скверно именуется; 5) от слабости телесныя и болезни некью; 6) от зависти бесовьскыя; сия убо разделяются разсудительными Святыми Отци. Еже осуждати брата своего в коем любо гресе: престати от отсуждения и покаятися с исповеданием. А еже выситися в некоторых исправлениих и гордостию подниматися: зло се есть, понеже и бес высокоумья ради отпаде от славы Божия. Такожде пакы обьядатися, и напиватсь, и спати, иноку велик студ приносит. А еже по естеству, или пакы от слабости телесныя, почасту, и от зависти бесовьския, и безгрешна убо суть, но Святыми Отцы правило указано: положено есть, егда сие прилучится, въстати в тьй час и с умилением припасти к Богу, моляся, и уставленное правило о сем исполнити, и к наставнику своему приити, и с умилением припасти, благословение и просвещение прося о прилучившемся искушении и сьблажнении; и в той день ни креста своего целовати, ни во олтарь ходити, ни святых икон целовати, ниже ходити и доры имати, ниже хлеба Богородична, даже до наставшия нощи, срачицу же свою измыти. Аще ли же будет поп, никакоже ему священническая деяти, того дени, и ни к чему же прикоснутися от священных. Бывает же и се нощное привидение и скверно в иноцех, внегда преслушают наставника своего и скверные помыслы не исповедуют отцу. Аще ли будет поп чернец, или мирянин поп, не годится ему служити того дени, аще и поспал будет потом.

Правило же черньцем к причастию сицево: достоит быти с велицем вниманием и с страхом Божиим, никакый же помысл оставити в своем сердци неисповедан, ниже злобу некоторую держати на кого, имети в мысли своей; но весь очистився, душею и телом, и правило уставленное управив себе с всяким вниманием, и тако приступити к Святым Таинам. Се же правило достоит и миряном православным. Попу же черньцу, и мирянину попу, единаково правило достоит быти; черньцем же не попом, такоже и миряном, мужем и женам, единаково правило к святому причастию, якоже прежде рекохом, уставлении тропари и молитвы. Младенца же съблюдати от ястия и пития, к святому причастию, аще не к смерти будет.

Над младенцем преставльшимся пети. Аще мирянин будет умерл, молитву над ним прочтет духовный отец, или пакы кой же пригодится, и потом поставит [...] на персех его.

Арменьская же ересь гнуснейши паче всех ересей: сего ради не достоит православному християнину ни едино же общение имети с ними, ниже в праздничны дени или паки постные припускати к себе, ниже к церкви, такожде ниже дружбы имети с ними никаковыя же, ни любви съставляти с ними

[……………………………………………………………………………………..]

ввести в християнскии обычай, яко не чадородья ради, ниже младости ради, не сътворити хощет, но слабости ради и неудержания плотьскыя похоти.

На Усекновение главы Ивана Предтечи и Крестителя мяса не ясти, ни млека, ни рыбы, аще в который день ни пригодится; такожде и на Въздвиженье Честнаго Креста, на самый тот день. О дьни же Парасковее въпрошаеши: и се ти ведомо буди, яко несть поста в тьй день, кроме среды и пятка. Воды же с креста пив годится мяса ясти мирянину, ченьцу же млеко: понеже и егда святое причастие приимаем, в тый день ямы все незаборонно, колми паче внегда с креста воды пием.

Внегда же будет литоргыя, пети часы: братия в притворе поют, и апостол и еуангелие тамо же чтется; аще ли несть притвора, то и среди церкви. А без обедни часы пети, то апостол среди церкви чести, а еуангелие на святом престоле.

В манастырех, в мужеском или женьском, никакоже годится что деяти и на въспоминание мирскых дел: аще нарече, яже разорих, сия пакы созидаю, престуника собе съставляю, и обратится якоже пес на своя плевотины. Аще бо кто мира отреклся, отца и матери, и братия и сестры, и жены и чад, и всего мирьскаго попечения, таже в монастыри тая будет же будет ему и деяти и зрети, кгы полза отшествия его из мира? И сего ради не достоит в монастыре ни венчания творити, ниже позоровати, ни женам вхожения творити на блажение братьи, или черньцу попу венчати, мирских бо попов есть тое дело, а не чернеческое, развее, аще велика нужа будет, крестити дитя.

А еже двое или трое дети в единой купели крещати, или мужеский пол или женскый, о сем убо написано нигде же обретох, но приемлю свидетельство Иоаннова крещения, внегда ему на Ердани крещати, “яко мнози народи крещахуся, приходяще, от него”; такожде и при Апостолех творимо беяше, якоже в Деяниих пишет, яко не два или трие крестити беяху в единой купели, но мнози единою. Нам же ныне неизреченно есть, аще в единой купели крестим двоя, или троя, или более, в едином дни, молитвы же точию емуждо запрещальныя прочитати и отрицания творити. Аще ли женьскому полу, сицевый устав да держится: аще убо младо есть велми мало, то яко же и мужеско, тако же и женьско, и несть в том зарока, в единой купели, но первее мужескых крестити, потом женьскых, за благочиние даяти мужескому полу большинство; аще же ли възрастом успевше будут, не достоит женьскый пол крещати идеже и мужескый, но на устроенном месте, ниже мужам тамо стояти, но женам служащим своему естеству, за благообразие. Крещение же святое творити сице: не обливати водою, якоже Латыни творят, но погружати в реце, или в съсуде чистом, уставленом на се, глаголати же на коеждо погружение едино имя Святыя Живоначалныя Троица, “въ имя Отца, и Сына, и Святаго Духа”; не творяй же сице, неправо крещение творит. Причастие же новокрещеном в тьй день даяти пристойно есть.

Церковь же обложити сице достоит: аще убо поп есть чернец, епитрахиль възложит на себе, и кадило в руце прием, и тако молитву дав, и церковь облагает; аще же мирянин поп есть, всяку одежу священническую възлагает на себе. Часовни же никакова священия несть, ниже в уставе о том писано есть, ниже указа не положено.

Нескимнику в скиму стричи не годится, кроме аще нужда прилучится болезни и скимника попа не будет: тогда, нужди дьля, стричи. Постригание же ченьцем и черницам едино есть, но токмо молитвы егда прочитает постригалныя, и приидет, идеже имена святых и преподобных отец написана суть, тогда пременяет имена преподобных святых жен. Аще убо человек при смерти, а язык отьимется от него, не годится стричи его: мертво бо овча на жертву не приводимо есть. Двоих же стричи единым постриганием не годится. В черньци постриг, от самаго того часа, еуангелья целовати, и дора имати и хлеба Богородичнаго, такожде и святое причастие имати, аще никая вещь възбраняет душевная, отца удержание; пояс же ему свой не распоясати до того же дни, и тако же и манатьи не снимати, а клобука к еуангелью снимати, аще сверстен человек есть; аще же млад есть, рекше ун, не снимати ни к доре, ни к еуангелию, дóндеже брадою урастет. Черньцем же не причащатися у мирянина попа, кроме великыя нужда; аще при смерти будет, а ченьца попа не будет, тогда дата мирянину попу покаяти его и причастие дати ему.

Мирянину попу не годится стричи в черньци: иже бо сам не имеет, како может иному дата? Дьякону не лзе проскуръмисати, слуга бо есть, попу не равен.

Собака же аще, по грехом, в церковь въскочит, святити водою, священием Августным, и церковь покропити, и потом же служити; аще ли же небрежением се поповым учинится, показнита попа годится, яко да брежет о церкви.

Понахида пета многым попом без дьякона не лзе, но единому попу; аще ли будет дьякон, то многым попом пети, а дьякону почати, якоже и на всяком правиле церковном. В неделю за упокой не правити, ниже в суботу вечере понахида пета; в неделю же на проскомисании поминати умерших, такожде и в таинных молитвах невъзбранно есть.

Яко наставшему Великому посту, аще случится кому от нас сего жития преставитись, среде недели, певше над ним, гробу предати; а правления никакова, ниже понахида, творить должное есть, разве в пятницу вечере, а в суботу поминанье; такожде по всем пятницам Великаго поста, кроме пятыя суботы и шестыя.

Аще ли же буря крест сломит с церкви, доспети ин поставити.

Се же, кроме вина служита божественая литоргия, се беззаконие велико есть: “прием бо, рече. Господь наш Иисус Христос от плода лознаго чашу, и благословив и освящь, дасть святым своим учеником и апостолом, рек: пийти от нея вси”. Сего ради, аще кроме вина, иным ничим служити съпротивник есть Господня указания: кровь бо и вода истече от ребр Господних, сего ради и мы вино и воду вливающе служим.

Проскуры же кресты или доры, несть с сем различие кое; аще ли будет кресты на доре, проскура дорная, достоит быти агньца ради.

В Прежесвященной службе расставляя съсуды и ничтоже глаголет, но покрыв и покадив, свершая службу. Постный же агнець аще останет, на тоже пакы похраняет его, внегда въсхощет, в той церкви, или в ину дасться: несть в том зарока никакова. Великаго четверьга агньць запасный выняти, а давной тогды же похранити. Трапеза же святая помывати в Великый Четверг, в сборных же церквах Святителю, а меншей чади не мощно сего деяти. А во Просвещенной службе причаститись черньцем и миряном лзе. По Пасце же, от Фоминой недели, за упокой правити лзе на всяк днь, а в неделю за упокой поминание чести не лзе.

А пономарю двоеженцу и троеженцу не достоит быти, такожде и проскурнице: “честен бо брак и ложе не скверно”, рече божественное писание, и сего ради и девственным таковым аще мощно быти, или единому первому браку законному приобщившемуся, прежде же никаковыя скверны пострадавшему.

Дети же духовныя оставляти своего духовнаго отца без вины и к иному же отходити, не годится их приимати без благословения.

По селом же, или инде где было, аще не будет фуниа, ино губу морьскую добыти. И преждесвященныя, съсуды священные расставляя, ничего несть глаголати, но токмо молитись в себе.

Внегла молебен пети, “Бог Господь” пети достоит, а на понахиде “аллилуиа”. Еуангелие же толковое в церькви чести, а на трапезе чтут патерик, или святого Ефрема и святого Дорофея; а николиже останется напразник чтенье празничное, и непоспеют на заутрени прочести, и тии прочтут на трапезе; и тако же и Шестодневник святаго Василья, и святаго отца Ивана Златоустаго.

В келье же кланятися в свите в мале клабуце, и без клабука, аще варныя дени будут; внегда же Псалтырю молвити в кельи и Мосеевы песни не оставляти, тако ж и всех по ряду.

О черньцах же младых и новоначалных, иже поститись и въздержатись не могущих, разсуждение потребно, яко да утесноваеми начнут красти и без благословения ясти, и сего виною в различныя страсти впадут: луче есть разсудити, повелети такым, по благословению, ясти и помалу, и сами послежде уставятся, яко же и прочая братья; тако же и о старцех състаревшися и о болных разсуждение имети: занеже старым и болным закон не лежит. А иже во службе сущим в манастыре, или кроме манастыря, правило уставленное не лежит, но токмо службу приказанную им от игумена тако блюсти и служите, якоже самому Христу; правило же о петьи, или поклонных, или ясти, якоже игумен уставит коемуждо по силе.

О Святем же причастии въпрошаешь: в посты Великый или в иные посты, всегда ли, даяте им причастие или ни? и се та буди ведомо, яко аще кто млад или стар, а житье его есть чисто и в послушании истинном живет, и правило свое исполняет по силе, и помыслы своя чисто исповедует, не възбраняет ничтоже почасту причаститись, достоин бо есть таковый, иже аще есть; и иже не таков и некоторою леностию одержим, или преслушанием, или прекословием, или иною которою страстаю, таковаго управляет игумен, якоже сам разсудит, и о причастии, коли даяти, или коли не даяте, противу устроению их.

А понеже попы миряне обязани суть попеченьми мира сего, мирскым человеком молитвы дают на Въскресенье и на Рожество Христово, и на Петров день, сего ради въпрошаеши: годит ли ся черньцем тую же молитву молвить? И сета отвещеваю, яко и миряне обязани суть попеченьми мира сего, и овогда убо постигнет к церкви приити, овогда не не постигнет, такожде о ястии и питии не уставное имут, и на многа же дени миром овладеваеми вадят, сего ради и молитва, освящения ради, дается им: черньцем же не надобны мирския молитвы, занеже всегда в церьковных правилех деневных и нощных суть; егда же ли будет им время причаститись, и он уставленныя молитвы святому причастию прочетши и себе управивше, и тако к святому приступает причасти.

Егда же черньца стричи и имя ему нарицати: несть всем узаконоположено, еже или дени того Святого ими нарещи, или пакы с мирьскаго имени, но якоже игумен повелит.

Исходящих из манастыря без благословения, не достоит игумену таковых приимати, занеже в том благочиние иноческое обесчестяется и устав раздрешается; сего ради аз таковому безчинию възбраняю бывати, аще и даже до ныне таковое безчиние действуемо бысть: иже бо из монастыря втай и кроме благословения исходит, како достоин таковый поповства или причастия? Аще ли же, по некакой вине, благословно будет изыти брату из манастыря, с благословением игуменовым, и с всею братиею простився, и тако пойдет в ин манастырь, идеже благословит его свой игумен, с грамотою отпускною, к иному игумену; а иже не сице творящеи, под запрещением суть.

Скимнику же всегда на собе скиму носити и куколь, и никогдаже кроме сих не быти.

А еже села и люди держати иноком, не предано есть святыми Отци: како мощно, иже единою мира и мирьских отрекшемусь, пакы мирьскими делами обазоваться, и яже разори пакы съзидовати, по Апостолу, и преступника собе съставляти? И древний Отци ниже сел стяжали, ниже богатьства и стяжания, якоже святый Пахомий, и святый Феодосей общежитель, и святии в Палестине и в той самой Синайской горе, и в Раифу, и в Святой горе, юже и сам аз видех; но еже послежде по малу в расслабление прииде вещь, и начаша манастыре те и скиты держати села и стяжания. Должно есть велико съблюдение и оспасение держати.

Ты же въпрошаеши мя о селе, еже ти князь в манастырь дал есть, о нем же како или что сътворити? Слыши же от мене ответ и приими мой совет: аще убо уповаеши на Бога с своею братиею, и даже до ныне бо препитал вас и кроме села, и наперед препитает, почто обязоватися попечением мирьским. И внегда бы Бога помянути, тому единому послужити, тогда о селех поминати и о мирьскых попечениих? Смотри же и се, яко внегда же чернец кроме есть всякоого попечения мирьскаго, тогда есть со всеми миряны, и вси человецы любят и честь дают ему; егда же обяжется селы и мирьскыми попеченьми, тогда потреба и к князем ходити и властелем, и судилиша искати, и стояти за обидимых, и сваритись, и смиритись, и не хотя, к всякому человеку, еже не выдати в обиду своих людий, труд велик поднимати и правила своего оставляти. А еже сего страшнейши, яко повнегда черньцем начати селы властвоватись, и мужем и женам судити, часто хождения в них творити и о них печаловатися: чим мирянина различии суть? черньцем с женами обьщатись и беседы творити бедно есть. Но аще бы мощно, сице: быти селу под манастырем, еже николиже черньцу не быти в нем, но мирянину некоему богобоязниву приказати, и тому печаловатися бы о всякых делех; в манастырь же бы готовое привозил житом и иными потребами: занеже пагуба черньцем селы владети и тамо частая происхождения творити.

Въпрошаеши же: Еуангелия Великаго четверга Страстная како чтутся и где? О сем ти буди ведомо, яко на святом престоле всие еуангелия чтутся, от перваго и до последняго, попу же во вся ризы оболчену.

О молитвах же вечерних и на заутрених воъпросил мя еси: колко их есть? И на вечерни убо молитвы 6, а седмая выходная, а осмая по исполнении вечерняя и по възглашении; а на заутрених 11 молитв и 12-я молитва после “Хвалите Господа с небес” на главопреклонении.

Се тебе, по творему прошению, возлюбленый сыну о святем Дусе Афанасие, елика проси еси, написа прияти от нашего смирения. И понеже в многых попечениих церковных обретаемся и мирскых, сего ради опоздихом, ныне же едва поспехом указания и ответы свершити по вопросом твоим. Елико убо и мы в божественных писаниих прочетохом, елико от учителей наших достигохом прияти, и тебе убо полезна сия, и всем прочитающим та с усердием и вниманием, якоже указает Великий Василей: “благым бо, рече, учеником бывай послушатель, и тех поученьми съблюдай свое сердце, храни же свои уши от мирскых повестей, яко да не кроплением скверны душу свою оскверниши; благым повестем бывай послушатель, злых же освеняйся”. Да яко желаеши от моея рукы великым ангельскым образом обдеятися, еже есть скима: и се, по вере твоей, и буди ти; и егда убо сам въсхощеши и поспеши, и се сътворим.

О правиле же монастырском и братиям егда же поспееем, и се помалу, елико по силе нашей, сътворим: но понеже далече от нас отстоиши и не мощно усты к устом въпрошати о своей ползе и братьи; и ты такожде написуй, внегда на ум взыдет, и по въпросом твоим ответы створим. Но убо, елика ти сила, о братьях прилежи, паче о новоначалных и уных: много бо потреба о сих печися, яко зависть бесовская на убогые инокы всегда настоит, занеже чин испадый ангельскый и гордостию в тьму преложься, тое место и инокых хощет исполнити. Сего ради не терпя, всякыя пакости наводит на инческыи чин; ныне есть последнее время, и летом скончание приходит, и конец веку сему, бес же велми рыкает, хотя всех проглотити, по небрежению и лености нашей. Оскуде бо добродетель, любовь преста, простота духовная отбеже; зависть же и лукавьство и ненависть въдворися, ухищрения же и высокоумия исполнихомся, сего ради отчуждихомся всякого радования духовнаго, якоже Апостол великий свидетельствует, глаголя:’’идеже в вас распря и рвения зависти суть, не плотстии ли есте и по плоти ходите?” и пакы: “плоть и кровь царьствия Божия не наследит”. Прелесть велика одержит нас, оставихом путь правый и учениа святых Отец, и ходихом по своим волям, заблуждающи и мирьскими волнами погружаеми: “оскуде бо, по Пророку, праведный от земли, исправляющего в человецех несть”. Горе нам, яко оставихом путь правый! вси обладати хощем, вси учители творим ся быти, ни поне ученичества достигше; новоначалнии высокоумствуют. Плакати ми и слезити ми находит; паче же плачу и тужу о лжах, живущих в человецех, и ниже Бога боющесь, ниже человек стыдящесь, сплетаем лживы словеса на ближняго, завистию бесом подвижники. Якоже пишет святый Максим, сице глаголя: “завистиливаго печаль с трудом ставита едва възможеши, беду бо свою помышляет, еже в тебе завидимое”. Лют недуг душевный зависть: многа убийства завистию съдеяшась в миру и многы страны запустеша; завистью бо подвижим Каин братоубивство сътвори, и оттоле убийство въ мир вниде; зависти ради Ияков отчаго дому отбегает и в работу Лаве предается, идеже 14 лет пребывает служа; завистию подгнещаеми братья Иосифа предают его в Египет, идеже и Господь его прослави и всему царя того створи. И что многа глаголати? самого Господа, Творца небу и земли, завистию Жидове распяша его. Зла есть страсть зависть: иже аще одержим таковою страстаю будет, несть ему спасения, аще не потщится таковаго недуга злаго пременитися; понеже яко убийца судится таковый, якоже и брат Господень Апостол Ияков глаголет: “убиваите и завидите, сваритесь и борите: еда едини поживете на земли?” Сего ради потщимся таковыя страсти и кроме быти; вместо же тоя, братолюбие притяжим и спострадание, мир имущи в сердци и своей души, якоже и Апостолом учими есми: “мир, рече, гоните со всеми и милостыню, ею же кроме никто же узрит Господа”. Несть иным путем спастися, аще и тело свое кто великими труды истает, кроме чистыя любве, якоже великый учитель Павел глаголет; “аще дам тело свое на сождежение, любве же не имам, бых яко медь зонящи или кимбал звецая”. И иже в любовную добродетель достиже, достиже самого Бога и почи в нем. Удобь обретаема сия добродетель труждающимся о нецей, обрести ею; не удобь же достизаема есть пакы завистию одержимым: люта бо корене люты отрасл. Иноческое жителство един образ имать, душевное спасение. Ты же, възлюбленне, потщайся, елика ти сила, в смирении провождати дени своя, в смирении и в любви, и еже не сплетатися мирьскым вещем, ниже с мирскыми обьчения и многоглаголания; понеже мир блудница есть, яко же глаголет святый Максим, и не токмо любленикы своя и рачители в себе держит, но и тех, иже единая узы его разторгших и того сети избегших, хощет к собе привлещи и всячесыми страстьми осквернити. Бежуще бежим, братье, не впасти в мирьская плетения. Словеса наставником полезна суть, и послушником такожде. “Начат бо, рече, Иисус сътворити и учити”. Зриши ли, яко нетокмо словом учити учителю достоит, но и делом достойно верно учение бывает. Аще бо ручное ремество кое либо не может кто кого словом научити и свершена показати, то колми паче духовное дело, умне свершаемо, а не телом: “несть бо, рече, наша брань к крови и плоти, но к началом злобы поднебесней”. Сии убо и сицевыя ведуще, подвизаимся о своем спасении, яко да получим вечная благая.

Из рукописного сборника разных грамот, писанного в XVI веке in 4о. В заглавии акта отмечено: Кипиреяна, смиреннаго Митрополита Киевского и всея Русии, ответ к Афанасью, въпросившему о некоих потребных вещех. – Сие послание находится также в рукописи (XVI в. in 4о, лл.288–298), хранящейся в Императорской Публичной библиотеке, в коллекции манускриптов гр. Толстого, Отд. II, № 254.

Н.К. Никольский. Материалы для истории древнерусской духовной письменности. Спб., тип. АН 1903 г. VI с. 34–37.

Послание архим. Досифея издается здесь по рукописи Ярославского Архиерейского дома (Спасо – Преображенского монастыря) № 24–11 (4°, на 283 л.), писанной в начале XV века (не позже 6935 года, см. л.261) и содержащей Толковую Псалтырь (л.2 об. – 196 об.) и другие статьи.

/л.1 об./ Си устав святыя горы как иноци держат правило в келиах своих вынесл архимандрит печерскы Досифеи что есмы тамо видели и чему нас святии отцы учили нашего ради спасения тожде пакы вопросил брат наш священно... Пахомий честныя обители святаго Спаса на Вологде в Прилуце нашего смиренна о святогорском житье как послушницы живцт и мы смирени пишем вам отчасти святогорское житие послушницы живут по старцеве /л.2/ воли и благослвению, а братиа живут который по своим келиам держат ... си правило равно от начала и до конца живота своего по полу Псалтири молвят на всяк день и по молитв иисусовых... Господи Иисусе Христе помилуй мя грешнаго аще и еще хощеш приложити в воле ти до поклонов или кроме того на всяк день и час седя и лежа и ходя и рукоделие делая беспрестани глаголи языком своим со воздыханием сердечным молитву иисусову святую Господи Иисусе Христе Сыне Божий а не умеющие гремоте да держат себе пятидесятницю или сотницю и глаголют по молитв Иисусовых кроме поклонов а к тому церковное правило а немощным немощное правило держати /л.2 об./ а равно есть житих а престаревшимся денми паче едина молитва Иисусова вниманием умным поклон же по силе Бога ради и святогорци вящьши держат молчание и бегают молвы мятежа мирскаго ты (же?) брате Бога ради и скажи и прочим братиам аще кто встребует от нашего смирения занеже святии отци на русии ин обычай имеют егда в пост великыи и в прочи посты молвят всю псалтирю а кроме поста ни псалма не молвят а святогорци не так но всяк дни живота своего держат правило равно аз же последни во иноце григорьишка по благословенью господина своего Родиона написах себе укоряа и свое житие в небрежении в ле...

Из сборника графа А.С. Уварова № 512 (прежде Царского № 366), л.528: изд. в 1-м томе Актов Исторических под № 276.

О наказании старцем, яко да пребывают в послушании ¹⁰⁷

Благословение Феодосия, митрополита всея Руси, в пречестную обитель в общий маностырь святого Николы на Песношь священником и священноиноком и всей еже о Христе братьи. Зде у меня был ваш………сное егоже молю Христа вам таковое праведным позвание и в безконечную радость в некончаемы векы. А через то нашего смирения наказание, имет ли кто у вас не в послушании у игумена жити, уподобляйся оному ленивому и непокоривому рабу, егоже превезе господин его чрез нужную реку, и яко в сне увеселена суща и упоена честью господина его: и тако в непокорении ему пребывшу, спящу на селе его, и взыде нань терние, и лядина покры его, и потом в время истязания одоле его, ни единого же ответа не възможе раб той въздати противу благых господина его, и тако осудися в злых делех его. И вы, аще чрез законоположенное уставление обычая маностырскаго, а имете сопротивная делати божественным и священным правилом, а так и начнете мясти тою пречестною обителию: и яз повелех игумену вашему и понаказати таковаго, с изветом пред своею братиею, и духовне и целителне; и аще того не послушает, да извержется из маностыря, яко разоритель и хищник, даже разоритель закона Божия: таковый бо, яко осуеумився, и сам себе изринул есть от стада Христова, еже не хотя пребыти в соузе духовныя любве, не смирив своя душа, и в своей гордости възносяся, смирится. А что будет състатины его, а то от него отъимется, на потребу маностырю, и к тому величения да отщетится.

В житии Павла Обнорского (+1429 г.) записано: «иде с единем братом в пресловущий град Москву, к преосвященному Фотею митрополиту, моляшетъ архиерея, яко да благословит и воздвигнути церковь во имя святыя и живоначальныя Троици. Митрополит же (принявший преподобного сначала очень неблагосклонно, а потом вразумленный чудесным видением) ... благослови воздвигнути церковь... и много поучи его от божественных писаний, еже какову быти подобает строящу душа человеческыя и наставляющу къ спасению, – образу благу всем сущим под нимъ, яко слово воздати [ему] в день страшнаго суда Божия» (Рукоп. Ундольского № 349, л. 28, XVI в.). Последние слова почти буквально читаются и в самой грамоте; издана была (без конца) в 1м томе Актов Исторических под № 257. Настоящее полное издание сделано по рукописи соловецкой библиотеки XVI в., № я 685, лл.212–215.

От Фотея, митрополита киевскаго и всея Руси иноку Павлу. Что еси прислал ко мне свою грамоту, прося святаго антиминса, на священие Божии церкви, и труды полагати о Христе хотя, святую обитель составляя и яже о Христе братию собирая, и как ми пишешь, что еси таковых собрал: и о сем, как желание твое на се, и не возбраняю ти, но и благословение свое полагаю и молюся человеколюбцю Богу, яко да просветит Господь место то и прославится о вас имя его ту. И святый антиминс есмь послал на освящение тоя церкве; но как еси был у меня и помнишь, как ти есмь о том много говорил, кокову иже такову подобает самому быти настоятелю духовному, и образу сущу всем, и о всех в паству вверенных ему душах человеческых должно воздати истязание в день великаго суда: и сего ради убо и ныне ти о сем пишу, яко блюдеши о сем, внимая, каковых и откуду сприобщеваеши; понеже прибегшие суть в заветренее пристанище, в святую кую обитель, и восприимающе ту смирения великий аггельский образ, и всяку нужю и скорбь обещевающе себе до последняго издыхания ту понести, и тое тогда о сем исповедание от аггел написано есть и держимо в руку нашего Творца Христа Владыки, к немуже тако обещание положихом, и явлено убо будет пред лицом нашим в день великаго его суда. Пишу вашей любви и иже о Христе всем ту собравшимся: помните сего, иже како временная будущим поработивше, и заветренему пристанищу прибегше, и такому великому игу сочетавшеся, изволивша работати небесному Царю, неже земному; и не аггелу бо есмь обещахомся, ниже царю и князю и властителю века сего, но обещахомся убо Царю царствующим и Господу господствующим, иже таковое исповедани нашего писание в руку носяй Господь приидет в день великаго суда, воздаяния дар дая по достоинству. И сего ради молю вас, по таковому исповеданию, къ немуже обещахомся, и тако крепко вам духовная крила вперити, и посигающе своего исповедания и ограждающе себе всешда Христовым глаголющим словом: «никтоже возлолжь руки на рало и зрй вспять, управлен есть во царствии небеснем». И молю вас потщати себе, подвига сего вашего вам свершити, въ неже звани есте, и ризу спасения и шлем нелицемерна, яже приясте, и нескверно, но чисто потщите себе соблюсти и представити своему Владыце; яко да тако непобедими Христовы воини прямо некрепкия борца дерзости борения да покажете, понеже многосетован есть наш супостат, иже нашего спасения не хотяй, и многи суть сети его на нас пропинаема, и вся горша его суть и завистна наших добродетелей, и тщится всяко нас низложити и с собою имети, и всяко убо не терпит востещи нам тленным , // и обожэеным сущим ко оной нетленной породе, отнюду же наш супостат отпаде, и тамо убо наш Творец Христос Владыка зовет глаголя, не рече: «приимите вечное небесное царствие», но рече «наследуйте благословении Отца моего уготованное им царствие», и якоже отчее нам должное некое наследие глаголеть «наследите». И того ради по началу своего исповедания, молюся, да уготовите нам всяческия дела добродетели, или богоугодне украсити великое то аггельское подобие, уподорбившее себе, [по] писанней еvангельстей притчи, пяти девам мудрым, иже светильники своя во сретение жениха с маслом вжегшим, а не пребудем убо, якоже буя девы, ихже светилницы угасоша и имже двери затворишася, и пребывающе вне, толкуще, и ответа страшнаго слышаще: «отыдите от мене, не веде вас, откуду есте». И сего ради молюся о сих, якоже мудрым девам вам уподобитися, а не буим, и яко да услышати вам благаго Христова гласа, съзывюща благословеныя Отца в небесное царство бесконечное, глаголя: «приидите благословении Отца моего, наследуйте уготованное вам царьство»; и молюся сего получити вам. И молитва моя и благословие да есть с вами. А дана грамота на Москве, апреля 19 день.

Из синодального сборника № 562, л. 205–206. Изд. по тому же списку, в 1-м томе Актов исторических под № 37.

Послание Ионы епископа въ Новград въ Нижней в печерски монастырь.

Благословение Ионы епископа, нареченнаго в святейшую митрополию русскую, въ Новгород въ Нижней, в пречестную одитель Вознесениа Господа Бога и Спаса нашего Иисуса Христа, в печерский монастырь, священноиноком и иноком, всем черноризцем тоя честныя обители. Весте, сынове, еже како по прозрению духовных ваших очию остависте участие маловременаго сего жития, и желая оных будущих вечных благ и по Христову Еvангелию, поидосте вслед владыки Христа, вземше на ся благое и легкое иго, и облекостеся в святый и великий ангельский образ, с данным Богу вашим обетом, и еже нося, и той приидет Владыка Христос в день великаго страшнаго и немздоимнаго суда, и по делом комуждо мзду отдая, трудившимся – царство небесное, а ленивым и солгателем – осуждение, яко нерадивому оному рабу, скрывшему талант в земли. И того ради, сынове, по своему обету, достигосте и заветреняго того пристанища честныя тоя обители, еже есть отдохновение и отрада; и молю вашу любовь, по своему вам данному обету пред Богом, еже по вашему исповеданию, яко да и дела споследствуют словесем онем, еже рече: «не в словеси есть царствие Божие, но в силе»; и: «не всяк, глаголяй ми: Господи, господи! и внидет в царство небесное, но творяй волю Отца моего, иже есть на небесех». И того ради, сынове, вмале глаголю вашей любви, помнети вам данный свой обет к Богу, еже како обещастеся не земному царю и князю и властителю века сего, но убо обещастеся Царю царьствующим и Господу господьствующим, и должни есте то исполнити и свершити, по своему обету, и дела вам показати, еже суть достойная вашему иночьству. Настоятелю же вашему честныя тоя обители должное попечение предлежит ему имети прежде о своей духовной ползе и собою добраго образа всем подавающе, такожде и о вашей духовней ползе попечение имети: а вы бы к нему духовное покорение и послушание имели со всяцем прилежанием духовным, и без повелениа его и благословения исхождение ваше из монастыря никакоже да будет; любовь же и мир о Христе межи собою имеюще, помняще превышьшее владычнее слово, глаголющее: «о сем, рече, разумеют вси, яко мои ученицы есте, аще любовь имате межи собою».