Повесть о взятии Смоленска Иваном Грозным
В лето 7063 (1555) году месяца июля в 29 день на память святого мученика Калинника царь и великий князь Иван Васильевич всеа России своими рускими воеводами взял Смоленьск-град. А стоял под градом три годы, занеже крепок град древяной бысть и острог. Не домысляше, како – приступом или подкопы – взят. И бысть Смоленска-града из болшей пушки стрелили, и прииде пушечное ядро и сорва маковицу282 от церкви Преображенья Спасова, и поставив маковицу зле283 шатер царев, да едва в шатре царя маковицей не убило. Царь же разгневася и заповеда в той церкве не служить до скончания. И на утрии же другаго дни приехав посланник от тверскаго архиепископа Еуфимия, привезе замок и ключ и писание от архиепископа написано: «Благословляю тя, царю, и замыкай тем замком и отмыкай ключем Смоленск-град». Царь же воспалився и ярости наполнися и повеле того посланника казнить и предать его смерти. А по архиепископа тверскаго скоро послал немилостива гонца и повеле его скована привести и злой смерти предати, занеже под градом три годы стоя и много крови пролье, рускаго воинства паде и казны истощив, а не можаху никакоже града взять. «а он, архиепископ, мне, царю, посмеявся, велит град замыкать». И Божию помощию Смоленска-града в третий ден людие посидельцы град отворили и здалися царю гладные ради великие нужы. И государевы воеводы во град ехав, град взяли. Царь же той вины тверскому архиепископу отдаша, славя Бога и Пречистую его Богоматерь.
* * *
церковную главу;
возле;