Во имя Святыя и Живоначальныя Троица.
Азъ, грѣшный Кирило игуменъ, смотрихъ, яко постиже мя старость, впадох бо в частыя и различныя болѣзни, имиже ныне съдержимъ есмь, человѣколюбнѣ от Бога казнимъ ради моихъ грѣхъ, болѣзнемъ на мя умножившимся ныне, якоже иногда никогдаже, и ничтоже ми възвѣщающе развѣ смерть и судъ страшный Спасовъ будущаго вѣка. И во мнѣ смутися сердце мое исхода ради, и страхъ смертный нападе на мя. Боязнь и трепет Страшнаго судища прииде на мя, и покры мя тма недоумѣния.1 Что сътворити, не съвѣмъ. Но възвергу печаль на Господа,2 да той сътворить якоже хощеть, хощетъ бо всѣмъ человѣкомъ спастися.
Се язъ, Кирило игуменъ, черньчищо грѣшный, пишу сию грамоту при своемъ животѣ и въ своемъ смыслѣ.
Предаю манастырь, трудъ свой и своее братьи, Богу и Пречистѣй Богородици, Матери Божии, Царици небеснѣй, и господину князю великому, сыну своему, Андрѣю Дмитриевичю.3
И сына своего благословляю въ свое мѣсто, священноинока Инокентия.4
И ты, господине князь великый, Бога ради и Пречистыя деля Богородици, и своего ради спасения, и мене ради, своего нищего грѣшна человѣка, какову еси, господине, имѣлъ любовь доселѣ къ Пречистѣй Богородици и к нашей нищетѣ, при моем животѣ, тако бы еси, господине, и по моемъ животѣ имѣлъ любовь крѣпку къ Пречистѣй Богородици и сыну моему Инокентию, и къ моей братицы, которыи имуть по моему житьицу жити, а игумена слушати.
А что еси, господине, давалъ свое жалование, грамоты свои, дому Пречистѣй Богородицы и моей нищетѣ, – чтобы то, господине, твое жалование и грамотки неподвижны были: как и доселѣ, господине, при моем животѣ, так бы, господине, и по моемъ животѣ было. Занеже, господине князь великий, нам, твоим нищим, нѣчим боронитися противу обидящих нас, но токмо, господине, – Богомъ, и Пречистою Богородицею, и твоим, господине, жалованием, нашего господина и господаря.
А тобе, господина князя великаго, сына моего, Андрѣя Дмитриевича, елика исповѣдалъ еси Богу и Пречистѣй Богородици и мнѣ, своему отцю, яко человѣкъ, плоть нося, съгрѣшивъ, в томъ тебе въсем Богъ проститъ и благословитъ. Такоже и госпожю мою дщерь, княгиню велкую Ографѣну,5 Богъ проститъ и благословитъ. Такоже господина и сына моего, князя Ивана, Богъ проститъ и благословитъ. Такоже и госпожю и дщерь мою, княжну Анастасию, Богъ проститъ и благословитъ.
А милость Божия и Пречистыи Богородици на тобѣ, на моем господинѣ, князе великом Андрѣи Дмитриевичѣ, да будет, и на твоей княгинѣ великой, госпожѣ нашей Огрофѣнѣ, и на вашем сыну, на нашем господинѣ, князѣ Иванѣ, и на всѣх ваших дѣткахъ и мое благословение, и молитва, и братьи моея.
Господине и господине, князь великый Андрѣй Дмитриевич! Много молю тя о сем и челом бью съ своею братицею по Бозѣ и по Пречистой Богородици тобѣ, своему господарю. Однова, господине игумен-отъ ти ся иметъ жаловати на которую братию, которые, господине, не имутъ его слушати, а по волѣ его не ходят, а мое житийце, грѣшна человѣка, имуть перечинивати, и язъ господина своего и господаря, тобѣ, съ слезами много молю о томъ, чтобы еси, господине, тому не попустилъ быти, а тѣхъ бы еси, господине, зчюнулъ крѣпко, кто по моему житьицю не ходитъ, а игумена не иметь слушати. И ты, господине, тѣхъ вели изъ монастыря выслати.
* * *
Примечания
«И во мнѣ смутися... тма недоумѣния». – Ср. Пс. 54, 5–6.
«...възвергу печаль на Господа». – Ср. Пс. 54, 23.
...князю великому, сыну своему, Андрѣю Дмитриевичю. – Андрей Дмитриевич (1382–1432), третий сын великого князя Дмитрия Ивановича Донского. Согласно Духовному завещанию отца, получил в 1389 г. в удел Можайск, Верею, Медынь, Калугу и Белозерск. Был верным союзником своего брата, великого князя Василия Васильевича Темного. Умер в Можайске, похоронен в Кремлевском Архангельском соборе. Оставил детей: Ивана, князя Можайского, Михаила Верейского и Белозерского и дочь Анастасию, бывшую замужем за князем Борисом Александровичем Тверским.
...священноинока Инокентия. – Иеромонах Иннокентий, ученик и наследник Кирилла Белозерского, был игуменом Кириллова монастыря всего пять месяцев –до своей смерти в 1427 г.
...княгиню великую Ографѣну. – Ографена, или Агриппина, дочь князя Александра Патрикеевича Стародубского, в 1403 г. вышла замуж за князя Андрея Дмитриевича Можайского и имела от него троих детей.