Взгляд Церкви на неверие апостола Фомы

(в богослужебных песнях)

«Воскресное чтение», 1817

1. В чем состояло неверие апостола:

а) в неверовании свидетельству соучеников о явлении им Господа. Глаголаше (апостолам): не иму веры, аще не увижду и аз Владыки (стих. веч.) Аще не узрю, не верую словесем вашим (седал.);

б) в неверовании самому воскресению.

Не верова Твоему воскресению и видевшим Тя вопияше: аще не вложу перста в ребра Его и гвоздей язвы, не верую, яко востал есть (Стихир., хвал.);

2. Что было в основании сего неверия:

а) сильное желание узреть Господа.

Вожделевый Твое радостное видение, прежде не вероваше Фома (Кан., п. 8);

б) желание совершенной уверенности для себя и для всех.

Не всуе усумневся Фома о востании Твоем, не низложися, но несумнительное тщашеся показати сие, Христе, всем языком (п. 7). Не вероваше реченным ему, от неверия в веру извествуя (ст. веч.);

3. Что произвело благотворную перемену в душе апостола:

а) благодатное явление Самого Воскресшего.

Неверующему ученику руце показал еси и пречистое ребро: он же веровав вопияше Тебе: Господь мой и Бог мой, слава Тебе! (стих. вечер.) Веровав Фома зрением руку и ребр Твоих, Господа и Бога Тя исповеда (там же);

б) в особенности живоносная сила язв Господних.

Со страхом руку Фома в ребра Твоя живоносная, Христе, вложив, трепетен ощути действо, Спасе, сугубое, двема естествами, в Тебе соединяемыми неслиянно, и верою взываше глаголя: Ты еси Господь… (п. 7.) Ощущая рукою Твое сугубое существо, со страхом вопияше верно, верою влеком: Господь мой и Бог мой, слава Тебе! (стих. на Лит.).

4. Что последовало за сею переменою в апостоле:

а) явление вместо неверия твердой веры.

Вложив Фома руку в огненная ребра Иисуса Христа Бога, не опалися осязанием: души бо зловерство преложи на благоверие (стихов. утр.);

б) высокое исповедание и ревность возвещать всем истину.

Ребро Твое Божественное радуяся Фома осязав, Господа и Зиждителя Тя прослави (сред. стих. вечер.). Возопи, егда виде Тя, Всесильне: Ты еси Бог мой и Господь… кланяюся Твоей державе и мирови возвещаю страшное Твое и всесильное востание (Понед. веч. стих.). О, преславнаго чудесе! Иоанн на перси возлеже, Фома же ребра осязати сподобися. Но ов убо отонуду страшно Богословия глубокое извлече смотрение: ов же сподобися тайно научити нас: представляет бо показание ясно востания Его (стих.).

5. Какие благотворные действия перемены в апостоле для мира и Церкви:

а) большее утверждение веры в Воскресшего.

О, доброе неверие Фомино! верных сердца в познание приведе (стих. веч.). О, преславнаго чудесе! неверие веру известную роди (стиховн.). Неверною верою облагодетельствовавый нас Фома близнец, решит убо мрачное неведение всех концев, верным неверствием (п. 7). Радуешися испытаем: темже, Человеколюбче, на сие повелеваеши Фоме, простирая неверующему ребра, мирови уверяя Твое, Христе, тридневное востание (п. 4);

б) открытие высоких истин богословия.

Богатство почерп от сокровища некрадомого Божественного, копием прободенна Твоего ребра, премудрости и разума исполняет мир близнец (п. 4). Твое сокровище, утаенное нам, отверзе Фома: богословив бо языком Богоносным, пойте Господа, глаголаше, и превозносите Его во вся веки (п. 8).