Ѻ҆́браꙁы надписа́нїѧ, и҆ вписа́нїѧ въ Кни́ги, ꙗ҆́же до́лжни сꙋ́тъ Парохїа́лнїи ᲃщ҃енници кі́йждѡ въ свое́й Це́ркви и҆мѣ́ти

Вѣ́стнѡ бꙋ́ди, ꙗ҆́кѡ мнѡ́гихъ ра́ди бл҃госло́вныхъ и҆ нꙋ́ждныхъ ви́нъ, до́лженъ є҆́стъ Парохїа́лный ᲃщ҃енникъ кійждо въ свое́й Црк҃ви Черы́ри Кни́ги непи́саны и҆мѣ́ти, къ є҆́же въ Пе́рвой въписа́ти Креща́ющихсѧ. Въ Вто́рой же Вѣнча́ющихсѧ во приѡбще́нїи Бра́ка. Въ Тре́тей же живы́хъ сꙋ́щихъ въ є҆гѡ̀ Паро́хїи. Въ Четве́ртой же ᲂу҆мира́ющыхъ.

Пе́рвой ᲂу҆́бѡ Кни́ꙁѣ ᲃи́цевое надписа́нїе да бꙋ́детъ.

Вписа́нїе же въ не́й си́це да быва́етъ.

Въ Лѣ́то Бж҃іѧгѡ Воплоще́нїѧ,.. Мцⷭ҇а,.. днѧ̀,

А҆́ꙁъ И҆мⷬ҇къ, ᲃщ҃енникъ Парохїа́лный, Це́ркве ᲃт҃а́гѡ сꙋ́щїѧ въ Гра́дѣ, И҆мⷬ҇къ, и҆лѝ Селѣ́, И҆мⷬ҇къ, Крести́х младе́нца рожде́ннагѡ, и҆лѝ Младе́ницꙋ, рожде́ннꙋю днѧ, ѿ роди́телїй Законновѣнча́нныхъ, ѿц҃а̀ И҆мⷬ҇къ: Ма́тере И҆мⷬ҇къ, Парохїа́нъ сеѧ̀ Паро́хїѧ, и҆лѝ Це́ркве, И҆мⷬ҇къ: ѿчества и҆ ро́дꙋ си́цевагѡ, є҆мꙋ́же да́но є҆́стъ и҆мѧ̀, И҆мⷬ҇къ. Кмо́тръ бы́сть, И҆мⷬ҇къ: ᲃы́нъ, И҆мⷬ҇къ: ѿ паро́хїи, и҆лѝ Мѣ́ста И҆мⷬ҇къ: и҆ Кмо́тра, И҆мⷬ҇къ: ᲃꙋпрꙋ́жница И҆мⷬ҇къ, и҆лѝ дщеръ, И҆мⷬ҇къ, ѿ Паро́хїи, и҆лѝ Мѣ́ста, И҆мⷬ҇къ.

А҆́ще Младе́нецъ не бꙋ́детъ ѿ за́коннагѡ бра́ка рожде́нный, и҆мѧ̀ понѐ є҆ди́нагѡ Роди́телѧ, а҆́ще вѣ́стнѡ бꙋ́детъ, да впи́сано бꙋ́детъ, (но ᲂу҆́бѡ ѿ всѧ́коѧ вины̀ беꙁче́стїѧ стрещи́сѧ подоба́етъ) а҆́ще же и҆ є҆ди́нагѡ роди́телѧ и҆мѧ̀ и҆ꙁвѣ́стнѡ не бꙋ́детъ, ᲃи́це да напи́шетсѧ.

Крести́хъ Младе́нца, и҆лѝ Младе́ницꙋ: є҆го́ же, и҆лѝ є҆ѧ́ же Роди́телей не свѣ́мъ, рожде́нное, и҆лѝ рожде́ннꙋю, днѧ̀, и҆ про́чаѧ, ꙗ҆́коже вы́шше.

А҆́ще же пове́ржено бꙋ́детъ мла́дѧ, да напи́саный бꙋ́детъ дн҃ь, во́нже, и҆ мѣ́сто, и҆де́же, ѝ ки́мъ ѡ҆брѣте́нѡ бы́стъ, и҆ коли́кихъ дні́й въ пра́вдѣ є҆́стъ, и҆ да Креще́нъ бꙋ́детъ подъ конді́цїею, а҆́ще невѣ́стнѡ бꙋ́детъ ѡ҆ Креще́нїи є҆гѡ̀.

А҆́ще мла́да въ домꙋ̀, надше́дшїѧ ра́ди сме́ртныѧ бѣды̀, креще́но бꙋ́детъ, тогда̀ си́це да напи́сано бꙋ́детъ.

Въ Лѣ́то,.. Мцⷭ҇а,.. днѧ,.. Рожде́нный И҆мⷬ҇къ: сы́нъ и҆лѝ дщѝ, И҆мⷬ҇къ, ѿца̀ и҆ ма́тере, законновѣнча́ныхъ, и҆ проч: ꙗ҆́коже и҆ вы́шше: є҆го́ же надше́дшїѧ ра́ди сме́ртныѧ бѣды̀ крести́ла є҆́стъ и҆́стиннѡ И҆мⷬ҇къ: въ бл҃гоговѣ́нїи и҆ꙁвѣ́стнаѧ Ба́ба, и҆лѝ И҆мⷬ҇къ: ᲃы́нъ И҆мⷬ҇къ: ꙗ҆́коже и҆ꙁвѣсти́ ми, ѡ҆неи́ца, И҆мⷬ҇къ:

А҆́ще же жи́во бꙋ́детъ мла́дѧ, и҆ соверша́тсѧ надъ нѣ̀ въ Црк҃ви ᲃт҃ы́ѧ ѡ҆брѧ́ды, ᲃі́е да припи́сано бꙋ́детъ.

Того́жде Мцⷭ҇а,.. днѧ,.. къ Црк҃ви прине́сенѡ бы́сть предрече́нное мла́дѧ, надъ ни́мъ же а҆́ꙁъ И҆мⷬ҇къ, Парохїѧ́лный І҆ере́ѵ꙼, ᲃт҃ы́ѧ ѡ҆брѧ́ды и҆ мл҃твы соверши́хъ, и҆ И҆мⷬ҇къ, и҆менова́хъ є҆гѡ̀, и҆лѝ ю҆̀.

А҆́ще не са́мъ тое́й Паро́хїи Парохїа́лный Преꙁви́теръ, но и҆́ный ᲃщ҃е́нникъ крести́ти бꙋ́детъ, да напи́шетсѧ и҆мѧ̀ є҆гѡ̀.

А҆́ще креще́ный бꙋдетъ подъ конди́цїею, сі́естъ, (а҆́ще нѣ́си крещенъ) и҆ ᲃі́е та́кожде да напи́шетъ сѧ.

Вто́рой Кни́ꙁѣ ᲃи́цево надписа́нїе да бꙋ́детъ.

Вписа́нїе же въ не́й ᲃи́це да бꙋ́детъ.

Въ Лѣ́то Хв҃а Ржⷭ҇тва̀,.. Мцⷭ҇а,.. Днѧ̀,

И҆ꙁвѣще́нїѧмъ ѡ҆бы́чнымъ тре́мъ бы́вшимъ въ мимоше́дшїѧ Пра́ꙁдничныѧ днѝ. Пе́рвое того́жде, и҆лѝ и҆́нагѡ И҆мⷬ҇къ: днѧ̀. Вто́рое же днѧ̀,.. Тре́тее днѧ,.. по Бж҃стве́нной Лѵтꙋ́ргїи бы́стъ, ни є҆дино́мꙋ же препѧ́тїю ѿткровеннꙋ бы́вшꙋ, а҆́ꙁъ И҆мⷬ҇къ: Преꙁви́теръ Парохїѧ́лный Цркве ᲃⷮ: И҆мⷬ҇къ: Гра́да и҆лѝ Села̀ И҆мⷬ҇къ: ᲃн҃а И҆мⷬ҇къ: ѡ҆нси́ца И҆мⷬ҇къ: Паро́хїи Цркве И҆мⷬ҇къ: и҆ И҆мⷬ҇къ: дще́ръ ѡ҆нси́ци, И҆мⷬ҇къ: и҆лѝ ѡ҆ставшꙋю вдови́цꙋ, И҆мⷬ҇къ: сеѧ̀ и҆лѝ и҆́ныѧ Паро́хїѧ, И҆мⷬ҇къ: въ Црк҃ви И҆мⷬ҇къ: въспроси́хъ, и҆ съиꙁволе́нїе ѡ҆бо́ихъ вꙁаи́мъ бы́вшеє чи́ннѡ ᲂу҆слы́шавъ, ѡ҆бы́чнымъ Црк҃овнымъ блⷭ҇ве́нїемъ съчета́хъ и҆ вѣнча́хъ, предстоѧ́щимъ свѣдителемъ И҆мⷬ҇къ, Паро́хїи Цркве И҆мⷬ҇къ: и҆ си́це и҆мена̀ всѣ́хъ тꙋ сꙋ́щихъ и҆ꙁрѧднѣ́йших въпи́сꙋетъ.

А҆́ще є́ди́нъ вѣнча́тисѧ хотѧ́щихъ, ѿ и҆́ныѧ Паро́хїѧ бꙋ́дет, І҆ере́ѵ꙼ Парохїѧ́лный въ є҆го́ же Цр҃кви вѣнча́ни бы́ти и҆́мꙋтъ, ника́коже да вѣнча́етъ, до́ндеже ѿ Преꙁви́тера ѡ҆́ныѧ Паро́хїа и҆ꙁвѣще́нїѧ чи́ннѡ бы́вшаѧ на писмѣ̀ ѿ не́гѡ и҆мѣ́ти бꙋ́детъ, и҆ ᲃі́ѧ въпи́саны да бꙋ́дꙋтъ въ Кни́ꙁѣ ᲃꙋпрꙋ́жества ᲃи́мъ ѡ҆́браꙁомъ.

И҆ꙁвѣще́нїе ᲃꙋпрꙋ́жества сегѡ̀, сотворе́ны бы́шѧ, и҆ ѿ чеⷭ҇тнагѡ І҆ере́ѧ Господи́на И҆мⷬ҇къ: Преꙁви́тера Це́ркве ᲃⷮ: И҆мⷬ҇къ: въ є҆го́же Паро́хїи ѡ҆бита́єтъ пре́дъ и҆менова́нный И҆мⷬ҇къ: и҆лѝ пре́дъ и҆менова́ннаѧ, И҆мⷬ҇къ: ꙗ҆́коже ѿ того́жде Преꙁви́тера писа́нїѧ ꙗ҆встве́ннѡ є҆́стъ.

Пе́рвое же и҆ꙁвѣще́нїе бы́сть, Мцⷭ҇а, днѧ̀, Вто́рое днѧ̀, Тре́тее днѧ̀, по Бжⷭ҇тве́нной Лѵтꙋ́ргїи, и҆ ни є҆ди́нопрепѧ́тїе ꙗ҆вле́нно бы́сть. А҆́ще же повелѣ́нїє҆мъ Е҆пи́скопа, и҆лѝ є҆гѡ̀ Намѣ́сника вѣнча́ти кого̀ приклю́читсѧ, ᲃи́це пи́санѡ да бꙋ́детъ.

Повелѣ́нїемъ и҆ бл҃гослове́нїемъ Преѡсщ҃еннагѡ А҆рхїепⷭ҇па, и҆лѝ Бг҃олюби́вагѡ И҆мⷬ҇къ, Е҆пи́скопа, є҆́же писмены̀ и҆ꙁъѡбраже́нное ᲂу҆ себѐ и҆́мамъ, а҆́ще и҆ препѧ́тїе нѣ́кое мнѧ́шесѧ бы́ти. А҆́ꙁъ И҆мⷬ҇къ, Преꙁви́теръ Парохїѧ́лный, Це́ркве ᲃт҃а́гѡ И҆мⷬ҇къ, Гра́да, и҆лѝ ᲃела̀ И҆мⷬ҇къ. Въ лѣ́то,.. Мцⷭ҇а,.. днѧ,.. вѣнча́хъ и҆ Церко́внымъ бл҃гослове́нїемъ въ сꙋпрꙋ́жество сочета́х И҆мⷬ҇къ, ᲃы́на ѡ҆нси́цѣ И҆мⷬ҇къ, Паро́хїи Церкве И҆мⷬ҇къ: и҆ И҆мⷬ҇къ: дщеръ ѡ҆нси́цѣ И҆мⷬ҇къ, и҆лѝ И҆мⷬ҇къ, ѡ҆ста́вшꙋю Вдови́цꙋ, и҆ проч: ꙗ҆́коже вышъ: Писа́нїе же Па́стырское ᲃи́це въ себѣ̀ и҆́матсѧ. и҆ тꙋ въпи́сꙋетъ Е҆пⷭ҇пское писа́нїе всѐ.

Тре́тей Кни́ꙁѣ ᲃи́цево да бꙋ́детъ надписа́нїе.

Си́мъ же ѻ҆́браꙁомъ въпи́сано да бꙋ́детъ и҆мѧ̀ коего́ждѡ и҆ поре́кло и҆ во́ꙁрастъ, ᲃи́це тꙋ́былцѡвъ, ꙗ҆́коже и҆ стра́нныхъ тꙋ ѡ҆бита́ющихъ. И҆ ᲂу҆́бѡ и҆сповѣда́ющїи и҆ причаща́ющїисѧ, си́цевымъ зна́менїемъ на кра́й Кни́ги наче́ртани да бꙋ́дꙋтъ.

🕂 Ѿше́дшихъ же на и҆́наѧ мѣ́ста ѡ҆бита́ти, подкрысле́нїемъ да начерта́на бꙋ́дꙋтъ.

Вписа́нїе ᲃи́цево да бꙋ́детъ.

Въ Лѣ́то,.. Мцⷭ҇а,.. днѧ̀,.. въ Гра́дѣ, и҆лѝ Селѣ̀, И҆мⷬ҇къ, на сто́гнѣ И҆мⷬ҇къ, въ домꙋ̀ Григо́рїевомъ, (и҆лѝ ѿ Григо́рїѧ нанѧ́томъ) пребыва́ютъ ᲃі́и.

🕂 Григо́рїй, Васи́лїевъ сы́нъ, сы́й лѣ́ты, и҆ про́чаѧ.

🕂 А҆́нна жена̀ є҆гѡ̀, дщѝ І҆ѡа́ннова, ᲃꙋ́щаѧ лѣ́ты, и҆ проч:

🕂 Гаврїи́лъ сы́нъ и҆́хъ, сы́й лѣ́ты, и҆ про́чаѧ.

🕂 Мари́на дщѝ и҆́хъ, сꙋ́щаѧ лѣ́ты, и҆ про́чаѧ.

🕂 А҆леѯі́й ᲃы́нъ ѡ҆нси́цѣ, и҆ И҆мⷬ҇къ, рабо́тникъ, сы́й

🕂 Е҆ле́на дщѝ И҆мⷬ҇къ, рабо́тница, сꙋ́щаѧ лѣ́ты, и҆ про́чаѧ.

🕂 І҆ѡа́ннъ сы́нъ И҆мⷬ҇къ, ѻ҆троча̀, сы́й лѣ́ты, и҆ про́чаѧ.

Четве́ртой Кни́ꙁѣ ᲃи́цево да бꙋ́детъ надписа́нїе.

Въ Лѣ́то,.. Мцⷭ҇а,.. днѧ̀,.. Преста́висѧ ра́бъ Бж҃ій, И҆мⷬ҇къ, ᲃы́нъ И҆мⷬ҇къ, ѿ Гра́да, и҆лѝ ᲃела̀, и҆лѝ Мѣ́ста, ᲃы́й лѣ́ты, (а҆́ще вѣстнѡ сі́е бы́ти мо́жетъ,) въ домꙋ̀, И҆мⷬ҇къ, въ Православнокаѳꙍли́ческой Вѣ́рѣ, и҆сповѣда́въ согрѣше́нїѧ своѧ̀ мнѣ̀ І҆ере́ю, И҆мⷬ҇къ, и҆лѝ и҆́номꙋ І҆ере́ю, И҆мⷬ҇къ, и҆ причасти́всѧ ᲃт҃ы́мъ Хв҃ымъ Тайнамъ, и҆ помаꙁа́нїе ᲃт҃а́гѡ Е҆ле́ѧ прїи́мъ, преда́сть дш҃ꙋ свою̀ бл҃гоче́стнѡ Гв҃и.