В 11-й де́нь

Свята́го священному́ченика Анти́пы, епи́скопа Перга́ма Аси́йскаго

НА ВЕЧЕ́РНИ:

На Го́споди, воззва́х: стихи́ры, глас 4.

Подо́бен: Дал еси́ зна́мение:

Му́ченик свяще́нен,/ и святи́тель благоприя́тен,/ и па́стырь и́стинен, столп непревра́тен,/ благоче́стия степе́нь,/ забра́ло Це́ркве, святи́телей добро́та,/ исто́чник чуде́с, Анти́по, был еси́./ Те́мнее тя ублажа́ем благоче́стно пе́сньми/ и Боже́ственное твое́ днесь соверша́ем торжество́.

Пра́вилом слове́с твои́х/ церко́вный, сла́вне, я́ко ко́рмчий изря́ден,/ кора́бль упра́вил еси́,/ вы́ше волн пла́вая преле́стных/ и всескве́рными козньми́ чужда́го не погруже́н;/ пострада́в же кре́пко и врага́ победи́в,/ ко Христу́ преше́л еси́,/ Его́же стра́сти поревнова́л еси́.

Ми́ро твоя́ мо́щи источа́ют всегда́,/ святи́телю Богодухнове́нне:/ Христо́во же благоуха́ние вои́стинну был еси́,/ пре́лести злосмра́дие низложи́в/ терпели́вно, я́ко страда́лец, му́чениче, сопротивле́нием./ Те́мже тя мо́лим:/ помяни́ вся, ве́рою тя помина́ющия,/ ко Го́споду дерзнове́ние стяжа́в.

Сла́ва, и ны́не, Богоро́дичен:

Одожди́ ми, Влады́чице,/ Твоея́ ми́лости бе́здну,/ и опа́льшееся зно́ем страсте́й се́рдце мое́,/ я́ко Ми́лостива, напо́й, Отрокови́це,/ и умиле́ния ка́пли точи́ти/ непреста́нно сотвори́, молю́ся,/ и́миже утеше́ния сподо́блюся, Чи́стая,/ е́же получи́ти и́мут/ и́же и́скренно пла́кавшиися.

Крестобогоро́дичен:

Распина́ема Христа́ Человеколю́бца ви́дящи Пречи́стая/ и ре́бра ископова́ема копие́м,/ пла́чущи, вопия́ше:/ что́ сие́, Сы́не Мой?/ Что́ Ти безблагода́тнии лю́дие возда́ша,/ за я́же сотвори́л еси́ до́брая им?/ и тщи́шися безча́дствовати Мя, Вселюбе́знейший./ Удивля́юся, Благоутро́бне, Твоему́ во́льному распя́тию.

Тропа́рь, глас 4: И нра́вом прича́стник:

Или́ сей, глас то́йже:

И́дольския ле́сти упраздни́л еси́, Анти́по,/ и, диа́вольскую попра́в си́лу,/ пред богобо́рцы дерзнове́нно Христа́ испове́дал еси́./ Те́мже со А́нгельскими чи́ны в Вы́шних водворя́яся,/ Влады́це всех славосло́вие принося́,/ и о нас моле́бное благодаре́ние предлага́еши,/ благода́ть цельбы́ да́руя./ Сего́ ра́ди тя чтим,/ священному́чениче Анти́по,/ моли́ Христа́ Бо́га,/ да спасе́т ду́ши на́ша.

Кано́н, его́же краегране́сие: Све́тлаго в му́ченицех Анти́пу честву́ю. Творе́ние Ио́сифово. Глас 4.

Песнь 1

Ирмо́с: Мо́ря че́рмную пучи́ну/ невла́жными стопа́ми/ дре́вний пешеше́ствовнв Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Заре́ю трисо́лнечныя благода́ти осия́емь,/ све́тлый твой сей пра́здник соверша́ющия озари́,/ страстна́го избавля́я, му́чениче Анти́по, омраче́ния.

Сло́во Бо́жие тя, всему́дре,/ свиде́теля и́стинна свои́х показа́ страсте́й,/ злоче́стие потребля́ющаго и де́монов вся́кое лука́вство побежда́ющаго.

Умертви́в плотска́я мудрова́ния мно́гими поще́нии,/ свяще́нства Боже́ственнаго свяще́нною украси́лся еси́ оде́ждею/ и безкро́вно поже́рл еси́ тебе́ ра́ди ме́ртва Бы́вшаго.

Богоро́дичен: Све́та Твоего́ блиста́ньми озари́, Отрокови́це Всенепоро́чная,/ в нощи́ страсте́й и искуше́ний одержи́мое се́рдце мое́,/ Пра́вды Со́лнце всем неизрече́нно возсия́вшая.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Источи́л еси́ ре́ки уче́ния, ве́рных напоя́ющия,/ и му́тныя во́ды многобо́жия изсуши́л еси́.

Кре́постию, блаже́нне, Христо́вою, гоня́щих кре́пость ссекл еси́,/ и терпели́вно пострада́л еси́,/ и му́ченически венча́лся еси́.

Де́моном служа́щия чествова́ти Бо́га и́стиннаго уве́рил еси́,/ плоть ме́ртвенную, преподо́бне,/ бога́тством благоутро́бия поне́сшаго.

Богоро́дичен: Избавля́ющаго челове́ки плене́ния вра́жия, Чи́стая,/ Изба́вителя родила́ еси́,/ те́мже благоче́стно Тя сла́вим.

Седа́лен, глас 3.

Подо́бен: Боже́ственныя ве́ры:

Боже́ственными у́гльми Боже́ственныя любве́ разжже́н, му́чениче Анти́по,/ безбо́жия пла́мень угаси́л еси́/ и, в разжже́н вложе́н быв коно́б 10, к Невече́рнему Све́ту отше́л еси́./ О́тче преподо́бне, Христа́ Бо́га моли́/ грехо́в оставле́ние дарова́ти нам.

Сла́ва, и ньше, Богоро́дичен:

Боже́ственнаго естества́ не отлу́чься, плоть быв во чре́ве Твое́м,/ но Бог вочелове́чься и пребы́сть,/ И́же по рождестве́ Ма́терь Тя Де́ву, я́ко пре́жде рождества́,/ сохрани́в Всенепоро́чную, еди́н Госпо́дь:/ Того́ приле́жно моли́ дарова́ти нам ве́лию ми́лость.

Крестобогоро́дичен:

Нескве́рная А́гница Сло́ва, нетле́нная Де́ва Ма́ти,/ на Кресте́ зря́щи пове́шена из Нея́ без боле́зни прозя́бшаго,/ ма́терски подо́бно рыда́ющи, вопия́ше:/ у́вы Мне, Ча́до Мое́!/ Ка́ко стра́ждеши во́лею, хотя́ изба́вити от страсте́й безче́стия челове́ка?

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лце Пра́ведное,/ ста в чи́не свое́му/ досто́йно взыва́ющи:/ сла́ва си́ле Твое́й, Го́споди.

Не поколеба́ столпа́ твоего́ се́рдца/ пребеззако́ннующих противле́ние, му́чениче страстоте́рпче;/ те́мже, распаля́емь ре́вностию ве́ры,/ яви́лся еси́ огня́ си́льнейши.

Дрема́нием нече́стия одержи́мыя возбужда́я, прехва́льне, уче́нии Свята́го Ду́ха,/ к ра́зуму воздви́гл еси́ и́стиннаго позна́ния.

Смири́л еси́ вы́сость де́монскую,/ к Бо́гу возвыше́ньми, Анти́по, прилежа́,/ и восхожде́ньми Боже́ственными обожа́емь, и Богови́ден познава́емь.

Богоро́дичен: По рождестве́, я́ко пре́жде рождества́,/ сохрани́лася еси́, Де́во Ма́ти нетле́нная,/ Зижди́теля бо всех родила́ еси́,/ из Тебе́ челове́ческое те́ло во́лею поне́сшаго.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Возше́л еси́ на го́ру доброде́телей, блаже́нне,/ и в ра́зум вшел еси́ кра́йнейшаго мра́ка,/ и Бо́гу бесе́довал еси́.

Глаго́л твои́х плени́цами/ из глубины́ безбо́жия улови́л еси́, святи́телю, заблу́ждшия челове́ки/ и благода́тию спасл еси́.

Те́ло огню́ на снедь преда́л еси́,/ свы́ше, святи́телю, от Бо́га Боже́ственную ро́су бога́тно прие́мля.

Богоро́дичен: Сый в зра́це Бо́жии Пребоже́ственный всели́ся во чре́во Твое́,/ зрак мой понесы́й Госпо́дь, Всенепоро́чная.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Распе́н воздержа́нием удеса́, блаже́нне, в поще́нии подвиза́вся,/ му́ченическими венча́лся еси́ по́двиги,/ я́же подъя́л еси́ ума́, Анти́по, тве́рдостию.

Стоя́л еси́ пред суди́щем,/ пропове́дуя воплоще́ние тебе́ ра́ди Истощи́вшагося,/ и Пила́тову суди́щу Предста́вшаго, страстоте́рпче,/ и Кресто́м врага́ умори́вшаго.

Боля́щим врачевство́ есть це́рковь,/ в не́йже, блаже́нне му́чениче, терпели́вое твое́ лежи́т те́ло,/ Боже́ственную зарю́ дарова́ний испуща́ет Ду́ха.

Богоро́дичен: Святы́й Иису́с, всели́выйся во утро́бу Твою́,/ И́же во святы́х, Де́во, почива́яй/ и прославля́яй ве́рою и́стинною Сего́, Отрокови́це, сла́вящия.

Конда́к, глас 4.

Подо́бен: Вознесы́йся:

Апо́столов сопресто́льник и святи́телей украше́ние/ был еси́, блаже́нне,/ му́ченически просла́вився,/ возсия́л еси́, я́коже со́лнце, всех просвеща́я,/ Анти́по свяще́нне,/ разруши́л еси́ безбо́жия нощь глубо́кую./ Сего́ ра́ди тя почита́ем,/ я́ко Боже́ственнаго су́ща священному́ченика/ и целе́б пода́теля.

Икос:

Ве́рно любо́вию совоку́пльшеся в па́мять свяще́ннаго страда́льца,/ сего́ пе́сньми восхва́лим днесь,/ я́ко да благода́ти от него́ наслади́мся:/ ду́ши бо спаса́ет от страсте́й и бед, я́ко му́ченик и я́ко ве́рен святи́тель и побо́рник моля́щим его́ от души́./ Те́мже вопие́м ему́:/ от бед изба́ви ны при́сно свои́ми мольба́ми, о́тче наш Анти́по.

Песнь 7

Ирмо́с: В пещи́ Авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Ю́ныя три о́троки изобразу́я, Анти́по му́дре,/ я́коже посреди́ пе́щи, стал еси́ лю́то разжже́ннаго ме́днаго сосу́да, взыва́я:/ благослове́н еси́ в хра́ме сла́вы Твоея́, Го́споди.

Да Све́та непристу́пнаго яви́шися прича́стник,/ тьму лука́вых духо́в, Бо́гом просвеще́н, мимоте́кл еси́,/ благослове́н еси́, Бо́же мой, – зовы́й, – Го́споди.

Стра́сти разли́чны рукоде́йством, Анти́по, ду́ха утоля́еши челове́ков, му́чениче,/ Христо́вым подо́бяся страсте́м,/ благослове́н еси́, Бо́же мой, – зовы́й, – Го́споди.

Богоро́дичен: От крове́й, Отроко́вице, деви́ческих Твои́х/ вои́стинну вопло́щся Сло́во, Отцу́ Собезнача́льное,/ на́ше сокруше́ние исправля́я./ Благослове́на Ты в жена́х еси́, Пренепоро́чная Влады́чице.

Песнь 8

Ирмо́с: Ру́це распросте́р, Дании́л/ львов зия́ния в ро́ве затче́:/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели о́троцы, взыва́юще:/ благослови́те, вся дела́ Госпо́дня, Го́спода.

Ны́не не в зерца́лех зри́ши, ни в гада́ниих до́брых после́днее,/ лице́м же па́че к лицу́, преше́дшим се́нем, вопия́ ра́достно тя Просла́вльшему:/ благослови́те, вся дела́ Госпо́дня, Го́спода.

Тя, Началопа́стыря Христа́ Боже́ственное овча́ до́бре упа́сшаго Того́ ста́да, прему́дре,/ я́ко а́гнца, беззако́ннии всесожига́ют огне́м, Анти́по, пою́ща:/ благослови́те, вся дела́ Госпо́дня, Го́спода.

На ка́мени Боже́ственных за́поведей се́рдца твоего́ утверди́л еси́ стопы́,/ лю́тых мук ве́тры, ласка́тельными же бу́рями не поколеба́лся еси́,/ песнопоя́, Анти́по прему́дре:/ благослови́те, вся дела́ Госпо́дня, Го́спода.

Богоро́дичен: Я́ко Ма́ти всех Творца́, я́ко Боже́ственный храм Вседержи́теля,/ я́ко земля́ неора́нная, неде́ланный клас прозя́бшая,/ Де́во Ма́ти, ве́рны вопию́щия сохрани́:/ благослови́те, вся дела́ Госпо́дня, Го́спода.

Песнь 9

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Иера́ршески, святи́телю, свяще́нное сконча́л еси́ тече́ние,/ свяще́ннейшую жизнь твою́ свяще́ннейше соверши́в,/ ра́дуяся, поте́кл еси́, к тебе́ Люби́мому, Анти́по му́чениче свяще́ннейше.

Я́ко доброде́тельными ви́ды удобре́н быв,/ сла́вою муче́ния, всеблаже́нне, освяти́ся/ и преше́л еси́ к кра́сному Го́споду, прича́стием обожа́емь, Богоприя́тне.

Ты Госпо́днею любо́вию разжже́гся, му́чениче Анти́по,/ в разжже́н усе́рдно вшел еси́ сосу́д, всесожига́емь,/ и Бо́гу прия́тна, о́тче, же́ртва прине́слся еси́.

Свяще́нных твои́х моще́й свяще́нная, блаже́нне, ра́ка ми́ро исцеле́ний то́чит,/ злосмра́дныя стра́сти отгоня́щи/ и твою́ сла́вящия па́мять я́ве благоуха́ющи.

Богоро́дичен: Нося́щая Христа́ на руку́, манове́нием нося́щаго вся,/ Сего́, я́ко Бо́га и Влады́ку, Чи́стая, моли́ уще́дрити ны,/ Богоро́дицу Чи́стую испове́дающия Тя всегда́, Непоро́чная.

Моли́тва

О пресла́вный священному́чениче Анти́по и ско́рый помо́щниче Христиа́ном в боле́знех! Ве́рую от всея души́ и помышле́ния, я́ко даде́ся тебе́ от Го́спода дар боля́щия исцеля́ти, неду́гующия врачева́ти и разсла́бленныя укрепля́ти. Сего́ ра́ди к тебе́, я́ко благода́тному врачу́ боле́зней, аз, не́мощный, прибега́ю и, твой досточти́мый о́браз с благогове́нием лобыза́я, молю́ся: твои́м предста́тельством у Царя́ Небе́снаго испроси́ мне, боля́щему, исцеле́ние от удруча́ющия мя зубны́я боле́зни, а́ще бо и недосто́ин есмь тебе́, бла́гостнейшаго отца́ и при́снаго засту́пника моего́, но ты, быв подража́тель человеколю́бия Бо́жия, сотвори́ мя досто́йна твоего́ заступле́ния чрез мое обраще́ние от злых дел к благо́му житию́, уврачу́й оби́льно дарова́нною тебе́ благода́тию я́звы и стру́пы души́ и те́ла моего́, да́руй ми здра́вие и спасе́ние и во всем благо́е поспеше́ние, да, та́ко ти́хое и безмо́лвное житие́ пожи́в во вся́ком благоче́стии и чистоте́, сподо́блюся со все́ми свя́тыми сла́вити всесвято́е И́мя Отца́, и Сы́на, и Свята́го Ду́ха. Ами́нь.

Священномученик Антипа

Священномученик Антипа – ученик святого апостола Иоанна Богослова (память 26 сентября), был епископом Пергамской Церкви в царствование императора Нерона (54–68). В то время по повелению императора всех, кто не приносил жертвы идолам, подвергали казни или изгнанию. Тогда был сослан на остров Патмос (в Эгейском море) святой апостол Иоанн Богослов, которому Господь открыл будущие судьбы мира и Святой Церкви.

О кончине святителя Антипы повествуется так: «И Ангелу Пергамской Церкви напиши: так говорит Имеющий острый с обеих сторон меч: знаю твои дела, и что ты живешь там, где престол сатаны, и что содержишь Имя Мое, и не отрекся от веры Моей даже в те дни, в которые у вас, где живет сатана, умерщвлен верный свидетель Мой Антипа» (Откр. 2:12–3). Святитель Антипа своим примером, твердой верой и неустанной проповедью о Христе достиг того, что жители Пергама начали уклоняться от жертвоприношений идолам. Языческие жрецы упрекали епископа в том, что он отвращает народ от поклонения отечественным богам, и требовали прекратить проповедь о Христе и принести жертву идолам. Святитель Антипа спокойно ответил, что не станет служить бесам, что он поклоняется и будет поклоняться Господу Вседержителю, создавшему все, и Его Единородному и Единосущному Сыну и Святому Духу. Жрецы возразили, что их боги существуют издавна, а Христос появился недавно и был распят при Пилате как злодей. Святитель ответил, что языческие боги созданы руками людей и все сказания о них исполнены беззаконий и пороков. Он твердо исповедовал веру в Сына Божия, воплотившегося от Пресвятой Девы. Разъяренные жрецы повлекли священномученика Антипу в храм Артемиды и бросили его в раскаленного медного вола, куда обычно бросали жертвы идолам. Священномученик в раскаленной печи громко молился Богу, прося принять его душу и укрепить веру христиан. Он отошел ко Господу спокойно, как бы уснув († ок. 68). Ночью христиане взяли не тронутое огнем тело священномученика Антипы и с честью похоронили в Пергаме. Гробница священномученика стала источником чудес и исцелений от различных болезней. Особенно прибегают к священномученику Антипе при зубных болях.

Преподо́бнаго Иа́кова, игу́мена Железнобо́ровскаго

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 8.

Подо́бен: Му́ченицы Твои́, Го́споди:

Преподо́бне о́тче Иа́кове,/ разгоре́ся се́рдце твое́ Ду́хом Бо́жиим,/ любве́ бо ра́ди Христо́вы/ возлюби́л еси́ чин и́ноческий/ и вся земна́я возненави́дел еси́,/ кроме́ славосло́вия Бо́жия и церко́внаго украше́ния,/ те́мже воспали́ любы́ Бо́жия ду́шу твою́,/ е́же ты всегда́ зре́ти лице́ Бо́жие./ Ему́же вы́ну предстоя́, преподо́бне,/ моли́ся о душа́х на́ших.

Преподо́бне о́тче Иа́кове,/ посто́м и моли́твами Бо́гу угоди́л еси́/ и ми́лостынями Ми́лостиваго Бо́га умили́л еси́,/ сего́ ра́ди Ца́рствие Небе́сное насле́довал еси́,/ лука́выя же ду́хи низве́ргл еси́ посо́бием Бо́жиим/ и тьмы кня́зя посрами́л еси́./ Моли́ся у́бо Христу́ Бо́гу/ дарова́ти нам ве́лию ми́лость.

Преподо́бне о́тче Иа́кове,/ люби́телю пусты́ни, смире́ния рачи́телю,/ це́рквам строи́телю, наста́вниче и́ноком,/ и́же вождь до́брый всем лю́дем/ на пути́ ко спасе́нию был еси́/ и яви́лся еси́ стори́цею прине́сший плод доброде́тели./ Моли́ Христа́ Бо́га/ дарова́ти нам ве́лию ми́лость.

Святи́телю Ио́не Всеросси́йскому/ собесе́дник был еси́, преподо́бне,/ и от него́ наставля́емь и учи́м Сло́ву Бо́жию,/ сего́ ра́ди моли́ ку́пно с ним Го́спода,/ да пода́ст правосла́вным лю́дем/ на сопроти́вныя свы́ше побе́ду и одоле́ние/ и на вся враги́ устраше́ние,/ и умири́т мир ми́лостию Свое́ю,/ и пода́ст нам вся блага́я Своя́,/ моли́тв ра́ди святы́х ва́ших.

Сла́ва, глас 6:

Преподо́бне о́тче и свя́те Иа́кове,/ на земли́ преходя́щее вре́мя прежи́л еси́,/ посто́м и моли́твами Бо́гу угожда́я,/ сего́ ра́ди ны́не на Небеси́ лику́еши/ и со А́нгелы пребыва́еши,/ дерзнове́ние име́я ко Христу́ Бо́гу,/ мир испроси́ душа́м на́шим.

И ны́не, пра́здника.

На стихо́вне стихи́ры, глас 5.

Подо́бен: Ра́дуйся:

Ра́дуйся, преподо́бне о́тче Иа́кове,/ устро́ивый в пусты́ни оби́тель/ и именова́вый ю во имя Спа́сова Предте́чи Иоа́нна,/ иде́же положены́ бы́ша святы́я мо́щи твоя́,/ на ни́хже почива́яй Дух Святы́й/ то́чит цельбы́ мно́ги/ приходя́щим челове́ком с ве́рою,/ вся́кими неду́ги стра́ждущим,/ и́же исцеле́ние прие́млют/ святы́х ра́ди моли́тв твои́х.

Стих: Честна́ пред Го́сподем/ сме́рть преподо́бных Его́.

Ра́дуйся, преподо́бне о́тче Иа́кове,/ собра́вый в пусты́ню и́нок мно́жество/ и, с ни́ми всено́щным стоя́нием Бо́га моля́,/ воздержа́нием поста́ ду́шу удобри́л еси,/ и чи́сту Бо́гу предста́вил еси́ ю,/ и прия́л еси́ дар мздовоздая́ния –/ Небе́сный вене́ц на главе́ свое́й со ученики́ свои́ми,/ и́же после́доваша житию́ твоему́ свято́му;/ и ны́не моли́ся Го́сподеви о созда́нней тобо́ю оби́тели,/ и о христиа́нех всех, призыва́ющих и́мя твое́ свято́е,/ е́же спасти́ся душа́м на́шим.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ра́дуйся, о́тче Иа́кове преподо́бне,/ я́ко утоли́л еси́ пло́ти возста́ния/ мно́гим терпе́нием и до́лгим алка́нием,/ от чресл бо ма́терних соблюда́емый Бо́гом,/ имел еси́ бде́ние неусы́пное;/ того́ ра́ди отве́рзеся тебе́, о́тче, Ца́рство Небе́сное,/ и Боже́ственнаго Ду́ха благода́ть/ всели́ся в се́рдце твое́м,/ и сла́вна тя показа́ Госпо́дь во мно́зех стране́х./ Моли́ся у́бо, преподо́бне,/ о творя́щих честну́ю па́мять твою́,/ яко да получи́м от Го́спода благода́ть/ и душа́м на́шим мир и ве́лию ми́лость.

Сла́ва, глас 6:

Е́же по о́бразу Бо́жию соблю́д невреди́мо,/ ум влады́ку на стра́сти па́губныя по́стнически поста́вив,/ и во е́же по подо́бию, я́коже мо́щно, возше́л еси́,/ му́жески бо естество́ пону́див,/ потща́лся еси́ ху́ждшее покори́ти лу́чшему/ и плоть порабо́тити ду́ху,/ те́мже и и́ноком яви́лся еси руководи́тель,/ благотеку́щим утеше́ние,/ пра́вило доброде́телей изве́стнейшее./ И ны́не на Небесе́х зре́ти Святу́ю Тро́ицу сподо́бивыйся,/ о́тче наш Иа́кове,/ моли́ся непреста́нно о нас,/ ве́рою и любо́вию чту́щих тя.

Тропа́рь зри на вели́цей вече́рни.

НА ВЕЛИЦЕЙ ВЕЧЕРНИ

На Го́споди, воззва́х: стихи́ры. Глас 1.

Подо́бен: Небе́сных чино́в:

О́тче Иа́кове преподо́бне,/ твоя́ пресве́тлая па́мять/ свяще́нная собра́ния весели́т до́бре,/ твое́ же житие́, чуде́с оби́льное,/ я́ко заря́ сия́ет све́тлая,/ и ны́не мо́лим тя:/ Христо́ви моли́ся/ дарова́ти душа́м на́шим/ мир и ве́лию ми́лость.

О́тче святы́й Иа́кове,/ вре́менных и плотски́х мудрова́ний чужда́яся,/ духо́вная и пребыва́ющая возлюби́л еси́,/ сме́ртную же па́мять в се́рдцы стяжа́л еси́,/ и ны́не Христу́ моли́ся/ дарова́ти душа́м на́шим/ мир и ве́лию ми́лость.

О́тче Иа́кове преподо́бне,/ до́блестей испо́лненный,/ на Небеса́ восте́кл еси́/ и побе́дныя по́чести прия́л еси́/ от Христа́ Бо́га на́шего,/ те́ло же твое́, положено́ во гро́бе, о́тче,/ оста́вил еси́ источа́ти нам исцеле́ние,/ и ны́не Христо́ви моли́ся/ дарова́ти душа́м на́шим/ мир и ве́лию ми́лость.

Сла́ва, глас 6:

Днесь созыва́ет нас преподо́бнаго све́тлое торжество́./ Прииди́те у́бо, празднолю́бцы,/ да пра́зднуим па́мять его́, глаго́люще:/ ра́дуйся, Иа́кове, свети́льниче све́тлый,/ приводя́й ко Христу́ и́ноков мно́жество./ Ра́дуйся, по́стником похвало́ и удобре́ние,/ и всем ве́рным благоути́шное приста́нище,/ и от неду́г избавле́ние./ Ра́дуйся, Небе́сных чино́в восприя́тия сподо́бивыйся,/ с ни́миже ны́не ра́дуешися во сла́ве,/ предстоя́ Христу́ Бо́гу,/ Его́же моли́ изба́вити нас ви́димых и неви́димых враг/ и спасти́ ду́ши на́ша.

И ны́не, пра́здника.

Вход. Проки́мен дне и чте́ния три преподо́бническая (зри 7-ое апреля).

На лити́и стихи́ры самогла́сны.

Глас 5:

Преподо́бне о́тче,/ не дал еси́ сна твои́ма очи́ма,/ ни ве́ждома твои́ма дрема́ния,/ до́ндеже ду́шу и те́ло от страсте́й свободи́л еси́,/ те́мже и Христо́с, прише́д со Отце́м,/ оби́тель у тебе́ сотвори́./ И от Того́ благода́ть прии́м, преподо́бне Иа́кове,/ моли́ Единосу́щную Тро́ицу/ спасти́ся душа́м на́шим.

Богому́дре о́тче Иа́кове,/ по́стником был еси́ похвала́ и утвержде́ние,/ мир отню́д возненави́дев от ю́ности,/ Бо́га возлюби́л еси́,/ и те́сным путе́м ше́ствовал еси́,/ и и́ноческое житие́ возлюби́л еси́./ Пресве́тлый свети́льниче и ве́рным всем те́плый засту́пниче,/ моли́ся Го́сподеви/ спасти́ся душа́м на́шим.

Богому́дре о́тче,/ ду́шу с те́лом очи́стив,/ Свято́му Ду́ху себе́ оби́тель яви́,/ те́мже сла́вна тя Госпо́дь, Иа́кове, соде́ла,/ в чудесе́х же вели́каго свети́льника,/ просвети́вша во мра́це су́щая,/ я́ко наста́вника и́ноком, соше́дшеся,/ велегла́сно ублажа́ем.

Преподо́бне о́тче Иа́кове,/ от Го́спода просвеще́ние прии́м/ и душетле́нныя стра́сти победи́в,/ в до́брых по́двизех подвиза́лся еси́ на неви́димаго врага́,/ и, того́ ко́зней, блаже́нне, избежа́в, всели́лся еси́ в преми́рная селе́ния,/ и та́мо с ли́ки пра́ведных сочета́лся еси́;/ с ни́миже дерзнове́ние име́я ко Го́споду,/ мир испроси́ душа́м на́шим/ и ве́лию ми́лость.

Сла́ва, глас 6:

Преподо́бне о́тче,/ ми́ра красоты́ и сла́сти вре́менныя отню́д возненави́дев,/ и́ноческое житие́ па́че возлюби́л еси́/ и А́нгелом собесе́дник бы́ти сподо́бился еси́/ и, я́ко свети́льник многосве́тлый Ру́сския земли́,/ чудеса́ми свои́ми сия́еши,/ те́мже усе́рдно мо́лимся тебе́:/ помина́й всех нас, соверша́ющих свяще́нную па́мять твою́,/ мы бо ча́да твоя́/ и о́вцы слове́сныя твои́х уче́ний/ и тя на по́мощь призыва́ем,/ прося́ще тобо́ю прия́ти/ мир и ве́лию ми́лость.

И ны́не, пра́здника.

На стихо́вне стихи́ры, глас 4.

Подо́бен: Дал еси́ зна́мение:

Житие́ нескве́рно,/ терпе́ние, и кро́тость, и любо́вь нелицеме́рну,/ и воздержа́ние приме́рно,/ всено́щное стоя́ние/ и умиле́ние Боже́ственное,/ ве́ру, и наде́жду, и ми́лование, о́тче, стяжа́л еси́/ и, а́ки А́нгел, пожи́л еси́ с пло́тию на земли́,/ блаже́нне Иа́кове,/ моли́твенниче о душа́х на́ших.

Стих: Честна́ пред Го́сподем/ смерть преподо́бных Его́.

Земны́й А́нгел и Небе́сный челове́к был еси́, преподо́бне,/ учи́тель умиле́ния, ми́лования струя́,/ чуде́с мно́жество, гре́шником засту́пниче,/ ма́слина вои́стинну плодови́та Бо́жия,/ еле́ем трудо́в умаща́я сердца́ всех ве́рных,/ восхваля́ющих па́мять твою́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ум твой просвеща́я Боже́ственными словесы́/ и теле́сных страсте́й удаля́яся,/ о́браз земны́м себе́ яви́л еси́,/ укра́шен же быв Боже́ственными доброде́тели,/ и, руководи́мый Всесвята́го Ду́ха де́йством,/ Бо́гови уго́ден был еси́,/ о́тче наш Иа́кове,/ и́ноком украше́ние.

Слава, глас 6:

Преподо́бне о́тче,/ во мно́гия страны́ изы́де веща́ние твои́х наставле́ний,/ и́миже на Небесе́х обре́л еси́ мзду трудо́в твои́х,/ бесо́вския полки́ победи́л еси́/ и А́нгельским чино́м причте́н был еси́,/ и́хже житию́ поревнова́л еси́,/ дерзнове́ние имы́й ко Го́споду,/ мир испроси́ душа́м на́шим и ве́лию ми́лость.

И ны́не, пра́здника.

Тропа́рь, глас 4:

Небе́снаго жела́я,/ земна́я возненави́дел еси́/ и, взем крест свой, после́довал еси́ Христу́/ и от Него́ прие́м дарова́ния чуде́с,/ исцеля́ти неду́жныя;/ но, я́ко име́я дерзнове́ние ко Святе́й Тро́ице,/ испроси́ правосла́вным христиа́ном здра́вие и спасе́ние,/ на враги́ же побе́ду/ и не забу́ди, посеща́я чад свои́х,/ припа́дающих к цельбоно́сному гро́бу твоему́,/ Иа́кове, преподо́бне о́тче наш.

НА УТРЕНИ

По 1-м стихосло́вии седа́лен, глас 1.

Подо́бен: Лик а́нгельский:

Житие́ земно́е благоче́стно преше́л еси́/ и к ве́чным оби́телем преста́вился еси́,/ честно́е же те́ло твое́ во гро́бе сокрове́нно и в созда́нней оби́тели твое́й положено́ бысть,/ и яви́ е Госпо́дь нетле́нно и по преставле́нии твое́м всем явле́но,/ те́мже моли́ Христа́ Бо́га о пра́зднующих всечестну́ю па́мять твою́,/ Иа́кове Богому́дре, о́тче наш.

Сла́ва, и ны́не, Богоро́дичен:

Ра́дуйся, Пречи́стая, душа́м снабде́ние,/ обурева́емым приста́нище невла́емое11,/ согреша́ющим исправле́ние изве́стное./ Ра́дуйся, утеше́ние ско́рбным душа́м и Помо́щнице непобеди́мая./ Ра́дуйся, преми́рная ко Го́споду Хода́таица о всех христиа́нех.

По 2-м стихосло́вии седа́лен, глас 5:

Пусты́ннаго жи́теля почти́м,/ вся прило́ги страсте́й плотски́х попра́вшаго тве́рдым воздержа́нием,/ и притеце́м к честно́му гро́бу его́, иде́же лежа́т честны́я и многоцеле́бныя мо́щи его́, и глаго́лем:/ о преблаже́нне Иа́кове, моли́ся Го́сподеви со Предте́чею Христо́вым Иоа́нном/ поми́ловатися душа́м на́шим.

Сла́ва, и ны́не, Богоро́дичен:

Тя пе́сньми немо́лчными ублажа́ем, Де́во,/ я́ко от Тро́ицы Еди́наго родила́ еси́/ и носи́ла еси́ на Пречи́стую руку́ воплоти́вшееся Сло́во, непрело́жно и неизме́нно,/ те́мже со А́нгелом Тебе́ вопие́м:/ ра́дуйся, Благода́тная, Госпо́дь с Тобо́ю.

По полиеле́и седа́лен, глас 8:

Егда́ Боже́ственная любо́вь воспали́ ду́шу твою́, свя́те,/ тогда́ вся сро́дники своя́ оста́ви, и плотски́я стра́сти укроти́,/ и, и́ночество восприя́в, в пусты́ню вни́де,/ и вся страши́лища бесо́вская претерпе́ Бо́жиим хране́нием,/ иде́же, я́ко кедр, умно́жися и проро́чествия дар прии́м,/ те́мже неотъе́млемо бога́тство на Небеси́ дарова́ тебе́ Бог, Иа́кове преподо́бне,/ моли́ Христа́ Бо́га согреше́нием оставле́ние пода́ти/ любо́вию чту́щим святу́ю па́мять твою́.

Сла́ва, и ны́не, Богоро́дичен:

Вопло́щшееся Сло́во от утро́бы Твоея́ ро́ждши, Пречи́стая,/ мене́, растле́ннаго грехи́, от прило́г вра́жиих сохрани́, Ма́ти Бо́жия,/ и се́рдце мое́ очи́сти, Богоблагода́тная, Ма́терними Твои́ми моли́твами,/ да и аз благода́рно воззову́ Ти:/ Мари́е Богоро́дице, моли́ Сы́на Твоего́ и Бо́га на́шего/ поми́ловати ста́до Твое́, е́же стяжа́, Всенепоро́чная.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Ева́нгелие от Матфе́я, зача́ло 43.

По 50-м псалме́ стихи́ра, глас 6:

Пресла́внаго строи́теля,/ и до́му Предте́чева украси́теля,/ и первоугоди́вшим Бо́гу отце́м ревни́теля,/ по́стником похвалу́, и немощны́м цели́теля,/ и бесо́м прогони́теля, Иа́кова почти́м,/ процвете́ у́бо, я́ко крин,/ и умно́жи ста́до Христо́во слове́сных ове́ц,/ сохраня́я их моли́твами свои́ми в преподо́бии и пра́вде.

Кано́н преподо́бному, глас 8.

Песнь 1

Ирмо́с: Пои́м Го́сподеви,/ прове́дшему лю́ди Своя́ сквозе́ Чермно́е море,/ я́ко Еди́н сла́вно просла́вися.

Я́ко Безпло́тен, блаже́нне Иа́кове, на земли́ поживе́/ и ны́не с ли́ки преподо́бных сочета́лся еси́,/ с ни́миже ра́дуяся, нас, чту́щих тя, помина́й, приснопа́мятне.

Греха́ми мно́гими помраче́нное мое́ се́рдце просвети́, блаже́нне Иа́кове,/ те́плыми моли́твами твои́ми.

Умо́м очище́нным Бо́гови порабо́тился еси́,/ целому́дрием теле́сным и чистото́ю/ ду́шу и те́ло свое́ просвети́л еси́, блаже́нне Иа́кове.

Богоро́дичен: Прему́дрость и Сло́во О́тчее несказа́нно ро́ждшая,/ души́ моея́ лю́тую исцели́ я́зву/ и серде́чную укроти́ боле́знь.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Ду́хом разжже́н быв, Иа́кове о́тче, труды́ подъя́л еси́,/ возвы́сився смире́нием, горды́ню бесо́вскую смири́л еси́, преподо́бне,/ сла́ва и́ноком и утвержде́ние.

По у́зкому пути́ ходи́л еси́ в житии́ свое́м,/ простра́ннаго пути́ удаля́яся, о́тче,/ неви́димаго зми́я посрами́л еси́, смире́нием огражда́яся.

Моле́бный глас мой услы́ши, о́тче Иа́кове преблаже́нне,/ не забу́ди раба́ твоего́,/ воспева́ющаго честны́я твоя́ по́двиги.

Богоро́дичен: Уста́ви неуста́вное се́рдце мое́, Чи́стая Ма́ти Бо́жия,/ Сы́ну Твоему́ моля́щися при́сно о рабе́ Твое́м.

Седа́лен, глас 8:

Ра́зума тве́рдостию украша́яся, плотски́я тя́гости отве́рг,/ зми́еву горды́ню попра́л еси́/ и, оби́тель быв избра́нная Свято́му Ду́ху,/ неукло́нным ра́зумом порабо́тился еси́ Христу́, всеблаже́нне Иа́кове./ Того́ моли́ грехо́в оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Я́ко еди́ну в жена́х Де́ву Тя обре́тше, без се́мени ро́ждшую Бо́га пло́тию,/ вся блажи́м Тя, ро́ди челове́честии:/ Сло́во бо всели́ся в Тя Боже́ственное,/ Его́же, я́ко Младе́нца, пита́ла еси́, Зижди́теля и Го́спода;/ те́мже А́нгельский собо́р и челове́ческий род досто́йно сла́вим пречи́стое рождество́ Твое́,/ и мы вси согла́сно вопие́м Ти:/ моли́ Христа́ Бо́га согреше́нием на́шим оставле́ние дарова́ти восхваля́ющим Тя.

Песнь 4

Ирмо́с: Всел еси́ на ко́ни, апо́столы Твоя́, Го́споди,/ и прия́л еси́ рука́ма Твои́ма узды́ их,/ и спасе́ние бысть ежде́ние Твое́/ ве́рно пою́щим:/ сла́ва си́ле Твое́й, Го́споди.

Ходи́л еси́ в путя́х пра́вых,/ и, та́ко неукло́нно ше́ствуя, дости́гл еси́, блаже́нне, широты́ ра́йския,/ и А́нгельским лико́м сочета́лся еси́.

В пусты́ню жела́нием, преподо́бне, всели́вся,/ подвиза́лся еси́ кре́пкими по́двиги, поще́нием/ и моли́твами день и нощь ко Го́споду,/ научи́ ны вопи́ти:/ сла́ва си́ле Твое́й, Го́споди.

Храм Бо́гови боголе́пен воздви́гл еси́/ и той во и́мя рождества́ Предте́чи именова́л еси́,/ в не́мже сла́вится при́сно честно́е и́мя твое́, Иа́кове преподо́бне.

Богоро́дичен: Ра́дуйся, Влады́чице Де́во,/ це́рквам еси́ красо́та и ве́рным похвала́ и держа́ва,/ непреста́нно моли́ся, Богоро́дице, Сы́ну Своему́/ сохрани́ти правосла́вныя лю́ди от вся́каго зла́го обстоя́ния.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир пода́ждь нам,/ Человеколю́бче.

Просвеща́я ум свой Боже́ственными словесы́,/ теле́сных страсте́й устрани́лся еси́/ и, превы́ше быв земны́х,/ соблю́л еси́ о́браз в себе́ Боже́ственный не омраче́н.

Не забу́ди, блаже́нне Иа́кове, посеща́ти чад твои́х,/ соверша́ющих свяще́нную па́мять твою́,/ я́ко да твои́ми моли́твами изба́вимся вся́кия ну́жды и печа́ли.

Нощь грехо́вная покры́ла мя есть,/ но озари́ мя покая́нием, преподо́бне,/ да омы́ю скве́рну грехо́вную окая́нныя моея́ души́.

Богоро́дичен: Всесве́тлым озарена́ еси́ све́том, Богора́дованная Ма́ти:/ Ты бо честне́йши родила́ еси́ Христа́ всех Бо́га,/ Его́же моли́, да изба́вит ны от вся́ких напа́стей.

Песнь 6

Ирмо́с: Ри́зу мне пода́ждь све́тлу,/ одея́йся све́том, я́ко ри́зою,/ Многоми́лостиве Христе́ Бо́же наш.

Ма́слина вои́стинну Бо́жия плодови́та быв труды́ твои́ми,/ моли́ся, Иа́кове преподо́бне,/ за ве́рно на по́мощь призыва́ющих тя.

Земны́й А́нгел и Небе́сный челове́к был еси́, преподо́бне,/ и учи́тель умиле́ния, ми́лования струя́, и исто́чник чудесе́м.

Сле́зными пото́ки и тру́дными по́ты у́глия сла́дости грехо́вныя погаси́л еси́./ Те́мже в чудесе́х сла́вна тя показа́ Госпо́дь, Иа́кове блаже́нне,/ и украси́ вы́шними дарова́нии.

Богоро́дичен: Умертви́ся смерть Тобо́ю/ и а́дово жа́ло притупи́ся, Ма́ти Чи́стая:/ Ты бо Безсме́ртнаго Влады́ку Христа́ пло́тию ми́рови родила́ еси́.

Конда́к, глас 8.

Подо́бен: Взбра́нной:

Серде́чная о́чи, досточу́дне, ко Го́споду впери́в/ и теле́сныя стра́сти из ко́рене исторга́я,/ неболе́зненную жизнь в боле́знех восприя́л еси́, преподо́бне,/ боле́знем же лю́тым дае́ши исцеле́ние прося́щим с ве́рою у тебе́,/ те́мже мо́лим тя, досточу́дне,/ исцели́ на́ша боле́зни душе́вныя и теле́сныя, да зове́м ти:/ ра́дуйся, Иа́кове Богому́дре, о́тче наш.

Икос:

Покая́ния две́ри отве́рзи ми, всеблаже́нне,/ да омы́ю скве́рну окая́нныя моея́ души́/ и те́ла моего́ вся чу́вства очи́сти, да зову́ ти благода́рственная:/ ра́дуйся, по́стником вои́стинну преди́вное удобре́ние;/ ра́дуйся, исто́чниче пресла́дкий, напая́ющий ве́рных сердца́ уче́ньми./ Ра́дуйся, нощь на́шего неразу́мия отгна́вый смиренному́дрием;/ ра́дуйся, прелюби́мая весно́, израсти́вшая нам нелицеме́рную любо́вь./ Ра́дуйся, прекра́сный кри́не, любвеоби́льным взо́ром ко Господу влеки́й;/ ра́дуйся, чудесы́ свои́ми мно́гих удивля́яй./ Ра́дуйся, возжеле́нная соверши́вый;/ ра́дуйся, ве́рным по Бо́зе кре́пкая наде́ждо./ Ра́дуйся, се́рдцем свои́м прилепля́яйся ко Христу́ день и нощь;/ ра́дуйся, оби́тели своея́ храни́телю./ Ра́дуйся, па́стырю и нача́льниче слове́сных ове́ц./ Ра́дуйся, Иа́кове Богому́дре о́тче наш.

Песнь 7

Ирмо́с: А́нгелом о́троки из огня́ спасы́й/ и гремя́щую пещь преложи́вый на ро́су,/ благослове́н еси́, Бо́же оте́ц на́ших.

А́нгельским житие́м, блаже́нне Иа́кове, пожи́л еси́,/ труды́ подвиго́в твои́х умно́жил еси́/ и процве́л еси́, я́ко фи́никс, воспева́я:/ благослове́н еси́, Го́споди, Бо́же оте́ц на́ших.

Восхваля́я тя, о́тче Иа́кове преподо́бне, взыва́ем ти:/ моли́ Христа́ Бо́га лука́вства диа́воля изба́вити нас, воспева́ющих:/ благослове́н еси́, Го́споди, Бо́же оте́ц на́ших.

В путе́х жития́ заблу́ждшаго и зимо́ю грехо́вною олядене́вшаго,/ согре́й мя, Иа́кове преподо́бне, и научи́ вопи́ти:/ благослове́н еси́, Бо́же оте́ц на́ших.

Богоро́дичен: Прия́ла еси́ вои́стинну Боже́ственное Сло́во во чре́во Свое́/ и Сие́ па́че естества́, Пречи́стая, родила́ еси́./ Его́же моли́ изба́вити от бед раб Твои́х, вопию́щих:/ благослове́н Бог оте́ц на́ших.

Песнь 8

Ирмо́с: От Отца́ пре́жде век Рожде́ннаго/ и от Ма́тере в после́дняя Воплоще́ннаго,/ свяще́нницы, благослови́те,/ лю́дие, превозноси́те во вся ве́ки.

И́нок и́стинен был еси́,/ простра́ннаго пути́ удаля́яся, широты́ ра́йския дости́гл еси́/ и та́мо дре́ву живо́тному причаща́ешися во ве́ки.

Дом духо́вный доброде́тели был еси́,/ и правоты́ пра́вило испра́вил еси́, Иа́кове пречу́дне,/ и бу́дущих благ сподо́бился,/ дре́ву живо́тному причаща́ешися во ве́ки.

Лико́м преподо́бных сочета́лся еси́,/ и по́стническим житие́м украси́лся еси́, Иа́кове преподо́бне,/ и ны́не в ра́йских оби́телех дре́ву живо́тному причаща́ешися во ве́ки.

Богоро́дичен: В ле́тех бы́вша, от Отца́ же безле́тно возсия́вшаго,/ Богома́ти, нам родила́ еси́./ Его́же моли́ спасти́ пою́щия Тя во ве́ки.

Песнь 9

Ирмо́с: Чи́стую сла́вно почти́м, лю́дие, Богоро́дицу,/ огнь Божества́ прии́мшую во чре́ве неопа́льно,/ пе́сньми велича́ем.

Чи́стое и кра́сное храни́лище доброде́телей был еси́, Иа́кове блаже́нне,/ те́мже тя непреста́нно велича́ем.

От се́рдца боле́знь, от о́чию сле́зы,/ от души́ покая́ние приими́, преподо́бне,/ и ко Го́споду те́пле принеси́,/ я́ко да непреста́нно тя велича́ем.

Всече́стне о́тче Иа́кове,/ сохрани́ певца́ своего́ неви́димою си́лою от находя́щих бед и скорбе́й,/ изба́ви же и всех, почита́ющих свяще́нную па́мять твою́,/ и наста́ви на путь покая́ния,/ я́ко да получи́м у Го́спода ве́лию ми́лость/ и тя непреста́нно велича́ем.

Богоро́дичен: А́нгели и Арха́нгели, проро́цы и апо́столи/ и весь лик преподо́бных с блаже́нным Иа́ковом/ ко Христу́ приле́жно и с Пречи́стою Его Ма́терию, за весь мир моли́теся,/ да вас при́сно велича́ем.

Свети́лен.

Подо́бен: Жены́, услы́шите:

Дух Святы́й тя, преподо́бне Иа́кове, оби́тель Себе́ сотвори́,/ и, на тебе́ почива́яй, насле́дника тя Ца́рствию учини́ Небе́сному/ и ли́ку преподо́бническому причте́,/ и по успе́нии твое́м сла́вна тя показа́, преподо́бне,/ моли́ся о спасе́нии душ на́ших.

Сла́ва, и ны́не, Богоро́дичен:

Еди́н Чи́стый, Еди́н Госпо́дь, Тя еди́ну избра́,/ честне́йшу всея́ тва́ри, Пренепоро́чная,/ от чи́стых крове́й Твои́х воплоти́тися.

На хвали́тех стихи́ры, глас 4.

Подо́бен: Зва́нный свы́ше:

От вели́каго святи́теля Ио́ны благослове́ние восприя́,/ и того́ уче́ние положи́ в се́рдце свое́м,/ и нра́ву того́ после́довал еси́,/ поще́нием и ну́ждами утверди́ вся/ и духо́вныя ра́дости испо́лнився./ Прия́телище был еси́ Пресвято́му Ду́ху,/ и уче́нии свои́ми всех учени́к свои́х научи́л еси́/ ходи́ти по и́стинному спаси́тельному пути́,/ и, на высоту́ доброде́телей возводя́/ и Христа́ непреста́нно славосло́вя,/ слез твои́х проли́тием/ огнь грехо́вный угаси́л еси́/ и Бо́гу угоди́л еси́,/ те́мже мо́лим тя:/ помина́й нас, о́тче Иа́кове,/ чту́щих па́мять твою́,/ и моли́ спасти́ся душа́м на́шим.

Пре́жде бы́вшая пусты́ня,/ ны́не же нарече́ся Предте́чева оби́тель,/ строе́ние по́тов и трудо́в твои́х,/ в не́йже многоле́тне потруди́вся честны́ма твои́ма рука́ма,/ пресла́вне Иа́кове,/ оте́честву пресве́тлый свети́льниче,/ у́зкий путь преше́л еси́/ и широты́ ра́йския дости́гл еси́,/ те́мже вси ве́си и гра́дове Росси́йстии ублажа́ют тя,/ со дерзнове́нием зову́ще:/ име́ем тя, о́тче Иа́кове, те́плаго к Бо́гу моли́твенника,/ псалмы́ тя воспева́ем/ и притека́юще к честны́м моще́м твои́м,/ исцеле́ния да́ры прие́млем,/ и ны́не Христу́ моли́ся/ спасти́ся душа́м на́шим.

Пречестна́я оби́тель,/ строе́ние трудо́в твои́х,/ име́ет в себе́ ча́да мно́га,/ па́че же всего́ сокро́вище неоскудева́емое,/ честны́я и многоцеле́бныя мо́щи твоя́,/ преподо́бне Иа́кове,/ от ни́хже с ве́рою приходя́щии челове́цы прие́млют исцеле́ния./ Те́мже вси зове́м тебе́, я́ко предста́телю:/ преподо́бне о́тче наш,/ бу́ди те́плый моли́твенник ко Го́споду/ о душа́х на́ших.

Сла́ва, глас 2:

Преподо́бне о́тче Иа́кове,/ с ю́ных лет Бо́гом храни́м был еси́/ от вся́каго лука́вства и злонра́вия,/ Той бо, руководя́й тя, я́ко Авраа́ма, до исхо́да души́ твоея́,/ дарова́ тебе́ чудеса́ мно́гая в жи́зни сей,/ та́кожде и по преставле́нии/ просла́ви тя во мно́гия страны́,/ и сла́вна тя показа́ повсю́ду,/ и на Небеса́х с ли́ки преподо́бных причте́ тя,/ и ны́не све́тло неизрече́нным све́том сия́еши,/ Богому́дре Иа́кове.

И ны́не, пра́здника.

НА ЛИТУРГИИ

Блаже́нны от кано́на пе́сни 3-я и 6-я. Проки́мен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Апо́стол к Гала́том, зача́ло 213. Ева́нгелие от Матфе́я, зача́ло 43. Прича́стен: В па́мять ве́чную бу́дет пра́ведник:

Моли́тва

О преподо́бне и Богому́дре о́тче наш Иа́кове! Ве́мы, я́ко с ли́ки А́нгельскими и все́ми святы́ми предстои́ши при́сно Престо́лу Го́спода Вседержи́теля и ве́лие и́маши к Нему́ дерзнове́ние моли́тися о всех, с ве́рою и умиле́нными слеза́ми в по́мощь тя призыва́ющих. Не премолчи́ у́бо, вопия́ за ны, недосто́йныя, ко Го́споду Бо́гу, да отврати́т гнев Свой, пра́ведно за беззако́ния на́ша на ны дви́жимый, и да изба́вимся вся́ких скорбе́й, бед же и напа́стей и злых обстоя́ний и благоче́стно поживе́м в ны́нешнем ве́це, ходя́ще в за́поведех и оправда́ниих Госпо́дних непоро́чно. О преблаже́нне и Боголюбе́зне о́тче наш Иа́кове! Умоли́ Го́спода, да не оскуде́ют в стране́ на́шей и́стинные ревни́тели и́ноческаго жития́ и подража́тели свято́му и Богоуго́дному житию́ твоему́; сохрани́ предста́тельством твои́м к Бо́гу страну́ на́шу от огня́, гла́да, меча́, наше́ствия иноплеме́нных и от вся́каго зла и всем, с ве́рою и любо́вию притека́ющим к тебе́ испроси́ у Го́спода Бо́га грехо́в проще́ние, телесе́м здра́вие, исправле́ние грехо́внаго жития́ и ве́чное спасе́ние, да с тобо́ю и все́ми святы́ми сподо́бимся прославля́ти в Тро́ице сла́вимаго Бо́га, Отца́ и Сы́на и Свята́го Ду́ха, во ве́ки веко́в. Ами́нь.

Преподобный Иаков Железноборовский

Преподобный Иаков Железноборовский родился во второй поло вине XIV в. в Костромской земле. Он был сыном галичских бояр Амосовых, В юношеском возрасте преподобный Иаков решил посвятить свою жизнь служению Богу. Монашеский подвиг он начал под руководством Преподобного Сергия Радонежского в основанной им обители. В 1392 году, в год смерти своего наставника, преподобный Иаков удалился из благоустроенной и прославленной Троицкой обители в глухие леса в 30-ти верстах от Галича. Он поселился на берегу реки Тебзы в уединенной хижине недалеко от железных рудников, которые дали название той местности – Железный Борок. Более двадцати лет преподобный Иаков жил отшельником, совершая подвиги поста и молитвы. О святой жизни подвижника стало известно далеко за пределами Костромской земли. Еще при жизни он прославился чудотворениями. Так, в 1415 году великий князь Московский Василий Димитриевич (1371–1425) обратился к преподобному Иакову с просьбой помолиться о его супруге великой княгине Софии Витовтовне, в то время тяжко страдавшей перед родами. По молитве святого княгиня София благополучно родила сына – наследника великокняжеского престола Василия Васильевича (1425–1462). В благодарность великий князь дал преподобному Иакову средства для построения храма во имя святого пророка и Предтечи Господня Иоанна Крестителя и для основания монастыря при храме. Обитель была устроена, собрались братия, и преподобный Иаков стал их игуменом. В Москве он был рукоположен в священный сан. Преподобный Иаков ввел в монастыре строгий общежительный устав по примеру Троице-Сергиевой обители. Иноки не имели никакой собственности, все имущество было общим, средства для обители они добывали земледелием. В 1429 году казанские татары опустошили окрестности Галича. Преподобный Иаков с учениками укрылся от набега в лесу. Когда иноки вернулись в обитель, то нашли на ее месте развалины. Монастырь пришлось строить заново. Преподобный Иаков, несмотря на преклонный возраст, усердно трудился вместе с братией. Через некоторое время монастырь был не только восстановлен, но и еще более благоустроен: преподобный Иаков и иноки выкопали пруды для нужд обители, построили еще один храм во имя Святителя Николая Чудотворца. По благословению преподобного Иакова, многие бедные люди, разоренные татарами, получали в монастыре пищу.

Преподобный Иаков скончался в глубокой старости в 1442 году и был погребен в Предтеченском храме основанной им обители. Житие преподобного написано в конце XVI века игуменом Железноборовского монастыря Иосифом. В Иконописном подлиннике сказано: «Преподобный отец наш Иаков, иже на Железном Борку, Костромский чудотворец; подобием сед, брада аки Власиева, в схиме; из-под схимы кудерцы знать».

Святи́теля Варсоно́фия, епи́скопа Тверска́го

(слу́жбу зри 4 октября́)

Тропа́рь, глас 3:

Возвести́телю пути́ спаси́тельнаго,/ и́стинный храни́телю апо́стольских преда́ний,/ сто́лпе непоколеби́мый, благоче́стия учи́телю/ и Правосла́вия наста́вниче, святи́телю Варсоно́фие,/ Влады́ку всех моли́/ мир вселе́нней дарова́ти/ и душа́м на́шим ве́лию ми́лость.

Ин тропа́рь, глас 4:

Ти́хостию нра́ва направля́емый,/ святи́телю Варсоно́фие,/ в ти́хое приста́нище дости́гл еси́,/ смиренному́дрия ра́ди удо́бно избежа́в сопроти́вных сете́й,/ свято́ю душо́ю твое́ю на Небеса́ возлете́л еси́,/ иде́же Христу́ предстоя́,/ моли́ спасти́ся нам, почита́ющим па́мять твою́.

Ин тропа́рь, глас 8:

По Бо́жием зако́не ревни́телю,/ лю́тый разруши́телю неприя́зненныя ле́сти,/ я́ко ми́ром, по́том свои́м во труде́х и бде́ниих подвиза́ся/ посреде́ Каза́нскаго ца́рствия,/ оби́тель стро́я боголе́пнаго Преображе́ния/ и вели́кому своему́ учи́телю Гу́рию после́дуя,/ с ни́мже вели́кий сою́з име́я духо́вный,/ я́коже в животе́, та́коже и по преставле́нии:/ обре́тением честны́х моще́й ва́ших во еди́но вре́мя/ и мно́гими чудесы́ вас Бог просла́ви;/ и, ра́достию восходя́ в Небе́сныя оби́тели,/ тве́рдый ка́мене ве́ры,/ от иноплеме́нник мно́ги ско́рби претерпе́л еси́,/ до́брый вво́дниче в ве́чную жизнь,/ в ню же, мо́лим тя, введи́ ны,/ преподо́бне о́тче наш Варсоно́фие,/ и моли́ Христа́ Бо́га спасти́ся душа́м на́шим.

Конда́к, глас 6:

Воздержа́нием те́ло ду́ху порабо́тив,/ ду́шу же равноа́нгельну сотвори́л еси́,/ сего́ ра́ди святи́тельства са́ном поче́тся,/ чи́сте Чисте́йшему предстои́ши./ Моли́ Христа́ Бо́га, святи́телю,/ спасти́ лю́ди твоя́, свя́те,/ да вси вопие́м ти:/ ра́дуйся, о́тче преподо́бне Варсоно́фие,/ гра́ду на́шему Каза́ни похвала́ и утвержде́ние.

Ин конда́к, глас 5:

Я́коже звезда́ всесве́тлая, доброде́тельми сия́ющи, был еси́,/ обогати́в себе́ моли́твою, и посто́м,/ и те́ло свое́ вери́гами удруча́я,/ в поло́не 12 же от иноплеме́нник мно́го пострада́л еси́./ Непоколеби́м ве́рою мно́гая ле́та,/ А́нгелом ку́пно соедини́м,/ бесо́вская ополче́ния огорчава́ше./ После́дуя безме́здником Косме́ и Дамиа́ну,/ враче́бною хи́тростию мно́гия исцели́л еси́./ Те́мже ны́не честно́е и боготру́дное те́ло твое́,/ от землены́х недр обрете́нное,/ чудесы́ Госпо́дь просла́ви,/ исцеля́еши бо многонеду́жныя не то́кмо у гро́ба,/ но и от честны́х вери́г/ подае́ши неоску́дно целе́бныя да́ры приходя́щим с ве́рою.

Моли́тва

Прини́кни, святи́телю Варсоно́фие, с Го́рних селе́ний на притека́ющих к тебе́ и вонми́ моле́нию их, умоли́ Го́спода Бо́га дарова́ти нам, е́же ко спасе́нию на́шему мы про́сим от Него́ при святы́х моща́х твои́х. Умоли́ Го́спода Бо́га дарова́ти стране́ на́шей кре́пкий и ненаруши́мый мир, благочи́ние, просвеще́ние умо́в и серде́ц и земли́ плодоно́сие, па́стырем –святы́ню, зако́ном – пра́вду и си́лу, военача́льником – му́дрость и непобеди́мое му́жество, градонача́льником – суд, во́инству – пре́данность оте́честву и неодоли́мую хра́брость, всем же правосла́вным христиа́ном –здра́вие и благоче́стие. Сохраня́й нас от всех наве́тов вра́жиих, да сло́вом и де́лом прославля́ется Всесвято́е И́мя Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Святитель Варсонофий, епископ Тверской

Святитель Варсонофий, епископ Тверской, чудотворец Казанский, родился около 1495 года в городе Серпухове в семье священника Василия. При крещении младенец получил имя Иоанн. Отличаясь трудолюбием и понятливостью, отрок легко овладел грамотой, освоил чтение Псалтири и церковное пение настолько, что мог не только сам читать и петь, но и помогать другим. В 1512 году крымские татары под предводительством Ахмат Гирея и Бурнат Гирея ходили в поход на Рязань, но, не успев ничтоже во взятии града Рязани» прошли быстрым и неожиданным опустошительным рейдом по берегам Оки. В числе многих и Иоанн семнадцатилетним отроком был уведен в плен. Много пришлось терпеть в плену юноше, но в суровых испытаниях вера Христова, еще в родительском доме глубоко укоренившаяся в сердце, принесла плод сторицей. Уповая на Господа, будущий святитель молился и пел приходившие на память псалмы, жил, как живет послушник в монастыре, неприметно навыкая послушанию, незлобию и терпению. Спал Иоанн совсем мало, к еде почти не притрагивался, отличался усердием и кротостью, трудился без прекословия и потому расположил к себе даже ожесточенные сердца иноверцев, которые, невольно признав его достоинства, стали обращаться с ним мягче и снисходительнее, нежели с другими. Постепенно, благодаря незаурядным способностям, он овладел разговорным татарским языком до такой степени, что по прошествии двух лет мог не только хорошо говорить, но и писать по-татарски. Плен продолжался три года. С большим трудом собрав необходимую сумму, священник Василий выкупил своего сына Иоанна из татарской неволи. Блаженный Иоанн возвратился домой, однако сердце его уже охладело навсегда к непостоянным земным радостям и утехам. Согласно неколебимому решению, созревшему в душе юноши еще в плену, он поехал в Москву, где в Спасском Андрониковом монастыре принял иноческое пострижение, дав Богу обеты девства, послушания и нестяжания. Отрекаясь от мира, монах умирает для него, потому и нарекается ему новое имя. Смерть для мира есть рождение в ангельское служение. Новопостриженного инока нарекли Варсонофием. Строгой и богоугодной жизнью инок Варсонофий преуспевал в подвигах добродетели и молитвы. В Андрониковом монастыре бывал наездами святитель Акакий, епископ Тверской (1522–1567), родной младший брат преподобного Иосифа Волоцкого и постриженик Иосифо-Волоколамского монастыря, архипастырь добрый и благочестивый, удостоенный от Бога дара прозорливости. Он неоднократно предсказывал преподобному Варсонофию, бывшему еще в сане иеродиакона (как вспоминал впоследствии сам святитель Варсонофий), что именно он станет некогда преемником святителя Акакия на Тверской кафедре. О добродетельной и благочестивой жизни преподобного Варсонофия стало известно митрополиту Московскому Макарию, который возвел святого Варсонофия в сан игумена Николо-Пешношской Мефодиевой пустыни, основанной в 1361 году учеником Преподобного Сергия Радонежского преподобным Мефодием (память 14 июня) в 25 верстах от Дмитрова (на правом берегу реки Яхромы при впадении в нее реки Пешноши в лесной глуши). В старину пустынь эта именовалась «Никола на Песнуше». В 1553 году в паломничестве (в благодарность за чудесное избавление от смерти) на пути в Кириллов Белозерский монастырь Пешношскую обитель посетил царь Иоанн Грозный с семейством. Он обратил внимание на опытного наставника иноческой жизни, побывавшего в плену и сведущего в татарском языке и нравах. Поэтому, когда в 1555 году в Казани открывали новую епархию, вместе со святителем Гурием, первым архиепископом Казанским, был направлен в Казань и святой Варсонофий из Пешношской обители в сане архимандрита для основания там монастыря. 26 мая 1555 года первосвятители Казани торжественно отправились в путь. Из Москвы по рекам Москве, Оке и Волге путь до Казани длился два месяца. В воскресенье 27 июля 1555 года святитель Гурий с игуменом Пешношским Варсонофием и игуменом Успенского Старицкого монастыря Германом прибыли в Казань. С крестами и хоругвями были встречены они в Казанском Благовещенском соборе местным духовенством и населением. Вместе со святым Варсонофием в Казань прибыли иноки, постриженики Пешноши: Тихон, Феодорит, Иов, Андроник, Сильвестр, а также инок Андроникова монастыря Симеон. Уже в следующем, 1556 году преподобный Варсонофий исполнил возложенное на него поручение и устроил Преображенский монастырь в казанском кремле. Им был освящен первый каменный теплый храм в монастыре во имя святителя Николая Ратного, а впоследствии – и главный храм в честь Преображения Господня. В уставе монастыря, написанном самим архимандритом Варсонофием, он называет себя в приписке «многогрешным чернецом, что был игуменом на Песноши». Тайно от всех он продолжал носить вериги для изнурения плоти. Монастырь в скором времени сделался средоточием духовной жизни бывшей татарской столицы. Через несколько лет число иноков в нем доходило до ста человек. Святой Варсонофий обращал татар в православную веру, чему немало способствовало превосходное знание им татарского языка. Благодаря исцелениям различных недугов, имя его стало известно далеко за пределами Казани. И немало больных, приходивших к нему за врачеванием, склонялись к принятию христианской веры. 2 декабря 1563 года святой Варсонофий постриг в великую схиму, а 4 декабря предал погребению своего ближайшего друга и наставника святителя Гурия, архиепископа Казанского (память 4 декабря). По смерти епископа Тверского Акакия († 1567) святитель Филипп, митрополит Московский, вызвал святого Варсонофия в Москву и возвел его в сан епископа Тверского.

Истинным светильником был святитель Варсонофий для своей паствы, не словами одними, но всем существом своим указуя спасительный путь Христов. Несмотря на высокий святительский сан, он продолжал быть смиренным подвижником, каким был в Пешношской обители и в Казани. Ночи проводил он в молитве, дни в трудах и заботах, отдыхая, шил клобуки и дарил инокам и епископам, непрестанной молитвой усердно врачевал телесные и душевные болезни обращавшихся к нему. В то время начались для России тяжкие испытания – царь Иоанн Грозный, мудро и благочестиво правивший Россией, стал ужасом и бичом для своих подданных, насаждая так называемую «опричнину». Тверь не принадлежала опричнине и потому не пользовалась благосклонностью царя. С ужасом и негодованием видел святитель Варсонофий, как его друг Герман, архиепископ Казанский (память 6 ноября), некогда пользовавшийся уважением царя, был вызван из Казани в Москву для возведения в сан митрополита, однако после того, как напомнил царю тихими и кроткими словами, что тот даст ответ на суде Божием за свои жестокости, был изгнан и умер в заточении. Много страшных событий прошло пред очами святителя Варсонофия за четыре года его архиерейского служения. Глубоко сокрушался о своей пастве святитель Варсонофий. Ощущая старческую немощь, он в 1571 году удалился на покой в основанную им в Казани обитель. Пять лет провел он в Преображенском монастыре на покое, в молитве и уединении, где принял великую схиму. Когда он не мог по немощи сам ходить в церковь, любящие ученики помогали ему посещать храм Божий, зная его любовь к Богослужению. Скончался святитель Варсонофий 11 апреля 1576 года и был погребен в Преображенском монастыре архиепископом Казанским Тихоном. В 1595 году по благословению Святейшего Патриарха Иова (1588–1607) построен в этом монастыре новый храм в честь Преображения Господня. При строительстве храма были обретены мощи святителей Казанских Гурия и Варсонофия. Описание открытия мощей было сделано очевидцем, святителем Ермогеном (будущим Патриархом), в то время Казанским архиепископом: «Когда же, 4 октября, дошли до гробов святых отцов, то пришли сказать об этом мне, смиренному. Принесши со всем освященным собором Бескровную Жертву Господу Богу и отпев панихиду, мы отправились в монастырь и, пришед на место, поклонились гробам преподобных отец, Гурия и Варсонофия. Вскрыв гроб, мы увидали нечто совсем неожиданное: рака святого была полна благоуханного мира, мощи же святого Гурия носились, как губка, поверх мира; ни одна часть не была погружена. Нетлением одарил Бог честно́е и многотрудное тело его, как это видят все и ныне... Я, недостойный, многогрешною рукою коснулся святого тела, осязал ризы, в которых он был погребен, и они были весьма крепки. Попытался с силою потянуть и мантию его, и прочие погребальные одежды, и они казались крепче новых. В главах у преподобного Гурия лежал греческий клобук вязаный, который, по сказанию учеников святого Варсонофия, был делан преподобным Варсонофием для Гурия и по смерти святителя положен недоконченным в возглавие гроба его. Мы соборне осмотрели этот клобук и, взяв одну прядь из него, едва могли перервать ее, потому что она была крепче новой. Мы перелили благоуханное честно́е миро в новый сосуд, и православные христиане, пользуясь тем миром, непрестанно получали исцеления. Потом мы открыли раку Варсонофия и увидали, что и его мощи почтены от Бога нетлением... в чем мы удостоверились, перелагая святые и чудотворные мощи обоих своими собственными руками с архимандритом Арсением из гробов в ковчеги. Дивясь неизреченному человеколюбию Божию, мы со слезами и кротостию пропели надгробные песни над преподобными отцами и поставили их поверх земли, дабы все приходящие видели их и, дивясь, славили Бога».

В «Иконописном подлиннике» дано описание образа святителя Варсо-нофия: «Подобием надсед, борода как Гуриева (а борода святителя Гурия как Василия Кесарийского) на конец раздвоилася, риза святительская, омофор и Евангелие». Жизнеописание святителей Гурия и Варсонофия составлено было священномучеником Патриархом Ермогеном. Существует акафист святителю Варсонофию.

Литература:

Полное Собрание Русских Летописей (Никоновская летопись). Т. 13. СПб., 1910.

Православная богословская энциклопедия. Т. 3. СПб., 1902.

Тверской патерик. Казань, 1907.

Преподо́бных Евфи́мия и Харито́на Ся́нжемских

Тропа́рь, глас 1:

Пусты́нное и безмо́лвное житие́ ва́ше по́стнически препроводи́вше,/ Христо́в бо крест на ра́мо взе́мше/ и Того́ стопа́м усе́рдно после́довавше,/ на неви́димаго врага́ му́жески ополчи́стеся/ и того́ ко́зни сокруши́сте,/ моли́твами и слеза́ми, чистото́ю Бо́гови прибли́жившеся,/ преподо́бнии отцы́ на́ши Евфи́мие и Харито́не./ Я́ко со́лнце, осиява́ете светоза́рными луча́ми чуде́с ва́ших,/ всех нас спаси́те, с ве́рою призыва́ющих вас/ и творя́щих честну́ю ва́шу па́мять,/ и, я́ко иму́щии дерзнове́ние ко Спа́су,/ мир ми́рови испроси́те и спасти́ся душа́м на́шим.

Преподобные Евфимий и Харитон Сянжемские

О жизни святых подвижников сохранилось не много сведений. Преподобный Евфимий был уроженцем Вологды. Монашеский постриг он принял недалеко от родного города, в Спасском Каменском монастыре на Кубенском озере. Эта древняя обитель была, начиная с XII века, духовным очагом Православия на Севере и в течение нескольких веков подготовила многочисленных миссионеров – подвижников и будущих основателей монастырей. Инок Евфимий провел в различных монастырских послушаниях длительное время. Стремясь к отшельнической жизни, он оставил обитель и перешел на восточный берег Кубенского озера, в пустыньку близ устья реки Кушты. Своими руками он построил маленькую келлию и жил в полном уединении, окруженный непроходимыми болотами и густым лесом. Здесь подвижника навестил его собрат по монастырю преподобный инок Александр, также оставивший обитель для уединенных подвигов на реке Сянжеме. Совершенная безлюдность местности пришлась по сердцу Александру, и он предложил Евфимию обменяться келлиями. И хотя преподобному Евфимию не хотелось покидать обжитое место, он воспринял эту просьбу как указание Божие и согласился, оставив свой крест в благословение иноку Александру, впоследствии прославившемуся духовными подвигами († 1439; память 9 июня). Поселившись на реке Сянжеме (в 120 верстах от Вологды) в келлии преподобного Александра, инок Евфимий продолжал свои подвижнические труды непрестанной молитвы и поста. Вскоре его уединение было нарушено. Жители окрестных селений, нуждавшиеся в отеческих советах, устремились к отшельнику. Преподобный Евфимий, полагаясь на Промысл Божий и не смущаясь нарушением своего безмолвия, всех принимал, никому не отказывая в духовной беседе. Однажды к нему пришел инок Харитон, будущий продолжатель дела преподобного Евфимия. Юноша, искавший наставника в духовном делании, пришелся по душе преподобному, который предложил ему остаться на Сянжеме для совместного несения подвижнических трудов. Вскоре они решили воздвигнуть храм и при нем основать обитель. Чтобы получить благословение на это устроение, инок Евфимий отправился в Ростов, где, вероятно, и был рукоположен во пресвитера и одновременно назначен игуменом новой обители. Построенный вскоре храм был освящен в честь Вознесения Господня. Став игуменом, преподобный Евфимий выполнял самые тяжелые труды по монастырю, служа примером для братии. Вместе со своим верным учеником преподобным Харитоном, старавшимся во всем подражать своему духовному отцу, он работал в огороде, рубил дрова, копал землю, носил воду, с радостью выполняя все то, чего не хотели делать другие. Выполняя монастырские послушания, он не переставал хвалить Господа, распевая псалмы пророка Давида. Даже пищей преподобный Евфимий питался такой, которая казалась братии негодной. Величайшим терпением и смирением преподобный стяжал дар молитвы. Точная дата кончины преподобного Евфимия неизвестна; вероятно, она последовала в начале второй половины XV века, но не позднее 1465 года. Предчувствуя завершение земной жизни, преподобный Евфимий передал управление монастырем преподобному Харитону, который был достойным преемником своего учителя и друга. Более 40 лет игуменствовал преподобный Харитон в Вознесенском монастыре на Сянжеме.

Преставился он глубоким старцем 11 апреля 1509 года. В 1764 году Вознесенский монастырь был упразднен, а соборный храм преобразован в приходской. В нем и погребены под спудом мощи святых. Слово о явлении мощей принадлежит епископу Вологодскому Иоасафу. В Иконописном подлиннике дано описание ликов святых: «Преподобные отцы наши Евфимий и Харитон игумены, иже на Сяйжене (Сянжеме) Вологодские чудотворцы. Евфимий подобием надсед, брада аки Власиева, на конец раздвоилась, ризы преподобнические, схима на плечах. Харитон подобием надсед изчерна, брада шире и доле Сергиевы, ризы преподобнические и схима на плечах».

* * *

10

Коно́б – котел.

11

Невла́емое – тихое.

12

В поло́не – в плену.

Комментарии для сайта Cackle