14-й день

И́же во святы́х отца́ на́шего и испове́дника Марти́на, Па́пы Ри́мскаго

Святитель Мартин исповедник, Папа Римский

Святы́х му́ченик Анто́ния, Иоа́нна и Евста́фия, в Ви́льне пострада́вших

Святые мученики Антоний, Иоанн и Евстафий Виленские, Литовские

НА ВЕЧЕ́РНИ

Стихи́ры, глас 8.

Подо́бен: Что́ вас нарече́м:

Что тя ны́не, Марти́не, провеща́ем?/ Правосла́вных уче́ний наста́вника всесла́вна,/ верхо́вника свяще́нных повеле́ний Боже́ственных нело́жна,/ лжи и́стиннейшаго обличи́теля,/ словесе́ до́блественнейша споспе́шника,/ священноде́йственна свяще́ннейша,/ чудоде́лателя честне́йшаго./ Моли́ спасти́ся душа́м на́шим.

Что тя ны́не, Марти́не, нарече́м?/ Реку́, духо́вных вод испо́лнену,/ при́сно напая́ющу ду́ши ко благопло́дию разу́мному,/ све́щник, благоче́стия свет сия́ющ,/ го́ру, точа́щу Боже́ственное ра́дование,/ Боже́ственных Слове́с изъяви́теля,/ вся́кия е́реси обличи́теля./ Моли́ спасти́ся душа́м на́шим.

Что тя ны́не, Марти́не, прорече́м?/ Ски́нии и́стинныя священноде́теля всехва́льна,/ хода́тая к Бо́гу и тва́ри боголе́пна,/ ча́шу, пи́во Боже́ственное точа́щу,/ свети́льника, я́ко жи́зни сло́во иму́ща,/ от за́пада у́бо исходя́ща,/ на восто́це же явля́ющася./ Моли́ спасти́ся душа́м на́шим.

Сла́ва, и ны́не, Богоро́дичен:

Кому́ уподо́билася еси́, окая́нная душе́,/ к покая́нию ника́коже возни́чущи/ и огня́ не ужаса́ющися, злых ожида́ющаго?/ Воста́ни, и Еди́ну к заступле́нию ско́рую призови́, и возопи́й:/ Де́во Ма́ти, моли́ Твоего́ Сы́на и Бо́га на́шего/ изба́вити мя от се́ти льсти́ваго.

Крестобогоро́дичен:

А́гница А́гнца я́ко ви́де,/ на Дре́ве просте́рта во́лею Кре́стнем,/ вопия́ше, ма́терски боле́знующи с пла́чем:/ Сы́не Мой, что́ стра́нное сие́ виде́ние?/ Всем жизнь дая́й я́ко Госпо́дь,/ ка́ко умерщвля́ешися, Долготерпели́ве,/ земны́м подая́ воскресе́ние?/ Сла́влю Твое́ мно́гое, Бо́же Мой, снизхожде́ние.

Тропа́рь, глас 4:

И́стинных повеле́ний устне́ распространи́л еси́,/ уче́нии Боже́ственными вся просвети́л еси́,/ злове́рие низложи́л еси́, Богому́дре Марти́не,/ святи́телю всече́стне,/ помина́й нас, уго́дниче Христо́в,/ е́же к Нему́ хода́тайствы твои́ми,/ да в ми́ре устро́иши живо́т наш.

Кано́н, творе́ние Ио́сифово. Глас 8.

Песнь 1

Ирмо́с: Посе́ченный несеко́маго пресече́,/ и ви́де со́лнце зе́млю, ю́же не ви́де./ Лю́таго врага́ вода́ потопи́,/ и непроходи́мое про́йде Изра́иль,/ песнь же воспева́шеся:/ Го́сподеви пои́м, сла́вно бо просла́вися.

Боле́зни мно́ги, Марти́не, претерпе́л еси́ за Христа́ Бо́га/ и ны́не изше́л еси́ к неболе́зненней жи́зни, до́бре подвиза́вся./ Тем моея́ души́ лю́тыя боле́зни облегчи́,/ я́ко да воспою́ тя, моли́твами твои́ми просвеща́емь.

Существа́ два, и две во́ли, и де́йства сугу́ба нося́ща, блаже́нне,/ Еди́наго от Честны́я Тро́ицы научи́л еси́, Христа́, Пресу́щнаго Бо́га,/ и и́же не та́ко честву́ющия,/ вся отве́ргл еси́, Марти́не свяще́ннейше.

Неду́говавшия безслове́сно безу́мне, в Еди́ном Христе́, еди́ну му́дрствующе во́лю,/ ра́зумом и́стинным и ве́рою украша́емь, обличи́л еси́, Марти́не, я́вственно/ и, ра́дуяся, взыва́л еси́:/ пои́м Го́сподеви, сла́вно бо просла́вися.

Кра́сными пе́сньми, све́тло лику́ющи,/ днесь Христо́ва Це́рковь тя почита́ет, Богоблаже́нне,/ Христо́в служи́телю, Марти́не пресве́тле,/ пою́щая тя просвети́.

Богоро́дичен: И́же по естеству́ Боже́ственному Неви́димый,/ ви́ден бысть из Тебе́ Младе́нец, Челове́к быв,/ сугу́ба я́ко вои́стинну хоте́ния и де́йства нося́ во Еди́ной Ипоста́си,/ Его́же моли́, Пренепоро́чная, вся ны спасти́, любо́вию пою́щия Тя.

Песнь 3

Ирмо́с: Страх Твой, Го́споди,/ всади́ в сердца́ раб Твои́х/ и бу́ди нам утвержде́ние,/ Тя во и́стине призыва́ющим.

Сый испо́лнен, всеблаже́нне, Боже́ственныя ре́вности,/ собра́л еси́ Свяще́нен, Марти́не, Собо́р/ и церко́вное утверди́л еси́ уче́ние.

Посреди́ Собо́ра отве́ргл еси́ Пи́рра, Се́ргия и Фео́дора, Ки́ра же/ и подо́бныя тем буесло́вящим злосла́вныя, о́тче.

Из Ри́ма ну́ждею изгна́н,/ обше́л еси́, я́ко со́лнце, лучи́ испуща́я, преподо́бне,/ правосла́вныя просвеща́я вся.

Прему́дростию освяще́н свы́ше, я́ко со́лнце,/ Ри́мскому оте́честву ве́лий засту́пник проявле́н,/ Марти́не преподо́бне, блаже́нне.

Богоро́дичен: Отцу́ Равноче́стна и Сопресто́льна па́че сло́ва родила́ еси́,/ де́йства два нося́ща и две во́ли, Всесвята́я Отрокови́це.

Седа́лен, глас 4.

Подо́бен: Вознесы́йся:

Испове́дании свяще́нными укра́шься,/ му́ченически же жизнь соверши́в,/ к Небесе́м восте́кл еси́, Марти́не му́дре,/ венце́м неувяда́емым от Бо́га венча́лся еси́./ Те́мже святу́ю твою́ пра́зднуем па́мять, вопию́ще:/ помяни́ нас, священноблаже́нне, Христу́ предстоя́.

Сла́ва, и ны́не, Богоро́дичен:

По Бо́зе во Твой, Богоро́дице, прибега́ю, смире́нный, покро́в Боже́ственный/ и, припа́дая, молю́ся:/ поми́луй, Пречи́стая, я́ко превзыдо́ша главу́ мою́ греси́,/ и бою́ся, Влады́чице, му́ки, и трепе́щу,/ моле́ние сотвори́, Чи́стая, к Сы́ну Твоему́ от сих изба́вити мя.

Крестобогоро́дичен:

И́же от Безнача́льнаго Отца́ рожде́ннаго напосле́док Тя пло́тию ро́ждшая,/ на Кресте́ ви́сяща, зря́щи, Христе́,– у́вы Мне, любе́знейший Иису́се,– вопия́ше,–/ ка́ко сла́вимый я́ко Бог от А́нгел,/ от беззако́нных ны́не челове́к, Сы́не, хотя́, распина́ешися?/ Пою́ Тя, Долготерпели́ве.

Песнь 4

Ирмо́с: Всел еси́ на ко́ни, апо́столы Твоя́, Го́споди,/ и прия́л еси́ рука́ма Твои́ма узды́ их,/ и спасе́ние бысть ежде́ние Твое́/ ве́рно пою́щим:/ сла́ва си́ле Твое́й, Го́споди.

Непра́ведно от престо́ла твоего́, му́дре, изгоня́емь,/ от челове́к непра́ведных пра́ведный пострада́ти благоволи́л еси́,/ я́ко да пра́ведное уче́ние церко́вное, о́тче, спасе́ши невреди́мо.

Стоя́ среди́ пребеззако́ннующих я́ко зако́нен страда́лец, святи́телю Богоприя́тне,/ и от них оскорбля́емь, и наруга́емь, и влачи́м всу́е,/ пребы́л еси́ умо́м непревра́щен.

Младе́нцев вмени́л еси́, о́тче, стреля́ния, Марти́не, всу́е оскорбля́ющих тя/ и, терпели́вно пострада́в, гони́м, и вя́жемь всу́е,/ ив темни́цах заключа́емь.

Трисве́тлыми заря́ми пресве́тло укра́шен, па́че со́лнца, блаже́нне,/ за́паду сия́еши и неве́рствия тьму отгоня́еши, прему́дре./ Те́мже просвети́ ны, тя блажа́щия.

Богоро́дичен: Во двою́ существу́ богому́жно познава́емаго,/ от Тро́ицы Еди́наго родила́ еси́,/ я́ко Бо́га и Челове́ка, во́ли нося́ща прили́чно обе́ма естество́ма,/ Де́во Пренепоро́чная.

Песнь 5

Ирмо́с: От но́щи неве́дения/ по душелови́тельному пути́ при́сно блудя́щаго,/ све́том ра́зума Твоего́, Го́споди, преднаставля́я мя,/ на стезю́ за́поведей Твои́х напра́ви.

Свяще́ннейшим твои́м сло́вом, о́тче, всесвяще́нное уче́ние я́ве утверди́л еси́/ и ерети́ческия полки́ низве́ргл еси́,/ претерпева́я изгна́ния, и темни́цы, и ско́рби мно́ги.

Дрема́ния твои́м ве́ждом, преподо́бне, не дал еси́,/ до́ндеже вселе́ние Бо́гу был еси́,/ и всю разве́ял еси́ е́реси пре́лесть, му́ченически подвиза́вся.

Вражде́бно тя, я́коже зве́рие, влеко́ша вери́гами, му́дре,/ врази́, связа́вше посреде́ гра́да, руга́тельно, укоря́юще, и ху́ляще,/ и без студа́ на тя напа́дающе.

Ве́рою огра́ждся, я́ко со́лнце луча́ми,/ и устне́ возвесели́, и гра́ды вся просвети́,/ пропове́дая Христа́, Сына Бо́жия, во пло́ти прише́дша.

Богоро́дичен: Неискусобра́чно, Де́во, неопи́санное Сло́во пло́тию ро́ждши,/ пло́ти моея́ стра́сти умертви́, оживи́ же ду́шу мою́,/ умерщвле́нную прегреше́ньми.

Песнь 6

Ирмо́с: Бе́здна грехо́в и прегреше́ний бу́ря мя смуща́ет/ и во глубину́ ну́жднаго ре́ет мя отча́яния,/ но Твою́ кре́пкую ру́ку мне простри́, я́ко Петро́ви,/ о Упра́вителю, и спаси́.

Разсе́деся лука́вый при ногу́ твое́ю свяще́нною, Богоно́се,/ и лука́вых челове́к бездве́рная уста́ загражда́ются твои́м сло́вом,/ и явля́ется, сия́ющи, уче́ние Боже́ственное, па́че со́лнца.

Простира́ют тя неща́дно и у́жи связу́ют преле́стницы, вя́жуща вся́ку лесть/ и ерети́ческий сою́з растерза́юща сою́зом Боже́ственных уче́ний твои́х,/ святи́телю о́тче Марти́не свяще́ннейше.

Стоя́л еси́ пред суди́щем судя́щих,/ осужда́я пре́лесть пропове́дающих еди́ну во Христе́, о́тче, во́лю/ и му́ченическими я́ве украша́яся венцы́, Богоблаже́нне Марти́не му́дре.

Чудесы́ испо́лни весь мир, прехва́льне,/ источа́я ре́ки исцеле́ний, Богогла́се,/ и́миже и мя просвети́, молю́ ти ся, Марти́не пресвяты́й.

Богоро́дичен: Зако́ни естества́ в Тебе́ разоря́ются,/ неизрече́нно бо ражда́еши Соде́теля всех, Богоро́дице Всепе́тая,/ я́ко Бо́га же и Челове́ка, две во́ли же иму́ща и де́йства, Ма́ти Де́во.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Сугу́бых действ и хоте́ний, о́тче, Христа́ лиши́вшиися/ лиши́ша тя престо́ла, отда́вше изгна́нием да́льним, зову́щаго:/ оте́ц на́ших Бо́же, благослове́н еси́.

Проше́д многовре́менныя темни́цы я́ко храни́тель непоро́чныя ве́ры,/ ерети́ческую тьму ума́лил еси́ и пе́ти ве́рныя просвети́л еси́:/ оте́ц на́ших Бо́же, благослове́н еси́.

Я́коже лев, о́тче, упова́в, на беззако́нныя де́рзостно наскочи́л еси́/ Фео́дора, и Ки́ра, и Се́ргия, и Пи́рра,/ и сих единомы́сленныя отлуча́я Христо́вы Святы́я Це́ркве.

Возсия́в, блаже́нне, яко со́лнце на земли́,/ благода́тию свы́ше озаря́емь, о́тче Марти́не, поя́ше:/ препе́тый Го́споди, Бо́же оте́ц на́ших, благослове́н еси́.

Богоро́дичен: Во дву во́лях и де́йствах двух из Тебе́, Пренепоро́чная, рожде́йся несказа́нно,/ И́же си́це му́дрствующий спаса́ет, зову́щия:/ оте́ц на́ших Бо́же, благослове́н еси́.

Песнь 8

Ирмо́с: Богоглаго́ливии о́троцы в пещи́,/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

Стесня́емь, о́тче, немощьми́,/ и лю́тыми изгна́нии, и многообра́зными му́ками,/ муче́ния венцы́ я́ко му́ченик прия́л еси́.

Блаже́нства Богоизбра́ннаго сподо́бился еси́, изгоня́емь, Марти́не,/ и пра́вды близ был еси́,/ изгна́в от среды́ непра́ведную е́ресь.

Украси́в Петро́в Боже́ственный престо́л/ и на того́ ка́мени Це́рковь неколе́блему соблю́л, Марти́не,/ с сим просла́вился еси́.

Тро́ицы Пресвяте́й яви́ся и́стинный пропове́дник, Марти́не пресвя́те,/ Е́юже просве́щся, па́че со́лнца, блаже́нне,/ сия́еши чудесы́, исцеле́ния точа́ взыва́ющим:/ Го́спода по́йте, дела́, и превозноси́те Его́ во ве́ки.

Богоро́дичен: Святе́йши Вы́шних во́инств и Херуви́м превы́шши, Ма́ти Бо́жия су́щи,/ страсте́й плотски́х мя превы́шша сотвори́.

Песнь 9

Ирмо́с: Уста́вы прешла́ еси́ естества́,/ Соде́теля заче́нши и Го́спода,/ и дверь спасе́ния ми́рови была́ еси́,/ тем Тя, Богоро́дице,/ непреста́нно велича́ем.

Священноде́тель свяще́ннейший, испове́дник же и му́ченик быв,/ с патриа́ршескими ли́ки, Марти́не, всегда́ досто́йно ра́дуешися,/ те́мже тя ве́рою ублажа́ем.

Я́ко светоза́рное, блаже́нне, со́лнце, возсия́л еси́ к восто́ком от за́пада,/ всю заря́ми благоче́стия зе́млю просвети́л еси́/ и отгна́л еси́ тьму ерети́чествующих глубоча́йшую.

Ста́нем в дому́ Бо́га на́шего, пропове́дающе стра́сти, и боре́ния,/ и испове́дания небому́дреннаго отца́ на́шего Марти́на/ и сего́ любо́вию ублажи́м.

Твое́ свято́е преставле́ние днесь све́тло соверша́ем,/ испо́лни ра́дости помышле́ния восхваля́ющих тя, Богому́дре святи́телю,/ в не́йже вся ны помяни́.

В ли́це ны́не предстои́ши с Безпло́тными си́лами, блаже́нне о́тче,/ подви́гни проро́ки и апо́столы прему́дры, с му́ченики святы́я/ приле́жно за ны моли́тися Бо́гу,/ да досто́йно тя велича́ем.

Богоро́дичен: Гласово́м отце́в повину́ющеся, во дву естества́х и во́лях, Чи́стая,/ Еди́наго от Тро́ицы, из Тебе́ ражда́емаго, ве́рно испове́дуем/ и Тя непреста́нно велича́ем.

Святитель Мартин исповедник, Папа Римский, родился в городе Тоди в Тоскании. Его родители, принадлежавшие к знатному роду, дали сыну хорошее образование. С юных лет святой Мартин стремился посвятить свою жизнь служению Богу. Поступив в церковный клир в Риме, святой Мартин вскоре был рукоположен в сан пресвитера. В 649 году, после кончины Папы Римского Феодосия, на кафедру Римской Церкви был возведен святой Мартин. Архипастырское служение его пришлось на время широкого распространения на Востоке монофелитства. Еретики – монофелиты (греч. – «единовольники») считали, что в Господе Иисусе Христе хотя и два естества, Божественное и человеческое, но воля одна, только Божественная. Впоследствии это лжеучение было осуждено на IV Вселенском Соборе. В те времена Рим входил в состав Византийской империи. Император Констант II (629–668) и весь его двор, а также Патриарх Константинопольский Павел находились под влиянием монофелитства. Узнав об избрании святого Мартина Папой Римским, Констант II направил ему свою книгу, названную «Типос» и содержавшую изложение лжеучения. Одновременно император требовал, чтобы святой Мартин принял монофелитство и утвердил его соборно. В ответе императору святой Мартин заявил: «Если бы и весь мир это новое учение, православию противное, захотел принять, то я не приму и не отступлю от евангельского и апостольского учения и от предания святых отец, если бы даже пришлось пострадать до смерти».

Святой Мартин направил к Патриарху Константинопольскому Павлу своих доверенных лиц с посланием, в котором убеждал Патриарха отказаться от ереси во избежание церковного раскола. Павел отверг увещания и сурово наказал посланников святого Мартина. Тогда святитель Мартин, по совету святого Максима исповедника, епископа Хрисополитанского (†662, память 21 января), прибывшего в Рим для защиты православия, созвал в 653 году Поместный Собор. Решением 150 западных епископов, участвовавших в Соборе, монофелитская ересь была осуждена. Собор направил послание к верным христианам, разъясняя вред этого лжеучения и укрепляя в правоверии колеблющихся. Узнав о созыве Собора, разгневанный император решил уничтожить непокорного Папу и для этого срочно отправил в Рим своего посланника по имени Олимпий. Участники Собора еще не разъехались. Олимпий не решился в их присутствии собственноручно исполнить поручение Константа, а поручил совершить убийство одному из своих воинов. Воин же, войдя в храм, где в это время находился святитель Мартин, вдруг остановился как вкопанный, пораженный внезапной слепотой. Олимпий понял, что Господь не допустил случиться злодеянию, раскаялся и вскоре отправился на борьбу с сарацинами, в которой погиб. Тем временем Констант предпринял новую попытку отомстить святому Мартину. По наущению Патриарха Константинопольского Павла, с помощью посланного в Рим представителя, святого Мартина клеветнически обвинили в том, что он распространяет ересь, призывает сарацин к восстанию против императора и без должного уважения относится к Божией Матери. Напрасно святитель Мартин пытался опровергнуть эту ложь. Не слушая его оправданий, посланник императора публично обвинил святого в том, что он незаконно занял кафедру Римского епископа. Поздней ночью святитель Мартин был взят под стражу, а затем на корабле отправлен в ссылку на остров Наксия. Целый год претерпевал лишения и голод святой Мартин на острове. Жители острова приносили святителю еду, но стражники отбирали ее, объявляя всем, будто святой Мартин еретик, а тот, кто ему помогает,– враг империи. В 654 году измученный архипастырь, остававшийся непоколебимым исповедником Православной веры, был доставлен в Византию. Здесь он вновь подвергся публичным оскорблениям и поношениям от людей императора и Патриарха. После двадцатитрехдневного одиночного заключения святителя принесли на носилках в дом, где собрались сенаторы, поскольку он уже не мог ходить. Старший сенатор с гневным криком потребовал, чтобы святой Мартин встал перед ним. Поддерживаемый воинами, едва стоявший на ногах, святой слушал, как лжесвидетели перечисляли клеветнические обвинения, в справедливости которых клялись Святым Евангелием. Сказать что-либо в свое оправдание святой исповедник не смог, так как не знал греческого, а переводчику, осыпаемому бранью, сенаторы не дали говорить. Затем святой Мартин был приведен к позорному столбу, где подстрекаемая императорскими людьми толпа осыпала мученика за веру проклятиями, выкрикивая: «Анафема Мартину епископу». За всем происходившим тайно наблюдал император Констант, укрывшийся в высокой башне. Несмотря на январский холод, на святителе была разодрана одежда, а тело его заковано в вериги. Наконец, воины, неся впереди обнаженный меч, что означало смертный приговор, повлекли святого Мартина через весь город в преторию. Многие, видя, какому бесчестию подвергается святитель, с плачем уходили. Другие поносили святого Мартина, крича: «Где есть Бог его, где учение веры его?». Умиравший святитель был брошен в темницу. Здесь свою жалость к нему выразила жена тюремного сторожа: она перевязала раны мученика и тайно укрыла его. В это время нечестивый император Констант посетил находившегося при смерти Патриарха Павла. Услышав рассказ о мучениях, которым был подвергнут святитель Мартин, и почувствовав перед смертью раскаяние, патриарх-еретик стал клятвенно просить императора прекратить преследования святителя. Святой Мартин, приготовившийся принять за правоверие скорую смерть, был весьма опечален, когда узнал, что исполнение смертного приговора над ним отложено. После восьмидесятипятидневного пребывания в заключении, измученный телесно, но радостный духом архипастырь, при неутешном плаче всех бывших с ним в темнице, был вновь посажен на корабль, которым доставлен к месту ссылки – на Таврический (Крымский) полуостров. Здесь, близ Херсонеса, в Инкерманских каменоломнях, почти без пищи, провел святой Мартин последние два года своей жизни. Скончался 16 сентября 655 года и был погребен в храме в честь Влахернской иконы Пресвятой Богородицы. При гробе его совершалось много чудес. Впоследствии мощи святого Мартина были перенесены в Константинополь, а потом в Рим, где покоятся в храме во имя святого Мартина.

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры на 6, глас 4.

Подо́бен: Я́ко до́бля:

Ве́ры предбори́телие,/ благоче́стия побо́рницы,/ Це́ркве зве́зды многосве́тлыя,/ льсти тьму ума́ливше благода́тию/ и свет и́стиннаго Богопозна́ния светя́ще,/ восхваля́ем вас свяще́нными пе́сньми,/ Боже́ственнии и му́дрии страда́льцы/ Анто́ние, Иоа́нне и Евста́фие.

Небеса́, пове́дающа Бо́жия та́инства/ и сла́ву всем возвеща́юща,/ му́ченицы Боже́ственнии бы́сте,/ и́бо веща́ние подвиго́в и ве́ры ва́шея/ во вся концы́ Правосла́вныя Це́ркве изы́де./ Те́мже вся Це́рковь почита́ет страда́ния ва́ша,/ я́же подъя́сте до́блественне о Христе́, присносла́внии.

Лы́стом ¹³ твои́м сокруше́нным и косте́м,/ приснопа́мятне Евста́фие,/ и бе́драм твои́м, па́че естества́ сотре́нным,/ и но́су и у́шию уре́занным/ ра́довался еси́, всеблаже́нне,/ зми́еву главу́ идолослуже́ния отсека́я./ Сего́ ра́ди подвигополо́жник Христо́с Бог/ вене́ц побе́дный дарова́ тебе́.

Правосла́вно уве́ровавше в Тро́ицу Пребоже́ственную,/ науче́ни пресви́тером Не́стором,/ просвети́стеся Ду́хом Святы́м, прехва́льнии,/ и, на мироде́ржца ополчи́вшеся,/ ко́зни его́ му́жески победи́сте,/ посо́бием Бо́жиим на него́ подви́гшеся./ Тем днесь пресве́тлую ва́шу па́мять соверша́юще,/ по до́лгу хвала́ми ва́ше почита́ем страда́ние.

Ра́нам преда́вшеся и му́кам, святи́и,/ непрекло́нна прему́дростию пребы́сте,/ я́ко свещи́, разже́гшеся теплото́ю духо́вною,/ просвеща́ете сердца́ ве́рных благода́тию/ и отгоня́ете всяк неду́г и вся́ку скорбь./ Те́мже вся́ческий род и во́зраст/ пра́зднует ва́шу святу́ю па́мять,/ пе́сньми сла́вяще Го́спода.

Све́тлостию, му́ченицы, чуде́с ва́ших/ всю просвети́сте тварь,/ отгоня́юще мглу страсте́й и скорбе́й,/ бесо́вских наважде́ний и боле́зней/ от притека́ющих к вам со слеза́ми/ и ве́рою прося́щих ва́шего заступле́ния,/ до́блии страда́льцы Спа́совы/ Анто́ние, Иоа́нне и Евста́фие./ Те́мже ве́рою свято́е и светоно́сное/ ва́ше соверша́ем торжество́.

Сла́ва, глас 6:

Це́рковь днесь пра́зднует све́тло,/ в но́ву оде́жду оде́явшися,/ я́ко порфи́рою и ви́ссом,/ кро́вию и страда́нием но́вых страстоте́рпец:/ си́и бо, в благоче́стии воспита́вшеся,/ же́ртву непоро́чну, прия́тну и благоуго́дну/ принесо́ша Ти, Христе́./ Те́мже, Спа́се наш, Бо́же,/ сих победи́тели беззако́нных показа́вый,/ венча́вый и просла́вивый,/ низпосли́ нам тех моли́твами ве́лию ми́лость.

И ны́не, Богоро́дичен: Кто Тебе́ не ублажи́т:

Вход. Проки́мен дне и чте́ния.

Проро́чества Иса́иина чте́ние (глава́ 43):

Та́ко глаго́лет Госпо́дь:/ вси язы́цы собра́шася вку́пе,/ и соберу́тся кня́зи от них./ Кто возвести́т сия́? или́, я́же испе́рва, кто возвести́т вам?/ Да приведу́т свиде́тели своя́, и оправдя́тся, и да услы́шат, и да реку́т и́стину./ Бу́дите Ми свиде́тели, и Аз Свиде́тель, глаго́лет Госпо́дь Бог,/ и О́трок Мой, Его́же избра́х:/ да уве́сте, и ве́руете Ми, и уразуме́ете, я́ко Аз есмь./ Пре́жде Мене́ не быстъ ин бог, и по Мне не бу́дет./ Аз Бог, и несть, ра́зве Мене́, спаса́яй./ Аз возвести́х и спасо́х, укори́х и не бе в вас чу́ждий./ Вы Мне свиде́тели, и Аз Свиде́тель, глаго́лет Госпо́дь Бог./ Еще́ от нача́ла, и несть изыма́яй от руку́ Мое́ю./ Сотворю́, и кто отврати́т е?/ Та́ко глаго́лет Госпо́дь Бог, избавля́яй вас,/ Святы́й Изра́илев.

Прему́дрости Соломо́новы чте́ние (глава 3):

Пра́ведных ду́ши в руце́ Бо́жией, и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их:/ и е́же от нас ше́ствие – сокруше́ние, они́ же суть в ми́ре./ И́бо пред лице́м челове́ческим, а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́./ Я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́новы чте́ние (глава́ 4):

Пра́ведник, а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется./ Седи́на же есть му́дрость челове́ком,/ и во́зраст ста́рости – житие́ нескве́рное./ Благоуго́ден Бо́гови быв, возлю́блен бысть,/ и живы́й посреде́ гре́шников, проста́влен бысть./ Восхище́н бысть, да не зло́ба измени́т ра́зум его́/ или́ лесть прельсти́т ду́шу его́./ Раче́ние бо зло́бы помрача́ет до́брая/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

На стихо́вне стихи́ры, глас 4.

Подо́бен: Я́ко до́бля:

Я́ко зве́зды многосве́тлыя,/ страстоте́рпцы прехва́льнии,/ Боже́ственными светлостьми́ озаря́ете вселе́нныя концы́,/ де́монскаго омраче́ния и страсте́й тлетво́рных и бед изыма́юще./ Те́мже днесь све́тлое, и светоно́сное,/ и свято́е ва́ше торжество́,/ соше́дшеся, восхва́лим, сла́внии.

Стих: Воззва́ша пра́веднии,/ и Госпо́дь услы́ша их.

Чу́днии, Боже́ственнии, прему́дрии страстоте́рпцы/ пе́сньми свяще́нными да почту́тся:/ Тро́ицу бо Несозда́нную пред враги́ свяще́нно пропове́дающе,/ многобо́жную угаси́ша лесть кро́вными излия́нии/ и сла́ву прия́ша неувяда́емую.

Стих: Мно́ги ско́рби пра́ведным,/ и от всех их изба́вит я Госпо́дь.

Царя́ беззако́ннаго,/ беззако́нно повелева́ющаго поклони́тися/ и че́сти принести́ безслове́сным бого́м безду́шным,/ блаже́ннии, му́дре посрами́сте,/ му́ченицы великоимени́тии,/ и, пострада́вше терпели́вно и зако́нно,/ венцы́ исплето́сте побе́ды,/ о ми́ре моля́щеся.

Сла́ва, глас 6:

Полк Боговенча́нен ны́не я́вльшихся му́ченик,/ заколе́ние непоро́чное, за Христа́ пожре́ное усе́рдно,/ святоизбра́нное во́инство,/ мучениколю́бцы, прииди́те, всесвяще́нную па́мять духо́вно соверша́юще,/ возопие́м к ним:/ сокруши́те свире́пство ага́рян безбо́жных/ и изба́вите лю́ди благочестному́дренныя моли́твами ва́шими/ вся́каго обстоя́ния.

И ны́не, Богоро́дичен:

Бо́га, из Тебе́ воплоти́вшагося, разуме́хом, Богоро́дице Де́во,/ Того́ моли́ о спасе́нии душ на́ших.

Тропа́рь, глас 4:

И́же земны́х че́сти и сла́вы отве́ргшеся,/ до́блии и честни́и страда́льцы,/ ве́ры ра́ди кре́пко и му́жественно му́ки претерпе́сте,/ на смерть себе́ вда́вше за Живо́т всех – Влады́ку./ Те́мже и Христо́с пресла́вно столпо́м о́блачным/ с Небесе́ вас озари́/ и по́честьми и венцы́ от Престо́ла сла́вы венча́./ Со А́нгелы Тому́ предстоя́ще,/ моли́те спасти́ся душа́м на́шим.

Ин тропа́рь, глас то́йже:

От ко́рене непло́дна, преблаже́ннии,/ возрасти́вше Правосла́вныя ве́ры ве́тви,/ первому́чеником тезоимени́тии яви́стеся:/ зла́го бо и нечести́ваго кня́зя я́рости не убоя́стеся,/ повелева́юща Христа́ отрещи́ся./ Сего́ ра́ди му́ченическия венцы́ прие́мше/ и со А́нгелы Престо́лу Влады́чню предстоя́ще,/ о нас моли́теся, преблаже́ннии,/ правосла́вно чту́щих святу́ю па́мять ва́шу.

НА У́ТРЕНИ

На Бог Госпо́дь: тропа́рь святы́м, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 4.

Подо́бен: Яви́лся еси́ днесь:

Честну́ю твердь церко́вную, я́ко зве́зды велича́йшия, просвеща́ете при́сно/ и ве́рныя озаря́ете, му́ченицы Боже́ственнии, Христо́вы во́ини.

Сла́ва, и ны́не, Богоро́дичен:

В кров Твой, Пречи́стая Де́во, прибега́ющих, мольбу́ прие́млеши от нас,/ не преста́й моля́щи Человеколю́бца спасти́ рабы́ Твоя́.

По 2-м стихосло́вии седа́лен, глас 4.

Подо́бен: Вознесы́йся на Крест:

Му́жественнейшим по́мыслом преше́дше муче́ние, чу́днии страстоте́рпцы,/ сквозе́ огнь и во́ду проидо́сте/ и премину́сте ко спасе́ния широте́, насле́дие прие́мше – Небе́сное Ца́рство,/ в не́мже твори́те о нас Боже́ственныя мольбы́, му́дрии великому́ченицы.

Сла́ва, и ны́не, Богоро́дичен:

И́же благода́рно воспева́ем Ти от се́рдца и про́сим приле́жно, Богоро́дице,/ Твоея́ ми́лости, Влады́чице, на рабы́ Твоя́, зову́щия и глаго́лющия:/ Пресвята́я Де́во, предвари́ и изба́ви от враг ви́димых и неви́димых и вся́каго преще́ния,/ Ты бо еси́ на́ше заступле́ние.

По полиеле́и седа́лен, глас 8:

Ведо́ми бы́сте свя́зани от враго́в/ и в темни́це заключе́ни на времена́ мно́га, ве́рою соблюда́еми, невре́дни пребы́сте/ и, отре́шшеся мечи́ теле́с, святи́и,/ Боже́ственным жела́нием я́ве связа́стеся./ Те́мже, я́ко свети́ла, просия́ете в ми́ре, вся просвеща́юще Ду́ха благода́тию,/ страстоте́рпцы блаже́ннии, моли́те Христа́ Бо́га грехо́в оставле́ние дарова́ти/ пра́зднующим любо́вию святу́ю па́мять ва́шу.

Сла́ва, и ны́не, Богоро́дичен:

Я́ко Де́ву и Еди́ну в Жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ Огнь бо всели́ся в Тя Божества́,/ и я́ко Младе́нца дои́ши Зижди́теля и Го́спода./ Тем, а́нгельский и челове́ческий род, досто́йно сла́вим пресвято́е рождество́ Твое́ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Степе́нна, 1-й антифо́н 4-го гла́са. Проки́мен, глас 4: Воззва́ша пра́веднии,/ и Госпо́дь услы́ша их. Стих: Мно́ги ско́рби пра́ведным,/ и от всех их изба́вит я Госпо́дь. Вся́кое дыха́ние: Ева́нгелие от Матфе́я, зача́ло 36.

По 50-м псалме́ стихи́ра, глас 6:

Прииди́те, возра́дуемся Го́сподеви,/ в па́мять страстоте́рпцев, о празднолю́бцы!/ Прииди́те, воспои́м,/ та́йно восхваля́юще, страда́лец Христо́вых,/ лесть и́дольскую па́губе преда́вших/ и Христа́ посреде́ суди́ща я́сно пропове́давших./ Те́мже, о всеблаже́ннии и многострада́льнии,/ не преста́йте моля́щеся о душа́х на́ших.

Кано́н му́чеником на 4, глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зными Моисе́овыми рука́ми/ Амали́кову си́лу в пусты́ни победи́л есть.

Добро́тою муче́ния, сла́внии, удобря́еми/ и Боже́ственнаго све́та па́че естества́ исполня́еми, му́ченицы,/ и́же ва́шу чту́щих па́мять отону́ду осиява́ете.

Глаго́лы мучи́теля небрего́ша, Боже́ственнии му́ченицы,/ я́рость, гнев и горды́ню нивочто́же вмени́ша/ и благохва́льно смерть, веселя́щеся, претерпе́ша.

Кре́постию утверди́вшеся, святи́и, Вседержи́телевою,/ и́стиною во чре́сла держа́вно препоя́савшеся,/ вои́стинну лука́ваго си́лу и кова́рство разруши́сте.

Богоро́дичен: Си́лы па́че есте́ственных соде́лаша, Боже́ственнии му́ченицы,/ укрепля́еми си́лою Твое́ю, Иису́се Всеси́льне,/ И́же в на́шу не́мощь пе́рвее от Де́вы оболки́йся.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Любо́вь ко Го́споду восприе́мше, и́стиннии му́ченицы,/ о Нем ра́дующеся, вои́стинну ду́ши преда́ша.

Телесе́м и душа́м цели́тели вас, прему́дрии, показа́,/ И́же ва́ше страда́ние и терпе́ние Прие́мый.

Пре́лесть дре́внюю оттря́сше, тве́рдии му́ченицы,/ но́вую изво́листе жизнь,/ живу́ще о Христе́ па́че челове́ка.

Богоро́дичен: Дне мя Све́та невече́рняго прича́стника сотвори́,/ Ма́ти Бо́жия Всечи́стая,/ тьмы избавля́ющи бу́дущия.

Седа́лен му́чеником, глас 1.

Подо́бен: Гроб Твой, Спа́се:

Огню́ чу́вственному не принесо́сте че́сти,/ изба́вистеся огня́ гее́нскаго, Богоглаго́ливии,/ огню́ и му́кам приобщи́вшеся, святи́и,/ не отверго́стеся И́же всех Влады́ки,/ но, ра́дующеся, до сме́рти храни́ти ве́ру потща́стеся.

Сла́ва, глас 8:

Огне́м муче́ния, я́ко зла́то в горни́ле, искуше́ннии,/ све́тло искуси́стеся, приснопа́мятнии му́ченицы,/ и яви́стеся зла́та честне́йши естество́м,/ я́ко душе́вную добро́ту пресве́тлу показа́вше,/ сосу́д Влады́це честне́йший вои́стинну принесо́сте, святи́и, огню́ не послужи́вше./ Сего́ ра́ди моли́теся ко Го́споду о всех нас,/ грехо́в оставле́ние дарова́ти чту́щим любо́вию па́мять ва́шу.

И ны́не, Богоро́дичен:

Моли́твы Свои́х рабо́в приими́, Богоро́дице,/ и изба́ви ны от вся́кия беды́,/ я́ко ро́ждшая Христа́, Спа́са душ на́ших.

Крестобогоро́дичен:

И́же Твое́ заступле́ние стяжа́вше, Пречи́стая,/ и Твои́ми моли́твами от напа́стей избавля́еми,/ Кресто́м бо Сы́на Твоего́ везде́ сохраня́еми,/ по до́лгу Тя вси благоче́стно велича́ем.

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Крепча́йшим противле́нием до́блии и стремле́нием неотло́жнии,/ друзи́и Маккаве́и яви́стеся,/ повелева́ющих я́рости не убоя́стеся, скве́рная я́сти не изво́ливше.

С Го́рними си́лами предсто́яще все́ми Владе́ющему, му́ченицы до́блии,/ вас почита́ющих напа́стей изба́вите и ве́чнаго муче́ния.

Нескве́рно дарова́ние соблю́дше всечестна́го креще́ния,/ Твои́ страстоте́рпцы сие́ честне́йше соде́лаша,/ сла́дко сме́рти Твое́й поревнова́вше.

Твое́й сме́рти му́ченицы до́блии, Влады́ко Христе́, подо́бящеся,/ пове́шени на дре́ве, ра́дующеся,/ ду́ши преда́ша Ти,– сла́ва си́ле Твое́й,– пою́ще.

Богоро́дичен: Вели́чия Ти сотвори́ Влады́ка,/ Еди́н Сый, Влады́чице, си́лен кре́постию, я́коже прорекла́ еси́,/ и́бо блажа́т Тя вси ро́ди, Непоро́чная.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Черто́г вмени́сте пе́рвый темни́цу, блаже́ннии,/ та́мо бо Жениху́ Кра́сному, ра́дующеся, му́ченицы, обручи́стеся,/ Его́же ра́ди уя́звлени душа́ми,/ неудержи́мым жела́нием к Нему́ устреми́стеся.

Красе́н еси́, Влады́ко, и в след Тебе́ тече́м чи́стыми душа́ми, Женише́,/ – тро́ица му́ченик вопия́ше, ра́дующеся,–/ Твое́ю любо́вию, я́коже зри́ши, связа́хомся и Боже́ственным Ти раче́нием.

Ходи́сте по Влады́це, святи́и, иму́ще во́ду жи́ву бию́щу,/ сла́дко подви́жущую вас к подвиго́м муче́ния,/ Христо́ву ча́шу ве́село испи́сте.

Богоро́дичен: Твоея́, Богоневе́сто, сла́вы земля́ испо́лнися,/ и к Себе́ святы́х вся ли́ки све́тло привлече́,/ ми́ра сла́дкая оста́вити сих повину́ющи/ и получи́ти Твоея́ све́тлости.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Жезлы́ неми́лостивно му́ченик Евста́фий приклоня́емь,/ вся́чески стена́ние или́ сле́зу не испусти́:/ кре́пкаго бо адама́нта бя́ше тверде́йший.

Возмо́гл еси́, си́лою Боже́ственною укрепля́емь, му́чениче Евста́фие,/ терпе́ти му́ки нестерпи́мыя, блаже́нне,/ сего́ ра́ди Боже́ственнаго весе́лия сподо́бился еси́.

Полцы́ лука́вых бесо́в побежде́ни бы́ша му́ченик мно́жеством крове́й,/ и крепи́тся Твоя́ Це́рковь, Жизнода́вче,/ воспева́ющи Твое́й си́ле сла́ву.

Богоро́дичен: Добро́тою де́вства сия́ющи, Влады́чице,/ Царе́ви веко́в избра́на была́ еси́ в жили́ще,/ Его́же ражда́еши, по рождестве́ соблюда́ющаго Тя нетле́нну.

Конда́к, глас 3.

Подо́бен: Де́ва днесь:

Оте́ческую пре́лесть оста́вльше, святи́и,/ приведо́стеся Христо́ви,/ всем души́ усе́рдием ста́сте мужему́дренно до сме́рти./ Те́мже и взя́сте побе́ды по́честь вои́стинну,/ о всех Влады́ку на́шего непреста́нно моля́ще.

И́кос:

Му́ченик по́двиг любопра́зднственне ви́дяще,/ му́жеству их досто́йно почуди́мся,/ и со безпло́тными враги́ сих боре́нию А́нгелов ли́кове ра́дующеся, сих ублажи́ша./ Та́мо бесо́встии полцы́, побежда́еми, ли́ца отвраща́ху,/ та́мо бо всех Влады́ка венцы́ сла́вно украша́ет му́ченик главы́./ Сего́ ра́ди возопие́м к ним:/ о всех, му́ченицы Христо́вы блаже́ннии, моли́теся.

Песнь 7

Ирмо́с: Спасы́й во огни́ авраа́мския Твоя́ о́троки/ и халде́и уби́в,/ я́же Пра́вда пра́ведно уловля́ше,/ препе́тый Го́споди,/ Бо́же оте́ц на́ших, благослове́н еси́.

Иска́пающи ра́дость и духо́вное весе́лие,/ яви́ся нам честна́я ва́ша па́мять, блаже́ннии,/ сердца́ услажда́я, исполня́ющи ра́дости премно́гия.

Ум впери́л еси́, блаже́нне, па́че чу́вства добро́тами плене́нный,/ и сокруше́ния бедро́м не ощуща́л еси́, блаже́нне Евста́фие,/ и власо́м с пло́тию отре́занным ти терпе́л еси́, я́ко адама́нт, в му́ках.

Красота́ теле́сная, му́дре му́чениче, и ю́ности цвет возра́стный,/ лик и жела́ние нивочто́же вмени́ся,/ сего́ ра́ди, Евста́фие, сла́дости ны́не Боже́ственныя восприе́млеши.

Но́са и у́шию Тебе́ ра́ди, Спа́се, обре́зан, му́ченик Евста́фий/ Твою́, Влады́ко, велича́ше си́лу и воплоще́ние Твое́ поя́ше,/ сподобля́юща того́ па́че есте́ственных терпе́ний.

Богоро́дичен: Я́ко спасе́ние на́ше Тя, Богоро́дице, мо́лим:/ моли́ за ны вопло́щшагося из Тебе́.

Песнь 8

Ирмо́с: Изба́вителю всех, Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

Исте́кшая, преблаже́ннии, кровь ва́ша честна́я всю освяти́ тварь,/ мно́жеством тече́ния му́ченики соде́лавшая вас,/ и́бо све́тло Бо́га пропове́дасте, вас ра́ди уме́рша.

Неруши́мая Це́ркви основа́ния, ве́рным же кре́пкое предгра́дие,/ стены́ тверде́йше, яви́стеся, му́ченицы Богоглаго́ливии,/ и нас всех кре́пко заступа́юще.

Земля́ соде́ржит честна́я телеса́ ва́ша, Богоно́снии, Не́бо же – ду́ши,/ тем весели́теся, му́ченицы, со А́нгелы, Го́сподеви трисвяту́ю песнь пою́ще:/ благослови́те, вся дела́ Госпо́дня, Го́спода.

Богоро́дичен: Страшна́ челове́ком смерть пре́жде рождества́ Твоего́, Богоро́дице,/ по сих же игра́лище святы́м вмени́ся,/ хода́тайствуя живо́т ве́чный.

Песнь 9

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Возде́лан быв, я́ко ра́лом, сло́вом твои́м, Богому́дре Анто́ние, чу́дный Евста́фий,/ се́мя же прие́м, я́ко блага́я земля́, Иоа́нн Богому́дрый,/ и́же муче́ния клас возрасти́.

Вели́ким по́двигом, прему́дрии, по́чести взе́мше,/ воздая́ния трудо́м и боле́знем от Бо́га прия́сте, му́ченицы,/ о нас Того́ моли́те, и́же вас помина́ющих, святи́и.

Ны́не у Престо́ла предстоя́ще Царе́ви всех/ и бу́дущих благ наслажда́ющеся, Богоблаже́ннии,/ чту́щих помина́йте ва́шу па́мять свяще́нную.

Богоро́дичен: Во́ды живы́я испо́лнь весе́лия,/ благода́ти дарова́ния пролива́еши, всем сия́ незави́стно источа́я,/ Тебе́ бо ра́ди дарова́ся вся́ко бла́го ми́рови, Влады́чице.

Свети́лен:

Муче́ния добро́тами осия́вшеся,/ от Бо́га воздая́ние трудо́м ны́не прия́сте вои́стинну,/ о нас, му́ченицы, Благода́теля моли́те.

Сла́ва, и ны́не, Богоро́дичен:

Вели́ка Сове́та А́нгела родила́ еси́ – Христа́, Препе́тая Отрокови́це, Царя́ Сла́вы,/ Его́же Крест му́ченицы взе́мше, во след Сего́ потеко́ша,/ с ни́миже непреста́нно о нас моли́ся.

На хвали́тех стихи́ры, глас 4.

Подо́бен: Дал еси́ зна́мение:

Иму́ще, блаже́ннии, Христо́ву Боже́ственную си́лу,/ я́ко ору́жие непобеди́мое,/ отрази́сте вся си́лы бесо́вския/ и тьмы безпло́тных боре́ц/ и побе́ды по́чести взя́сте,/ те́мже предстоя́ще Подвигополо́жнику Христу́,/ о всех моли́теся, чту́щих па́мять ва́шу.

Огню́ не послужи́вше чу́вственному, приснопа́мятнии,/ и огню́ причасти́вшеся и му́кам,/ прия́сте Небе́сную ро́су,/ и поко́й Боже́ственный, и ве́чную ра́дость/ и, кня́зя тьмы, му́ченицы прему́дрии, попали́вше/ терпе́нием боле́зней ва́ших,/ ве́рных утверди́сте ко и́стинному благоче́стию.

К приста́нищу невла́емому приста́сте, му́ченицы,/ мяте́жныя волны́ изба́вльшеся, я́ко му́дростнии,/ и треволне́ния мяте́жа вели́каго,/ отню́дуже собира́юще плод боле́зней – ве́чную жизнь,/ помина́йте и нас, блаже́ннии,/ чту́щих па́мять ва́шу.

Сла́ва, глас 3:

До́блественнии му́ченицы и́стиннии,/ вас ни ну́жда мучи́тельская, ни ласка́ние льсти́вное,/ ни удо́в отре́зание,/ ниже́ сме́рти преще́ние/ от Боже́ственныя любве́ разлучи́ти возмо́же,/ те́мже дерзнове́ние иму́ще ко Христу́,/ И́же над все́ми Бо́гу,/ проси́те от Христа́ и нам моли́твами ва́шими/ дарова́ти ве́лию ми́лость.

И ны́не, Богоро́дичен, глас 8:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

Славосло́вие вели́кое и отпу́ст.

НА ЛИТУРГИ́И

Блаже́нны от кано́на, пе́сни 3-я и 6-я. Проки́мен, глас 4: Святы́м, и́же суть на земли́ Его́,/ удиви́ Госпо́дь вся хоте́ния Своя́ в них. Стих: Предзре́х Го́спода предо мно́ю вы́ну, я́ко одесну́ю мене́ есть, да не подви́жуся. Апо́стол ко Ефесе́ем, зача́ло 233. Аллилу́ия, глас 4: Воззва́ша пра́веднии, и Госпо́дь услы́ша их и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я Госпо́дь. Ева́нгелие от Матфе́я, зача́ло 36. Прича́стен: Ра́дуйтеся, пра́веднии:

МОЛИ́ТВА

Святи́и му́ченицы Анто́ние, Иоа́нне и Евста́фие! При́зрите с Небе́снаго черто́га на тре́бующих ва́шей по́мощи и не отве́ргните проше́ний на́ших, но, я́ко при́снии благоде́тели и хода́таи на́ши, моли́те Христа́ Бо́га, да, Человеколюби́в и Многоми́лостив Сый, сохрани́т нас от вся́каго лю́таго обстоя́ния: от тру́са, пото́па, огня́, меча́, наше́ствия иноплеме́нников и междоусо́бныя бра́ни. Да не осу́дит нас, гре́шных, по беззако́ниям на́шим, и да не во зло обрати́м блага́я, да́руемая нам от Всеще́драго Бо́га, но во сла́ву Свята́го И́мени Его́ и в прославле́ние кре́пкаго ва́шего заступле́ния. Да моли́твами ва́шими даст нам Госпо́дь мир по́мыслов, воздержа́ние от па́губных страсте́й и от вся́кия скве́рны и да укрепи́т во всем ми́ре Свою́ Еди́ную Святу́ю Собо́рную и Апо́стольскую Це́рковь, ю́же стяжа́л есть Честно́ю Свое́ю Кро́вию. Моли́теся приле́жно, святи́и му́ченицы, да утверди́т Христо́с Бог во святей Свое́й Правосла́вней Це́ркви живы́й дух пра́выя ве́ры и благоче́стия, да вси чле́ны ея́, чи́стии от суему́дрия и суеве́рия, ду́хом и и́стиною покланя́ются Ему и усе́рдно пеку́тся о соблюде́нии Его́ за́поведей, да мы вси в ми́ре и благоче́стии поживе́м в настоя́щем ве́це и дости́гнем блаже́нныя ве́чныя жи́зни на Небеси́ благода́тию Го́спода на́шего Иису́са Христа́, Ему́же подоба́ет вся́кая сла́ва, честь и держа́ва со Отце́м и Святы́м Ду́хом, ны́не, и при́сно, и во ве́ки веко́в. Ами́нь.

Святые мученики Антоний, Иоанн и Евстафий Виленские, Литовские служили при дворе великого князя Литовского Ольгерда (1345–1377). Житейские расчеты подвигнули Ольгерда принять христианство для того, чтобы, женившись на православной Витебской княжне Марии Ярославне († 1346), расширить свои владения. Поначалу князь покровительствовал православной вере: он разрешил духовнику княгини Марии священнику Нестору проповедовать в языческой Литве православие, позволил выстроить несколько храмов – два в Витебске и один в Вильне (ныне Вильнюс) во имя святой мученицы Параскевы. Отец Нестор обратил несколько придворных литовцев-язычников в православие. Среди них были два брата из местной знати – Нежило и Кумец, названные во святом Крещении Антонием и Иоанном. После смерти супруги, Ольгерд, под давлением литовских языческих жрецов, имевших большое влияние на народ, отказался от христианства и вновь стал поклоняться идолам. Святые Антоний и Иоанн продолжали соблюдать все христианские обычаи, в частности не ели скоромной пищи в постные дни. Жрецам не трудно было обнаружить, что братья исповедуют Христову веру. Они стали требовать, чтобы великий князь Литовский наказал святых Антония и Иоанна. Ольгерд боялся, что если он не накажет своих слуг, то может лишиться престола. Он стал уговаривать Антония и Иоанна отказаться от христианства или хотя бы внешне показать себя язычниками – принять в постный день мясную пищу. Братья не изменили своей вере и отказались нарушить предписания Церкви. Тогда раздраженный князь приказал бросить их в темницу. Целый год томились братья в неволе. Младший из братьев, святой Антоний, мужественно и терпеливо переносил страдания, а старший, Иоанн, не выдержал испытаний. Он стал ослабевать физически и духовно. Втайне от брата Иоанн объявил Ольгерду, что готов подчиниться его воле, лишь бы ему возвратили свободу. Обрадованный отступничеством узника, князь освободил не только Иоанна, но и святого Антония, назначив их видными сановниками при дворе. Иоанн, хотя внешне и исполнял языческие обряды и обычаи, но в сердце своем оставался христианином. Святой Антоний же всем своим образом жизни открыто исповедовал Православие. Брата своего укорял за малодушие и трусость, призывал его покаяться и уговаривал, не страшась мучений, вновь открыто исповедовать Имя Христово. Однажды к княжескому столу, куда были приглашены и святые братья, было подано мясное блюдо. Иоанн, хотя был постный день, из боязни мучений не решился отвергнуть скоромную пищу и ел ее вместе со всеми. Антоний же, открыто исповедуя себя христианином, отказался от мяса. Разгневанный князь вновь бросил святого Антония в темницу. Отрекшийся брат остался на свободе, но с ним, как с предателем, перестали общаться не только христиане, но и язычники. Иоанн осознал свой тяжкий грех и стал со слезами каяться в своем малодушии. Он обратился к священнику Нестору с просьбой о ходатайстве за него перед братом, чтобы тот простил его грех и разрешил общение с ним. Святой Антоний ответил, что братские отношения у них могут быть только в том случае, если он открыто начнет исповедовать веру в Господа Иисуса Христа. Чтобы исполнить волю брата, Иоанн искал удобного случая объявить себя христианином. Как-то раз, прислуживая князю Ольгерду в бане, святой Иоанн возвестил ему о своем примирении с Церковью. Князь, вопреки ожиданиям, не разгневался на него, так как разговор происходил без свидетелей. Тогда святой Иоанн решил сообщить об этом всем. В удобное время, когда князя окружала многочисленная толпа придворных, святой Иоанн громко объявил себя христианином. Это привело Ольгерда и всех присутствующих в такую ярость, что они тут же стали жестоко избивать исповедника, после чего, по приказанию князя, он был ввержен в ту же темницу, в которой томился его брат святой Антоний. С радостью встретились братья-мученики, прославляя Бога. В тот же день они сподобились причаститься Святых Таин у священника Нестора. Толпы людей приходили к темнице, чтобы увидеть бесстрашных исповедников.

Сила проповедуемой ими истины, их непреклонная вера и твердость духа в тяжких условиях заточения настолько поражали народ, что многие принимали Святое Крещение. Языческие жрецы, видя это, чрезвычайно встревожились. Они стали требовать от Ольгерда, чтобы тот предал святых братьев смерти и таким образом пресек быстро распространявшуюся в народе веру во Христа. Великий князь уступил требованию язычников, но сначала решил казнить одного святого Антония, надеясь, что святой Иоанн снова отречется от христианства. Всю ночь перед казнью провел святой Антоний в молитве, благодаря Бога за ниспосланный ему мученический венец и прося Его укрепить брата в ожидаемых им тяжких испытаниях. Он предвидел скорую кончину святого Иоанна и советовал ему не отступать от веры и безбоязненно переносить страдания. Утром 14 апреля 1347 года оба святых мученика причастились Святых Таин, затем святого Антония повели на казнь. Язычники повесили его на дубе.

Святой же Иоанн по-прежнему был тверд и непреклонен в христианской вере, по-прежнему продолжал проповедовать народу, стекавшемуся к темнице. Обозленные язычники зверски расправились с ним. 24 апреля 1347 года они сначала удавили его, затем мертвого повесили на томже дубе, как и предсказывал перед смертью святой Антоний. Тела святых мучеников были с честью погребены верующими христианами в храме во имя Святителя Николая Чудотворца. Мученическая смерть святых Антония и Иоанна принесла благодатный духовный плод. Родственник святых братьев Круглей, так же как и они, придворный князя Ольгерда, потрясенный стойкостью мучеников, принял Святое Крещение от священника Нестора с именем Евстафий. Он был молод, красив, выделялся мужеством и храбростью, но еще более умом и душевной добротой. После крещения Евстафий стал вести истинно христианский образ жизни, исполняя все уставы Православной Церкви. Однажды великий князь, который очень любил своего молодого придворного, заметил, что тот отрастил себе волосы. На вопрос Ольгерда, не христианин ли он, Евстафий открыто исповедал себя христианином. Такое признание привело князя в ярость. Желая отвратить исповедника от Христовой веры, он стал принуждать святого Евстафия съесть мясо. Это было в пятницу Рождественского поста. Святой мученик отказался. Тогда Ольгерд приказал бить юношу железными палками. Но святой Евстафий переносил эти мучения мужественно и молча, он только славословил и благодарил Бога за то, что Он удостоил его пострадать за Свое Святое Имя. Ожесточенный князь приказал вывести обнаженного святого Евстафия на сильный мороз и лить в его уста ледяную воду. От этой пытки тело страдальца посинело от холода, временами останавливалось дыхание, но он и это мучение вынес с Божией помощью. Ольгерд в бешенстве повелел раздробить ему кости ног от подошвы до колен, сорвать с головы вместе с кожей волосы, отрезать уши и нос. Так мучили святого три дня. Святой Евстафий утешал христиан, плакавших при виде его мучений: «Не плачьте обо мне, братия, что разрушается это земное жилище моей души, потому что вскоре я надеюсь получить для нее у Господа обитель нерукотворенную на Небесах». Видя, что никакие мучения не могут заставить святого Евстафия отречься от христианства, Ольгерд осудил его на казнь. Святой мученик, несмотря на то, что его ноги были раздроблены, укрепляемый помощью Божией, шел на место казни так бодро, что мучители, ведшие его, едва успевали за ним, изумляясь явному чуду. 13 декабря 1347 года святой Евстафий был мучим и повешен на том же дубе, что и его родственники святые Антоний и Иоанн. Его честно́е тело было оставлено на дереве близко от земли, чтобы его могли съесть хищные звери и птицы, но ни один зверь, ни одна птица не могли приблизиться к телу: облачный столп защищал его от хищников. Через три дня останки святого Евстафия были погребены в Никольском храме, рядом с телами святых братьев Антония и Иоанна. На том месте, где раньше рос дуб, впоследствии был воздвигнут храм во Имя Пресвятой Троицы. Во время перенесения тел святых страстотерпцев в этот храм были обретены нетленными их мощи, от которых совершались чудеса и исцеления. По просьбе православных литовцев, святитель Алексий, митрополит Московский († 1378: память 12 февраля), обратился к Константинопольскому Патриарху Филофею (1354–1355, 1362–1376) с тем, чтобы он благословил причислить мучеников к лику святых. О том, что Патриарх очень скоро исполнил просьбу русских, говорит тот факт, что уже в 1364 году он прислал Преподобному Сергию Радонежскому († 1392; память 25 сентября) крест с мощами святых Антония, Иоанна и Евстафия.

Подвиг святых мучеников имел великое значение для всей Литвы. Сам князь Ольгерд не только возвратился к христианской вере, но в конце жизни принял иночество. Все его 12 сыновей были христианами. К концу XIV века половина жителей Вильны исповедовали Православие. Впоследствии, на протяжении столетий, мощи святых страстотерпцев Антония, Иоанна и Евстафия не только прославлялись чудесами, исходившими от них, но и претерпели много испытаний. Был период, когда мощи святых мучеников были сокрыты в склепе и хранились там более ста пятидесяти лет. В 1826 году они были вновь освидетельствованы православными архиереями и открыты для всех, желающих поклониться святым угодникам Божиим. В 1915 году, при наступлении немцев, эти святыни, как самые драгоценные реликвии Православия в Прибалтийском крае, были взяты в Москву. В памяти верующих Вильнюса и по сей день живут грустные воспоминания о прощании со святыми мучениками и радостные о торжественной встрече мощей святых Антония, Иоанна и Евстафия в 1946 году в Виленском Свято-Духовом монастыре. Дата их возвращения – 13 (26) июля с тех пор ежегодно торжественно отмечается в этом монастыре.