Источник

17-й день

Преподо́бнаго отца́ на́шего Зоси́мы Солове́цкаго, но́ваго чудотво́рца

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 4.

Подо́бен: Я́ко до́бля:

До́лу влеку́щаго мудрова́ния/ совле́клся еси́, му́дре,/ на высоту́ простира́яся,/ та́мо приобща́тися су́щим жела́я, о́тче Зоси́мо,/ е́же и получи́л еси́ ны́не,/ плотски́я тя́жести изреши́вся;/ и о нас моли́ся,/ ве́рою чту́щих честну́ю па́мять твою́.

Пра́востию смы́сла помышля́я/ и разсмотря́я многомяте́жную, о́тче, жития́ бу́рю,/ ти́хое же и невла́емое приста́нище безмо́лвия,/ е́же и предпоче́т па́че,/ о́но же досто́йно отве́ргл еси́/ и, изреши́вся се́тей многоплете́ннаго сладостра́стия,/ моли́ спасти́ся нам.

Целому́др и кро́ток/ от ю́ности был еси́,/ о́тче Зоси́мо блаже́нне,/ пра́востию се́рдца и ума́ чистото́ю/ доброде́тели удержа́в,/ и́миже Бо́гу прибли́жился еси́./ Его́же ны́не моли́/ от тли и бед изба́вити/ ве́рою творя́щих честну́ю па́мять твою́.

Сла́ва, глас 4:

Стеце́мся, мона́шеское мно́жество,/ соше́дшеся, пра́здник соста́вим:/ честна́я бо па́мять отца́ на́шего Зоси́мы,/ сердца́ на́ша озаря́ет неви́димо,/ до́брыми возсия́ющи де́лы./ Сего́ ра́ди, согла́сно воспева́юще, рцем:/ ра́дуйся, ве́рный ра́бе Христа́ Бо́га;/ ра́дуйся, по́стников све́тлая похвало́;/ ра́дуйся, мона́шествующих наста́вниче;/ ра́дуйся, исцеле́ний исто́чниче./ О нас, преподо́бне, моли́ всех Царя́, Христа́ Бо́га на́шего,/ изба́витися от собла́зн льсти́ваго/ и спасти́ся душа́м на́шим.

И ны́не, пра́здника.

На стихо́вне, в Трио́ди.

Сла́ва, глас 4:

Прииди́те, празднолю́бцы,/ псало́мскую песнь воскре́сшему из ме́ртвых Христу́ принесе́м:/ днесь бо разу́мная весна́ возсия́ нам,/ подаю́щи цве́ты слове́сныя,/ вселюбе́зная па́мять отца́ на́шего Зоси́мы./ Ю́же досто́йно почита́юще,/ прие́млем исто́чники исцеле́ния,/ излива́ющияся нам от всечестны́я ра́ки незави́стно,/ подвиза́ бо ся терпели́вно на земли́/ и Небе́сныя да́ры прия́т./ Те́мже того́ ны́не мо́лим/ моли́тися непреста́нно Христу́ Бо́гу/ мир вселе́нней дарова́ти/ и душа́м на́шим ве́лию ми́лость.

И ны́не, пра́здника.

НА ВЕЛИ́ЦЕЙ ВЕЧЕ́РНИ

На Го́споди, воззва́х: поста́вим стихи́ры на 8, в Трио́ди 3 и преподо́бнаго 5, глас 8:

Подо́бен: О пресла́внаго чудесе́:

О́тче преподо́бне Зоси́мо,/ впери́в ум твой к Бо́гу ве́рою,/ мирска́го смеше́ния/ возгнуша́лся еси́ непостоя́ннаго/ и, крест твой взем,/ Всеви́дцу после́довал еси́,/ те́ло непокори́вое по́двиги воздержа́ния/ по́мыслу порабо́тив/ си́лою Боже́ственнаго Ду́ха.

О́тче Богому́дре Зоси́мо,/ ты от утро́бы ма́терни/ Христу́ прибли́жился еси́,/ и всем смы́слом Тому́ прилежа́л еси́,/ и, от твои́х по́двиг Бо́гу Вседержи́телю/ плоды́ досто́йныя принося́, преподо́бне,/ доброде́тельными цве́ты украша́емь,/ тем благи́х наслажде́ние обре́л/ и восприя́л еси́, досточу́дне.

Преподо́бне о́тче прему́дре Зоси́мо,/ боля́щим ты яви́лся еси́ исцеле́ние,/ и хромы́м хожде́ние/ ми́лостивно сотворя́еши,/ и всем, притека́ющим с ве́рою/ к цельбоно́сному гро́бу твоему́/ и прося́щим по́мощи и заступле́ния,/ ты же моли́твами твои́ми/ исцеле́ние неду́гующим неску́дно подава́еши.

И́ны стихи́ры, глас 2.

Подо́бен: Ки́ими похва́льными:

Ки́ими похва́льными венцы́/ увязе́м отца́ на́шего Зоси́му?/ Доброде́телей сокро́вище,/ сосу́д чистоты́, прия́телище благода́ти,/ исто́чник исцеле́ний,/ его́же ра́ди враго́в шата́ние Христо́с низложи́,/ име́яй ве́лию ми́лость.

Ки́ими пе́сненными добро́тами/ похва́лим на́шего наста́вника?/ Пусты́ннаго граждани́на,/ целому́дрия храни́теля,/ боля́щих врача́ безме́здна,/ его́же ра́ди враго́в шата́ние Христо́с низложи́,/ име́яй ве́лию ми́лость.

Ки́ими смире́нными устна́ми/ ублажи́м до́брых рачи́теля?/ По́стника и́стинна,/ бе́дным помо́щника,/ в мо́ри обурева́емых предста́теля,/ прибега́ющим приста́нище,/ его́же ра́ди враго́в шата́ние Христо́с низложи́,/ име́яй ве́лию ми́лость.

Сла́ва, глас 6. Самогла́сен:

Прииди́те, по́стническое сосло́вие,/ духо́вный лик соста́вим,/ пе́ния трубо́ю возглаша́юще,/ благода́рственными гла́сы отцу́ на́шему возопие́м, глаго́люще:/ ра́дуйся, Христо́в подви́жниче Зоси́мо,/ любо́вию бо Сего́ оста́вил еси́ мир, преподо́бне;/ ра́дуйся, и́же те́ло твое́ посто́м и труды́ изнуря́я/ ве́чныя ра́ди и блаже́нныя вои́стинну жи́зни;/ ра́дуйся, чи́стый те́лом и душе́ю,/ озаря́яся непреста́нно сия́нием Христа́ Бо́га./ Нам же, творя́щим честну́ю па́мять твою́,/ моли́ изба́витися вся́каго гне́ва,/ и тли, и муче́ния, блаже́нне.

И ны́не, пра́здника.

Вход. Проки́мен дне, и паремии́.

Прему́дрости Соломо́ни чте́ние (глава 3):

Пра́ведных ду́ши в руце́ Бо́жией, и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их:/ и е́же от нас ше́ствие – сокруше́ние, они́ же суть в ми́ре./ И́бо пред лице́м челове́ческим, а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́./ Я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́ни чте́ние (глава́ 4):

Пра́ведник, а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется./ Седи́на же есть му́дрость челове́ком,/ и во́зраст ста́рости – житие́ нескве́рное./ Благоуго́ден Бо́гови быв, возлю́блен бысть,/ и живы́й посреде́ гре́шников, проста́влен бысть./ Восхище́н бысть, да не зло́ба измени́т ра́зум его́/ или́ лесть прельсти́т ду́шу его́./ Раче́ние бо зло́бы помрача́ет до́брая/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́ни чте́ние (глава́ 5):

Пра́ведницы во ве́ки живу́т, и в Го́споде мзда их,/ и попече́ние их у Вы́шняго./ Сего́ ра́ди прии́мут ца́рствие благоле́пия/ и вене́ц добро́ты от руки́ Госпо́дни,/ зане́ десни́цею покры́ет я и мы́шцею защити́т их./ Прии́мет всеору́жие рве́ние свое́/ и вооружи́т тварь в месть враго́м./ Облече́тся в броня́ пра́вды/ и возложи́т шлем – суд нелицеме́рен./ Прии́мет щит непобеди́мый преподо́бие,/ поостри́т же напра́сный гнев во ору́жие,/ спобо́рет же с ним мир на безу́мныя./ По́йдут праволу́чныя стре́лы мо́лниины/ и, я́ко от благокру́гла лу́ка облако́в, на наме́рение полетя́т./ И от каменоме́тныя я́рости испо́лнь паду́т гра́ды,/ вознегоду́ет на них вода́ морска́я,/ ре́ки же потопя́т я на́гло./ Сопроти́в ста́нет им дух си́лы и, я́ко ви́хор, разве́ет их,/ и опустоши́т всю зе́млю беззако́ние,/ и злоде́йство преврати́т престо́лы си́льных./ Слы́шите у́бо, ца́рие, и разуме́йте,/ навы́кните, судии́ конце́в земли́,/ Внуши́те, держа́щии мно́жества/ и гордя́щиися о наро́дех язы́к,/ я́ко дана́ есть от Го́спода держа́ва вам/ и си́ла от Вы́шняго.

На лити́и стихи́ры самогла́сны, глас 4:

Све́тлая па́мять успе́ния твоего́,/ преподо́бне о́тче Зоси́мо,/ нам сердца́ просвеща́ет:/ чту́ще бо честны́я твоя́ мо́щи,/ врачевство́ страсте́й, неудо́бь цели́мых,/ прославля́ем просла́вльшаго тя Го́спода/ и твоя́ труды́ и по́двиги венча́вша благода́тию;/ усе́рдно и мы, подвиго́в и трудо́в е́мшеся,/ твое́ю стезе́ю ходи́ти ко Христу́ Бо́гу,/ Его́же моли́ спасти́ и просвети́ти ду́ши на́ша.

Глас 2:

Во успе́нии твое́м, блаже́нне,/ учи́тельница нам быва́ет твоя́ ра́ка,/ при́сно бо излива́ющимися чудесы́ вопие́т,/ возводя́ к трудо́м и подвиго́м, глаго́ля:/ возлюби́те Го́спода,/ да обря́щете благода́ть ве́чную,/ и ничто́же па́че Его́ почти́те,/ да егда́ прии́дет, обря́щете поко́й со избра́нными Его́,/ его́же да и мы улучи́м/ твои́ми моли́твами.

В незаходи́мыя заше́л еси́ мо́ря ото́ки,/ пристра́стия ми́ра бе́гая,/ до́блим Ге́рманом наставля́емь,/ в чу́днаго Савва́тия селе́ние,/ иде́же и мона́шеское мно́жество собра́л еси́,/ наставля́я сих посто́м и труды́ на стези́ доброде́телей,/ возвыша́я сих к Боже́ственному раче́нию./ Иде́же ны́не в незаходи́мая вшел еси́/ пресве́тлаго све́та Пресвяты́я Тро́ицы, о́тче,/ руководя́ нас моли́твами твои́ми.

Глас 8:

Преподо́бне о́тче, всече́стне Зоси́мо,/ до́брыми де́тельми возше́д, я́ко на колесни́цу, восте́кл еси́,/ побе́дныя по́чести от Него́ прие́мля:/ те́ло твое́ трудолю́бное,/ я́ко ма́сти, нам во гро́бе оста́вил еси́, о́тче,/ источа́ти исцеле́ния и прогони́ти ду́хи лука́выя./ Те́мже тя ублажа́ем, всече́стне.

Сла́ва, глас 5:

Возсия́ весна́, прииди́те, наслади́мся,/ просия́ Воскресе́ние Христо́во,/ прииди́те, возвесели́мся,/ отца́ на́шего па́мять, чернори́зцы озаря́ющи, показа́ся./ Те́мже, празднолю́бцы, прииди́те, духо́вне торжеству́ем:/ сей бо до́бре ра́това диа́вола/ и сего́ посрами́, Крест Христо́в на ра́му нося́,/ со страстьми́ и похотьми́ те́ло свое́ пропина́я,/ бо́дростию свяще́нство свое́ украша́я./ И ны́не, свяще́нно в незаходи́мая заше́д,/ во све́те Богонача́льнаго свяще́нства предстоя́,/ се́нем ему́ разре́шшимся./ Те́мже тому́ возопии́м:/ преподо́бне, моли́ спасти́ся душа́м на́шим.

И ны́не, пра́здника.

На стихо́вне стихи́ры, глас 6:

На го́ру доброде́телей восходя́,/ до́лу влеку́щая помышле́ния оттряса́я,/ Крест Спаси́телев на ра́мо взем,/ усе́рдно Тому́ после́довал еси́./ И ны́не, добро́ты Его́ наслажда́яся,/ помина́й нас, чту́щих тя.

Стих: Честна́ пред Го́сподем/ смерть преподо́бных Его́.

Небе́сных благ жела́я,/ мирска́я сла́дкая отве́ргл еси́,/ ненасы́тимыя сла́дости рачи́тель,/ а́лчбою и жа́ждею томя́ себе́,/ е́же ны́не вои́стинну обре́л еси́,/ о́тче Зоси́мо.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Воздержа́нием сла́сти восхлаща́я/ и сле́зными исто́чники пла́мень погаша́я страсте́й,/ те́мже ны́не зе́млю кро́тких насле́довал еси́,/ свеселя́ся преподо́бным и пра́ведным,/ о́тче наш Зоси́мо.

Сла́ва, глас 8:

Преподо́бне о́тче,/ ми́ра красоты́ и сла́вы вре́менныя/ отню́д возненави́дел еси́,/ мона́шеское же житие́ па́че возлюби́л еси́/ и А́нгелом собесе́дник бы́ти сподо́бился еси́/ и свети́льник многосве́тлый Росси́йския земли́,/ чудесы́, я́коже второ́е со́лнце, сия́я./ Всех нас помина́й,/ соверша́ющих свяще́нную па́мять твою́:/ мы бо, ча́да твоя́/ и о́вцы слове́сных твои́х уче́ний,/ тя на по́мощь призыва́ем,/ прося́ще тобо́ю прия́ти/ мир и ве́лию ми́лость.

И ны́не, пра́здника.

Тропа́рь, глас 4:

Изволе́нием Боже́ственнаго ра́зума/ всели́лся еси́ в пусты́ню/ и та́мо, впери́в ум твой в Небе́сныя оби́тели,/ ра́вно А́нгелом житие́ на земли́ пожи́в,/ в моли́твах, и труде́х, и поще́ниих/ о́браз был еси́ твои́м ученико́м./ Отону́дуже Бог, ви́дя твое́ благо́е изволе́ние,/ умно́жи тебе́ ча́да в пусты́ни, слез твои́х тече́ньми напая́емей./ Но, я́ко име́я дерзнове́ние к Бо́гу,/ помина́й ста́до, е́же собра́л еси́, му́дре,/ и не забу́ди, я́коже обеща́лся еси́,/ посеща́я чад твои́х,/ Зоси́мо преподо́бне, о́тче наш.

НА У́ТРЕНИ

По 1-й стихоло́гии седа́лен, глас 4:

Во ото́це пу́сте, я́коже во вселе́нней пожи́л еси́,/ отню́дуже и в мо́ри пусты́ню град показа́л еси́./ Зоси́мо о́тче, моли́ спасти́ся нам.

Сла́ва, и ны́не, пра́здника.

По 2-й стихоло́гии седа́лен, глас 4:

Превозше́л еси́ вра́жия прило́ги, благода́тию вжиля́емь,/ посто́м и бде́нием ум чи́стя и моли́твою Бо́гу приближа́яся,/ отню́дуже и бесо́м прогони́тель яви́лся еси́, Зоси́мо,/ моли́ спасти́ся нам.

Сла́ва, и ны́не, пра́здника.

По полиеле́и седа́лен, глас 8:

Посту́ прилежа́ и бде́нию, о́тче, безгне́вием и кро́тостию украша́яся,/ мона́хов чи́ны собра́л еси́,/ доброде́телей о́бразы тем предлага́я и зако́ны вообража́я;/ и́миже к ра́зуму Боже́ственному возводя́,/ преподо́бне Зоси́мо, моли́ Христа́ Бо́га грехо́в оставле́ние пода́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Я́ко Де́ву и еди́ну в жена́х,/ Тя, без се́мене ро́ждшую Бо́га пло́тию, вси ублажа́ем, ро́ди челове́честии,/ Огнь бо всели́ся в Тя Божества́,/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Степе́нна, 1-й антифо́н 4-го гла́са. Проки́мен: Честна́ пред Го́сподем/ смерть преподо́бных Его́. Стих: Что́ возда́м Го́сподеви о всех, я́же воздаде́ ми? Ева́нгелие от Матфе́я, зача́ло 43.

По 50-м псалме́ стихи́ра, глас 6:

Преподо́бне о́тче,/ слу́хи твоя́ приле́жно Ева́нгелию вдав,/ услы́шал еси́ Боже́ственнаго гла́са, зову́ща в Небе́сное Ца́рство,/ и до́бре после́довал еси́ ему́,/ ми́ра кра́сная уме́ты вмени́л еси́,/ Еди́наго добро́ты жела́я Христа́,/ Ему́же приле́жно моли́ся/ ми́ру посла́ти мир,/ Це́рквам единомы́слие/ стране́ побе́дное одоле́ние/ и душа́м на́шим ве́лию ми́лость.

Кано́н пра́здника в Трио́ди на 6 и преподобнаго на 8.

Кано́н, глас 8.

Песнь 1

Ирмо́с: Пои́м Го́сподеви,/ прове́дшему лю́ди Своя́ сквозе́ Чермно́е мо́ре,/ я́ко еди́н сла́вно просла́вися.

Боже́ственною, о́тче, любо́вию прилепи́лся еси́ от ю́ности Христу́,/ плотски́я стра́сти увяди́л еси́ воздержа́нием, Зоси́мо прему́дре, Бо́гом помога́емь./ И ны́не нам све́та мы́сленнаго испо́лнитися помоли́ся Го́сподеви, пою́щим:/ сла́вно бо просла́вися.

Претруди́л еси́ те́ло, пребога́те,/ и стра́сти плотски́я, о́тче, порабо́тил еси́, Зоси́мо,/ я́сно прия́л еси́ све́тлость благода́ти/ и, се́ю просве́щься, Боже́ственне взыва́л еси́:/ Го́сподеви пои́м, сла́вно бо просла́вися.

Кре́постию Ду́ха возмо́г,/ держа́ву низложи́л еси́ и си́лу вра́жию/ и, похвалу́ побе́дную и по́чести прие́мь, преподо́бне,/ чуде́сными сия́нии просвети́лся еси́, Го́сподеви поя́:/ сла́вно бо просла́вися.

Богоро́дичен: Зако́н кроме́ есте́ственных родила́ еси́ законода́вца Бо́га, Челове́ка бы́вша./ Того́ я́ко Бла́га моли́, Всенепоро́чная, на́ша беззако́ния презре́ти, вопию́щих всегда́:/ Го́сподеви пои́м, сла́вно бо просла́вися.

Други́й кано́н преподобнаго, глас 6.

Песнь 1

Ирмо́с: Я́ко по су́ху, пешеше́ствовав Изра́иль,/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь/ пои́м, вопия́ше.

Пребоже́ственный Све́те трисо́лнечне,/ страсте́й те́мностию омраче́на всего́ мя, просвети́в, очи́сти/ моли́твами Твоего́ раба́, Человеколю́бче,/ и сего́ чту́щу сло́во ми вдохни́.

Пою́щу светоно́сную па́мять твою́ свет ми низпосли́,/ я́ко Богонача́льному Све́ту предстоя́, преподо́бне Зоси́мо,/ страсте́й мои́х тьму моли́твами твои́ми отгоня́я.

Кро́ток, и ми́лостив, и чист быв,/ кро́тких зе́млю дости́гл еси́, о́тче,/ укроти́ настоя́щую бу́рю се́рдца моего́,/ да, в тишине́ Боже́ственней быв, песносло́влю твоя́ по́двиги.

Богоро́дичен: Твоего́ прии́мши Соде́теля, я́ко Сам восхоте́,/ из безсе́менна чре́ва Твоего́ па́че ума́ воплоще́нна, Чи́стая,/ тва́рей вои́стинну яви́лася еси́ Влады́чица.

Катава́сия пра́здника.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Плоть твою́ умертви́л еси́ воздержа́нием, преподо́бне,/ ду́шу же Боже́ственными дарова́нии просвети́л еси́.

Все у́бо жела́ние ко Влады́це Твоему́ обрати́л еси́,/ я́рость же на бе́сы, Богоно́се, вооружи́л еси́.

Име́я споспешеству́ющую ти Бо́жию си́лу, прему́дре,/ я́ко чу́ден, чудеса́ источа́еши и отго́ниши неду́ги.

Богоро́дичен: В ложесна́ Твоя́ с потща́нием, Всенепоро́чная, всели́ся Зижди́тель/ на благодея́ние ве́рно воспева́ющим Тя.

Ин

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Целому́дрие, о́тче, притяжа́в,/ и́мже на Боже́ственную любо́вь возше́л еси́,/ прие́мь да́ры исцеля́ти неду́ги душ и теле́с на́ших.

Ум твой Небе́сныя добро́ты созерца́ти, от земны́х отлучи́в,/ прилежа́ти наказа́л еси́, Зоси́мо,/ иде́же ны́не водворя́ешися.

Образ быв твои́м ученико́м к доброде́тели, о́тче,/ и́хже возводя́ к высоте́ Боже́ственнаго раче́ния,/ доброде́тели прилежа́ти наказу́я.

Богоро́дичен: Боже́ственнаго рождества́ Твоего́, Чи́стая,/ вся́каго естества́ чин прехо́дит чу́до:/ Бо́га бо Присносу́щна прии́мши во чре́ве,/ и, ро́ждши, пребыва́еши при́сно Де́ва.

Конда́к пра́здника.

Седа́лен, глас 4:

Страстно́е порабо́тил еси́ плотско́е мудрова́ние,/ ду́ху го́ршее покори́в, о́тче пресла́вне,/ сокруши́л еси́ вы́и бесо́м и посто́м возсия́л еси́ в ми́ре,/ я́ко лучи́ со́лнечных сия́ний, твоя́ доброде́тели показу́я./ Сего́ ра́ди тя воспева́ем.

Сла́ва, глас 8:

Кро́тость и любо́вь, преподо́бне, име́я, доброде́тельми возше́л еси́ на высоту́,/ я́же и твои́м ученико́м вообрази́л еси́, предста́тель мона́хом,/ прия́т от Бо́га де́йство благода́ти помога́ти бе́дствующим./ И ны́не притека́ющим, исцеле́ния точа́, здра́вие подае́ши, вопию́щим ти:/ Зоси́мо преподо́бне о́тче наш, моли́ Христа́ Бо́га/ грехо́в оставле́ние пода́ти/ чту́щим любо́вию святу́ю па́мять твою́.

И ны́не, пра́здника.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Прему́дрости пе́рвее ты рачи́тель яви́лся еси́, прему́дре,/ житие́ бо непоро́чно пожи́л еси́,/ очище́н изря́дно душе́ю и мы́слию, согла́сно взыва́я:/ сла́ва си́ле Твое́й, Го́споди.

Очи́стив ум твой от страстны́я молвы́, сла́вне,/ и чу́вства, му́дре, упра́вив, к нему́тней тишине́, о́тче,/ устреми́лся еси́ в морски́й о́стров и усе́рдно воспева́л еси́:/ сла́ва си́ле Твое́й, Го́споди.

Земны́я печа́ли воздержа́тельно оттря́с,/ Небе́сныя наде́жды стяжа́ Твой уго́дник, Влады́ко,/ преподо́бный Зоси́ма, со усе́рдием поя́:/ сла́ва си́ле Твое́й, Го́споди.

Богоро́дичен: Яви́ся в мир от Де́вы я́ко Челове́к,/ дарова́ побе́ду преподо́бным Свои́м,/ Кресто́м бо Его́ бе́сы прогна́ша, ве́рою зову́ще:/ сла́ва си́ле Твое́й, Го́споди.

Ин

Ирмо́с: Христо́с моя́ си́ла,/ Бог и Госпо́дь,/ Честна́я Це́рковь/ боголе́пно пое́т взыва́ющи,/ от смы́сла чи́ста о Го́споде пра́зднующи.

Кро́тостию, о́тче, наве́ты нося́,/ терпя́ же и от твои́х, на тя воста́ющих, оте́ческим нра́вом после́дуя,/ тех житие́ в себе́ име́л еси́.

Терпе́ние и безгне́вие име́я, отхо́диши, из кинови́и гони́м,/ возвраща́яся же, призыва́емь, смиря́лся еси́, я́ко отроча́,/ по Христо́ву словеси́.

Укоре́ние и доса́ды прие́мля, подо́бился еси́ молча́нию Иису́са, моего́ Бо́га,/ младе́нец беззло́бием Ца́рство насле́дуя,/ уязвля́я же гордя́щася врага́.

Богоро́дичен: Я́ко вои́стинну неизрече́нна и непостижи́ма/ Твоего́, Богоро́дице, Боголе́пнаго суть рождества́,/ су́щим на земли́ и Небе́сным, Присноде́во, та́инства.

Песнь 5

Ирмо́с: У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не ве́мы.

Умо́м очище́нным, пресла́вне,/ зри́ши добро́ту неизрече́нную Христа́,/ вся́ческих Бо́га на́шего.

Умертви́ на́ша мудрова́ния, Человеколю́бче, плотска́я,/ и взыгра́ния Богоприя́тными преподо́бнаго Твоего́ моли́твами.

Свы́ше нас назира́еши, преблаже́нне,/ и управля́еши живо́т наш,/ творя́щих любо́вию, преподо́бне, па́мять твою́.

Богоро́дичен: Исцели́ неду́гующаго ума́ моего́ омраче́ние,/ врача́ ро́ждшая, Христа́, Всенепоро́чная Влады́чице.

Ин

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

Но́сиши со о́наго по́лу мо́ря чуде́снаго Савва́тия мо́щи/ и твое́й оби́тели сие́ ца́рственное сокро́вище сниска́л еси́,/ его́же доброде́тели в себе́ нося́, Зоси́мо преподо́бне.

Ненаселе́ная населя́ется, о́тче, тобо́ю,/ я́ко бо заря́ просия́ша твоя́ доброде́тели;/ е́юже осия́вшеся, в пусты́ню, я́коже и во град,/ мона́шеское мно́жество сти́чется.

Обеща́нное дре́вле, при Савва́тии чу́днем,/ ны́не тобо́ю испо́лнися, о́тче:/ по́стник бо мно́жество к тебе́ прише́дше,/ и доброде́телем прилежа́т, тобо́ю просвеща́еми, Зоси́мо.

Богоро́дичен: Богоро́дицу Тя от души́, Влады́чице ми́ра Блага́я, испове́дающия спаса́й,/ Тебе́ бо заступле́ние непобеди́мо и́мамы,/ и́стинную Богороди́тельницу.

Песнь 6

Ирмо́с: Моли́тву проли́ю ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Яко сна о́браз тле́нный, всего́ ми́ра сла́ву зря,/ еди́наго жива́го Бо́га сла́вы возлюби́л еси́ прича́стник бы́ти:/ ю́же, преподо́бне, пра́ведно сподо́бился еси́ зре́ти.

Лука́вый умертви́ся змий свяще́нными твои́ми моли́твами, Богоблаже́нне,/ и того́ реша́ются зло́бы, и́же зна́мение от Тебе́ испроси́вше,/ и уго́дник све́тел Бо́жий позна́н был еси́ ве́рен.

Богому́дрым по́мыслом украси́вся, я́же на земли́ преоби́дел еси́ вся,/ и Небе́сное, преблаже́нне о́тче, насле́дие, прему́дре,/ разсуди́л еси́, Зоси́мо,/ и ны́не я́ве на Небесе́х живе́ши, ра́дуяся.

Богоро́дичен: Госпо́дь с Тобо́ю, Пречи́стая, я́коже изво́лил есть/ и всех нас от о́бласти льсти́ваго хода́тайством Твои́м изба́вил есть./ Те́мже Тя ны́не по до́лгу ро́дове родо́в ублажа́ют.

Ин

Ирмо́с: Жите́йское мо́ре,/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/ Многоми́лостиве.

Слеза́ми твои́ми, о́тче, потопи́л еси́ у́мныя еги́птяны,/ и́миже очи́стився, чи́стому прибли́жился еси́/ и благода́ть привлече́ исцеле́ния, благоутро́бне./ Бе́дствующия ны зле, тре́бующия твоея́ по́мощи, спаси́.

Сла́ное 14 о́тче, неве́рия мо́ре/ истека́ющими от Тебе́ си́лами и зна́меньми возмуща́ется,/ и злоче́стие благоче́стием ло́пи 15 изменя́ется,/ и тьма неве́дения Богоразу́мием просвеща́ется, Зоси́мо.

Предста́тельствовати стра́ждущим благода́ть, о́тче, име́я, ника́коже ме́дли,/ но предвари́ и ру́ку по́мощи пода́ждь нам, зле страстьми́ одержи́мым:/ вси бо, призыва́ющии тя ве́рно, от бед спаса́ются.

Богоро́дичен: Пречи́стая Влады́чице, ро́ждшая земны́м Окорми́теля и Го́спода,/ страсте́й мои́х непостоя́нное и лю́тое разжени́ смуще́ние/ и тишину́ пода́ждь се́рдцу моему́.

Конда́к, глас 8:

Христо́вою любо́вию уязви́ся, преподо́бне,/ и Того́ Крест сла́вный, на ра́мо взем,/ поне́сл еси́, боже́ственне вооружи́вся,/ и непреста́нныя моли́твы, я́ко копие́ в руце́, имы́й,/ кре́пко ссекл еси́ бесо́вская ополче́ния./ Тем зове́м ти:/ ра́дуйся, преподо́бне о́тче Зоси́мо, мона́хов удобре́ние.

И́кос:

Услы́шав Христо́в глас, оста́вил еси́ плотска́я мудрова́ния,/ бога́тство же и сла́ву, я́ко прах, вмени́в,/ на стра́сти, я́ко безпло́тен, подвиза́лся еси́,/ и Безпло́тных ликостоя́нию уподо́бился еси́,/ и ра́зума дарова́ние прия́л еси́,/ е́же пода́ждь в пе́снех пою́щим ти си́це:/ ра́дуйся, Зоси́мо преподо́бне и Богоно́се,/ Небе́сный челове́че и земны́й А́нгеле./ Ра́дуйся, я́ко кроме́ ми́ра су́етнаго пусты́ню соде́лав в морско́м о́строве,/ в нем оби́тель соста́вил еси́./ Ра́дуйся, я́ко в ней мно́жество мона́хов собра́ся,/ и от них слы́шиши си́це глаго́лемое:/ ра́дуйся, мона́шествующим спасе́ния хода́тай;/ ра́дуйся, уныва́ющих о́браз утеше́ния;/ ра́дуйся, мона́хом от наве́т вра́жиих изба́вителю;/ ра́дуйся, скорбе́й губи́телю на́шего естества́,/ я́ко отго́ниши по́мыслы зло́бныя;/ ра́дуйся, скорбя́щих душе́ю сла́дкое утеше́ние и ра́дости Боже́ственныя пода́телю;/ ра́дуйся, наш предста́телю и изба́вителю;/ ра́дуйся, преподо́бне о́тче Зоси́мо, мона́хов удобре́ние.

Песнь 7

Ирмо́с: От Иуде́и, доше́дше, о́троцы,/ в Вавило́не иногда́,/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Всем жела́нием прилепи́лся еси́, воздержа́нием тве́рдым твоему́ Влады́це,/ Того́ ны́не пита́ешися сия́нии, зовы́й:/ оте́ц на́ших Бо́же, благослове́н еси́.

Просвети́в твое́ се́рдце, священнонача́льник бысть о́тча соста́ва,/ наказу́я и уча́ вся, изводя́ всяк ум к Бо́жиим во́лям, поя́:/ о́тец на́ших Бо́же, благослове́н еси́.

Плод Боже́ствен Влады́це прине́сл еси́ – житие́, треблаже́нне,/ и же́ртву прия́тну и непоро́чну, зовы́й:/ оте́ц на́ших Бо́же, благослове́н еси́.

Богоро́дичен: Се Де́ва Боже́ственное Отроча́ породи́,/ Его́же ны́не Богоно́снии отцы́ позна́вше Бо́га и Го́спода, вопия́ху:/ о́тец на́ших Бо́же, благослове́н еси́.

Ин

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.

В мо́ри явля́яся, от бед спаса́еши, Зоси́мо преподо́бне,/ призыва́юще бо тя на по́мощь, и те́пла помо́щника всем ве́дяще быва́юща,/ и бы́стра засту́пника стяжа́вше, зову́т:/ благослове́н Бог оте́ц на́ших.

Я́же от лю́таго бе́са наси́луемая жена́ пра́ведне тобо́ю запреща́ется,/ безу́мне Изба́вителя не призва́вшая и тя, к Нему́ моли́твенника, Зоси́мо./ Та́я исцеле́ние от напа́сти получи́, пою́щи:/ благослове́н Бог оте́ц на́ших.

И́же злы́ми при́сно обурева́емии и страстьми́ содержи́мии, к тебе́ прибега́ем,/ Бо́гови моли́твенника тя предлага́юще, Зоси́мо преподо́бне./ Те́мже ми́лостивно посеща́й нас, о́тче, да, тобо́ю спасе́ни, пое́м:/ благослове́н Бог оте́ц на́ших.

Богоро́дичен: Очисти́лище естеству́ Ты еси́, еди́на Богоблаже́нная,/ на ра́мех бо Херуви́мских седя́щаго Бо́га дла́ньма носи́ла еси́, вопию́щи:/ благослове́н Бог оте́ц на́ших.

Песнь 8

Ирмо́с: Богоглаго́ливии о́троцы в пещи́,/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

С похвала́ми быва́ет, Богоно́се, па́мять твоя́:/ пра́вды бо яви́лся еси́ показа́тель,/ му́жества, и му́дрости, и целому́дрия, о́тче преподо́бне Зоси́мо,/ Соде́телю и Изба́вителю взыва́я:/ благослови́те, вся дела́ Госпо́дня, Го́спода.

Невозвра́тно ше́ствовал еси́ веду́щими к Небеси́ Боже́ственными стезя́ми,/ о́тче преподо́бне Зоси́мо досточу́дне,/ от злых, веду́щих до конца́, укрепи́лся еси́, поя́:/ благослови́те, вся дела́ Госпо́дня, Го́спода.

Богоно́снаго вси хвала́ми почти́м, я́ко испо́лнена я́ве благода́ти/ и Боже́ственными сия́ньми просвеще́на, изря́дне Соде́телю и Изба́вителю вопия́ше:/ благослови́те, вся дела́ Госпо́дня, Го́спода.

Богоро́дичен: Вода́ еси́ неисчерпа́емая, Де́во,/ от нея́же вси, пию́ще, благода́ти исполня́емся/ и, душо́ю и те́лом освяща́еми, пое́м:/ благослови́те, вся дела́ Госпо́дня, Го́спода.

Ин

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти,/ Тя превозно́сим во вся ве́ки.

Лоза́ плодови́та, о́тче, душа́ твоя́ бысть,/ вино́ умиле́ния иска́пающи нам,/ стра́сти очища́ющее и ду́ши боже́ственне веселя́щее,/ от малоду́шия возставля́ющее./ Те́мже и, благоду́шны бы́вше, усе́рдно пое́м:/ благослови́те, вся дела́ Госпо́дня, Го́спода.

Подобонра́вное доброде́телей, о́тче Зоси́мо, отцу́ Савва́тию/ и равноподви́жное исправле́ние совокупи́ тя в преми́рных ему́./ Отону́дуже, явля́ющеся вку́пе, спаса́ете пою́щия:/ благослови́те, вся дела́ Госпо́дня, Го́спода.

Дво́ице Богоуго́дная, равноче́стнии отцы́, еди́но досто́яние ве́чныя сла́вы стяжа́вше,/ от лю́тых нас изыма́ти не преста́йте, вопию́щих,/ я́ко равномо́щно дерзнове́ние иму́ще ко всех Влады́це:/ по́йте, благослови́те, вся дела́ Госпо́дня, Го́спода.

Богоро́дичен: Златоза́рный Тя, Де́во, све́щник предвообрази́,/ прия́ла бо еси́ несказа́нно Свет Непристу́пный и сия́нием Твои́м озаря́еши концы́./ Те́мже Тя пое́м, Чи́стая, и превозно́сим во ве́ки.

Песнь 9

Ирмо́с: Устраши́ся всяк слух/ неизрече́нна Бо́жия снизхожде́ния,/ я́ко Вы́шний во́лею сни́де да́же и до пло́ти,/ от Деви́ческаго чре́ва быв Челове́к./ Те́мже Пречи́стую Богоро́дицу, ве́рнии, велича́ем.

Струя́ми твои́х слез очи́щся,/ ны́не Све́та наслажда́ешися, о́тче преподо́бне, трисия́ннаго./ Тому́ предстоя́ я́ве, светоза́рными просвеща́емь луча́ми, свы́ше назира́еши нас,/ твою́ па́мять творя́щих, всеблаже́нне.

Я́ко вели́кое со́лнце, нам вели́чием по́двиг твои́х/ осия́л еси́, Богому́дре, вся земны́я концы́,/ к Све́ту, от Све́та возсия́вшему, у́мер, преше́л еси́./ Тем вопие́м ти:/ просвети́ на́ша помышле́ния, о́тче преподо́бне.

Процве́л еси́ в по́стнических по́двизех,/ прехва́льне о́тче наш, я́ко ши́пок благоуха́нен/ и, я́ко кедр, облагоуха́л еси́ со́вести ве́рных сердца́ доброде́тельми и чудесы́;/ тем отжени́ стра́сти смердя́щия, преподо́бне.

Богоро́дичен: Просвети́, Пречи́стая Де́во, се́тующее се́рдце мое́ при́сно преступле́нии/ и жите́йскими мно́гими молва́ми/ и не оста́ви мя враго́м бы́ти в ра́дость, я́ко да сла́влю Тя/ и я́ко да Тя любо́вию пою́, Препе́тая.

Ин

Ирмо́с: Бо́га челове́ком невозмо́жно ви́дети,/ на Него́же не сме́ют чи́ни А́нгельстии взира́ти/ Тобо́ю же, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и/ Тя ублажа́ем.

Предста́вил еси́ себе́ же́ртву чи́сту Бо́гу, преподо́бне о́тче,/ все жела́ние доброде́тельми возложи́в,/ и́миже сия́я, просвеща́еши приближа́ющихся/ к прославля́ющему тя по успе́нии Го́сподеви,/ предста́теля показа́вшему су́щим в ну́ждах.

Высото́ю де́лания к Небеси́ взя́тся, о́тче вселюбе́зне,/ ко о́ному блаже́нству преложи́лся еси́,/ Его́же в житии́ боле́зненне не преста́л еси́, взыску́я,/ и, труда́ми поко́й обре́т,/ та́мо певцы́ твоя́ хода́тайством твои́м возведи́.

Приими́ с любо́вию ти песнь приноси́мую, преподо́бне о́тче,/ и пода́ждь оставле́ние прегреше́ний/ и страсте́й премене́ние, и Боже́ственнаго све́та осия́ния сподо́би,/ та́мо управля́я, иде́же ты во све́тлых се́лех тро́ичныя зари́,/ Зоси́мо, пребыва́еши.

Богоро́дичен: Ме́ртвым воскресе́ние ны́не дарова́ся/ Твои́м несказа́нным и неизрече́нным рождество́м, Богоро́дице Всечи́стая:/ Жизнь бо от Тебе́, пло́тию обло́жшися, всем возсия́/ и сме́ртное смеше́ние я́ве разруши́.

Свети́лен:

Насажде́ну ти в дому́ Бо́жии,/ вои́стинну, я́ко фи́никс, псало́мски процвета́ет твоя́ оби́тель,/ умножа́я тебе́ ча́да,/ и́же твою́, о́тче Зоси́мо, па́мять пра́зднуют све́тло.

Сла́ва, и ны́не, пра́здника.

На хвали́тех стихи́ры пра́здника 3, и преподобнаго 3, глас 8.

Подо́бен: О, пресла́внаго чудесе́:

Име́я Боже́ственную благода́ть учи́теля,/ целоу́мием тя наставля́ющую/ к жела́нию Боже́ственному,/ отону́дуже мирска́го мяте́жа отре́кся,/ к ра́зуму и́стинному возве́лся еси́,/ боле́зненными себе́ труды́ удруча́я,/ повину́я же лу́чшему го́ршее,/ Зоси́мо преподо́бне,/ моли́ спасти́ся нам.

Доброде́тели удержа́ти тща́ся,/ и́миже Бо́гу присво́итися разумева́я,/ к Нему́же восте́кл еси́,/ Его́же и светоли́тие прие́мля,/ хода́тайствуй о нас/ ми́рно житие́ прейти́,/ спасти́ся от собла́зн льсти́ваго/ и святы́х ра́дости о́бщником бы́ти/ твои́ми моли́твами.

Цельбоно́сному твоему́ гро́бу предстоя́ще,/ о́тче наш Зоси́мо,/ прие́млем оби́льно благода́ть:/ всяк бо, приходя́й с ве́рою, не посрами́тся,/ прие́млет бо, и́хже тре́бует,/ прославля́ющу тя Го́споду,/ я́ко благоуго́дна раба́ бы́вша твоему́ Влады́це,/ и Того́ за́поведи сохра́ньша./ Те́мже тя чтим и ублажа́ем.

Сла́ва, глас 8:

Мона́хов мно́жества/ наста́вника тя чтем, о́тче Зоси́мо;/ твое́ю бо стезе́ю пра́во ходи́ти позна́хом./ Блаже́н еси́, Христу́ рабо́тав/ и вра́жию низложи́в си́лу,/ А́нгелом собесе́дниче, и преподо́бным единокро́вне,/ и Савва́тию соприча́стниче./ С ни́миже моли́ся Го́сподеви/ поми́ловатися душа́м на́шим.

И ны́не, пра́здника.

Славосло́вие вели́кое. И отпу́ст.

НА ЛИТУРГИ́И

Блаже́нны от кано́на свята́го, песнь 3-я, на 4. И 2-го кано́на, песнь 6-я, на 4. Проки́мен, глас 7: Честна́ пред Го́сподем/ смерть преподо́бных Его́. Стих: Что́ возда́м Го́сподеви: Апо́стол, зача́ло 213. Ева́нгелие от Матфе́я, зача́ло 10. Прича́стен: В па́мять ве́чную бу́дет пра́ведник:

Преподобный Зосима, игумен Соловецкий

Преподобный Зосима, игумен Соловецкий, был уроженцем села Толвуя Новгородской епархии, расположенного на берегу Онежского озера. Воспитанный в строгом благочестии своими родителями Гавриилом и Варварой, он с ранних лет отличался кротостью и смирением. Еще отроком преподобный Зосима был научен грамоте и большую часть времени проводил в изучении Священного Писания и чтении духовных книг. Целомудренный юноша решил отказаться от брака и всю свою жизнь посвятить служению Богу. Когда родители пытались склонить его к женитьбе, он удалился из дома и поселился в молитвенном уединении. Не имея навыков несения монашеского послушания и тяготясь близостью своего местопребывания от родительского дома, юноша решил отправиться подальше в надежде найти пустынное место. Он усердно молил Бога послать ему опытного учителя, который показал бы пример добродетельной жизни и монашеского подвига. Вняв молитве благочестивого юноши, Господь устроил встречу с добродетельным старцем Германом в устье реки Сумы. Преподобный Зосима рассказал старцу о своих поисках удобного для пустынножительства места и о заветном желании основать монашескую обитель, в которой могли бы спасаться подвижники-отшельники. Блаженный Герман был сподвижником преподобного Савватия, скончавшегося за год до этого, 27 сентября 1435 года, после пятилетнего пребывания в безмолвии на пустынном и суровом Соловецком острове. Рассказы старца об этом острове и об удивительной жизни преподобного Савватия пробудили у юного Зосимы искреннее желание отправиться на Соловецкий остров. Блаженный Герман с радостью согласился не только препроводить благочестивого юношу на остров, но и поселиться там вместе с ним. Преподобные Герман и Зосима благополучно переправились на Соловки. Соорудив хижину и совершив всенощное бдение, отшельники предали себя воле Божией и попечительству Царицы Небесной. Наутро, выйдя из хижины, преподобный Зосима увидел яркий луч света, исходивший с неба и освещавший пространство вокруг их жилища. Возведя очи к востоку, преподобный был удивлен явственным видением: над его головой в воздухе возвышался храм, сверкавший белизной и поражавший своей неизреченной красотой. Это чудесное знамение было воспринято иноками как благословение Божие их замыслу основать здесь святую обитель. Вскоре они построили келлии, устроили огород, в котором трудились в поте лица своего, и, соблюдая строгие правила иноческие, усердствовали в посте и молитве. Однажды блаженный Герман отправился через море на лодке, чтобы пополнить оскудевшие запасы хлеба. Неожиданное наступление холодов и непогода не позволили ему возвратиться на остров до самой весны. Оставшемуся в одиночестве преподобному Зосиме угрожала голодная смерть. Воспользовавшись этим, диавол старался всевозможными ухищрениями и запугиваниями подчинить его своей воле. Твердость духа, непрестанная и горячая молитва и великое упование на милость Божию оградили инока и помогли ему преодолеть диавольское искушение. Господь не оставил Своего угодника и послал ему двух Ангелов, явившихся в облике незнакомцев, которые принесли с собой пищу. Ее хватило до самой весны, когда вернулся на остров блаженный Герман. Той же весной преподобный Зосима вместе с Германом и прибывшим с ним на остров Марком построил небольшой храм в честь Преображения Господня на месте, где ему было чудесное видение светоносного столпа и небесного храма. В этой первой на острове деревянной церкви был устроен придел во имя святителя Николая Чудотворца. Обнеся храм и вновь построенные келлии деревянной оградой, иноки положили начало святой обители, названной ими Спасо-Никольской, и учредили в ней общежительный устав. Постепенно на Соловецкий остров стали прибывать новые иноки. Число келлий росло. Тогда преподобный Зосима направил одного из послушников к епископу Новгородскому Ионе с просьбой о поставлении для них игумена и благословении на освящение новосозданного монастыря. По распоряжению епископа на остров прибыл иеромонах Павел, который освятил Соловецкую обитель, но, не выдержав суровой пустынной жизни, вскоре оставил братию, сложив с себя игуменские обязанности. То же самое произошло и с присланным новым игуменом Феодосием. Собравшиеся на совет братия решили призвать к игуменскому служению самого преподобного Зосиму, который, однако, по своему великому смирению не давал на это согласия. Только благословение архиерея помогло уговорить преподобного. В 1452 году его вызвали в Новгород для рукоположения в священный сан и назначения на игуменство Соловецкой обители. По возвращении из Новгорода, когда преподобный Зосима совершал свою первую в монастыре Божественную литургию, лицо его по благодати Святого Духа светилось «яко лице Ангелово», а храм наполнился неизреченным благоуханием. Постоянно умножавшиеся братия строили новые келлии и воздвигли большой деревянный храм с трапезной. За алтарем этого храма в честь Успения Божией Матери были погребены в 1471 году торжественно перенесенные нетленные мощи преподобного Савватия Соловецкого, покоившиеся на берегу реки Выги, на месте кончины святого подвижника. Тем временем мирная жизнь Соловецкой обители стала все чаще нарушаться со стороны иноверных народностей, препятствовавших обычному ведению монастырского хозяйства и рыбной ловле. В поисках защиты преподобный Зосима отправился в 1470 году в Новгород к архиепископу Феофилу с просьбой о помощи. Простосердечный игумен не гнушался обходить дома местной богатой знати и просил содействия и защиты. Так однажды он пришел в дом Марфы Борецкой, богатой вдовы новгородского посадника, которая, однако, грубо его прогнала. Раскаявшись впоследствии, она получила прощение милосердного угодника Божия, которому оказала щедрую материальную поддержку и содействие. В результате предпринятой поездки в Новгород преподобному Зосиме удалось получить необходимую защиту Соловецкой обители от притеснений и посягательств на ее владения: архиепископ и бояре выдали для монастыря охранные грамоты, скрепленные печатями архиерея, посадника и тысяченачальника, предоставлявшие в распоряжение святой обители всю территорию острова. Кроме охранных грамот преподобный Зосима привез с собой на Соловецкий остров пожертвованные обители церковные сосуды, священнические одежды, золото, серебро и большое количество продовольствия. Предание сохранило рассказ об исполнившемся пророчестве преподобного Зосимы. Приглашенный на обед к обидевшей его, но раскаявшейся потом Марфе, преподобный ужаснулся при виде за столом шестерых известных в Новгороде бояр. На вопрос своего ученика Даниила о причине ужаса, изобразившегося на его лице, игумен Соловецкий ответил, что предвидит мученическую кончину бояр, которые виделись ему сидящими за трапезой обезглавленными. По прошествии нескольких лет предсказание преподобного Зосимы исполнилось: все шестеро бояр были за проступки казнены по приказу великого князя Иоанна III. Незадолго до своей кончины преподобный Зосима сам выкопал себе могилу и стал готовиться к смерти, усердно молясь о благоденствии и преуспевании созданной им обители. Призвав к себе братию, он предложил им самим выбрать себе будущего игумена Соловецкого монастыря. Объятые великой печалью, иноки плакали и не смели назвать имя возможного преемника преподобного Зосимы, просили его не оставлять их без молитвенного заступления и предстательства. Тогда святой угодник Божий назначил им в игумены добродетельного и старательного монаха по имени Арсений, которому поручил строго блюсти монастырский устав, расширять и украшать святую обитель и утверждаться в любви к Богу и подопечной братии. Преподобный Зосима преставился 17 апреля 1478 года после 26-летнего своего игуменства, прожив 42 года на Соловецком острове. Погребен он был за алтарем монастырского соборного храма в честь Преображения Господня в выкопанной им самим могиле.

После блаженной кончины преподобного Зосимы по его молитвам стали совершаться многочисленные чудеса и исцеления. 8 августа 1566 года мощи преподобного были перенесены в новопостроенный придел храма во имя преподобных Зосимы и Савватия.

Много чудес было засвидетельствовано, когда преподобный Зосима с преподобным Савватием являлись гибнувшим в морской пучине рыбакам. Преподобный Зосима также покровитель пчеловодства и хранитель пчел, ему усвоено даже именование «пчельник». К преподобному Зосиме часто прибегают и в болезнях. Множество больничных храмов, посвященных ему, свидетельствуют о великой целительной силе его молитв пред Богом.

Преподо́бнаго отца́ на́шего Симео́на Перси́дскаго и преподо́бнаго Ака́кия, епи́скопа Мелити́нскаго

На Го́споди, воззва́х: стихи́ры Симео́на, глас 4.

Подо́бен: Дал еси́ зна́мение:

Со́лнца светле́е/ просвеще́на па́мять твоя́ ве́рным возсия́,/ тварь просвеща́ющи Боже́ственными блиста́нии,/ Симео́не всеблаже́нне,/ и страсте́й мглу, и бесо́в тьму отгоня́щи./ Те́мже тя ублажа́ем/ и моле́бно воспева́ем,/ я́ко свети́льника всеми́рна/ и я́ко моли́твенника те́пла.

Му́дре му́чениче,/ стяжа́в земны́ми Небе́сная,/ и теку́щими немимоиду́щая,/ и тле́нными сла́ву нетле́нную восприя́л еси́, ра́дуяся,/ му́ками же и ра́нами/ терпели́вно за словеса́ Бо́жия венцы́ и Ца́рство./ В не́мже, ра́дуяся, со страда́вшими с тобо́ю, сла́вне,/ о всех моли́ся, ве́рою восхваля́ющих тя.

Стре́лы слове́с твои́х/ беззако́ннующих собра́ния,/ Симео́не му́чениче, уязви́ша./ Те́мже глас да́ша Небе́снии о́блацы,/ ли́цы Безпло́тных совокупи́шася ра́достно,/ твои́х подвиго́в дивя́щеся терпе́нию./ Те́мже, ра́дующеся, и мы почита́ем ве́рою/ свято́е твое́ успе́ние,/ Спа́са прославля́юще.

И́ны стихи́ры преподо́бнаго Ака́кия, глас 8.

Подо́бен: О, пресла́внаго чудесе́:

Я́ко святи́тель Богоприя́тен,/ разу́мныя се́ни/ зри́ши незаходи́мая/ и преми́рная ви́дети сподо́бился еси́,/ оде́ян в преподо́бие,/ пра́вдою обложе́н и благоле́пием,/ и красоту́ мы́сленных/ лице́м к лицу́/ зри́ши, блаже́нне.

Преподо́бне о́тче Ака́кие,/ впери́в ум к Бо́гу ве́рою,/ мирска́го смеше́ния/ возгнуша́лся еси́ неуста́внаго/ и, крест твой взем,/ Всеви́дцу после́довал еси́,/ те́ла невоздержа́нное/ де́тельми поще́ния/ по́мыслу си́лою порабо́тив Боже́ственнаго Ду́ха.

Боже́ственнаго Собо́ра согла́сник/ и верхо́вен я́влься,/ с Кири́ллом, Ака́кие,/ лю́таго Несто́рия поги́бели пре́дал еси́,/ обличи́в сего́, блаже́нне, безу́мие/ и посрами́в су́етство словесы́ духо́вными./ Те́мже ублажа́ет тя вся́ка душа́,/ ве́рою пра́зднующи/ Боже́ственную па́мять твою́.

Сла́ва, и ны́не, Богоро́дичен, глас и подо́бен то́йже:

Спаси́ мя, Влады́чице Пречи́стая,/ Я́же Спа́са Христа́ неизрече́нно ро́ждшая:/ Тя бо еди́ну стяжа́х Предста́тельницу,/ и необори́мую сте́ну, и покро́в, и ра́дование,/ и души́ моея́ Боже́ственное утеше́ние./ Ты у́бо мя изба́ви неусыпа́ющаго че́рвия/ и огня́ ве́чнующаго,/ Ма́ти Христа́ Бо́га.

Крестобогоро́дичен, подо́бен то́йже:

Тя ви́дящи, пригвожда́ема на Кресте́, Иису́се,/ и стра́сти прие́млюща во́лею,/ Де́ва и Ма́ти Твоя́, Влады́ко,/ – увы́ Мне,– вопия́ше,–/ Ча́до сла́дкое!/ ра́ны непра́ведно ка́ко терпи́ши,/ Врачу́, исцели́вый челове́ческое неможе́ние/ и от тли всех изба́вивый милосе́рдием Твои́м?

Кано́н преподобнаго Симео́на, его́же краегране́сие: Венча́ю блаже́ннаго тя Симео́на песнопе́нии. Творе́ние Ио́сифово. Глас 5.

Песнь 1

Ирмо́с: Коня́ и вса́дника в мо́ре Чермно́е,/ сокруша́яй бра́ни, мы́шцею высо́кою/ Христо́с истрясе́, Изра́иля же спасе́,/ побе́дную песнь пою́ща.

Венце́м нетле́ния оде́явся и престо́лу Госпо́дню, всеблаже́нне, предстоя́,/ ве́рою чту́щия твое́ свято́е страда́ние/ моли́твами твои́ми при́сно спаса́й.

Че́стен сосу́д яви́лся еси́ Боже́ственнаго Ду́ха, Симео́не Богоно́се,/ И́мже пома́зався, упа́сл еси́ лю́ди бога́тны/ па́лицею Боже́ственных уче́ний, му́чениче, на воде́ разу́мней.

Уста́вил еси́ пре́лести, му́дре, тече́ния сла́дких твои́х слове́с Боже́ственными тече́нии/ и кро́вными ка́плями, святи́телю сла́вне,/ сего́ ра́ди ве́рно пое́м тя.

Богоро́дичен: Но́сиши рука́ми, Де́во, вся Нося́щаго/ и пита́еши я́ко Младе́нца Пода́теля млека́./ Того́ у́бо моли́ лю́ди Твоя́ вся уще́дрити, ве́рно пою́щия Тя.

Ин кано́н свята́го Ака́кия, творе́ние Ио́сифово. Глас 8.

Песнь 1

Ирмо́с: Посе́ченый несеко́маго пресече́,/ и ви́де со́лнце зе́млю, ю́же не ви́де,/ лю́таго врага́ вода́ потопи́,/ и непроходи́мое про́йде Изра́иль./ Песнь же воспева́шеся,/ Го́сподеви пои́м, сла́вно бо просла́вися.

Вся́ку зло́бу побе́ждь змии́ну, в незло́бии души́ я́ко пожи́в, Ака́кие му́дре,/ зло́бы мя исхити́ и страсте́й смертоно́сных/ и до́брыми о́бразы удобри́,/ я́ко да восхвалю́ тя, до́бре подви́гшася.

Пресве́тлая прозябе́ тя ле́торасль красну́ Мелити́на, вели́кий Ака́кие, износя́ща плоды́ сла́дки/ и наслажда́юща сердца́ па́че ме́да ве́рных,/ страсте́й отгоня́ща душетле́нную, преподо́бне, го́ресть Боже́ственною благода́тию.

Рожде́ние сый роди́телей, Ака́кие,/ я́коже Саму́ил свяще́нный, Бо́гу прине́слся еси́,/ пре́дан от млады́х ногте́й, воспита́тися в дому́ свяще́ннем/ и служи́ти Бо́гу Вседержи́телю,/ твою́ просве́щшему ду́шу Боже́ственными дея́нии.

Богоро́дичен: Я́же недоуме́нно Бо́га вопло́щшая/ и отсту́пльшия нас к Нему́ примири́вшая, Препе́тая Чи́стая,/ стра́сти се́рдца моего́ стра́стию Сы́на Твоего́, молю́, исцели́/ и спаси́ мя, всегда́ пою́ща: сла́вно бо просла́вися.

Песнь 3

Ирмо́с: Водрузи́вый на ничесо́мже зе́млю повеле́нием Твои́м/ и пове́сивый неодержи́мо тяготе́ющую/ на недви́жимем, Христе́, ка́мени за́поведей Твои́х,/ Це́рковь Твою́ утверди́, еди́не Бла́же и Человеколю́бче.

Красно́ души́ движе́ния творя́ и ходя́ стезе́ю, к Бо́гу веду́щею,/ вся́каго безпу́тия лука́ваго уклони́лся еси́/ и взя́лся еси́ к жи́зненней две́ри, сла́вне, ве́чнаго поко́я.

Удали́в по́мысл от страсте́й плотски́х,/ безкро́вны, о́тче, прине́сл еси́ же́ртвы Сло́ву, поже́ршемуся нас ра́ди,/ и, Сего́ возвеща́я па́че сло́ва Боже́ственное воплоще́ние,/ пожре́н был еси́, я́ко а́гнец незло́бив.

Свя́то твое́ проводи́в житие́, пребога́те, со святы́ми ны́не всели́лся еси́,/ страда́ньми просвети́в твою́ ду́шу, и возсия́в со́лнца, блаже́нне, светле́е,/ и сын све́та быв.

Богоро́дичен: Кля́твы прароди́тельныя нас свободи́ла еси́,/ благослове́ньми всех венча́вшаго Сло́ва вопло́щши,/ Чи́стая, при́сно благослове́нная,/ страстоте́рпцев удобре́ние и согреша́ющих очище́ние.

Ин

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Зако́ну преклони́лся еси́ живонача́льному, преподо́бне,/ и от души́ вся́кое беззако́ние умерщвля́ющее возненави́дел еси́.

Тебе́ Дух Святы́й, духо́вными, му́дре, дея́нии светови́дна всего́ бы́вша,/ свяще́нника поставля́ет.

Источи́ язы́к твой, я́коже реку́, му́дре, уче́ния,/ му́тный пото́к пре́лести Боже́ственною си́лою изсуша́юща.

Богоро́дичен: Две́ре непроходи́мая, покая́ния ми отве́рзи две́ри, Чи́стая,/ и к путе́м мя пра́вым напра́ви.

Седа́лен, глас 1:

Подо́бен: Гроб Твой, Спа́се:

Я́ко со́лнце, нам свята́я твоя́ возсия́ па́мять, му́дре Симео́не святи́телю,/ страда́вших с тобо́ю ве́рных озаря́ющи, ю́же днесь сотворя́юще, вопие́м:/ моли́те о нас, страстоте́рпцы, еди́наго Человеколю́бца.

Сла́ва, ин, глас 3.

Подо́бен: Боже́ственныя ве́ры:

Побе́ды вене́ц от Го́спода за воздержа́ние, ра́дуяся, прия́л еси́,/ испове́данием, Богоно́се, украша́емь,/ и ересе́й всю обличи́л еси́ суету́ Боже́ственными твои́ми повеле́нии, о́тче преподо́бне,/ Христа́ Бо́га моли́ дарова́ти нам ве́лию ми́лость.

И ны́не, Богоро́дичен:

Боже́ственнаго естества́ не отлу́чься, плоть быв во чре́ве Твое́м,/ но Бог вочелове́чься и пребы́сть, и́же по рождестве́ Ма́терь Тя Де́ву,/ я́ко пре́жде рождества́, сохрани́в Всенепоро́чную, еди́н Госпо́дь./ Того́ приле́жно моли́ дарова́ти нам ве́лию ми́лость.

Крестобогоро́дичен:

Нескве́рная А́гница Сло́ва, нетле́нная Де́ва Ма́ти,/ на Кресте́ зря́щи пове́шена из Нея́ без боле́зни прозя́бшаго,/ ма́терски подо́бно рыда́ющи, вопия́ше:/ увы́ Мне,– Ча́до Мое́,– ка́ко стра́ждеши во́лею,/ хотя́ изба́вити от страсте́й безче́стия челове́ка?

Песнь 4

Ирмо́с: Боже́ственное Твое́ разуме́в истоща́ние/ прозорли́во, Авваку́м, Христе́, со тре́петом вопия́ше Тебе́:/ во спасе́ние люде́й Твои́х,/ спасти́ пома́занныя Твоя́ прише́л еси́.

Ведо́м свя́зан, разреши́л еси́ хи́трости лука́ваго, священнотаи́нниче пребога́те,/ пострада́в до́блественне, венцы́ нетле́ния восприя́л еси́.

Глаго́л твои́х стрела́ми/ уязви́л еси́, священному́чениче Симео́не, беззако́ннующих собо́ры/ и огне́м крове́й многобо́жную лесть попали́л еси́.

Соста́вим ли́ки, блажа́ще Богоно́снаго Симео́на, и Ана́нию сла́внаго,/ и с ни́ми подо́бныя, му́жески пострада́вшия му́ченики.

Богоро́дичен: Из Тебе́ Пра́вды Со́лнце возсия́в па́че ума́,/ вселе́нную просвети́, Богора́дованная Отрокови́це,/ и пре́лести зи́му разруши́.

Ин

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Подо́бник был еси́ Боже́ственным апо́столом, о́тче Ака́кие,/ о́нех бо вла́стию, е́же вяза́ти и реши́ти, обогати́лся еси́.

Цевни́ца яви́лся еси́ Ду́ха, уче́ния возглаша́ющи, о́тче, спаси́тельная,/ Несто́рия безу́мнаго неи́стовную пре́лесть потребля́ющи.

Пресве́тлою моли́твою твое́ю, о́тче,/ дождь земли́ пода́л еси́/ и сея́ упои́л еси́ изсо́хшия ле́том, блаже́нне, бразды́.

Украси́стеся, преподо́бне, твои́ лани́те,/ я́же Боже́ственная повеле́ния, ве́рным благоуха́юща/ и смра́дную пре́лесть отгоня́юща.

Богоро́дичен: Умерщвле́на мя оживи́ и заблужде́ннаго ско́ро обрати́,/ незаблу́дный путь су́щи и Наста́вница всех, Влады́чице.

Песнь 5

Ирмо́с: Одея́йся све́том, я́ко ри́зою,/ к Тебе́ у́тренюю и Тебе́ зову́:/ ду́шу мою́ просвети́ омраче́нную, Христе́,/ я́ко еди́н Благоутро́бен.

Столп и утвержде́ние Це́ркви Бо́жии я́влься, преблаже́нне,/ твои́м страда́нием непрекло́нну и непоколеби́му сию́ во ве́ки соблюди́/ хода́тайствы твои́ми.

Пе́сньми ублажа́ем житие́ твое́,/ гоне́ния же и сопротивле́ния, Симео́не пребога́те,/ и́хже ра́ди сподо́бился еси́ блаже́нныя кончи́ны.

Ми́ром Боже́ственнаго пома́зания па́стырь бы́в,/ за ста́до пожре́н был еси́, блаже́нне, я́коже ове́н наро́чит,/ и перворо́дных Це́ркви возвесели́л еси́.

Богоро́дичен: Да обря́щу Тя, Влады́чице,/ изыма́ющую мя в час Суда́ осужде́ния, ве́рно сла́вяй Тя,/ и мук изба́влюся, жду́щих мя.

Ин

Ирмо́с: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Чу́дно твое́ житие́ яви́ся, дарова́нии бо Боже́ственнаго Ду́ха обложи́вся,/ реки́ безчи́нная стремле́ния моли́твою уста́вил еси́,/ ключ ей и преде́л ка́мень положи́в, святи́телю Ака́кие.

Посреде́ Собо́ра Боже́ствен был еси́, отце́в побо́рник свяще́нных веле́ний,/ с Кири́ллом Боже́ственным, блаже́нне, Чи́стую Де́ву испове́дая, Бо́жию Ма́терь,/ и льсти́ваго побежда́я Несто́рия.

Па́че ме́да услажда́ющее мелити́няном позна́ся сло́во твое́,/ наслажда́юще сих ду́ши свяще́нными испове́дании и грехо́вную показу́юще го́ресть,/ досточу́дне о́тче Ака́кие.

Богоро́дичен: Не истощи́в не́дра весьма́ Роди́теля Пресу́щный,/ в Твои́х не́дрех Младе́нец ви́ден бысть, Де́во, держи́м,/ в мою́ нищету́ премно́гую обле́кся бога́тством милосе́рдия еди́н Человеколю́бец.

Песнь 6

Ирмо́с: Неи́стовствующееся бу́рею душетле́нною,/ Влады́ко, Христе́, страсте́й мо́ре укроти́/ и от тли возведи́ мя,/ я́ко Благоутро́бен.

Яви́лся еси́ Боже́ственнаго испо́лнен утеше́ния, блаже́нне Симео́не,/ мече́м кончи́ну блаже́нную прие́м со святы́ми,/ све́тло пострада́вшими му́ченики.

Ю́нии и ста́рцы, мона́си и свяще́нницы,/ до́брым по́двигом подви́гшеся за Христа́,/ я́коже а́гницы, пожре́ни бы́ша.

Блаже́нно житие́ пожи́вше, страда́льцы,/ кончи́ну от Христа́ прия́сте блаже́нную,/ мече́м сконча́стеся, ра́дующеся.

Богоро́дичен: Из Тебе́ возсия́, Пресвята́я, Соде́тель,/ и заре́ю Боже́ственнаго ра́зума/ су́щия в нощи́ неразу́мия просвети́.

Ин

Ирмо́с: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Чи́стыя Ма́тере Бо́жия че́стен воздви́гл еси́ храм,/ храм пре́жде сего́ сам сотвори́лся еси́ Ду́ха, свяще́нне Ака́кие,/ Его́же освяти́в, реку́ чуде́с показа́л еси́.

Твоя́ святы́я гла́сы, я́же к ста́ду твори́л еси́,/ пресеца́ше ла́стовица, глася́щи, Ака́кие,/ но, прии́мши твоего́ язы́ка зако́н, непрело́жно сохрани́.

Я́ко ви́де тя царь, ра́бски прише́дша,/ твоя́ проше́ния испо́лни,/ Небе́снаго бо Царя́ позна́, Богоно́се о́тче, досточу́дна уго́дника.

Богоро́дичен: Ума́ моего́ побежде́ния и се́рдца возноше́ния,/ Твое́ю ми́лостию, Чи́стая, исцели́, молю́ся,/ и одержа́щаго мя греха́ изба́ви, ве́рою Тя ублажа́ющаго.

Песнь 7

Ирмо́с: Превозноси́мый отце́в Госпо́дь/ пла́мень угаси́, о́троки ороси́,/ согла́сно пою́щия:/ Бо́же, благослове́н еси́.

Све́щник явля́я ра́зум,/ свет позна́лся еси́, преподо́бне, во тьме спя́щим неве́дения/ и разори́л еси́ огнеслужи́телей тьму, пострада́в пресла́вно.

Яви́лся еси́ посреди́ му́ченик, водя́ сонм,/ с ни́миже, сконча́вся мече́м, взыва́л еси́, Симео́не Богоно́сне:/ Бо́же, благослове́н еси́.

Собо́р многочи́сленных му́ченик почти́м,/ че́стно совокупля́емь от разли́чных градо́в,/ священноде́йственник Боже́ственных и мона́хов Богоно́сных.

Богоро́дичен: Исцели́, Пренепоро́чная, стра́сти се́рдца моего́,/ уста́ви смуще́ние ума́ моего́ обурева́емое, и спаси́ мя, пою́ща:/ Бо́же, благослове́н еси́.

Ин

Ирмо́с: От Иуде́и, доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Ми́лованием соверше́нным украша́емь, о́тче, ни́щим дово́лен был еси́/ и всем боля́щим здра́вие позна́лся еси́, воспева́ющим хода́тай:/ оте́ц на́ших Бо́же, благослове́н еси́.

Стужа́ющия боля́щих зря му́хи, о́тче, отгна́л еси́,/ ника́коже приступи́ти к ним повеле́л еси́, поя́, Ака́кие:/ оте́ц на́ших Бо́же, благослове́н еси́.

Грозд, я́коже изгне́т, смы́сла нам вино́ раствори́л еси́,/ веселя́щее сердца́ ра́зумы вели́кими, и вопи́ти повелева́я:/ оте́ц на́ших Бо́же, благослове́н еси́.

Богоро́дичен: Я́ко вину́ Тя вси на́шего спасе́ния, Богоблагода́тная,/ пое́м всегда́, раби́ Твои́, и ве́рою ублажа́ем, глаго́люще:/ оте́ц на́ших Бо́же, благослове́н еси́.

Песнь 8

Ирмо́с: Тебе́, Вседе́телю,/ в пещи́ о́троцы, всеми́рный лик спле́тше, поя́ху:/ дела́ вся́кая, Го́спода по́йте/ и превозноси́те во вся ве́ки.

Угль мы́сленный, Симео́не, показу́емь огню́ не послужи́л еси́, преблаже́нне,/ вещь же го́рьку многобо́жия попали́в,/ к незаходи́мому сия́нию, преподо́бне, преста́вился еси́.

Исцели́ на́ша не́мощи, му́чениче, мрак отжени́ серде́ц на́ших/ и ве́чныя жи́зни покажи́ прича́стники/ твои́ми ко Влады́це всех хода́тайствы.

Во́инство че́стно, собо́р Бо́жий му́ченик воспое́м, сточи́сленное,/ и́мже нача́льник бя́ше Симео́н до́блий,/ я́ко па́стырь и вели́к Це́ркве столп.

Богоро́дичен: Да честно́е Твое́ прояви́т рождество́ купина́,/ неопали́ма ви́дена бысть, Пречи́стая:/ Огнь бо Боже́ственный во утро́бе прие́мши, ника́коже опали́лася еси́./ Те́мже Тя пое́м.

Ин

Ирмо́с: Богоглаго́ливии о́троцы в пещи́,/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

С Вы́шними ликостоя́нии, со святы́ми все́ми Пресвята́го Го́спода/ освяти́ти и спасти́ нас, о́тче, моли́.

Восклица́ние жа́бам, молву́ творя́щим,/ ти́хим твои́м сло́вом запрети́л еси́ не веща́ти,/ но пребы́ти немы́м, Ака́кие, показа́л еси́.

На буесло́вяща написа́в Несто́рия словеса́,/ я́коже ка́мение честно́е,/ Це́рковь утверди́л еси́ на ка́мени, блаже́нне, непоро́чныя ве́ры.

Тро́ичен: Возопие́м ве́рою Тро́ице с Вы́шними чи́нми:/ Свят, Свят, Свят Оте́ц, и Сын, и Дух Святы́й.

Богоро́дичен: Исто́чник су́щи, Отрокови́це, нетле́ния,/ истле́вша мя мно́гими греха́ потопле́ньми Твоего́ исцеле́ния сподо́би.

Песнь 9

Ирмо́с: Иса́ие, лику́й, Де́ва име́ во чре́ве/ и роди́ Сы́на Емману́ила,/ Бо́га же и Челове́ка, Восто́к И́мя Ему́./ Его́же велича́юще, Де́ву ублажа́ем.

Я́ко прия́тно кади́ло, прине́слся еси́ всех Царю́,/ я́ко заколе́ние свяще́нно, я́ко предобра́ же́ртва прия́тная,/ я́ко ми́ро, я́ко приноше́ния, я́ко ши́пок благово́нен, святи́телю досточу́дне.

Утвержде́ние быв, святи́телю, всем ве́рным,/ поже́рлся еси́, я́коже ове́н, и к мы́сленным преста́вился еси́ ца́рством/ и Царю́ всех и Бо́гу, блаже́нне, предстои́ши,/ Боже́ственною сла́вою облиста́емь.

Свята́я па́мять твоя́, я́коже вели́кое со́лнце,/ нам возсия́, Симео́не, днесь, му́дре, и и́же с тобо́ю му́ченик,/ с ни́миже нам проси́ от Христа́ благода́ти, и ми́лости,/ и согреше́ний избавле́ния.

Богоро́дичен: Све́тлыми сия́ньми, Пречи́стая Ма́ти Бо́жия, озари́ мой ум,/ тьмо́ю лю́таго неразу́мия одержи́мый,/ я́ко да, улучи́в Боже́ственное просвеще́ние,/ вели́чия Твоя́ возвещу́, Присноде́во.

Ин

Ирмо́с: Уста́вы прешла́ еси́ естества́,/ Соде́теля заче́нши и Го́спода,/ и дверь спасе́ния ми́ров и была́ еси́./ Тем Тя, Богоро́дице,/ непреста́нно велича́ем.

Кре́пкою твое́ю моли́твою, о́тче, Небеса́ затворе́на отве́рзл еси́/ и ка́мень пресла́вно истека́ти прину́дил еси́/ в сла́ву Спа́са, тя просла́вльшаго, Ака́кие.

Я́ко вели́ко облиста́л еси́ со́лнце от Мелити́ны заре́ю слове́с твои́х,/ и чуде́с сия́ние пуща́я, Ака́кие,/ и вся озаря́я, благоче́стно тя ублажа́ющия.

Прему́дростию слове́с украша́емь,/ и сия́нии мно́гих исцеле́ний, Ака́кие, и святи́тельства сия́я добро́тами,/ преше́л еси́ от мирски́х к преми́рному наслажде́нию.

Боже́ственная па́мять твоя́ днесь поднебе́сныя созыва́ет/ воспе́ти твоя́ боле́зни, и по́двиги, и исправле́ния, Ака́кие преблаже́нне,/ просвети́телю серде́ц на́ших.

Богоро́дичен: Све́та кра́снаго жили́ще яви́лася еси́ вои́стинну,/ вся́ческая просве́щшаго, Всепе́тая Де́во,/ те́мже мя просвети́, зло́бою помрачи́вшагося,/ я́ко да ве́рою велича́ю Тя.

Священномученик Симеон, епископ Персидский

Священномученик Симеон, епископ Персидский, жил в IV веке, при гонителе христиан в Персии царе Сапоре II (310–381). Он был епископом города Селевкии – Ктезифона. Царь Сапор начал гонение на христиан в 343–344 годах. Сначала он наложил на христиан тяжелую подать, а затем стал предавать смерти священнослужителей и мирян, грабить и разрушать храмы. В течение двух лет в Персии было замучено 1150 человек. Известны имена некоторых святых мучеников: Усфазан, бывший воспитатель Сапора; Авделай и Анания, пресвитеры; Фусик, знатный вельможа при дворе Салора, и его дочь Аскитрея; Азат, евнух, любимый слуга царя. Церковные историки Созомен (V в.) и Никифор Каллист (XIV в.) в своих исторических трудах указывают, что христиане, узнав о повелении царя умертвить всех христиан, сами без страха отдавали себя на мучения за веру в Господа Иисуса Христа. Гонения на христиан продолжались и в последующие годы, но после казни святого мученика Азата скопца, которого царь особенно любил, Сапор приказал предавать мучениям только священнослужителей и учителей христианских, а остальных христиан повелел щадить. В это тяжелое для христиан время пострадал и священномученик Симеон. На епископа Симеона Сапор был особенно гневен, так как враги христиан оклеветали святителя, обвинив его в тайных связях с Греческим государством. Святой Симеон, приведенный к царю на суд, смело исповедовал веру в Господа Иисуса Христа. Ни угрозы, ни обещания земных благ не заставили его совершить ритуальное поклонение солнцу, как того требовали язычники. Тогда святителя вместе со священниками Авделаем и Ананием бросили в темницу. На допросе царь угрожал умертвить всех христиан, но и это не поколебало мужества святителя Симеона. Тогда на его глазах были усечены мечом многие исповедники. Святитель благословлял их на мученическую смерть, наставляя не бояться казни, но с надеждой на жизнь вечную в Царстве Небесном претерпеть страдания. После всех он и сам с радостью положил голову на плаху. Кончина священномученика последовала в Великую пятницу 13 апреля 343 или 344 года.

Преподобный Акакий, епископ Мелитинский

Преподобный Акакий, епископ Мелитинский, родился во второй половине IV века в армянском городе Мелитина близ реки Евфрат. Его родители были богобоязненными христианами. Они долго не имели детей и усердно молились о даровании им наследника, которого обещали посвятить Богу. Молитва благочестивых христиан была услышана, и у них родился сын. Научив его правилам христианского благочестия, родители отдали мальчика епископу Мелитины Отрию на служение Церкви Христовой. Святитель Отрий был твердым поборником Православия. Вместе со святителем Григорием Богословом и другими отцами Церкви он в 381 году на Втором Вселенском Соборе в Константинополе обличил ересь Македония. Под мудрым руководством святителя Отрия преподобный Акакий утверждался в Православной вере, изучал Священное Писание, совершенствовался в добродетелях. Сначала он был поставлен в Церкви чтецом, после рукоположен епископом Отрием во диакона и затем в сан пресвитера. Со временем святой Акакий стал наставником не только юношей, но и взрослых. Он обучал их Священному Писанию, наставлял в истинах Православной веры. У преподобного Акакия учился в отрочестве великий светильник Православной Церкви – преподобный Евфимий Великий († 473; память 20 января), уроженец Мелитины. После смерти святителя Отрия преподобный Акакий, добродетельная жизнь которого была уже всем известна, был единодушно избран епископом Мелитины. Святитель Акакий мудро управлял вверенной ему паствой, отличался добротой и милосердием. Свой дом он превратил в больницу и убежище для нищих и убогих. Святитель часто посещал эту больницу, снабжал больных всем необходимым и сам прислуживал им. Господь наделил Своего угодника даром чудотворений. По молитвам святителя в год засухи пошел дождь и земля дала обильный урожай, а во время наводнения разлившаяся река вернулась в границы, указанные ей святым. Однажды во время богослужения в селении Самурия святитель Акакий произносил проповедь. Его слова заглушались громким криком ласточек, свивших себе гнезда под сводами храма. Тогда святитель прервал свою речь и Именем Создателя повелел птицам умолкнуть. Сразу же наступила тишина, и с того времени ласточки перестали вить гнезда в этом храме. Святой Акакий изгнал мух, докучавших больным в больнице, и запретил жабам, жившим в болоте рядом с больницей, нарушать своим криком покой страждущих. Много и других чудес совершил святитель Акакий. В 431 году, в царствование императора Феодосия Младшего (408–450), святитель Акакий присутствовал на Третьем Вселенском Соборе в городе Ефесе. Вместе со святым Кириллом, Патриархом Александрийским († 444; память 9 июня), и другими святыми отцами святитель Акакий низложил еретика Нестория, не почитавшего Пресвятую Деву Марию Богородицей и отвергавшего два неслитных естества (божественное и человеческое) в Господе Иисусе Христе. Много лет святитель Акакий утверждал Православие на Мелитинской кафедре. Он разорял идольские капища и на их месте строил храмы, чудесами и примером богоугодной жизни многих обращал к истинной вере. Святитель Акакий мирно скончался около 435 года. Тело святого было погребено рядом с гробницей святого мученика Полиевкта († 259; память 9 января), пострадавшего в Мелитине при Римском императоре Валериане (253–259).

Преподобнаго Александра Сви́рскаго

(слу́жбу зри 30 а́вгуста)

Тропа́рь, глас 4:

От ю́ности, Богому́дре, жела́нием духо́вным в пусты́ню всели́вся,/ еди́наго Христа́ возжела́л еси́ усе́рдно стопа́м в след ходи́ти,/ те́мже и а́нгельстии чи́ни зря́ще тя, удиви́шася,/ ка́ко с пло́тию к неви́димым ко́знем подвиза́вся, прему́дре,/ победи́л еси́ полки́ страсте́й воздержа́нием/ и яви́лся еси́ равноа́нгелен на земли́,/ Алекса́ндре преподо́бне,/ моли́ Христа́ Бо́га,/ да спасе́т ду́ши на́ша.

Конда́к, глас 8:

Я́ко многосве́тлая звезда́ днесь в страна́х росси́йских возсия́л еси́, о́тче,/ всели́вся в пусты́ню, Христо́вым стопа́м после́довати усе́рдно возжеле́л еси́/ и, Того́ свято́е и́го на ра́мо твое́ взем – честны́й крест,/ умертви́л еси́ труды́ по́двиг твои́х теле́сныя взыгра́ния,/ те́мже вопие́м ти:/ спаси́ ста́до твое́, е́же собра́л еси́, му́дре, да зове́м ти:/ ра́дуйся преподо́бне Алекса́ндре, о́тче наш.

Преподобный Александр Свирский

Преподобный Александр Свирский (ок. 1448–1533), основатель Александровского Свирского монастыря, принял иноческий постриг в Валаамском Преображенском монастыре (1474). По истечении 13 лет он испросил у настоятеля благословения на подвиг пустынножительства. Местом подвига преподобный Александр избрал побережье озера Рощинского, близ реки Свирь. Сюда стали приходить братия, для которых он построил поблизости небольшую обитель, определив первоначальное место своего поселения под кладбище. Преподобный сам указал себе могилу, где и был погребен по преставлении 30 августа 1533 года.

17 апреля 1641 года мощи преподобного Александра Свирского были обретены нетленными; их положили в гробницу в построенном на этом месте повелением царя Алексея Михайловича храме в честь Преображения Господня, с приделом во имя преподобного Александра Свирского. Память святого совершается также 30 августа.

* * *

14

Сла́ное – соленое.

15

Ло́пи – лопарей (народность крайнего Севера).


Источник: Минея - М. : Издательский Совет Русской Православной Церкви, 2002-. 12 том. / Минея апрель. - 2002. / Ч. 1. – 400; Ч. 2. - 312 с.

Комментарии для сайта Cackle