27-й день

Свята́го священному́ченика Симео́на, сро́дника Госпо́дня

На Го́споди, воззва́х: стихи́ры пра́здника 3, и апо́стола 3, глас 4.

Подо́бен: Я́ко до́бля:

Свяще́нник свяще́ннейший,/ страда́лец зако́нен,/ сро́дник Зижди́теля и́стинный,/ чудотво́рец досточу́ден,/ свети́льник пресве́тел,/ заблу́ждших вождь, Симео́не, показа́лся еси́,/ столп непоколе́блен честны́я Це́ркве,/ и Вы́шняго насле́дник Ца́рствия,/ и А́нгелом равноче́стный.

По боле́знех теле́сных,/ святи́телю пресла́вне,/ по вся́цей му́це многоболе́зненней,/ по премно́гих боре́ниих/ Кресту́ прибли́жился еси́,/ подо́бяся Христу́, распе́ншемуся во́лею./ Те́мже, ра́дующеся, святу́ю твою́ па́мять соверша́юще, Симео́не,/ моли́твами твои́ми/ разреше́ние согреше́ний прие́млем.

В Це́рковь Небе́сную/ свяще́нно вшел еси́,/ свяще́нно облива́емь, блаже́нне, кро́вию,/ и Тро́ице предстои́ши,/ бога́тно сия́я отту́ду/ блиста́нии истека́ющими, пребога́те./ Те́мже днесь, Симео́не,/ твою́ па́мять светоно́сную соверша́юще,/ чу́вствия души́ просвеща́ем.

Сла́ва, и ны́не, пра́здника, или́ Богоро́дичен:

Ту́чами Ду́ха Пресвята́го,/ мою́ мысль ороси́,/ Я́же ка́плю ро́ждшая, Христа́,/ неизче́тно безме́рная беззако́ния челове́ков/ щедро́тами измы́вшую;/ изсуши́ исто́чник страсте́й мои́х/ и пото́ка мя сподо́би/ пи́щи живы́я при́сно/ моли́твами Твои́ми.

Крестобогоро́дичен:

На Кресте́ Тя я́ко узре́/ пригвожде́на, Го́споди,/ А́гница и Ма́ти Твоя́ дивля́шеся,/ и, что́ виде́ние сие́, – взыва́ше, –/ Сы́не вожделе́ние?/ Сия́ Ти неве́рный собо́р воздаде́ беззако́нный,/ и́же мно́гих Твои́х чуде́с наслади́выйся./ Но сла́ва неизглаго́ланному соше́ствию Твоему́, Влады́ко.

Тропа́рь, глас 1:

Христо́ва тя сро́дника, Симео́не священнонача́льниче,/ и му́ченика тве́рда свяще́нно восхваля́ем,/ пре́лесть потреби́вшаго/ и ве́ру соблю́дшаго./ Те́мже, днесь всесвяту́ю твою́ па́мять пра́зднующе,/ грехо́в разреше́ние моли́твами твои́ми прие́млем.

Ин тропа́рь, глас 4:

В ми́ре ра́дуешися, Симео́не Иерусали́мский,/ любе́зно Христу́ Бо́гу,/ те́ло душе́вное чи́сто сохрани́в,/ претерпе́вый страсть теле́сную, долготерпели́ве, кре́пко,/ и в коне́ц на кресте́ ра́спят бысть./ Ты бо, И́стинному Рачи́телю подо́бяся,/ и от ми́ра ско́ро отлучи́ся,/ лю́тыя я́звы на себе́ понесе́/ и мо́лишися о душа́х на́ших.

Кано́н пра́здника со ирмосо́м на 6 и свята́го на 6. Творе́ние Ио́сифово. Глас 4.

Песнь 1

Ирмо́с: Воспою́ Тебе́, Го́споди Бо́же мой,/ я́ко изве́л еси́ лю́ди из рабо́ты еги́петския,/ покры́л же еси́ колесни́цы фарао́новы и си́лу.

Симео́не свяще́нне, Влады́це, венцено́сец, предстоя́,/ любо́вию па́мять твою́ творя́щим всесвяще́нную/ согреше́ний разреше́ние проси́.

Ве́трилом окриля́емь, святи́телю, кре́стным,/ я́ко вои́стинну хла́дом ду́ха,/ бу́ри ми́мо текл еси́ пре́лести, всесла́вне.

Ми́ром Боже́ственным пома́за свяще́нника тя лю́дем/ И́же от коле́на Иу́дова прозябы́й Христо́с,/ Симео́не свяще́нне и А́нгелом собесе́дниче.

Богоро́дичен: Я́ко су́щи тва́рей вы́шши,/ всех Творца́ и Бо́га во чре́ве зачала́ еси́, Де́во,/ и родила́ еси́ челове́ком на избавле́ние.

Песнь 3

Ирмо́с: Лук си́льных изнемо́же,/ и немощству́ющий препоя́сашася си́лою./ Сего́ ра́ди утверди́ся в Го́споде се́рдце мое́.

Манове́нием к Бо́гу обожа́емь, весь, Симео́не, светови́ден был еси́,/ муче́ния облиста́я сия́нием, свяще́нне.

У́тро су́щим во тьме возсия́л еси́,/ Пра́вды показу́я Со́лнце,/ из о́блака, Де́вы Отрокови́цы, челове́ком возсия́вшее.

Мирски́я сла́сти возненави́дел еси́,/ святи́телей красота́ ле́потна был еси́/ и страда́нием Небе́сныя сла́вы, о́тче, сподо́бился еси́.

Богоро́дичен: Весь похвале́ний побежда́ется зако́н о Тебе́, Богороди́тельнице Всенепоро́чная:/ Бог бо из Тебе́, я́коже весть, нас ра́ди Челове́к бысть.

Седа́лен, глас 4.

Подо́бен: Яви́лся еси́ днесь:

Я́ко звезду́ вели́ку,/ Це́рковь, стяжа́вши днесь Богогла́снаго Симео́на, просвеща́ется, зову́щи:/ ра́дуйся, му́чеников честны́й нача́льниче.

Сла́ва, и ны́не, пра́здника, или́ Богоро́дичен:

Пречи́стеи ру́це Твои́, Де́во Ма́ти, просте́рши,/ покры́й упова́ющия на Тя и Сы́ну Твоему́ зову́щия:/ всем пода́ждь, Христе́, ми́лости Твоя́.

Крестобогоро́дичен:

На Дре́ве ви́дящи воздви́жена Сы́на Твоего́, Пречи́стая,/ утро́бою ма́тернею растерза́ема, жа́лостно взыва́ла еси́:/ увы́ Мне, ка́ко заше́л еси́, Све́те Мой Безле́тный?

Песнь 4

Ирмо ́с: Любве́ ра́ди, Ще́дре, Твоего́ о́браза/ на Кресте́ Твое́м стал еси́,/ и раста́яшася язы́цы:/ Ты бо еси́, Человеколю́бче,/ кре́пость моя́ и хвале́ние.

Священноде́йствовав же́ртвы безкро́вныя за тя пожре́нному,/ и сам поже́рлся еси́, я́ко а́гнец,/ и Тому́ прине́слся еси́, Богому́дре пребога́те.

Сотро́шася пред лице́м твои́м, святи́телю, нече́стия го́ры,/ и хо́лми де́монов вси растая́шася,/ Христу́ укрепля́ющу тя.

Высоча́йшее житие́ имы́й, преблаже́нне,/ хотя́й, возне́слся еси́ на дре́во,/ Боже́ственней стра́сти подо́бяся мир возне́сшаго.

Богородичен: Прови́дя рождество́ Твое́, Пречи́стая,/ Тя Авваку́м пропису́ет, я́ко присе́нную го́ру,/ из нея́же еди́н Бог наш проше́л есть.

Песнь 5

Ирмос: Просвеще́ние Твое́, Го́споди, низпосли́ нам/ и от мглы прегреше́ний разреши́ ны, Бла́же,/ Твой мир да́руяй.

Во́лею, блаже́нне, пре́дал еси́ себе́/ весь сожещи́ся огне́м муче́ния, блаже́нне Симео́не,/ во благово́ние та́йно соблюда́емь.

Я́ко овча́ непоро́чное, пре́дал еси́ себе́ пострада́ти усе́рдно, подо́бяся Христу́,/ нас ра́ди пло́тию пострада́вшему и стра́сти отгна́вшему.

Храм Боже́ственнаго Ду́ха быв, прему́дре,/ хра́мы и́дольския низложи́л еси́ си́лою твои́х моли́тв/ и заблужде́нныя к све́ту наста́вил еси́.

Богородичен: О нас моли́ Христа́, от Твои́х чи́стых крове́й, Пречи́стая Отрокови́це,/ в плоть веще́ственную обле́кшася и челове́ки обно́вльша.

Песнь 6

Ирмос: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се, Царю́ сил.

Научи́лся еси́ пресла́вно от Боже́ственнаго сия́ния,/ я́же к Боже́ственному тя наставля́юща животу́, пребога́те,/ и неизрече́ннаго яви́лся еси́, святи́телю, испо́лнен ра́зума.

Вод тя живото́чных испо́лнена духо́вных,/ я́коже и́ну реку́, из Еде́ма исходя́щую, Симео́не,/ Боже́ственная Це́рковь ра́дуется, иму́щи.

Сел еси́ на высо́це престо́ле,/ наме́стник быв Иа́кова и нра́вом прича́стник,/ святи́тельство же муче́нием просвети́в, блаже́нне.

Богоро́дичен: Исцели́ неисце́льныя стра́сти, Богоневе́сто, души́ моея́,/ врача́ Христа́ ро́ждши челове́ком,/ страстьми́ Свои́ми исцели́вша стра́сти.

Конда́к, глас 4.

Подо́бен: Яви́лся еси́ днесь:

Я́ко звезду́ преве́лию, Це́рковь, иму́щи днесь Богоглаго́ливаго Симео́на,/ светово́дится, зову́щи:/ ра́дуйся, му́чеников честны́й ве́нче.

Песнь 7

Ирмо́с: Авраа́мстии иногда́ в Вавило́не о́троцы/ пе́щный пла́мень попра́ша,/ пе́сньми взыва́юще:/ оте́ц на́ших Бо́же, благослове́н еси́.

Те́ло му́кам преда́в по Христе́ усе́рдно,/ не измени́лся еси́, ни ослабе́л, взыва́я, чу́дне:/ благослове́н Бог оте́ц на́ших.

Боже́ственною, преблаже́нне, любо́вию разже́гся,/ мы́слию огня́ веще́ственна сильне́йши, вопия́, был еси́:/ благослове́н Бог оте́ц на́ших.

Я́ко Влады́ка, о́тче, на Крест воздви́глся еси́,/ изравне́нием стра́сти украша́яся, и пое́ши, веселя́ся:/ оте́ц на́ших Бо́же, благослове́н еси́.

Богоро́дичен: Де́во Богома́ти Отрокови́це, де́монов стру́пе/ и А́нгелов благоукраше́ние, челове́ков спасе́ние,/ смире́нную ду́шу мою́ вра́жия ле́сти изба́ви.

Песнь 8

Ирмо́с: На Кресте́ пло́тию пригвожде́ннаго/ и показа́вшаго нам ору́жие во спасе́ние,/ о́троцы, превозноси́те Христа́ Бо́га на́шего во ве́ки,

Всю зарю́ Уте́шителеву чи́стым твои́м, Симео́не, прие́м се́рдцем,/ тьму де́монов несве́тлую потреби́л еси́, ве́рныя просвети́в.

Мо́ре лю́таго злове́рия изсуши́в,/ струя́ми Боже́ственных уче́ний твои́х вся́ку напои́л еси́ ду́шу,/ клас ве́ры плодонося́щую.

Яви́лся еси́ свяще́нник, твое́ю кро́вию, му́чениче, вшед в Це́рковь Боже́ственну,/ иде́же всегда́ зри́ши/ тебе́ ра́ди, я́ко непоро́чно а́гня, Поже́ршагося.

Богоро́дичен: Да Тя гла́сы благода́рственными, возвесели́вшую наш род, воспое́м:/ покры́й и сохрани́ нас, Богоневе́сто, от вся́каго вре́да.

Песнь 9

Ирмо́с: Рождество́ Твое́ нетле́нно яви́ся:/ Бог из бо́ку Твое́ю про́йде,/ я́ко плотоно́сец яви́ся на земли́/ и с челове́ки поживе́./ Тя, Богоро́дице, тем вси велича́ем.

Я́коже столп о́гнен, преблаже́нне, яви́лся еси́, лю́ди предводя́ но́выя из еги́петския ле́сти,/ и к земли́ обетова́ния Боже́ственнаго, му́чениче, священнотаи́нниче всечестне, преве́л еси́.

Си́мон Симео́н сугу́бо зва́ние име́л еси́,/ сугу́бо естество́м су́щее Сло́во пред безбо́жными богосло́вив и Кресту́ прибли́жився:/ те́мже тя вси, соше́дшеся, ублажа́ем.

День пра́здника па́мять твою́ соверша́ет Це́рковь,/ с Боже́ственным тя почита́ющи Иа́ковом, Симео́не, моле́бно:/ его́же седа́лище прия́л еси́, свяще́нне.

Богоро́дичен: Све́том мя озари́ Боже́ственным, Све́та жили́ще, Де́во,/ страсте́й мои́х тьму и сласте́й глубо́кую нощь,/ Богороди́тельнице Пречи́стая, отгоня́щи.

НА ЛИТУРГИ ́И

Проки́мен, глас 8: Во всю зе́млю изы́де веща́ние их,/ и в концы́ вселе́нныя глаго́лы их. Стих: Небеса́ пове́дают сла́ву Бо́жию: Апо́стол к Кори́нфяном, зача́ло 131. Аллилу́ия, глас 1: Испове́дят Небеса́ чудеса́ Твоя́, Го́споди. Ева́нгелие от Матфе́я, зача́ло 56. Прича́стен: Во всю зе́млю:

Святой апостол и священномученик Симеон, сродник Господень

Святой апостол и священномученик Симеон, сродник Господень был сыном Клеопы, младшего брата святого Иосифа Обручника. В зрелом возрасте он увидел чудеса Господа Иисуса Христа, уверовал в Него и стал одним из 70-ти апостолов.

Святой Симеон проповедовал учение Христово, наставлял в истинах святой веры и обличал идолослужение. После убиения святого апостола Иакова († 63; память 23 октября), первого епископа Иерусалимского, на его место христиане избрали святого апостола Симеона. В правление императора Траяна (98–117) римскому правителю Аттику донесли, что святой Симеон происходил из рода царя Давида (римляне уничтожали всех потомков царя Давида) и исповедует христианскую веру. Язычники схватили святого Симеона, который в то время был уже столетним старцем, и после долгих мучений распяли на кресте.

Преподо́бнаго Стефа́на, игу́мена Пече́рскаго, епи́скопа Влади́мира Волы́нскаго

Тропа́рь, глас 8:

Уче́нию повину́яся Богоно́снаго Феодо́сия,/ поста́влен бысть от него́ вождь бы́ти свято́му его́ ста́ду,/ е́же до́бре пасы́й,/ це́рковь Богоро́дицы, во́лею Тоя́ осно́ванную чу́дне,/ соверши́л еси́ благоле́пно,/ приснопа́мятне Стефа́не,/ в не́йже нам, моля́щимся, испроси́ от Христа́ Бо́га ве́лию ми́лость.

Ин тропа́рь, глас 2:

Я́ко сый Богоно́снаго Феодо́сия учени́к/ и и́стинный жития́ его́ подража́тель,/ пе́рвый по нем бре́мя настоя́тельства понесы́й,/ те́мже и моще́й его́ честны́х самови́дец бы́ти сподо́бился еси́,/ я́же с про́чими святоле́пно прине́с,/ насле́дил еси́ с те́мже Ца́рство Небе́сное,/ Е́же получи́ти и нам, чту́щим тя, Стефа́не,/ Го́сподеви моли́ся.

Ин тропа́рь, глас 8:

Правосла́вия наста́вниче,/ благоче́стия учи́телю и чистоты́,/ Волы́нския па́ствы свети́льниче,/ архиере́ев Богодухнове́нное удобре́ние,/ Стефа́не прему́дре,/ уче́ньми свои́ми вся просвети́л еси́, цевни́це духо́вная,/ моли́ Христа́ Бо́га спасти́ся душа́м на́шим.

Конда́к, глас 6:

Зави́дя враг честно́му ти житию́,/ изри́нул тя бя́ше злоко́знством свои́м от нача́льства па́ствы,/ но ты, изгна́н быв,/ и на ино́м ме́сте це́рковь Богоро́дицы воздви́гл еси́,/ за что и Та са́ном почте́ тя архиере́йства,/ в не́йже ты до́бре упа́с вруче́нная ти о́вцы,/ пре́йде во весе́лии ко Христу́, Стефа́не,/ Ему́же моли́ся о нас, рабе́х твои́х.

Ин конда́к, глас 1:

Проходя́, всеблаже́нне, доброде́тельми от си́лы в си́лу/ и всех, с тобо́ю су́щих, о́ными провозвыша́я,/ всем служи́л еси́, Стефа́не, и угожда́л,/ тем избра́н был еси́ всем,/ в дому́ Бо́жия Ма́тере су́щим, в старе́йшину./ Последи́ же и на степе́нь архиере́йства возведе́н был еси́,/ и, ста́до Христо́во добре упа́с,/ моли́ Его́ о нас, ча́дех твои́х.

Ин конда́к, глас 4:

Стефа́н, испо́лнь ве́ры и благоче́стия,/ соверши́тель Бо́гом основа́нныя це́ркве Пече́рския,/ днесь, я́ко вели́кое свети́ло, всем возсия́,/ Христо́во ста́до богоуго́дно упа́с/ в неусы́пных стра́жех нощны́х./ Его́же чту́ще, прино́сим песнь/ еди́ному Тебе́, Христу́, всех Влады́це,/ моля́ще поми́ловати нас/ того́ благоприя́тными моли́твами.

Преподобный Стефан, игумен Печерский

Преподобный Стефан , игумен Печерский, впоследствии епископ Владимиро-Волынский, с юных лет находился на послушании в Киево-Печерском монастыре, где подвизался под духовным окормлением преподобного Феодосия Печерского. До пострижения в монашество святой Стефан рос в семье богатых родителей; после их смерти он раздал все имущество и решил посвятить себя служению Богу. В Киево-Печерской обители преподобный Стефан был уставщиком и насадителем демественного пения. Перед кончиной основателя Печерской обители преподобного Феодосия († 1074) братия монастыря просили его назначить себе в преемники пользовавшегося всеобщей любовью инока Стефана. Призвав к себе любимого ученика, преподобный Феодосии возложил на него послушание исполнять обязанности игумена Печерского монастыря, заповедав неукоснительно блюсти строгий монастырский устав, заботиться о странниках и молиться о благодетелях святой обители. Преподобный Стефан стал достойным преемником своего учителя. Он закончил строительство соборного Печерского храма, начатое еще при жизни преподобного Феодосия. Преподобный Стефан основал поблизости новый монастырь, куда перевел почти всю братию старой обители, оставив лишь несколько послушников, которым вменил в обязанность погребение умиравших иноков и ежедневное совершение Божественной литургии в память усопших братии. Старания преподобного Стефана на ниве монастырского строительства, по молитвам самого игумена и предстательством преподобных Антония и Феодосия Печерских, были весьма многополезными и послужили укреплению духовной жизни обители. «Бог же вся на потребу его неоскудно подаваше: и тако умножашеся место то благодатию Божиею». При виде благочестивых забот о святой обители Божией враг рода человеческого сумел хитроумными своими кознями посеять смуту среди отдельных насельников монастыря и привел не только к низложению преподобного Стефана с игуменского поста, но и его изгнанию из Печерского монастыря.

Смиренно неся скорбь незаслуженно причиненных ему обид, святой подвижник Божий, в подражание святому первомученику Стефану и во исполнение наказа преподобного Феодосия о любви к братии, продолжал усердно молиться о гонителях своих: «Господи, не постави им греха сего». После изгнания из обители святой Стефан приступил к строительству неподалеку от нее, на реке Клове, нового монастыря на средства, щедро ему предоставленные многими боярами и вельможами, являвшимися его духовными сыновьями по наказу преподобного Феодосия. По желанию святого Стефана новый монастырь был освящен в честь Влахернской иконы Божией Матери, в память Ее чудесного явления константинопольским живописцам, посланным Ею к преподобным Антонию и Феодосию Печерским для украшения храма. Вскоре в новом монастыре собрались многочисленные братия, жившие строго по уставу, учрежденному преподобным Феодосием для Печерской обители.

В 1091 году, после кончины епископа Владимиро-Волынского, преподобный Стефан был хиротонисан митрополитом Киевским Иоанном во епископа и поставлен на кафедру города Владимира-на-Волыни, основанного святым равноапостольным князем Владимиром. Будучи уже епископом и прибыв на молитву в созданный им монастырь на Клове, святитель Стефан удостоился чудесного видения Божественного света, исходившего от мощей преподобного Феодосия, которые покоились в пещере Печерской обители. Поспешив к месту этого видения, святитель узнал о решении игумена и братии Киево-Печерского монастыря перенести святые мощи преподобного Феодосия из пещеры в соборный храм обители. Таким образом, святитель Стефан смог принять участие вместе с сонмом других епископов в торжественном перенесении мощей своего учителя и духовного отца, преподобного Феодосия. Прослужив в епископском сане три года, неизменно подавая пример кротости и милосердия, святитель Стефан преставился ко Господу 27 апреля 1094 года.


Вам может быть интересно:

1. О тайне святого елея – Часть вторая протоиерей Михаил Архангельский 5,7K 

2. Для клира и народа – Кондаки из Акафистов Иван Георгиевич Айвазов 9,8K 

3. О тайне святого елея – Переход от предыдущего к последующему протоиерей Михаил Архангельский 5,7K 

4. Толкование на послание к Колоссянам – Послесловие (Кол. 4:7–18) святитель Феофан Затворник 20,2K 

5. Миссионерские письма – Письмо 20. Студенту, который спрашивает, кто такие «нищие духом» святитель Николай Сербский 139,9K 

6. Библейская энциклопедия – Царица южная архимандрит Никифор (Бажанов) 3081,6K 

7. Послание к Титу – Глава 1 преподобный Ефрем Сирин 5,4K 

8. Библейская энциклопедия – Либертинцы архимандрит Никифор (Бажанов) 3081,6K 

9. Богословие деятельное – Часть VII. О духовной силе сокровенного сердца человека святитель Иннокентий (Смирнов) Пензенский 45,9K 

10. Закон Божий протоиерей Серафим Слободской 1611,6K 

Комментарии для сайта Cackle