Месяца апреля в 6-й день

Свята́го равноапо́стольнаго Мефо́дия, учи́теля слове́ном, архиепи́скопа Мора́вскаго

Святитель Мефодий, архиепископ Моравский

И́же во святы́х отца́ на́шего Евтихи́я, архиепи́скопа Константинопо́льскаго

Святитель Евтихий, архиепископ Константинопольский

НА ВЕЧЕ́РНИ

На Го́споди, воззва́х: стихи́ры, глас 4.

Подо́бен: Дал еси́ зна́мение:

Зако́н благода́ти наказа́теля стяжа́в себе́,/ святи́телю Мефо́дие,/ тем у́бо святы́м бу́квам был еси́ прему́др устрои́тель/ и пре́дал еси́ свои́м лю́дем и ста́ду уче́ние их,/ и́миже чту́щии и поуча́ющиися в святы́х кни́гах/ благословя́т Го́спода./ Блажи́м тя досто́йно.

Госпо́дним словесе́м после́дуя,/ Мефо́дие блаже́нне,/ благосло́вяше я́ве Отца́, у́бо Роди́теля Словеси́ су́ща/ и Изводи́теля Ду́ху Пресвято́му./ И еще́ же и́стее испове́даше, вопия́,/ от Отца́, не от Сы́на Уте́шителя я́ве исходя́ща,/ те́мже яви́ся со отцы́ Пе́рваго Собо́ра/ то́жде глаго́ляй, Богогла́се,/ с те́ми моли́ся Спа́су,/ да спасе́т ны вся.

Апо́стольскую благода́ть неску́дно от Бо́га прие́м,/ о́тче Мефо́дие,/ проро́чества сподо́бися и чуде́с же от почти́вшаго тя досто́йно/ глаго́лати пре́жде бу́дущая, я́ко настоя́щая, му́дре./ Ра́дуйся, слепы́м ви́дение, и бесо́м прогони́телю,/ и неду́жным врачу́, сла́вне,/ те́мже пода́ждь нам грехо́в оставле́ние/ и ве́лию ми́лость.

Сла́ва, глас то́йже:

Мора́вския земли́ ве́лий граждани́н,/ сла́ва же и похвала́ се́верския страны́,/ святи́тель Мефо́дий/ высо́ким ны́не созыва́ет пропове́данием./ Прииди́те, памятолю́бцы,/ ве́рою стеце́мся и ликовству́им с ним/ в пра́зднество успе́ния его́ пресла́внаго,/ да прино́сит той непреста́нну моли́тву ко Христу́ Бо́гу на́шему,/ да изба́вит всея́ беды́ и напа́стей ду́ши на́ша.

И ны́не, Трио́ди.

На стихо́вне стихи́ры Трио́ди.

Сла́ва, свята́го, глас 8. Парфе́ния епи́скопа:

Прииди́те, празднолю́бцы,/ ве́рою стеце́мся и пе́сньми свяще́нными ликовству́им/ во успе́нии святи́теля Мефо́дия,/ Мора́вския земли́ просвети́теля/ и слове́нских стран равноапо́стола./ Сей бо ми́ра кра́сная оста́вив/ и крест апо́стольства на ра́мо взем,/ просвети́ с бра́том ро́ды слове́нския,/ и по успе́нии прия́т от Бо́га мзду пра́вды,/ и мо́лится непреста́нно/ изба́витися от бед и напа́стей душа́м на́шим.

И ны́не, Трио́ди

Тропа́рь свята́го, глас 4:

Святи́теля Твоего́, Христе́,/ творя́щим све́тло торжество́ успе́ния/ ми́лость Твою́ свы́ше пода́ждь,/ отве́рзи же Ца́рствия две́ри,/ разреши́ же у́зы на́ша мно́гих грехо́в/ хода́тайством свята́го Твоего́ ученика́,/ отца́ на́шего.

НА У́ТРЕНИ

Кано́н, глас 2.

Песнь 1

Ирмо́с: Гряди́те, лю́дие,/ пои́м песнь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,/ я́ко просла́вися.

Даждь, Христе́ Спа́се, Еди́не Милосе́рде,/ сло́во простра́нно, молю́ся Твоея́ ми́лости,/ да святи́теля Твоего́ восхвалю́ Мефо́дия и Тя просла́влю.

Оста́вив род и оте́чество, подру́жие и де́тий, свя́те учи́телю,/ в пусты́ни изво́ли со святы́ми отцы́ жи́ти, пресла́вне.

Брань лю́ту посрами́в, о́тче, бесо́вскую,/ брань лю́ту утоли́ грехо́в мои́х,/ учи́телю Мефо́дие, моли́твами твои́ми.

Богоро́дичен: Кто изрещи́ Тебе́ досто́йно мо́жет зача́тие Твое́, па́че словесе́,/ Бо́га бо роди́ пло́тию, Пречи́стая,/ нам явле́на, Спа́са всем.

Песнь 3

Ирмо́с: Утверди́ нас в Тебе́, Го́споди,/ Дре́вом умерщвле́й грех,/ и страх Твой всади́/ в сердца́ нас, пою́щих Тя.

О пресла́вне!/ кто мо́жет изрещи́ Мефо́дия доброде́тели и труд,/ и́же пострада́ от ерети́к триязы́чных.

Мефо́дие свя́те!/ дар ты прия́л от Бо́га и подаде́ тре́бующим,/ сла́вящим Бо́га, просла́вльшаго тя.

Е́же ми подаде́ бога́тство, Христе́ Спа́се,/ блу́дно жив, погуби́х окая́нный,/ но обогати́ мя покая́нием.

Богоро́дичен: Мари́е, злата́я кади́льнице,/ Ты стра́стный мой смрад отжени́,/ утверди́ мене́, коле́блющася приложе́нием льсти́ваго борца́.

Седа́лен, глас 4.

Подо́бен: Удиви́ся Ио́сиф:

Я́ко све́тлость от восто́ка тя Христо́с возсия́в, к за́паду, о́тче,/ посла́ му́дра учи́теля Мефо́дия всем,/ просвеща́юща гра́ды мно́ги и страны́ бу́квами твои́ми,/ почита́юща, Богодухнове́нный блаже́нне, уче́ния Ду́ха Пресвята́го,/ ны́не моли́ся непреста́нно о хва́лящих тя.

И ны́не, Трио́ди.

Песнь 4

Ирмо́с: Услы́шах, Го́споди, слух Твой и убоя́хся,/ разуме́х дела́ Твоя́, и диви́хся, и возопи́х:/ сла́ва си́ле Твое́й, Го́споди.

Тя и́мать, о́тче, земля́ Мора́вска сте́ну тве́рду,/ е́юже побежда́ем еретики́.

Одесну́ю предстоя́ща Пресвяты́я Тро́ицы, учи́теля,/ моли́тася сохрани́ти ста́до слове́нское.

Ду́шу свою́ и те́ло же оскверни́х, неключи́мая де́лая,/ но, Спа́се, очи́сти мя Свое́ю ми́лостию.

Богоро́дичен: Молю́тися, Пречи́стая,/ заче́нши Бо́га без се́мене,/ при́сно моли́ся за рабы́ Своя́.

Песнь 5

Ирмо́с: Све́та Пода́телю и веко́в Тво́рче, Го́споди,/ во све́те Твои́х повеле́ний наста́ви нас:/ ра́зве бо Тебе́, ино́го бо́га не зна́ем.

И́стый насто́льник апо́стола сла́внаго Андрони́ка, сла́вне, яви́ся,/ украся́ престо́л Святы́я Це́ркве Панно́нския, му́дре.

Тя мо́лим, Мефо́дие, святи́телю сла́вне,/ разгна́ное еретики́ ста́до твое́ сохрани́ в ве́ре правове́рней/ моли́твами твои́ми, о́тче.

Пучи́ну преплыва́я жите́йскую, прелете́, о́тче, оре́льски,/ потопля́ема мя грехи́, свя́те, изведи́, молю́ся, моли́твами твои́ми, му́дре.

Богоро́дичен: Тебе́, ро́ждшей Творца́ вся́ческим, вопие́м:/ ра́дуйся, Пречи́стая, ра́дуйся, возсия́вшая нам Свет,/ ра́дуйся, вмести́вшая Бо́га Невмести́маго.

Песнь 6

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.

Ты от за́пада, свя́те, возсия́в,/ я́коже звезда́, своя́ лучи́ посыла́ющи/ до восто́ка, и се́вера, и ю́га, сла́вне Мефо́дие.

Ю́же слу́жбу, сла́вне, прия́ от Христа́ Спа́са Милосе́рдаго,/ сконча́, святи́телю, я́ко ве́рен раб Го́споду своему́.

От скве́рны грехо́в мои́х измы́й мя,/ Ще́дре Спаси́телю, еди́не Милосе́рде,/ Ты бо еди́н и́маши власть, Го́споди, отпуща́ти грехи́.

Богоро́дичен: Ве́рныя лю́ди Твоя́ утверди́,/ побе́ду дая́ им, я́ко Всемогу́щ, на ва́рвары, Влады́ко,/ рожде́йся из Чи́стыя и Безму́жныя Ма́тере.

Конда́к, глас 2:

Боже́ственна и ве́рна Мефо́дия/ вси воспои́м, лю́дие, и любо́вию ублажи́м,/ я́ко па́стыря вели́каго слове́ном,/ служи́теля Тро́ицы че́стна,/ прогони́теля е́реси,/ мо́лит бо ся о всех нас.

И́кос:

Ца́рственная Панно́ния, ку́пно но́вии су́ще лю́дие,/ тебе́ па́стыря че́стна све́дящи, ра́дуется,/ мы же доброде́тели твое́й поспешеству́ем,/ труды́ же и боле́зни похва́льныя та́йно тебе́ почита́ющим/ ми́ро многоче́стное суть,/ Мефо́дие святи́телю, моли́ся непреста́нно о всех нас.

Песнь 7

Ирмо́с: О́бразу злато́му, на по́ле Деи́ре служи́му,/ трие́ Твои́ о́троцы небрего́ша безбо́жнаго веле́ния,/ посреде́ же огня́ вве́ржени, ороша́еми, поя́ху:/ благослове́н еси́, Бо́же оте́ц на́ших.

О ва́ю, свята́я, хва́лится сла́вно град Солу́нский, Кири́лле свя́те и Мефо́дие,/ Ми́сия, и Панно́ния, и Мора́вская, блаже́ннии, земля́, сла́вящи и вопию́щи:/ благослове́н еси́, Бо́же оте́ц на́ших.

На ка́мени ты ве́ры утверди́ но́зе свои́, блаже́нне,/ и не поколеба́ тебе́, свя́те, богопроти́вных духо́в си́ла,/ но, я́ко хра́брый боре́ц, проти́вяся им, поя́ше:/ благослове́н еси́, Бо́же оте́ц на́ших.

Избоде́на мя разбо́йники, Христе́, и уя́звлена,/ поми́луй мя, молю́ся Тебе́,/ и возле́й еле́й ми́лости Твоея́ на мя,/ я́ко да восхвалю́ Тя:/ Бо́же, благослове́н еси́.

Богоро́дичен: Невеще́ственнаго Све́та селе́ние Твое́ чре́во бысть,/ светлостьми́ Бо́жия ра́зума безбо́жие отгна́вшее,/ Чи́стая Богоневе́сто Деви́це,/ е́же пое́м, вопию́ще:/ благослове́н еси́, Бо́же оте́ц на́ших.

Песнь 8

Ирмо́с: В пещь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га/ по́йте, дела́, я́ко Го́спода/ и превозноси́те во вся ве́ки.

Сла́вен, свя́те Мефо́дие, ты был еси́,/ ко́зни вра́жия низложи́в, сла́вне учи́телю прему́дре, по́йте, вопию́ще:/ благослови́те, вся дела́, Го́спода, по́йте и превозноси́те Его́ во ве́ки.

Архиере́й ты был еси́ по чи́ну Ааро́ню ве́рным, блаже́нне,/ А́гнца рука́ми твои́ми святы́ми жру́щий, поя́:/ благослови́те, вся дела́, Го́спода,/ по́йте и превозноси́те Его́ во ве́ки.

Нощь лю́та мя, Христе́, грехо́вная пости́же/ и лю́те зело́ омрачи́ ду́шу мою́,/ молю Ти ся, Бо́же, просвети́/ и на покая́ние наста́ви пою́ща Тя во ве́ки.

Богоро́дичен: Изнемо́гшу мно́гими прило́ги лука́ваго, Богоро́дице,/ окая́нную ду́шу мою́ целе́бными моли́твами, Деви́це, здра́ву соде́лай,/ да Тя прославля́ем во ве́ки.

Песнь 9

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма,/ я́дию в тле́ние па́дшаго лю́те,/ от Святы́я Де́вы неизрече́нно воплоти́вшагося нас ра́ди,/ ве́рнии, единому́дренно пе́сньми велича́ем.

Тя, блаже́нне, пое́т земля́ Мора́вская, че́стно твое́ те́ло иму́щи,/ и Панно́нская, святи́телю, просвеще́на тобо́ю,/ и лю́дие, е́ю, соше́дшеся, пра́зднуют твою́ па́мять.

Иму́ща, свята́я, прю о Святе́й Тро́ице, Кири́лле преподо́бне и Мефо́дие святи́телю,/ ста́до ва́ше свято́е, ходя́ще по земли́ стра́нней, сохра́нша,/ расти́та моли́твами свои́ми, блаже́нная.

Ны́не припа́даю, учи́телю свя́те, моля́ся тебе́,/ умиле́нное сие́ пе́ние приими́/ и проси́ же отпу́ста грехо́в мои́х от Спа́са Христа́.

Богоро́дичен: Ра́дуйся, Пресвята́я Богоро́дице Мари́е,/ ра́дуйся, Непоро́чная, иску́са му́жеска не позна́вшая,/ ра́дуйся, Свети́ло всему́ ми́ру ро́ждши,/ моля́щи не преста́й к Бо́гу Спа́су.

Святитель Мефодий, архиепископ Моравский, и его младший брат Кирилл (Константин) Философ (память 14 февраля) происходили из знатного и богатого греческого рода из Солуни (Фессалоники). Отец их Лев командовал войском, мать Мария, возможно, была славянкой. Родители были благоверны и праведны и воспитали детей в страхе Божием. К семье относились с большим уважением при императорском дворе. Царский логофет взял святого Константина ко двору императора – здесь он обучался вместе с будущим императором Михаилом. Святой Мефодий впоследствии управлял одним из славянских княжеств, входивших в состав Византийской империи. В должности архонта он пробыл около десяти лет, но затем оставил мир и отправился на гору Олимп в Малой Азии, место подвигов многих монахов, где принял иноческий постриг. В 861 году Византийским императором было отправлено посольство к хазарам (Хазарский каганат являлся объединением тюркских народов, занимал он территорию Крыма, Нижней Волги и Предкавказья, правитель государства назывался каганом). Для проповеди христианства был послан святой Константин, уже прославившийся своей богословской ученостью, а святой Мефодий был приглашен для помощи брату в этом очень ответственном и опасном путешествии. Среди хазар в это время вели активную проповедь иудеи. Путь братьев в Хазарию лежал через Херсонес (Крым). Здесь они убедили архиепископа Херсонского и весь клир обрести мощи священномученика Климента, епископа Римского, находившиеся в море. Мощи святого Климента были торжественно перенесены в Херсон. По дороге посольство не раз подвергалось опасности нападения кочевников. Путешественникам пришлось идти через безводные солончаки, однако, по молитве братьев, Господь послал им пресную воду. Проповедь братьев и их успешные диспуты с иудеями привели к тому, что каган разрешил своим подданным креститься. Святое Крещение приняли около 200 человек, каган вступил в союз с Византийским императором и отпустил пленных греков. По возвращении посольства в Константинополь Патриарх Фотий и император понуждали святого Мефодия принять архиерейский сан, но он отказался, и был поставлен игуменом монастыря Полихрон, близ горы Олимп. Вскоре братья вновь были призваны на службу императором Михаилом. В 862 году в Константинополь прибыло посольство моравского князя Ростислава (Великая Моравия – первое значительное славянское государственное объединение). Князь просил прислать епископа и проповедников христианства. Проповедь среди славян была поручена солунским братьям. Отсутствие у славян письменности значительно осложняло эту задачу. По молитвам святого Константина, Господь открыл ему славянские письмена, и он приступил к переводам священных и богослужебных текстов на славянский язык. Во время пребывания братьев в Моравии, продолжавшемся три с половиной года, ими были переведены литургия святителя Иоанна Златоуста, утреня, вечерня, повечерие, Евангелие апракос, Апостол, Паремийник. Деятельность святых Мефодия и Константина вызвала неудовольствие со стороны немецкого духовенства, также осуществлявшего миссионерскую деятельность на территории Моравии. Именно к этому времени в практике и учении Восточной и Западной Церквей обнаружились существенные различия. Баварское духовенство разделяло ересь «триязычников», по которой Священное Писание могло быть записано лишь на трех языках надписания Креста Христова: еврейском, греческом и латинском. Допуская проповедь на том или ином национальном языке, они не признавали переводов Священного Писания и текстов богослужения на других языках. Братья должны были отправиться в Рим. Здесь им удалось получить поддержку Папы Римского Адриана: он принял славянские книги и освятил их. В соборе во имя святого апостола Петра было совершено богослужение на славянском языке. В Риме святой Константин, почувствовав свою приближающуюся кончину, принял постриг с именем Кирилл. 14 февраля 869 года он мирно отошел к Богу и был погребен в храме во имя священномученика Климента. Перед смертью он просил святого Мефодия не оставлять учительства ради своего монашеского уединения. Святой Мефодий был посвящен в Риме в сан священника, а через некоторое время, по просьбе славянского князя, был возведен в сане архиепископа на возобновленную кафедру святого апостола Андроника в Сирмии. Поставление святителя Мефодия вызвало новую волну протестов среди франкского духовенства. В 870 году он был вызван на суд восточнофранкского короля Людовика Немецкого и епископата, где был обвинен во вторжении на территорию чужого диоцеза, а также в том, что он вводил византийскую систему постов и отвергал добавление «филиокве» в Символе веры. Он был осужден и пробыл два года в заключении. Военные успехи Великой Моравии в борьбе против франков и вмешательство Папы Римского были причинами освобождения святителя Мефодия. В 880 году святитель Мефодий был вынужден вновь прибыть на суд в Рим, но здесь ему было разрешено совершать богослужение на славянском языке. Деятельность святителя Мефодия и успех его проповеди среди славян получили признание в Константинополе, где он побывал незадолго до своей кончины, у императора Василия I и Патриарха Фотия. Несколько учеников были оставлены святым Мефодием в Константинополе для проповеди среди болгар Слова Божия.

Святитель Мефодий успешно завершил перевод Библейских книг на славянский язык. Он перевел также Номоканон и несколько святоотеческих творений. От Господа он был наделен даром пророчества. В житии святителя отмечается, как сбылись его пророчества князю Святополку о победе над язычниками, и пророчества другим князьям и членам дружины. Святому Мефодию было открыто свыше приближение его кончины. Избрав из своих учеников на учительство святого Горазда (память 27 июля) и совершив особую молитву о благословении императора, князя, духовенства и всех людей, он отошел к Богу 6 апреля 885 г. Осиротевшие ученики и множество жителей Моравии погребли святителя Мефодия в соборном храме в Велеграде (ныне на территории Чехословакии). После смерти святого Папа Римский Стефан V встал на сторону его противников: запретил богослужение на славянском языке, потребовал введения римско-католической системы постов и толкования Символа веры. Моравскому князю предписывалось изгнать из страны всех, не подчинившихся папскому решению. Из учеников святых равноапостольных Константина и Мефодия одни были проданы в рабство еврейским купцам, другие отданы в заключение, а затем высланы из страны. Господь, однако, не попустил погибнуть делу святых Кирилла и Мефодия. Их ученики святые Климент, Наум, Ангеларий (память 27 июля) встретили добрый прием у болгарского князя Бориса. Ученик святителя Мефодия Константин стал епископом Преславским (его считают автором службы святому Мефодию). Славянских священников, проданных в рабство, выкупил в Венеции посол императора Василия. В Болгарии ученики святого Мефодия продолжили деятельность по переписыванию и дальнейшим переводам церковных текстов на славянский язык. Деятельность святых Кирилла и Мефодия имела исключительно важное значение. Они дали славянам письменность, создали литературный язык, способный вместить все богатство веками складывавшегося греческого литературного языка и адекватно передавать смысл Священного Писания и святоотеческих творений. Святые равноапостольные Кирилл и Мефодий неизменно пользовались глубоким почитанием на Руси. Сказание об их трудах по созданию славянской письменности вошло в состав летописных сводов, служба святым и их жития переписывались вплоть до ХVII века и многократно издавались. В 1985 году отмечается 1000-летие со времени блаженной кончины святого равноапостольного Мефодия, учителя Словенского. Совместная память святых Кирилла и Мефодия 11 мая.

Стихи́ры, глас 2.

Подо́бен: Егда́ от Дре́ва:

Ста́ду и овца́м Христо́вым слове́сным,/ Евтихи́е блаже́нне,/ тебе́ жре́бий подаде́/ побо́рника непобеди́ма Це́рковь Бо́жия,/ злочести́ваго отгоня́ща Несто́рия от сея́,/ пресла́вную Бо́жию Ма́терь Чи́стую всу́е поху́лившаго,/ Сию́, глаго́люща, пои́стинне не бы́ти Богоро́дицу,/ его́же отри́нул еси́.

На траве́ ве́ры пра́выя/ и на воде́ и́стинныя му́дрости живы́я,/ и зла́це кра́сне пребы́ти твоему́ ста́ду,/ му́дре наста́вил еси́,/ в па́жить Богонасажде́нну,/ пи́щу нетле́ния, неотпа́дающую и неоскуде́ющу,/ уста́, износя́ща Боже́ственныя глаго́лы жи́зни ве́чныя/ и неразори́мо умышле́ние.

Коре́ние и те́рние посека́я учи́тельным твои́м серпо́м,/ ерети́ческая словеса́/ ра́лом твои́м сердца́ посека́л еси́ ме́рзостная,/ и се́ял еси́ Боже́ственных повеле́ний/ твое́ исправле́ние и правоту́,/ и, сия́ плодоно́сна показа́в,/ и́маши тала́нт твой сугу́б,/ и сего́ прино́сиши Влады́це твоему́.

Сла́ва, и ны́не, Богоро́дичен, подо́бен то́йже:

Ина́го держа́внаго прибе́жища/ и кре́пости, столпа́ и стены́ необори́мыя/ вои́стинну не стяжа́хом, ра́зве Тебе́, Пречи́стая./ К Тебе́ прибега́ем и Тебе́ вопие́м:/ Влады́чице, помози́, да не поги́бнем,/ покажи́ Твою́ благода́ть на ны,/ и кре́пости сла́ву,/ и милосе́рдия Твоего́ вели́чество.

Крестобогоро́дичен:

Дре́ву Кре́стному Тя, Иису́се,/ пригвожде́на зря́щи, Неискусобра́чная,/ пла́чущи, глаго́лаше:/ Ча́до сла́дкое,/ почто́ оста́вил еси́ Мене́, ро́ждшую Тя, еди́ну,/ Све́те непристу́пный Пребезнача́льнаго Отца́?/ Потщи́ся и просла́вися,/ я́ко да сла́ву получа́т Боже́ственную/ Боже́ственныя стра́сти Твоя́ сла́вящии.

Тропа́рь, глас 4:

Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ я́же веще́й и́стина,/ сего́ ра́ди стяжа́л еси́ смире́нием высо́кая,/ нището́ю бога́тая./ О́тче Евтихи́е,/ моли́ Христа́ Бо́га/ спасти́ся душа́м на́шим.

Кано́н, его́же краегране́сие: Чудоде́тельному Евтихи́ю удивля́юся. Творе́ние Феофа́ново. Глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу, побе́дную песнь пои́м, вопия́ше.

Доброде́тельми благополу́чествовав и просве́щся светолу́чными сия́ньми даро́в Бо́жиих,/ злополуче́ния изба́ви мя страсте́й моли́твами твои́ми, му́дре,/ я́ко да воспою́ тя.

Небосажде́нна розга́ во дво́рех Бо́жиих,/ прозя́бл еси́ гобзова́нныя плоды́ доброде́тельных дея́ний, вку́пе и чуде́с/ пои́стинне, блаже́нне Евтихи́е.

Ум влады́ку сотвори́в, страсте́й томи́тельство, преподо́бне, удержа́л еси́,/ те́мже, безстра́стия кри́лы возвы́сився,/ к са́мым Бо́жиим приве́лся еси́ селе́нием.

Богоро́дичен: Твоего́ прие́мше Соде́теля, я́ко Сам восхоте́,/ из безсе́меннаго Твоего́ чре́ва, па́че ума́ воплоща́ема, Чи́стая,/ тва́рей вои́стинну яви́лася еси́ Влады́чица.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Свята́го Ду́ха был еси́ храм, Богоно́се,/ тебе́ сама́го очи́стив от тиме́ния страсте́й прилежа́нием мно́гим,/ святи́телю сла́вне Евтихи́е.

Сын дне прича́стием све́тлости невеще́ственныя показа́лся еси́/ и све́том врачева́ний нело́жных/ мглу страсте́й отго́ниши вре́да, всеприснопа́мятне.

Сосца́ ссав изде́тска воздержа́ния,/ в ме́ру моли́твами непреста́нными во́зраста Христо́ва дости́гл еси́ вои́стинну,/ святи́телю сла́вне Евтихи́е.

Богоро́дичен: Боже́ственнаго рождества́ Твоего́, Чи́стая, вся́кий естества́ чин превосхо́дит чу́до:/ Бо́га бо преесте́ственне зачала́ еси́ во чре́ве/ и, ро́ждши, пребыва́еши Присноде́ва.

Седа́лен, глас 3:

Подо́бен: Боже́ственныя ве́ры:

Боже́ственною си́лою оде́явся, обнажи́л еси́ кре́пость льсти́ваго,/ чудоде́йствуя, Богоно́се, изря́дная./ Отгна́н же непра́ведно ста́да твоего́, па́ки возврати́лся еси́ в не,/ прославля́ем, о́тче преподо́бне:/ Христа́ Бо́га моли́ дарова́ти нам ве́лию ми́лость.

Сла́ва, и ны́не, Богоро́дичен.

Боже́ственная ски́ния была́ еси́ Сло́ва,/ еди́на Пречи́стая Ма́ти Де́во, чистото́ю А́нгелы превозше́дшая,/ па́че всех мене́, персть бы́вша, оскверне́на плотски́ми прегреше́ньми,/ очи́сти моли́тв Твои́х Боже́ственными вода́ми,/ подаю́щи, Чи́стая, ве́лию ми́лость.

Крестобогоро́дичен:

Нескве́рная А́гница Сло́ва, нетле́нная Де́ва Ма́ти,/ на Кресте́ зря́щи пове́шена из Нея́ без боле́зни прозя́бшаго,/ ма́терски подо́бно рыда́ющи, вопия́ше:/ увы́ Мне, Ча́до Мое́, ка́ко стра́ждеши во́лею,/ хотя́ изба́вити от страсте́й безче́стия челове́ка?

Песнь 4

Ирмо́с: Христо́с моя́ си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.

Заре́ю, всему́дре, Боже́ственныя благода́ти осиява́емь,/ вся́кое ерети́ческое мне́ние омрачи́л еси́/ и уясни́л еси́ люде́й правосла́вных собо́ры.

Не стужи́л еси́, за ве́ру гоне́ния терпя́,/ и́бо Того́ име́л еси́, спобора́юща тебе́,/ гони́маго Христа́, святи́телю всече́стне.

Возвы́сив, поста́ви на ка́мени Христо́с Своея́ и́стины/ твоея́ души́, блаже́нне, стопы́/ и запя́т враго́в вознесе́нная мудрова́ния.

Богоро́дичен: Яко вои́стинну невеща́нна и непости́жна Твоего́ боголе́пнаго, Богоро́дице, суть рождества́/ су́щим на земли́ и на Небеси́, Присноде́во, та́инства.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

До́блественне терпя́ разлуче́ние вруче́ннаго ти ста́да, о́тче,/ непра́ведно изгна́н был еси́;/ а́бие же к сему́ па́ки тече́ши ра́достно,/ вельми́ от всех восхваля́емый.

Не в гада́ниих зри́ши сла́ву,/ и́же возжела́л еси́ Бо́жию от младе́нства, блаже́нне Евтихи́е,/ лице́м же па́че ны́не к лицу́ разре́шшимся зерца́лом плотски́м, о́тче наш.

Вод Боже́ственных твоя́ душа́, о́тче, испо́лньшися,/ ре́ки Це́ркви вои́стинну источи́ уче́ний, му́дре Евтихи́е,/ и сея́ напая́еши, блаже́нне, бразды́.

Богоро́дичен: И́же Богоро́дицу Тя от души́, Влады́чице ми́ра Блага́я, испове́дающия спаса́й:/ Тя бо предста́тельство непобори́мое стяжа́хом,/ су́щую Богороди́тельницу.

Песнь 6

Ирмо́с: Жите́йское мо́ре,/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/ Многоми́лостиве.

В тебе́ всели́ся Тро́ица я́ко в чи́стом от страсте́й слия́ния/ и дарова́ний испо́лни вои́стинну, Богому́дре Евтихи́е,/ и́миже всяк неду́г отго́ниши при́сно.

Возвы́сился еси́, стяжа́в в се́рдцы твое́м нело́жне высокотво́рное смире́ние,/ и де́монския вся ко́зни до конца́ смири́л еси́,/ святи́телю Госпо́день пресла́вне.

Жите́йское мо́ре безво́лненне преше́д,/ к приста́нищем дости́гл еси́ Ца́рствия, о́тче, Небе́снаго,/ Бо́гу бре́мя души́ спасл еси́, досточу́дне.

Богоро́дичен: Пречи́стая Влады́чице, ро́ждшая челове́ком Ко́рмчию и Го́спода,/ страсте́й мои́х нестоя́нное и лю́тое утоли́ смуще́ние/ и тишину́ пода́ждь се́рдцу моему́.

Конда́к, глас 8:

Боже́ственнаго ве́рно Евтихи́я вси пою́ще, лю́дие,/ любо́вию да ублажи́м, я́ко па́стыря вели́ка и служи́теля,/ и учи́теля прему́дра, и прогони́теля ересе́й,/ мо́лит бо Го́спода о всех нас.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.

Снегови́дну, о́тче, ду́шу стяжа́в,/ доброде́телей бе́лостию уподо́бился еси́ А́нгелом./ Те́мже с ни́ми лику́еши и, ра́дуяся, вопие́ши:/ благослове́н еси́, Бо́же оте́ц на́ших.

Же́ртву я́ко непоро́чну,/ прине́сл еси́ тя сама́го от младе́нства, преподо́бне, Влады́це твоему́/ сласте́й умерщвле́нием я́ко вои́стинну./ Те́мже, ра́дуяся, вопие́ши:/ благослове́н еси́, Бо́же оте́ц на́ших.

То́ки твои́х слез, о́тче, угаси́ша о́гненное пале́ние плотски́х сласте́й/ и бы́ша исцеле́ний роса́ ве́рно зову́щим всегда́ Христу́:/ благослове́н е́си, Бо́же оте́ц на́ших.

Богоро́дичен: Тя, Всенепоро́чная и Ма́ти Присноде́во, позна́хом спасе́ние, челове́цы,/ и́бо в не́дрех Отца́ неразлу́чный Сын из Тебе́ воплоти́ся./ Те́мже Благослове́на еси́ в ро́ды родо́в.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти./ Тя превозно́сим во вся ве́ки.

Дрема́ние уны́ния оттря́с доброде́телей попече́нием, о́тче,/ бдел еси́, до́ндеже Бо́га Иа́ковля яви́лся еси́ селе́ние,/ Его́же превозно́сим во вся ве́ки.

Щито́м благоче́стия защища́яся, и, я́ко обоюдоо́стр меч, восприи́м повеле́ние честно́е,/ тве́рдо вся ссекл еси́ ерети́ческия полки́, Богому́дре.

Безкро́вныя же́ртвы Бо́гу прине́сл еси́,/ смире́нием се́рдца, о́тче Евтихи́е,/ же́ртвуя тебе́ ра́ди пожре́нному, я́ко овча́ти,/ Его́же превозно́сим во вся ве́ки.

Тро́ичен: Еди́но естество́ Тро́ицы,/ неисче́тную си́лу, превозше́дшую времена́ вся и естества́ по́мысл,/ при́сно правосла́вно пропове́даем и превозно́сим во вся ве́ки.

Богоро́дичен: В рождестве́ избежа́ла еси́ боле́зни, Чи́стая,/ и, ро́ждши, Де́ва па́ки пребыла́ еси́: вся бо твори́т Иису́с Бог и Челове́к,/ Его́же превозно́сим во вся ве́ки.

Песнь 9

Ирмо́с: Бо́га/ челове́ком невозмо́жно ви́дети,/ на Него́же не сме́ют чи́ни А́нгельстии взира́ти;/ Тобо́ю бо, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и Тя ублажа́ем.

Ма́лыми велича́йшая стяжа́в и тле́нными нетле́нная до́бре искупи́в,/ Ца́рство недви́жимое прия́л еси́, немимоходя́щую сла́ву получи́л еси́,/ доброде́телей твои́х добро́тами украша́емь.

Чи́сто житие́ твое́ соверши́л еси́/ и Чи́стыя Де́вы служи́тель яви́лся еси́, Евтихи́е,/ иера́рх Бо́жий и́стиннейший, столп правосла́вия, твердь ве́ры,/ стена́ лю́дей избра́нных, Богоблаже́нне.

Плотско́е мудрова́ние повину́л еси́ по́мыслу/ и, я́коже безпло́тен, во пло́ти на земли́ пожи́л еси́, Евтихи́е,/ те́мже со Безпло́тными Боже́ственными си́лами/ Влады́це всех и Бо́гу, ра́дуяся, предстои́щи.

Я́ко А́нгелом ны́не купножи́тель,/ патриа́рхом, му́чеником и преподо́бным равносе́льник,/ с ни́ми моли́ся Го́сподеви реше́ние грехо́в всем дарова́ти,/ свяще́нную твою́ на земли́ па́мять творя́щим, му́дре.

Богоро́дичен: Сы́на, безле́тно от Отца́ возсия́вшаго,/ Ты, во чре́ве несказа́нно заче́нши,/ родила́ еси́, Богома́ти Чи́стая, Де́во нескве́рная./ Моли́, Пресвята́я, о рабе́х Твои́х Того́, я́ко Человеколю́бца Бо́га,/ спасти́ род наш.

Святитель Евтихий, архиепископ Константинопольский, родился в селении, носившем название «Божественное», во Фригийской области. Его отец, Александр, был воином, а мать, Синесия,– дочерью священника августопольской церкви Исихия. Святой Евтихий получил первоначальное образование и христианское воспитание от своего деда-священника. Однажды во время детской игры мальчик написал свое имя с титулом Патриарха и этим как бы предуказал свое будущее служение. В возрасте 12-ти лет он был отправлен в Константинополь для получения дальнейшего образования. Юноша преуспел в изучении наук и понял, что человеческая мудрость – ничто пред учением Божественного Откровения. Он решил посвятить себя иноческой жизни. Святой Евтихий удалился в один из амасийских монастырей и принял в нем Ангельский чин. За свою строгую жизнь он был поставлен архимандритом всех амасийских монастырей, а в 552 году возведен на патриарший престол. Когда при святом благоверном царе Юстиниане (527–565) готовился созыв V Вселенского Собора, митрополит Амасийский был болен и отправил вместо себя святого Евтихия. В Константинополе престарелый Патриарх святой Мина (536–552; память 25 августа) увидел блаженного Евтихия и предсказал, что он будет после него Патриархом. После смерти святого Патриарха Мины апостол Петр явился в видении императору Юстиниану и, указав рукой на святого Евтихия, сказал: «Пусть он будет поставлен вам епископом». В начале патриаршего служения святого Евтихия был созван V Вселенский Собор (553), на котором отцы осудили возникшие ереси и предали их анафеме. Однако через несколько лет в Церкви возникла новая ересь, автортодокетов, то есть «нетленномнителей», которые учили, что плоть Христова прежде Крестной смерти и Воскресения была нетленной и не испытывала страданий. Святой Евтихий смело изобличил эту ересь, но император Юстиниан, сам склонившийся к ней, обрушил свой гнев на святителя. По приказу императора воины схватили святителя в храме, сорвали с него патриаршее облачение и отправили в ссылку в Амасийский монастырь (в 565 году). Святитель кротко переносил изгнание, пребывал в монастыре в посте и молитве и совершил много чудес и исцелений. Так, по его молитве у жены благочестивого мужа, Андрогина, прежде рождавшей на свет только мертвых младенцев, родились и достигли зрелого возраста два сына. Два глухонемых отрока получили дар речи; два ребенка, тяжело болевшие, выздоровели. Святитель исцелил раковую болезнь на руке художника. Другого художника святитель исцелил, помазав его больную руку елеем и сотворив над ней крестное знамение. Святитель исцелял не только телесные, но и душевные болезни: изгнал из отроковицы беса, не допускавшего ее ко Святому Причащению; изгнал беса из юноши, убежавшего из монастыря (после этого юноша вернулся в свою обитель); исцелил прокаженного-пьяницу, который, очистившись от проказы, перестал пить. Во время нападения персов на Амасию и всеобщего разорения жителей по указанию святителя из монастырских житниц давали зерно голодающим, причем запасы зерна в обители по его молитвам не оскудевали. Святитель Евтихий получил от Бога дар пророчества; так, он указал имена двух императоров-преемников Юстиниана – Иустина (565–578) и Тиверия (578–582). После смерти святого патриарха Иоанна Схоластика святой Евтихий в 577 году вернулся на кафедру из 12-летнего изгнания и снова стал мудро управлять своей паствой. Через четыре с половиной года святитель Евтихий в Фомино воскресенье 582 года собрал весь клир, преподал благословение и с миром отошел ко Господу.