16-й день

Свята́го му́ченика Памфи́ла и и́же с ним

На Го́споди, воззва́х: стихи́ры, глас 1.

Подо́бен: Небе́сных чино́в:

Памфи́л, Селевки́й, вку́пе/ со Уа́лентом и с Па́влом ве́рою,/ Порфи́рий же и Феодул, с сйми Иулиан/ и пяточи́сленное собра́ние египтя́н/ да пое́тся пе́сненно,/ я́коже цевни́ца дванадеся́тна.

Светло́ в ве́ре Христове, Памфи́ле сла́вне,/ и Боже́ственною сла́вою возне́сся,/ Кесари́и яви́лся еси́ благоукраше́ние,/ святи́тель в ней прелюбе́зен тезоимени́тству быв,/ и страда́лец всече́стен,/ и му́ченик ве́рен.

Полк собра́л еси́, Памфи́ле держа́вне,/ страда́лец до́блих двана́десять число́м,/ Боже́ственно во́инство я́вльшеся,/ и́мже враги́ побе́ждше,/ взя́ти бы́сте пестрообра́зно ко Го́споду,/ муче́нием сконча́вшеся.

Сла́ва, и ны́не, Богоро́дичен, глас 1.

Подо́бен то́йже:

Же́злом Твоего́ предста́тельства, Богороди́тельнице Чи́стая,/ звери́ныя стра́сти окая́нныя мое́й души́ отженй у́бо,/ ми́рно к жи́зни мя направля́ющи,/ и свято́му мя ста́ду и́збранных Твои́х ове́ц причти́.

Крестобогоро́дичен.

Подо́бен то́йже:

Воздви́жена я́ко ви́де на Кресте́ А́гнца/ Непоро́чная Де́ва, пла́чущи, вопияше:/ сла́дкое Мое́ Ча́до,/ что но́вое и пресла́вное виде́ние?/ ка́ко, содержа́й вся́ческая го́рстию,/ на Дре́ве пригвожда́ешися пло́тию?

Кано́н, его́же краегране́сие:

Собо́р дванадесяточи́сленный страстоте́рпцев воспою́.

Творе́ние Феофа́ново. Глас 4.

Песнь 1

Ирмо́с: Мо́ря чермну́ю пучи́ву/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Си́лою Всесвята́го Ду́ха дванадесяточи́сленный собра́вся полк,/ кре́пко злочести́вых безбо́жное и лука́вое ополче́ние/ я́ко победоно́сец победи́.

Посрами́ся, страстоте́рпцем му́чеником враг прираз́вся,/ свой бо тул20 льсти́вый испраздни́в горча́йше,/ низложи́ти не возмо́же до́блейших кре́пости.

Гнев е́ллинскаго шата́ния попра́сте Боже́ственным ра́зумом му́ченицы Христо́вы/ и му́дростию укра́шени,/ е́йже проти́витися не возмого́ша благоче́стию проти́вницы.

Богоро́дичен: О́блак, Пра́вды Со́лнце нам возсиявшую,/ О́тча Сы́на Единоро́днаго, Богоро́дице Всепе́тая,/ всеблагоче́стно сла́вяще, вы́ну Тя блажи́м.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Просия́л еси́ благоче́стно де́лом, и сло́вом, и че́стным пома́занием,/ му́чениче Христо́в Памфи́ле,/ свяще́нства, Богому́дре.

Я́коже цевни́ца всеблаголе́пна, испове́данием устро́ена,/ пою́щи веща́ния,/ Христо́вы му́ченицы со́брани бы́сте.

Теку́ще к ра́зуму Небе́снаго и честна́го зва́ния,/ я́ко победи́телие вене́ц от Влады́ки прия́сте.

Богоро́дичен: Вселися́ в ны в Вы́шних живы́й, Пречи́стая, вы́ше естества́,/ плоть бо из Тебе́ прие́м, облече́ся.

Седа́лен, глас 4.

Подо́бен: Удиви́ся Ио́сиф:

Дванадеся́тный лик Боже́ственных му́ченик,/ вои́стинну проти́ву мучи́телей враго́в ополчи́вся тве́рдо,/ сих ору́жии ве́ры победи́/ и, ве́нцем от Бо́га оде́явся, А́нгельским же ли́ком причте́ся./ С ни́миже мо́лит всегда́/ изба́витися от напа́стей же, и скорбе́й, и ве́чных мук/ того́ блажа́щим.

Сла́ва, и ны́не, Богоро́дичен:

Удиви́ся Ио́сиф/ е́же па́че естества́ зря, и внима́ше мыслию, и́же на руно́ дождь,/ в безсе́менном зача́тии Твое́м, Богоро́дице, купину́, огне́м неопали́мую,/ жезл Ааро́нов прозя́бший,/ и, свиде́тельствуя, обру́чник Твой и храни́тель свяще́нником взыва́ше:/ Де́ва ражда́ет, и по Рождестве́ па́ки Де́ва пребыва́ет.

Крестобогоро́дичен:

Де́ва и А́гница, ви́девши на Кресте́ без семе́не из Не́я А́гнца ро́ждшагося/ и ко́пией прободе́на,/ печа́ли уя́звена стре́лами, вопия́ше, боле́зненно восклица́ющи:/ что но́вое та́инство?/ ка́ко умира́еши, И́же живота́ Еди́н Госпо́дь?/ Темже воскре́сни, па́дшаго воздвиза́я пра́отца.

Песнь 4

Ирмо́с: Вознесена́ Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди,

Укра́шено Боже́ственными апо́стол и проро́к дарова́ньми,/ ликостоя́ние яви́ся му́ченик Твои́х,/ сих равночи́сленно, Влады́ко, я́влынееся промышле́нием Твои́м.

От разли́чных собра́вшеся жи́тельств,/ я́ко вмале всеце́л о́браз Це́ркве/ спаса́ти сподо́бистеся, согла́сно зову́ще:/ сла́ва си́ле Твое́й, Го́споди.

Направля́емь дла́нию Влады́ки,/ и́же Того́ ра́ди во́льную смерть подъя́т/ собо́р прехва́льный мучени́ков, взыва́юще:/ сла́ва си́ле Твое́й, Го́споди.

Богоро́дичен: Богоглаго́ланьми оглаша́еми, Богоро́дице, и́же о Тебе́,/ и ви́дяще сих сбы́тия, ра́дуйся, – Тебе́ вопием, – Де́во Всенепоро́чная,/ изба́вленнии Рождество́м Твои́м.

Песнь 5

Ирмо́с: Ты, Го́споди, мой свет/ в мир прише́л еси́,/ Свет Святы́й, обраща́ли из мрачна́ неве́дения/ ве́рою воспева́ющия Тя.

Не терпя́ су́щим на земли́ послужйти, о Памфи́ле,/ Боже́ственное житие́, е́же от младе́нства име́яше,/ страда́нием уясни́л еси́,

Боже́ственною седино́ю и му́дростию укра́шен,/ ко гра́ду свято́му устреми́вся Уа́л,/ я́ко му́ченик венча́ся.

Ум име́я Христо́в,/ я́ко Па́влу тезоимени́т прехвальне,/ му́ченическим ве́нцем, зако́нно пострада́в, укра́сился еси́.

Богорбдичен: Испра́вила еси́, Богоро́дице Чиста́я, Е́вино поползнове́ние,/ ро́ждши Бо́га Слова,/ низве́рженных паде́ний испра́вльшаго.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопиет Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кше́ю Кро́вию.

Наде́ждами ве́чныя жи́зни утвержда́еми,/ теле́с раздробле́ния, ра́дующеея, терпя́ху до́блии,/ Боже́ственных проро́к Твои́х, Спа́се, купноиме́ннии.

Сме́ртию жизнь лу́чшую купи́ша,/ Самуи́л и Илия́, Дании́л и Боже́ственный Иереми́я,/ и к сим Исаи́я великоимени́тый.

Свети́льники светлы́ Бо́гу ны́не Еги́пет возсиява́ет,/ и́же дре́вле глубо́кою тьмо́ю покрыва́емый неве́дения,/ Богоразу́мия све́том обогати́вся.

Богоро́дичен: Го́ру Тя Дании́л зряще, Всенепорочная,/ из нея́же отсечеся ка́мень, еокрушйвый вся́кий пре́лести о́браз/ и испо́лнив Богоразумия вся концы́.

Конда́к, глас 4.

Подо́бен: Вознесы́йся:

Муче́нием стра́шным предлежа́щим/ Госпо́дни страда́льцы до́блии/ в небоя́зненном ра́дующеся мудрова́нии,/ сим собесе́доваша, о пло́ти неради́вше,/ темже насле́дствоваша ве́чнующую сла́ву,/ о нас моля́щеся при́сно,/ восхваля́ющих их по́двиги.

Песнь 7

Ирмо́с: В пе́щи Авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твое́й, Го́споди.

Све́тлым лице́м и ума́ чистото́ю, му́чениче, предзря́ бу́дущую ра́дость,/ му́ки преоби́дел еси́, стру́жемь неми́лостивно,/ всеблаже́нне Порфи́рие.

Ю́ноши три в пещи́ спасы́й Бог,/ Сей, страстоте́рпче блаже́нне, тя, Его́ ра́ди во огни́ жего́ма, я́ве прие́млет,/ благово́нну же́ртву, Порфи́рие.

Кре́постию души́ твое́й укра́шен и телесе́,/ всю мучи́теля, Селевки́е, кре́пость низложи́л еси́, всехва́льне,/ благослове́н еси́, Бо́же мой, зовы́й, и Го́споди.

Богоро́дичен: Я́ко, Богоро́дице, красне́йшаго всея тва́ри родила́ еси́,/ Бо́жие бо была́ еси́ и́стинно оби́телище всесвято́е:/ благослове́на Ты в жена́х, Всенепоро́чная Влады́чице.

Песнь 8

Ирмо́с: Руце́ распросте́р, Дании́л/ львов зия́ния в ро́ве затче́:/ о́гненную же си́лу утаси́ша,/ доброде́телию препоя́савшеся,/ благоче́стия рачи́тели отроцы, взывающе:/ благослови́те, вся дела́ Госпо́дня, Го́спода.

Зако́ном ты повину́яся Христо́вым, отве́ргл еси́ вся,/ всему́дре Селевки́е,/ я́ко во́ин же был еси́ и благоче́стия учи́тель,/ о сиро́тах и вдо́вах попече́ние име́я и взыва́я:/ благослови́те, вся дела́ Госпо́дня, Го́спода.

Заре́ю сия́я мы́сленною, ста́рче сла́вный и му́чениче Феоду́ле,/ и раб и́скренний был еси́ Влады́це, подо́бяся,/ Его́же Крест жела́я, ра́дуяся, претерпе́л еси́:/ благослови́те, поя́, вся дела́ Госпо́дня, Го́спода.

Храм яви́вся, Иулиа́не, Боже́ственнаго Ду́ха, нра́вов бла́гостию украси́лся еси́,/ испо́лнь у́бо благогове́ния и све́тлости,/ испо́лнь же ве́ры яви́вся, сожига́емь весь,/ благослови́те, вопия́, вся дела́ Госпо́дня, Го́спода.

Богоро́дичен: Безма́терне Сло́во, из Отца́ Сый, пе́рвее,/ безо́тчее же бысть из Тебе́, второ́е, Всечи́стая,/ вопло́бщься пе́рвее Безпло́тный, за милосе́рдие восхоте́в спасти́ пою́щия:/ благослови́те, вся дела́ Госпо́дня, Го́спода.

Песнь 9

Ирмо́с: Ка́мень нерукосе́чный/ от несеко́мыя горы́ Тебе́, Де́во,/ краеуго́льный отсече́ся,/ Христос, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Еди́ну Небе́сную име́ти жизнь жела́юще, страстоте́рпцы,/ привре́менную и тле́нную велему́дренно преоби́десте/ и ны́не сла́дости лу́чшия и блаже́нный наслажда́етеся.

Внутрь ны́не Боже́ственнаго ра́я лику́ете усе́рдно,/ озаре́ний Исто́чнику предстоя́ще, му́ченицы славнии,/ от Него́же почерпа́юще, заря́ми просвеща́етеся.

Всех ве́рою творя́щих пресве́тлую твою́ па́мять, дванадеся́тный ли́че,/ ны́не помина́я ко Влады́це Христу́,/ с тобо́ю жили́ща сподо́битися помоли́ся.

Богоро́дичен: Я́ко Ма́ти Еди́наго Влады́ки, всех тва́рей превы́шши была́ еси́, Де́во Мари́е./ Те́мже, ве́рнии, Тя вси, Всенепоро́чная,/ ны́не ра́дующеся и веселя́щеся, велича́ем.

Святые 12 мучеников – Панфил пресвитер, Валент (Уалент) диакон, Павел, Порфирий, Селевкий, Феодул, Иулиан, Самуил, Илия, Даниил, Иеремия, Исайя

Святые 12 мучеников – Панфил пресвитер, Валент (Уалент) диакон, Павел, Порфирий, Селевкий, Феодул, Иулиан, Самуил, Илия, Даниил, Иеремия, Исайя пострадали во время гонения на христиан, воздвигнутого императором Диоклетианом в 308–309 годах в Кесарии Палестинской. Святой мученик Памфил, уроженец города Берита (Бейрут), получил образование в Александрии, после чего был поставлен пресвитером в Кесарии. Он много потрудился над сличением и исправлением текстов Нового Заве та, поврежденных переписчиками. Исправленные тексты святой Памфил переписывал и рассылал христианам и желавшим их иметь язычникам. Таким образом многие из них были обращены ко Христу. Его трудами и заботами в Кесарии была собрана обширная библиотека духовных книг, служившая христианскому просвещению. Блаженный Иероним Стридонский (†420; память 15 мая) очень чтил святого Памфила и считал себя счастливым, что нашел и хранил у себя некоторые его рукописи. Святому Памфилу в благовестии веры Христовой деятельно помогали святой Валент, диакон Елийской церкви, человек преклонного возраста, прекрасно знавший Священное Писание, и святой Павел, горевший верою и любовью ко Христу Спасителю. Все трое были подвергнуты мучениям от префекта Кесарии Палестинской Урбана и заключены в темницу.

По прошествии двух лет Урбана сменил Фирмилиан. В его правление в Египте были осуждены 130 христиан и отправлены в Киликию (Малая Азия) на золотоносные рудники. Их провожали до места изгнания пять юношей-братьев. На обратном пути в Египет они были задержаны в Кесарии и за исповедание Христа брошены в темницу. Юношей привели на суд к Фирмилиану вместе с заключенными ранее святыми Памфилом, Валентом и Павлом. Когда у обвиняемых спросили их имена, они назвали себя именами ветхозаветных пророков – Илией, Иеремией, Исайей, Самуилом и Даниилом, ибо отреклись от своих прежних языческих имен. Когда их спросили об их отечестве, юноши отвечали, что они граждане Иерусалима, разумея под этим Небесный Иерусалим. Фирмилиан ничего не знал о городе с таким названием, так как на месте Иерусалима, разрушенного императором Титом в 70 году, был построен императором Адрианом (117–138) город, именуемый в то время Елий Адриан. Фирмилиан долго мучил юношей, пытаясь узнать месторасположение неведомого города и склонить юношей к вероотступничеству. Ничего не добившись, правитель предал их усечению мечом вместе со святыми Памфилом, Валентом и Павлом.

Еще раньше их пострадал слуга святого Памфила – 18-летний кроткий и смиренный юноша Порфирий. Услышав о вынесенном мученикам смертном приговоре, он просил дозволения погрести тела святых после казни, за что был умерщвлен и предан сожжению на костре. Благочестивый человек, именем Селевкий, видевший кончину святого Порфирия, пошел к святому Памфилу и рассказал ему о ней. Тогда воины схватили святого Селевкия и, получив на это приказание Фирмилиана, усекли его мечом вместе со святыми мучениками Памфилом, Валентом и Павлом.

Один из слуг префекта, Феодул, человек преклонного возраста и тайный христианин, поцеловал святых мучеников, которых вели на казнь, и просил помолиться о нем. Об этом донесли Фирмилиану, и он приказал распять Феодула на кресте.

Еще одним мучеником стал святой Иулиан, родом каппадокиец. Подходя к Кесарии, он увидел тела святых, брошенные без погребения на съедение зверям. Тогда Иулиан, преклонив колена, облобызал тела страдальцев. Стоявшие в стороне воины схватили его, повели к правителю, который осудил святого мученика Иулиана на сожжение. Тела всех 12-ти мучеников пребывали без погребения в течение четырех дней. Но ни звери, ни птицы не коснулись их. Смущенные этим обстоятельством, язычники позволили христианам забрать тела мучеников и предать погребению.

* * *

20

Тул. Колчан, влагалище для стрел.



Источник: Минея служебная, месяц февраль. - Москва : Издательский Совет Русской Православной Церкви. 2002. – 812 с. ISBN 5-94625-043-4

Комментарии для сайта Cackle