14-й день

Свята́го равноапо́стольнаго Кири́лла Фило́софа,

Учи́теля Слове́нскому язы́ку

НА ВЕЧЕ́РНИ

На Го́споди, воззва́х: пое́м стихи́ры, глас 4.

Подо́бен: Дал еси́ зна́мение:

Красоту́ пресве́тлую, доброде́тель име́я, о́тче,/ весь мир проте́кл еси́,/ я́ко пчела́ Богоразу́мия ме́д пречи́стый в сердца́ влага́я/ ве́рующим во Еди́наго Христа́, на зе́млю прише́дшаго/ и обожи́вшаго челове́ки за ми́лость безчи́сленную и мно́гое снизхождение.

Кро́ток му́дростию,/ Бо́жия любве́ испо́лнен,/ правове́рными уче́нии преукра́шен, Кири́лле блаже́нне,/ гра́ды же и страны́ уловля́я Бо́гом, блаже́нне,/ прои́де просвеща́я благода́тию не у спаси́тельное прие́мш разуме́ние,/ сего́ ра́ди тя чтим святы́ми пе́снми.

Житие́ твое́ без поро́ка/ и живо́т достохва́лен/ и смерть же честна́ пред Бо́гом бы́сть вся́ческим,/ Ему́же в ру́це, о́тче, ду́шу предаде́/ просветле́нну исправле́нием./ Те́мже тя мо́лим/ о нас к Нему́ помоли́ся/ обрести́ ми́лость ве́рно хва́лящим тя.

Сла́ва, и ны́не, Богоро́дичен.

На стихо́вне стихи́ры свято́му, глас 8:

Чи́стая духо́вная святы́х па́мять,/ все́льшися в чи́сте се́рдцы твое́м,/ всеблаже́нне Кири́лле, преподо́бне о́тче,/ и ду́ховом лука́вым стра́шна тя прогони́теля пока́за,/ но и сокрове́нным неду́гом врача́./ Те́мже, дерзнове́ние име́я к Человеколю́бцу Бо́гу, неосла́бно моли́ся/ и от душе́вныя нас скве́рны и теле́сныя свободи́.

Сла́ва, и ны́не, Богоро́дичен.

По Ны́не отпуща́еши: тропа́рь, глас 4:

От пеле́н приле́жно Прему́дрость сестру́ себе́ сотвори́в, Богогла́се,/ пресве́тлую ви́дев, я́ко деви́цу чи́сту,/ ю́же прие́мь, приведе́,/ я́ко мони́сты златы́ми, се́ю укра́сив свою́ ду́шу и ум,/ и обре́теся я́ко други́й Кири́лл, блаже́нне,/ ра́зумом и и́менем, му́дре.

НА У́ТРЕНИ

На Бог Госпо́дь: тропа́рь свято́му два́жды.

Сла́ва и ны́не, Богоро́дичен.

По 1-м стихосло́вии седа́лен, глас 1.

Подо́бен: Лик А́нгельский:

Бо́жиими мольба́ми просвети́в се́рдце твое́,/ просветова́ ду́шу Богодохнове́нными уче́нии,/ и ны́не же прии́де на Све́т Невече́рний./ Тем днесь светоно́сную па́мять твою́ пра́зднуем весе́лием се́рдца, пресла́вне Кири́лле.

По 2-м стихосло́вии седа́лен в Окто́ихе.

На полиеле́и велича́ние:

Велича́ем тя,/ святы́й равноапо́стольный Кири́лле,/ вся Слове́нския стра́ны уче́ньми свои́ми просвети́вшаго/ и ко Христу́ приве́дшаго.

По полиеле́и седа́лен, глас 4:

Прииди́те, просвети́теля на́шего велегла́сно хвала́ми почти́м:/ той бо язы́ки Слове́нския, гла́дом сло́ва Бо́жия погиба́вшия,/ ма́нною уче́ния Богому́драго напита́,/ и преложе́нием благове́стия сы́на Громо́ва на сро́дную им бесе́ду,/ я́ко луче́ю со́лнечною просвети́,/ от нея́же и мы озаре́ние прие́мше, благода́рственно воззове́м:/ ра́дуйся, Кири́лле присносла́вный.

Сла́ва, и ны́не, Богоро́дичен.

Степе́нна, 1-й антифо́н 4-го гла́са. Проки́мен, глас 4: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Стих: Услы́шите сия́ вси язы́цы, внуши́те вси, живу́щии по вселе́нней. Вся́кое дыха́ние: Ева́нгелие святи́тельское.

По 50-м псалме́ стихи́ра, глас 6:

Апо́столом единонра́вныя,/ иера́рхов удобре́ние,/ язы́ков Слове́нских просвети́тели и те́плыя засту́пники,/ прииди́те, празднолю́бцы,/ похва́льными пе́нии воспое́м, глаго́люще:/ ра́дуйся, Кири́лле,/ Богосло́вия трубо́ златокова́нная,/ та́инство Святы́я Тро́ицы подо́бием со́лнечным уясни́вый,/ и тем злоху́льная уста́ Агаря́нская загради́вый;/ ра́дуйся и ты с ним, Мефо́дие,/ единому́дренно подвиза́выйся,/ моли́твами и зна́мении тому́ споспе́шествуя,/ и ны́не, отцы́ всеблаже́ннии,/ не преста́йте моля́щеся о нас Христу́ Бо́гу,/ ве́рою и любо́вию вас велича́ющих.

Кано́н в Окто́ихе и свято́му, глас 4.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

К ча́ши прему́дрости Боже́ственная твоя́ уста́ приложи́в,/ напита́ся спаси́тельнаго пития́,/ ра́зумом свет явля́я язы́ком,/ и секи́ра, посека́ющая неприя́зненну вся́ку лесть.

Просвети́в тя, я́ко свети́ло,/ Светода́вец Христо́с Бог наш всему́ ми́рови яви́ тя учи́теля/ и посла́ учи́ти те́мныя Кни́гами Законоу́чными язы́ки за́падныя.

Святы́й Дух от пучи́ны извлече́ Бо́жиим сло́вом/ всему́ ми́ру учи́теля благове́рия, му́дре, драги́й би́сер,/ Бо́жия зако́на Кни́гами, блаже́нне, язы́ки освяти́.

Богоро́дичен: Кра́сный ум преиме́ Небе́сным си́лам,/ Бо́жий бо Твой бысть храм душе́вный,/ егда́ во чре́ве понесла́ еси́ Бо́га на́шего Де́ва, горо́ пресвята́я.

Песнь 3

Ирмо́с: С высоты́ снизше́л еси́ во́лею/ на зе́млю/ превы́шше вся́каго нача́ла,/ и смире́нное возне́сл еси́ из а́да преиспо́дняго/ естество́ челове́ческое:/ несть бо свят, па́че Тебе́, Человеколю́бче.

Сло́вом и се́рдцем и язы́ком Христа́, Сы́на Божия, пропове́да,/ прему́дрость же и си́лу и Сло́во вопло́щшееся, блаже́нне,/ струя́ми при́точными посрами́в триязы́чники.

Цевни́ца при́точна свя́та вои́стинну яви́ся, блаже́нне Кири́лле,/ глас нам спасе́ния святы́м зву́ком духо́вным бряца́я прекра́сно,/ лесть прогна́л еси́.

О у́ме о́гненный, о доброгла́сна трубо́,/ о сла́вию19 песни́вый, о ла́стовице златоглаго́ливая,/ о язы́че сла́ждший ме́да в при́тчах,/ Кири́лле прему́дре, всех нас помяни́.

Богоро́дичен: Сове́том О́тчим Безнача́льный Сын/ я́ко Сло́во в ложесна́ Твоя́ осене́нием Свята́го Ду́ха, Богоро́дице, всели́ся/ и пло́тию роди́ся из Тебе́, спаса́я ду́ши на́ша.

Седа́лен, глас 8.

Подо́бен: Прему́дрости:

Я́ко заря́, просвети́в всю зе́млю,/ еретики́ го́ниши, взыска́я на восто́це и за́паде и се́вере и ю́зе:/ триязы́чники исправля́еши, пропове́дая страна́м,/ язы́ки свои́ми им глаго́ля и Кни́ги предая́./ Ри́ма же доше́д, ту те́ло свое́ положи́, блаженне,/ в ру́це Госпо́дни ду́шу свою́ преда́в:/ благове́рия учи́телю, моли́ Христа́ Бо́га грехо́в оставле́ние пода́ти/ чту́щим любо́вию святу́ю твою́ па́мять.

Песнь 4

Ирмо́с: Седя́й в сла́ве на престо́ле Божества́/ во о́блаце ле́гце,/ прии́де Иису́с Пребоже́ственный,/ Нетле́нною Дла́нию, и спасе́ зову́щия:/ сла́ва, Христе́, си́ле Твое́й.

Други́й Авраа́м преселе́нием, блаже́нне, был еси́ от оте́чества,/ жела́нием Прему́дрости бо́льшия, я́ко златы́ми мони́сты украси́лся еси́,/ луча́ми пресве́тлыми зело́ облиста́яся.

Копие́м слове́с твои́х я́ко За́мврия пронзи́л еси́,/ Мадиа́нстей е́реси приложи́вшася го́рько,/ теле́снаго о́браза отмета́ющихся яви́вшагося во пло́ти Иису́са.

Равносу́щную пропове́дал еси́ Свята́го Ду́ха си́лу Отцу́ и Сы́ну Трисо́лнечнаго Све́та,/ И́мже Бо́жии быва́ем по пода́нию сы́нове Све́ту и и́стии насле́дницы.

Богоро́дичен: Изба́вльшеся пе́рваго осужде́ния Ада́мова Тобо́ю, Деви́це,/ обрето́хом ра́дость неизглаго́ланную,/ благослове́ние бо всем родила́ еси́, Сы́на Бо́жия в наш о́браз.

Песнь 5

Ирмо́с: Ны́не возста́ну,– проро́чески рече́ Бог,/ ны́не просла́влюся, ны́не вознесу́ся,/ па́дшаго прие́м от Де́вы,/ и к Све́ту У́мному вознося́й Моего́ Божества́.

Ма́стию свое́ю укра́сившуся тебе́, блаже́нне, до́бре,/ благода́ть излия́ся во устна́х твои́х, духовному́дре,/ и нече́ствующих глубину́ изсуши́ наводне́ну словесы́ твои́ми.

Стоя́ше кре́пко, посо́бствуя по ве́ре, му́дре,/ льсти претыка́ния посека́я сло́вом твои́м,/ равня́я ве́рным Боже́ственную стезю́,/ наставля́я во град Христо́в послу́шливыя.

Преплыва́юще ди́вно бе́здну твои́м сло́вом и при́тчами,/ Кири́лле блаже́нне,/ от зимы́ мра́зныя благо́ю ве́рою в тишину́ Вы́шних оби́телей вшел еси́.

Богоро́дичен: Спаса́я челове́ки, Отце́ви ра́вен Сын Челове́к быва́ет:/ из Тебе́, Пречи́стая, плоть прие́м и земна́я Бо́гови сотвори́в/ и Небе́сному Ца́рствию челове́ки соде́лал есть.

Песнь 6

Ирмо́с: Приидо́х в глубины́ морски́я,/ и потопи́ла мя есть бу́ря мно́гих грехо́в:/ но я́ко Бог из глубины́ возведи́ живо́т мой,/ Многоми́лостиве.

Сонм мертви́тся, приложи́вшся Агаря́ном,/ я́ко зми́и, живу́щим,/ в при́тчах твои́х Трисо́лнечнаго и Еди́наго Божества́ си́лою у́бо изнемога́я.

Я́ко и́збра́нна стрела́ яви́ся еретико́м враго́м,/ я́тая в те́ле святе́м, я́коже проро́чески пи́шется,/ храня́щаяся Божество́м и состреля́ющая враги́.

Возлюби́в из млада́ Прему́дрость,/ сестру́ себе́ прия́л ю еси́/ и, умудри́вся Бо́гом, блаже́нне, яви́лся еси́ фило́соф.

Богоро́дичен: Иезекии́ль Тя врата́ ви́де,/ и́миже про́йде Еди́н Бог Вы́шний,/ ложесна́ свята́я Твоя́ проше́д пло́тию, Пречи́стая,/ и не отве́рста оста́вил есть их.

Конда́к, глас 2.

Подо́бен: Тве́рдыя и Богогла́сныя:

Тве́рдым и Богодохнове́нным уче́нием/ просвеща́я мир пресве́тлыми заря́ми,/ обтече́, я́ко мо́лния вселе́нную, Кири́лле блаже́нне,/ разсева́я пресве́тлое Бо́жие сло́во,/ на за́паде, и се́вере, и ю́зе, мир просвеща́я чудесы́.

И́кос:

Пресве́тлое житие́ возлюби́в, му́дре,/ заря́ми Трисо́лнечнаго Божества́ освеще́н,/ прои́де, я́ко мо́лния, вселе́нную,/ се́верную и ю́жную просвети́в страну́,/ за́падным же свет незаходи́м возсия./ Те́мже и мне, мрак грехо́вный прогна́в, блаже́нне,/ свы́ше испроси́ посла́ти благода́ть духо́вную:/ и́маши бо дерзнове́ние к Бо́гу непреста́нно моли́тися за вся.

Лю́дие: Мир просвеща́я чудесы́.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но о́гненное преще́ние му́жески попра́вше,/ ра́довахуся пою́ще:/ препе́тый отце́в Госпо́дь и Бог благослове́н еси́.

Слове́сными пища́льми, блаже́нне,/ призыва́я о́вцы в огра́ды святы́я,/ му́дрыми при́тчами, красото́ю и сла́стию слове́с твои́х.

Не устраши́ся, учи́телю, во́ински еди́н вни́ти в полк жидо́вский,/ всех же наро́д их столп му́дростию разве́рзе,/ я́ко и Он Ханаа́нский проро́ческими при́тчами.

Тебе́ дарова́ исто́чника знамена́на всем пра́вей ве́ре, блаже́нне,/ воды́ сладото́чныя напая́юща всегда́ сы́ны благове́рия/ и исполня́юща, я́ко реку́, тече́нием Це́рковь Госпо́дню.

Богоро́дичен: Небе́с ши́ршую соде́я Бог, Браконеиску́сная,/ в ложесна́ Твоя́ всели́вся, Пречи́стая,/ те́мже молю́ Ти ся стужа́юща мя прегреше́ния/ изба́ви широто́ю покая́ния моего́.

Песнь 8

Ирмо́с: О́троки благочести́выя в пещи́,/ Рождество́ Богоро́дичо спасло́ есть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.

К Све́ту преложи́вся, свет яви́ся вня́тию е́же от Бо́га, о фило́софе,/ ин бо обре́теся Па́вел доброде́тельми, прете́к всю зе́млю в язы́цех,/ со́лнца светле́е сия́я, сло́вом уче́ния твоего́ вопия́:/ Го́спода по́йте, дела́, и превозноси́те Его́ во вся ве́ки.

Я́коже прето́ржеся сонм евре́йский острото́ю слове́с твои́х, блаже́нне,/ в гра́дех Се́верских в Коза́рех приложи́ся к тебе́./ Ты бо мно́жество посече́, учи́телю святы́й,/ я́ко Голиа́фа Дави́д, в пога́нех.

Вели́ка тя опло́та и твердь земля́ Панно́нская иму́щи, блаже́нне,/ заблужде́ния ерети́ческая ру́шит Кни́гами и триязы́чников, кре́пко науче́на тобо́ю,/ те́мже тя, учи́теля му́драго, помина́юще при́сно, Христа́ прославля́ем.

Богоро́дичен: Кни́гами уче́ний святы́х проро́к, Де́во,/ Богоро́дицу Тя ве́рою пропове́даем,/ Ты бо роди́ Отроча́, Ве́тхаго де́ньми, я́ко но́ва Челове́ка,/ те́мже Тя, Пресвята́я, пое́м и превозно́сим.

Песнь 9

Ирмо́с: Е́ва у́бо неду́гом преслуша́ния/ кля́тву всели́ла есть:/ Ты же, Де́во Богоро́дице,/ прозябе́нием чревоноше́ния ми́рови благослове́ние процвела́ еси́,/ тем Тя вси велича́ем.

Я́ко свети́ло, тя че́стно Христо́с возложи́,/ бле́щущася в конца́х, му́дре, в венци́ церко́внем,/ Его́же ра́ди до сме́рти подвиза́ся,/ умножа́я ве́рных воспита́ние ра́зумом и гове́нием.

Па́влу Боже́ственному учени́к был еси́,/ его́же де́тели после́дуя,/ про́йде до край за́падных, сло́во разсева́я в язы́цех (в Као́не),/ и в Ри́ме дух свой в ру́це Бо́гу своему́ предаде́.

Я́ко со́лнце на земли́ возсия́, учи́телю,/ всю́ду при́тчами, луча́ми Богогла́сия, просвеща́я,/ пою́щия тя ве́рою и о ра́це стоя́щих твоего́ те́ла,/ помяни́, блаже́нне, своя́ ученики́.

Богоро́дичен: Луча́ми Твоего́ све́та, Пречи́стая,/ ду́шу мою́ ны́не просвети́/ лежа́щу в ро́ве ги́бельнем,/ воздви́гни, враги́ сокруша́ющи,/ оскорбля́юща при́сно души́ мое́й и на грехи́ мя побужда́юща.

Свети́лен:

Я́ко свети́льника тя Христо́с ми́рови показа́/ и учи́теля вселе́нней, преблаже́нне Кири́лле, Солу́нская о́трасле,/ тем и нам, помина́ющим честну́ю твою́ па́мять,/ от Него́ про́сим ми́лость.

Сла́ва:

Пред Бо́гом сконча́л еси́ житие́ свое́, свя́те,/ Кни́гам бо внима́я любому́дренно и те́ми просвещая ду́шу свою́,/ яви́лся еси́ испо́лнен Бо́жияго ра́зума/ учи́тель Слове́нский, Кири́лле достохва́льне.

И ны́не, Богоро́дичен.

На хвалитех стихи́ры, глас 8:

Кири́лле, сла́вне учи́телю,/ добро́те научи́ Моравля́ны свои́ми глаго́лы Бо́га благодари́ти,/ прелага́я на Слове́неск язы́к от Гре́ческа зако́н Госпо́день,/ и научи́ пра́вде Его́./ Тем ны́не, ра́дующеся, Слове́нстии народи́ сла́ву Бо́гу возсыла́ют.

Кто мо́жет испове́дати чудеса́ Госпо́дня,/ я́же сотвори́ сла́вным Свои́м Кири́ллом:/ от я́да Сарацы́нска избави́ и,/ от се́ти же го́рькия исто́рже и,/ разврати́вшим в Коза́рех ве́ру Госпо́дню уста́ заключи́ язы́ком его́,/ услади́ во́ды го́рькия и ди́вная и́на тьма́ми соде́я.

Сла́ва, глас 8:

О сла́дкий учи́телю Кири́лле,/ о ти́хая бесе́до,/ о милосе́рдное се́рдце и у́ме прему́дрый,/ о глаго́лы, сла́ждшии ме́да,/ о стра́ны прелета́я, я́ко оре́л,/ о вторы́й Па́вле и учени́че Петро́в,/ в его́же гра́де изво́ли почи́ти,/ помяни́ ны гре́шныя ко Го́споду,/ моли́твами твои́ми спаси́ нас.

И ны́не, Богоро́дичен.

Славосло́вие вели́кое и отпуст.

НА ЛИТУРГИ́И

Блаже́нны свята́го пе́сни 3-я и 6-я. Проки́мен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех,/ я́же воздаде́ ми? Апо́стол ко Евре́ем, зача́ло 318. Аллилу́ия, глас 2: Свяще́нницы Твои́ облеку́тся в пра́вду,/и преподо́бнии Твои́ возра́дуются. Евангелие от Матфе́я зача́ло 11. Прича́стен: В па́мять ве́чную:

Ве́дати же подоба́ет, а́ще прилучи́тся в понеде́льник Поста́, то на Литурги́и пое́м: Да испра́вится моли́тва моя́: пото́м трисвято́е, проки́мен. И Апо́стол, и аллилу́ия, и Ева́нгелие. И Литурги́я по́стная.

На долю народа русского выпало редкое счастье получить христианство тогда, когда еще почти не успели выразиться черты национального самоопределения. Христианство не сталкивается тут ни с оформившимся учением, ни с богатым культом какой-либо иной религии; не находит укоренившихся нравственных привычек или государственных устремлений. Самый язык, еще незапятнанный и гибкий, доверчиво дает устроить из себя сосуд благодати. Одним словом, христианство попадает в души младенческие, и всё дальнейшее возрастание их, всё внутреннее их устроение совершалось под прямым водительством Церкви. Весьма понятно, что народный дух, так сложившийся, не мог не быть существенно православным. Если же прибавить сюда еще природную мягкость русского характера, то станет вполне понятным, что православие должно было запечатлеться на этом воске так, как предназначил Промысл Божий первоучителю славян, духовному родителю русского народа – святому равноапостольному Константину, в монашестве Кириллу.

Родитель его – знатный и богатый вельможа, по имени Лев, и мать его Мария жили благочестиво, исполняя заповеди Божий. Константин – имя царственное – был седьмым сыном. Когда мать, по рождении, отдала его кормилице, чтобы та вскормила его, он никак не желал питаться чужим молоком, но – только молоком матери. Святой равноапостольный Константин (Кирилл) родился в г. Солуни (Фессалоники) в 827 году. В городе проживало многочисленное славянское население, язык которого был с детства знаком святому Кириллу. Существуют предположения, что святой Кирилл был славянином и называется в источниках греком по принадлежности к Греческой Церкви. Родители его дали обет жить, как брат с сестрой, и так прожили четырнадцать лет до самой смерти. Семи лет от роду Константин видел сон и рассказал его отцу и матери, в следующих словах: «Воевода, стратиг нашего города, собрал всех девиц города и сказал мне: «Выбери себе из них кого хочешь на помощь и в сверстницы себе». Я, оглядев, посмотрел их всех и приметил одну, прекраснейшую из всех, с лицом светящимся, украшенную многими золотыми монистами и жемчугом и украшениями; имя ей было София. Ее я избрал». Родители поняли, что Господь дает отроку Деву Софию, т. е. Премудрость, возрадовались духом и со старанием стали учить Константина не только книжному чтению, но и Богоугодному добронравию – премудрости духовной. «Сын, – говорили они Константину словами Соломона, – чти Господа – и укрепишся; храни заповеди – и поживеши; словеса Божий напиши на скрижали сердца своего; нарцы (призови. – Ред.) Премудрость сестру тебе быти, Разум же знаемь (т. е. близким, родным) сотвори себе ( Притч. 7:1–4). Премудрость сияет светлее солнца, и если ее будешь иметь своей помощницей, она избавит тебя от многого зла».

Известно, какие успехи показал этот отрок в науках, особенно в изучении творений святого Григория Богослова. Он изучил Гомера, геометрию, диалектику и философию под руководством логофета дрома Феоктиста и будущего Патриарха Фотия. Еще в юности святого Константина называли Философом. Кроме того, он изучил риторику, арифметику, астрономию, музыкальное искусство и другие светские науки, а также знал языки латинский, сирийский и другие.

Хотя святой Константин воспитывался при царском дворе, вместе с юным императором Михаилом, и мог занять высокое положение, он помнил о своей Подруге, поэтому и отказался от знатной и прекрасной невесты.

Когда святой Константин был возведен в иерейский сан, его одновременно поставили библиотекарем при храме Святой Софии. Вот от этого-то избранника Софии и получило свое начало Русское Православие.

Апостольская миссия у славян была для святого Кирилла вершиной подвига, к которому он был подготовляем Промыслом Божиим и Святой Софией всю жизнь. После принятия священства святой Кирилл, стремясь к уединению, оставался в Царьграде недолго: он тайно ушел и скрылся в одном из монастырей на побережье Золотого Рога. Только через полгода императору удалось найти его и уговорить быть учителем философии в главном Константинопольском училище. Святой Кирилл возвратился в Царьград. Со времени вступления на проповедь и общественно-церковное служение проявилась его строгая ревность в утверждении православия.

Первые прения у святого Кирилла были с вождем еретиков-иконоборцев Аннием. Престарелый Анний был побежден и посрамлен юным философом святым Кириллом.

В 851 году святой Кирилл по повелению императора отправился к сарацинам, чтобы доказать им истинность христианского учения о Святой Троице. Это было первое миссионерское путешествие святого, совершенное им в 24 года.

Святой Кирилл так умело отстаивал истинность православной веры и так обличал ложность учения мусульман, что сарацинские мудрецы, не зная, что ему отвечать, пытались отравить святого. Но Господь сохранил Своего раба невредимым. По возвращении от сарацин святой Кирилл отказался от почетной должности учителя философии и поселился в монастыре на Олимпе, где подвизался его старший брат святой Мефодий (815–885, память 6 апреля). Несколько лет святой Кирилл провел в иноческих подвигах, молитве и чтении творений святых отцов. На Олимпе он стал изучать славянский язык, познакомился с древнееврейской и коптской письменностью.

В 858 году в Царьград пришли послы от хазар с просьбой прислать к ним ученого мужа, чтобы он обличил неправду сарацинских и еврейских проповедников, стремившихся обратить хазар в свою веру. Император Михаил III направил к хазарам для проповеди Евангелия святого Кирилла. Вместе с ним отправился и его святой брат Мефодий. По пути святые братья на некоторое время остановились в Крыму, в греческой колонии Херсонес. Там святой Кирилл изучил еврейскую грамматику. Тогда же святой Кирилл ознакомился с Евангелием и Псалтирью, написанными русскими буквами.

В Херсонесе святые братья участвовали в открытии мощей священномученика Климента, Папы Римского. Взяв с собой часть святых мощей, они продолжили свое путешествие.

В хазарской земле, победив в споре иудеев и мусульман, святой Кирилл многих обратил в христианство. Отказавшись от богатых даров, предложенных хазарским каганом, святые Кирилл и Мефодий просили взамен отпустить всех греческих пленников. По их просьбе 200 человек были отпущены на свободу и возвратились на родину. В Царьграде святых братьев встретили с великими почестями, как апостолов. Святой Мефодий удалился в свой монастырь, а святой Кирилл поселился при церкви святых апостолов и начал работу по составлению славянской азбуки и переводу Богослужебных книг на язык славян.

Через некоторое время святой Кирилл вместе с братом отправился для проповеди христианства в Болгарию.

В 862 (или 863) году от моравского князя Ростислава пришли в Царьград послы с просьбой прислать христианских учителей. Выбор императора пал на святого Кирилла, подготовленного Промыслом Божиим к тому времени к великой миссии среди славянских народов. Несмотря на болезнь, святой Кирилл с радостью взялся за исполнение послушания. Как и всякое дело, он начал подвиг просвещения славян с молитвы, а затем наложил на себя сорокадневный пост. В скором времени Бог, слушающий молитвы рабов Своих, исполнил то, о чем просил Его верный слуга: святой Кирилл составил азбуку для славян (глаголицу), а затем с помощью брата и учеников продолжил перевод греческих Священных Книг на славянский язык. Первой переведенной святым Кириллом книгой было Евангелие от Иоанна. Была переведена также Следованная Псалтирь (включавшая тексты тропарей и кондаков праздников и святых), различные тексты Священного Писания и Богослужебных книг. Этот славный подвиг святого Кирилла явился основой великого дела приобщения славян к христианской вере и культуре. С тех пор для славян настала новая жизнь, явилась возможность самобытного духовного развития под благотворным действием проповеди и Богослужения на родном славянском языке.

Борьба святого Кирилла за самостоятельность славянских народов усложнялась тем, что дело просвещения славян было начато в Моравии – стране, находившейся под римским влиянием. Немецкие священники, стоявшие во главе христианских церквей в Моравии, всячески препятствовали введению Богослужения на славянском языке, считая, что оно должно совершаться только на трех языках: еврейском, латинском или греческом. Святые Кирилл и Мефодий, обличая их неправду словами Священного Писания, неутомимо готовили служителей новой Церкви. Под руководством святых братьев Моравский князь Ростислав начал постройку храмов и собрал много отроков для обучения славянской азбуке и чтению переведенных книг. В короткое время святой Кирилл со своими учениками перевел церковное чинопоследование и ввел в обиход все Богослужения по уставу. Этим было положено начало образованию самостоятельных славянских Церквей.

Но враги дела просвещения славян продолжали им препятствовать: они донесли на святых Кирилла и Мефодия папе Римскому Николаю I, обвинив их в ереси. Папа вызвал святых братьев в Рим. Взяв с собой часть мощей священномученика Климента, они отправились в новое путешествие, очень неблагоприятное для здоровья святого Кирилла. Путь их лежал через славянские земли. В Паннонии, по просьбе князя Коцела, они обучили его и 50 юношей славянской азбуке. При прощании князь хотел одарить святых проповедников. Но святые Кирилл и Мефодий не пожелали взять от Коцела, так же, как и от Ростислава Моравского, ни серебра, ни золота. Евангельское слово они проповедовали безвозмездно и только испросили свободу у обоих 900 греческим пленникам.

В Венеции братья сделали еще одну остановку. Там святой Кирилл снова вел горячие споры с «трехъязычниками». Он доказывал право каждого народа на свою письменность и ссылался на Священное Писание и опыт ряда народов (армян, персов, грузин, готов, аваров, хазар арабов, сирийцев и др.), издавна имевших свою письменность.

Перед прибытием святых в Рим умер Папа Николай I. Новый Папа Адриан II был настроен к святым братьям дружелюбно и встретил их торжественно, тем более, что они несли мощи священномученика Климента. Папа Адриан II признал славянский язык в Священном Писании и Литургии, однако отпускать братьев для дальнейшей проповеди в славянские земли не спешил.

Изнуренный трудами и долгим путешествием, святой Кирилл тяжело заболел. Во время болезни Господь открыл ему о приближении смерти, и святой Кирилл принял схиму. Оставшиеся 50 дней своей жизни он посвятил покаянной молитве и беседам с учениками и братом, наставляя и поучая их, заповедав вернуться в славянские земли и завершить начатое дело. 14 февраля 869 года святой Кирилл предал душу свою Богу, прожив всего 42 года. Тело его погребли в церкви святого Климента в Риме. Память равноапостольного Кирилла отмечается также 11 мая вместе с памятью святого брата Мефодия.

В иконографическом предании древних Церквей святой равноапостольный Кирилл изображается в святительских одеждах, как например на фреске XI века Софийского собора в Киеве, или фреске IX века в церкви святого Климента в Риме, где изображается посвящение святого Кирилла во епископа, или на миниатюре из Кенигсбергского списка летописи конца XV века. Эти факты свидетельствуют о том, что святой Кирилл был в сане епископа.

Преподо́бнаго отца́ на́шего Авксе́нтия

На Го́споди, воззва́х: стихи́ры Окто́иха 3, и свята́го 3, глас 4.

Подо́бен: Дал еси́ зна́мение:

Возраще́ние поще́ния показу́я, Авксе́нтие,/ дарова́ний прозябе́ние от Бо́га прия́л еси́:/ лечи́ти неду́ги,/ де́моны отгоня́ти,/ призыва́нием Христо́вым вве́рен/ и Ду́ха, всеблаже́нне, Боже́ственныя благода́ти/ испо́лнився и си́лы./ Ея́ ра́ди, я́ве окормля́емь,/ в приста́нище дости́гл еси́.

Благода́тию исцеле́ний и чуде́с обогати́лся еси́,/ очи́щься умо́м,/ страсте́й бо неду́ги, и пло́ти мрак,/ и треволне́ние оттря́сл еси́/ и све́тло душе́вное соде́лал еси́ устрое́ние./ Отону́дуже и возсия́л еси́ в мона́шеских ли́цех,/ моля́ Человеколю́бца о восхваля́ющих тя.

Возрасти́л еси́ тала́нт, вве́ренный тебе́, прему́дре,/ бога́тно де́лав и се́яв со слеза́ми,/ в ра́дости ны́не, о́тче, жне́ши,/ многосугу́бную ра́дость и утеше́ние и́стинно пожина́я./ Я́ко име́я дерзнове́ние у́бо ко Влады́це,/ моли́ся о пою́щих тя,/ Богоно́сне Авксе́нтие.

Сла́ва, глас 8:

Анато́лия: Чи́стая Ду́ха Свята́го му́дрость,/ все́льшаяся в чи́стое се́рдце твое́,/ всеблаже́нне Авксе́нтие, преподо́бне о́тче,/ на ду́хи лука́вствия стра́шна тя гони́теля показа́,/ и не то́кмо стра́шна, но и сокрове́нных неду́гов врача́./ Те́мже, дерзнове́ние стяжа́в к Человеколю́бцу Бо́гу,/ непреста́нною моли́твою твое́ю душе́вных страсте́й нас и теле́сных свободи́.

И ны́не, Богоро́дичен или́ Крестобогоро́дичен.

Подо́бен: О, пресла́внаго чудесе́:

А́гница А́гнца я́ко ви́де,/ на Дре́ве просте́рта во́лею Кре́стнем,/ вопия́ше ма́терски,/ боле́знующи с пла́чем:/ Сы́не Мой, что стра́шное сие́ виде́ние?/ всем живо́т дая́й я́ко Госпо́дь,/ ка́ко умерщвля́ешися, Долготерпели́ве,/ земны́м подая́ воскресе́ние?/ Сла́влю Твое́ мно́гое, Бо́же мой, снизхожде́ние.

Тропа́рь, глас 1:

Пусты́нный жи́тель, и в телеси́ А́нгел,/ и чудотворе́ц яви́лся еси́, Богоно́се о́тче наш Авксе́нтие,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя и ду́ши ве́рою притека́ющих ти./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.

Кано́н, его́же краегране́сие: Авксе́нтия Боже́ственнаго пою́ прему́дре. Творе́ние Феофа́ново. Глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Возрасти́в ю́же к Бо́гу любо́вь твою́, о́тче Авксе́нтие,/ и мирску́ю любо́вь оста́вив, Богоно́се,/ сосу́д вмести́телен Ду́ха дарова́ний показа́лся еси́.

Подвше́л еси́ твои́ми хоте́ньми, о́тче Авксе́нтие, ты под и́го Госпо́дне благо́е/ и зе́млю новоде́лал еси́, доброде́телей слеза́ми умаща́я, досточу́дне.

Устрани́вся жите́йския молвы́,/ твою́ ду́шу и ум к Бо́гу сочета́в усе́рдно, кре́пкими поще́ньми/ на земли́ я́ко безпло́тен пожи́л еси́, всеблаже́нне.

Богоро́дичен: В Тебе́ ны́не ви́деся, Влады́чице,/ непости́жное Богому́жное соше́ствие Христо́во,/ я́ко Бог бо и Челове́к из Тебе́, Чи́стая, роди́ся,/ обновля́я существо́ мое́.

Песнь 3

Ирмо́с: Не му́дростию, и си́лою, и бога́тством хва́лимся,/ но Тобо́ю, О́тчею Ипоста́сною му́дростию, Христе́:/ несть бо свят, па́че Тебе́, Человеколю́бче.

Вжиля́емь Креста́ си́лою,/ упраздни́л еси́ де́монов стремле́ния и кова́рства разруши́л еси́,/ поще́нием побежда́я сих наше́ствие.

А́нгельское житие́ на земли́ подража́я,/ чи́стое в моли́твах, во бде́ниих благомо́щное,/ усе́рдно проше́л еси́, о́тче Авксе́нтие.

Яд сме́ртный, ду́шам происхода́тающ,/ Авксе́нтие, поразуме́в сла́дость,/ воздержа́нием умертви́л еси́ тоя́ движе́ния, Богому́дре преподо́бне.

Богоро́дичен: Созда́вый в нача́лех от пе́рсти мя челове́ка,/ зи́ждется мене́ ра́ди во чре́ве Твое́м, Всенепоро́чная,/ дре́внее паде́ние исправля́я.

Седа́лен, глас 8.

Подо́бен: Прему́дрости:

Земна́я вся оста́вив, и в ми́ре сый теле́сне,/ ду́хом был еси́ А́нгелом собесе́дник,/ су́щия бо стра́сти умертви́в теле́сныя,/ Тро́ицы показа́лся еси́ уго́дник, блаже́нне./ Те́мже неду́гующих исцеля́еши стра́сти/ и сло́вом ду́хи отго́ниши благода́тию, Богоно́се Авксе́нтие./ Моли́ Хри́ста Бо́га прегреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен.

Подо́бен то́йже:

Со́лнца о́блаче разу́мнаго, Боже́ственнаго све́та свети́льниче златокова́нный,/ нескве́рная, небла́зная, Всенепоро́чная Влады́чице,/ омраче́нную ду́шу мою́ ослепле́нием страсте́й безстра́стия заре́ю просвети́, молю́ся,/ и оскверне́ное мое́ се́рдце омы́й пото́ки умиле́ния, покая́ния же слеза́ми,/ и от тиме́ния мя очи́сти дел мои́х, да любо́вию зову́ Ти:/ Богоро́дице Присноде́во, моли́ Христа́ Бо́га прегреше́ний оставле́ние пода́ти ми,/ Тебе́ бо име́ю наде́жду, раб Твой.

И́ли Крестобогоро́дичен.

Подо́бен то́йже:

А́гнца, и Па́стыря, и Изба́вителя А́гница зря́щи на Кресте́,/ восклица́ше, пла́чущи, и, го́рько рыда́ющи, вопия́ше:/ мир у́бо ра́дуется, прие́мляй Тобо́ю избавле́ние,/ утро́ба же Моя́ гори́т, зря́ще Твое́ распя́тие,/ е́же терпи́ши за милосе́рдие ми́лости./ Долготерпели́ве Го́споди, ми́лости бе́здно и источни́че неисчерпа́емый,/ умилосе́рдися и да́руй согреше́ний оставле́ние/ ве́рою пою́щим Боже́ственныя стра́сти Твоя́.

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Победи́тель на ду́хи лука́вствия,/ Свята́го Ду́ха, о́тче, соде́йством яви́лся еси́ и благода́тию,/ зовы́й, Авксе́нтие:/ сла́ва си́ле Твое́й, Го́споди.

От пото́ков, Богоно́сне, беззако́ния моли́твою, всеблаже́нне, себе́ утверди́в,/ убежа́л еси́ смуще́ния,/ сла́дости же пото́ка напи́лся еси́ досто́йно, всеблаже́нне.

Богоно́сец, ве́ру и любо́вь, ю́же к Бо́гу, возрасти́в,/ к Го́рней высоте́ Боже́ственнаго присвое́ния возвы́сился еси́, зовы́й:/ сла́ва си́ле Твое́й, Го́споди.

Богоро́дичен: Бо́га Сло́ва Тя ро́ждшую, я́ве зна́юще теле́сно,/ вои́стинну Богоро́дицу, ве́рнии вси, имену́ем,/ зва́ние по коему́ждо естеству́ веще́й принося́ще.

Песнь 5

Ирмо́с: Ты, Го́споди, мой свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Близ су́щия твоего́ пути́, о́тче, собла́зны/ о́стрым умо́м невре́дно преше́л еси́ и душе́вною чистото́ю.

Житие́ твое́ све́тло, и ве́ра правосла́вна,/ воздержа́ние чу́дно,/ растворе́но сло́во благода́тию, Авксе́нтие.

Ра́вностию мы́слей жизнь преше́л еси́, привре́менная претека́я,/ ве́чным же, о́тче, при́сно прилага́яся.

Богоро́дичен: Ум иму́ще прав, уче́ний испо́лнен,/ Тя, Пречи́стая, Богоро́дицу имену́ем вси/ и любо́вию ублажа́ем.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Сы́на тя све́та и дне показа́ житие́ твое́, блаже́нне,/ благообра́зно вои́стинну ходя́ща/ и свети́льника в ми́ре жи́зни сло́во иму́ща.

Поуче́ние сме́рти житие́ твое́ положи́в,/ преизя́щно преде́л му́дрости, о́тче, поразуме́в,/ преложи́лся еси́ к Прему́дрости Ипоста́сней.

Богоро́дичен: Храм Тя Бо́жий и черто́г зна́ем,/ ста́мну, и све́щник, и скрижа́ль, иму́щую внутрь напи́сано/ за милосе́рдие вопло́щшееся Сло́во, Всенепоро́чная.

Конда́к, глас 2.

Подо́бен: В моли́твах:

Наслади́вся, Богому́дре, воздержа́ния/ и жела́ния пло́ти твоея́ обузда́в,/ яви́лся еси́, ве́рою сия́я,/ я́коже сад посреди́ рая́, процве́л еси́,/ Авксе́нтие о́тче свяще́нне.

И́кос:

Кто по́двиги твоя́ ны́не изрече́т или́ боле́зни твоя́, о́тче,/ и́хже подъя́л еси́ на земли́?/ за Боже́ственное наслажде́ние зако́ном Госпо́дним после́довав/ и повеле́нием Сего́ послужи́в, нов нам показа́лся еси́ И́ов боре́ньми;/ ми́рови яви́ся пришле́ц и земли́ всей, я́ко стра́нен,/ поще́нием ве́рою процве́л еси́,/ бде́ние и чистоту́ изобучи́л еси́,/ Авксе́нтие о́тче свяще́нне.

Песнь 7

Ирмо́с: В пещи́ Авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Я́ко уя́звлен Влады́чнею, о́тче, Боже́ственною любо́вию,/ все к Нему́ неосла́бное жела́ние се́рдца твоего́ преложи́л еси́, зовы́й:/ благослове́н еси́ в хра́ме сла́вы Твое́й, Го́споди.

Просвеще́н Спа́совою заре́ю, всему́дре,/ тьмы предста́теля обличи́л еси́ терпели́вно,/ мироде́ржца же низложи́л еси́,/ благослове́н еси́, зовы́й, в хра́ме сла́вы Твое́й, Го́споди.

Богоро́дичен: Истле́вшее дре́вле, е́же к лу́чшему возведе́нию,/ естество́ челове́ческое, Пречи́стая, восхоте́в обнови́ти,/ всели́ся Соде́тель Бог во утро́бу Твою́, Еди́на Всепе́тая.

Песнь 8

Ирмо́с: Изба́вителю всех, Всеси́льне,/ посреде́ пла́мене благоче́ствовавшия,/ снизше́д ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

Весь к Бо́гу преложе́н, оттря́сл еси́ плотско́е удобостра́стие/ и чуде́с прия́л еси́ де́йство, поя́:/ благослови́те, вся дела́ Госпо́дня, Го́спода.

Стра́шен яви́лся еси́ де́моном, Христа́ стяжа́в помо́щника,/ Его́же Крест взем, после́довал еси́, поя́:/ благослови́те, вся дела́ Госпо́дня, Го́спода.

Богоро́дичен: Вити́йствует, я́влься, Арха́нгел/ и возвеща́ет Рождества́ Твоего́, Пречи́стая, е́же па́че сло́ва, зача́тие и спаси́тельное ми́ру:/ вся дела́, благослови́те, по́йте Го́спода.

Песнь 9

Ирмо́с: Ка́мень нерукосе́чный,/ от несеко́мыя горы́ Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Всему́ Божеству́, о́тче, креще́нием твои́м обеща́лся еси́/ и соблю́л еси́ чи́сте о́браза, блаже́нне, досто́инство,/ к Трисия́нней све́тлости с весе́лием вмести́лся еси́.

Ны́не не в гада́нии, о́тче, ниже́ в зерца́ле зри́ши Богонача́лия просвеще́ние,/ лице́м же, всему́дре, к лицу́,/ па́че ума́ све́тлости и Боговиде́ния сподобля́емь.

Я́ко име́я мно́го дерзнове́ние ко всех Царю́, о́тче,/ изба́витися моли́ся твою́ па́мять соверша́ющим ны́не от вся́каго обстоя́ния,/ да тя вси ублажа́ем.

Богоро́дичен: Плени́цы мои́х прегреше́ний разреши́, Де́во Богоро́дице,/ я́же благоутро́бия исто́чник ро́ждши, Еди́на Богоблаже́нная,/ и утеше́ния испо́лни,/ я́ко да досто́йно Тя велича́ю.

Свети́лен.

Подо́бен: Жены́, услы́шите:

Мирска́го благостра́стия, я́ко от скве́рны, уклони́лся еси́,/ и, неяде́нием плоть увяди́в,/ обнови́л еси́ душе́вную кре́пость, преподо́бне,/ и сла́вою обогати́лся еси́ Небе́сною, сла́вне./ Те́мже моля́ся не преста́й о всех нас Го́сподеви.

Богоро́дичен.

Подо́бен то́йже:

Соединя́ется по Ипоста́си пло́тию/ Пресу́щное Сло́во души́ посреде́ и мы́сленне и соверше́нне,/ и Еди́н от Двою́ прохо́дит из Тебе́ несме́сно, Пречи́стая,/ обожи́в, е́же прия́т./ Те́мже Тя прославля́ет, вои́стинну Богоро́дицу.

Служил при дворе греческого императора Феодосия Младшего (418–450). Он был известен своей ученостью и добродетельной жизнью. Преподобный Авксентий хорошо знал Священное Писание. Он старался общаться с людьми добродетельными и Богобоязненными, чтобы учиться у них праведному житию.

Тяготясь мирской суетой, не желая ни славы, ни богатства, святой Авксентий принял монашеский постриг. Сначала он служил диаконом, а затем пресвитером. Полученный им от Бога дар изгонять бесов сделал его известным в Цареграде. Избегая славы людской и желая уединения, он ушел из многолюдного города и нашел себе убежище в Вифинии, в пустынной местности на горе Оксия. Там святой Авксентий построил себе небольшую отшельническую келлию и стал жить, упражняясь в воздержании и молитве. Место иноческих подвигов святого было, однако, открыто пастухами, искавшими заблудившихся овец. По молитве преподобного овцы нашлись, и молва о святом отшельнике распространилась среди окрестных жителей, которые стали приходить к нему для получения наставлений и исцеления от разных болезней. На горе была построена новая келлия, и Преподобный затворился в ней, общаясь с приходящими к нему через небольшое оконце.

В 451 году преподобный Авксентий участвовал на IV Вселенском Соборе в Халкидоне, где успешно обличал ересь Евтихия и Нестория. Он был мудрым проповедником и защитником православия.

По окончании Халкидонского Собора преподобный Авксентий вернулся в свою келлию, по пути исцеляя больных и бесноватых.

Приходящим к нему святой Авксентий никогда не отказывал в душеполезном наставлении и помощи. Молитва преподобного была настолько сильна, что Господь открывал его духовному взору мир невидимый. Так он видел на большом расстоянии кончину преподобного Симеона Столпника (†459) и сообщил о ней ученикам и всем пришедшим к нему в то время.

По благословению преподобного Авксентия было основано много монастырей в различных местах.

Скончался преподобый Авксентий около 470 года

Преподо́бнаго Исаа́кия, затво́рника Пече́рскаго,

в Бли́жних пеще́рах почива́ющаго

ВЕ́ЧЕР

На Го́споди, воззва́х: стихи́ры, глас 8.

Подо́бен: О, пресла́внаго чудесе́!

О́тче преподо́бне Исаа́кие,/ а́ще пе́рвее те́мный враг, я́влься во о́бразе све́та,/ неве́дением омрачи́ тя и поруга́ся тебе́ бесо́вскими ухищре́ньми,/ но ты последи́ испра́вился и стра́шен тому́ показа́лся еси́,/ прия́л бо еси́ на всю си́лу вра́жию/ от Христа́ Бо́га одоле́ние,/ Его́же непреста́й моля́щи/ изба́витися и нам от всех вра́жиих наве́тов и лю́тых обстоя́ний.

О́тче Богому́дре Исаа́кие,/ а́ще и прельсти́ тя враг, явле́йся све́том,/ но последи́ твои́м исправле́нием прельще́н паде́ся,/ бу́йством бо свои́м улови́в,/ того́ низложи́л еси́ в коне́ц кова́рства и, попра́в нога́ма,/ возопи́л еси́: стра́ха ва́шего не и́мам убоя́тися,/ я́ко со мно́ю Бог,/ кре́пость же Его́ есть мне проти́ву всех страхова́ний ва́ших утвержде́ние.

О́тче преблаже́нне Исаа́кие,/ ты, неве́дый, а́ще и поклони́лся еси́ бе́су, а́ки Лицу́ Христо́ву,/ но по сем паде́нии па́ки испра́вился,/ бесо́вския полки́ оплева́л еси́/ и испо́лнил еси́ ли́ца их безче́стия,/ и́же постыжде́нни, я́ко дым, исчеза́ют и, я́ко огне́м, прогоня́ются,/ огнь бо твое́й любве́ к Бо́гу прого́нит тех нападе́ния/ и всем помога́ет, и́мя твое́ призыва́ющим.

Сла́ва, глас 2:

О́тче Исаа́кие,/ собо́ю о́браз дал еси́ подвиза́ющимся:/ да не ве́руют привиде́ниям явля́ющимся,/ весть бо сатана́ преобража́тися во А́нгела све́тла,/ но да искуша́ют та зна́мением кре́пкаго ору́жия,/ на не́же взира́ти не мо́гут лука́вствия ду́хи,/ но, я́ко прах ве́тром от земли́, прогоня́ется,/ та́ко сего́ луча́ми опаля́еми исчеза́ют./ Того́ у́бо и мы держа́щеся,/ вра́жия кова́рства не убои́мся,/ па́че же стира́юще их ухищре́ния,/ прии́мем от Христа́ Бо́га мир в косте́х на́ших и ве́лию ми́лость.

И ны́не, Богоро́дичен или́ Крестобогоро́дичен.

НА У́ТРЕНИ

Тропа́рь, глас 2:

Све́тлости святы́х наслади́тися вожделе́в,/ в те́мную всели́лся еси́ пеще́ру, прехвальне,/ и до́бре подвиза́лся еси́, Исаа́кие,/ прельще́н же быв от врага́,/ па́ки кре́пко попра́л еси́ того́ вся кова́рства./ И ны́не, я́ко победи́тель,/ в весе́лии предстоя́ Христу́ Бо́гу,/ проси́ нам ми́ра и ве́лия ми́лости.

Сла́ва и ны́не, Богоро́дичен.

Кано́н преподо́бнаго, глас 4.

Песнь 1

Ирмо́с: Триста́ты кре́пкий,/ Рожде́йся от Де́вы,/ безстра́стия во глубине́ души́ трича́стное потопи́, молю́ся,/ да Тебе́, я́ко в тимпа́не,/ во умерщвле́нии телесе́/ побе́дное воспою́ пе́ние.

Влады́ко Всемогу́щий, Христе́,/ во глубине́ щедро́т Твои́х, а́ки фарао́на, грехи́ моя́ потопи́, молю́ся,/ да бре́нными усты́ в па́мяти Твоего́ уго́дника Тя сла́вящи,/ побе́дное досто́йно принесу́ воспева́ние.

Настоя́ше кре́пкий мироде́ржец, и́щущий всех глубино́ю страсте́й покры́ти,/ но не возмо́же тебе́, о́тче, погрузи́ти,/ ты бо, уве́дав многоплете́нныя его́ се́ти, избе́гл еси́ ми́ра, аки пти́ца тенета́,/ и побе́дное Бо́гу прине́сл еси́ воспева́ние.

Хитр был еси́ купе́ц, преподо́бне:/ тле́нным бо нетле́нная стяжа́л и ги́блющим неги́блющий купи́л еси́ би́сер,/ и́мже вене́ц украси́л еси́ своего́ терпе́ния,/ и, ны́не веселя́ся, предстои́ши Христу́,/ побе́дное принося́щи воспева́ние.

Разда́л еси́, блаже́нне, име́ние свое́ ни́щим/ и са́мыя во́ли свое́й не пощаде́л,/ но вручи́л о́ную Вели́кому Анто́нию,/ от него́же прие́м во измене́ние А́нгельский о́браз,/ обогати́лся еси́ сокро́вищем Небе́сным/ и пое́ши Христу́ непреста́нное воспева́ние.

Богоро́дичен: Грехо́вным и́гом обремене́н, к Тебе́ прихожду́, Богоро́дице, моля́ся:/ изми́ стра́стное ми томле́ние,/ да поне́ отны́не покая́нием испра́влюся/ и те́плыя моли́твы принесу́ Ти, Влады́чице, мое́ умиле́нное воспева́ние.

Песнь 3

Ирмо́с: С высоты́ снизше́л еси́ во́лею на зе́млю,/ превы́ше вся́каго нача́ла,/ и смире́нное возне́сл еси́ из а́да преиспо́дняго естество́ челове́ческое./ Несть бо свят, па́че Тебе́, Человеколю́бче.

С высоты́ прие́мь зва́ние, измене́нием А́нгельскаго о́браза распя́лся еси́ ми́ру,/ сраспина́я того́ вся по́хотныя стра́сти,/ наступи́в на ты́я житие́м, преподо́бне, жесто́ким,/ иму́щи помо́щником Бо́га, Еди́наго Человеколю́бца.

С ко́злищами ча́сти да не насле́диши, о́тче, в гряду́щем ве́це,/ в сей жи́зни плоть твою́ умерщвля́я,/ обле́клся еси́ во еди́ну ми́лоть влася́ну и в ко́зию ко́жу,/ в не́йже прохожда́л еси́ и́ночества путь те́сный,/ Бо́га призыва́я в по́мощь, Еди́наго Человеколю́бца.

В горе́ всели́лся еси́, в те́сной себе́ затвори́л еси́ пеще́ре/ и, ле́ствицею доброде́телей, му́дре, к Го́рним простира́яся,/ положи́л еси́ восхожде́ние в се́рдце свое́м вы́ну песносло́вити Бо́га Человеколю́бца.

Те́сный путь смире́ния и нищеты́ проше́л еси́, му́дре,/ злохи́траго врага́, я́ко младе́нца, разби́в о ка́мень любве́ Бо́жия,/ ея́же ища́, посто́м ду́шу очи́стил/ и бде́нием всено́щным те́ло смири́л еси́,/ да не ле́ностно предстои́т Бо́гу Человеколю́бцу.

Богоро́дичен: Ле́ностию побежде́н,/ не могу́ страсте́й, ражда́ющихся во мне, а́ки младе́нцев, о ка́мень за́поведей разби́ти,/ Тебе́ призыва́ю, Богоро́дице, в по́мощь,/ помози́ ми, я́ко человеколюби́вая Бо́га Ма́ти,/ и паду́т под нога́ма мои́ма Твое́ю си́лою побежде́нни.

Седа́лен, глас 8:

Плоть твою́ воздержа́нием умерщвля́я,/ о тле́нной пи́щи нераде́л еси́,/ но еди́ною просфоро́ю чрез день удовля́яся,/ в воздержа́нии пребыва́л еси́/ и на ре́брех не почива́л еси́;/ та́ко на неви́димаго врага́ подвиза́лся, взыва́л еси́:/ Христе́ Бо́же, даждь по́мощь су́щим во бра́ни.

Сла́ва, и ны́не, Богоро́дичен:

Омраче́н сном ле́ности, ду́шу мою́ к Тебе́, Чи́стая, простира́ю,/ бо́дренною Твое́ю моли́твою и неисче́тною благосты́нею воздви́гни мя на пе́ние/ и даждь ми по́мощь, су́щему в бра́ни.

Песнь 4

Ирмо́с: Любве́ ра́ди, Ще́дре, Твоего́ о́браза,/ на Кресте́ Твое́м стал еси́,/ и раста́яшася язы́цы./ Ты бо еси́, Человеколю́бче,/ кре́пость моя́ и хвале́ние.

Любве́ ра́ди Бо́жия во мно́гих труде́х и поще́ниих пребы́л еси́, преподо́бне,/ до седма́го ле́та из ке́ллии не исходя́;/ при́сно же исхо́д свой помина́я стра́шный,/ ко укрепля́ющему Тя Христу́ взыва́л еси́:/ кре́пость моя́ Ты еси́, Бо́же, и хвале́ние.

Се коль добро́ и коль красно́ жи́ти с бра́тиею вку́пе:/ брат, от бра́та помога́емь, быва́ет, а́ки град, тве́рд,/ еди́н же, боря́йся со враго́м, па́дает, е́же и на тебе́ сбы́стся, о́тче,/ да не бу́деши наде́яся на ся, но на Бо́га жи́ва,/ я́ко Той Еди́н кре́пость всем и хвале́ние.

Ум твой, свя́те, хотя́ омрачи́ти диа́вол,/ прии́де со тьмо́ю во́ев све́тлых, сам же просвети́ся, а́ки со́лнце,/ но тебе́ покры́ тьмо́ю ле́сти,/ от нея́же изба́влься, взыва́л еси́ к Бо́гу:/ кре́пость моя́ Ты еси́, Бо́же, и хвале́ние.

Богоро́дичен: Ум име́я, омраче́н страстьми́,/ содержи́мь есмь грехи́ мно́гими,/ но к Тебе́ молю́ся, па́че ума́ роди́вшей Свет всего́ ми́ра:/ приими́, Ма́ти Бо́жия, ору́жие си́лы Свое́й и предста́ни ми в по́мощь,/ да узрю́ Свет Богоразу́мия и́стиннаго.

Песнь 5

Ирмо́с: Возсия́й ми, Го́споди, свет повеле́ний Твои́х,/ я́ко к Тебе́ дух мой у́тренюет и пое́т Тя:/ Ты бо еси́ Бог наш, к Тебе́ прибега́ю, Царю́ ми́ра.

Возсия́вшии во о́бразе све́та тьмы ве́чныя сы́нове/ клич ве́лий сотвори́ша, свои́м тя нарица́юще, о́тче Исаа́кие,/ и обыдо́ша тя, а́ки пси мно́зи, свои́ми наве́ты,/ от ни́хже изба́влься, прибе́гл еси́ к Бо́гу, Царю́ ми́ра.

И́же иногда́ пред златокова́нным те́лом мусики́йскому гла́су устро́и бы́ти на прельще́ние неве́дущих Бо́га,/ се то́йже в сопе́ли и тимпа́ны возшуме́ти повелева́ет на прельще́ние твое́,/ от него́же а́ще и прельще́н быв, изба́вился еси́ по́мощию Бо́га, Царя́ ми́ра.

Претружде́нна тя по́стническими труды́/ пля́санием утруди́ти повеле́ диа́вол,/ его́же веле́ние исполня́юще,/ лука́вии дуси на мног час скака́ша с тобо́ю/ и, поруга́вшеся тебе́, е́ли жи́ва оставиша;/ но ты, последи́ испра́вився, поруга́лся ему́/ и попра́л еси́ его́ до конца́ по́мощию Бо́га, Царя́ ми́ра.

Отвсю́ду тя враго́м уя́звленна,/ безгла́сна, то́кмо ма́ло ды́шуща, изнесо́ша преподо́бнии отцы́ пред пеще́ру/ и, позна́вше, я́ко от бесо́вскаго де́йства случи́ся сие́,/ прилежа́ху, моли́твою тебе́ посо́бствующе,/ и услы́ша моли́тву их, и тя поми́лова Госпо́дь, Царь ми́ра.

Богоро́дичен: Тьмо́ю бесо́вских нападе́ний уя́звленно иму́щи се́рдце, Тебе́ молю́, Влады́чице:/ благи́й приложи́ сему́ пла́стырь ми́лости/ и ду́шу мою́ омраче́нную спаси́ от паде́ния,/ Еди́ну бо Тя има́м, ско́рое посеще́ние, Цари́цу Све́та.

Песнь 6

Ирмо́с: Бу́рею грехо́вною погружа́емь,/ я́ко во чре́ве ки́тове содержи́мь,/ с проро́ком зову́ Ти:/ возведи́ от тли живо́т мой,/ Го́споди, и спаси́ мя.

Бу́рею искуше́ний бесо́вских напа́ствован сый, блаже́нне,/ разсла́бился еси́ умо́м и те́лом и, ничто́же ве́дый о себе́,/ лежа́л еси́ на одре́ два ле́та, ни хле́ба яды́й, ни воды́ пия́й,/ но, моли́твою́ преподо́бнаго Феодо́сия умоля́емь,/ возведе́ Госпо́дь от тли живо́т твой и спасе́ тя.

Стра́нно чу́до:/ естеству́ челове́ческому без бра́шна бы́ти./ На тебе́ же сие́ сбы́стся, блаже́нне:/ Бог бо, иде́же хо́щет, пременя́ет естества́ уста́вы,/ я́ко в Того́ ру́це дыха́ние всей тва́ри,/ и Той, е́же хо́щет, твори́т.

Крест Твой, Христе́, ору́жие кре́пкое на враги́,/ и́мже а́ще не огради́мся, иску́шени бу́дем, я́коже Исаа́кий./ Сим у́бо огражда́ющеся, мо́лимся Тебе́:/ я́коже Исаа́кию не попусти́л еси́ искуше́нну бы́ти до конца́,/ та́ко и нам не попусти́ искуси́тися вы́ше си́лы на́шея и спаси́ нас.

Сла́ва Тебе́, Безнача́льная Тро́ице, вино́вная бла́гости, и от паде́ния всех возводя́щая,/ ще́дротами Твои́ми уще́дри ны, рабы́ Своя́, и возста́ви во тлю па́дших,/ я́коже уго́дника Твоего́ Исаа́кия спасла́ еси́,/ пода́вши тому́ на бе́сы множа́йшую кре́пость.

Богоро́дичен: Сла́ва Тебе́, Ма́ти Бо́жия, ве́рным прибе́жище:/ Тобо́ю бо па́дшии востаю́т, умерщвле́ннии оживля́ются, кре́пость на диа́вола прие́млют/ и ве́чному животу́ сподобля́ются в сла́ве Сы́на и Бо́га Твоего́.

Конда́к, глас 5:

Вра́жию пре́лесть низложи́вша и в по́стничестве светло́ просия́вша,/ прииди́те, ве́рнии, восхва́лим Исаа́кия победоно́снаго,/ и́же, я́ко зла́то, во искуше́ниих просия́/ и просвеща́ет сердца́ ве́рно к нему́ притека́ющих,/ моля́ся Го́сподеви непреста́нно о душа́х на́ших.

Песнь 7

Ирмо́с: Не преда́ждь нас до конца́ И́мене Твоего́ ра́ди,/ и не разори́ заве́та Твоего́,/ и не отста́ви ми́лости Твоея́ от нас,/ Го́споди, Бо́же оте́ц на́ших, Препе́тый во ве́ки.

Мно́гая искуше́ния проше́д, преподо́бне,/ мно́жае избы́точествовал еси́ во сла́ву Бо́жию/ и, став кре́пко проти́ву врага́, псало́мски воспе́л еси́:/ па́дшия в тесноте́ поста́вил еси́ на простра́нне но́зе мои́, Христе́ Бо́же, Прехва́льный во ве́ки.

Те́снее связа́л еси́ себе́ власяны́ми ру́бы,/ связа́в кре́пко и врага́ послуша́нием тве́рдым в пова́рне,/ и поруга́лся еси́ поруга́вшемуся тебе́, прогоня́я того́ моли́твою/ и предваря́я всех послуша́нием и по́стническими труды́.

Па́дший искуше́нии, храм души́ своея́ возставляя́,/ к хра́му Бо́жия Ма́тере пе́рвее всех прибега́л еси́/ и, в не́м нога́ми от зимы́ к ка́мени примерза́емь,/ стоя́л еси́ до кончи́ны пра́вила,/ огню́ серде́чному в любо́вь Бо́жию распаля́ющу тя си́льно.

Отбе́гшую пре́жде благода́ть за бесо́вскую пре́лесть/ па́ки пости́гл еси́, о́тче, е́же зна́меноваше пти́ца, я́тая тобо́ю,/ е́же ви́девшии позна́ша благода́ть Бо́жию, су́щую с Тобо́ю,/ и вси, уди́вльшеся, прославля́ху прославля́ющего тя Христа́/ и тебе́ я́ко уго́дника Христо́ва почита́ху.

Богоро́дичен: Юро́дствую, омраче́н бесо́вскими ухищре́ньми,/ и, неподо́бная де́ющи, за́поведи Го́спода моего́ преступа́ю,/ но Ты, Ма́ти Чи́стая, даждь ми ра́зум,/ да разуме́ю путь пра́вый/ и, избе́г руки́ ловя́щаго мя Велиа́ра, восхвалю́ Тя во ве́ки.

Песнь 8

Ирмо́с: На Кресте́ пло́тию Пригвожде́ннаго/ и Показа́вшаго нам ору́жие во спасе́ние,/ о́троцы, превозноси́те Христа́, Бо́га на́шего, во ве́ки.

На крест терпе́ния возше́д, распя́лся еси́ ми́ру, преблаже́нне Исаа́кие,/ пригвозди́л бо еси́ у́ды своя́ отсече́нием страсте́й,/ и копие́м поруга́ния неве́дущии бу́йства твоего́ Бо́га ра́ди пробода́ху тя,/ но ты вся ра́достне претерпе́л еси́, хва́лящи Христа́ во ве́ки.

На пла́мень разгоре́вшияся пе́щи обнаже́нными нога́ми наступи́в,/ пребы́л еси́, сто́я неподви́жим, до́ндеже угасе́,/ и сие́ зна́меноваше нападе́ний бесо́вских угаше́ние,/ я́же вско́ре устуди́л еси́ си́лою креста́ Христо́ва,/ и о сем хва́лишися во ве́ки.

Мно́жицею напа́даху на тя бе́сове, о́тче,/ свои́м тя нарица́юще, я́ко поклони́лся еси́ князю их,/ но ты си́лою Христо́вою прогоня́л еси́ их а́ки му́хи,/ и со студо́м отбега́ху тя, досажде́ния своего́ не терпя́ще,/ и бысть твоя́ побе́да на них после́дняя бо́льша пе́рвыя.

Богоро́дичен: Лю́тых страсте́й прило́ги искуша́емь,/ к Твоему́ Покро́ву, Всенепоро́чная Де́во, прибега́ю,/ преподо́бнаго ра́ди Твоего́ Исаа́кия, покры́й мя и спаси́ от сих нападе́ний,/ да превозношу́ Тя со Христо́м во ве́ки.

Песнь 9

Ирмо́с: Велича́ем вси человеколю́бие Твое́, Христе, Спа́се наш,/ Сла́во раб Твои́х и Ве́нче ве́рных,/ возвели́чивый па́мять Ро́ждшия Тя.

Велича́ем вси Человеколю́бца Бо́га,/ та́ко раба́ Своего́ укре́пльшаго,/ я́ко вся страхова́ния де́монская в бе́гство претвори́,/ и пребы́сть про́чее ники́имже ору́жием одоле́н,/ а́ки адама́нт тве́рд, цел и неруши́мый.

Ослабе́ супоста́т твой, преподо́бне,/ а́ще и мно́гажды в но́щи мно́гия бе́сы приведе́ себе́ в по́мощь с моты́ками и за́ступами, и восклица́ху:/ раскопа́ем пеще́ру сию́ и сего́ зде загребе́м,/ уже́ бо нам одолева́ет,/ неодоле́нное И́мя Вы́шняго и Ро́ждшую Его́ в по́мощь призыва́я.

Нощну́ю тьму, в но́щи приходя́щую, разуме́в, блаже́нне,/ светоно́сным зна́мением кре́стным прогоня́л еси́,/ и́мже опаля́еми, не терпя́ще, претворя́хуся в бе́гство,/ тебе́ вене́ц побе́ды оставля́юще, я́ко до́брому во́ину и подви́жнику непреобори́мому.

Змий и льстец, три ле́та боря́йся с тобо́ю, о́тче,/ преобража́шеся в четвероно́гая зве́ри, га́ды и мы́ши,/ но, не одоле́в тебе́ мечта́нии свои́ми,/ нево́лею победи́теля тя испове́да:/ низложи́л бо еси́ его́ И́менем Христо́вым,/ Его́же с Ро́ждшею велича́ем.

Богоро́дичен: Все́ вре́мя живота́ моего́, в разли́чныя ви́ды преобра́жся, враг побежда́ет мя,/ сему́ немоги́й проти́ву ста́ти, Тебе́, Богоро́дице, призыва́ю:/ посли́ ми си́лу, я́ко Си́льнаго Ро́ждшая, Его́же с Тобо́ю велича́ю.

Свети́лен:

Мно́гия труды́ в житии́ подъе́мь,/ с враги́ боря́ся, дости́г блаже́нныя кончи́ны,/ преста́вился еси́ к Вы́шним в поко́й преми́рный,/ но па́мять твоя́ в нас пребыва́ет, и труды́ твоя́ испове́дует Це́рковь,/ я́же помина́юще, мо́лимся тебе́:/ посети́ нас и даждь благослове́ние, в дне́шний день преста́вление твое́ почита́ющим, о́тче наш Исаа́кие.

Богоро́дичен: Ско́рая Засту́пнице христиа́ном,/ ускори́ предста́ти мно́гими напа́стьми томи́мым,/ да, на Тя наде́ющеся, не отпаде́м наде́жды,/ но, Тобо́ю изба́вльшеся от напа́стей, просла́вим, Всенепоро́чная, Честно́е Рождество́ Твое́.

На хвали́тех стихи́ры, глас 3:

Благоду́шствуя в словеси́ Госпо́дни,/ небоя́зненно взем Влады́ки своего́ яре́м,/ ра́лом те́снаго жития́ твоего́, преподо́бне,/ возде́лав ни́ву души́ своея́,/ напои́л еси́ ту пото́ком сле́зным/ посе́яв труды́, а́ки пшени́цу чи́сту,/ возрасти́в же кла́сы и́ноческих доброде́телей,/ пожа́л еси́ рукоя́ти непреста́нных моли́тв,/ я́же внесл еси́ в жи́тницу Небе́сную;/ и ны́не, с благи́ми рабы́ похвалу́ прие́мь,/ помяни́ нас, о́тче всеблаже́нне,/ любе́зно твою́ па́мять почита́ющих.

Ходи́в те́сною стезе́ю во вре́менном ве́це,/ скорбьми́, и слеза́ми, и бде́нием непреста́нным,/ стена́ньми и озлобле́нии, достосла́вне,/ уклони́лся еси́ от простра́ннаго па́губнаго пути́,/ дости́гл же еси́ широты́ Небе́сныя,/ иде́же имы́й поко́й безболе́зненный,/ не забу́ди и нас в твое́й бла́гости,/ я́ко моли́твенник о душа́х на́ших.

Нищ быв Бо́га ра́ди, презре́в вся су́етная стяжа́ния,/ обнища́вшему нас ра́ди Христу́ по́следовал еси́,/ от Него́же прие́мь доброде́телей соверше́ние,/ обогати́лся еси́ сокро́вищем нетле́нным;/ нас, благи́ми дея́нии обнища́вших, не забу́ди,/ но от исполне́ния твоего́ дару́й, о́тче преподо́бне,/ в дне́шний день твое́ че́стное успе́ние почита́ющим.

Сла́ва, глас 2:

Ми́ра отве́ргся и вся́каго любостра́стия, преподо́бне,/ Ева́нгельски крест свой взем на ра́мо, Христу́ после́довал еси́;/ в те́сной пеще́ре пожи́в,/ коне́чною острото́ю и́ноческих трудо́в пе́рвее победи́вшаго тя победи́л еси́/ и по кончи́не сему́ та́ко стра́шен показа́лся еси́,/ я́ко и и́мене твоего́ трепе́щет, не терпя́ твоего́ преще́ния,/ и́бо на Небеси́ живы́й, ду́хи прогоня́еши зло́бы поднебе́сныя,/ и́хже и от нас прожени́, Исаа́кие блаже́нне,/ и испроси́ нам от Христа́ Бо́га ве́лию ми́лость.

И ны́не, Богоро́дичен:

Спаси́ от бед рабы́ Твоя́, Пресвята́я Богоро́дице,/ я́ко вси по Бо́зе к Тебе́ прибега́ем,/ я́ко к неруши́мой стене́ и предста́тельству.

Славосло́вие вели́кое и отпу́ст.

В миру Чернь, был богатым купцом в г. Торопце, Псковской земли. Пожелав стать иноком, он раздал все свое имущество бедным и монастырям, пришел в Киев и принял постриг от преподобного Антония. После этого преподобный Исаакий поселился в затворе, питаясь через день одной просфорой и водой; очень мало времени святой уделял сну, причем спал сидя. Всё свое время он посвящал молитве. В таких подвигах преподобный провел семь лет. Через семь лет преподобный Исаакий подвергся искушению от явившегося ему диавола в образе Христа, которому он поклонился. Жестоко измученный за это бесами, преподобный Исаакий впал в тяжкое расслабление и провел на одре болезни три года. Только на третьем году он стал принимать небольшое количество пищи, два же года лежал в полной неподвижности, ничего не вкушая и не говоря. Святые Антоний и Феодосий ухаживали за ним.

После выздоровления преподобный Исаакий не вернулся в затвор, а поселился в монастыре и стал работать в поварне. Он усердно трудился на пользу братии, раньше всех приходил на работу, и к приходу поваров им уже были заготовлены дрова, вода и всё необходимое для работы. Преподобный Исаакий отличался также большим усердием и любовью к молитве: первым он приходил в церковь и всю службу стоял неподвижно, пламенно вознося молитвы к Богу. Во время сильных морозов его ноги иногда примерзали к полу, но он не шевелился до окончания службы.

Живя в монастыре, преподобный Исаакий воспитал в себе удивительное смирение. Известен случай, когда один из поваров, желая посмеяться над преподобным, приказал ему поймать ворона. Преподобный Исаакий поклонился повару до земли и поймал ворона. Удивившись такому смирению, братия стали почитать преподобного. Он же, не желая славы от людей, принял на себя подвиг юродства. Тогда многие стали смеяться над ним, некоторые даже били. Преподобный Исаакий снова поселился в пещере. Бесы вновь пытались искусить преподобного, являясь в образах диких зверей или разбойников и всячески угрожали ему. Но преподобный препобеждал их крестом и молитвой.

После своего исцеления преподобный Исаакий провел в подвигах почти 20 лет. Скончался он около 1190 года; братия погребла подвижника в пещере преподобного Антония. В 1711 году часть мощей преподобного Исаакия была перенесена на его родину в г. Торопец. Память его отмечается также 28 сентября и во 2-ю неделю Великого поста.

Преподо́бнаго Ма́рона, пусты́нника Сири́йскаго,

и́же избавля́ет от огневи́цы и тряса́вицы

Тропа́рь, глас 8:

Я́ко незаходи́мое со́лнце возсия́ нам днесь/ светоза́рными твои́ми моли́твами, преподо́бне о́тче наш Ма́роне,/ и́же не́кия горы́ дости́гл/ и та́мо на ней живу́щими нечести́выми чтом бысть,/ за превосходя́щую твою́ к Бо́гу доброде́тель,/ и та́мо обре́т тре́бище и́дольское, Бо́гу освяти́в, в не́м пребыва́л еси́,/ и ви́дев Человеколю́бец Бог твой по́двиг и труды́,/ дарова́ тебе́ дар Свой,/ и́мже пронесе́ся и́мя твое́ в челове́цех,/ цели́ти ско́рби, огневи́цу и тряса́вицу прибега́ющим к тебе́ с ве́рою./ Те́мже и зове́м ти:/ ра́дуйся, цели́телю наш ско́рый;/ ра́дуйся, за́ступниче наш те́плый,/ предстои́ши бо у Пресвяты́я Тро́ицы,/ моли́ся Той о призыва́ющих и́мя твое́ свято́е,/ да изба́вит от сих тя́жких скорбе́й и спасе́т ду́ши на́ша.

Ин тропа́рь, глас 4:

Пресве́тлое житие́ твое́, о́тче Мароне,/ А́нгелы удиви́ло есть,/ и бесо́вская шата́ния я́ве устраши́./ Ве́рных же собра́ния све́тло украси́./ К Небе́сному Христо́ву жили́щу, повелева́я ше́ствовати всегда́./ Его́же моли́ от тли и бед изба́вится,/ ве́рою творя́щим всечестну́ю па́мять твою́.

Ин тропа́рь, глас 2:

Фарисе́йскаго тщесла́вия удаля́яся,/ преподо́бне о́тче наш Ма́роне,/ на го́ру высо́кую возше́л еси́,/ и та́мо побе́ду показа́л еси́ на диа́вола:/ тре́бище бо бесо́вское обре́т и Бо́гу освяти́в,/ в не́м пребы́л еси́,/ моли́твами твои́ми огневи́цу и тряса́вицу утоля́я,/ и бе́сы прогоня́я,/ и от разли́чных неду́г свобожда́я./ Того́ ра́ди, свя́те, моли́ся Христу́ Бо́гу,/ да спасе́т ду́ши на́ши.

Сла́ва, и ны́не, Богоро́дичен: Е́же от ве́ка утае́нное:

Кано́н преподо́бному Ма́рону. Глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь пои́м вопия́ше.

Моего́ ра́зума твои́ми моли́твами мрак отжени́, преподо́бне о́тче Ма́роне,/ я́ко да воспою́ сла́вно твою́ свяще́нную и светоза́рную па́мять пе́сньми.

Я́ко река́ устреми́ся от Сио́на, преподо́бне о́тче,/ и напои́л еси́ зело́ Боже́ственными струя́ми ве́рных собо́ры,/ Бо́гу побе́дную песнь вопию́щих.

Поще́нием, о́тче Ма́роне, себе́ очи́стив,/ весь све́та испо́лнен бысть,/ весь Боговме́стен,/ весь Ду́ху Свято́му соприча́стен.

Богоро́дичен: Све́тлыми луча́ми Твоего́ Сы́на, Богоро́дице,/ просвети́ омраче́нную мою́ ду́шу,/ и страсте́й смуще́ние Твои́м, Чи́стая, укроти́ хода́тайством.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Труды́ по́стническими, свою́ ду́шу вооружи́в,/ плотска́я увяди́л еси́, о́тче преподо́бне, игра́ния,/ и ум сла́вне соде́ла, Боже́ственныя Тро́ицы жили́ще.

Бо́дренными твои́ми моли́твами, о́тче Ма́роне,/ и жесто́ким воздержа́нием Бо́гу на земли́ добре́ угоди́л еси́,/ сего́ ра́ди стра́шен бе́сом, и сла́вен челове́ком был еси́.

Ра́йскую жизнь, и та́мо святы́х селе́ние,/ всегда́ во уме́ свое́м помина́я, преподо́бне,/ тем же в слеза́х и в воздыха́ниях всю свою́ жизнь, о́тче Ма́роне, преше́л еси́./ Сего́ ра́ди и по сме́рти Христо́с чудесы́ тя просла́ви.

Богоро́дичен: Источа́еши исцеле́ний струи́ боля́щим Де́во всю́ду,/ Тя бо исто́чника показа́ милосе́рдия, Влады́чице,/ и́же ми́лости Исто́чник из Тебе́ рожде́йся па́че ума́.

Седа́лен, глас 8.

Подо́бен: Прему́дрости наста́вниче:

Прогони́тель бесо́м яви́ся,/ и я́ко свети́льник те́мным, просвети́в сия́, яви́л еси́ Со́лнца, от Де́вы возсия́вшаго,/ и хра́мы и́дольския сокруши́в,/ воста́вил еси́ це́ркви, блаже́нне, в сла́ву Бо́га на́шего,/ тем тя почита́ем,/ и Боже́ственную твою́ па́мять светло́ пра́зднуем,/ и согла́сно вопие́м ти:/ о́тче Ма́роне, моли́ Христа́ Бо́га грехо́в оставле́ние пода́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Со́лнца о́блаче све́тлый,/ Боже́ственнаго све́та све́щниче златакова́нный,/ нескве́рная, Непоро́чная, Пречи́стая Влады́чице,/ омраче́нную ду́шу мою́ слепото́ю страсте́й,/ безстра́стия заре́ю просвети́ти молю́ся/ и оскверне́нное се́рдце мое́ омы́й умиле́нием покая́ния,/ пла́чем же от скве́рны мя очи́сти дел мои́х,/ да любо́вию зову́ Ти:/ Богоро́дице Присноде́во, моли́ся Христу́ Бо́гу,/ прегреше́ний оставле́ние да́ти ми,/ Тебе́ бо наде́жду име́ю, раб Твой.

Песнь 4

Ирмо́с: Христо́с моя́ си́ла/ Бог и Госпо́дь,/ честна́я Це́рковь/ Боголе́пно пое́т взыва́ющи,/ от смы́сла чи́ста о Го́споде пра́зднующи.

Светоно́сное и светови́дное житие́ твое́, блаже́нне,/ ра́достно хвали́ти усе́рдствующа,/ твоея́ све́тлости ти́хостию, просвети́ мя молю́ся,/ и грехо́вную дря́хлость отжени́.

Я́коже благода́ть прие́м исцеле́нием, всеблаже́нне Ма́роне,/ души́ моея́ я́звы моли́твами твои́ми исцели́,/ и находя́щих искуше́ний изба́ви мя молю́ся.

Всем нра́вом преподо́бне к Бо́гу ра́достно прилежа́,/ кроме́ пло́ти и ми́ра быв,/ и смысл несмуще́н, и утвержде́н воздержа́нием соблю́л еси́,/ Боже́ственному безстра́стию присвоя́яся.

Богоро́дичен: Возсия́ Со́лнце из Тебе́, Ма́ти Присноде́во,/ и́же от Отца́ пре́жде век неви́димый,/ и ви́димым пресла́вно опису́ем телесе́м,/ благоче́стия све́том челове́ки просвети́л есть.

Песнь 5

Ирмо́с: Бо́жиим све́том Твои́м, Блаже,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ И́стиннаго Бо́га,/ от мра́ка грехо́внаго взыва́юща.

Мольбу́ ны́не сотвори́, о́тче Ма́роне, о рабе́х свои́х,/ я́ко да оставле́ние согреше́нием прии́мем,/ и от одержа́щия ско́рби да изба́вимся, и вся́кия тесноты́.

Тебе́ мо́лим, о́тче Ма́роне, блага́го хода́тая ко Го́споду,/ не оста́ви нас без заступле́ния,/ но обы́чною твое́ю моли́твою спаса́й.

Несть, и́же призва́вый тя в скорбех, и ско́ро не обря́щет утеше́ние./ Тем же мо́лим тя, вся боле́зни на́ша, Ма́роне, обле́гчи.

Богоро́дичен: Пое́т всяк язы́к и сла́вит Тя, Де́во Богоневе́сто,/ Бо́га бо препе́таго ро́ждши,/ Его́же моли́ непреста́нно о душа́х на́ших.

Песнь 6

Ирмо́с: Жите́йское мо́ре/ воздвиза́емое зря/ напа́стей бу́рею,/ к ти́хому приста́нищу Твоему́ прите́к, вопию́ Ти,/ возведи́ от тли живо́т мой,/ Многомилости́ве.

Кре́пко врага́ попра́л еси́, му́дре,/ его́ же сокруша́ти и нас твои́ми моли́твами укрепи́, Ма́роне,/ и́же тобо́ю, предста́телем Боже́ственным, обогати́вшихся.

От вся́кия изба́ви мя тесноты́,/ простра́нство я́ко име́я ми́лости, Ма́роне,/ и те́сным ше́ствовати укрепи́ путе́м ко Го́споду.

Я́ко фи́никс высокора́сленый, ты на горе́, о́тче Ма́роне, процвете́,/ и Бо́гу плодоноси́л еси́ сла́дкия боле́зни трудо́в свои́х.

Всесве́тлый показа́ся, Богому́дре, столп,/ наста́вляя чи́ны и́нок, о́тче Ма́роне,/ о́блак же, осеня́ющ жре́бий Бо́жий,/ и ли́ца неви́димых враг помрача́ющ благода́тию всех Царя́.

Богоро́дичен: От Де́вы Младе́нец ражда́ется,/ созда́вый ве́ки хоте́нием, Ю́же воспева́ем я́ко Богоро́дицу,/ и пра́ведно ублажа́ем.

Конда́к, глас 5.

Подо́бен: Собезнача́льное Сло́во:

Страсте́й пещь, преподо́бне, угаси́л еси́, воздержа́ния росо́ю./ Дарова́нием обогати́лся еси́ исцеле́ний от Бо́га, Ма́роне,/ прия́л еси́ цели́ти ве́рным боле́зни тя́жкия,/ и бесо́в отгони́ти полки́./ Сего́ ра́ди с весе́лием почита́ем тя.

И́кос:

Отве́рзи ми устне́, преблаже́нне, Богоприя́тными моли́твами,/ предстоя́ Бо́гови, всесла́вне Ма́роне,/ да воспою́ Боже́ственное твое́ житие́,/ и возглаго́лю досто́йно доброде́тели твоя́,/ я́же на земли́ Христа́ Бо́га ра́ди сверши́л еси́ подо́бно./ Столп бо яви́ся и пра́вило и́ноком све́тло,/ ра́вно А́нгелом стяжа́ житие́./ Сего́ ра́ди с весе́лием почита́ем тя.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти;/ благослове́н еси́, Бо́же оте́ц на́ших.

Вся́каго сладостра́стия, о́тче, отве́ргся,/ с зимо́ю и ва́ром боря́ся, пострада́л еси́ без покро́ва, поя́:/ благослове́н Бог оте́ц на́ших.

Пребыва́ет сла́ва во ве́ки твоя́, о́тче,/ и па́мять со все́ми пра́ведными./ С ни́ми же нас, ве́рою пою́щих, помина́й,/ благослове́н Бог оте́ц на́ших.

Глаго́л мои́х услы́шав,/ спе́шно, о́тче Ма́роне, потщи́ся приити́ ми на по́мощь,/ обурева́ему скорбьми́, и ну́ждами жите́йскими, и бесо́вскими озлобле́нии/ я́ко да спаса́ем пою́,/ благослове́н Бог оте́ц на́ших.

Твои́ к Бо́гу непреста́нно ру́це воздева́еме, руки́ льсти́ваго, о́тче, благочести́выя изба́виша,/ и вся́кому боля́щему здра́вие подава́ша.

Богоро́дичен: Де́во Чи́стая, Сло́ву пала́то,/ ду́шу мою́ покажи́ дом Ду́хови./ И водо́ю исто́чника живонача́льнаго напо́й мя,/ зно́ем грехо́вным изгара́ема,/ я́ко да по до́лгу прославля́ю Тя.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хотети./ Тя превозно́сим во вся ве́ки.

Си́лою Боже́ственною ополче́ния бесо́вская па́губная потреби́л еси́./ Благода́ть же прии́м уставля́ти тряса́вичныя не́мощи и отгони́ти ду́хи нечи́стыя от вопию́щих:/ Тя превозно́сим Го́спода во ве́ки.

Моле́ния Го́сподеви, о́тче, неоску́дно приноси́ ты,/ я́ко да грехо́в и пла́мене муче́ния ве́чнующаго,/ и напа́стей и скорбе́й изба́вит нас,/ я́ко Еди́н преблаги́й.

Сокруши́л еси́ куми́ры па́губныя иногда́, Христо́в уго́дниче./ Тем же ны́не ве́рою молю́ тя, Ма́роне,/ ума́ моего́ куми́ры потреби́.

Богоро́дичен: Поглоще́ннаго боле́зньми и па́дшася, воста́ви Богома́ти,/ я́ко да Тя сла́влю во вся ве́ки.

Песнь 9

Ирмо́с: Бо́га/ челове́ком невозмо́жно ви́дети,/ на Него́же не сме́ют чи́ни А́нгельстии взира́ти;/ Тобо́ю бо, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и,/ Тя ублажа́ем.

Мене́, и́же па́че всех челове́к Тебе́ прогне́вавша умо́м неразу́мным,/ Преблаги́й, уще́дри,/ Ма́рона те́плыми моли́твами.

Врача́ изря́дна показа́ тя Влады́ка Христо́с,/ тем же боле́зни исцели́ благоче́стно к тебе́ приходя́щих,/ Ма́роне, о́тче наш.

Сокруше́нным се́рдцем вопие́м ти, о́тче,/ утеше́ние нам буди́ в ско́рбех,/ печа́ли разгоня́я всегда́ от душ на́ших, Ма́роне.

Богоро́дичен: Глас Ти прино́сим Гаврии́лов, ра́дующеся,/ ра́дуйся, глаго́люще, ме́сто свяще́ния,/ ра́дуйся, преподо́бным сла́во, и всем ве́рным спасе́ние./ Тебе́ бо ра́ди обожи́хомся, Богоро́дице Присноде́во.

Моли́тва

О, возлю́бленная и свяще́нная главо́, преподо́бне и Богоно́сне о́тче наш Ма́роне! Назира́й свы́ше ми́лостивно и моли́ся Влады́це ми́лостивому и всеще́дрому всех благ Пода́телю Бо́гу о соблюде́нии страны́ на́шея. Буди́ моле́бник и о нас гре́шных! К стра́шному Го́споду Савао́фу честны́я своя́ ру́це в час сей простри́, и от Него́ ми́лость и щедро́ты испроси́, и приими́ ны во свое́ хода́тайство и заступле́ние, от всех бед и лю́тых боле́зней сохрани́, и от вся́ких страсте́й свободи́, и от нестерпи́мыя и неутеши́мыя огневи́цы и тряса́вицы моли́твами твои́ми изба́ви нас, и от нападе́ния бесо́в, от ви́димых и неви́димых враго́в соблюди́, и согреше́ниям на́шим проще́ние испроси́, и спасе́ны Христу́ предста́ви ны, и ми́лостивно, в день Стра́шнаго Суда́, с ра́достию предста́ти нам пред лице́м неизрече́нныя сла́вы Его́ сподо́би, и ми́лостивное призва́ние в Ца́рство Небе́сное от Него́ услы́шати и в неизрече́нней ра́дости зре́ти пресла́вную Его́ лица́ добро́ту сподо́би благода́тию и человеколю́бием Го́спода Бо́га и Спа́са на́шего Иису́са Христа́. Я́ко держа́ва Его́ благослове́нна и препросла́вленна со Безнача́льным Его́ Отце́м и Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

Жил в IV–V веках в окрестностях города Кира в Сирии, где в то время подвижничество достигло наивысшего расцвета. По словам святого Иоанна Златоуста, проживавшего некоторое время среди этих подвижников, они проводили в молитве бессонные ночи на голой земле, имея небо – кровлей и луну – ночным светильником, вкушая один раз в день перед заходом солнца растительную пищу.

К этому ангелоподобному сонму принадлежал и преподобный пустынник Марон, который подвизался в непрестанной молитве и многодневном пощении в пещере на вершине горы, считавшейся некогда у язычников священною, где они совершали жертвоприношения.

Своими подвигами и трудами преподобный Марон место идольских требищ освятил в место служения Богу, сподобившись от Господа особых благодатных даров: исцеления болезней телесных и душевных. Люди разного звания и состояния шли к нему со своими нуждами. У всех на глазах больные исцелялись, демоны обращались в бегство.

Чтимый всеми окрестными жителями (даже «нечестивыми чтом бысть») как целитель и чудотворец, преподобный пустынник Марон предлагал и духовное врачевство: одного врачевал от любостяжания, другого от гнева; одному внушал смиренномудрие, другому преподавал уроки справедливости; в одном обличал невоздержание, другого пробуждал от беспечности.

Подвижническая жизнь святого привлекала к нему многих последователей, искавших уединения и изучавших образ его подвижничества. Среди них особенно следует отметить преподобного Иакова, отшельника, приучившего под руководством Марона свою душу к самоуглублению и Богомыслию. Будучи впоследствии сам знаменитым Сирийским отшельником (†457; память 26 ноября), он именовался учеником «славного знаменитого Марона».

Преподавая уроки любомудрия, преподобный Марон насадил Богу духовный сад, то есть многочисленный сонм подвижников, процветавший в земле Сирийской. Его считают по праву основателем многих монастырей.

В 405 году преподобный Марон был хиротонисан в сан пресвитера, в котором пребывал до блаженной кончины, последовавшей около 433 года после короткой болезни.

В православном народе к преподобному Марону всегда прибегали как к целителю огневицы и трясавицы (горячки и лихорадки, а также припадков). Об этом свидетельствует почитание святой иконы преподобного Марона, находившейся в соборном храме Валаамского монастыря. По просьбе жителей побережья Онежского озера, часто страдавших от лихорадок, пред этим образом в Валаамском соборе постоянно служились молебны.

Храм в честь преподобного Марона находился в Москве по соседству с храмом во имя святого мученика и чудотворца Иоанна Воина (ныне ул. Димитрова). Связь этих двух церквей запечатлена на иконе с изображением преподобного Марона и мученика Иоанна Воина. Эта святыня, находившаяся ранее в церкви преподобного Марона, в настоящее время перенесена в храм святого мученика Иоанна Воина, где постоянно поминается имя преподобного Марона. В том же храме ежегодно 14 февраля торжественно отмечается и память преподобного Марона – целителя и чудотворца.

Пренесе́ние честны́х моще́й святы́х муче́ник и испове́дник благове́рнаго князя Михаи́ла Черни́говскаго и боля́рина его Фео́дора

Тропа́рь, глас 8:

Тро́ичнаго Божества́ осия́нием просвети́вся,/ страстоте́рпче вели́кий кня́же Михаи́ле,/ с прему́дрым боля́рином ти Фео́дором,/ самозва́нна к подвиго́м устреми́стася,/ сквозе́ огнь не идо́ста,/ кусту́ же и и́долом не поклони́стася, но оплева́ста/ и нечести́ваго царя́ обличи́ста,/ Христа́ же Еди́наго от Тро́ицы Бо́га Су́ща испове́даста./ И того́ ра́ди крове́й свои́х струя́ми обагри́стася, сла́вная./ Те́мже и венца́ от Него́ побе́дная прия́ста,/ и нас свы́ше назира́ета,/ мо́лим ва, свята́я, моли́те Того́,/ я́ко да ва́шими моли́твами изба́вит нас от вся́ких обстоя́щих ны зол/ и пода́ст нам вся блага́я,/ И́же Еди́н Сый прославля́емый во святы́х Свои́х.

Конда́к, глас 5:

Со́лнца мы́сленнаго пра́веднаго – Христа́/ озари́вся сия́нием, пребога́те Михаи́ле,/ ви́димому со́лнцу не поклони́лся еси́/ и тва́ри па́че Творца́ не послужи́л еси́/ и нече́стие обузда́л еси́,/ я́рости царя́ не убоя́вся/ и кро́ве свое́я обагре́нием/ Христо́ви предста́л еси́, ра́дуяся./ И ны́не в пренесе́нии моще́й твои́х/ нас свы́ше назира́й и Христа́ Бо́га моли́,/ мо́лимся я́ко спасти́ся нам/ и Правосла́вию непоколеби́му пребы́ти,/ Оте́честву на́шему соблюсти́ся во все́м/ моли́твами твои́ми, свя́те,/ по вели́цей Его́ ми́лости.

Перенесение мощей, 1578. В 1238 году татарский хан Батый со всею своею силою обрушился на Русскую землю. Многие города, в том числе Киев и Чернигов, были разорены и опустошены, население их уничтожено, богатства разграблены, церкви и здания разрушены.

Мало кому удалось остаться в живых. Спаслись в основном те, кто, узнав о приближении татар, покинули города и укрылись в лесах и пещерах. Князья и бояре бежали в другие земли. Князь Черниговский святой Михаил находился в то время в Киеве. Узнав о нашествии Батыя, он со своим боярином святым Феодором и другими людьми 6ежит в Угры.

Когда избиение прекратилось, люди стали возвращаться к разоренным жилищам. Вернулся со своими людьми и святой благоверный князь Михаил, оплакивая разоренную Родину.

Узнав о возвращении святого князя Михаила, татары приказали ему явиться к хану. Прежде чем быть допущенным к хану, каждый должен был поклониться языческим богам. Многие русские князья от малодушия исполнили это требование.

Святые Михаил и Феодор решили пролить кровь свою, но не поклониться идолам. Взяв благословение духовного отца, епископа Иоанна, и причастившись Божественных Тайн, они отправились в Орду, твердо решив положить душу свою за Христа и принять мученический венец.

Приехав к хану, святые решительно отказались выполнить требуемый от них языческий обряд. 20 сентября 1245 года они были жестоко замучены и обезглавлены. Тела святых были брошены на съедение псам, но, пролежав несколько дней, остались нетронутыми. Над ними стал являться огненный столп. Христиане перенесли тела святых мучеников в Чернигов и там погребли с почестями.

В XVI веке, когда Чернигов попал под власть поляков-католиков, святые мощи из опасения поругания были перенесены в Москву, где их торжественно встретили с крестным ходом и колокольным звоном 14 февраля 1578 года. Еще ранее, в 1577 году, для них был построен храм в Кремле, получивший впоследствии название собора Черниговских святых. Среди других храмов Черниговский собор был один из наиболее чтимых. Впоследствии тела святых мучеников перенесли в Архангельский собор Кремля.

Преподо́бных двуна́десяти гре́ков, зда́телей вели́кия це́ркве

Киево-Пече́рския оби́тели, в Бли́жних пеще́рах почива́ющих

Тропа́рь, глас 3:

Преблаже́ннии и Богоно́снии отцы́ на́ши,/ двоенадеся́тице честна́я,/ устрое́нию вели́кия це́ркве Киево-Пече́рския послужи́вшии/ и равноа́нгельным житие́м Бо́гу угоди́вшии/ и Того́ ра́ди дерзнове́ние ве́лие у Него́ стяжа́вшии,/ мо́лим вас приле́жно,/ испроси́те душа́м на́шим очище́ние и ве́лию и бога́тую ми́лость.

Конда́к, глас 4:

Бога́тство благода́ти и сыноположе́ния стяжа́вше/ мно́гими по́двиги и доброде́тельми,/ и́хже ра́ди Христо́с всели́ ду́ши ва́ша в Небе́сная селе́ния Своя́,/ дарова́в благода́ть нетле́ния и чуде́с моще́м ва́шим./ Сего́ ра́ди вопие́м вам:/ ра́дуйтеся, двоенадеся́тице честна́я/ вели́кия це́ркве Пече́рския зда́тели/ и ли́ков и́ноческих похвало́ и утвержде́ние.

В 1073 году в Киево-Печерский монастырь пришли из Царьграда мастера, чтобы построить церковь во имя Пресвятой Богородицы. Сама Пресвятая Дева избрала их для постройки Своего храма. Каждому из них явился во сне Ангел и передал волю Царицы Небесной: чтобы они пошли во Влахерну. Во Влахерне Пресвятая Дева Сама явилась мастерам и, дав им Свою икону Успения и мощи святых мучеников Артемия, Полиевкта, Леонтия и Акакия, отправила их на Русь к преподобным Антонию и Феодосию Печерским. Царица Небесная показала также мастерам на воздухе церковь, какую они должны были построить.

Придя в Киево-Печерскую обитель, мастера не знали, в каком месте заложить основание церкви. Тогда преподобный Антоний и с ним весь народ три дня молились, и Господь открыл место, где нужно было строить храм в честь Его Пречистой Матери. В основание церкви были положены мощи принесенных мастерами мучеников.

Через три года церковь была построена. Для определения размеров ее основания послужил пояс, снятый с иконы Распятия, принесенный из варяжской земли князем Шимоном, во святом Крещении Симоном. Через несколько лет из Царьграда пришли в Лавру иконописцы, чтобы расписать храм, освященный в честь Успения Пресвятой Богородицы. Эти иконописцы, как и мастера, были чудесным образом призваны для росписи церкви Самой Царицей Небесной. Когда они подплывали к Киеву, то издали увидели Печерскую церковь и поразились ее размерами. Не решаясь приступить к работе, они хотели плыть обратно вниз по течению. Но ладья сама поплыла против течения. Ночью явилась им престольная икона Божией Матери, от Которой они услышали: если ослушаются и поплывут назад, то будут оставлены у церкви силою и уже не отойдут от нее до конца дней своих, но примут монашество и умрут в монастыре. Греки же, встав утром, вновь хотели плыть вниз по течению, но, сколько ни гребли, ладья плыла вверх и под монастырем пристала к берегу. Мастера иконного писания, покорившись воле Божией, расписали собор.

Украшая церковь, они заботились о том, чтобы и себя украсить добродетелями. Приняв постриг, они вели Богоугодную жизнь и в свое время скончались в Печерском монастыре, как и строители церкви. Греческие мастера – и зодчие, и иконописцы, – потрудившиеся при создании Успенской церкви в Киево-Печерской обители, погребены в пещере преподобного Антония, где до сих пор лежат нетленными. Память их отмечается также 28 сентября.

* * *

19

Сла́вию – соловей


Комментарии для сайта Cackle