Минея. Март

 Оглавление1-й де́нь2-й де́нь 

1-й де́нь

Святы́я преподобному́ченицы Евдоки́и

А́ще е́сть 40-ца, пое́м Аллилу́ия. А́ще же ни, тропа́рь.

На Го́споди, воззва́х: стихи́ры, глас 4.

Подо́бен: Дал еси́ зна́мение:

Пе́рвее пости́вшися/ и пло́ти игра́ния/ воздержа́нием увяди́вши,/ страда́нием второ́е врага́ низложи́ла еси́ кова́рствия/ и побе́ду взяла́ еси́ на него́,/ о Евдоки́е Богоблаже́нная./ Тем тя венча́ за сугу́быя по́двиги/ Иису́с Человеколю́бец/ и Спас душ на́ших.

Серде́чными бразда́ми/ се́мя Боже́ственное прия́ла еси́,/ я́ко земля́ тучна́, Богодухнове́нная,/ и стори́цею воздаю́щая муче́ния клас/ прозябла́ еси́ вои́стинну/ и в жи́тницы мы́сленныя собрала́ся еси́/ си́лою Ду́ха, тя претвори́вшаго/ и измене́нием лу́чшим измени́вшаго благода́тию,/ Евдоки́е всехва́льная.

Ме́ртвыя воскреси́ла еси́/ животво́рным твои́м провеща́нием,/ Евдоки́е сла́вная,/ умертви́вши пе́рвее/ воздержа́ния боле́зньми теле́сныя стра́сти./ И ны́не живе́ши на Небесе́х с му́ченики,/ до́бре сконча́вши тече́ние страда́ния/ по́мощию Ду́ха,/ о всех, ве́рою тя воспева́ющих, моля́щи.

Сла́ва, и ны́не, Богоро́дичен, глас и подо́бен то́йже:

Ра́дуйся, солнцезра́чная луче́,/ Со́лнца незаходи́маго престо́ле,/ я́же Со́лнце возсия́вши недоуме́нное./ Ра́дуйся, у́ме, облиста́яй Боже́ственными сия́ньми,/ заре́ мо́лнийная, освети́вшая земли́ концы́,/ и́стинное зла́та блиста́ние,/ Вседо́брая и Всенепоро́чная,/ Свет Невече́рний ве́рным облиста́вши.

Крестобогоро́дичен. Подо́бен то́йже:

Распина́ема Христа́ Человеколю́бца/ ви́дящи Пречи́стая/ и ре́бра ископава́ема копие́м,/ пла́чущи, вопия́ше:/ что́ сие́, Сы́не Мой?/ что́ Ти безблагода́тнии лю́дие возда́ша,/ за я́же сотвори́л еси́ до́брая им,/ и тщи́шися безча́дствовати Мя, Вселюбе́знейший?/ Удивля́юся, Благоутро́бне,/ Твоему́ во́льному распя́тию.

Тропа́рь, глас 8:

Пра́востию у́мною ду́шу твою́ привяза́вши в любо́вь Христо́ву,/ тле́нных, и кра́сных, и вре́менных забы́тием претекла́ еси́,/ я́ко Сло́ва учени́ца:/ поще́нием стра́сти пе́рвее умертви́вши,/ страда́льчески второ́е врага́ посрами́ла еси́./ Тем Христо́с сугу́бых венца́ сподо́би тя,/ сла́вная Евдоки́е, преподо́бная страстоте́рпице,/ моли́ Христа́ Бо́га спасти́ся душа́м на́шим.

Кано́н, глас 2.

Пе́снь 1

Ирмо́с: Гряди́те, лю́дие,/ пои́м пе́снь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,/ я́ко просла́вися.

Душе́вное озлобле́ние услади́ти ми, Благи́й, благоизво́ли/ страстоно́сицы Твое́я Евдоки́и мольба́ми/ и сию́ воспе́ти, Сло́ве, пода́ждь ми.

Кто Твою́, Христе́, благосе́рдия пучи́ну я́ве испове́сть?/ я́ко спасе́ния соде́ла приста́нище,/ дре́вле прегреше́ний глубину́ су́щую.

Я́коже земля́ блага́я, твоя́ душа́, пресла́вная,/ до́ждь прия́т уче́ния Ге́рмана преподо́бнаго,/ и клас благоче́стия плод принесе́.

Мы́сленный у́гль в се́рдцы – Христа́ – прие́мши, всечестна́я,/ креще́нием, я́коже хвра́стие 1, ле́сть и плотски́я стра́сти вои́стинну попали́ла еси́.

Богоро́дичен: Богоподо́бное селе́ние вои́стинну Ты яви́лася еси́,/ Небе́с простра́ннейши и честне́йши, Богоро́дице Де́во,/ и ны́не о Тебе́ ра́дуется А́нгельский лик.

Пе́снь 3

Ирмо́с: Утверди́ нас в Тебе́, Го́споди,/ Дре́вом умерщвле́й грех,/ и страх Твой всади́/ в сердца́ нас, пою́щих Тя.

Утвержде́ние, Христе́, и сте́ну необори́му/ в пе́рсех преподо́бная Твоя́ стяжа́вши,/ прило́ги не поколеба́ся врага́,/ но сего́ до конца́ потреби́.

Возжела́вши Христо́вы красоты́ и Сего́ любо́вию снеда́ема,/ страда́нием сочта́лася еси́ Ему́,/ Евдоки́е Богому́драя и всесла́вная.

Креще́нием Христо́вым, и слеза́ми твои́ми,/ и по сем кровьми́ муче́ния очи́стившися,/ храм была́ еси́ Тро́ице и ме́сто свяще́ния.

Богоро́дичен: От А́нны ра́дость ро́ду процвела́ еси́/ и ражда́еши, Де́во, Царя́,/ и сра́дуются рождеству́ Твоему́ жены́,/ разре́шшеся Тобо́ю от кля́твы.

Седа́лен, глас 8.

Подо́бен: Прему́дрости:

Просве́щшися заре́ю Боже́ственною,/ преле́стную оста́вила еси́ тьму́/ и житие́ восприя́ла еси́ с пло́тию невеще́ственное,/ благода́тьми Боже́ственными испо́лнившися Ду́ха,/ ма́лым провеща́нием ме́ртвыя воскреси́ла еси́./ Тем при кончи́не муче́ния венце́м Боже́ственне украси́лася еси́/ и льсти́ваго посрами́ла еси́, Евдоки́е равноа́нгельная,/ моли́ Христа́ Бо́га прегреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Я́ко Де́ву и еди́ну в жена́х,/ Тя, без се́мене ро́ждшую Бо́га пло́тию,/ вси ублажа́ем, ро́ди челове́честии,/ о́гнь бо всели́ся в Тя Божества́,/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Крестобогоро́дичен:

А́гнца, и Па́стыря, и Изба́вителя А́гница зря́щи на Кресте́,/ восклица́ше, пла́чущи, и, го́рько рыда́ющи, вопия́ше:/ мир у́бо ра́дуется, прие́мляй Тобо́ю избавле́ние,/ утро́ба же Моя́ гори́т, зря́щи Твое́ распя́тие,/ е́же терпи́ши за милосе́рдие ми́лости./ Долготерпели́ве Го́споди,/ ми́лости бе́здно и исто́чниче неисчерпа́емый,/ умилосе́рдися и да́руй согреше́ний оставле́ние/ ве́рою пою́щим Боже́ственный стра́сти Твоя́.

Пе́снь 4

Ирмо́с: Услы́шал, Го́споди,/ слух Твоего́ смотре́ния/ и просла́вих Тя,/ Еди́не Человеколю́бче.

Безбо́жия пучи́ну реко́ю Боже́ственных твои́х крове́й,/ Евдоки́е сла́вная, изсуши́ла еси́.

Я́же пе́рвее уловля́ющая блу́дными безу́мныя мре́жами,/ ны́не к Ца́рству Бо́жию уловля́ет ве́рныя.

Е́же без пра́вды со́бранное тебе́ бога́тство тле́нное расточи́вши пра́ведно,/ нетле́ния бога́тство насле́довала еси́.

Богоро́дичен: Свет возсия́л еси́, Го́споди,/ и́же в нощи́ и тьме́ прегреше́ния,/ от Чи́стыя Де́вы воплоща́емь.

Пе́снь 5

Ирмо́с: Све́та Пода́телю и веко́в Тво́рче, Го́споди,/ во све́те Твои́х повеле́ний наста́ви нас:/ ра́зве бо Тебе́, ино́го бо́га не зна́ем.

Свет Невече́рний, озари́в вои́стинну сла́вную,/ от страстны́я изъя́т мглы/ и, к безстра́стия пути́ наве́д, всесве́тлу показа́.

Царя́ Бо́га, я́коже вневе́стившися Сы́ну,/ возста́вила еси́ честны́м Его́ призыва́нием/ уме́ршаго лю́те царе́ва сы́на, пресла́вная.

Му́жеским по́мыслом на суди́щи Христа́, сла́вная, испове́дуеши, Бо́га воплоще́нна,/ и, мече́м во главу́ усе́чена,/ лику́еши с му́ченики.

Богоро́дичен: Я́коже наде́жду Твое́ предста́тельство ве́рнии иму́ще/ и беда́ми го́рьких боле́зней окруже́ни,/ к Тебе́ усе́рдно, Де́во, прибега́ем, Влады́чице.

Пе́снь 6

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.

Я́ко те́пла ре́вность ве́ры твоея́, му́ченице Евдоки́е,/ е́юже попра́ла еси́ неве́рных настоя́ние/ и побе́ду пожа́ла еси́ страда́ния.

Сле́зныя то́ки совоку́пльши муче́ния ка́плям кро́ве твое́я,/ еди́ну от обою́ ча́шу спасе́ния соверши́ла еси́.

Я́же пре́жде смра́да испо́лнена, мно́жеством нечистоты́ су́щи,/ ны́не благово́ния испо́лнися/ и с деви́ческими ли́ки весели́тся.

Богоро́дичен: Я́же ми́ра ра́дость,/ Богоро́дице Чи́стая, ра́дуйся,/ Тебе́ зову́щих со А́нгелом ве́рно/ Твоея́ ра́дости сподо́би и печа́ль на́шу разори́.

Конда́к, Глас 4:

Во страда́нии твое́м до́бре подвиза́вшися,/ и по сме́рти нас освяща́вши чуде́с излия́нии, всехва́льная,/ ве́рою прибега́ющий в Боже́ственную це́рковь твою́,/ и, торжеству́юще, мо́лим тя, преподо́бная му́ченице Евдоки́е:/ да изба́вимся неду́г душе́вных и чуде́с благода́ть почерпе́м.

И́кос:

Страстоте́рпческая це́рковь поро́да яви́ся 2,/ среде́ стяжа́вши сад безсме́ртия,/ те́ло сея́ честно́е,/ и́же сего́ объе́млющий плоды́ ве́твьми кре́пко освяща́ются,/ зря́ще же, удивля́ются,/ ка́ко вои́стинну ме́ртво те́ло источа́ет исцеле́ния, вразумля́я вся?/ Тем со тща́нием прииди́те, ны́не вси со мно́ю, смире́нным,/ и, очи́щше скве́рну, чуде́с благода́ть почерпе́м.

Пе́снь 7

Ирмо́с: О́бразу злато́му, на по́ле Деи́ре служи́му,/ трие́ Твои́ о́троцы небрего́ша безбо́жнаго веле́ния,/ посреде́ же огня́ вве́ржени, ороша́ема, поя́ху:/ благослове́н еси́, Бо́же оте́ц на́ших.

И́же дре́вле уловля́яй,/ одожде́нии зло́бными всю объе́мь тя,/ враг льсте́ц, попира́емь твои́ми нога́ми, вельми́ зва́ше:/ увы́ мне, победи́хся, – глаго́ля, – Евдоки́е прехва́льная,/ твои́м непрело́жным к Бо́гу присвое́нием, чи́стая.

Воздержа́нием мно́гим мудрова́ния твоея́ пло́ти умертви́вши,/ ме́ртвым подава́еши воскресе́ние к Бо́гу дерзнове́нием твои́м/ и к Нему́ несомне́нною, Евдоки́е, мольбо́ю твое́ю:/ и́бо во́лю твори́т боя́щихся Его́.

Стра́сти Христо́вы, я́коже украше́ние боголе́пно,/ на вы́и твое́я души́ нося́щи,/ сего́ привлекла́ еси́ нетле́ния жела́нием,/ отону́дуже тя обручи́ неве́сту, непоро́чно зову́щую:/ благослове́н Бог оте́ц на́ших.

Богоро́дичен: Пе́рвее Гедео́н, провозвеща́я Твое́, Чи́стая, Боже́ственное Рождество́ я́ве,/ окри́н 3 но́сит, полн воды́,/ ю́же от руна́ оцеди́:/ все бо в Тя Божество́ всели́ся, Пречи́стая,/ благослове́н Плод чре́ва Твоего́.

Пе́снь 8

Ирмо́с: В пе́щь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га/ по́йте, дела́, я́ко Го́спода/ и превозноси́те во вся ве́ки.

Я́коже прише́дши умо́м ко и́стинному Рачи́телю, удо́бь терпи́ши плотски́я я́звы/ и огня́ го́рькую боле́знь, му́ченице всесла́вная,/ благословя́ши Христа́ во вся ве́ки.

Треволне́ния бед сокруши́ла еси́ кре́стным я́дрилом/ и душе́вное корми́ло в Ца́рствия Бо́жия приста́нища спасла́ еси́, сла́вная,/ благословя́щи Христа́ во ве́ки.

Безобра́зия страсте́й совлекла́ся еси́/ и ду́шу обложи́ла еси́ кра́сною оде́ждею безстра́стия,/ те́мже Христо́с, тя неве́сту обручи́в,/ в Небе́сныя всели́ хра́мы.

Богоро́дичен: Свобожда́ется Тобо́ю пра́баба, Богоро́дице, осужде́ния,/ и се ны́не жены́ стра́ждут за Христа́,/ и ра́дуется естество́ же́нское,/ я́коже первому́ченица вопие́т, де́ва Фе́кла.

Пе́снь 9

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма,/ я́дию в тле́ние па́дшаго лю́те,/ от Святы́я Де́вы неизрече́нно воплоти́вшагося нас ра́ди,/ ве́рнии, единому́дренно пе́сньми велича́ем.

Лица́ твоего́ зре́ние духо́вною заре́ю,/ я́коже со́лнце, возсия́вши, чи́стая,/ стра́нно показа́шеся виде́ние зря́щим неве́рным,/ и́бо, я́коже возлюби́вши Христа́,/ от Него́ просла́вилася еси́ досто́йно, всечестна́я.

Души́ твое́я свещу́ вже́гши, му́ченице, еле́ем крове́й твои́х све́тло,/ ра́дующися, ны́не вошла́ еси́ в Боже́ственный неве́стник Христо́в с му́дрыми де́вами,/ с ни́миже помина́й всех, ве́рою хва́лящих тя.

От терно́выя пре́лести, я́ко ши́пок, Богому́драя, сладкоуха́нен, израсла́ еси́ красно́/ и ве́рных облагово́нила еси́ души́, Евдоки́е,/ неве́рных же отрази́ла еси́ тве́рдо смрад преле́стный,/ те́мже тя блажи́м.

Соверша́ющих любо́вию моле́бную па́мять твою́,/ к Бо́гу и Изба́вителю, му́ченице чи́стая, моли́твами от вся́ких бед спаси́/ и мою́ душе́вную скве́рну, и́же ху́до тя воспе́вшаго, отмы́й.

Богоро́дичен: О нас моля́щи Сы́на Твоего́ не преста́й, Де́во, Человеколю́бца Бо́га,/ Тя бо наде́жду стяжа́хом/ и Твои́м предста́тельством избавля́емся бед, и страсте́й,/ и прегреше́ний, и боле́зней, ве́рою Тя сла́вящии.

Преподобномученица Евдокия

Преподобномученица Евдокия жила во II веке в финикийском городе Илиополе (ныне Баальбек, Ливан). Самарянка по происхождению, она носила греческое имя (Евдокия означает «благоволение») и вела образ жизни языческой гетеры. Отличаясь редкой красотой, Евдокия не стыдилась торговать своим телом. Она привлекала самых богатых и знатных юношей, скопила большое богатство и даже пользовалась почетом у местных властей.

Однажды некий инок, по имени Герман, возвращаясь в свою обитель через Илиополь, остановился на ночлег по соседству с домом Евдокии. В ту ночь Евдокия была одна в спальне. Окна спальни выходили к стене, за которой Герман читал вслух свое молитвенное правило. Благодать Божия коснулась ее сердца. Евдокию особенно поразили слова о Страшном Суде Господнем и о наказании в будущей жизни для грешников. Ее устрашила несоизмеримая малость жизни здешней, проводимой в греховных страстях и пороках, по сравнению с жизнью будущей, в которой ей грозит возмездие. Наутро она просила позвать к себе Германа. Герман, придя к Евдокии и прозрев в ней душу пробуждающуюся, заговорил о том, что богатство ее неправедно, ибо нажито в блуде и в потворстве чужой греховной похоти, что сама ее жизнь нечиста и что очиститься от скверны грехов можно лишь слезами покаяния. Слова инока оживили душу грешницы.

В то время христиане жили в Илиополе сравнительно спокойно; на зов Евдокии к ней в дом явился пресвитер, чтобы наставить ее в правилах благочестия. Евдокия прежде всего желала получить хоть какое-то представление о блаженстве Небесном, ради которого стоит оставить блага земные.

И вот, по совету пресвитера и инока Германа, Евдокия затворилась у себя в спальне, отказалась от пищи и мысленно обратилась к Всевышнему. И когда она лежала крестообразно ниц, молилась и плакала о грехах своих, вдруг яркий и ровный свет осиял ее. Некий светлый муж взял ее за руку и вознес в селения горний, в область несказанно прекрасного, чудного света. Множество людей в белых ризах встретили ее с ликованием, как сестру, такая же радость наполняла и Евдокию. И услышала она глас Господень, обращенный к Архистратигу Михаилу: – Тебе говорю, Михаил, хранитель Моего завета, отведи жену сию туда, откуда ты взял ее, – пусть совершит свой подвиг, ибо Я Сам буду с нею во все дни ее жизни...»

Евдокия провела еще несколько дней в посте и покаянной молитве, а затем отправилась к епископу Илиопольскому Феодоту, от которого приняла Святое Крещение. Раздав все свои богатства вдовам, сиротам, больным и убогим, Евдокия поступила в монастырь. По прошествии года умерла игумения монастыря, духовная наставница Евдокии. Сестры обители, видя, что подвигом постничества святая Евдокия превзошла их всех, избрали ее игуменией.

Тем временем прежние поклонники святой Евдокии пустились на многие ухищрения, чтобы вернуть ее из монастыря. Когда же это не удалось, донесли на нее правителю города Аврелиану, будто бы она унесла с собой в обитель много золота. Это золото они предложили конфисковать в наказание за то, что святая Евдокия приняла «галилейскую веру», а языческих богов отвергла. За святой Евдокией был отправлен военный отряд в 300 человек, но воины, по смотрению Божию, не смогли проникнуть в обитель. Остатки отряда, сильно поредевшего от укусов ядовитых змей, вынуждены были вернуться в Илиополь. Тогда сын правителя вызвался идти к монастырю сам. В селении, где другой отряд под его предводительством остановился на ночлег, юноша неловко соскочил с коня и тяжело повредил ногу. Ночью открылся сильный жар, врача поблизости не ооказалос – и юноша умер. Войско вернулось назад, неся правителю труп его сына. Аврелиан при виде мертвого тела потерял сознание. Собрался весь город, сожалея о правителе, жалея и молодого человека. Некий Филострат, из числа бывших любовников Евдокии, стал утверждать, что святая Евдокия, которую охраняет Небесная сила, может умолить Бога оживить мертвого. Выслушав рассказ Филострата о том, как он тайно проник в монастырь, искушал святую Евдокию, был наказан Богом за это и возвращен к жизни по ее молитве, правитель послал святой Евдокии письмо, умоляя Бога вернуть жизнь его сыну. Святая Евдокия же, получив письмо, после долгой молитвы, вразумленная Святым Духом, написала ответ. Она указала, что великое милосердие Господне явится на человеке лишь тогда, когда он всем сердцем уверует в Него. Это свое письмо святая Евдокия запечатлела троекратно крестным знамением и отдала посланцу правителя. Он, чувствуя на себе действие благодати, положил письмо святой Евдокии на грудь умершего и громко призвал Имя Христово. Мертвец ожил, поднялся и заговорил. Весь народ пришел в изумление, а сам правитель громко исповедовал Христа – Бога Единого и Истинного. Уверовав во Христа, Аврелиан был крещен городским епископом вместе с женою, сыном и дочерью Геласией. Раздав щедрую милостыню нищим и убогим, Аврелиан послал святой Евдокии много денег на сооружение церкви и часто писал ей, прося ее молитв. Спустя некоторое время Аврелиан скончался, вскоре за ним последовала и жена. Сын его (воскрешенный) был посвящен во диакона, а после смерти городского епископа – во епископа. Тем временем начались новые гонения на христиан. Наместником Илиополя стал Диоген, ревностный язычник. Ранее он считался женихом Геласии, но после крещения Аврелиана и его семьи ему отказали. Геласия, боясь, что Диоген возьмет ее насильно, скрылась в монастырь к святой Евдокии, но точного местонахождения ее никто не знал. Тогда велено было взять и допросить святую Евдокию. Святая Евдокия же получила свыше откровение, что пришло ей время пострадать во Имя Христово, и приготовилась. Взяв с собой частицу Святых Даров, она вышла навстречу воинам, которые повели ее в город на допрос. Святую Евдокию обвинили в чародействе и похищении городской казны. Она отвергла это нелепое обвинение. Видя ее непреклонность, наместник велел подвесить ее на дереве и жестоко бичевать. Когда святую Евдокию обнажили до пояса, с груди ее ниспала частица Святых Даров. Диоген хотел ее взять, но частица Пречистого Тела Христова превратилась в огонь, пламя которого опалило наместника и рядом стоящих. Диоген упал на землю бездыханным. Некоторые из воинов уверовали во Христа. Они тотчас освободили святую Евдокию и стали просить ее смиловаться над наместником – испросить у Бога возвращения его к жизни. Святая Евдокия долго молилась, а затем громко возгласила: «Господи Иисусе Христе, ведающий тайны человека, утвердивший небеса Словом и все премудро создавший! Повели, да оживут все попаленные ниспосланным от Тебя огнем, чтобы многие верные утвердились в святой вере, а неверные обратились к Тебе, Богу Вечному, и тем прославилось Пресвятое Имя Твое во веки веков!» Одного за другим оживила святая Евдокия наказанных Богом, как бы пробуждая их от сна. Также воскресила она и женщину Фирмину (жену военачальника Диодора, истязавшего святую Евдокию), в тот день угоревшую в бане. Жители города, видя происходящее, уверовали во Христа, прославили Его и приняли Святое Крещение.

Преподобная же Евдокия возвратилась в свою обитель и проводила жизнь в обычных иноческих трудах.

Иногда приходила она в город, утверждая верных и приводя язычников к вере в Спасителя. Жизнь праведницы (считая от ее крещения) продолжалась 56 лет и увенчалась мученическим венцом. После смерти наместника Диогена, скончавшегося христианином, правителем стал жестокий и коварный Викентий. Викентий чтобы не возмущать народ Илиополя, почитавший преподобную Евдокию, приказал казнить ее без судебного разбирательства. 1 марта (ок. 152 г., в царствование императора Антонина Пия; по другим, более вероятным данным, ок. 160–170 гг., при императоре Марке Аврелии) преподобномученица Евдокия была обезглавлена.

Преподо́бнаго Мартирия Зеленецкаго

(слу́жбу зри 10 ноября́)

Тропа́рь, глас 2:

От ю́ности, Богоблаже́нне, Христа́ возлюби́в,/ оте́чество оста́вил еси́/ и, всех мирски́х мяте́жей уклони́вся,/ в ти́хое приста́нище пречестны́я оби́тели Богома́терни дости́гл еси́;/ отню́дуже уве́дев непрохо́дную пусты́ню,/ крестови́дною заре́ю пока́занную,/ жела́тельне ю обре́л еси́,/ и, в ней всели́вся,/ и́ночествующих собра́л еси́,/ и сих уче́ньми свои́ми, я́ко ле́ствицею восхо́дною на Не́бо,/ трудолю́бно тща́лся еси́ возводи́ти к Бо́гу,/ Ему́же моли́ся, Богому́дре Марти́рие,/ дарова́ти душа́м на́шим ве́лию ми́лость.

Конда́к, глас 8:

Оте́чества, преподо́бне, и всего́ мирска́го мяте́жа уклони́тися возжеле́л еси́,/ и, в пусты́ню всели́вся,/ та́мо во блаже́ннем безмо́лвии жесто́кое житие́ показа́л еси́,/ и ча́да послуша́ния и смире́ния в нем возрасти́л еси́./ Сего́ ра́ди, дерзнове́ние стяжа́в ко Святе́й Тро́ице,/ е́же моли́тися, Богоблаже́нне, о нас, ча́дех свои́х, и́хже собра́л еси́,/ и о всех правове́рных, да зове́м ти:/ ра́дуйся, о́тче Марти́рие, безмо́лвия пусты́ннаго люби́тель.

Преподобный Мартирий Зеленецкий

Преподобный Мартирий Зеленецкий (Великолуцкий) в миру Мина, был родом из г. Великие Луки, Псковской области. В десятилетнем возрасте Мина осиротел. Мальчик воспитывался своим духовником – священником Благовещенской церкви, который, овдовев, принял постриг с именем Боголеп и ушел в монастырь. Следуя его примеру, блаженный Мина раздал свое имущество и принял иноческий образ с именем Мартирий. Семь лет подвизался святой Мартирий в Великолуцкой Сергиевой обители под руководством своего духовника. Желая уединенных подвигов, он удалился в пустынное место за 60 верст от Великих Лук, а затем еще дальше – на остров Зеленый, в 58 верстах от г. Новая Ладога. Там святой Мартирий поставил келлию и предался духовным подвигам. Узнав о строгом отшельнике, подвизающемся на острове Зеленом, к святому Мартирию стали приходить иноки. Благочестивый новгородский боярин Феодор Сырков, устроивший до 12 монастырей, построил в Мартириевой пустыни храм Благовещения. Около 1570 года преподобный Мартирий был удостоен священного сана и стал игуменом в устроенной обители (в том же году Феодор Сырков принял мученический венец, будучи умерщвлен Иоанном Грозным. Поминая его в молитвах, преподобный Мартирий терпеливо переносил лишения и скорби времени. Однажды он был удостоен знамения, о котором писал: «Спал я в своей келлии, в чулане, и увидел во сне Пречистую Богородицу в девичьем образе... Невозможно человеческому уму постигнуть красоты Ея, ни выразить языком... Очи Ея были полны слез... И вдруг стала Она невидима... Я подошел со свечею к Пречистому образу Одигитрии и понял, что истинноявилась мне Пречистая Богородица в том виде, как писана Она на келейной иконе моей».

Возрастая духовно, в последние годы жизни преподобный Мартирий был прославлен даром исцелений. В 1595 году в Твери он исцелил сына царя Симеона Бекбулатовича, возложив на грудь умирающему Тихвинскую икону Божией Матери. За полтора года до кончины преподобный Мартирий полностью отдался безмолвию. Вырыв могилу, он поставил себе гроб, у которого молился со слезами. 1 марта 1603 года преподобный причастился Святых Христовых Тайн и преставился ко Господу. Мощи преподобного Мартирия покоились под спудом в нижнем храме во имя святого Иоанна Богослова Троицкого собора Зеленецкого монастыря. В 1612–1613 гг. монастырь был разграблен и подожжен шведами. Гробница преподобного была возобновлена митрополитом Новгородским Корнилием († 26 февраля 1698), бывшим игуменом Зеленецкого монастыря, который, находясь на покое в обители, написал житие и составил службу святому угоднику. У гробницы сохранялись три посоха, один из которых принадлежал преподобному Мартирию. Память преподобного Мартирия совершается также 10 ноября.

* * *

1

хвра́стие – хворост.

2

поро́да яви́ся – явилась плодородная.

3

окри́н – чаша.


 Оглавление1-й де́нь2-й де́нь