Материалы для истории Русской Церкви

Источник

Список с грамоты настольной Ионе, архиепископу Вятскому и Великопермскому о избрании и рукоположении его на степень архиерейства. – Сентябрь 1693 г. (Из «Российских духовных» дел Моcк. арх. мин. иностр. дел – Кар. № 9).

Настольная грамота, данная Ионе, архиепископу Вятскому и Великопермскому (от сент. 1693 года) сообщает несколько интересных данных, касающихся церковной истории конца XVII века. Из неё оказывается, что по желанию и прошению благочестивейшего великого государя царя Теодора Алексеевича степени архиерейской в 7189 году (1680–1681) из нижних были подвышены и, между прочим, тогда же было решено вятской епископии быть архиепископиею, так как г. Вятка и Великая Перм – „многонародный суть“, и по благословению патриарха Иоакима вятский епископ Иона еще в 7190 году (1681–1682) „восповествовался архиепископом вятским и великопермским“. В этой настольной грамоте патриарха Адриана архиепископу Ионе подробно излагаются права и обязанности как пастыря, так и паствы.

Список з грамоты по сему переводу, дана настольная грамота Ионе архиепископу Вятскому и Великоперскому.

Владыка и вседержавный творец небесных и земных и новоизраильтов монарха – Иисус Христос Бог человеколюбивый,

благоволением Бога Отца и содейством Бога всесвятаго Духа, вручив нашей мерности восточной православной веры церкве католической полноту христиан во всем обладании российского царствия, яко корабль мирную ладью да стижем, особнейший о ней промысл и пред закониями поданными из начала ту возспасаем; и благоволи убо указ сей в страсе к нему любленый нашей мерности сотворити, – по Петру верховнейшему апостолов верху–паствовать нам повелев вернейшую паству сицевыми глаголы: аще любишимя, паси овцы моя, их же драгою ценою животворивой крове своей искупи от клятвы законной. О ней же мерность наша, по завещанию его, паче всего пред делательнейшее и притщательньшее иметь попечение, присно же прирадетельствуя всюду насмотрствует, да соблюдается его мощию добрейшая паства нам вверенная всякой напасти же и озлобления вышши и ниже коему либо вреду или нищетв да подстает, яко сам всеблагий Бог чрез (богоглаголива) Иезекииля пророка вещаний (иметь из рук пастырей овец своих взыскивати): овец моих из рук взыщу. Богоизбраннейший же сосуд апостол святый Павел присно нас увещевает: предание сохрани; сами мы увешавшеся содержимся страхом о вверении нашей паств, яко благодатию Божиею неисчислима есть, и яко да во всяком гобзовании растет слово Божие и множится число верных рабов его; всякими же добротворивыми евангельские проповеди деланные да богатеть, такожде и церковная полность дабы украшалась лепотством архиерейского достоинства, и странам и градом, где приличество, возвождением на высшии степени архиереев устроевати смотр вчинися, с волею державнейшего царя и соборным согласием. И яко мимошедшего 7189 лета бысть воля и прошение благочестивого великого государя царя и великого князя Теодора Алексеевича всея великия и малыя и белых россиян самодержца, о степенях архиерейских, аже суть во всей нашей пастве российского царствия, чтобы царския титлы чином описательных царств и великих княжений и много народных градов были степени из нижних подвышены. И тогда усудися епископии вятской бытии архиепископиею, яко грады вятка и великая перм многонародный суть и благословением блаженная памяти брата нашего святейшего кир Иоакима московского и всея России и всех северных стран патриарха, вятский епископ Иона архиепископ вятский и великопермский восповествовась 7190 лета месяца в день: и отныне мы, святейший патриарх, тамо и впредбыти архиепископом судихом. Он же боголюбезнейший Иона, архиепископ вятский и великопермский, во всем совещании и покорении к нашей мерности, яко в Господе Бозе сын и сослужитель должен есть имети, и ко всей российской церкви ко архиереям и всем людям в православнейшей и благочестивой вере и в церковном чинном изображении и песнопении согласие и единомыслие да иметь, богопорученную же ему паству духовно и праведно во градех обительми и всех храмы святыми, подданными же ему людьми данными оброки и доходы и во всех вещех належащих той епархии да управляет, яко строитель таин Божия благодати; и людей Христовых мудрости, целомудрию, правде и мужеству, яко ведущ божественная и священная писмена, да научает; бодренно же, яко истинный пастырь, оному народу от стражи утренния до дне смерти своей в слово Господне уповая, да прирадетельствует, да стяжет же в храме Господни – в клире убо и причте священнослужения промышление, яко да учатся божественных писмен чтению мнози потщанием его; творя бо сия добрая и церковная делания возвеличится в небесном царствии, по гласу его истиннейшу: иже сотворит и научит, сей велий наречется во царствии небесном. Аще же вознерадит о врученном божественном сем деланьи и блазыствовать имать, люди Божия коим делательным пороком, его же ради не точию архиерейства извергнется, – лишившися толикого достоинства и вверенныя паствы, но и безконечным и нестерпным мучениям имать быти подлог. Образ убо благих дел во всем и прописание правды и истины всему врученному ему стаду да будет (имать бо Господь Бог от рук его словесных овец взыскати, аще его нерадением от врага похитятся). Подобает же боголюбию его от Божия благодати призвавшуся к евангельское на выю припишу его, евангельски врученную от вседетеля Духа паству правити, свойственную за овцы предлагати душу, во тьме греха ходящыя световожствовати, обидимым предбествовати, опечаляемыя душевожствовати; скудным мощное приносити утешение. Постами же к Богу упражднятися и молитвами, частыя руки нощию и днем ко Господу простирати, на врученные же председательством невооставити туне, яко да не смиреномудрия отпадет блаженства и кичимых пороку низподложится; (да содержит же боголюбие его богоначертанныя евангельского учения скрыжали крепце апостольския уставы, спасительная же и отеческая учения, убо и зачинения да чествует и хранит. К сему же градских законоположений сказание любити же и благоговейнствовати; и сим во всяком деянии неклонно припоследовати подобает, ими же удобно есть прогнати, яко веслами беззаконное волнение, да не опровержется преданная ему паства волнами неправды). Имети же ему чинное архиерейства служение, якоже и прочии архиереи, по указанному во архиерейского служения чиновнику. Сущии же тамолюдие всея епархии вятския всякаго чина и возраста ему боголюбезнейшему архиепископу Ионе всегда покараются, и яко пастыря им даннаго и учителя да почитают и слушают; яко оному о них в день правдосудства Христа Господа Иисуса Бога нашего воздати имущу слово; Богопроведателю Павлу святому апостолу глаголющу: повинуйтеся наставником вашим и покаряйтеся, ти ибо бдят о душах ваших, яко слово воздати хотяще. (Аще ли же подчинении градии вси подсудствующии людие той епархии вятской ему боголюбезнейшему архиепископу Ионе не будут покарятися и послушания, яко истинному пастырю отдавати не восхотят и пороки блазненными и лживоглаголивыми всуе будут клеветати, за сие противящиися восприимут месть от все творца Господа Бога, по святому апостолу Павлу: противляйся власти, Божию повелению противляется). И яко есть на сие служение Господом Богом зван и избран и на величайшей степень архиерейства рукоположен и тамо послан боголюбезнейший архиепископ Иона, дадеся ему сия грамота на утверждение, печатию нашею печатствованна, яже и писменем десницы нашея предписася от сотворения света 7202-го лета, от спасительного же воплощения предвечного единородного слова Божия Христа Иисуса Господа Бога 1693 индиктиона 2 месяцясентемвриа в дне.


Источник: Христианское чтение. 1886. № 7-8. С. 302-304.

Комментарии для сайта Cackle