Молитва к Преподобному Кириллу

О Богоблаженне и Преподобне отче нашъ Кирилле! Пастырю добрый, иноком наставниче и общему житию совершителю! И ныне на небеси Свѧтѣй Троицѣ предстоѧй: молим ꙋбо тѧ, Преподобне ѻтче наш, помѧни свое стадо, є҆же собрал є҆си мꙋдре, и҆ соблюди своими молитвами богодарованнꙋю ти паствꙋ, ѧко чадолюбивый ѻтецъ. Не презри и҆ всѣхъ съ вѣрою приходѧщихъ къ честномꙋ гробꙋ твоемꙋ и҆ чтꙋщих пречестнꙋю и҆ многорадостнꙋю твою памѧть; сохрани насъ и҆ соблюди ѻтъ всѣхъ видимыхъ и҆ невидимыхъ врагъ. Прїиди посредѣ насъ невидимо и҆ всѣхъ насъ моленїѧ Богови возсылаемыѧ прїими, и҆ принеси сїѧ ходатайственнѣ всѣхъ Творцꙋ и҆ И҆збавителю, и҆же въ Троицѣ Свѧтѣй покланѧемомꙋ Богꙋ нашемꙋ, ѧко да согрѣшенїемъ нашимъ ѻ҆ставленїе полꙋчимъ, благодатїю и҆ человѣколюбїемъ Господа нашего І҆исꙋса Христа, съ Нимъ же Ѻтцꙋ слава, со Свѧтымъ Дꙋхомх, ныне и҆ присно, и҆ во вѣки вѣковъ. А҆минь.