Личный кабинет

Начало богослужебного дня в 16:00.

Шестеричный праздник
Знак по Типикону
Славословие
Полиелей
Вседневный праздник
Укажите храм в Личном кабинете.
Богослужебные указания

Богослужебные указания за 24 июля 2026 г. (11 июля ст.ст.)

11. Пятница. Вмц. Евфи́мии всехва́льной. Равноап. Ольги, вел. княгини Российской, во Святом Крещении Елены. Обре́тение мощей сщмч. Иларио́на, архиеп. Вере́йского[1].

Прп. Арка́дия Новото́ржского (службу зри 13 декабря).

Ру́дненской иконы Божией Матери.

Служба вмц. Евфимии и равноап. Ольги шестеричная, совершается вместе со службой Октоиха[2] (А). Приводим также порядок совершения полиелейной службы[3] равноап. Ольги (Б) и порядок совершения полиелейной службы сщмч. Иларио́на, архиеп. Вере́йского (В).

А. На вечерне кафизма 15-я.

На «Господи, воззвах» стихиры на 6: великомученицы, глас 8-й – 3, и равноап. Ольги, глас 4-й – 3. «Слава» – великомученицы, глас 6-й: «Одесну́ю Спа́са…», «И ныне» – Крестобогородичен Минеи, глас тот же: «Ору́жие, я́коже рече́ Симео́н…».

Входа нет. Прокимен дня.

На стиховне стихиры Октоиха, глас 6-й; затем припев: «Ди́вен Бог во святых Своих, Бог Изра́илев», и стихира великомученицы, глас 8-й[4]: «Пе́сньми да почти́тся…». «Слава» – великомученицы, глас 6-й: «Оде́яна доброде́тельми…», «И ныне» – Крестобогородичен Минеи, глас тот же: «Лю́ди беззако́ннейшия…».

По Трисвятом – тропарь великомученицы, глас 4-й. «Слава» – тропарь равноап. Ольги, глас 1-й, «И ныне» – Крестобогородичен по гласу «Славы», от меньших: «Твое́ предста́тельство…».

На утрене на «Бог Господь» – тропарь великомученицы, глас 4-й (дважды). «Слава» – тропарь равноап. Ольги, глас 1-й, «И ныне» – Крестобогородичен по гласу «Славы», от меньших: «Твое́ предста́тельство…».

Кафизмы 19-я и 20-я. Малых ектений нет. Седальны Октоиха. Псалом 50-й.

Каноны: Октоиха 1-й со ирмосом на 6 (ирмосы единожды), великомученицы на 4 и равноап. Ольги на 4.

Примечание. О пении канонов в среду и пятницу см. Октоих, ч. 2, с. 653.

Библейские песни «Господеви поем…».

Катавасия по 3-й, 6-й, 8-й и 9-й песнях – ирмосы канона Минеи (равноап. Ольги).

По 3-й песни – кондак равноап. Ольги, глас 4-й; седален великомученицы, глас 8-й (дважды). «Слава, и ныне» – Крестобогородичен Минеи, глас тот же.

По 6-й песни – кондак и икос великомученицы, глас 6-й.

На 9-й песни поем «Честнейшую».

По 9-й песни поется «Достойно есть». Ексапостиларий Октоиха. «Слава» – светилен великомученицы, «И ныне» – Крестобогородичен Октоиха.

«Хвалите Господа с Небес…» и хвалитные псалмы.

На хвалитех стихиры великомученицы, глас 3-й – 4 (первая стихира – дважды). «Слава» – великомученицы, глас 8-й: «Всяк язы́к…», «И ныне» – Крестобогородичен Минеи, глас тот же: «Тя ви́дящи…».

«Тебе слава подобает…» не читается, но сразу чтец: «Слава Тебе, показавшему нам свет». Читается вседневное славословие.

На стиховне стихиры Октоиха, глас 6-й; затем припев: «В це́рквах благослови́те Бога, Го́спода от исто́чник Изра́илевых», и стихира великомученицы, глас 8-й: «Ра́дуйся, преде́ле ве́ры…». «Слава» – великомученицы, глас 1-й: «Днесь ли́цы оте́честии…», «И ныне» – Крестобогородичен Минеи, глас тот же: «Своего́ А́гнца…».

По Трисвятом – тропарь великомученицы, глас 4-й. «Слава» – тропарь равноап. Ольги, глас 1-й, «И ныне» – Крестобогородичен по гласу «Славы», от меньших: «Пречи́стая Богоро́дице…».

На часах – тропарь великомученицы. «Слава» – тропарь равноап. Ольги. Кондаки равноап. Ольги и великомученицы читаются попеременно.

На Литургии блаженны Октоиха – 4, и великомученицы, песнь 3-я – 4.

По входе – тропари и кондаки:

В храме Господском – тропарь дня: «Спаси, Господи…», тропарь великомученицы, тропарь равноап. Ольги; кондак великомученицы, кондак равноап. Ольги. «Слава» – «Со святыми упокой…», «И ныне» – кондак дня: «Вознесыйся на Крест…».

В храме Богородицы – тропарь дня: «Спаси, Господи…», тропарь храма, тропарь великомученицы, тропарь равноап. Ольги; кондак дня: «Вознесыйся на Крест…», кондак великомученицы, кондак равноап. Ольги. «Слава» – «Со святыми упокой…», «И ныне» – кондак храма.

В храме святого – тропарь дня: «Спаси, Господи…», тропарь храма, тропарь великомученицы, тропарь равноап. Ольги; кондак дня: «Вознесыйся на Крест…», кондак храма, кондак великомученицы, кондак равноап. Ольги. «Слава» – «Со святыми упокой…», «И ныне» – «Предстательство христиан…».

Прокимен, аллилуиарий и причастен – дня и святых.

Апостол и Евангелие – дня и святых.


Б. На великой вечерне «Блажен муж» – 1-й антифон.

На «Господи, воззвах» стихиры равноап. Ольги, глас 4-й – 8 (каждая стихира – дважды). «Слава» – равноап. Ольги, глас 6-й: «Прииди́те, ро́ди росси́йстии…», «И ныне» – догматик, глас тот же: «Кто Тебе не ублажи́т…».

Вход. Прокимен дня. Паримии равноап. Ольги – 3.

На стиховне стихиры равноап. Ольги, глас 8-й (со своими припевами). «Слава» – равноап. Ольги, глас тот же: «Ве́лия сла́ва твоя́…», «И ныне» – Богородичен воскресный, глас тот же: «Безневе́стная Де́во…».

По Трисвятом – тропарь равноап. Ольги, глас 1-й. «Слава, и ныне» – Богородичен воскресный, глас тот же: «Гаврии́лу веща́вшу…».

На утрене на «Бог Господь» – тропарь равноап. Ольги, глас 1-й (дважды). «Слава, и ныне» – Богородичен воскресный, глас тот же: «Гаврии́лу веща́вшу…».

Кафизмы 19-я и 20-я. Малые ектении. Седальны равноап. Ольги (по дважды).

Полиелей. Величание равноап. Ольги и избранный псалом[5]. Седален равноап. Ольги по полиелее, глас 5-й (дважды). «Слава, и ныне» – Богородичен Минеи, глас тот же. Степенна – 1-й антифон 4-го гласа. Прокимен равноап. Ольги, глас 4-й: «Во всю зе́млю изы́де веща́ние их и в концы́ вселе́нныя глаго́лы их»; стих: «Небеса́ пове́дают сла́ву Бо́жию, творе́ние же руку́ Его́ возвеща́ет твердь». Евангелие равноап. Ольги (Мф.25:1–13 [или Мф., последи́ 53 зач.,13:33: «Рече́ Госпо́дь при́тчу сию́:* подо́бно есть Ца́рствие Небе́сное…», преступи в 55 зач.,13:44–50, конец: «ту бу́дет плачь и скре́жет зубо́м»]). По 50-м псалме: «Слава» – «Молитвами святыя равноапостольныя…». Стихира равноап. Ольги, глас 6-й: «Провозве́стницу ве́ры…».

Каноны: Богородицы со ирмосом на 6 (ирмосы по дважды) и равноап. Ольги на 8.

Библейские песни «Поем Господеви…».

Катавасия «Отверзу уста моя…».

По 3-й песни – седален равноап. Ольги, глас 3-й (дважды). «Слава, и ныне» – Богородичен Минеи, глас тот же.

По 6-й песни – кондак («Воспое́м днесь…») и икос равноап. Ольги, глас 4-й.

На 9-й песни поем «Честнейшую».

По 9-й песни «Достойно есть» не поется. Светилен равноап. Ольги (дважды). «Слава, и ныне» – Богородичен Минеи.

«Всякое дыхание…» и хвалитные псалмы.

На хвалитех стихиры равноап. Ольги, глас 3-й – 4 (первая стихира – дважды). «Слава» – равноап. Ольги, глас 8-й: «О ма́ти на́ша…», «И ныне» – Богородичен Минеи, глас тот же: «Богоро́дице, Ма́ти Безневе́стная…».

Великое славословие. По Трисвятом – тропарь равноап. Ольги, глас 1-й. «Слава, и ныне» – Богородичен воскресный, глас тот же: «Гаврии́лу веща́вшу…».

На часах – тропарь и кондак равноап. Ольги.

На Литургии блаженны равноап. Ольги, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь равноап. Ольги. «Слава» – кондак равноап. Ольги, «И ныне» – кондак храма.

В храме святого – тропарь храма, тропарь равноап. Ольги; кондак храма. «Слава» – кондак равноап. Ольги, «И ныне» – «Предстательство христиан…».

Прокимен, аллилуиарий и причастен – равноап. Ольги.

Апостол и Евангелие – дня и равноап. Ольги.

Примечание. Чтения равноап. Ольги: Деян., последи́ 37 зач.,16:12–15: «Во дни о́ны, бысть иду́щим апо́столом* в Филиппу́сы…», преступи в 39 зач.,17:1–4, конец: «и от жен благоро́дных не ма́ло» (или 2 Кор.6:1–10); Лк.7:36–50.


В. На великой вечерне «Блажен муж» – 1-й антифон.

На «Господи, воззвах» стихиры священномученика, глас 1-й и глас 4-й – 8. «Слава» – священномученика, глас 8-й: «Прииди́те, лю́дие…», «И ныне» – догматик, глас тот же: «Царь Небе́сный…».

Вход. Прокимен дня. Паримии священномученика – 3[6].

На стиховне стихиры священномученика, глас 6-й (со своими припевами). «Слава» – священномученика, глас 8-й: «Ка́ко нарече́м тя…», «И ныне» – Богородичен (на ряду), глас тот же: «Ра́дуйся, Преблагослове́нная Влады́чице…».

По Трисвятом – тропарь священномученика, глас 4-й. «Слава, и ныне» – Богородичен воскресный, глас тот же: «Еже от ве́ка…».

На утрене на «Бог Господь» – тропарь священномученика, глас 4-й (дважды). «Слава, и ныне» – Богородичен воскресный, глас тот же: «Еже от ве́ка…».

Кафизмы 19-я и 20-я. Малые ектении. Седальны священномученика (по дважды).

Полиелей. Величание священномученика и избранный псалом. Седален священномученика по полиелее, глас 5-й: «Воспои́м, ве́рнии…» (дважды). «Слава, и ныне» – Богородичен (на ряду), глас 1-й: «Ма́ти Бо́жия…». Степенна – 1-й антифон 4-го гласа. Прокимен священномученика, глас 4-й: «Проидо́хом сквозе́ огнь и во́ду, и изве́л еси ны в поко́й»; стих: «Разже́гл ны еси, я́коже разжиза́ется сребро́». Евангелие священномученика (Мф., зач. 36). По 50-м псалме: «Слава» – «Молитвами священномученика…». Стихира священномученика, глас 6-й: «Бу́ря напа́стей…».

Каноны: Богородицы со ирмосом на 6 (ирмосы по дважды) и священномученика на 8.

Библейские песни «Поем Господеви…».

Катавасия «Отверзу уста моя…».

По 3-й песни – седален священномученика, глас 7-й (дважды). «Слава, и ныне» – Богородичен (на ряду), глас тот же.

По 6-й песни – кондак и икос священномученика, глас 2-й.

На 9-й песни поем «Честнейшую».

По 9-й песни «Достойно есть» не поется. Светилен священномученика (дважды). «Слава, и ныне» – Богородичен (на ряду): «Пресвята́я Богоро́дице…».

«Всякое дыхание…» и хвалитные псалмы.

На хвалитех стихиры священномученика, глас 8-й – 4. «Слава» – священномученика, глас 6-й: «Се́рдце до́брым по́двигом предочи́стив…», «И ныне» – Богородичен (на ряду), глас тот же: «Богоро́дице, Ты еси лоза́…».

Великое славословие. По Трисвятом – тропарь священномученика, глас 4-й. «Слава, и ныне» – Богородичен воскресный, глас тот же: «Еже от ве́ка…».

На часах – тропарь и кондак священномученика.

На Литургии блаженны священномученика, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь священномученика. «Слава» – кондак священномученика, «И ныне» – кондак храма.

В храме святого – тропарь храма, тропарь священномученика; кондак храма. «Слава» – кондак священномученика, «И ныне» – «Предстательство христиан…».

Прокимен, аллилуиарий и причастен – священномученика.

Апостол и Евангелие – дня и священномученика (Евр., зач. 318; Ин., зач. 36).

1 На заседании Священного Синода Русской Православной Церкви 16 июля 2013 года был утвержден и рекомендован к общецерковному богослужебному употреблению текст службы сщмч. Иларио́ну, архиеп. Вере́йскому. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/3103667.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/256).

2 Служба вмц. Евфимии и равноап. Ольги излагается в соответствии с указаниями Типикона (11 июля) и уставом седмичного богослужения в период пения Октоиха.

3 См.: Минея-Июль. Ч. 2. М., 2002. С. 5–23.

4 Ср.: Минея-Июль. Киев, 1893. Л. 110 об.

5 На утрене величание равноап. Ольги: «Велича́ем тя, свята́я равноапо́стольная княги́не О́льго, яко зарю́ у́треннюю в земли́ на́шей возсия́вшую и свет ве́ры Правосла́вныя наро́ду своему́ предвозвести́вшую», или «Велича́ем тя, блаже́нная и равноапо́стольная княги́не О́льго, и чтим святу́ю па́мять твою́, и́долы попра́вшую и мно́гия лю́ди росси́йския Святы́м Креще́нием просвети́вшую». Псалом избранный «Блаже́н муж, боя́йся Го́спода…» (см. Ирмологий, 29 августа) или избранные стихи псалмов: «Взыска́х Го́спода, и услы́ша мя», «Сказа́л ми еси пути́ живота́», «Благословлю́ Го́спода, вразуми́вшаго мя», «Предзре́х Го́спода предо мно́ю вы́ну, яко одесну́ю мене́ есть».

6 По традиции, новозаветные паримии читаются при открытых царских вратах.

Богослужебные указания с сайта Патриархии на каждый день.

⏶ Закрыть богослужебные указания

Литургия Иоанна Златоуста

В алтаре

В положенное время входит священник в храм и вместе с диаконом совершают три поклона перед святыми вратами и читают входные молитвы. Войдя же в алтарь, облачаются и совершают проскомидию, по окончании которой диакон кадит алтарь и весь храм. Затем священник с диаконом становятся перед святым престолом, трижды поклоняются, молясь:

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Сла́ва в Вы́шних Бо́гу, и на земли́ мир, в челове́цех благоволе́ние. Дважды.

Го́споди, устне́ мои́ отве́рзеши, и уста́ моя́ возвестя́т хвалу́ Твою́.

И целует священник святое Евангелие, а диакон святой престол. Затем диакон, склонив пред священником голову и держа орарь тремя перстами правой руки, говорит: Вре́мя сотвори́ти Го́сподеви, влады́ко, благослови́.

Священник, благословляя его, произносит: Благослове́н Бог наш, всегда́, ны́не и при́сно, и во ве́ки веко́в.

Диакон: Помоли́ся о мне́, влады́ко святы́й.

Священник: Да испра́вит Госпо́дь стопы́ Твоя́.

Диакон: Помяни́ мя, влады́ко святы́й.

Священник: Да помяне́т тя Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

Диакон: Ами́нь.

И, поклонившись, диакон выходит северными вратами. Встав на обычном месте перед Царскими вратами, трижды поклоняется с благоговением, произнося в себе: Гóсподи, устнé мои́ отвéрзеши, и устá моя́ возвестя́т хвалу́ Твою́.

Литургия оглашенных

Диакон: Благослови́, влады́ко.

Священник: Благослове́но Ца́рство Отца́ и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

В алтаре

Молитва первого антифона

Священник: Го́споди Бо́же наш, Его́же держа́ва несказа́нна и сла́ва непостижи́ма, Его́же ми́лость безме́рна и человеколю́бие неизрече́нно. Сам, Влады́ко, по благоутро́бию Твоему́ при́зри на ны и на святы́й храм сей, и сотвори́ с на́ми и моля́щимися с на́ми, богатыя ми́лости Твоя́ и щедро́ты Твоя́.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Диакон же, поклонившись, отходит от своего места и стоит перед иконой Спасителя, держа орарь тремя перстами правой руки.

Первый изобразительный антифон

1 Лик: Благослови́, душе́ моя́, Го́спода. / Благослове́н еси́, Го́споди. / Благослови́, душе́ моя́, Го́спода, / и вся вну́тренняя моя́ И́мя святое́ Его́.

2 Лик: Благослови́, душе́ моя́, Го́спода, / и не забыва́й всех воздая́ний Его́.

1 Лик: Очища́ющаго вся беззако́ния твоя́, / исцеля́ющаго вся неду́ги твоя́.

2 Лик: Избавля́ющаго от истле́ния живо́т твой, / венча́ющаго тя ми́лостию и щедро́тами.

1 Лик: Исполня́ющаго во благи́х жела́ние твое́: / обнови́тся, я́ко о́рля, ю́ность твоя́.

2 Лик: Творя́й ми́лостыни Госпо́дь, / и судьбу́ всем оби́димым.

1 Лик: Сказа́ пути́ Своя́ Моисе́ови, / сыново́м Изра́илевым хоте́ния Своя́.

2 Лик: Щедр и ми́лостив Госпо́дь, / долготерпели́в и многоми́лостив.

1 Лик: Не до конца́ прогне́вается, / ниже́ в век вражду́ет.

2 Лик: Не по беззако́нием на́шим сотвори́л есть нам, / ниже́ по грехо́м на́шим возда́л есть нам.

1 Лик: Я́ко по высоте́ небе́сней от земли́, / утверди́л есть Госпо́дь ми́лость Свою́ на боя́щихся Его́.

2 Лик: Ели́ко отстоя́т восто́цы от за́пад, / уда́лил есть от нас беззако́ния на́ша.

1 Лик: Я́коже ще́дрит оте́ц сы́ны, / уще́дри Госпо́дь боя́щихся Его́.

2 Лик: Я́ко Той позна́ созда́ние на́ше, / помяну́, я́ко персть есмы́.

1 Лик: Челове́к, я́ко трава́ дни́е его́, / я́ко цвет се́льный, та́ко оцвете́т.

2 Лик: Я́ко дух про́йде в нем, / и не бу́дет, / и не позна́ет ктому́ ме́ста своего́.

1 Лик: Ми́лость же Госпо́дня от ве́ка и до ве́ка / на боя́щихся Его́.

2 Лик: И пра́вда Его́ на сыне́х сыно́в, / храня́щих заве́т Его́, / и по́мнящих за́поведи Его́ / твори́ти я́.

1 Лик: Госпо́дь на небеси́ угото́ва Престо́л Свой, / и Ца́рство Его́ все́ми облада́ет.

2 Лик: Благослови́те Го́спода, вси А́нгели Его́, / си́льнии кре́постию, творя́щии сло́во Его́, / услы́шати глас слове́с Его́.

1 Лик: Благослови́те Го́спода, вся си́лы Его́, / слуги́ Его́, творя́щии во́лю Его́.

2 Лик: Благослови́те Го́спода, вся дела́ Его́, / на вся́ком ме́сте влады́чества Его́.

1 Лик: Сла́ва Отцу́ и Сы́ну и Свято́му Ду́ху.

2 Лик: И ны́не и при́сно и во ве́ки веко́в. Ами́нь.

1 Лик: Благослови́, душе́ моя́, Го́спода, / и вся вну́тренняя моя́ И́мя святое́ Его́. / Благослове́н еси́, Го́споди.

По окончании антифона, став на обычном месте и поклонившись, диакон возглашает:

Малая ектения

Диакон: Па́ки и па́ки ми́ром Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, Пречи́стую, Преблагослове́нную, Сла́вную Влады́чицу нашу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

В алтаре

Молитва второго антифона

Священник: Го́споди Бо́же наш, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́. Ты те́х воспросла́ви Боже́ственною Твое́ю си́лою и не оста́ви нас, упова́ющих на Тя.

И священник возглашает: Я́ко Твоя́ держа́ва, и Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Лик: Ами́нь.

Второй изобразительный антифон

1 Лик: Хвали́, душе́ моя́, Го́спода. / Восхвалю́ Го́спода в животе́ мое́м, / пою́ Бо́гу моему́, до́ндеже есмь.

2 Лик: Не наде́йтеся на кня́зи, на сы́ны челове́ческия, / в ни́хже несть спасе́ния.

1 Лик: Изы́дет дух его́, / и возврати́тся в зе́млю свою́: / в той день поги́бнут вся помышле́ния его́.

2 Лик: Блаже́н, ему́же Бог Иа́ковль помо́щник его́, / упова́ние его́ на Го́спода Бо́га своего́.

1 Лик: Сотво́ршаго не́бо и зе́млю, / мо́ре и вся, я́же в них.

2 Лик: Храня́щаго и́стину в век, / творя́щаго суд оби́димым, / даю́щаго пи́щу а́лчущим.

1 Лик: Госпо́дь реши́т окова́нныя, / Госпо́дь умудря́ет слепцы́.

2 Лик: Госпо́дь возво́дит низве́рженныя, / Госпо́дь лю́бит пра́ведники.

1 Лик: Госпо́дь храни́т прише́льцы, / си́ра и вдову́ прии́мет, / и путь гре́шных погуби́т.

2 Лик: Воцари́тся Госпо́дь во век, / Бог твой, Сио́не, в род и род.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Песнь Господу Иисусу Христу

Лик: Единоро́дный Сы́не и Сло́ве Бо́жий, Безсме́ртен Сый / и изво́ливый спасе́ния на́шего ра́ди / воплоти́тися от Святы́я Богоро́дицы и Присноде́вы Мари́и, / непрело́жно вочелове́чивыйся, / распны́йся же, Христе́ Бо́же, сме́ртию смерть попра́вый, / Еди́н Сый Святы́я Тро́ицы, / спрославля́емый Отцу́ и Свято́му Ду́ху, спаси́ нас.

По окончании антифона, став на обычном месте и поклонившись, диакон возглашает:

Малая ектения

Диакон: Па́ки и па́ки ми́ром Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, Пречи́стую, Преблагослове́нную, Сла́вную Влады́чицу нашу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

В алтаре

Молитва третьего антифона

Священник: И́же о́бщия сия́ и согла́сныя дарова́вый нам моли́твы, и́же и двема́ или́ трем согласу́ющимся о и́мени Твое́м проше́ния пода́ти обеща́вый, Сам и ны́не раб Твои́х проше́ния к поле́зному испо́лни, подая́ нам и в настоя́щем ве́це позна́ние Твоея́ и́стины, и в бу́дущем живо́т ве́чный да́руя.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Здесь открываются Царские врата на малый вход.

Блаженны, третий изобразительный антифон (на 8)

1 Лик: Во Ца́рствии Твое́м помяни́ нас, Го́споди, / егда́ прии́деши, во Ца́рствии Твое́м.

на 12:
1 Лик: Блаже́ни ни́щии ду́хом, / я́ко тех есть Ца́рство Небе́сное.

2 Лик: Блаже́ни пла́чущии, / я́ко ти́и уте́шатся.

на 10:
1 Лик: Блаже́ни кро́тции, / я́ко ти́и насле́дят зе́млю.

2 Лик: Блаже́ни а́лчущии и жа́ждущии пра́вды, / я́ко ти́и насы́тятся.

на 8:
1 Лик: Блаже́ни ми́лостивии, / я́ко ти́и поми́ловани бу́дут.

Помяни́ мя, Бо́же Спа́се мо́й, егда́ прии́деши во Ца́рствии Твое́м, и спаси́ мя, я́ко еди́н Человеколю́бец.

2 Лик: Блаже́ни чи́стии се́рдцем, / я́ко ти́и Бо́га у́зрят.

Распросте́р дла́ни на дре́ве, объя́л еси́ язы́ки пою́щыя Твое́ благоутро́бие, Христе́ Бо́же на́ш.

на 6:
1 Лик: Блаже́ни миротво́рцы, / я́ко ти́и сы́нове Бо́жии нареку́тся.

Пригвозди́лся еси́ на Дре́ве во́лею, и жа́ла го́рдаго Твое́ю, Христе́, си́лою соверше́нно сокруши́л еси́.

2 Лик: Блаже́ни изгна́ни пра́вды ра́ди, / я́ко тех есть Ца́рство Небе́сное.

Му́ченичен: Му́ками наслажда́ющеся страстоте́рпцы, ра́йскаго наслажде́ния сподо́бистеся, о ми́ре непреста́нно моля́щеся.

на 4:
1 Лик: Блаже́ни есте́, егда́ поно́сят вам, / и изжену́т, и реку́т всяк зол глаго́л на вы, лжу́ще Мене́ ра́ди.

Ря́снами я́ко златы́ми, тя, страда́льческими бие́нии оде́янну, де́во,/ пребога́тое Сло́во ви́дев,/ в Небе́сная жили́ща Безпло́тных чино́в ра́доватися приведе́.

2 Лик: Ра́дуйтеся и весели́теся, / я́ко мзда ва́ша мно́га на Небесе́х.

Во благово́ние, му́ченице, ми́ра, от Чи́стыя Возсия́вшаго, потекла́ еси́ усе́рдно,/ ми́ро Боже́ственных исцеле́ний ми́ру источи́ла еси́./ Те́мже вопию́: смра́дныя стра́сти се́рдца моего́ ны́не отжени́.

1 Лик: Сла́ва Отцу́ и Сы́ну и Свято́му Ду́ху.

Ду́шу мою́, неду́гующую тлетво́рными страстьми́,/ и к стремни́нам пре́лести попо́лзшуюся, му́ченице прехва́льная,/ осене́нии Боже́ственными исцели́ и утверди́ не побежда́тися.

2 Лик: И ны́не и при́сно и во ве́ки веко́в. Ами́нь.

Богоро́дичен: Ра́дуйся, еди́на ро́ждши вся́ческих Го́спода,/ ра́дуйся, жизнь исхода́таившая,/ ра́дуйся, приосене́нная и несеко́мая горо́,/ ве́рных утвержде́ние, еди́на Всенепоро́чная.

Малый вход с Евангелием

В алтаре

Когда певцы, поющие третий антифон (или, в воскресенье, блаженны), доходят до слов “Сла́ва Отцу́ и Сы́ну и Свято́му Ду́ху:”, священник с диаконом трижды кланяются пред святым престолом. Священник, взяв св. Евангелие, дает его диакону и выйдя северными вратами, предшествуемые свещеносцами со светильниками, совершают малый вход. И, став на обычном месте, преклоняют оба главы.

Диакон: Го́споду помо́лимся.

Лик: Го́споди, поми́луй.

Молитва входа

Священник: Влады́ко Го́споди Бо́же наш, уста́вивый на небесе́х чи́ны и во́инства А́нгел и Арха́нгел в служе́ние Твоея́ сла́вы, сотвори́ со вхо́дом нашим вхо́ду святы́х А́нгелов бы́ти, сослужа́щих нам, и сославосло́вящих Твою́ бла́гость. Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Аминь.

Диакон: Благослови́, влады́ко, святы́й вход.

Священник, благословляя, произносит: Благослове́н вход святы́х Твои́х, всегда́, ны́не и при́сно, и во ве́ки веко́в.

Затем диакон подает священнику для целования св. Евангелие.

По окончании последнего тропаря, диакон, став впереди священника в Царских вратах, возвышает св. Евангелие и, показывая его народу возглашает громогласно: Прему́дрость, про́сти.

И, сотворив поклон, входит в св. алтарь, а за ним и священник. Диакон кладет св. Евангелие на св. престол.

Входное

В будни: Прииди́те, поклони́мся и припаде́м ко Христу́. / Спаси́ ны, Сы́не Бо́жий, / во святы́х Ди́вен сый, пою́щия Ти, / Аллилу́иа. Единожды.

Затем лик поет тропари и кондаки по уставу.

В пятницу, Креста, глас 1

Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.

Никольского храма, глас *

... Укажите в настройках престольный праздник вашего храма ...

Тропарь вмц. Евфи́мии Всехвальной, глас 4

А́гница Твоя́, Иису́се, Евфи́мия/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́,/ и умира́ю за Тя, да и живу́ с Тобо́ю,/ но, я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,/ я́ко Ми́лостив, спаси́ ду́ши на́ша.

Тропарь равноап. кнг. Ольги, глас 1

Крила́ми богоразу́мия впери́вши твой ум,/ возлете́ла еси́ превы́ше ви́димыя тва́ри,/ взыска́вши Бо́га и Творца́ вся́ческих,/ и, То́го обре́тши, па́ки рожде́ние Креще́нием прия́ла еси́,/ дре́ва живо́тнаго наслажда́ющися, нетле́нна во ве́ки пребыва́еши,/ О́льго присносла́вная.

В пятницу, Креста, глас 4

Вознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.

Кондак Никольского храма, глас *

... Укажите в настройках престольный праздник вашего храма ...

Кондак вмц. Евфи́мии Всехвальной, глас 6

По́двиги во страда́льчестве, по́двиги в ве́ре/ положи́ла еси́ те́пле за Христа́, Жениха́ твоего́./ Но и ны́не я́коже е́реси и враго́в шата́ние/ под но́ги во́инству на́шему покори́ти моли́ Богоро́дицею,/ я́же от шести́сот три́десяти Богоно́сных оте́ц/ преде́л прие́мшая/ и храня́щая, всехва́льная.

Кондак равноап. кнг. Ольги, глас 4

Воспое́м днесь Благоде́теля всех Бо́га,/ просла́вльшаго в Росси́и О́льгу Богому́друю,/ да моли́твами ея́/ пода́ст душа́м на́шим/ грехо́в оставле́ние.

Сла́ва Отцу́, и Сы́ну, и Свято́му Ду́ху.

Кондaк за умерших, глас 8

Со святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.

И ны́не, и при́сно, и во ве́ки веко́в. Ами́нь.

Кондaк Пресвятой Богородице, глас 6

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.

В алтаре

Священник же читает следующую молитву:

Молитва перед пением Трисвятого

Священник: Бо́же Святы́й, и́же во святы́х почива́яй, и́же трисвяты́м гла́сом от Серафи́мов воспева́емый и от Херуви́мов славосло́вимый, и от вся́кия Небе́сныя Си́лы покланя́емый, и́же от небытия́ во е́же бы́ти приведы́й вся́ческая, созда́вый челове́ка по о́бразу Твоему́ и по подо́бию, и вся́ким Твои́м дарова́нием украси́вый, дая́й прося́щему прему́дрость и ра́зум, и не презира́яй согреша́ющаго, но полага́яй на спасе́ние покая́ние, сподо́бивый нас, смире́нных и недосто́йных раб Твои́х, и в час сей ста́ти пред сла́вою свята́го Твоего́ же́ртвенника, и до́лжное Тебе́ поклоне́ние и славосло́вие приноси́ти. Сам, Влады́ко, приими́ и от уст нас, гре́шных, Трисвяту́ю песнь, и посети́ ны бла́гостию Твое́ю, прости́ нам вся́кое согреше́ние во́льное же и нево́льное, освяти́ на́ша ду́ши и телеса́, и даждь нам в преподо́бии служи́ти Тебе́ вся дни живота́ на́шего, моли́твами святы́я Богоро́дицы, и всех святы́х, от ве́ка Тебе́ благоугоди́вших.

Когда певцы начнут заключительный кондак, диакон, говорит, обращаясь к священнику: Благослови́, влады́ко, вре́мя Трисвята́го.

Священник же, осеняя его крестным знамением, произносит:

Я́ко свят еси́, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно.

По окончании последнего кондака диакон выходит из Царских врат и, сперва показывая орарем на икону Христа, возглашает:

Го́споди, спаси́ благочести́выя.

Лик: Го́споди, спаси́ благочести́выя.

Диакон: И услы́ши ны.

Лик: И услы́ши ны.

Также диакон обводит орарем стоящих во храме, возглашая к ним громогласно:

И во ве́ки веко́в.

Лик: Ами́нь.

Трисвятое

Лик: Святы́й Бо́же, / Святы́й Кре́пкий, / Святы́й Безсме́ртный, поми́луй нас. (Трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Святы́й Безсме́ртный, поми́луй нас.

Святы́й Бо́же, / Святы́й Кре́пкий, / Святы́й Безсме́ртный, поми́луй нас.

В алтаре

Во время пения священник и диакон и сами читают Трисвятое, совершая и три поклона перед св. престолом.

Диакон: Повели́, влады́ко.

Священник: Благослове́н гряды́й во и́мя Госпо́дне.

Диакон: Благослови́, влады́ко, Го́рний престо́л.

Священник же, благословляя горнее место: Благослове́н еси́ на престо́ле сла́вы Ца́рствия Твоего́, Седя́й на Херуви́мех, всегда́, ны́не и при́сно, и во ве́ки веко́в.

Чтение Апостола

По окончании Трисвятого диакон, подойдя к Царским вратам, возглашает: Во́нмем.

Священник: Мир всем.

Чтец: И ду́хови твоему́.

Диакон: Прему́дрость.

Чтец: Прокимен, глас 7: Возноси́те Го́спода Бо́га на́шего, / и покланя́йтеся подно́жию но́гу Его́, я́ко свя́то есть.

Лик: Возноси́те Го́спода Бо́га на́шего, / и покланя́йтеся подно́жию но́гу Его́, я́ко свя́то есть.

Чтец: Стих: Госпо́дь воцари́ся, да гне́ваются лю́дие.

Лик: Возноси́те Го́спода Бо́га на́шего, / и покланя́йтеся подно́жию но́гу Его́, я́ко свя́то есть.

Чтец: Прокимен, глас 4: Ди́вен Бог во святы́х Свои́х, / Бог Изра́илев.

Лик: Ди́вен Бог во святы́х Свои́х, / Бог Изра́илев.

Диакон: Прему́дрость.

Во время пения прокимна и чтения Апостола диакон кадит престол, алтарь, служащих, а также иконостас и весь народ.

И чтец надписание Апостола: К Кори́нфяном посла́ния свята́го Апо́стола Па́вла чте́ние.

И паки диакон: Во́нмем.

Зачало 148 В пяток 8-я недели. (1Кор.11:8-22)

Бра́тие, несть муж от жены́, но жена́ от му́жа, и́бо не со́здан бысть муж жены́ ра́ди, но жена́ му́жа ра́ди. Сего́ ра́ди должна́ есть жена́ власть име́ти на главе́ А́нгел ра́ди. Оба́че ни муж без жены́, ни жена́ без му́жа, о Го́споде. Я́коже бо жена́ от му́жа, си́це и муж жено́ю, вся же от Бо́га. В вас саме́х суди́те, ле́по ли есть жене́ открове́нне Бо́гу моли́тися? Или́ и не са́мое естество́ учи́т вы, я́ко муж у́бо а́ще власы́ расти́т, безче́стие ему́ есть, жена́ же а́ще власы́ расти́т, сла́ва ей есть? Зане́ расте́ние власо́в вме́сто одея́ния дано́ бысть ей. А́ще ли кто мни́тся спо́рлив бы́ти, мы такова́го обы́чая не и́мамы, ниже́ це́ркви Бо́жия. Сие́ же завещава́я не хвалю́, я́ко не на лу́чшее, но на ху́дшее сбира́етеся. Пе́рвое у́бо, сходя́щимся вам в це́рковь, слы́шу в вас ра́спри су́ща, и часть не́кую сих ве́рую. Подоба́ет бо и ересе́м в вас бы́ти, да иску́снии явле́ни быва́ют в вас. Сходя́щимся у́бо вам вку́пе, несть Госпо́дскую ве́черю я́сти, ко́ждо бо свою́ ве́черю предваря́ет в снеде́ние, и ов у́бо а́лчет, ов же упива́ется. Еда́ бо домо́в не и́мате, во е́же я́сти и пи́ти? Или́ о це́ркви Бо́жией нерадите́ и срамля́ете не иму́щия? Что вам реку́? Похвалю́ ли вы о сем? Не похвалю́.

Зачало 181 Неделя 16.
Сие же и мученицам. (2Кор.6:1-10)

Бра́тие, поспе́шствующе мо́лим, не вотще́ благода́ть Бо́жию прия́ти вам. Глаго́лет бо: во вре́мя прия́тно послу́шах тебе́, и в день спасе́ния помого́х ти. Се ны́не вре́мя благоприя́тно, се ны́не день спасе́ния. Ни еди́но ни в че́мже даю́ще претыка́ние, да служе́ние безпоро́чно бу́дет, но во всем представля́юще себе́ я́коже Бо́жия слуги́, в терпе́нии мно́зе, в ско́рбех, в беда́х, в теснота́х, в ра́нах, в темни́цах, в нестрое́ниих, в труде́х, во бде́ниих, в поще́ниих, во очище́нии, в ра́зуме, в долготерпе́нии, в бла́гости, в Ду́се Свя́те, в любви́ нелицеме́рне, в словеси́ и́стины, в си́ле Бо́жией, ору́жии пра́вды десны́ми и шу́ими, сла́вою и безче́стием, гажде́нием и благохвале́нием, я́ко лестцы́, и и́стинни, я́ко незна́еми, и познава́еми, я́ко умира́юще, и се жи́ви есмы́, я́ко наказу́еми, а не умерщвля́еми, я́ко скорбя́ще, при́сно же ра́дующеся, я́ко ни́щи, а мно́гих богатя́ще, я́ко ничто́же иму́ще, а вся содержа́ще.

Священник: Мир ти.

Чтец: И ду́хови твоему́.

Диакон: Прему́дрость.

Чтец: Аллилу́иа. Аллилу́иа. Аллилу́иа, глас 1.

Чтец: Помяни́ сонм Твой, его́же стяжа́л еси́ испе́рва.

Лик: Аллилу́иа. Аллилу́иа. Аллилу́иа.

Чтец: Стих: Бог же Царь наш пре́жде ве́ка, соде́ла спасе́ние посреде́ земли́.

Лик: Аллилу́иа. Аллилу́иа. Аллилу́иа.

Чтец: Терпя́, потерпе́х Го́спода, и внят ми.

Лик: Аллилу́иа. Аллилу́иа. Аллилу́иа.

В алтаре

Молитва перед чтением Евангелия

Священник: Возсия́й в сердца́х на́ших, Человеколю́бче Влады́ко, Твоего́ Богоразу́мия нетле́нный свет, и мы́сленныя на́ши отве́рзи о́чи, во Ева́нгельских Твои́х пропове́даний разуме́ние. Вложи́ в нас и страх блаже́нных Твои́х за́поведей, да плотски́я по́хоти вся попра́вше, духо́вное жи́тельство про́йдем, вся, я́же ко благоугожде́нию Твоему́, и му́дрствующе и де́юще. Ты бо еси́ просвеще́ние душ и теле́с на́ших, Христе́ Бо́же, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в. Ами́нь.

Чтение Евангелия

Диакон: Благослови́, влады́ко, благовести́теля свята́го Апо́стола и Евангели́ста Матфе́я.

Священник, осеняя его крестным знамением, произносит: Бо́г, моли́твами свята́го, сла́внаго, всехва́льнаго Апо́стола и Евангели́ста Матфе́я, да да́ст тебе́ глаго́л благовеству́ющему си́лою мно́гою во исполне́ние Ева́нгелия Возлю́бленнаго Сы́на Своего́, Го́спода на́шего Иису́са Христа́.

И подает ему святое Евангелие.

Диакон: Ами́нь.

Священник: Прему́дрость, про́сти, услы́шим свята́го Ева́нгелия. Таже: Ми́р все́м.

Лик: И ду́хови твоему́.

Диакон: От Матфе́я свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Священник: Во́нмем.

Евангелие от Матфея, зачало 71. Пяток 8-я недели. (Мф.17:10-18)

Во вре́мя о́но, вопроси́ша Иису́са ученицы́ Его́, глаго́люще: что у́бо кни́жницы глаго́лют, я́ко Илии́ подоба́ет приити́ пре́жде? Иису́с же отвеща́в рече́ им: Илия́ у́бо прии́дет пре́жде и устро́ит вся. Глаго́лю же вам, я́ко Илия́ уже́ прии́де, и не позна́ша его́, но сотвори́ша о нем, ели́ка восхоте́ша, та́ко и Сын Челове́ческий и́мать пострада́ти от них. Тогда́ разуме́ша ученицы́, я́ко о Иоа́нне Крести́тели рече́ им. И прише́дшим им к наро́ду, приступи́ к Нему́ челове́к, кла́няяся Ему́ и глаго́ля: Го́споди, поми́луй сы́на моего́, я́ко на но́вы ме́сяцы бесну́ется и зле стра́ждет, мно́жицею бо па́дает во огнь и мно́жицею в во́ду. И приведо́х его́ ко ученико́м Твои́м, и не возмого́ша его́ исцели́ти. Отвеща́в же Иису́с рече́: о, ро́де неве́рный и развраще́нный, доко́ле бу́ду с ва́ми? Доко́ле терплю́ вас? Приведи́те Ми его́ се́мо. И запрети́ ему́ Иису́с, и изы́де из него́ бес, и изцеле́ о́трок от часа́ того́.

Евангелие от Луки, зачало 33. Понедельник 21-я недели.
Сие и мученицам. (Лк.7:36-50)

Во вре́мя о́но, моля́ше Иису́са не́кий от фарисе́й, да бы ял с ним, и вшед в дом фарисе́ов, возлеже́. И се жена́ во гра́де, я́же бе гре́шница, и уве́девши, я́ко возлежи́т во хра́мине фарисе́ове, прине́сши алава́стр ми́ра, и ста́вши при ногу́ Его́ созади́, пла́чущися, нача́т умыва́ти но́зе Его́ слеза́ми, и власы́ главы́ своея́ отира́ше, и облобыза́ше но́зе Его́, и ма́заше ми́ром. Ви́дев же фарисе́й возва́вый Его́, рече́ в себе́, глаго́ля: Сей а́ще бы был проро́к, ве́дел бы, кто и какова́ жена́ прикаса́ется Ему́, я́ко гре́шница есть. И отвеща́в Иису́с рече́ к нему́: Си́моне, и́мам ти не́что рещи́. Он же рече́: Учи́телю, рцы. Иису́с же рече́: два должника́ бе́ста заимода́вцу не́коему, еди́н бе до́лжен пятию́сот дина́рий, други́й же пятию́десят. Не иму́щема же и́ма возда́ти, обе́ма отда́. Кото́рый у́бо ею́, рцы, па́че возлю́бит его́? Отвеща́в же Си́мон рече́: мню, я́ко ему́же вя́щше отда́. Он же рече́ ему́: пра́во суди́л еси́. И обра́щься к жене́, Си́монови рече́: ви́диши ли сию́ жену́? Внидо́х в дом твой, воды́ на но́зе Мои́ не даде́, сия́ же слеза́ми облия́ Ми но́зе и власы́ главы́ своея́ отре́. Лобза́ния Ми не даде́, сия́ же, отне́лиже внидо́х, не преста́ облобыза́ющи Ми но́зе. Ма́слом главы́ Моея́ не пома́за, сия́ же ми́ром пома́за Ми но́зе. Его́же ра́ди, глаго́лю ти, отпуща́ются греси́ ея́ мно́зи, я́ко возлюби́ мно́го, а ему́же ма́ло оставля́ется, ме́ньше лю́бит. Рече́ же ей: отпуща́ются тебе́ греси́. И нача́ша возлежа́щии с Ним глаго́лати в себе́: кто Сей есть, и́же и грехи́ отпуща́ет? Рече́ же к жене́: ве́ра твоя́ спасе́ тя, иди́ в ми́ре.

Священник: Мир ти́, благовеству́ющему.

Лик: Сла́ва Тебе́, Го́споди, сла́ва Тебе́.

Сугубая ектения

Диакон: Рцем вси́ от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй (трижды).

Диакон: Еще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй (трижды).

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй (трижды).

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй (трижды).

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй (трижды).

Диакон: Еще́ мо́лимся Тебе́, Го́споду и Спаси́телю на́шему, о е́же прия́ти моли́твы нас недосто́йных рабо́в Твои́х в сию́ годи́ну испыта́ния, прише́дшую на Русь Святу́ю, обыше́дше бо обыдо́ша ю́ врази́, и о е́же яви́ти спасе́ние Тво́е, рцем вси: Го́споди, услы́ши и поми́луй.

Лик: Го́споди, поми́луй (трижды).

Диакон: Еще́ мо́лимся о е́же благосе́рдием и ми́лостию призре́ти на во́инство и вся защи́тники Оте́чества на́шего, и о е́же утверди́ти нас всех в ве́ре, единомы́слии, здра́вии и си́ле ду́ха, рцем вси: Го́споди, услы́ши и ми́лостивно поми́луй.

Лик: Го́споди, поми́луй (трижды).

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй (трижды).

В алтаре

Молитва усердного моления

Священник: Го́споди Бо́же наш, приле́жное сие́ моле́ние приими́ от Твои́х раб, и поми́луй нас по мно́жеству ми́лости Твоея́, и щедро́ты Твоя́ низпосли́ на ны и на вся лю́ди Твоя́, ча́ющыя от Тебе́ бога́тыя ми́лости.

И священник возглашает: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Моли́тва о Свято́й Руси́

Диакон: Го́споду помо́лимся.

Лик: Го́споди, поми́луй.

Священник: Го́споди Бо́же Сил, Бо́же спасе́ния на́шего, при́зри в ми́лости на смире́нныя рабы́ Твоя́, услы́ши и поми́луй нас: се бо бра́ни хотя́щии ополчи́шася на Святу́ю Русь, ча́юще раздели́ти и погуби́ти еди́ный наро́д ея́. Воста́ни, Бо́же, в по́мощь лю́дем Твои́м и пода́ждь нам си́лою Твое́ю побе́ду. Ве́рным ча́дом Твои́м, о еди́нстве Ру́сския Це́ркве ревну́ющим, поспе́шествуй, в ду́хе братолю́бия укрепи́ их и от бед изба́ви. Запрети́ раздира́ющим во омраче́нии умо́в и ожесточе́нии серде́ц ри́зу Твою́, я́же есть Це́рковь Жива́го Бо́га, и за́мыслы их ниспрове́ргни. Благода́тию Твое́ю вла́сти предержа́щия ко вся́кому бла́гу наста́ви и му́дростию обогати́. Во́ины и вся защи́тники Оте́чества на́шего в за́поведех Твои́х утверди́, кре́пость ду́ха им низпосли́, от сме́рти, ран и плене́ния сохрани́. Лише́нныя кро́ва и в изгна́нии су́щия в до́мы введи́, а́лчущия напита́й, [жа́ждущия напои́], неду́гующия и стра́ждущия укрепи́ и исцели́, в смяте́нии и печа́ли су́щим наде́жду благу́ю и утеше́ние пода́ждь. Всем же во дни сия́ убие́нным и от ран и боле́зней сконча́вшимся проще́ние грехо́в да́руй и блаже́нное упокое́ние сотвори́. Испо́лни нас я́же в Тя ве́ры, наде́жды и любве́, возста́ви па́ки во всех страна́х Святы́я Руси́ мир и единомы́слие, друг ко дру́гу любо́вь обнови́ в лю́дех Твои́х, я́ко да еди́неми усты́ и еди́нем се́рдцем испове́мыся Тебе́, Еди́ному Бо́гу в Тро́ице сла́вимому. Ты бо еси́ заступле́ние, и побе́да, и спасе́ние упова́ющим на Тя, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Если будет приношение о усопших, диакон или священник произносит следующую ектению:

Заупокойная ектения

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй (трижды).

Диакон: Еще́ мо́лимся о упокое́нии душ усо́пших рабо́в Бо́жиих (имярек), и о е́же прости́тися им вся́кому прегреше́нию, во́льному же и нево́льному.

Лик: Го́споди, поми́луй (трижды).

Диакон: Я́ко да Госпо́дь Бог учини́т ду́ши их, иде́же пра́веднии упокоя́ются.

Лик: Го́споди, поми́луй (трижды).

Диакон: Ми́лости Бо́жия, Ца́рства Небе́снаго, и оставле́ния грехо́в их, у Христа́ безсме́ртнаго Царя́ и Бо́га на́шего про́сим.

Лик: Пода́й, Го́споди.

Диакон: Го́споду помо́лимся.

Лик: Го́споди, поми́луй.

В алтаре

Молитва об усопших

Священник: Бо́же духо́в, и вся́кия пло́ти, сме́рть попра́вый и диа́вола упраздни́вый, и живо́т мiру Твоему́ дарова́вый: Сам, Го́споди, поко́й ду́ши усо́пших раб Твои́х, (имярек), в ме́сте све́тле, в ме́сте зла́чне, в ме́сте поко́йне, отню́дуже отбеже́ боле́знь, печа́ль и воздыха́ние. Вся́кое согреше́ние, соде́янное и́ми сло́вом, или́ де́лом, или́ помышле́нием, я́ко благи́й Человеколю́бец Бог, прости́. Я́ко несть челове́к, и́же жив бу́дет и не согреши́т. Ты бо Еди́н кроме́ греха́, пра́вда Твоя́ пра́вда во ве́ки, и сло́во Твое́ и́стина.

Священник возглашает: Я́ко Ты еси́ воскресе́ние и живо́т и поко́й усо́пших раб Твои́х, (имярек), Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Ектения об оглашенных

Диакон: Помоли́теся, оглаше́ннии, Го́сподеви.

Лик: Го́споди, поми́луй.

Диакон: Ве́рнии, о оглаше́нных помо́лимся, да Госпо́дь поми́лует их.

Лик: Го́споди, поми́луй.

Диакон: Огласи́т их сло́вом и́стины.

Лик: Го́споди, поми́луй.

Диакон: Откры́ет им Ева́нгелие пра́вды.

Лик: Го́споди, поми́луй.

Диакон: Соедини́т их святе́й Свое́й собо́рней и апо́стольстей Це́ркви.

Лик: Го́споди, поми́луй.

Диакон: Спаси́, поми́луй, заступи́ и сохрани́ их, Бо́же, Твое́ю благода́тию.

Лик: Го́споди, поми́луй.

Диакон: Оглаше́ннии, главы ва́ша Го́сподеви приклони́те.

Лик: Тебе́, Го́споди.

Возглас: Да и ти́и с на́ми сла́вят пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

В алтаре

Молитва об оглашенных

Священник: Го́споди Бо́же наш, и́же на высо́ких живы́й и на смире́нныя призира́яй, и́же спасе́ние ро́ду челове́ческому низпосла́вый, Единоро́днаго Сы́на Твоего́ и Бо́га, Го́спода на́шего Иису́са Христа́, при́зри на рабы Твоя́ оглаше́нныя, подкло́ньшия Тебе́ Своя́ выя, и сподо́би я́ во вре́мя благополу́чное ба́ни пакибытия́, оставле́ния грехо́в и оде́жди нетле́ния, соедини́ их святе́й Твое́й собо́рней и апо́стольстей Це́ркви, и сопричти́ их избра́нному Твоему́ ста́ду.

И раскрывает антиминс священник.

Литургия верных

Диакон: Ели́цы оглаше́ннии, изыди́те, оглаше́ннии изыди́те, ели́цы оглаше́ннии изыди́те. Да никто от оглаше́нных, ели́цы ве́рнии, па́ки и па́ки ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Прему́дрость.

Священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

В алтаре

Молитва верных первая

Священник: Благодари́м Тя, Го́споди Бо́же Сил, сподо́бившаго нас предста́ти и ны́не свято́му Твоему́ же́ртвеннику, и припа́сти ко щедро́там Твои́м о на́ших гресе́х и о людски́х неве́дениих. Приими́, Бо́же, моле́ние на́ше, сотвори́ ны досто́йны бы́ти, е́же приноси́ти Тебе́ моле́ния и мольбы́, и же́ртвы безкро́вныя о всех лю́дех Твои́х. И удовли́ нас, и́хже положи́л еси́ в слу́жбу Твою́ сию́, си́лою Ду́ха Твоего́ Свята́го, неосужде́нно и непреткнове́нно в чи́стем свиде́тельстве со́вести на́шея, призыва́ти Тя на вся́кое вре́мя и ме́сто. Да послу́шая нас, ми́лостив нам бу́деши, во мно́жестве Твоея́ бла́гости.

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

(Когда священник служит без диакона, он следующих [четырех] прошений не произносит)

[О свы́шнем ми́ре и спасе́нии душ на́ших, Го́споду помо́лимся.

О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

О изба́витися нам от вся́кия ско́рби, гне́ва и ну́жды, Го́споду помо́лимся.]

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Прему́дрость.

Священник возглашает: Я́ко да под держа́вою Твое́ю всегда́ храни́ми, Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

В алтаре

И входит диакон в алтарь северными вратами.

Молитва верных вторая

Священник: Па́ки и мно́гажды Тебе́ припа́даем, Тебе́ мо́лимся, Благи́й и Человеколю́бче, я́ко да призре́в на моле́ние на́ше, очи́стиши на́ша ду́ши и телеса́ от вся́кия скве́рны пло́ти и ду́ха, и да́си нам непови́нное и неосужде́нное предстоя́ние свята́го Твоего́ же́ртвенника. Да́руй же Бо́же, и моля́щимся с на́ми преспе́яние жития́ и ве́ры и ра́зума духо́внаго. Да́ждь им всегда́ со стра́хом и любо́вию служа́щим Тебе́, непови́нно и неосужде́нно причасти́тися святы́х Твои́х Та́ин и Небе́снаго Твоего́ Ца́рствия сподо́битися.

И открываются Царские врата.

Херувимская песнь

Лик: И́же Херуви́мы та́йно образу́юще и животворя́щей Тро́ице Трисвяту́ю песнь припева́юще, вся́кое ны́не жите́йское отложи́м попече́ние.

В алтаре

Во время пения Херувимской песни диакон, взяв кадило и вложив в него ладан, подходит к священнику и, взяв у него благословение, кадит святой престол вокруг, и весь алтарь, и иконостас; также священника, клиросы и народ. Читает же и 50 псалом, и тропари умилительные, сколько захочет. Священник же читает тайно следующую молитву:

Молитва Херувимской песни

Священник: Никто́же досто́ин от связа́вшихся плотски́ми похотьми́ и сластьми́ приходи́ти, или́ прибли́житися, или́ служи́ти Тебе́, Царю́ Сла́вы: е́же бо служи́ти Тебе́, вели́ко и стра́шно и саме́м Небе́сным Си́лам. Но оба́че неизрече́ннаго ра́ди и безме́рнаго Твоего́ человеколю́бия, непрело́жно и неизме́нно был еси́ Челове́к, и Архиере́й нам был еси́: и служе́бныя сея́ и безкро́вныя же́ртвы священноде́йствие пре́дал еси́ нам, я́ко Влады́ка всех. Ты бо еди́н, Го́споди Бо́же наш, влады́чествуеши небе́сными и земны́ми, и́же на престо́ле Херуви́мсте носи́мый, и́же Серафи́мов Госпо́дь, и Ца́рь Изра́илев, и́же Еди́н свят, и во святы́х почива́яй. Тя у́бо молю́, Еди́наго блага́го и благопослушли́ваго: при́зри на мя, гре́шнаго и непотре́бнаго раба́ Твоего́, и очи́сти мою́ ду́шу и се́рдце от со́вести лука́выя, и удовли́ мя, си́лою свята́го Твоего́ Ду́ха, облече́на благода́тию свяще́нства, предста́ти святе́й Твое́й сей трапе́зе, и священноде́йствовати Свято́е и Пречи́стое Твое́ Те́ло и Честну́ю Кровь. К Тебе́ бо прихожду́ прикло́нь мою́ вы́ю, и молю́ Ти ся, да не отврати́ши лица́ Твоего́ от мене́, ниже́ отри́неши мене́ от о́трок Твои́х, но сподо́би принесе́нным Тебе́ бы́ти, мно́ю гре́шным и недосто́йным рабо́м Твои́м, даро́м сим. Ты бо еси́ принося́й и приноси́мый, и прие́мляй и раздава́емый, Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в. Ами́нь.

По окончании молитвы и каждения священник и диакон, стоя перед св. престолом, трижды читают Херувимскую песнь, в конце каждый раз совершая поклон.

Затем подходят к жертвеннику; священник кадит святые дискос и чашу.

Диакон обращается к священнику: Возми́, влады́ко.

И священник, взяв воздух, возлагает его на левое плечо диакона, со словами:

Возми́те ру́ки ва́ша во свя́тая и благослови́те Го́спода.

Также, взяв дискос, подает его диакону, который держит его на уровне головы. Сам же берет святой потир в руки и оба выходят через северные врата, предшествуемые свещеносцами.

Великий вход

Диакон: Вели́каго господи́на и отца́ на́шего Кири́лла, Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Священник: Преосвяще́нныя митрополи́ты, архиепи́скопы и епи́скопы, и весь свяще́ннический и мона́шеский чин, при́чет свята́го хра́ма сего́, и всех вас правосла́вных христиа́н, да помяне́т Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

Лик: Аминь.

И заканчивает Херувимскую песнь: Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

В алтаре

Диакон же, войдя в Царские врата, стоит справа, и, когда входит священник, говорит, обращаясь к нему:

Да помяне́т Госпо́дь Бог свяще́нство твое́ во Ца́рствии Свое́м, всегда́, ны́не и при́сно, и во ве́ки веко́в.

И священник к нему: Да помяне́т Госпо́дь Бог священнодиа́конство твое́ во Ца́рствии Свое́м, всегда́, ны́не и при́сно, и во ве́ки веко́в.

И ставит священник святой потир на св. престол, говоря:

Благообра́зный Ио́сиф, с дре́ва снем Пречи́стое Те́ло Твое́, плащани́цею чи́стою обви́в, и благоуха́ньми во гро́бе но́ве покры́в, положи́.

Диакон кадит свещеносцев и закрывает царские врата.

Во гро́бе пло́тски, во а́де же с душе́ю я́ко Бог, в раи́ же с разбо́йником, и на престо́ле был еси́, Христе́, со Отце́м и Ду́хом, вся исполня́яй неопи́санный.

Я́ко живоно́сец, я́ко рая́ красне́йший, вои́стинну и черто́га вся́каго ца́рскаго показа́ся светле́йший, Христе́, гроб Твой, исто́чник на́шего воскресе́ния.

Также, предварительно сняв с сосудов покровцы, покрывает священные сосуды воздухом, со словами: Благообра́зный Ио́сиф, с дре́ва снем пречи́стое Те́ло Твое́, плащани́цею чи́стою обви́в, и воня́ми во гро́бе но́ве покры́в положи́.

И кадит святыни трижды, со словами: Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая, тогда́ возложа́т на олта́рь Твой тельцы́.

И отдав кадило, говорит диакону: Помоли́ся о мне, бра́те и сослужи́телю.

И диакон к нему: Дух Святы́й на́йдет на тя, и си́ла Вы́шняго осени́т тя.

И священник: То́йже Дух соде́йствует нам вся дни живота́ на́шего.

И диакон: Помяни́ мя, влады́ко святы́й.

И священник: Да помяне́т тя Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

Диакон: Ами́нь.

Ектения просительная

Диакон: Испо́лним моли́тву на́шу Го́сподеви.

Лик: Го́споди, поми́луй.

Диакон: О предложе́нных Честны́х Даре́х, Го́споду помо́лимся.

Лик: Го́споди, поми́луй.

Диакон: О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Дне всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

В алтаре

Молитва приношения, после поставления Божественных Даров на св. престоле

Священник: Го́споди Бо́же Вседержи́телю, Еди́не свя́те, прие́мляй же́ртву хвале́ния от призыва́ющих Тя всем се́рдцем. Приими́ и нас, гре́шных, моле́ния и принеси́ ко свято́му Твоему́ же́ртвеннику, и удовли́ нас приноси́ти Тебе́ да́ры же и же́ртвы духо́вныя о на́ших гресе́х и о людски́х неве́дениих, и сподо́би нас обрести́ благода́ть пред Тобо́ю, е́же бы́ти Тебе́ благоприя́тней же́ртве на́шей, и всели́тися Ду́ху благода́ти Твоея́ благо́му в нас, и на предлежа́щих Даре́х сих, и на всех лю́дех Твои́х.

И священник возглашает: Щедро́тами Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Священник: Мир всем.

Лик: И ду́хови твоему́.

Диакон: Возлю́бим друг дру́га, да единомы́слием испове́мы.

Лик: Отца́, и Сы́на, и Свята́го Ду́ха, / Тро́ицу единосу́щную / и неразде́льную.

В алтаре

И священник трижды поклоняется со словами: Возлюблю́ Тя, Го́споди, кре́посте моя́, Госпо́дь утвержде́ние мое́ и прибе́жище мое́. Трижды.

Настоятель: Христо́с посреде́ нас.

И отвечает ему целовавший: И есть, и бу́дет.

Диакон: Две́ри, две́ри, прему́дростию во́нмем.

В алтаре

Священник же поднимает воздух и держит над святыми Дарами. Если же будут и другие служащие священники, они также поднимают святой воздух и держат его, колебля над святыми Дарами и произнося в себе, как и народ, исповедание веры:

Символ веры

Народ: Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Святое Возношение

Диакон: Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.

Лик: Ми́лость ми́ра, / же́ртву хвале́ния.

Священник возглашает, благословляя народ: Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.

Лик: И со ду́хом твои́м.

Священник: Горе́ име́им сердца́.

Лик: И́мамы ко Го́споду.

Священник: Благодари́м Го́спода.

Лик: Досто́йно и пра́ведно есть / покланя́тися Отцу́ и Сы́ну, и Свято́му Ду́ху, / Тро́ице единосу́щней и неразде́льней.

В алтаре

Священник же молится: Досто́йно и пра́ведно Тя пе́ти, Тя благослови́ти, Тя хвали́ти, Тя благодари́ти, Тебе́ покланя́тися на вся́ком ме́сте влады́чествия Твоего́. Ты бо еси́ Бог неизрече́нен, недове́домь, неви́димь, непостижи́мь, при́сно сый, та́кожде сый, Ты и Единоро́дный Твой Сын, и Дух Твой Святы́й. Ты от небытия́ в бытие́ нас приве́л еси́, и отпа́дшия возста́вил еси́ па́ки, и не отступи́л еси́ вся творя́, до́ндеже нас на не́бо возве́л еси́, и Ца́рство Твое́ дарова́л еси́ бу́дущее. О сих всех благодари́м Тя и Единоро́днаго Твоего́ Сы́на, и Ду́ха Твоего́ Свята́го, о всех, и́хже ве́мы, и и́хже не ве́мы, явле́нных и нея́вленных благодея́ниих бы́вших на нас. Благодари́м Тя и о слу́жбе сей, ю́же от рук на́ших прия́ти изво́лил еси́. А́ще и предстоя́т Тебе́ ты́сящи Арха́нгелов и тмы А́нгелов, Херуви́ми и Серафи́ми шестокрила́тии, многоочи́тии, возвыша́щиися перна́тии.

Возвышая голос и делая звездицей знак креста над дискосом: Побе́дную песнь пою́ще, вопию́ще, взыва́юще и глаго́люще.

В алтаре

Диакон во время возглашения, взяв звездицу с дискоса, творит ей знак креста над ним.

Лик: Свят, свят, свят Госпо́дь Савао́ф, / испо́лнь не́бо и земля́ сла́вы Твоея́; / оса́нна в вы́шних, / благослове́н Гряды́й во и́мя Госпо́дне, / оса́нна в вы́шних.

В алтаре

Священник молится: С си́ми и мы блаже́нными Си́лами, Влады́ко Человеколю́бче, вопие́м и глаго́лем: свят еси́ и пресвя́т, Ты и Единоро́дный Твой Сын, и Дух Твой Святы́й. Свят еси́ и пресвя́т, и великоле́пна сла́ва Твоя́, и́же мiр Твой та́ко возлюби́л еси́, я́коже Сы́на Твоего́ Единоро́днаго да́ти: да вся́к ве́руяй в Него́ не поги́бнет, но и́мать живо́т ве́чный. И́же прише́д, и все е́же о нас смотре́ние испо́лнив, в но́щь в ню́же предая́шеся, па́че же Сам Себе́ предая́ше за мiрски́й живо́т, прие́м хлеб во свя́тыя Своя́ и пречи́стыя и непорочныя ру́ки, благодари́в и благослови́в, освяти́в, преломи́в, даде́ святы́м Свои́м ученико́м и Апо́столом, рек:

Возвышая голос: Приими́те, яди́те, сие́ есть Те́ло Мое́, е́же за вы ломи́мое во оставле́ние грехо́в.

Лик: Ами́нь.

В алтаре

Священник тайно: Подо́бне и ча́шу по ве́чери, глаго́ля:

Возвышая голос: Пи́йте от нея́ вси, сия́ есть Кровь Моя́ Но́ваго Заве́та, я́же за вы и за мно́гия излива́емая, во оставле́ние грехо́в.

Лик: Ами́нь.

В алтаре

Священник молится: Помина́юще у́бо спаси́тельную сию́ за́поведь, и вся я́же о нас бы́вшая: Крест, гроб, тридне́вное воскресе́ние, на небеса́ восхожде́ние, одесну́ю седе́ние, второ́е и сла́вное па́ки прише́ствие.

Священник (возвышая голос): Твоя́ от Твои́х Тебе́ принося́ще, о всех и за вся.

В алтаре

Диакон при этих словах, взяв в руки святой потир и дискос, возносит их над престолом.

Лик: Тебе́ пое́м, / Тебе́ благослови́м, / Тебе́ благодари́м, Го́споди, / и мо́лим Ти ся, Бо́же наш.

В алтаре

Священник же молится: Еще́ прино́сим Ти слове́сную сию́ и безкро́вную слу́жбу, и про́сим, и мо́лим, и ми́ли ся де́ем, низпосли́ Ду́ха Твоего́ Свята́го на ны́, и на предлежа́щия Да́ры Сия́.

Го́споди, и́же Пресвята́го Твоего́ Ду́ха в тре́тий час Апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся.

Диакон стих: Се́рдце чи́сто сози́жди во мне, Бо́же, и дух прав обнови́ во утро́бе мое́й.

Снова священник: Го́споди, и́же Пресвята́го Твоего́ Ду́ха в тре́тий час Апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся.

Диакон стих: Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

И снова священник: Го́споди, и́же Пресвята́го Твоего́ Ду́ха в тре́тий час Апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся.

Затем диакон, указывая орарем на святой хлеб, говорит тихим голосом: Благослови́, влады́ко, святы́й хлеб.

Священник же осеняет св. Агнец крестным знамением со словами: И сотвори́ у́бо хлеб сей Честно́е Те́ло Христа́ Твоего́.

Диакон: Ами́нь. Благослови́, влады́ко, святу́ю ча́шу.

Священник, благословляя св. чашу, произносит: А е́же в ча́ши сей, Честну́ю Кровь Христа́ Твоего́.

Диакон: Ами́нь. Благослови́, влады́ко, обоя́.

Священник, благословляя обе Святыни вместе произносит: Преложи́в Ду́хом Твои́м Святы́м.

Диакон: Ами́нь, ами́нь, ами́нь. Помяни́ мя, святы́й влады́ко, гре́шнаго.

Священник: Да помяне́т Тя Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Диакон: Ами́нь.

Священник же молится: Я́коже бы́ти причаща́ющимся во трезве́ние души́, во оставле́ние грехо́в, в приобще́ние Свята́го Твоего́ Ду́ха, во исполне́ние Ца́рствия Небе́снаго, в дерзнове́ние е́же к Тебе́, не в суд, или́ во осужде́ние.

Еще́ прино́сим Ти слове́сную сию́ слу́жбу, о и́же в ве́ре почи́вших, пра́отцех, отце́х, патриа́рсех, проро́цех, Апо́столех, пропове́дницех, евангели́стех, му́ченицех, испове́дницех, возде́ржницех, и о вся́ком ду́се пра́веднем в ве́ре сконча́вшемся.

И, взяв кадило, священник возглашает: Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

В алтаре

И кадит перед святым престолом трижды.

Досто́йно есть...

Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. / Честне́йшую Херуви́м и сла́внейшую без сравне́ния Серафи́м, / без истле́ния Бо́га Сло́ва ро́ждшую, су́щую Богоро́дицу Тя велича́ем.

В алтаре

Священник же молится: О святе́м Иоа́нне Проро́це, Предте́чи и Крести́тели, о святы́х сла́вных и всехва́льных Апо́столех, о святе́м (имярек), его́же и па́мять соверша́ем, и о всех святы́х Твои́х, и́хже моли́твами посети́ нас, Бо́же.

И помяни́ всех усо́пших о наде́жди воскре́сения жи́зни ве́чныя.

И поминает усопших верных, кого хочет, по именам.

И упоко́й их, иде́же присеща́ет свет лица́ Твоего́.

Еще́ мо́лим Тя, помяни́, Го́споди, вся́кое епи́скопство правосла́вных, пра́во пра́вящих сло́во Твоея́ и́стины, вся́кое пресви́терство, во Христе́ диа́конство и вся́кий свяще́ннический чин.

Еще́ прино́сим Ти слове́сную сию́ слу́жбу о вселе́нней, о святе́й, собо́рней и апо́стольстей Це́ркви, о и́же в чистоте́ и честне́м жи́тельстве пребыва́ющих, о Богохрани́мей стране́ на́шей, власте́х и во́инстве ея́. Да́ждь им, Го́споди, ми́рное правле́ние, да и мы в тишине́ их ти́хое и безмо́лвное житие́ поживе́м, во вся́ком благоче́стии и чистоте́.

И по окончании пения Достойно есть: или Задостойника, священник возглашает:

В пе́рвых помяни́, Го́споди, вели́каго господи́на и отца́ на́шего Кири́лла, Святейшаго Патриарха Московскаго и всея Руси, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), и́хже да́руй святы́м Твои́м це́рквам, в ми́ре, це́лых, честны́х, здра́вых, долгоде́нствующих, пра́во пра́вящих сло́во Твоея́ и́стины.

Лик: И всех, и вся.

В алтаре

Священник молится: Помяни́ Го́споди святы́й хра́м сей, и вся́кий град и страну́, и ве́рою живу́щих в них.

Помяни́, Го́споди, пла́вающих, путеше́ствующих, неду́гующих, стра́ждущих, плене́нных, и спасе́ние их.

Помяни́, Го́споди, плодонося́щих и добротворя́щих во святы́х Твои́х це́рквах, и помина́ющих убо́гия, и на вся ны ми́лости Твоя́ низпосли́.

И поминает по именам живых, кого хочет.

Возвышая голос: И даждь нам еди́неми усты́ и еди́нем се́рдцем сла́вити и воспева́ти пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

В алтаре

Священник, обратившись к Царским вратам и благословляя народ возглашает:

И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.

Лик: И со ду́хом твои́м.

Ектения просительная

Диакон: Вся святы́я помяну́вше, па́ки и па́ки ми́ром Го́споду помо́лимся.

Лик: Го́споди, поми́луй.

Диакон: О принесе́нных и освяще́нных Честны́х Даре́х, Го́споду помо́лимся.

Лик: Го́споди, поми́луй.

Диакон: Я́ко да человеколю́бец Бог наш, прие́м я́ во святы́й и пренебе́сный и мы́сленный Свой же́ртвенник, в воню́ благоуха́ния духо́внаго, возниспо́слет нам Боже́ственную благода́ть и дар Свята́го Ду́ха, помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Дне всего́ соверше́нна, свя́та, ми́рна и безгре́шна, у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших, у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мирови, у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти, у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны, и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Соедине́ние ве́ры и прича́стие Свята́го Ду́ха испроси́вше, са́ми себе́, и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

В алтаре

Молитва перед св. Причащением

Священник: Тебе́ предлага́ем живо́т наш весь и наде́жду, Влады́ко Человеколю́бче, и про́сим, и мо́лим, и ми́ли ся де́ем, сподо́би нас причасти́тися Небе́сных Твои́х и стра́шных Та́ин, сея́ Свяще́нныя и Духо́вныя Трапе́зы, с чи́стою со́вестию, во оставле́ние грехо́в, в проще́ние согреше́ний, во обще́ние Ду́ха Свята́го, в насле́дие Ца́рствия Небе́снаго, в дерзнове́ние е́же к Тебе́, не в суд или́ во осужде́ние.

Священник возглашает: И сподо́би нас, Влады́ко, со дерзнове́нием, неосужде́нно сме́ти призыва́ти Тебе́, Небе́снаго Бо́га Отца́, и глаго́лати.

Отче наш

Народ: О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

И священник возглашает: Я́ко Твоя́ держа́ва, и Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Лик: Ами́нь.

Священник: Мир всем.

Лик: И ду́хови твоему́.

Диакон: Главы́ ва́ша Го́сподеви приклони́те.

Лик: Тебе́, Го́споди.

В алтаре

Молитва главопреклонения

Священник: Благодари́м Тя, Царю́ неви́димый, и́же неисче́тною Твое́ю си́лою вся соде́тельствовал еси́, и мно́жеством ми́лости Твоея́ от небытия́ в бытие́ вся приве́л еси́. Сам, Влады́ко, с небесе́ при́зри на подкло́ньшия Тебе́ главы́ своя́, не бо подклони́ша пло́ти и кро́ви, но Тебе́ стра́шному Бо́гу. Ты у́бо Влады́ко, предлежа́щая всем нам во благо́е изравня́й, по коего́ждо свое́й потре́бе: пла́вающим спла́вай, путеше́ствующим спутеше́ствуй, неду́гующия исцели́, Врачу́ душ и теле́с.

Священник возглашает: Благода́тию, и щедро́тами, и человеколю́бием Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

В алтаре

Священник же молится: Вонми́, Го́споди Иису́се Христе́ Бо́же наш, от свята́го жили́ща Твоего́, и от престо́ла сла́вы Ца́рствия Твоего́, и прииди́ во е́же освяти́ти нас, и́же горе́ со Отце́м седя́й, и зде нам неви́димо спребыва́яй. И сподо́би держа́вною Твое́ю руко́ю препода́ти нам Пречи́стое Те́ло Твое́ и Честну́ю Кровь, и на́ми всем лю́дем.

Во время чтения этой молитвы диакон, стоя перед Царскими вратами опоясывается орарем крестообразно. Священник же, стоя на своем месте, также как и диакон, поклоняется, говоря тайно трижды: Бо́же, очи́сти мя, гре́шнаго, и поми́луй мя.

Диакон возглашает: Во́нмем.

Священник же, вознося Святой Хлеб, возглашает: Свята́я святы́м.

Лик: Еди́н свят, / еди́н Госпо́дь, / Иису́с Христо́с, / во сла́ву Бо́га Отца́. / Ами́нь.

И певцы поют причастен дня или святого по уставу.

Причастны

Спасе́ние соде́лал еси́ посреде́ земли́, Бо́же.

В па́мять ве́чную бу́дет пра́ведник, от слу́ха зла не убои́тся.

Аллилу́иа. Аллилу́иа. Аллилу́иа.

В алтаре

Диакон: Раздроби́, влады́ко, Святы́й Хлеб.

Священник разделяя Св. Агнец на четыре части, произносит: Раздробля́ется и разделя́ется А́гнец Бо́жий, раздробля́емый и неразделя́емый, всегда́ ядо́мый и никогда́же иждива́емый, но причаща́ющияся освяща́яй.

Диакон: Испо́лни, влады́ко, святы́й поти́р.

Священник же: Исполне́ние Ду́ха Свята́го.

Диакон: Ами́нь.

И, взяв теплоту, говорит: Благослови́, влады́ко, теплоту́.

Священник же благословляет теплоту, со словами: Благослове́нна теплота́ святы́х Твои́х всегда́, ны́не и при́сно, и во ве́ки веко́в. Ами́нь.

Диакон, вливая в св. потир теплоту: Теплота́ ве́ры испо́лнь Ду́ха Свята́го. Ами́нь.

Причащение в алтаре

Священник: Диа́коне, приступи́.

Диакон: Се прихожду́ к безсме́ртному Царю́ и Бо́гу на́шему.

Священник же, взяв Святой Хлеб, дает диакону. Диакон же, принимает Святой Хлеб, со словами:

Препода́ждь ми, влады́ко, Честно́е и Свято́е Те́ло Го́спода и Бо́га и Спа́са на́шего Иису́са Христа́.

Священник же говорит: (имярек), священнодиа́кону, преподае́тся честно́е и свято́е и пречи́стое Те́ло Го́спода и Бо́га и Спа́са на́шего Иису́са Христа́, во оставле́ние грехо́в его́ и в жизнь ве́чную.

И отходит диакон и как и священник, читает: Ве́рую, Го́споди, и испове́дую, я́ко Ты́ еси́ вои́стину Христо́с, Сы́н Бо́га Жива́го, прише́дый в ми́р гре́шныя спасти́, от ни́хже пе́рвый е́смь а́з. Еще́ ве́рую, я́ко Сие́ е́сть Са́мое Пречи́стое Те́ло Твое́ и Сия́ е́сть Са́мая Честна́я Кро́вь Твоя́. Молю́ся у́бо Тебе́: поми́луй мя́ и прости́ ми́ прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя́ неосужде́нно причасти́тися Пречи́стых Твои́х Та́инств, во оставле́ние грехо́в и в жи́знь ве́чную. Ами́нь.

Также и священник, взяв частицу Святого Хлеба, произносит:

Се прихожду́ к безсме́ртному Царю́ и Бо́гу на́шему.

Честно́е и пресвято́е Те́ло Го́спода и Бо́га и Спа́са на́шего Иису́са Христа́ преподае́тся мне, (имярек), свяще́ннику, во оставле́ние грехо́в мои́х и в жизнь ве́чную.

И, склонив главу, молится: Ве́рую, Го́споди, и испове́дую, я́ко Ты́ еси́ вои́стину Христо́с, Сы́н Бо́га Жива́го, прише́дый в ми́р гре́шныя спасти́, от ни́хже пе́рвый е́смь а́з. Еще́ ве́рую, я́ко Сие́ е́сть Са́мое Пречи́стое Те́ло Твое́ и Сия́ е́сть Са́мая Честна́я Кро́вь Твоя́. Молю́ся у́бо Тебе́: поми́луй мя́ и прости́ ми́ прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя́ неосужде́нно причасти́тися Пречи́стых Твои́х Та́инств, во оставле́ние грехо́в и в жи́знь ве́чную. Ами́нь.

И причащаются Пречистого Тела Христова со страхом и твердой верой. Затем священник произносит: Се прихожду́ к безсме́ртному Царю́ и Бо́гу на́шему.

И, взяв обеими руками святой потир, причащается из него трижды со словами: Честны́я и святы́я Кро́ве Го́спода и Бо́га и Спа́са на́шего Иису́са Христа́, причаща́юся аз, раб Бо́жий, свяще́нник (имярек), во оставле́ние грехо́в мои́х и в жизнь ве́чную. Ами́нь.

И так, отерши уста свои и край священного потира, целует его и произносит: Се прикосну́ся устна́м мои́м, и отъи́мет беззако́ния моя́, и грехи́ моя́ очи́стит.

Также призывает диакона, говоря: Диа́коне, приступи́.

И диакон подходит и совершает поклон со словами:

Се па́ки прихожду́ к безсме́ртному Царю́ и Бо́гу на́шему. И: Препода́ждь ми, влады́ко, честну́ю и святу́ю Кровь Го́спода и Бо́га и Спа́са на́шего Иису́са Христа́.

И священник произносит: Причаща́ется раб Бо́жий, диа́кон (имярек), честны́я и святы́я Кро́ве Го́спода и Бо́га и Спа́са на́шего Иису́са Христа́, во оставле́ние грехо́в свои́х и в жизнь ве́чную.

И по причащении диакона говорит священник: Се прикосну́ся устна́м твои́м, и оти́мет беззако́ния твоя́, и грехи́ твоя́ очи́стит.

Если есть желающие причаститься Святых Таин, священник раздробляет две оставшиеся части Святого Агнца с надписанием NI и КА на небольшие частицы, чтобы хватило причастникам и влагает их в святой потир.

И покрывает святый потир покровцем. (Если нет причастников, священник погружает все частицы со св. дискоса в св. чашу с установленными словами и возлагает на святой дискос звездицу и покровцы.)

Молитва благодарственная, читаемая священником: Благодари́м Тя, Влады́ко Человеколю́бче, Благоде́телю душ на́ших, я́ко и в настоя́щий день сподо́бил еси́ нас небе́сных Твои́х и безсме́ртных Та́инств. Испра́ви наш путь, утверди́ ны во стра́се Твое́м вся, соблюди́ наш живо́т, утверди́ на́ша стопы́, моли́твами и моле́ньми сла́вныя Богоро́дицы и Присноде́вы Мари́и, и всех святы́х Твои́х.

И молитвы, читаемые диаконом: «Воскресе́ние Христо́во ви́девше, поклони́мся Свято́му Го́споду Иису́су, еди́ному безгре́шному. Кресту́ Твоему́ покланя́емся, Христе́, и Свято́е Воскресе́ние Твое́ пое́м и сла́вим, Ты бо еси́ Бог наш, ра́зве Тебе́ ино́го не зна́ем, и́мя Твое́ имену́ем. Прииди́те вси ве́рнии, поклони́мся Свято́му Христо́ву Воскресе́нию, се бо прии́де Кресто́м ра́дость всему́ ми́ру. Всегда́ благословя́ще Го́спода, пое́м Воскре́сение его́, распя́тие бо претерпе́в, сме́ртию сме́рть разруши́. И: Свети́ся, свети́ся, но́вый Иерусали́ме: сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о восста́нии Рождества́ Твоего́. И: О, Па́сха ве́лия и свяще́ннейшая, Христе́! О му́дросте, и Сло́ве Бо́жий, и си́ло! Подава́й нам и́стее Тебе́ причаща́тися, в невече́рнем дни Ца́рствия Твоего́.»

Причащение народа в храме

И открываются Царские врата. Диакон, сотворив поклон, берет св. Потир и, выходя Царскими вратами, возвышает св. Потир, показывая его народу и возглашая: Со страхом Божиим и верою приступите.

Лик: Благослове́н Гряды́й во и́мя Госпо́дне, / Бог Госпо́дь и яви́ся нам.

Перед причастием верных священник по обычаю читает молитвы: Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причасти́тися пречи́стых Твои́х Та́инств, во оставле́ние грехо́в и в жизнь ве́чную. Ами́нь.

И затем: Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко Иу́да, но я́ко разбо́йник испове́даю Тя: помяни́ мя, Го́споди, во Ца́рствии Твое́м.

Да не в суд или́ во осужде́ние бу́дет мне причаще́ние Святы́х Твои́х Та́ин, Го́споди, но во исцеле́ние души́ и те́ла.

И приступают желающие причаститься один за другим, поклоняясь со всяким благоговением и страхом, имея руки, сложенными на груди. И принимает каждый Божественные Тайны. Священник же, причащая каждого произносит:

Причаща́ется раб Бо́жий, (имярек), честна́го и свята́го Те́ла и Кро́ве Го́спода и Бо́га и Спа́са на́шего Иису́са Христа́, во оставле́ние грехо́в свои́х и в жизнь ве́чную.

И диакон отирает ему губы платом. Затем причастившийся целует святую Чашу и с поклоном отходит. И так причащаются все.

Во время причащения по обычаю поем: Те́ло Христо́во приими́те, / Исто́чника безсме́ртнаго вкуси́те.

По причащении

В алтаре

После причащения священник входит в святой алтарь и ставит св. Чашу со Святыми Дарами на святой престол.

Диакон же, взяв святой Дискос, держит его над святым Потиром и погружает все частицы с него во святую Чашу. И отирает святой Дискос, произнося следующие слова: Отмы́й, Го́споди, грехи́ помина́вшихся зде́ Кро́вию Твое́ю Честно́ю, моли́твами святы́х Твои́х.

Священник же благословляет народ, возглашая: Спаси́, Бо́же, лю́ди Твоя́, и благослови́ достоя́ние Твое́.

В алтаре

И обратившись к святому престолу кадит трижды, произнося в себе: Вознеси́ся на Небеса́, Бо́же, и по всей земли́ сла́ва Твоя́.

Лик же поет: Ви́дехом свет и́стинный, / прия́хом Ду́ха Небе́снаго, / обрето́хом ве́ру и́стинную, / неразде́льней Тро́ице покланя́емся, / Та бо нас спасла́ есть.

В алтаре

Священник тайно: Благослове́н Бог наш:

Возвышая голос и показывая народу св. Чашу: Всегда́, ны́не и при́сно, и во ве́ки веко́в.

Лик: Ами́нь.

Да испо́лнятся уста́ на́ша / хвале́ния Твоего́ Го́споди, / я́ко да пое́м сла́ву Твою́, / я́ко сподо́бил еси́ нас причасти́тися / Святы́м Твои́м, Боже́ственным, безсме́ртным и животворя́щим Та́йнам, / соблюди́ нас во Твое́й святы́ни / весь день поуча́тися пра́вде Твое́й. / Аллилу́иа, аллилу́иа, аллилу́иа.

Диакон же, выйдя северными вратами и став на обычном месте, произносит ектению:

Про́сти прии́мше Боже́ственных, святы́х, пречи́стых, безсме́ртных, небе́сных и животворя́щих, стра́шных Христо́вых Та́ин, досто́йно благодари́м Го́спода.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

День весь соверше́н, свят, ми́рен и безгре́шен испроси́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

В алтаре

Благодарственная молитва

Священник: Благодари́м Тя, Влады́ко Человеколю́бче, Благоде́телю душ на́ших, я́ко и в настоя́щий день сподо́бил еси́ нас небе́сных Твои́х и безсме́ртных Та́инств. Испра́ви наш путь, утверди́ ны во стра́се Твое́м вся, соблюди́ наш живо́т, утверди́ на́ша стопы́, моли́твами и моле́ньми сла́вныя Богоро́дицы и Присноде́вы Мари́и, и всех святы́х Твои́х.

Священник же, сложив антиминс и держа над ним святое Евангелие, начертывает им крест.

Возглашение: Я́ко Ты еси́ освяще́ние на́ше, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: С ми́ром изы́дем.

Лик: О и́мени Госпо́дни.

Диакон: Го́споду помо́лимся.

Лик: Го́споди, поми́луй.

Молитва заамвонная, произносимая вслух

Священник: Благословля́яй благословя́щия Тя, Го́споди, и освяща́яй на Тя упова́ющия, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́: Ты тех возпросла́ви Боже́ственною Твое́ю си́лою, и не оста́ви нас, упова́ющих на Тя. Мир мiрови Твоему́ да́руй, це́рквам Твои́м, свяще́нником, во́инству и всем лю́дем Твои́м. Я́ко вся́кое дая́ние бла́го, и всяк дар соверше́н свы́ше есть, сходя́й от Тебе́ Отца́ све́тов, и Тебе́ сла́ву, и благодаре́ние, и поклоне́ние возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

В алтаре

Священник входит в алтарь Царскими вратами и, подойдя к жертвеннику читает следующую молитву:

Молитва на потребление Святых Даров

Исполне́ние зако́на и проро́ков Сам сый Христе́ Бо́же наш, испо́лнивый все оте́ческое смотре́ние, испо́лни ра́дости и весе́лия сердца́ на́ша, всегда́, ны́не и при́сно, и во ве́ки веко́в.

Таже: Бу́ди и́мя Госпо́дне благослове́но от ны́не и до ве́ка. Трижды.

Псалом 33

Народ: Благословлю́ Го́спода на вся́кое вре́мя, / вы́ну хвала́ Его́ во усте́х мои́х. / О Го́споде похва́лится душа́ моя́, / да услы́шат кро́тцыи и возвеселя́тся. / Возвели́чите Го́спода со мно́ю / и вознесе́м и́мя Его́ вку́пе. / Взыска́х Го́спода и услы́ша мя, / и от всех скорбе́й мои́х изба́ви мя. / Приступи́те к Нему́ и просвети́теся, / и ли́ца ва́ша не постыдя́тся. / Сей ни́щий воззва́, и Госпо́дь услы́ша и́, / и от всех скорбе́й eго́ спасе́ и́. / Ополчи́тся А́нгел Госпо́день о́крест боя́щихся Его́, / и изба́вит их. / Вкуси́те и ви́дите, я́ко благ Госпо́дь; / блаже́н муж, и́же упова́ет Нань. / Бо́йтеся Го́спода, вси святи́и Его́, / я́ко несть лише́ния боя́щимся Его́. / Бога́тии обнища́ша и взалка́ша, / взыска́ющии же Го́спода не лиша́тся вся́каго бла́га. / Прииди́те, ча́да, послу́шайте мене́, / стра́ху Госпо́дню научу́ вас. / Кто́ есть челове́к хотя́й живо́т, / любя́й дни ви́дети бла́ги? / Удержи́ язы́к твой от зла, / и устне́ твои́, е́же не глаго́лати льсти. / Уклони́ся от зла, и сотвори́ бла́го. / Взыщи́ ми́ра, и пожени́ и́. / О́чи Госпо́дни на пра́ведныя, / и у́ши Его́ в моли́тву их. / Лице́ же Госпо́дне на творя́щия зла́я, / е́же потреби́ти от земли́ па́мять их. / Воззва́ша пра́веднии, и Госпо́дь услы́ша их, / и от всех скорбе́й их изба́ви их. / Близ Госпо́дь сокруше́нных се́рдцем, / и смире́нныя ду́хом спасе́т. / Мно́ги ско́рби пра́ведным, / и от всех их изба́вит я́ Госпо́дь. / Храни́т Госпо́дь вся ко́сти их, / ни еди́на от них сокруши́тся. / Смерть гре́шников люта́, / и ненави́дящии пра́веднаго прегре́шат. / Изба́вит Госпо́дь ду́шы раб Свои́х, / и не прегреша́т вси, упова́ющии на Него́.

Священник же по окончании же пения возглашает:

Благослове́ние Госпо́дне на ва́с, Того́ благода́тию и человеколю́бием, всегда́, ны́не и при́сно, и во ве́ки веко́в.

Лик: Ами́нь.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй, (трижды).

Благослови́.

Отпуст

Христо́с И́стинный Бог наш, моли́твами Пречи́стыя Своея́ Ма́тере, си́лою Честна́го и Животворя́щаго Креста́, святы́х сла́вных и всехва́льных Апо́стол, и́же во святы́х отца́ на́шего Иоа́нна, архиепископа Константи́на гра́да, Златоу́стаго, Престольный праздник, вмц. Евфи́мии Всехвальной, равноап. кнг. Ольги, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.

И читаем Благодарственные молитвы после Cвятого причащения

Благодарственные молитвы по Святом Причащении

Сла́ва Тебе́, Бо́же. Сла́ва Тебе́, Бо́же. Сла́ва Тебе́, Бо́же.

Благода́рственная моли́тва, 1-я

Благодарю́ Тя́, Го́споди, Бо́же мо́й, я́ко не отри́нул мя́ еси́ гре́шнаго, но о́бщника мя́ бы́ти святы́нь Твои́х сподо́бил еси́. Благодарю́ Тя́, я́ко мене́ недосто́йнаго причасти́тися Пречи́стых Твои́х и Небе́сных Даро́в сподо́бил еси́. Но Влады́ко Человеколю́бче, на́с ра́ди уме́рый же и воскресы́й, и дарова́вый на́м стра́шная сия́ и животворя́щая Та́инства во благодея́ние и освяще́ние ду́ш и теле́с на́ших, да́ждь бы́ти си́м и мне́ во исцеле́ние души́ же и те́ла, во отгна́ние вся́каго сопроти́внаго, в просвеще́ние о́чию се́рдца моего́, в ми́р душе́вных мои́х си́л, в ве́ру непосты́дну, в любо́вь нелицеме́рну, во исполне́ние прему́дрости, в соблюде́ние за́поведей Твои́х, в приложе́ние Боже́ственныя Твоея́ благода́ти и Твоего́ Ца́рствия присвое́ние; да во святы́ни Твое́й те́ми сохраня́емь, Твою́ благода́ть помина́ю всегда́, и не к тому́ себе́ жи́ву, но Тебе́, на́шему Влады́це и Благоде́телю; и та́ко сего́ жития́ исше́д о наде́жди живота́ ве́чнаго, в присносу́щный дости́гну поко́й, иде́же пра́зднующих гла́с непреста́нный, и безконе́чная сла́дость, зря́щих Твоего́ лица́ добро́ту неизрече́нную. Ты́ бо еси́ и́стинное жела́ние, и неизрече́нное весе́лие лю́бящих Тя́, Христе́ Бо́же на́ш, и Тя́ пое́т вся́ тва́рь во ве́ки. Ами́нь.

Моли́тва 2-я, святого Васи́лия Великого

Влады́ко Христе́ Бо́же, Царю́ веко́в, и Соде́телю все́х, благодарю́ Тя́ о все́х, я́же ми́ еси́ по́дал благи́х, и о причаще́нии пречи́стых и животворя́щих Твои́х Та́инств. Молю́ у́бо Тя́, Бла́же и Человеколю́бче: сохрани́ мя́ под кро́вом Твои́м, и в се́ни крилу́ Твое́ю; и да́руй ми́ чи́стою со́вестию, да́же до после́дняго моего́ издыха́ния, досто́йно причаща́тися святы́нь Твои́х, во оставле́ние грехо́в, и в жи́знь ве́чную. Ты́ бо еси́ хле́б живо́тный, исто́чник святы́ни, Пода́тель благи́х, и Тебе́ сла́ву возсыла́ем, со Отце́м и Святы́м Ду́хом, ны́не и при́сно, и во ве́ки веко́в. Ами́нь.

Моли́тва 3-я, прп. Симео́на Метафра́ста

Да́вый пи́щу мне́ пло́ть Твою́ во́лею, о́гнь сы́й и опаля́яй недосто́йныя, да не опали́ши мене́, Соде́телю мо́й; па́че же пройди́ во у́ды моя́, во вся́ соста́вы, во утро́бу, в се́рдце. Попали́ те́рние все́х мои́х прегреше́ний. Ду́шу очи́сти, освяти́ помышле́ния. Соста́вы утверди́ с костьми́ вку́пе. Чу́вств просвети́ просту́ю пятери́цу. Всего́ мя́ спригвозди́ стра́ху Твоему́. При́сно покры́й, соблюди́ же, и сохрани́ мя́ от вся́каго дела́ и сло́ва душетле́ннаго. Очи́сти и омы́й, и украси́ мя́; удобри́, вразуми́, и просвети́ мя́. Покажи́ мя́ Твое́ селе́ние еди́наго Ду́ха, и не ктому́ селе́ние греха́. Да я́ко Твоего́ до́му, вхо́дом причаще́ния, я́ко огня́ мене́ бежи́т вся́к злоде́й, вся́ка стра́сть. Моли́твенники Тебе́ приношу́ вся́ святы́я, чинонача́лия же безпло́тных, Предте́чу Твоего́, прему́дрыя Апо́столы, к си́м же Твою́ нескве́рную чи́стую Ма́терь, и́хже мольбы́ Благоутро́бне приими́, Христе́ мо́й, и сыно́м све́та соде́лай Твоего́ служи́теля. Ты́ бо еси́ освяще́ние и еди́ный на́ших, Бла́же, ду́ш и све́тлость; и Тебе́ лепоподо́бно, я́ко Бо́гу и Влады́це, сла́ву вси́ возсыла́ем на вся́к де́нь.

Моли́тва 4-я

Те́ло Твое́ Свято́е, Го́споди, Иису́се Христе́, Бо́же на́ш, да бу́дет ми́ в живо́т ве́чный, и Кро́вь Твоя́ Честна́я во оставле́ние грехо́в: бу́ди же ми́ благодаре́ние сие́ в ра́дость, здра́вие и весе́лие; в стра́шное же и второ́е прише́ствие Твое́ сподо́би мя́ гре́шнаго ста́ти одесну́ю сла́вы Твоея́, моли́твами Пречи́стыя Твоея́ Ма́тере, и все́х святы́х.

Моли́тва 5-я, ко Пресвято́й Богоро́дице

Пресвята́я Влады́чице Богоро́дице, све́те помраче́нныя моея́ души́, наде́ждо, покро́ве, прибе́жище, утеше́ние, ра́дование мое́, благодарю́ Тя́, я́ко сподо́била мя́ еси́ недосто́йнаго, прича́стника бы́ти Пречи́стаго Те́ла и Честны́я Кро́ве Сы́на Твоего́. Но Ро́ждшая и́стинный Све́т, просвети́ моя́ у́мныя о́чи се́рдца; Я́же Исто́чник безсме́ртия ро́ждшая, оживотвори́ мя́ умерщвле́ннаго грехо́м; Я́же ми́лостиваго Бо́га любоблагоутро́бная Ма́ти, поми́луй мя́, и да́ждь ми́ умиле́ние и сокруше́ние в се́рдце мое́м, и смире́ние в мы́слех мои́х, и воззва́ние в плене́ниих помышле́ний мои́х; и сподо́би мя́ до после́дняго издыха́ния, неосужде́нно приима́ти пречи́стых Та́ин освяще́ние, во исцеле́ние души́ же и те́ла. И пода́ждь ми́ сле́зы покая́ния и испове́дания, во е́же пе́ти и сла́вити Тя́ во вся́ дни́ живота́ моего́, я́ко благослове́нна и препрoславленна еси́ во ве́ки. Ами́нь.

Песнь Симеона Богоприимца

Ны́не отпуща́еши раба́ Твоего́, Влады́ко, по глаго́лу Твоему́, с ми́ром: я́ко ви́деста о́чи мои́ спасе́ние Твое́, е́же еси́ угото́вал пред лице́м все́х люде́й, све́т во открове́ние язы́ков и сла́ву люде́й Твои́х, Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас. (Tрижды и три поклона)

Сла́ва Отцу, и Сы́ну, и Свято́му Ду́ху. И ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу, и Сы́ну, и Свято́му Ду́ху. И ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Тропа́рь свт. Иоа́нну Златоу́стому, гла́с 8-й

У́ст твои́х, я́коже све́тлость огня́, возсия́вши благода́ть, вселе́нную просвети́: не сребролю́бия ми́рови сокро́вища сниска́, высоту́ на́м смиренному́дрия показа́, но твои́ми словесы́ наказу́я, о́тче Иоа́нне Златоу́сте, моли́ Сло́ва Христа́ Бо́га спасти́ся душа́м на́шим.

Сла́ва Отцу, и Сы́ну, и Свято́му Ду́ху.

Конда́к, гла́с 6-й

От небе́с прия́л еси́ Боже́ственную благода́ть, и твои́ма устна́ма вся́ учи́ши покланя́тися в Тро́ице еди́ному Бо́гу, Иоа́нне Златоу́сте всеблаже́нне, преподо́бне, досто́йно хва́лим тя́: еси́ бо наста́вник, я́ко боже́ственная явля́я.

И ны́не, и при́сно, и во ве́ки веко́в, ами́нь.

Богоро́дичен: Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь на́с, ве́рно зову́щих Ти́: ускори́ на моли́тву, и потщи́ся на умоле́ние, предста́тельствующи при́сно, Богоро́дице, чту́щих Тя́.

Го́споди, поми́луй. (12 раз)

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя́ велича́ем.

Сла́ва Отцу, и Сы́ну, и Свято́му Ду́ху. И ны́не, и при́сно, и во ве́ки веко́в. Ами́нь.

Го́споди, поми́луй. (Трижды)

Го́споди Иису́се Христе́, Сы́не Бо́жий, молитв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, поми́луй нас. Ами́нь.

По Причащении же да хранит себе всяк в трезвении и воздержании и немногоглаголании: дабы в той день честно соблюл в себе Христа приятаго.