Начало богослужебного дня в 16:00.

Полиелейный праздник
Знак по Типикону
Славословие
Укажите храм в Личном кабинете.
Богослужебные указания

Богослужебные указания за 22 июня 2026 г. (9 июня ст.ст.)

9. Понедельник. Принесение в Свято-Троицкую Сергиеву Лавру образа Святой и Живоначальной Троицы, написанного прп. Андреем Рублевым[1]. Свт. Кири́лла, архиеп. Александри́йского. Прп. Кири́лла, игумена Белоезе́рского. Прав. Алекси́я Московского[2].

Прп. Александра, игумена Ку́штского. Обре́тение мощей прп. Рафаи́ла Шейченко исп., О́птинского[3].

Приводим порядок совершения полиелейной службы в честь Принесения в Свято-Троицкую Сергиеву Лавру образа Святой и Живоначальной Троицы, написанного прп. Андреем Рублевым (А), порядок совершения шестеричной службы свт. Кири́лла, архиеп. Александри́йского, в соединении со службой Октоиха (Б), порядок совершения шестеричной службы свт. Кири́лла, архиеп. Александри́йского, в соединении со славословной службой прп. Кири́лла, игумена Белоезе́рского, и службой Октоиха (В), и порядок совершения полиелейной службы прав. Алекси́я Московского (Г).

А. На великой вечерне «Блажен муж» – 1-й антифон.

На «Господи, воззвах» стихиры принесения, глас 6-й и глас 8-й – 8. «Слава, и ныне» – принесения, глас 8-й: «Прииди́те, лю́дие…».

Вход. Прокимен дня. Паримии принесения – 3.

На стиховне стихиры принесения, глас 2-й (со своими припевами). «Слава, и ныне» – принесения, глас 8-й: «Денни́ца иногда́ ниспады́й…».

По Трисвятом – тропарь принесения, глас 8-й: «Благослове́н еси, Триеди́ный Го́споди…» (единожды).

На утрене на «Бог Господь» – тропарь принесения, глас 8-й: «Благослове́н еси, Триеди́ный Го́споди…» (дважды). «Слава, и ныне» – тот же тропарь.

Кафизмы 4-я и 5-я. Малые ектении. Седальны принесения (по дважды).

Полиелей. Величание принесения и избра́нный псалом. Седален принесения по полиелее, глас 6-й: «Е́же к нам яви́в благоволе́ние…» (дважды). «Слава, и ныне» – Богородичен (на ряду), глас тот же: «Триеди́наго Бо́га явле́ние…». Степенна – 1-й антифон 4-го гласа. Прокимен принесения, глас 4-й: «До́му Твоему́ подоба́ет святы́ня, Го́споди, в долготу́ дни́й»; стих: «Госпо́дь воцари́ся, в ле́поту облече́ся». Евангелие – принесения (Ин., последи́ 48 зач.,14:18–29: «Рече́ Госпо́дь Свои́м ученико́м:* не оста́влю вас си́ры…», конец: «И ны́не рех вам, пре́жде да́же не бу́дет, да, егда́ бу́дет, ве́ру и́мете»). По 50-м псалме: «Слава» – «Молитвами преподобных отец наших Сергия и Андрея…». Стихира принесения, глас 6-й: «О Тро́ице, Бо́же наш…».

Канон Принесения со ирмосом на 14 (ирмосы по дважды).

Библейские песни «Поем Господеви…».

Катавасия «Отверзу уста моя…».

По 3-й песни – седален принесения, глас 2-й: «А́ще и неизрече́нна Единосу́щныя Тро́ицы та́йна…» (дважды). «Слава, и ныне» – Богородичен (на ряду), глас тот же: «Моле́ние те́плое…».

По 6-й песни – кондак и икос принесения, глас 6-й.

На 9-й песни «Честнейшую» не поем, но к тропарям канона праздника поем особые припевы (см. на ряду). 1-й припев: «Велича́й, душе́ моя́, Триипоста́снаго и Неразде́льнаго Божества́ держа́ву»[4]. (Совершается обычное каждение.)

По 9-й песни «Достойно есть» не поется. Светилен принесения: «Просла́вим, ве́рнии…» (дважды). «Слава, и ныне» – Пятидесятницы (на ряду): «Свет – Оте́ц…».

«Всякое дыхание…» и хвалитные псалмы.

На хвалитех стихиры принесения, глас 1-й – 4 (первая стихира – дважды). «Слава, и ныне» – принесения, глас 6-й: «Воспои́м, ве́рнии…».

Великое славословие. По Трисвятом – тропарь принесения, глас 8-й: «Благослове́н еси, Триеди́ный Го́споди…» (единожды).

На часах – тропарь и кондак принесения.

На Литургии блаженны от канона принесения, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском – тропарь принесения. «Слава, и ныне» – кондак принесения.

В храме Богородицы – тропарь принесения, тропарь храма. «Слава» – кондак принесения, «И ныне» – кондак храма.

В храме святого – тропарь принесения, тропарь храма. «Слава» – кондак храма, «И ныне» – кондак принесения.

Прокимен, аллилуиарий и причастен – принесения.

Апостол и Евангелие – дня и принесения (1 Ин., зач. 73, от полу́ (первое),4:11–16; Ин., зач. 48,14:10–21).


Б. На вечерне кафизмы нет.

На «Господи, воззвах» стихиры святителя, глас 4-й – 6 (каждая стихира – дважды). «Слава» – святителя, глас 6-й: «Благи́й ра́бе ве́рный…», «И ныне» Богородичен по гласу «Славы», от меньших: «Арха́нгельски воспои́м…».

Входа нет. Прокимен дня.

На стиховне стихиры Октоиха, глас 2-й. «Слава» – святителя, глас 6-й: «Челове́че Бо́жий…», «И ныне» – Богородичен по гласу «Славы», от меньших: «Арха́нгельски воспои́м…».

По Трисвятом – тропарь святителя, глас 8-й. «Слава, и ныне» – Богородичен по гласу тропаря, от меньших: «Ра́дуйся, А́нгелом Ра́дость…».

На утрене на «Бог Господь» – тропарь святителя, глас 8-й (дважды). «Слава, и ныне» – Богородичен по гласу тропаря, от меньших: «Ра́дуйся, А́нгелом Ра́дость…».

Кафизмы 4-я и 5-я. Малых ектений нет. Седальны Октоиха. Псалом 50-й.

Каноны: Октоиха 1-й со ирмосом, без мученичнов, на 4 (ирмосы единожды), 2-й на 4 и святителя на 6.

Примечание. В седмичные дни (кроме четверга), при совершении службы Октоиха в соединении со службой шестеричного или славословного святого, мученичны из 1-го канона Октоиха опускаются. В четверг 1-й канон Октоиха не содержит мученичнов.

Библейские песни «Господеви поем…».

Катавасия по 3-й, 6-й, 8-й и 9-й песнях – ирмосы канона Минеи.

По 3-й песни – седален святителя, глас 3-й (дважды). «Слава, и ныне» – Богородичен Минеи, глас тот же.

По 6-й песни – кондак и икос святителя, глас 6-й.

На 9-й песни поем «Честнейшую».

По 9-й песни поется «Достойно есть». Ексапостиларий Октоиха. «Слава» – светилен святителя, «И ныне» – Богородичен Минеи.

«Хвалите Господа с Небес…» и хвалитные псалмы.

Читается вседневное славословие.

На стиховне стихиры Октоиха, глас 2-й. «Слава» – святителя, глас 6-й: «Насле́дниче Бо́жий…», «И ныне» – Богородичен по гласу «Славы», от меньших: «Арха́нгельское сло́во…».

По Трисвятом – тропарь святителя, глас 8-й. «Слава, и ныне» – Богородичен по гласу тропаря, от меньших: «Ра́дуйся, врата́ Царя́ Сла́вы…».

На часах – тропарь и кондак святителя.

На Литургии блаженны Октоиха – 4 и святителя, песнь 3-я – 4.

По входе – тропари и кондаки:

В храме Господском и Богородицы – тропарь храма, тропарь дня, тропарь святителя; кондак дня, кондак святителя. «Слава» – «Со святыми упокой…», «И ныне» – кондак храма.

В храме святого – тропарь дня, тропарь храма, тропарь святителя; кондак дня, кондак храма, кондак святителя. «Слава» – «Со святыми упокой…», «И ныне» – «Предстательство христиан…».

Прокимен, аллилуиарий и причастен – дня и святителя.

Апостол и Евангелие – дня и святителя.


В. На вечерне кафизмы нет.

На «Господи, воззвах» стихиры на 6: преподобного, глас 4-й – 3, и святителя, глас тот же – 3. «Слава» – преподобного, глас 6-й: «Е́же по о́бразу…», «И ныне» – догматик, глас тот же: «Кто Тебе не ублажи́т…».

Входа нет. Прокимен дня.

На стиховне стихиры преподобного, глас 1-й (со своими припевами). «Слава» – святителя, глас 6-й: «Челове́че Бо́жий…», «И ныне» – Богородичен по гласу «Славы», от меньших: «Арха́нгельски воспои́м…».

По Трисвятом – тропарь преподобного, глас 1-й. «Слава» – тропарь святителя, глас 8-й, «И ныне» – Богородичен воскресный, глас тот же: «Иже нас ра́ди…».

На утрене на «Бог Господь» – тропарь преподобного, глас 1-й (дважды). «Слава» – тропарь святителя, глас 8-й, «И ныне» – Богородичен воскресный, глас тот же: «Иже нас ра́ди…».

Кафизмы 4-я и 5-я. Малые ектении. Седальны преподобного (по дважды). Псалом 50-й.

Каноны: Октоиха 1-й со ирмосом, без мученичнов, на 4 (ирмосы единожды), преподобного на 6 и святителя на 4.

Библейские песни «Господеви поем…» (см. Типикон, 23 сентября, 1-е «зри»).

Катавасия «Отверзу уста моя…».

По 3-й песни – кондак и икос святителя, глас 6-й; седален святителя, глас 3-й. «Слава» – седален преподобного, глас 4-й, «И ныне» – Богородичен Минеи, глас тот же: «И́же на престо́ле…».

По 6-й песни – кондак и икос преподобного, глас 8-й.

На 9-й песни поем «Честнейшую».

По 9-й песни «Достойно есть» не поется. Светилен преподобного. «Слава» – светилен святителя, «И ныне» – Богородичен Минеи: «И́же Твоего́, Непоро́чная Богоро́дице…».

«Всякое дыхание…» и хвалитные псалмы.

На хвалитех стихиры преподобного, глас 8-й и глас 2-й – 4 (со славником). «Слава» – святителя, глас 6-й: «Насле́дниче Бо́жий…» (см. на стиховне утрени), «И ныне» – Богородичен по гласу «Славы», от меньших: «Арха́нгельское сло́во…».

Великое славословие. По Трисвятом – тропарь преподобного, глас 1-й. «Слава» – тропарь святителя, глас 8-й, «И ныне» – Богородичен воскресный, глас тот же: «Иже нас ра́ди…».

На часах – тропарь преподобного. «Слава» – тропарь святителя. Кондаки святителя и преподобного читаются попеременно.

На Литургии блаженны преподобного, песнь 3-я – 4 (со ирмосом), и святителя, песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь преподобного, тропарь святителя; кондак преподобного. «Слава» – кондак святителя, «И ныне» – кондак храма.

В храме святого – тропарь храма, тропарь преподобного, тропарь святителя; кондак храма, кондак преподобного. «Слава» – кондак святителя, «И ныне» – «Предстательство христиан…».

Прокимен, аллилуиарий и причастен – преподобного и святителя[5].

Апостол и Евангелие – дня, преподобного (под зачало) и святителя.


Г. На великой вечерне «Блажен муж» – 1-й антифон.

На «Господи, воззвах» стихиры праведного, глас 5-й, глас 6-й и глас 4-й – 6 или 8. «Слава» – праведного, глас 2-й: «Избра́нниче Бо́жий…», «И ныне» – догматик, глас тот же: «Пре́йде сень зако́нная…».

Вход. Прокимен дня. Паримии праведного – 3.

На стиховне стихиры праведного, глас 8-й (со своими припевами). «Слава» – праведного, глас 2-й: «Егда́ на Христа́…», «И ныне» – Богородичен воскресный, глас тот же: «О, чудесе́ но́ваго…».

По Трисвятом – тропарь праведного, глас 5-й. «Слава, и ныне» – Богородичен воскресный, глас тот же: «Ра́дуйся, две́ре Госпо́дня…».

На утрене на «Бог Господь» – тропарь праведного, глас 5-й (дважды). «Слава, и ныне» – Богородичен воскресный, глас тот же: «Ра́дуйся, две́ре Госпо́дня…».

Кафизмы 4-я и 5-я. Малые ектении. Седальны праведного (по дважды).

Полиелей. Величание праведного и избра́нный псалом. Седален праведного по полиелее, глас 6-й: «Жите́йская волне́ния…» (дважды). «Слава, и ныне» – Богородичен (на ряду), глас тот же: «Со Арха́нгелом Де́ве принесе́м…». Степенна – 1-й антифон 4-го гласа. Прокимен праведного, глас 4-й: «Возвесели́тся пра́ведник о Го́споде и упова́ет на Него́»; стих: «Услы́ши, Бо́же, глас мой, внегда́ моли́ти ми ся к Тебе́». Евангелие – праведного (Мф., зач. 11). По 50-м псалме: «Слава» – «Молитвами святаго праведнаго Алекси́я…». Стихира праведного, глас 6-й: «Днесь наста́ светоно́сное торжество́!..».

Каноны: Богородицы со ирмосом на 6 (ирмосы по дважды) и праведного на 8.

Примечание. У святых, имеющих полиелей, канон Богородицы иногда находится в Минее на ряду (см., например, 17 января и 30 ноября), но иногда на ряду его нет (см., например, 6 октября). В таком случае он заимствуется из дополнительной части Октоиха (глас 8-й: «Колесницегони́теля фарао́на…») или же из Часослова или Следованной Псалтири (глас 8-й: «Воду проше́д…»).

Библейские песни «Поем Господеви…».

Катавасия «Отверзу уста моя…».

По 3-й песни – ин кондак праведного, глас 2-й: «Ве́лия труды́…»; седален праведного, глас 8-й: «Яви́ Госпо́дь…» (дважды). «Слава, и ныне» – Богородичен (на ряду), глас тот же: «О Ма́ти Бо́га Сло́ва…».

По 6-й песни – кондак и икос праведного, глас 8-й.

На 9-й песни поем «Честнейшую».

По 9-й песни «Достойно есть» не поется. Светилен праведного: «Во све́те незаходи́мем…» (дважды). «Слава, и ныне» – Богородичен (на ряду): «Благода́тная Богоро́дице Де́во…».

«Всякое дыхание…» и хвалитные псалмы.

На хвалитех стихиры праведного, глас 8-й – 4 (первая стихира – дважды). «Слава» – праведного, глас тот же: «Богоуго́дне и пра́ведне пожи́в…», «И ныне» – Богородичен (на ряду), глас тот же: «О, пресла́внаго чудесе́!..».

Великое славословие. По Трисвятом – тропарь праведного, глас 5-й. «Слава, и ныне» – Богородичен воскресный, глас тот же: «Ра́дуйся, две́ре Госпо́дня…».

На часах – тропарь праведного. Кондаки праведного читаются попеременно.

На Литургии блаженны праведного, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь праведного; кондак праведного. «Слава» – ин кондак праведного, «И ныне» – кондак храма.

В храме святого – тропарь храма, тропарь праведного; кондак храма, кондак праведного. «Слава» – ин кондак праведного, «И ныне» – «Предстательство христиан…».

Прокимен, аллилуиарий и причастен – праведного.

Апостол и Евангелие – дня и праведного (Евр., зач. 311; Мф., зач. 11).


1 Данное празднование с совершением полиелейного богослужения установлено Священным Синодом Русской Православной Церкви 25 июля 2024 года. На заседании Священного Синода Русской Православной Церкви 15 мая 2025 года был утвержден к общецерковному богослужебному употреблению текст благодарственной службы Святой Троице о принесении Ее иконы в Лавру преподобного Сергия. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/6211691.html), и на сайте Издательства Московской Патриархии Русской Православной Церкви (http://nbt.rop.ru).

2 На заседании Священного Синода Русской Православной Церкви 14 мая 2018 года был утвержден к общецерковному богослужебному употреблению текст службы прав. Алекси́ю Московскому. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/5195718.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/420).

3 На заседании Священного Синода Русской Православной Церкви 27 декабря 2023 года был утвержден к общецерковному богослужебному употреблению текст службы преподобноисповеднику Рафаилу Оптинскому. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/6088295.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/705).

4 По традиции, 1-й припев поет священник или диакон.

5 Причастны преподобного и святителя совпадают, поэтому возможно пение причастна дня (понедельника) перед причастном святых.

Богослужебные указания с сайта Патриархии на каждый день.

⏶ Закрыть богослужебные указания

Великая Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью.

Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода.

Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 1

Псалом 1

Блаже́н муж, и́же не и́де на сове́т нечести́вых и на пути́ гре́шных не ста, и на седа́лищи губи́телей не се́де, но в зако́не Госпо́дни во́ля eго́, и в зако́не Его́ поучи́тся день и нощь. И бу́дет я́ко дре́во насажде́нное при исхо́дищих вод, е́же плод свой даст во вре́мя свое́, и лист eго́ не отпаде́т, и вся, ели́ка а́ще твори́т, успе́ет. Не та́ко нечести́вии, не та́ко, но я́ко прах, eго́же возмета́ет ветр от лица́ земли́. Сего́ ра́ди не воскре́снут нечести́вии на суд, ниже́ гре́шницы в сове́т пра́ведных. Я́ко весть Госпо́дь путь пра́ведных, и путь нечести́вых поги́бнет.

Псалом 2

Вску́ю шата́шася язы́цы, и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Расто́ргнем у́зы их и отве́ржем от нас и́го их. Живы́й на Небесе́х посмее́тся им, и Госпо́дь поруга́ется им. Тогда́ возглаго́лет к ним гне́вом свои́м и я́ростию Свое́ю смяте́т я́. Аз же поста́влен есмь Царь от Него́ над Сио́ном, горо́ю свято́ю Его́, возвеща́яй повеле́ние Госпо́дне. Госпо́дь рече́ ко Мне: Сын Мой еси́ Ты, Аз днесь роди́х Тя. Проси́ от Мене́, и дам Ти язы́ки достоя́ние Твое́, и одержа́ние Твое́ концы́ земли́. Упасе́ши я́ жезло́м желе́зным, я́ко сосу́ды скуде́льничи сокруши́ши я́. И ны́не, ца́рие, разуме́йте, накажи́теся вси судя́щии земли́. Рабо́тайте Го́сподеви со стра́хом и ра́дуйтеся Ему́ с тре́петом. Приими́те наказа́ние, да не когда́ прогне́вается Госпо́дь и поги́бнете от пути́ пра́веднаго, егда́ возгори́тся вско́ре я́рость Его́. Блаже́ни вси наде́ющиися Нань.

Псалом 3

Го́споди, что ся умно́жиша стужа́ющии ми? Мно́зи востаю́т на мя, мно́зи глаго́лют души́ мое́й: несть спасе́ния eму́ в Бо́зе eго́. Ты же, Го́споди, Засту́пник мой еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя от горы́ святы́я Своея́. Аз усну́х, и спах, воста́х, я́ко Госпо́дь засту́пит мя. Не убою́ся от тем люде́й, о́крест напа́дающих на мя. Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющыя ми всу́е: зу́бы гре́шников сокруши́л еси́. Госпо́дне есть спасе́ние, и на лю́дех Твои́х благослове́ние Твое́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Канонарх: Глас шесты́й. Го́споди, воззва́х к Тебе́, услы́ши мя.

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: един есмь аз, дондеже прейду.
Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ни́м моле́ние мое́, печа́ль мою́ пред Ни́м возвещу́. Внегда́ исчеза́ти от мене́ ду́ху моему́ и Ты́ позна́л еси́ стези́ моя́: на пути́ се́м, по нему́же хожда́х, скры́ша се́ть мне́. Смотря́х одесну́ю и возгля́дах, и не бе́ зна́яй мене́: поги́бе бе́гство от мене́, и не́сть взыска́яй ду́шу мою́. Воззва́х к Тебе́ Го́споди, ре́х: Ты́ еси́ упова́ние мое́, ча́сть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя́ от гоня́щих мя́, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

Канонарх: На 8, cти́х: Из глубины́ воззва́х к Тебе́ Го́споди.

Лик: Го́споди, услы́ши глас мой.

Глас 6: Ангельския предыдите Силы,/ во обители Сергиевой уготовайте храм:/ Святыя бо Троицы образ принесеся,/ приемлет святыню Церковь,/ на радость православным./ Людие, рцем:// Благословен освящаяй нас, Боже наш, слава Тебе.

Канонарх: Сти́х: Да бу́дут у́ши Твои́.

Лик: вне́млюще гла́су моле́ния моего́.

Глас 6: Ангельския предыдите Силы,/ во обители Сергиевой уготовайте храм:/ Святыя бо Троицы образ принесеся,/ приемлет святыню Церковь,/ на радость православным./ Людие, рцем:// Благословен освящаяй нас, Боже наш, слава Тебе.

Канонарх: На 6, cти́х: А́ще беззако́ния на́зриши, Го́споди, Го́споди, кто постои́т.

Лик: Я́ко у Тебе́ очище́ние есть.

Глас 6: Святостию Русь процветши,/ красный плод принесе/ молитвы и духовнаго делания/ чудный образ Нераздельныя Троицы,/ Ейже покланяющеся,/ людие, рцем:// Благословен милуяй нас, Боже наш, слава Тебе.

Канонарх: Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́.

Лик: упова́ душа́ моя́ на Го́спода.

Глас 6: Единосущныя Троицы образ,/ егоже святый Андрей Богомудренно начерта,/ благоговейне созерцающе,/ любве Божественныя благодатный приимем дар,/ да в Бозе едино будем/ и благодарне рцем:// Благословен утешивый нас, Боже наш, слава Тебе.

Канонарх: Глас осьмы́й. На 4, cти́х: От стра́жи у́тренния до но́щи, от стра́жи у́тренния.

Лик: да упова́ет Изра́иль на Го́спода.

Глас 8: О, преславнаго чудесе!/ Еще во чреве матерни/ преподобный Сергий/ трижды во храме возгласил есть,/ знаменуя Святей Троице служение,/ Юже всем житием своим прослави,/ и вселение Триединаго Божества быв,/ обитель во имя Его устрои,// Единаго Благоутробнаго.

Канонарх: Сти́х: Я́ко у Го́спода ми́лость, и мно́гое у Него́ избавле́ние.

Лик: и То́й изба́вит Изра́иля от все́х беззако́ний его́.

Глас 8: О, преславнаго чудесе!/ Андрей Богомудрый,/ Духа Святаго исполнився,/ в похвалу Сергию Великому/ Богоначальныя Троицы благодатную икону написа./ О каковый дар Земли Русской даровася,/ имже Святая Церковь красующися,/ Триипостаснаго Бога православно почитает,// Единаго Благоутробнаго.

Канонарх: На 2, cти́х: Хвали́те Го́спода вси́ язы́цы.

Лик: похвали́те Его́ вси́ лю́дие.

Глас 8: О, премудрых судеб/ Всесильнаго Бога!/ Грех убо ради наших/ образу Своему попусти от безбожных ятися,/ обаче, человеколюбно вся строя,/ милость Свою явил есть/ и Святыню во Святая возврати,/ воскресение Святыя Руси знаменуя,// яко Един Благоутробен.

Канонарх: Сти́х: Я́ко утверди́ся ми́лость Его́ на на́с.

Лик: и и́стина Госпо́дня пребыва́ет во ве́к.

Глас 8: О, преславнаго чудесе!/ Живоначальныя Троицы/ образ пречестный/ во обители Сергиевой паки водворися днесь./ Срадуются нам вси концы земнии,/ устрашаются демонския полки,/ яко тепле почитающим икону сию/ благодать Пресущнаго Бога источается,// Единаго Благоутробнаго.

Вечерний вход

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В неделю вечера, глас 8:

Диакон: Прему́дрость. Во́нмем. Проки́мен, глас 8.

Се ны́не благослови́те Го́спода, / вси раби́ Госпо́дни.

Лик: Се ны́не благослови́те Го́спода, / вси раби́ Госпо́дни.

Диакон: Стоя́щии в хра́ме Госпо́дни, во дво́рех до́му Бо́га на́шего.

Лик: Се ны́не благослови́те Го́спода, / вси раби́ Госпо́дни.

Диакон: Се ны́не благослови́те Го́спода

Лик: Вси раби́ Госпо́дни.

Чтение Святого Писания

Пресвятей Троице

Диакон: Прему́дрость.

Чтец: Бытия чтение.

Диакон: Во́нмем.

Чтец: Седящу Аврааму пред дверми сени своея в полудни, явися ему Бог у дуба Мамврийска. Воззрев же очима своима, виде, и се, трие мужие стояху над ним: и видев притече в сретение им от дверей сени своея: и поклонися до земли и рече: Господи, аще убо обретох благодать пред Тобою, не мини раба Твоего: да принесется вода и омыются ноги ваши, и прохладитеся под древом: и принесу хлеб, да ясте, и посем пойдете в путь свой, егоже ради уклонистеся к рабу вашему. И рекоша: тако сотвори, якоже глаголал еси. И потщася Авраам в сень к Сарре и рече ей: ускори и смеси три меры муки чисты, и сотвори потребники. И тече Авраам ко кравам, и взя тельца млада и добра, и даде рабу, и ускори приготовити е. И взя масло, и млеко, и тельца, егоже приготова: и предложи им, и ядоша: сам же стояше пред ними под древом. Господь же рече к нему: еда утаю Аз от Авраама раба Моего, яже Аз творю? Авраам же бывая будет в язык велик и мног, и благословятся о нем вси языцы земнии: вем бо, яко заповесть сыном своим и дому своему по себе, и сохранят пути Господни.

Диакон: Прему́дрость.

Чтец: Проро́чества Иезеки́илева чте́ние.

Диакон: Во́нмем.

Чтец: Та́ко глаго́лет Госпо́дь: прииму́ ва́с от язы́к, и соберу́ вы́ от все́х язы́к стра́нных, и введу́ вы́ в зе́млю ва́шу, и окроплю́ на вы́ чи́стую во́ду, и очи́ститеся от все́х нечисто́т ва́ших, и от все́х и́дол ва́ших, и очи́щу вы́. И да́м ва́м се́рдце но́вое, и ду́х но́вый да́м ва́м, и отиму́ се́рдце ка́менное от пло́ти ва́шея, и да́м ва́м се́рдце плотяно́е, и Ду́х Мо́й да́м в ва́с: И сотворю́, да во оправда́ниих Мои́х хо́дите, и судьбы́ Моя́ сохраните́, и сотворите́. И вселите́ся в зе́млю, ю́же да́х отце́м ва́шым, и бу́дете Ми́ в лю́ди, и А́з бу́ду ва́м в Бо́га.

Диакон: Прему́дрость.

Чтец: Притчей чтение.

Диакон: Во́нмем.

Чтец: Премудрость созда себе дом и утверди столпов седмь: закла своя жертвенная, и раствори в чаши своей вино, и уготова свою трапезу: посла своя рабы, созывающи с высоким проповеданием на чашу, глаголющи: иже есть безумен, да уклонится ко мне. И требующым ума рече: приидите, ядите мой хлеб и пийте вино, еже растворих вам: оставите безумие и живи будете, да во веки воцаритеся: и взыщите разума, да поживете и исправите разум в ведении. Наказуяй злыя приимет себе безчестие, обличаяй же нечестиваго порочна сотворит себе: обличения бо нечестивому раны ему. Не обличай злых, да не возненавидят тебе: обличай премудра, и возлюбит тя. Даждь премудрому вину, и премудрший будет: сказуй праведному, и приложит приимати. Начало премудрости страх Господень, и совет святых разум: разумети бо закон, помысла есть благаго. Сим бо образом многое поживеши время, и приложатся тебе лета живота твоего.

Сугубая ектения

Диакон: Рцем вси́ от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй (трижды).

Диакон: Еще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй (трижды).

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй (трижды).

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй (трижды).

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй (трижды).

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй (трижды).

И священник возглашает: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Молитва при наступлении вечера

Чтец: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и Человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Канонарх: Глас вторы́й. Земле́ Ру́сская.

Лик: Глас 2: Земле́ Ру́сская,/ уделе избранный,/ красу́йся и лику́й:/ в тебе́ бо Свята́я Тро́ица// дом Себе́ устрои.

Канонарх: Стих: Велий Господь и хвален зело.

Лик: во граде Бога нашего, в горе святей Его.

Глас 2: Единосущныя/ Троицы образ/ Андре́й Богомудрый/ Богоносному Сергию// в похвалу списал есть.

Канонарх: Стих: Помянутся, и обратятся ко Господу.

Лик: вси концы земли.

Глас 2: Лавра Сергиева,/ похвала Руси Святыя,/ даже до конец земли/ почитание Нераздельныя Троицы// велегласно проповедует.

Канонарх: Слава и ныне, глас осьмы́й. Сла́ва Отцу́, и Сы́ну, и Свято́му Ду́ху.

Лик: И ны́не, и при́сно, и во ве́ки веко́в. Ами́нь.

Глас 8: Денница иногда ниспадый,/ богопротивлению человеки научи;/ Христос же на Крест возшедый,/ Боговсыновление людем дарова./ Сынове диаволи веру истребити гордостию мняхуся;/ сынове же Царствия веру сохранити кровию потщашася./ Тогда убо святыня всякая попирашеся/ Земли Русския в поругание;/ ныне же лик Святыя Троицы возвращен бысть// Руси Святей во обновление.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 8: Благослове́н еси́, Триединый Го́споди,/ Церковь Русскую утешивый,/ возвратив нам Твой честный образ,/ и те́м в вере и любви наставивый.// Человеколю́бче, сла́ва Тебе́.

Диакон: Прему́дрость.

Лик: Благослови́.

Священник: Сый благослове́н Христо́с Бог наш, всегда́, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, Престольный праздник, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.