Летописные и другие древние сказания о святом Благоверном Великом князе Данииле Александровиче, сыне святого Благоверного Великого князя Александра Невского, и о построенном им Даниловском за Москвою-рекою монастыре

Сей блаженный великий князь Даниил, четвертый сын святого и приснопамятного великого князя Александра Ярославовича Невского, от великого же князя святого и равноапостольного Владимира бысть девятый степень, от Рюрика же вторый надесять степень, иже бысть последний из братии своей, и якоже и прадед его великий князь Всеволод Георгиевич, ихже уподоби Господь древнему царю, Богоотцу же и пророку Давиду, мал бо был и тот в братии своей: тако и сего блаженного великого князя Даниила храняй Господь от пелен матерних, двою бо лет от рождения его оставльшуся ему от святого своего родителя, сего блаженного Даниила избра Господь, и возрасти, и снабде нератуема ни от кого же, ему же и поручено бысть в наследие богоснабдимое державство преименитого града Москвы. Его же и праведное семя возлюби Бог и прослави наипаче, имже благоволи царствовати в роды и роды, аще же тогда царство Московское не толико бысть многовластно, якоже ныне Божиею благодатию всюду обладая, но обаче и тогда сий блаженный князь Даниил ни от кого же ратуем бываше, егдаже некогда и случашеся в братии его и в сродницах междуусобной брани близ державы его воздвигнутися (л. 117 об.), он же боголюбивого желания муж, аще возрастом и храбростию преуспевая и мужеством смысла преудобрен бысть, но обаче смиренномудрия рачитель, всегда тщашася готов бытии и на враждующих ему мужествен вооружашеся, и с воинством своим противу браней исхождаше, и Богом дарованною ему мудростию без кровопролития брань утоляше, и мир составляше, ибо все время государства своего (л.118) мирно поживе и от всякой брани и крамолы хотящих на него быти всегда десница Господня защищала его, и во вся дни живота его, ничимже ни от кого вреждена бысть держава его, такоже и сам чужия части похищением наследити не желаше, довольно имея со благодарением уреченный¹⁵ свой жребий, во благословенное наследие дарованной ему державы преславного города Москвы. Старейшие иже братии его, державствоваху кийждо по своему жребию. Великий князь Димитрий – в Переяславле, иже на озере, при немже бысть в Переяславле преосвященный Кирилл митрополит, идеже и преставися к Богу, тело же его везоша в Киев и положиша в церкви святой Софии, в егоже место бысть митрополит Максим, гречанин, сий же митрополит Максим не терпя насилия от татар, иде из Киева во град Владимир со всем клиросом месяца априлия в 18 день (л. 119), епископу Владимирскому Симеону поручи Ростовскую епископию.

Уже бо тогда честь и слава великого княжения восхождаше на боголюбивый град Москву, в немже хотяше Бог сугубо прославити святое Свое имя, идеже первосвятительство и боговенчанное царство утвердити благоизволи богоснабдимый же великий князь Даниил Александрович. Некогда (л.119) слыша, яко у града Рязани множество татар собирахуся, и тамо шествова с воинством своим возбранити устремление варварское, дóндеже не придут озлобити отечество его, и у града Переяславля Рязанского множество татар победи и князя Константина Рязанского изымав и к Москве приведе.

Прежде же того брату его великому князю Димитрию к Богу отшедшу, потом же другой брат его великий князь Андрей в орду пойде, по сих и братанич его великий князь Иоанн Димитриевич Переяславский преставися к Богу, державу же свою Переяславль по завещанию своему поручи отроку своему, сему блаженному (л.120) великому князю Даниилу, и тако по Бозе первоначалие российского скипетродержавия без крамолы прикладашеся ему, он же смиренномудрия рачитель сие пророческое слово во уме имея, якоже пишет, богатство аще течет не прилагайте сердца, тако и сей державной вознесеся мыслию, еже бы желати начальства державы, аще и прикладашеся ему, но кротостию нрава утвержашеся, и о державном первоначальстве (л. 121) не услаждашеся, но паче страхом Божиим ограждашеся, и братолюбием приспеваше, и славохотия уклоняшеся, и сего рода благодать Божия умножашеся на нем, и держава распространяшеся, и не хотяше сам преходити от места на место, во град же Переяславль посла наместники своя, брата же его великого князя Андрея наместницы отбегоша из Переяславля, и тако без крамолы державу имея.

Сам же великий князь Даниил на Москве богоугодно государствуя, идеже монастырь честен возгради, иже зовется Даниловский; тогда же в нем и церковь постави во имя преподобного отца нашего Даниила Столпника, в той же монастырь и архимандрита первого устрои, и тако теплейшим к Богу (л.122) желанием в той честной обители, и сам сподобися пострижен быти в святый ангельский образ, богоподражательного иноческого жития, и тако в последнем смиренномудрии к желаемому Христу отъиде в лето 1303 месяца марта в 4 день, конечного же ради смирения, не изволен в церкви положен бытии, но на монастырь, идеже и прочую братию погребаху, тогда же сына его, великого князя Юрия, переяславцы взявши к себе (л.122 об.) государствовати, егоже и на погребение ко отцу не пустиша, потом же и великий князь Андрей Александрович прииде из орды, и во иноческий образ облечеся и во смирении покаяния преставися к Богу, месяца иуня в 27 день и положен бысть на Городце иже на Волзе.

Последи же сих летом двадесяти и седми прешедшим, 6838 (1330) месяца мая в 1 день великий князь Иоанн, зовомый Калита, сын сего блаженного великого князя Даниила Александровича, той же монастырь Даниловский и со архимандритиею преведе внутрь града Москвы, на свой царский двор, идеже церковь постави во имя боголепного (л. 123 об.) Преображения Господа Бога и Спаса нашего Иисуса Христа, и монастырь честен устрои. Древний же монастырь Даниловский и все наследие Даниловского монастыря, и самый погост Данииловский, и иные села Даниловские вручи архимандриту святого Спаса, да вкупе оба монастыря под единым началом паствы не скудно устраяются, мноземже летом прешедшим и монастырь Даниловский оскуде (л. 124) нерадениием древних архимандритов спаских, яко ни следу монастыря познаватися, токмо едина церковь оста, и прозвася место оно сельцо Даниловское.

Монастырь Всемилостиваго Спаса, пребысть внутри града, на царском дворе, до лет благочестивого великого князя Иоанна Васильевича, той великий князь Иоанн Васильевич всея России самодержец, иже бысть (л. 124 об.) седмый степень от сего блаженного великого князя Даниила, внук великого князя Василия Димитриевича, зовомого Донского (sic), и сей самодержец во дни державства своего паки из града Москвы преведе той же монастырь и постави его на новом месте, над Москвою рекою, на горе Крутице обон пол¹⁶ от древнего Даниловского места, яко зримо едино поприще, иже и доныне зовомо есть великая та обитель на новом, во граде же на дворе царском у церкви Христова Преображения (л. 125) устроен бысть собор мирских иереев и протопопов.

Сему же великому князю Иоанну Васильевичу всея России самодержцу, некогда грядущу мимо Данииловского места, идеже бяху честные мощи блаженного великого князя Даниила, юноша один от вельможеских чад, от полку его, коню под ним подкнувшуся и един бяше (л. 125 об.) на пути оста, и внезапу явися ему незнаем человек, егоже видев устрашися, и глаголя ему явившийся, не бойся не бойся мене. Аз бо есмь христианин, месту же сему господин есмь, имя же мое великий князь Даниил Московский. Богу же изволившу положенну бытии ми зде, в Данииловском сем месте, ты же юноша шед рцы великому князю Иоанну, се убо сам всячески себе утешавши, мене же почто (д. 126) забвению предал еси, но обаче аще он забвена мя имать_г Бог же мой несть мене забыл никогдаже, и сия рекл, невидим бысть, юноша же абие всед на конь свой, и скоро достиже великого князя, егоже виде великий князь дряхла и ужасна и испадша лицом, глагола ему, где закосне¹⁷, и от кого устрашися, трепетен прииде семо, юноша же сказа ему все подробну, яже виде и слыша, великий же князь от того времени устави пети соборныя понахиды (л. 126 об.) и божественные службы, и милостыню, и трапезное учреждение об отшедших душах иже во благочестии поживших сродствия своего еже, и доныне непременно есть таковое милостивое царское законноположение и учреждение.

Некогда же христолюбивый великий князь Василий Иоаннович, всея России самодержец, иже последи бысть во иноцех Варлаам, иже осмый степень блаженного сего великого князя Даниила, также грядый на некое свое царское орудие, снимже множество синглита¹⁸ его, вних же бе князь Иоанн Михаилович Шуйской, и сему бывшу близ церкви святого Даниила, идежф бяху мощи блаженного (л. 127 об.) великого князя Даниила Александровича, на фгоже гроб от древних лет положен бысть камень. Тойже князь Иоанн Михаилович Шуйской, вступи на той камень, с негоже нача вседати на конь свой. Христианин же некто прилучися ту и возвести ему глаголя: Господине княжеЭ не дезарьсь камени сего всести на конь свой. Ведый буди, яко лежит тут великий князь Даниил. – Князь же Иоанн, виде тогда место оно Данииловское (л. 128) яко небрегомо, и христианина обличающа его яко невежу вменяя и небрегий о словесех его, и спроста огвеща глаголя, мало ли есть тех князей, и вседающу ему на конь, и внезапу конь воздымяся и паде на землю и умре, князя же еле жива испод коня подняша, князь же раскаявся о своей дерзости, и повеле иерею молебен пети о своем прегрешении, понахиду пети по великому князю Даниилу, и здравие получи молитвами блаженного и великого князя Даниила.

По сих же времени немалу прешедшу, во дни благоверного царя и великого князя Иоанна Васильевича всея России самодержца девятой степени, сего великого князя Даниила Александровича, купец некий, житие имея во граде Коломне, и сему некогда с куплею со своею пловушу в ладиицы ко граду Москве, снимже бяше сын его юноша, семуже юноше случися тогда болезнь сильна (л. 129) толико, яко и живота отчаятися, и последнее дышущу , и егда быша пловуще против церкви идеже бяху честныя мощи блаженного великого Даниила, купец же сына своего болящего взем и принесе ко гробу святого и великого князя Даниила, и повеле служащему тоя церкви иерею пеги молебен, сам же с великою верою и со многими слезами моляшеся Богу, призывая в молитву угодника его великого князя Даниила (л. 129 об.), прося живота сыну своему, и на честный его гроб полагаше сына своего, и абие сын его яко от сна возбнув, и здравие от болезни получи, и взем сына своего исцелевша, и отыиде славя Бога, и святого великого князя Даниила, к нему же оттоле велию веру притяже и в прочая лета, в оньже день получи сын его исцеление, прихождаше ко гробу святого, молебная совершая благодарения и милостыню сотворяя.

Боговенчанный же и великий князь Иоанн Васильевич, всея России самодержец, виде небрегомо место оно Данииловское, яко забвению подлежимо, идеже бяху честныя мощи блаженного сего и великого князя Даниила, и устави по вся лета сам приходити на место то, такожде и митрополиту со освященным собором и понахиды и службы яже о нем совершати. И повеле церковь каменну (л. 130 об.) поставити, и монастырь воздвигнути, и келлии возградитии и иноков собрати, и общее житие составити, еже и бысть благодатию Христовою и молитвами святого и блаженного великого князя Даниила, его же ради, Христе Боже наш, помилуй нас, ныне и присно и во веки веков. Аминь.

В рукописной Степенной XVI – XVII в. собрания Пискарева, № 612, в конце сей главы приписано на л. 509 и об.: И еже о блаженном великом князе Данииле сказание еже во древних летописаниях явлено: сие и зде предложи, к сим же да рекутоя и прочая повести иже во днях его содеяшася.-Эти приписки есть и в печатной Степенной 1775 года.

Подобное сказание есть в Милютинских Четьи-минеях, в житиях рукописей Ундольского и Румянцевского музея.

(Л. 139 об.) Приидя из великого нова града в Володимир великий князь Александр Ярославич, и пойде во орду к Батыю, видев же его Батый, удивися (л. 140) величеству и доброте его и, почтив его, отпусти.

В лето 6771 (1263), ноембрия в 14 день преставися великий князь Александр Ярославич Невский в схиме, и положен бысть в Володимере в церкви Рождества Пресвятой Богородицы, сего сынове: Василий, Димитрий и Андрей, Даниил Московский, – и по нем начаша княжити в Российской земле братия и сынове его. В таже лета быша на Российскую землю от татар насилства и зла многа, быша же сынове великого князя (л. 140 об.) Даниила Московского: Юрий, Александр, Борис, Иоанн, Афанасий, – бысть же княжение сынов Александровых и великого князя Даниила Московского лет 40. Сей великий князь Даниил паче возлюби на Москве жительствовати, и созда град Москву паче перваго и жители насели, бе бо добродетелен и нищелюбив по премногу, и к Богу имяше веру велию, и молитвы и слезы велии, и от того времени прославися и паче Москва (л. 141) град, поживеже на Москве великий князь Даниил Александрович, лет 12¹⁹ и преставися в лето 6811 (1303) месяца марта в 4 день и положен бысть в своем Данииловском монастыре.

В списке Ундольского № 300 XVII-ХVIII в. на обороте 59 листа и 60 написано: «Лета 7160 (1652) году месяца августа в 30 день повелением государя царя и великого князя Алексея Михайловича всея России великого государя и святейшего Никона, патриарха Московского и всея России, пренесены мощи благоверного и великого князя схимонаха Даниила Александровича Московского в святую церковь, Святых отец Седми соборов, и положены в раце против правого клироса, на прославление Святой Троицы и на исцеление немощствующим, с верою приходящим к раце мощей его при игумене Иоанне, еже о Христе с братиею.» В Степенной XVIII в. Пискаревского собрания № 614 прибавлено: «гда же преставися великий князь Даниил, тогда сын его князь Юрий, или Георгий в Переяславли державсгвуя, его же Переяславстии людие не отпустиша на погребение отца его, великого князя Даниила, но точию прочая братия в то время быша и великий плач о нем сотворили, яко разлучистася своего рождшего отца и первого преименитому граду Москве самодержателя и всей Российской земли правителя и праведного о всем рассмотрителя»

(л. 134 об.)

В одной рукописи Библиотеки Ундольского ХѴ40;II-ХVIII в. № 300 помещена служба св. благоверному князю Даниилу, составленная иноком Сергием честной обители Пресвятой Троицы Данилова монастыря Переяславль-Залесского и Симеоном Романовичем Ольферьевым по благословению патриарха Иова.

Но эта служба составлена позднее, после 1652 года, при царях Иоанне и Петре Алексеевичах и Патриархе Иоакиме. При Иове патриархе ни мощи св. Даниила Переяславского, ни св. благоверного князя Даниила Московского не были открыты и прославлены как чудотворные, которым бы отправляли службу по особо составленной книжице. Св. Даниил Переяславский был погребен вне собора, но, по увеличившимся чудесам от сего угодника, мощи его перенесены при архимандрите Тихоне, с испрошенного им дозволения у патриарха Никона в 1652 году, внутрь храма. В этом же году открыты и мощи св. благоверного великого князя Даниила Александровича Московского.

По всей вероятности в это время и составлена служба тому и другому Даниилу одними и теми же сочинителями Переялавской обители. Текст службы конца 17 столетия, когда Богослужебные книги уже были исправлены. В службе часто упоминается «благоверных царей наших» (т е. Иоанна и Петра Алексеевичей), а не одного царя. Ирмосы приведены по новоисправленному Ирмологию, в Богородичной стихире: О тебе радуется… вместо древнего «обрадованная» написано «благодатная», хотя слово «обрадованная» в некоторых тропарях канона и осталось неисправленным, как оно есть и теперь в некоторых церковных стихирах, напр. в Подобне на Покров Богородицы. В некоторых стихирах упоминается о св. князе Данииле как новом чудотворце. Мощи же его прославлены не в конце XVI столетия, а в 1652 году. Теперяшняя же служба и житие²⁰ св. Даниила составлены митрополитом Платоном в 1791 г., тогда же и напечатаны. Ныне же она только перепечатывается с первого издания 1791 года; а св. Даниилу Переяславскому напечатана в 1775 году, вернее предположить, что она составлена теми же авторами только после 1652, в царствование царей Иоанна и Петра Алексеевичей при патриархе Иоакиме (1682–89). Когда найдется еще хоть один экз. этой службы до открытия мощей 1652 года, тогда можно согласиться, что эти авторы жили при патриархе Иове и тогда составили службу по причинам, нам неизвестным. Летописцы о сем умалчивают. В списке Ундольского, где написана служба и житие св. благов. великого князя Даниила, на обороте 59 и л. 60, к переписанной надписи 1652 г. прибавлены сии слова, как очевидца: пренесены мощи благоверного и великого князя схимонаха Даниила Александровича во святую церковь Святых отец Седми соборов и положены в раце против правого клироса, на прославленье Святой Троицы, и на исцеление немощствующих, с верою приходящим к раце мощей его, при игумене Иоанне... В высеченной теперешней, мною выше приведенной надписи, слов «во святую... к раце мощей его» нет.

Месяца марта в 4 день преставление святого благоверного великого князя Даниила Александровича, Московского чудотворца²¹ .

На великой вечерне:

Стихиры на «Господи воззвах» на 8 гл. 7-ой

Подобен: «Все упование»

Дню страшному и неизреченному Христову пришествию ты, благоверный княже Данииле, всегда в животе своем готов был еси чистотою и любовию, многотрудным терпением, и преставися во иночестве с миром к вечным обителям. И предстоиши пред Богом во веки со ангелы и со святыми Богу угодившими, его же со дерзновением моли о душах наших.

Был еси на земле добротою и чистотою яко свет, и по смерти явился еси нам. И излиял еси на нас своими чудесы многое милосердие. Тобою, благоверный и преподобный княже Данииле, прокаженнии очищаются и недуги отгоняются, и от различных болезней исцеляются, но молися Христу Богу о чтущих святую память твою.

Кто не почудится, или кто не похвалится, слышав великую славу во всех странах преславную, Богом спасаемаго града Москвы, величающася и высящася паче всех градов, имея в себе богатство неоскудеваемо, сокровище негиблемое, новаго чудотворца, благочестиваго князя Даниила, к нему же молящеся и верно вопием, Христови молися спасти и просветити души наша.

И ныне:

Стихиры. Глас тойже. Подобен. Тридневен.

Приидите, христоноснии люди, видим чудо всякаго разума превосходяща, и благочестно вопиюще благовернаго князя Даниила восхвалим и честным его мощем покланяющеся и молящеся спасти и просветити души наша. (Дважды). Яко солнце незаходимоф на земли лучи простре и озарил еси верных сердца, совершающих верно память твою, всеблаженне княже Данииле, молися Христу Богу спастися душам нашим.

Благоухает честная рака святых мощей твоих, благоверный преподобный княже Данииле, всем верным исцеление душам же и телесам дарующе, тем же молим, в мире соблюсти благоверных царей наших и все православие, да вси тебе яко истиннаго заступника и молитвенника к Богу имамы, просяще тобою прияти мира и велию милость.

Слава: Глас 6-ой.

Хотяй Господь Бог наш Иисус Христос милосердие свое неизреченное показати всем человеком, благоверный княже Данииле, царствующему граду Москве, даде тебе такова князя свята и дивна делы благими в животе твоем, а по смерти твоей даде неизреченную радость обрести, от мощей твоих приемлют всегда болящие здравие, печальнии утешение, гладнии насыщение, и назии одеяние, грешнии спасение, молися Христу Богу о душах наших.

И ныне:

Богородичен: «Кто тебе не ублажит, Пресвятая Дево»

Таже стихира.

Прокимен дня.

Чтения от Премудрости Соломона. Чтение, глава 5. «Праведницы во веки живут»

конец: «во избранных его».

На литии Стихира, глас 5-ый.

Посрамил еси диавола, благоверный княже Данииле, Богоугодным своим житием, и богатство небеснаго царства в животе своем неприкосновенно наполнив, соблюл еси. Ныне молися Христу Богу нашему о спасении душ наших. О, вселюдстии народи, возопием любовию: О, благоверный и преподобный княже Данииле, непрестанно воздвигни руце к Богу и молися за царей православных, и за царство, и за их благородных чад, и за князей, и за вся Российские люди, избавити град наш, и вся страны Российские от глада и потопа, и от нашествия иноплеменник, и от междоусобныя брани, и даровати царем православным на врага победы и одоление, и церквам соединение мирно устрой и моли о душах наших.

Благочестивый княже Данииле, явися граду своему Москве и обители заступник крепок и столп непревратен, благочестия степень непоколебимый, и царем православным на врага пособник, и всем родом Российским забрало нерушимо. Сей убо дивный наш врач и спаситель небеснаго врачевства лечбы предлагает и действием Святаго Духа его же приемлет весь род и возраст. Но молися Христу Богу нашему о чтущих святую память твою.

Слава: Глас 8-ой

Приидите, царие, и святители, и князи, и все люди собори христианстии, притецем к раце многочудесных мощей благовернаго князя Даниила Московскаго чудотворца, зря от него всегда многим болящим скорое исцеление, печальным и бедным и сирым заступление и утешение, благоверный княже Данииле, моли Христа Бога о душах наших.

И ныне:

Богородичен: «Безневестная Дево»

На стиховне Стихиры, глас 1-ый

Подобен: "Небесным чином»

Яко великое солнце явися вселенней блаженный княже Данииле, чудесы просвещаеши весь мир, вси убо сошедшеся Христа воспоим, спасающаго нас от бед молитвами твоими.

Стихира: «Честна пред Господем смерть преподобных его»

Светом сияеши Божественныя благодати, пресветлый твой праздник радостен всем, его же радующеся искренно вси восхвалим.

Стихира: «Что воздам Господеви о всех»

Приидите, Московстии народи, в честную обитель, велицыи и малии, восхвалим иже вас прежде княжившаго теплаго предстателя, новаго чудотворца блаженнаго князя Даниила.

Слава:

Глас тойже. Самогласен

Радуйся и веселися о Господе царствующий град Москва и светло торжествуй, и ликуй Христова церкви со священноиноки, и иноцы, в нейже лежит честное сокровище святыя мощи преславнаго новаго чудотворца блаженнаго князя Даниила, чудеса бо точаща всем приходящим с верою, приидите вернии, тецыте собравшеся, и ликующе радуйтеся и веселитеся сице глаголюще: радуйся, преславный новый чудотворец, блаженне княже Данииле, граду нашему и обители оутвержение и нам верным спасение. И ныне в памяти своей испроси у Христа даровати душам нашим велию милость.

И ныне:.

Богородичен: «Се исполнися»

Тропарь, 4-ый глас: Явися яко звезда пресветлая, благоверный и преподобный княже Данииле, в Богопоручфнном твоем граде Москве в жизни временней и просветися воздержанием и всенощным стоянием, и постом, и молитвою, и слезами ко Всемилостивому Спасу за град свой Москву и за вся страны Российския земли, и по преставлении твоем, честныя твоя мощи источают исцеления неоскудно приходящим с верою, темже вопием ти, моли Христа Бога спастися душам нашим.

Слава, и ныне:

Богородичен: «Еже от века утаенное»

На 1 каф. сед. Глас 4-ый

Достигл еси Христа Бога нашего, благоверный княже Данииле, в житии сем суетнем узким и прискорбным и трудолюбным путем небесное царство во оном нфизреченном и бесконечном веце, но молися Христу Богу о душах наших. (Дважды).

Слава, и ныне:

Богородичен: Стена непобедимая нам христианом еси, Богородице Дево, к Тебе бо прибегающе невредими пребываем и паки согрещающе имамы Тя молитвенницу, тем благодаряще вопием Ти: радуйся, Благодатная, Господь с тобою.

На 2 каф. сед. Глас 5-ый

Оуже при дверех день страшный и суд Господень грозный, помози нам, благоверный и преподобный княже Данииле, наставь нас на пут правый и не лиши нас на страшном суде деснаго стояния, молися о душах наших. (Дважды).

Слава, и ныне:

Богородичен: От Девы восиявый всему миру, Христе Боже, и Сыне Света Тою показавый, помилуй нас. Таже по многомилостивом величаем тя, святый благоверный княже Данииле, и чтем святую память твою, ты бо молиши за нас Христа Бога нашего.

Псалом избранный: «Терпя потерпех Господа»

Полиелей.

Седален, глас 8-ой

Духовно торжествуем священноиноцы, в памяти великаго и чуднаго благовернаго князя Даниила, ангели на небесех радостно ликуют, но молися Христу Богу о душах наших. (Дважды).

Слава, и ныне:

Богородичен: О тебе радуется, Благодатная, всякая тварь, ангельский собор и человеческий род, Освященный храме, и Раю словесный, Девственная похвало, из Нея же Бог воплотися и младенец бысть, прежде век сый Бог наш, ложесна бо Твоя престол сотвори, и чрево Твое пространнее небес содела. О Тебе радуется, Благодатная, всякая тварь, слава Тебе.

Таже Степенна 4 гласа, 1 Антифон

Таже Прокимен: «Честна пред Господем смерть преподобных его»

Стихира: "Что воздам Господеви о всех»

Евангелие от Матф. зачало 11. «Рече Господь Своим учеником, вы есте свет мира...»

конец: «сей велий наречется во Царствии небеснем»

По 8-м псалме стихира глас 3-ий: Приидите вси людие, хвалу принесем блаженному князю Даниилу, вопиюще сице: Радуйся, благочестия истиннаго проповедниче и церкви Христове пресветлая звезда. Радуйся, пресветлый столпе, просвещая нас чудес светлостьми. Радуйся, царствующему граду Москве светлый светильниче. Радуйся, росны облаче, пламень погащающ страстем и орошающ верных мысли, благочестивый княже Данииле, иноческое удобрение, молитвенниче о душах наших.

Таже канон преподобному князю Даниилу, глас 3-ий.

Песнь 1

Ирмос. Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Яко скоро всем послушный, преподобный княже Данииле, призывающим святое имя твое в бедах и скорбех, и в болезнех различных, всем просящим подаеши скорое здравие и радостное оутешение, благоверных и христолюбивых царей наших милостивно посещай.

Взыде яко светолучное солнце на высоту небесную и осияющи вселенную, тако ты, благоверный княже Данииле, в Богопорученном ти граде Москве, освяти и просвети весь град и обитель свою, и вся люди, живущия в них, и вся страны Российския земли своими чудесы.

Видимых и невидимых враг всякаго наведения избави нас, молимся тфбе, благоверный княже Данииле, и от нестерпимых им бед свободи.

Богородичен: О, Всемилостивая Госпоже Богородице, к рождшемуся из Тебе о нас молися, скорби наши на радость претвори.

Ин канон, глас 1 -ый

Песнь 1

Ирмос. Твоя победительная десница, боголепно в крепости прославися, Та бо бессмертне яко всемогущая, противныя сотре, израильтяном путь глубины новосоделавшая.

Благочестиваго и венценоснаго князя Даниила по достоянию восхвалим, чудес подателя обильнаго, спасающаго души наша.

Престолу оубо предстоя благодати и со всеми ангелы радуяся, днесь мирови раздает богатство, темже согласно зовем ему: Спаси нас молитвами твоими, блаженне.

Слава: Песньми и пенми восхвалим блаженнаго князя Даниила, и честную его и многоцелебную раку обступающе любезно облобызающе, сице вопием: Радуйся, граду своему Москве многосветлый светилниче и твердый заступниче.

И ныне: Ума моего, Всенепорочная, омрачение, светом Твоим отжени и тмы избави мя вечнующыя, яко да пою величия Твоя.

Песнь 3

Ирмос. Несть свят якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего. –

Благоверный княже Данииле, вси людие празднуют и множество иночествующих постник покланяются тебе, видевши от Бога данныя тебе преславныя чудеса, ко всем просящим у тебе милости.

Молим тя, благоверный княже Данииле, и облобызаем честныя мощи твоя, к покаянию управи нас и не лиши нас душеспасеннаго исполнения.

Ин Ирмос. Едине ведый человеческого существа немощь и милостивно в не воображся, препояши мя с высоты силою, еже вопити Тебе, Святый одушевленный храме, неизреченной славы Твоей человеколюбче.

Светильник света явися благочестивый князь Даниил, недуг глубокую тму разрешающ всегда и зарею светлою чудес озаряющ премудрый.

Днесь веселием радуется Христова церковь в память присно блаженнаго князя Даниила и верою взываем: Ты ми, Христе, держава, прибежище и утверждение.

Слава: Яко честный бисер твои мощи, блаженне княже Данииле, всем видимы предлежат, различная исцеления неоскудно подавающе.

И ныне: Ангельские чинове и воинства небесных сил, Твоего Сына ужасаются, молим Тя, Милосердая, в страшный грозный день пришествия Его помози нам, Владычице.

Седален, глас 8-ой

Скорый в бедах утешитель, в болезнях исцелитель, во градах и во странах, и вся люди неисчетною милостию покрывая, благоверный княже Данииле, молися Христу Богу о чтущих святую память твою. (Дважды)

Слава, и ныне: Богородичен

Радуйся, яже от ангела миру радость приемши; радуйся, рождьшая Творца твари; радуйся, сподобльшаяся быти Мати Христа Бога.

Песнь 4

Ирмос. Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.

Укроти, благоверный княже Данииле, злотворных человек и из рук их исхити, гонящих и расхищаемых немилостивно.

Смири врагом вознесенную выю, велеречующих совет злый на нас по вся дни, на тя бо несть их оупования, но уповают на свой язык велеречив и на язык человеч. Ты же, благоверный князь Данииле, от таковых злотворных бед избави нас.

Вооружися на нас лукавно враг мечтанием злым, якоже мечом погубити хотя. Но ты, милосердый благоверный княже Данииле, защити нас от тех злых, и мирны их сотвори.

Богородичен: Кто изочтет силы Твоя, Чистая, но пощади нас, выйми из глубины греховныя, и настави на благое покаяние безвратно.

Ин Ирмос. Гору Тя, благодатию Божиею приосененную, прозорливыма Аввакум усмотрив очима, из Тебе изыти Израилеву провозглашаше Святому, во спасение наше и обновление.

Зарею трисолнечныя благодати сияя, светлый твой праздник, блаженне княже Данииле, страстнаго омрачения бесовскаго избавляя, творящих верою память твою.

Простре ум к единому Владыце, блаженне. И во иночестем образе поработав ему, и венец нетления от него приим, сияющи светлыми светлостми и богатыми даровании, идеже первородных жилище.

Слава: Источил еси реки чудеса, благоверный княже Данииле, верных сердца, и мутныя воды неверия иссушил еси.

И ныне: Владычице миру, Богородице, помози нам, прелукавый бо враг поглотает нас зелне лютыми воспоминании и помышлении, иже от Бога нас разлучают, не остави убо нас ниже презри.

Песнь 5

Ирмос. Божиим светом Твоим Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

Ускори, благоверный и преподобный княже Данииле, отняти нас от зла немилостивых человек, пленяющих и расхищающих безвозвратно, и печаль нашу радованми раствори.

Покажи скорое заступление, благоверный княже Данииле, просящим у тебе милости, яко да узрят врази сопротив их борющую твою силу по нас и постыдятся.

Благоверный княже Данииле, буди нам стена твердая, буди нам заступник непрестанный, буди нам яко отец чадолюбив, буди нам прибежище и утверждение.

Богородичен: Богородице, благая Помощнице, из Тебя бо нам воссиял свет праведный, тем же Тя, Царицу и Владычицу всех, Матерь Зиждителя проповедуем.

Ин Ирмос. Твой мир даждь нам, Сыне Божий, иного бо разве Тебе Бога не знаем, имя Твое именуем яко Бог живых и мертвых еси.

Явися яко звезда светлая непрелестная, блаженне княже Данииле, царем благоверным поборник, пленным свободитель и нищим защититель, болящим врач, и граду нашему и всей земли Российской.

Яко великое богатство щедрот, блаженне княже Данииле, явися славному граду Москве бесчисленное пролитие милости твоей, ты бо просящим верою сущие цельбы подаваеши и тех просвещаеши своим милосердием, блаженне.

Слава: Пресветлый светильник сияя во всем мире, блаженный князь Даниил, и во мраце страстне озаряя всех, и в Российстей земли чудотворец явися преславен, яко имый благодать исцелением и просящим подавая цельбу, блаженне.

И ныне: Светообразен Христов храм, Отроковице, молитвами Отцу и Сыну и Святому Духу, и нас храмы сотвори, праведные соделающе, Пречистая.

Песнь 6

Ирмос. Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Царствующий свой град Москву и страны Российския земли благомилосердо пощади и милостивно утверди, и мир, и любовь, и здравие обильно во всем, во всех домех сотвори, и всегда радостно нас посещай.

Един аз грешный ныне в лености предлежу и ум мой во грехи глубокия впад, но ты, благоверный княже Данииле, настави мя на стезю правую и не остави мя погибающаго.

Процвел еси яко цвет райский посреди Российския земли, угодниче Божий, благоверный княже Данииле, жив к Богу своими труды, постом и молитвою, и нищелюбием и иночеством, и нощным стоянием, а по смерти болящим различными недуги здравие, печальным и бедным заступление, и радость всем подаеши беспрестанно.

Богородичен: На небеси архангелы и ангелы, Херувимы и Серафимы славят, а на земли все людие раболепно покланяются Рождеству Твоему, и молим Тя, Владычице, спасти души наши.

Ин Ирмос. Обыде нас последняя бездна, несть избавляяй, вменихомся яко овцы заколения, спаси люди Твоя, Боже наш, Ты бо крепость немощствующих и исправление.

От пречестнаго корене израсте ветвь преславная, благочестивый княже Данииле, благочестно на земли пожив и приятелище чисто Святому Духу был еси, просвещая поющих память твою.

Сохрани град свой Москву, и вся страны Российския земли, благочестивый княже Данииле, от безбожных иноверных находа, и от междоусобныя рати и всякого страха и муки избави.

Слава: Сиротам и вдовицам заступник, и в бедах необоримый помощник, и всем притекающим к тебе в обитель твою пристанище необоримое, и нелестное отишие сущим во гресех.

И ныне: Величие Тебе, Чистая, сотвори Господь Бог наш, его же моли присно возвеличити и в нас богатую Его милость, Пренепорочная Владычице.

¹ и

Кондак, глас 8-ой

Красоту мира сего, княжение и славу яко временно, помышляя, и сего ради благочестно в мире пожил еси, блаженне княже Данииле, милостию и молитвами, и иночеством Богу угодив, и по преставлении своем чудес дар приим от Христа Бога и светильник явися пресветлый, просвещая своими чудесы, приходящим с верою подаеши скорое здравие, и от бед избавляеши. Тем же Христови церкви песньми славит тя, благочестивый княже Данииле, царствующему твоему граду Москве великое утверждение.

Икос

Господи Господи, отверзи ми устне, уясни язык мой и умили сердце мое, и наполни духа смиренномудрия, да возглаголю и воспою твоего угодника, новаго чудотворца, благовернаго князя Даниила. Радуйся, благочестиваго корене пречистая отрасль; радуйся, матери благовейныя ветвь прекрасна и преславна. Радуйся, честный сосуд Святому Духу; радуйся, на небеси со ангелы живеши. Радуйся, целомудрия столпе, имже бесовские шатания искоренишася; радуйся, светильниче многосветлый, чудес сиянии вселенную просвещаеши. Радуйся, праведным божественное наслаждение; радуйся, грешным спасение и ленящимся к Богу дерзновение. Радуйся, царствующий град свой Москву и живущия в нем люди спасаеши от бед и злых скорбей; радуйся, крестоносным царем нашим и князем похвала и утверждение. Радуйся, пречестной обители своей красото; радуйся, земли Российской заступник и забрало нерушимо. Радуйся, граду своему Москве великий поборниче.

Песнь 7

Ирмос. Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже Отец наших.

Молим тя, благоверный княже Данииле, виждь нашу нестерпимую печаль и болезни, и скорби, и страсти, но умилосердися и от всех бед свободи поющих: благословен Бог, Отец наших.

Показася граду Москве, яко светило негасимое, благоверный княже Данииле, добродетельми своими просветил еси всех нас, и трудолюбным житием на земле пожил и сего ради вселися в обитель Небеснаго царствия, вопия: благословен Бог, Отец наших.

Радуйся, просветивший своими чудесы вотчину свою град Москву и страны Российския земли; радуйся, победивый диавола, и посрамивый житие нынешняго света и обретый неизреченную благодать от Бога в бесконечном в оном веце, со ангелы и со святыми вопия: благословен Бог, Отец наших.

Богородичен. Надежда всем, Госпоже Богородице, разгони, Владычице, врагов души моея и направи на стезю праву. Пощади, Помощница и Надежда христианская, Сыну своему зовущи: благословен, Боже, Отец наших.

Ин ирмос. Тебе, умную Богородицу, пещь рассмотряем вернии, якоже бо отроки спасе три превозносимый, мир обнови во чреве Твоем всецеле хвальный Отцев Бог, и препрославлен.

Во всех странах проиде вещание, яко граду Москве явися чудотворец преславен, дарующи множество исцелений всем приходящим к нему и верою поющим: Господеви, Отцем Бог, благословен еси.

Чудесы убо своими, яко цвет процвел фси, блаженне, исцеления подаваеши притекающим к тебе, богомудре и досточудне княже Данииле, и Богови зовущим: Отцем Бог, благословен еси.

Слава: Се ныне стекошася от всех стран, цари и князи, священницы и иноцы, и вельможи, богатии и убозии, вси радующеся вкупе, хвалу воздати тебе, богоблаженне княже Данииле, зовущи: Господеви, Отцем Бог, благословен еси.

И ныне: Святейшая святых всех сил, Честнейшая всей твари, Богородице Владычице мира, спаси ны, Спаса рождьшая, от прегрешений тморичных²² и бед яко Благая, молитвами Твоими.

Песнь 8

Ирмос. Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети, Тя превозносим во вся веки.

Радостный наш великий светлый праздник днесь воссиял в Богоспасаемом граде Москве и обители в день праздника Пресвятыя Богородицы, обретошася и проявишася чудесная явления от многочудесных мощей твоих отроку княжеску о забвении честнаго телесе твоего, его же ради превозносим Господа во веки.

День Господень всегда пред очима зря и всегда во уме своем держа, кто в нынешнем житии не узрит смерти, и богоугодно и смиренномудренно пожив, и с миром к Богу отыде: его же превозносим, Господа, во веки.

В день вшествия твоего на небеса к Господу Богу, благоверный княжф Данииле, архангелы и ангели, Херувимы и Серафимы, и вся святыя, от века Бoгy угодившыя, неизреченною радостию тебе сретоша, и мы грешнии просим у тебя милости: избави нас от всех скорбей и не лиши нас душфспасеннаго исполнения.

Богородичен. О, Владычице, немолчно Тебе, Матерь Божию, поют велегласно архангели и ангели, и вси роди человечестии покланяются, и дай, Дево, избыти Тобою тленное существо: радуйся, обрадованная, Господь с Тобою, его же превозносим, Господа, во веки.

Ин Ирмос. Его же ужасаются ангели и вся воинства яко Творца и Господа. Пойте, священницы; прославите, отроцы; благословите, людие, и превозносите во вся веки.

Струи происходят от раки твоей, блаженне княже Данииле, исцелений всяких и омывают скверну страстей и гноений лютых, очищают всех верных, на память сердца любовию чтущих тя, преславне, и вопиющих: Господа пойте и превозносите Его во веки.

Хвалами достойными воспоем преславнаго чудотворца. Ум и смысл даруй ми, Христе Боже, яко да пою радуяся память его, вопия: Господа пойте и превозносите Его во веки.

Слава: День (sic) спасению праздник веселия наста. Стецемся вернии, очистивше вкупе душы и телеса, се бо нас призывает князь Даниил Божественный, вопия: Господа пойте и превозносите Его во веки.

И ныне: Уврачуй, Пречистая, страсти сердца моего, рождшая всех Царя, и праведных части яви мя причастника, Богородице Дево, Христа Сына своего умолиши, глаголя: Господа пойте и превозносите Его во веки.

Песнь 9

Ирмос. Бога человеком невозможно видети, на него же не смеют чины Ангельстии взирати; Тобою же, Всечистая, явися человеком Слово воплощенно, егоже величающе с небесными вои Тя ублажаем.

Сохрани от бед, благоверный и преподобный княже Данииле, приносящаго ти сию малую мольбу, и от потопа страстей и всякого навета злотворных человек.

Просветился еси, благоверный княже Данииле, яко солнце, своими чудесы, дающи всем исцеления благим и грешным невозвратно.

Дерзнух многогрешный аз и недостойный сие написание написати тебе, благоверный княже Данииле, приими с милостю и покрый мя неистощимыми своими щедротами.

Богородичен. Безначальнаго родителя собезначальну Сыну Мати всекрасная и избранная Пречистая Отроковица Мария, поющих Тя возвесели, и малое сие моление Сыну своему и Богу нашему проповеждь и от всяких бед свободи и нф лиши мене зрения Сына Твоего и Бога нашего на страшном суде стати одесную сторону, и нф отверзи мене от престола Его Божия.

Ин ирмос. Образ чистаго Рождества Твоего огнепалимая купина показа неопальная, и ныне на нас напастей свирепеющую, угасити молимся пещь, да Тя, Богородице, непрестанно величаем.

Явися велик щит и великая крепост земли Российской, блаженный князь Даниил, царям православным и князьям похваление во всех языцех, ныне молим тя сохранити державу Российскую от варварского нахождения и от пленения иноплеменных и от междоусобной брани, и от всякаго зла.

Красен душою и телом, и благочестием сияя, славне блаженне княже Данииле, божественнаго исполнен разума и премудрости, орган Святаго Духа был еси; по смерти к бессмертней жизни и некончаемому блаженству пришел еси, радуяся.

Слава: Московстии народи, приидите соберитеся все в пречестную обитель ко многоцелебной раце святых мощей преславнаго новаго чудотворца благовернаго князя Даниила, со слезами велегласно воззовите: О, угодниче Божий, преподобне княже Данииле, избави грады, обитель и люди своя, не дайже достояния твоего роду Измаильтескому, и от междоусобной брани и от всякого зла сохрани, да должно воспоем милость твою, святый.

И ныне: Неизреченно таинство, та бо престол херувимский и светоносный чертог показася Вседержителя Христа Бога, и возопием к Ней умиленным гласом: о, Пресвятая Госпоже Богородице, от всяких бед и скорбей нас сохрани и вечныя избави муки, юже благочестно яко Богородицу величаем.

Светилен

Подобен: "Посетил ны еси»

Вселися в сердце твое, благоверный княже Данииле, корень благ и расплоди в тебе неоскудные к Богу многоподвижныя труды и доброту ко всем человеком, моли о душах наших.

Другий: Радуйся, Богом избранный благочестивый княже Данииле, царем православным и князем похвала, и воином соблюдение, и варваром побеждение, и в бедах необоримый помощник, и граду Москве утверждение.

Слава, и ныне:

Прославим Матерь Бora нашего, прежде бо Рождества пребысть Дева, Мати Сына Божия и по Рождестве паки Дева явися. Радуйся, обрадованная, Господь с Тобою.

На хвалитех стихиры, глас 6.

Самогласен: Крепко во уме своем держа, ты, благоверный княже Данииле, Божие слово в Евангелии глаголющее: кто хощет быти старей да будет всем слуга, и по сему словеси ты житие свое совершил еси, при животе своем неуклонно к Богу труды и добродетельми ко всем человеком имел еси, но по смерти во царствии небеснем со ангелы ликуеши, и молися Христу Богу о душах наших.

Радуйся, благоверный княже Данииле, яко солнце сияеши своими чудесы во всей России. Радуйся, яко цвет прекрасный, процвел еси в царствующем граде Москве своими щедроты, молися Христу Богу о душах наших.

Богатство неизреченное обрел еси царствующий град Москва, воистину еси богат, таковый бо светильник в тебе воссия, благоверный князь Даниил. Заступник твердый явися граду своему, и молися Христу Богу о чтущих святую память твою.

Слава, глас 8-ой:

Приидите, Российские велицыи цари и христолюбивии князи мудрые, и вельможи, вси богатии, и нищии, и вси православнии людии, в пречестную обитель и поклонимся и припадем ко многоцелебной раце святых мощей благовернаго и преподобнаго княвя Даниила, тот нас свободит от рук неверных язык и злотворных человек. И из рук ненавистных молитвами его от них свободи мя.

И ныне:

Богородичен: «Владычица, приими молитву»

Славословие. Час 1-ый.

На Литургии: Блаж. обоих канонов. Песнь 3 и 6 , 1.

Апостол, к Коринфянам. Зачало 181.

Братие, комуждо дастся...; конец: Якоже хощет.

Аллилуиа. Евангелие от Луки, зачало 24.

«Во время оно ста Иисус на месте равне...»; конец: «себо мзда ваша многа на небеси».

Причастен: В памят вечную будет праведник. На трапезе братии утешение велие.

(Л. 42 об.) Стихиры и каноны благоверному и великому князю Даниилу сотворены.

По благословению святейшего Иова, патриарха Московского и всея России (л. 43), тщанием и трудами Симеона Романовича Олферьева да инока Сергия, честной обители Пресвятой Троицы Даниилова монастыря Переяславля Залесского.