От иного послания о повинных1
Богом Вседержителем, нареченому из чрева Матере Своея, Единочадым Его Сыном, Господом нашим Исусом Христом, почтеному господскым и царскым саном, и Пресвятым и Благим и Животворящим Духом. Его зблюдаему и усиляему на предспение2 господскых же и царскых разум3 и державы, благочестивому, христолюбивому, великому князю.4. Благодать Господа нашего Исуса Христа, любы Бога и Отца, причастие Святаго Духа да будеть с тобою, по благочестию. Аз же. Д``......5 епископ: ......6; се же по судбам Божиим, аще недостоин, твоего же рáди еже к Богу потщания велия, и еже к Нему веры теплыя, и до нас худых простретья любве, еже хотениа молитвы, рекше7 Спасу нашему Христу: «приемляй пророка во имя пророче, мзду8 пророчю приемлеть; приемляй праведника в имя праведниче, мьзду праведничю приемлеть» (Матф. 10, 41); еже «понеже створисте единому от менших сих братии Моей, и Мне створисте» (Матф. 25, 40)9. Се же есть твоеа благочестивыа душа и божественыя душа и божественыя разум10, еже в всех и от всех искати ползы своему спасению иже11 и здравию; се же есть дар Божий, еже есть таков разум имети в сердци своем. Поисти(не) бо12 и достойно, еже о сицевых пещися, по Спасову слову: «емуже дасться много, и много въстяжется от него" (Лук. 12, 48); сего ради требе и много смотрение твоему благочестию, да и многих управиши к Богови в своем царстве; понеже сын Божий наречеся по благодати и образ Божий носиши. Да и подасть ти, еже прият., да и зблюдеши13, в твоем бо есть разуме, поминаяй, еже честнаго прадеда ти Володимира равна апостолам, подщание (потщание) еже к Богу, еже от злых на благое уклонение, и како тмы тмами, и14 приведоша к Богови святым просвещением, из самех уст адовех исхитивши; такоже и благочестиваго и приснопамятнаго святаго деда твоего15, како славится о нем, еже о христоименитых людей попечение многое; такоже и христолюбиваго великаго князя, отца твоего16, кротость же и милость, и безлобие многое, и богобоязньство, и правда, якоже пророк17 рече о Давыде: «избрах Давыда, ...мужа кротка, по сердцю Моему» (Деян. 13, 22; сн. 1Цар. 13, 14; Псал. 77:70, 88:21, 131:1); се бо поистине раб Божий беяше в всем. Да оного поминая, еже от злобы на добро совращение, и потщание апостольскаго упрáвления, сего же еже о людех попечение много, святаго же ти отца еже добродетелное исправление: да семи всими потшався исправлении и приимше от Бога приношение твое въскоре, и безмятежно и долголетно поживеши в нынешнем царствии, и будущаго и неизреченнаго и бесконечнаго Царства съобещник с Богом будеши, иже18 есть выше ума и смысла человеча. О сем молимся Богови, аще и недостойне есмы. Молю же о сем твое державное царство, да и милостив будеши съгрешающим к тобе, исполняа Спасово слово, еже рече: "аще оставите человеком съгрешения их, и Отець вашь Небесный оставить вам съгрешения ваша» (Матф. 6, 14), да бы еси милость свою явил на съгрешившем к Богу и тобе, на имя рек19, рекшу Господу: «70 (крат) седмерицею пращайте их» (Матф. 18, 22) 20, «оставляйте брату съгрешения его» (Мк. 11, 25; Лук. 17, 3; Ефес. 4, 32; Кол. 3, 13); да якоже в многих, такоже и о сем явится человеколюбие твое, да «будеши съврьшен, – Спасу рекшу, – якоже (Отец) ваш Небесный свершен есть» (Матф. 5, 48)21. Бог милостию Своею, и молитвами Святыа Богородица, съблюдеть тебе в царствии твоем. от всякого зла, и на противныя победы даруеть, в будущем веци жизнь вечную, благодатию и человеколюбием Единороднаго Сына Своего22 в векы. Аминь.
* * *
Надписание в рукоп. указывающее на предмет послания.
Чит. «предспеяние» – преуспеяние.
Чит. «разума».
Димитрию Иоанновичу.
Т. е. «Дионисий». Значок над буквою Д., по утреблению его в ркп., заменяет букву и.
Пропуск, в подлиннике, нескольких слов, вероятно следующих: «Суждальскый, поставлен есмь всесвятым патриархом вселенским в архиепископа» (сн. Акт. ист. т. I. № 5).
Чит. «рекшу», как далее.
Чит. «мьзду», как далее.
Замечательно здесь местоимение «еже» пред текстом: в настоящем послании оно употреблено неоднократно в качестве греческаго члена τὸ, см. напр. выше: «еже к Богу потщания», «еже к нему веры», «еже хотениа молитвы» и ниже «еже в всех и от всех искати ползы», «еже о сицевых пещися», «еже честнаго прадеда ти... потщание», «еже от злых на благое уклонение, а еже о христоименитых людей попечение», «еже от злобы на добро совращение», «еже о людех попечение», «еже добродетелное исправление».
Так в ркп. (испорченное место).
Вм. «иже» част. еже».
«Поисти бо» – поправлено в подл.; было написано. «но истинно» или «воистинно»; должно быть: «поистине бо» (как далее).
Да соблюдеши, еже приял еси.
«И» – лишнее.
«Святаго деда твоего» – Иоанна I Данииловича († 1340) Калиты, прозваннаго так потому, что он всегда носил с собою мешок или калиту, наполненную деньгами для бедных. Карамз. Ист. гос. росс. т. IV. изд. 5. Спб. 1842. стр. 148: тамже, о его достоинствах. Слово «святаго» ничего на доказывает: в этом же послании, далее, и отец Димитрия Иоановича назван «святым»; оно значит просто – покойнаго, отшедшаго к вечной жизни; см. Акт. ист. т. 1. № 2. Доп. к Акт. ист. т. I. № 4. С. Соловьев. Ист. России. т. I. прим. 96.
«Великаго князя, отца твоего» – Иоанна II Иоанновича († 1359) Кроткаго. Карамз. Ист. гос. росс. т. IV. изд. 5. стр. 179.
Бог чрез пророка (Самуила).
Чит. "еже».
В первоначальном, подлинном, спйске вероятно было «на мне грешнем».
Вм. «их», кажется, должно быть «и» («седмьдесять крат седмерицею пращайте и оставляйте» и проч.)
Слова «Отец» в ркп. недостает.
В ркп. ошибочно написано: «твоего».